Synfocity = 748

Synod Information & Publicity Department, Synod Office , Annexe Building, Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 August 29, 2019

1 Ramthar Ni
Aug. 31, 2019 (Inrinni) hi Presbyterian Kohhran chuan Ramthar Ni atan hman niin Mizorama Presbyte-
rian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a
nih vangin Mizoram Presbyterian Kohhran tan Ni pawimawh bik a ni. Kum 1972 Mizoram Synod
Inkhawmpui chuan, Synod Ramthar Board-in, 'August 31, Pu Zosaphluia Mizorama a lo thlen ni hi
Synod Ramthar Ni atan hman ni se', tia a rawtna chu pawmin kum 1973 a\ang khan August 31 chu
Ramthar Ni atan hman \an a lo ni ta a ni.
Mizoram Presbyterian Kohhran chuan kumin Ramthar Ni pual hian \um khat inkhawm atan programme
a siam a, thupui inang tlang 'Krista hmangaihna chuan min tir lui a ni' tih zirho a ni ang.
Ramthar Ni pual hian Synod Mission Board-a thawktute leh Board member te Ramthar Campaign neiin
hetiang hian an kal ang.
1. Model Veng Kohhran - Rev. C. Zorammawia, Secretary, SMB.
2. Kepran Kohhran - Upa Lalbiakenga Fanai, Coordinator leh Pu JK Lalengzauva
3. Thentlang Kohhran - Pu Lalbiaknunga leh Nl. Biakngaihawmi
4. Nisapui Kohhran - Pu. T. Lalchhuangliana leh Pu Lalvenkima Ralte
5. Zawngin Kohhran - Upa H. Thangmawizuala
1 Beihrual 2019
Pathian kaihhruainain Kohhranhoten Kumin 2019 Beihrual thla kan lo thleng leh dawn ta a, Beihrual
programme hi Sept. 1, 2019 a\angin hman \an a ni ang a. Sept. 2 - 8 chhung hian 'Ramthar Hapta'
hman a ni ang a, Sept. 23 - 28 chhung hian 'Kristian Chhungkaw Hapta' hman a ni ang a. Sept. 29-ah
'Nu leh Pa Ni leh Kristian Chhungkaw Ni' hman a ni bawk ang.
Beihrual hi kum 1918 June thla a\anga hman \an a ni a, kum 1925 a\angin September thlaah neih \hin a
ni ta a, kum 1947 a\angin Nilai Zan Thupui Bu leh Beihrual Thupui hi bu khata siam \an a ni. Kumin hi
Beihrual kan hman Kum 101 na a ni.
1 Residential Choir Conductors' Training
Aug. 28 - 30, 2019 chhung hian Synod Conference Centre-ah Synod Worship committee chuan a duh
apiang tan Residential Choir Conductors' Training vawi 24-na a buatsaih a, mi 68 an tel thei a ni.
Training chhung hian chhun leh zanah class neih \hin a ni a, Synod Music School instructor 5 ten
subject hrang hrang - Technical, Conducting, Vocal, Chord, Harmonization leh Khuangvuak chungchang
te training an pe a ni.
Aug. 30, 2019 zanah training kharna inkhawm neih a ni ang a, kharna inkhawm hi Upa C. Vanlalvuana,
Worship BEC Member in a kaihruai ang a, Upa H. Lalhmingmawia, Worship Dept Coordinator-in
report pein Rev. K. Lalrinmawia, Executive Secretary-in certificate semin thuchah a sawi ang.
1 Education
Pu P.C. Vanlalhruaia Supervisor of Schools (PES) chu Aug. 20-24, 2019 chhung khan PES hawn
phalna dil thar 5-te enfiah leh SEC phalna nei tawh PES 9-te a tlawhin a kal. PES hawn phalna dil mek
tun \uma a tlawh te chu Sazep, Melbuk, Neihdawn, Tualpui leh Rabung-te an ni a. Heng khuaa Kohhran
hruaitute nen hian inkawmhona hun \ha tak neiin PES neih a hautak dan te, fimkhur taka ngaihtuah a \ul
dan te sawi a ni a. Tin, Kohhran leh khawtlangin an mamawh dan leh khawtlang mipui inthurual a \ul
dan te sawiho a ni. Heng PES hawn phalna Synod-a dil mek te zingah hian Sazep tih loh chuan kumin
hian PES din-in an kalpui mek hlawm a ni. Sazep Kohhran pawhin PES Building tur an sa tawh bawk.
Hemi rual hian PES hrang hrang Khawbung, Leithum, Vangchhia, Kelkang, Ngopa, N.E. Khawdungsei,
Khawkawn, Chiahpui leh Hliappui -te a tlawh nghalin Bialtu Pastor-te, a enkawltu Management Board
member-te, leh PES Principal leh Staff-te nen inkawmhona hun \ha tak an nei a.
Kohhran leh PES Staff-te thawhhona a \hain an inpekna a sang hle. Khaw hrang hrangah PES-ten hma
an sawn zel a, Kohhran leh khawtlangin theih tawp chhuahin an enkawl hlawm niin a lang.
Contd,..
 Synod Information & Publicity Department, Synod Office, Annexe Building, Mission Veng, Aizawl

1 MSSU
Aug. 22 & 23, 2019 khan Zotlang Kohhranah Naupang Sunday School zirtirtute pualin training neih a
ni a, MSSU Asst. Coordinator Upa Lal\hahluna Ralte leh Trainer Upa Hrilthansanga te an kal.
1 Synod Mission Board leh ram pawn chet velna chanchin tlangpui
w Odisha Mission Field
Aug. 25, 2019 khan Ulikguda Biak In chu Field Secretary-in hawngin Pathian hnenah a hlan a, he Biak
In hi helai chheh vela Biak In hmasa ber a ni. Ulikguda fellowship hian inkhawmna atana an hman \hin,
bang pawh nei lova mi in a chung chauh zârzawma an hman \hin chu hman zui a rem tâk loh avangin
inkhawmna tur an vai ta a. Chutih lai chuan Pu Bonis-a, kum 2007 vela ringtute tihduhdah laia helai
chhehvela a tiduhdahtu pawl hotu zing ami chuan "Ka thlâmah hian inkhawm mai rawh u" a ti ta a. Hun
kal zelin chu a thlâm chu chhungkhungin Biak In chu sak alo ni ta a ni. He Biak In hawnnaah hian Bialtu
Pastor Rev. Laishram Raju Singh chuan baptisma leh Lalpa Zanriah Sakramen a buatsaih bawk a.
Puitling 9 leh naupang 5, mi 14 in Lal Isua zui turin an inpe a; an zîngah hian Biak In hmun petute
chhungkua pawh an tel ta nghe nghe a ni.
w Karbi Anglong Mission Field
Karbi Anglong Mission Field chhung Dongkamukam Bial-a Karbi Synod-in Pro. Pastor atana a dah
Bidios Amsi chu a thawhna Bial chhunga Bialtu Pastor leh Missionary 14 ten pawisa thawhkhawmin,
rawngbawlna atana a mamawh em em Bike \ha tak mai Rs. 40,000/- deuh thaw man an leisak a. Bialtu
Pastor leh Missionary te an fakawmin an tilawmawm tak zet a ni.
w Assam Mission Field
Aug. 24, 2019 khan Satribari kohhran, Guwahati chuan Marigaon leh Buragaon khuaa tuilian tuar
chhungkaw 100 hnenah \anpuina, buhfai, dal, a\\a leh thil hrang hrang an pe. Kohhran Committee-in he
thu hi relin kohhran sum awmsa a\angin Rs. 20,000/- an pek chhuah bakah Aug. 18 Pathianni thawhlawm
chu hemi pual hian an khawn a, Rs. 16,500/- lai an tlin a ni. |anpuina dawngtu te hi Assamese an ni a,
Kristianna an hmuh \hin dan pawh a dang ta hle tih thu kan dawng zui a ni. Aug. 25 Pathianni khan
Satribari Kohhranah Assamese ringthar pakhat chu Kohhranah lawmluh a ni.
w Jharkhand Mission Field
Kum danga lo tih \hin tawh angin Jharkhand Mission Field-a thawktute chuan Aug. 27, 2019 khan
Dumka Sadar (Civil) Hospital-a hman turin thisen unit 23 an pe a. Damdawi In lama thawktute hian
Field Office-ah kal chilhin thisen hi an la a ni.
w Arunachal & Assam Mission Field (North)
Aug. 25, 2019 khan Tarak Kohhran, Boleng Bialah puitling 1, Jonai Kohhranah naupang 1 leh Kardungsuk
khua, Fellowship pawh la awm lohnaah chhungkaw khat, puitling 2 leh 1 naupangin Lal Isua zui turin an
inpe a, an inthawina thilte pawh halral a ni bawk.
w Arunachal & Assam Mission Field (West)
Aug. 22, 2019 khan Itanagar Pastor Bial chhunga Naharlagun Kohhran Biak In Lungphum chu Rev. R.
Lalhmingthanga, Synod Moderator-in a phum a. Aug. 23 khan St. Peter High School Building thar sak
tur chu, Rev. R. Lalrinsanga, Field Secretary-in Lungphum a phum a, Field chhung hmun thum
Naharlagun Itanagar, Nafra leh Rurang Bomdila Pastor bialah te thawktu quarters sak mek a ni a,
September 2019-ah chuan luah hman tura hmalak a ni.
w Lucknow Mission Field
Aug. 18, 2019 khan Lucknow Pastor Bial, Garhi khuaa thawktu Qtrs sak thar chu Rev. C.Zorammawia,
Board Secretary-in hawnna a nei a, Board Secretary-in Pathian thuchah a sawi. Aug. 25 khan mi pahnih
in Lal Isua zui turin an inpe. Aug. 27 khan Unnao Biak In-ah camping an nei a, Ringtu leh ringlo te
pawh kalin nilenga hun hman a ni a, Pathian thusawi leh Counselling te a hun hman a ni a, mi panga (5)
in Lal Isua zui turin an inpe.
1 Synod Partnership
Aug. 28 - 31, 2019 chhung hian Synod Partnership Committee thurel bawhzui leh IMA meeting
hmangin Partnership Secretary Dr. Robert S. Halliday leh Synod Mission Board Secretary Rev. C.
Zorammawia te Hyderabad leh Delhi-ah an kal.
1 FG&CC
Aug. 30 - Sept. 1, 2019 chhung hian Kawnpui Chhimveng Kohhranah Kristian Chhungkaw Seminar leh
Campaign nei turin Director Rev. Lalsangbera a kal ang. Contd,..
 Synod Information & Publicity Department, Synod Office,
OfficeAnnexe
, AnnexeBuilding,
Building,Mission
Mission Veng, Aizawl

Synfocity =
Synod Information & Publicity Department, Synod Veng, Aizawl

1 Central K|P
w Central Kristian |halai Pawlin Kristian |halai chanchinbu kum 50 tlin lawmna puala Inter Branch
K|P Quiz a buatsaih chu zawh fel a ni ta a, a pumpuiah Melthum Branch chu pakhatna an ni.
August 23, 2019 zana Inter Branch K|P Quiz final intihsiakah Mel thum Branch chuan point hmu sang
berin pakhatna an ni a, Rs. 1,00,000/- bakah Citation leh trophy an dawng. Pahnihna hi Chawlhhmun
mail us at : mzsynfo@gmail.com; mizoramsynod@gmail.com - Phone - 2314648
Branch niin, Rs. 40,000 leh Citation leh Trophy an dawng a, pathumna hi Ramhlun Vengchung Branch
niin, Rs. 20,000 leh Citation leh Trophy an dawng. Zemabawk Branch chu palina niin, Kei\umkawn chu
pangana an ni. Inter Branch K|P Quiz-ah hian Branch 133 telin, Branch 20 ten Semi Final an lut a, heta
\anga point hmu sang Branch pangaten Final hi an lut a ni.
w Mizoram Synod Choir 2018-2020 chuan Aug. 27, 2019 zan khan music video palina 'Min rawn chhar
ta' tih chu Choir Cabin, Synod Conference Centre-ah Synod Choir Director Dr. David C. Vanlalfakawma'n
Pathian hnenah a hlan a, music video hi Central K|P YouTube channel-ah dah chhuah nghal a ni.
1 Synod Relief Fund
Tun hnaia harsatna hrang hrang nei te hnenah hetiang hian Synod Relief Fund pek a ni.
S.No Khua Pek chhan Chhungkaw zat Chhawmdawlna pek zat
1. Bawngkawn Bethel Lemin tuar 5 Rs. 26,000/-
2. Tuikual North Damlo 2 Rs. 16,000/-
3. Tlangnuam Vengthlang Damlo 2 Rs. 16,000/-
4. Zokhawthiang Damlo 1 Rs. 8,000/-
5. Zohmun Damlo 1 Rs. 8,000/-
6. Rangvamual Damlo 2 Rs. 16,000/-
7. Hunthar Damlo 1 Rs. 8,000/-
8. Chhingchhip Venghlun Damlo 1 Rs. 8,000/-
9. Chhiahtlang Hmarveng Tar chak lo 1 Rs. 8,000/-
10. H. Bualpui Damlo 1 Rs. 8,000/-
11. Vaitin Vengthar Damlo 1 Rs. 8,000/-
12. Thentlang Damlo 1 Rs. 8,000/-
13. Persang Damlo 1 Rs. 8,000/-
TOTAL Rs.1,46,000/-
1 Hruaina Eng FM Radio
w AUGUST 30, 2019 (FM Zoawi - Aizawl & Lunglei @ 7:30 p.m.):
Solo : Debbie Lalnunhlui - Kraws Kalkawng, Sermon : Rev. Lalzuithanga - Khawiah nge i awm?,
Group Zai : Kulikawn Female Voice - Chhandamtu, Kohhran Rawngbawlna hrang hrang
1 Hruaina Eng TV Programme
w SEPETMBER 1, 2019 (Tv Programme) @ 4:00 - 6:00, 8:00 - 9:00 p.m :
Sawihona : Zirtitute leh zirlaite, Weekly Round Up, 31st Pastoral Care & Counselling Training kharna
Susamachar Prasaran Programme
w SEPTEMBER 1, 2019 (Pathianni) 5:00 pm. :
Group/Choir/Solo : Chhinga Vengthlang - Yedi koy-i, Group/Choir/Solo : Zotlang Kohhran Masihi
Sangati - Shukriya Tera, Sermon : Rev. David Lalramliana Ralte, Group/Choir/Solo : Govt Complex
Kohhran - Syon Desh, Group/Choir/Solo : Venghnuai Kohhran - Milkar Hamm
1 Moderator leh Executive Secretary-te Programme:
Rev. R. Lalhmingthanga : Moderator
Aug. 20 - 30, 2019 Field Committee - Arunachal & Assam Mission Field (East/ North/West).
Sept. 1, 2019 Chawhnu - Jubilee Kohhran, Mission Vengthlang Bial
Sept. 1, 2019 Zan - Model Veng Kohhran, Mission Vengthlang Bial
Rev. Lianhmingthanga Sailo : Senior Executive Secretary
Sept. 3, 2019 Finance Committee-ah a \hu ang.
Sept. 4, 2019 OM leh Health Minister te inkawmhona.
Rev. B. Sangthanga : Executive Secretary
Aug. 27 - 30, 2019 North East India Translations Advisory Committee (NEITAC) meeting, Guwahati.
Rev. K. Lalrinmawia : Executive Secretary
Aug. 20 - 30, 2019 Field Committee - Arunachal & Assam Mission Field (East/ North/West).
Contd,..
 Synod Information & Publicity Department, Synod Office, Annexe Building, Mission Veng, Aizawl

Prainse On 2019 Hriattirna

Synod Information & Publicity Department (Synfo) chuan Synfo Praise On 2019 - Choir Festival a buatsaih
leh dawn a, Mizoram Presbyterian Kohhran hnuaia Bial Zaipawl zawng zawngte tan tel theih a ni ang.
Praise On 2019 neih dan tur leh a kalphung turte hetiang hian duan a ni :-
1. A tel duh tan September 2019 thla chhungin hming pek luh theih a ni ang.
2. Round 3 - Round 1, Round 2 & Round 3 (Final Round)-ah \hen a ni ang.
3. Round 1 hi zone hrang 9-ah hetiang hian \hen a ni :
a. Lunglei b. Serchhip
c. Champhai d. Kolasib
e. Mamit f. Darlawn
g. Aizawl Zone A h. Aizawl Zone B
i. Aizawl Zone C
4. Round hrang hrang neih hun tur chu a hnuaia mi ang hian ruahman a ni -
a. Round 1 : October 24 & 25, 2019 (Tentative)
b. Round 2 : November 14 & 15, 2019
c. Round 3 (Final Round) leh Result Puan/Lawmman sem : November 21 & 22, 2019
5. Round Hrang hranga hla leh rimawi chungchang -
a. Hla hi mahni duh zawng Mizo hla (lehlin emaw phuah emaw Kristian Hla Bu a mi emaw) a ni
tur a ni.
b. Round zawnin hla ngai sak loh tur a ni.
c. Round 1 & Round 2 ah hian hla pakhat sak tur a ni ang a, Final Round-ah hian hla pahnih sak
tur a ni ang. Hla hi hla 1 minute 4 aia rei lo tur a ni.
d. Round 1 & 2-ah hian a hâng (a cappella) emaw soundtrack duh zawk zawk nen zai tur a ni ang
a. Round 3 (Final Round)-ah hian soundtrack bakah a duh tan keyboard/piano emaw \ing\ang (hollow
guitar) a hman theih ang. Musician hi Bial Zaipawl member a mi an ni tur a ni.
e. Round 2-ah hian Zaipawl 27 lut tura ruahman a ni a, Round 3-Final Round-ah hian 10-Top ten
an inlan ang.
f. Kristian Hla bua mi sa tur ten chei kual lutuk loh ni se.
Synfo Praise On 2019 Intihsiakna tur chungchang hriattirna hi Bial Secretary hnenah thawnchhuah thuai
a ni ang a, www.mizoramsynod.org-ah en theih a ni bawk.
HNA RUAK DIL THEIH
Mizoram Presbyterian Kohhran, Synod Hospital, Durtlanga thawk turin a hnuaia hna tarlan hi lak a ni
dawn a, kum 18-35 inkar, Dt. 7.10.2019-a kum 18 pum, kum 35 la pumhlum lo, zuk leh hmuama fihlim
tan dil theih a ni a. Hna dilna Form chu Dt. 27.8.2019 a\angin Synod Office (Aizawl leh Lunglei)-ah lak
chhuah theih a ni ang a. Application form man Rs. 20/- a ni. Hna dilna Form-ah hriat tur pawimawh
tihlan a ni.
Hna hming : X-Ray Technician (Contract)
Post zat : 2 (pahnih)
Thiamna : Diploma in Medical Radiation Technology from recognised institution
Hlawh : Synod hnuaia Contract rate
Dil theih hun chhung : Dt. 24.9.2019 (Thawhlehni), 3:00 p.m. thleng
Screening test/exam : Dt. 27.9.2019 (Zirtawpni), 10:30 a.m.
Interview : Dt. 7.10.2019 (Thawhtanni), 11:00 a.m.

Sd/-
Rev. Lianhmingthanga Sailo
Secretary, Synod Service Board
Students’ Helpline : 9856883377
Mail us at : mzsynfo@gmail.com,
mizoramsynod@gmail.com
Synod Information &
Publicity
Phone - 2314648
Synfo