4

| Mateo 8:5-13 ; Lucas 7:1-10

October 23, 2022
Mga pangomosta kaninyo nga Mga Kapamilya sa Alliance!
Ikaupat na karon ka Domingo sa atong Pagsaulog sa Bulan sa Misyons. Nagtuo ako nga
nakatuon kamo ug daghang mga pinsipyo gikan sa mga tawo nga Nag-abli sa dalan sa

WALI
misyons gikan sa Enero hangtud karong bulana.
Alang sa atong mensahe karong adlawa, atong tan-awon ang pagkahinagbo ni Jesus ug
sa Kapitan sa mga sundalo nga makita diha sa Mateo 8:5-13 ug Lucas 7:1-10. Apan sa dli
pa kita magpadayon sa atong pagtuon, moduol una kita sa pag-ampo ngadto sa Dios.
Pag-ampo.
Sa unsang paagi nga si Jesus mao ang atong Pinakalabaw sa tanan nga Nag-abli sa
dalan sa Misyons?
Si Jesus nagpakita sa Iyang pagkalahi pinaagi sa Iyang mga pulong ug sa Iyang mga
buhat usab. Aduna Siyay gahum sa pagbalhin sa kinabuhi sa mga tawo.
Sa pagsugod, importante nga hatagan nato ug pagtagad ang unang mirakulo nga gihimo
ni Jesus nga nalista diha sa Ebanghelyo ni Mateo nga mao ang pag-ayo ni Jesus sa
tawong sanlahon o may sakit sa panit (8:1–4), nga gisundan sa pag-ayo sa sulugoon sa
Kapitan sa mga sundalo (8:5–13) nga mao ang pasahe nato karong adlawa ug daghan pa
nga mga mirakulo nga gihimo ni Jesus. Ang usa lamang ka panghitabo nga dili
mahitungod sa pag-ayo gikan sa sakit mao ang pagpahunong ni Jesus sa bagyo (8:23–
27).
Nganong gihatagan man ni Mateo ug importansya ang mga mirakulo sa pag-ayo?
Iya kitang gipahinumdoman nga ang gingharian sa langit gipakita dili lamang pinaagi sa
mga pulong apan may kalabotan usab kini sa pagbuhat.
Wala lamang Siya magdala ug mga pulong alang sa kaluwasan; nagahimo usab siya ug
mga buhat sa pagluwas.
Adunay doktrina nga may kalabotan sa Iyang pagabuhaton, ug sa praktikal nga bahin
niini.
Nagtudlo Siya ug lawom nga mga kamatuoran, ug naghatag Siya ug kausaban sa
kinabuhi sa lawom nga mga paagi. Sa pagkatinuod, si Jesus mao ang pinakalabaw nga
Nag-abli sa Dalan sa Misyons! Amen!
Atong basahon karon ang atong teksto:
Basahon nato ang: Lucas 7:1-10
1Human sa pagpanudlo ni Jesus sa mga tawo, miadto siya sa Capernaum. 2Didto may
kapitan sa mga sundalo nga Romanhon nga may ulipon nga nagsakit ug himalatyon na.
Gihigugma gayod niya ang iyang ulipon. 3Busa pagkadungog sa kapitan mahitungod
kang Jesus, gisugo niya ang pipila ka mga pangulo sa mga Judio sa paghangyo kang
Jesus nga moadto didto sa iyang balay aron ayohon ang iyang ulipon. 4Pag-abot nila
kang Jesus nagpakilooy gayod sila kaniya. Miingon sila, “Kon mahimo, tabangi ang
kapitan, tungod kay maayo siya nga tawo. 5Gihigugma niya kita nga mga Judio ug
nagpatukod pa gani siya ug simbahan alang kanato.”
6Busa miuban si Jesus kanila. Sa dihang hapit na sila muabot sa balay sa kapitan, gisugo
sa kapitan ang pipila niya ka amigo aron sugaton si Jesus ug sultihan, “Ginoo, ayaw na
lang hagoa pa ang imong kaugalingon. Dili ako takos nga magpasulod kanimo sa akong
balay. 7Mao gani nga wala ako moadto kanimo tungod kay dili ako takos nga moduol
kanimo. Isulti lang ug mamaayo ang akong ulipon. 8Nasayod ako niini tungod kay ako
ubos man sa pagmando sa mga opisyal, ug may mga sundalo usab nga ubos sa akong
pagmando. Busa kon momando ako sa usa, ‘lakaw,’ molakaw siya, ug kon momando ako
sa usa, ‘anhi dinhi,’ moanhi siya. Ug kon unsa ang akong isugo sa akong ulipon, himuon
niya.” 9Pagkadungog niini ni Jesus, natingala gayod siya. Miatubang siya sa mga tawo
4
| Mateo 8:5-13 ; Lucas 7:1-10
October 23, 2022
nga miuban kaniya ug miingon, “Wala pa gayod akoy nakita nga tawo sa Israel nga may
pagtuo nga sama niini.” 10Mibalik ang mga sinugo sa kapitan sa iyang balay ug nakita nila
nga naayo na ang ulipon.

WALI
Atong makita dinhi niini nga pasahe nga ang kaluoy sa Dios dili lamang alang sa mga
Judio apan alang usab sa mga Hentil.
Ang kapitan adunay kahangawa ug paghigugma sa iyang ulipon, nga sa dihang iyang
nadunggan ang balita mahitungod kang Jesus, nagpadala siya ug mga tawo aron sa
pagtan-aw kung si Jesus moadto ba kaha kanila. Sa dihang nagpadulong na si Jesus, ang
Kapitan, nga nagatuo nga dili siya takus kang Jesus, nagpadala ug tawo ug nagpakita
nga dili kinahanglan ni Jesus nga moadto apan magsulti lamang ug pulong, ug ang iyang
sulugoon maayo.
Kini nga milagro nagpahinumdom kanato sa kalainan nga mahimo ni Jesus sa kinabuhi sa
mga tawo.

1.Dili na gayud mahimo nga ang mga tawo magpabilin kung kinsa man siya.
Sa dihang atong ikahibalag si Jesus, mabalhin ang atong pagkatawo gikan sa sulod
pagawas.
Sama nining estorya, ang atong mga sakit ug mga balatian Iyang ayohon, ug ang mga
panimalay nga nagkabulag bulag sa pisikal ug nakasinati sa emosyunal nga mga kasakit
mahimo nga makaangkon sa kalinaw nga gikan sa Dios.
Si Jesus mao lamang ang makahatag ug kausaban kanato ug mag-ayo sa atong mga
kalag ug maghatag ug kalinaw uban sa Dios.

2.Ang mga tawo gikan sa sidlakan ngadto sa kasadpan (mga Hentil) kabahin
sa Gingharian sa Dios. (Bersikulo 11)
Si Jesus, ingon nga mag-uugmad ug maghihingpit sa atong pagtuo, nahibulong sa pagtuo
niini nga Kapitan.
Ang Kapitan maoy usa ka tawo nga kasagaran dili makapatingala kang Jesus. Usa siya ka
Hentil. Namatuto siya sa pagano nga paagi. Usa siya ka Romano, nga nadestino sa
Palentina aron nga dumalahon ang mga Judio ngadto sa pagdumala sa Emperador. Usa
siya ka tawo nga naandam alang sa gira.
Ang pagtuo sa Kapitan maoy usa ka pananglitan sa pagkakabig sa usa ka Hentil, ug
pasiuna ngadto sa ilang pagka sinagop ngadto sa simbahan.
Maga gikan sila sa sidlakan ug sa kasadpan; mga dapit nga magka lagyo, ug sila
magkatagbo ngadto sa tuong kamot ni Cristo.
Kini nga Kapitan usa usab ka pahinumdom kanato pinaagi niini nga bersikulo nga nag-
ingon, “Ayaw basihi ang iyang hitsura o ang iyang gitas-on. Dili siya ang akong gipili. Dili
ako sama sa tawo. Ang tawo nagtan-aw sa hitsura, apan ako nagtan-aw sa kasing-
kasing.” (1 Samuel 16:7)
Giunsa sa pag-angkon sa Kapitan niini nga “PAGTUO”?
1.Aduna siyay klaro nga pagsabot sa kamatuoran.
·Nakaila siya kung kinsa si Jesus ug kung unsay mahimo ni Jesus sa iyang kahimtang.
·Usa siya ka diosnon nga tawo.
·Nagsalig siya kang Jesus.
4
| Mateo 8:5-13 ; Lucas 7:1-10
October 23, 2022
Mga Kamatuoran:
1 Ang pagsaysay sa buhat ni Jesus nagdala sa usa ka makagagahum nga mensahe nga si

WALI
Jesus adunay tinuod nga pag-atiman sa mga tawo, ug wala siya mahadlok nga
magpakiglabot sa pagtabang kanila, bisan unsa pa nga kapeligrohan nga moabot.

2. Ang Misyon sa mga disipolo—kaniadto ug karon—mao ang pagbuhat sa gihimo ni Jesus:

nga molatas taliwala sa tawhanon nga balatian, komplikto, ug kahadlok, ug himuon ang
tanan nga mahimo aron sa pagtabang. Ang parehong Balaang Espiritu nga naghatag ug
gahum kang Jesus mao ang maghatag ug gahum niadtong molakaw diha sa Iyang
ngalan.

3. Labaw pa sa tibuok misyon sa mga disipolo mao ang kasigurohan nga ang gahum ni
Jesus modaug batok sa sakit, sa sala, sa kamatayon - batok sa mga pwersa sa kinaiyahan
ug sa mga kadautan sa espirituhanon nga gingharian.

Diha sa Iyang gahum dili gayud mapakyas ang buluhatong misyons!

Pahinumdom: Ang magwawali makadugang ug mga punto sa pag aplikar ug

paghatag ug katingbanan.
5
| Lucas 24:44-49
October 30, 2022

Karong buntag ania na kita sa kataposan nga wali niining serye mahitungod kang Jesus
nga Pinakalabaw sa tanan nga Nag-abli sa Dalan sa Misyons. Ang atong teksto karon
makita diha sa Lucas 24:44-49.

WALI
Ang mga bersikulo 44 ngadto sa 49, magdala kanato balik ngadto sa libro sa Genesis, ug
ngadto sa kataposan sa kasaysayan mahitungod sa pagluwas. Nagpakita kini sa
hulagway sa kaluwasan gikan sa sinugdan ngadto sa kataposan. Usa kini ka katingbanan
nga gihimo nga maampingon ni Lucas ilalom sa paggahum sa Balaang Espiritu.
Kinahanglan sabton ang pagkabahandianon niini aron nga atong dalhon kini nga libro dili
ngadto sa kataposan, dili sa paghuman, dili sa paghunong apan ngadto sa pinakahinam
nga bahin ug sa pagkompleto sa gidahum nga paagi sa pagsulat niini.
Niining bahin sa Kasulatan, sa mga bersikulo 44 ngadto 49, diha sa bersikulo 47 gisulti
ang nanguna nga tumong sa mga pulong sa atong Ginoo, nga nag-ingon,

7”Ug kinahanglan nga isulti ngadto sa tibuok kalibotan gikan sa Jerusalem nga tungod
kaniya pasayloon sa Dios ang maghinulsol sa ilang mga sala.” Mao kini ang bersyon ni
Lucas sa Dakung Sugo. Si Jesus nag-ingon, “Ang mensahe nga inyong iwali gikan karon
mao ang mensahe sa pagtawag sa mga tawo sa paghinolsol ug pagdawat sa pagpasaylo
pinaagi sa ngalan ni Jesu-Cristo.” Nan, mao kini ang Dakung Sugo; ang Misyonhon nga
mando.”
Uban niining mga pulong, si Jesus mao gayud ang atong pinakalabaw nga Nag-abli sa
Dalan sukad pa sa sinugdan hangtod sa kataposan. Mahitungod Kaniya ang estorya kung
giunsa niya sa pag-anhi sa kalibotan aron sa pag-andam ug paagi nga ang tawo
mapasig-uli, aron sa pagdala sa tawo ngadto sa Iyang langit. Diha sa Hebreohanon 10:20
atong mabasa, 20 ”Kay pinaagi sa paghalad sa iyang lawas, giablihan niya alang kanato
ang bag-o nga agianan aron makasulod kita sa Labing Balaang Dapit, ug kini nga
agianan nagatultol kanato ngadto sa kinabuhi nga walay kataposan.” Pinaagi sa iyang
kamatayon, giablihan ni Jesus ang bag-o nga makahatag ug kinabuhi nga paagi latas sa
kurtina ngadto sa pinaka Balaan nga Dapit. Siya ang atong pinakalabaw nga Nag-abli sa
dalan tungod kay iyang giablihan ang dalan, o tingali moingon ikaw nga, Iyang giablihan
alang kanato ang bag-o ug makahatag ug kinabuhi nga dalan latas sa kurtina ngadto sa
pinakabalaang dapit. Natuman kini pinaagi sa Iyang kamatayon ug pagkabanhaw, ang
mensahe sa pagpasaylo nga mao ang mensahe sa Ebanghelyo.
Ang uban nga mga relihiyon ug mga pilosopiya nagatudlo sa pagpanimalos, pagpanimalos
pinaagi sa pagsakit sa uban aron nga mahimong maayo nga sumusunod niana nga
relihiyoso nga tinuohan. Diha lamang kang Jesus nga atong makaplagan ang mensahe sa
paghinolsol ug pagpasaylo. Sa bersikulo 48 nag-ingon, 48”Kamo ang mga saksi niining
mga butanga.” Sa laing pagkasulti, responsable kita sa pagdala niini nga mensahe ngadto
sa tibuok kalibotan o ngadto sa mga nasod. Sa pagkatinuod, sumala sa atong serye,

KINAHANGLAN NGA KITA MAHIMONG TIG-ABLI SA DALAN SUMALA SA

SUMBANAN SA PINAKALABAW NGA NAG-ABLI SA DALAN NGA MAO SI JESUS
MISMO.
Uban niini nga mensahe, kinahanglan nga kita mao ang mag-abli sa dalan ngadto sa
atong mga higala, mga silingan, mga komyunidad, sa atong nasod ug sa kalibotan,
ilabina ngadto sa wala pa gayud makabati mahitungod kang Jesus, ang mga “Grupo nga
Wala pa Makab-ot” (UPG- Unreached People Groups).
Si Jesus nagtawag kanato nga mahimong mga tig-abli sa dalan ug mohangad ngadto
Kaniya nga atong Pinakalabaw nga Modelo. Dugang niini, unsaon man nato sa
pagkahimong tig-abli sa dalan? Kining pasahe nagahatag kanato ug mga pahinumdom
mahitungod sa Ebanghelyo (nga mao ang mensahe sa paghinulsol ug pagpasaylo) aron
nga ang usa mahimong epektibo nga tig-abli sa dalan.
5
| Lucas 24:44-49
October 30, 2022

1. Atong hinumdomon nga ang Ebanghelyo nakasukad sa Biblia ug subay sa

kasaysayan.
2. Atong hinumdomon nga ang Ebanghelyo naka sentro kang Cristo ug magdala ug

WALI
kabalhinan.
3. Atong hinumdomon nga ang Ebanghelyo usa ka personal ug global.

Kung kita magdala sa maayong balita kinahanglan ato kining angkonon sa husto, buhaton
sa husto ug magtuman sa sugo. Mao kini ang pagpasa sa baton.
Mao kini ang dakung buhat sa pagpasa sa baton; ug kinahanglan nga maangkon nila kini
sa husto, ug buhaton nila sa husto. Kinahanglan nga sila magtuman niini nga mando.
Kining kataposan nga mga pulong namugna aron sa pagpadayon sa kasaysayan sa
pagsangyaw sa Ebanghelyo, sa mga panon sa mga tig-abli sa dalan. Ang baton padayon
kini nga ginapasa gikan sa usa ka henerasyon ngadto sa sunod nga henerasyon, ngadto
sa sunod… nga mga henerasyon. Magtuman kita niini nga mando.

Sugdan na nato…

I. Ang Ebanghelyo subay kini sa Biblia ug sa Kasaysayan (Lucas 24:44)

44 Pagkahuman miingon siya kanila, “Mao kini ang akong giingon kaninyo samtang
nagkauban pa kita, nga ang tanan nga nahisulat mahitungod kanako sa Kasulatan ni
Moises, sa mga sinulat sa mga propeta, ug sa mga salmo kinahanglan gayod nga
matuman.”
Si Jesus nag-ingon nga ang tanan nga imong nasinati ug nagkahitabo karon ginasulti ug
ginabalik ko pagsulti kanimo, nga kining tanan matuman. Ug ang tibuok Daang Kasabotan
nagahisgot mahitungod kanako.
Balaod ni Moises: Genesis ngadto sa Deuteronomio
Mga Propeta: Unang mga Propeta- Josue ngadto sa mga Libro sa Kasaysayan sa Daang
Kasabotan
Ulahing mga Propeta- Isaias, Jeremias, Ezekiel, Daniel, Pagbangotan
Minor nga mga Propeta- Hoseas, Joel, Amos, Obadia, Jonas, Mika, Nahum, Habakuk,
Zefania, Hageo, Zecarias, Malakias
Mga Salmo: Mga Salmo, Panultihon, Magwawali, Mga Awit ni Solomon
Ang tibuok Daang Kasabotan nagtudlo ngadto sa Mesiyas ug kinahanglan nga matuman.
Palihog hibaloi kini. Giunsa man sa pagwali sa unang mga disipolo sa Ebanghelyo nga
wala man sila makakita sa Daang Kasabotan. Tanan niini nasulat diha sa Kasulatan.
(Alang sa magwawali mahimo kang magdugang sa pipila ka mga nasulat nga mga
propesiya nga makita diha sa Daang Kasabotan ug natuman diha kang Jesus.
Pananglitan: Ang Daang Kasabotan nagsaad nga ang Mesiyas moabot ug magagikan sa
linya ni Abraham, sa Daang Kasabotan, ang Genesis 12; nagsaad nga Siya moabot
pinaagi sa tribo sa Judah, sa Genesis 49; nga Siya moabot pinaagi sa linya ni David, sa 2
Samuel kapitulo 7; nga Siya matawo sa usa ka birhin, sa Isaias 7:14; natawo sa Bethlehem,
Mika 5:2; nga Siya budhian sa uka ka pamilyar nga higala, sama sa gisulat sa usa ka
Salmista; nga Siya bunalan, luwaan, birahon ang iyang bungot, mahitabo ang pagripa
alang sa Iyang bisti. Samaran Siya, Zacarias 12, Salmo 22, Salmo 69. Siya namatay ingon
nga kapuli sa mga tawo, Isaias 53. Ug Siya mibangon gikan sa kamatayon, sa katapusan
sa kapitulo sa Isaias 53, Salmo 16:8 ngadto sa 11; daghan pang uban nga mga detalye).
5
| Lucas 24:44-49
October 30, 2022

Ang Ebanghelyo dili hinimo sa tawo ug wala motungha gikan sa moderno nga kasaysayan
apan nakagamot nga lawon diha sa Kasulatan. Tungod kay kini usa ka tinuod nga
nahitabo diha sa kasaysayan. Dili kini tinumotumo nga estorya, dili kini hinimohimo nga

WALI
sugilanon, nasulat kini sa kasaysayan. Sa bersikulo 46: “Miingon siya kanila, “Miingon ang
Kasulatan nga ang Cristo kinahanglan gayod nga mag-antos ug mamatay, apan
mabanhaw siya sa ikatulo ka adlaw.” Klaro nga gipasabot dinhi nga Siya mamatay ug
mabanhaw pag-usab sa ikatulo ka adlaw. Gipamatud-an kini sa kasaysayan. Sa
pagkatinuod, ang uban nag-ingon nga walay panghitabo o kamatuoran sa karaang
kasaysayan nga mas labaw nga gipanghimatud-an kay sa kamatayon ug pagkabanhaw
ni Jesu-Cristo.
Ang Cristiyanismo dili bakak nga relihiyon; subay kini sa Kasaysayan, ug kini mao lamang
ang matuod. Ang uban nga mga relihiyon mga bakak. Ang tanan nga mga relihiyon mga
tinumotumo. Mga ilusyon lamang sila. Maoy hinungdan nga kung kita mahimong usa ka
tig-abli sa dalan sa misyons, kinahanglan nga atong hinumdomon nga ang Ebanghelyo
Biblikal ug subay sa kasaysayan.

II. Ang Ebanghelyo Nagbalhin sa Kinabuhi sa tawo ug Nasentro diha kang Cristo.
(Lucas 24:46,47a)
46 “Miingon siya kanila, “Miingon ang Kasulatan nga ang Cristo kinahanglan gayod nga
mag-antos ug mamatay, apan mabanhaw siya sa ikatulo ka adlaw. 47Ug kinahanglan nga
isulti ngadto sa tibuok kalibotan gikan sa Jerusalem nga tungod kaniya pasayloon sa Dios
ang maghinulsol sa ilang mga sala.”
Unsay ginahimo sa Ebanghelyo? Ngano man nga importante kaayo nga motuo kita nga si
Jesus namatay ug nabanhaw pag-usab sa ikatulo ka adlaw? Nganong importante man
kaayo nga motuo kita nga Siya mao ang Anak sa Dios? Ngano man nga importante gayud
nga motuo kita nga Siya mao ang Mesiyas sa Israel, Manluluwas ug Manunubos sa
kalibotan? Nganong importante man kini?
Tungod kay ang Ebanghelyo nagabalhin sa kinabuhi. “Walay kapasayloan sa mga sala”
kung ang usa dili motuo ug maghinulsol.
Si Walter Judd, ang karaan nga membro sa kongreso nga nahimong misyonaryo ngadto
sa Tsina sa daghang mga katuigan nag-ingon, “Makahimo ka sa pagtuo nga ikaw
makadala ug kabalhinan sa usa ka sosyudad ug nga magdala kini ug kabalhinan sa mga
tawo, o motuo ikaw nga makadala ka ug kabalhinan sa mga tawo sa ilang sulodnon nga
kinabuhi ug sila magdala ug kabalhinan diha sa sosyudad.”
Pananglitan si Zaqueo- Sa dihang nahimamat niya si Cristo, ang iyang kinabuhi nabalhin.
Siya miingon nga akong bayaran ang akong nautangan sa 10 ka pilo sa kantidad nga
akong gikuha. Usa usab kana ka paagi sa pagkabalhin. Kinsa man kaha ang mohimo
niana?
Pananglitan. Sa 2 Corinto 5:17, “Si bisan kinsa nga anaa kang Cristo bag-o na. Wala na
ang iyang daan nga pagkatawo, kay bag-o na siya.” Mao kana ang pagkabalhin.
Kaniadto nagpadulong sa empirno ug unya nabalhin ang tanan, karon nagpadulong na sa
langit. Ang mensahe nga atong giwali usa ka mensahe nga hingpit ug magdala ug tibuok
nga pagkabalhin.
Ang pagkabalhin mahitabo tungod kay ang Ebanghelyo naka sentro kang Cristo ug ang
tanan niini mahitungod kang Jesus. Si Jesus mao ang mopasaylo.
Diha sa Binuhatan 20:20-21, 20Nahibaloan ninyo nga sa walay lipodlipod gisulti ko
kaninyo ang mga butang nga alang sa inyong kaayohan. Ako kining gipangtudlo sa
publiko ug diha sa inyong mga balay. 21Gipahimangnoan ko ang mga Judio ug ang mga
dili Judio nga kinahanglan maghinulsol sila ug mobalik sa Dios, ug motuo sa atong Ginoong
Jesus.”
5
| Lucas 24:44-49
October 30, 2022

Karong buntag ania na kita sa kataposan nga wali niining serye mahitungod kang Jesus
nga Pinakalabaw sa tanan nga Nag-abli sa Dalan sa Misyons. Ang atong teksto karon
makita diha sa Lucas 24:44-49.

WALI
Si Pablo nag-ingon nga ang pagtuo diha lamang kang Jesus mao ang makaluwas sa usa
ka tawo. Mahitungod kini Kaniya lamang.
Akong nagustohan ang atong mga tudlo nga: Si Jesus ang atong Manluluwas,
Magbabalaan, Mag-aayo ug Umaabot nga Hari. Sa dihang magpakig-ambit kita sa
Ebanghelyo, atong ipaambit ang mahitungod kang Jesus.
Aron nga kita mahimong tig-abli sa dalan sa misyons ni Jesus, kinahanglan atong
hinumdomon nga ang Ebanghelyo magdala ug pagkabalhin ug nasentro kini kang Cristo.

III. Ang Ebanghelyo Alang kini sa Tibuok Kalibotan ug alang usab sa matag
persona (Lucas 24:48-49)
47“Ug kinahanglan nga isulti ngadto sa tibuok kalibotan gikan sa Jerusalem nga tungod
kaniya pasayloon sa Dios ang maghinulsol sa ilang mga sala.”
Ang Ebanghelyo kinahanglan iwali ngadto sa tanang nasod. Kinahanglan atong
mabatonan ang pagtan-aw sa tibuok kalibotan. Tanan nga mga pasahe mahitungod sa
Dakung Sugo nagtawag kanato nga itumong ang atong hunahuna ngadto sa tibuok
kalibotan. Ang Mateo 28:19-20 “19Busa adtoi ninyo ang mga katawhan sa tanan nga
dapit. Ug himoa ninyo sila nga akong mga tinun-an. Bautismohi ninyo sila sa ngalan sa
Amahan, sa Anak, ug sa Espiritu Santo. 20Tudloi ninyo sila sa pagtuman sa tanan nga
akong gisugo kaninyo. Hinumdomi ninyo nga kauban ninyo ako kanunay hangtod sa
kataposan sa kalibotan.”, Marcos 16:15 “Lakaw kamo sa tibuok kalibotan ug iwali ang
Maayong Balita mahitungod kanako sa tanang mga tawo.”, Binuhatan Acts 1:8b “8b…Unya
ipanugilon ninyo ang mahitungod kanako, dinhi sa Jerusalem, sa tibuok probinsya sa
Judea ug Samaria, ug sa tibuok kalibotan.” Juan 20:21b “... Ingon nga ang Amahan
nagpadala kanako (sa kalibotan), ako magapadala usab kaninyo (sa kalibotan).”
Sa Gipadayag 7:9 naghatag kanato ug gamay nga hulagway sa langit, 9 Human niadto,
nakita ko ang mga tawo nga dili maihap ang gidaghanon. Naggikan sila sa tanan nga
nasod, tribo, kaliwatan ug pinulongan. Nagatindog sila atubangan sa trono ug sa
Karnero. Nagabisti silag tag-as ug pulos puti, ug may gikuptan sila nga mga dahon sa
palmera.” Ingon niini ang kataposan sa tanan didto unya sa langit. Tanan kanila moadto
didto. Atong dalhon ang Ebanghelyo ngadto sa mga nasod. Mao kini ang tanan
mahitungod sa ministeryo.
Sa maong paagi, kinahanglan atong kinumdomon nga bisan pa nga ang Ebanghelyo alang
sa tibuok kalibotan, alang usab kini sa matag persona. “Kamo ang mga saksi niining mga
butanga.” Lucas 24:48. Sa laing pagkasulti, atong buluhaton ang pagdala sa Ebanghelyo
ngadto sa kalibotan. Si Jesus wala lamang magsulti ngadto sa iyang mga disipolo niini nga
pasahe. Trabaho kini natong tanan, dili lamang sa mga pastor o Cristohanon nga mga
magbubuhat.
Sa pagkatinuod ang implikasyon mao nga ang atong Ginoo nagadepende kanatong tanan
sa pagdala sa Ebanghelyo ngadto sa kalibotan. Nag-ingon usab si Jesus nga matag usa
kanato kwalipikado sa paghimo sa buluhaton tungod kay kita nakaila Kaniya sa personal.
Sama sa giingon sa usa ka alawiton nga gisulat ni A.B. Simpson, “Sa layo nga dapit
molakaw gyud ako” O sama sa giingon ni Isaias, “ “Ania Ako. Ipadala ako.”
Konklusyon/Katingbanan
Ang pagkahimong usa ka tig-abli sa Dalan sa Misyon nga nagasunod sa mga lakang sa
pinakalabaw nato nga tig-abli sa dalan sa Misyons nga si Jesus, importante nga
magpadayon kita sa pagsabot nga ang Ebanghelyo Biblikal, nagbalhin sa kinabuhi ug
naka sentro kang Cristo, ug nga kini global ug personal.
5
| Lucas 24:44-49
October 30, 2022

Karong buntag ania na kita sa kataposan nga wali niining serye mahitungod kang Jesus
nga Pinakalabaw sa tanan nga Nag-abli sa Dalan sa Misyons. Ang atong teksto karon
makita diha sa Lucas 24:44-49.

WALI
Sumala sa usa ka magsusulat, ako kining gikutlo (medyo taas):
”Mahimo nga mahiagum kita sa kinabuhi diha sa kalibotan palibot nato, ug mahimo man
gani nga mahiagum kita diha sa kinabuhi sa simbahan, nga makalimot sa pipila ka mga
gutlo ug atong mahunahunaan nga kini walay kalabotan sa gingharian sa Dios. Maghisgot
lamang kita mahitungod sa atong pagkinabuhi ingon nga mga Cristohanon diha sa
kalibotan nga adunay kalabotan sa pagpauswag sa gingharian sa Dios.
Mahiagum kita diha sa maayong mga butang sama sa pagtuon, sa pagtudlo, sa doktrina,
sa pagbasa mahitungod sa husto nga mga doktrina, pagsabot sa husto nga doktrina.
Mahiagum kita diha sa mga maayong butang sama sa pagsimba, pag-awit, pagdayeg sa
Dios, pagpamati sa Cristohanon nga musika. Mahiagum kita diha sa mga maayong butang
sama sa pagpakig-ambitay, pagpakig-uban, pagpakig-ambit sa atong kinabuhi sa usag
usa, pagpalambo sa usag usa, pagministeryo gamit ang atong mga gasa ngadto sa usag
usa, paglipay, pagdasig sa usag usa. Mahiagum kita diha sa pag-ampo.
Mahiapil kita diha sa Cristohanon nga pag-alagad sa tanang matang alang sa
pagpauswag sa simbahan. Nagpadayon kita sa pagkabalaan sa atong mga kinabuhi. Ug
kining tanan gimando diha sa Kasulatan, apan wala niini ang tumong sa Cristiyanismo.
Tanan niini yano nga paagi lamang sa pagkab-ot sa atong kab-otonon; ug ang kab-
otonon mao ang pagsangyaw sa Ebanghelyo ug paluyohan kini sa kinabuhi nga may
kredibilidad ug may espirituhanon nga integridad. Nagkinabuhi kita sa klase sa kinabuhi
nga matuohan ang maong mensahe, maoy hinungdan nga nagatuo kita niining tanan nga
mga sangkap.
Ang Kasulatan nagsulti kanato kung unsaon sa pagpanaghiusa. Ang Kasulatan nagtudlo
kanato sa doktrina. Ang Kasulatan nagsulti kanato kung unsaon sa pagsimba, kung
unsaon sa pagtuman, unsaon sa pagkahimong balaan, unsaon sa pag-alagad, unsaon sa
pag-ampo. Dili gayud kana mao ang kab-otonon. Dili kana mao ang kataposan. Ang imong
espirituhanon nga pagtubo dili mao ang kataposan. Dili kana mao ang kab-otonon, dili
mao ang tumong.
Sama kita kang Pablo, nga nagbuhat sa buluhaton alang sa dili tumuluo, nga ang
Ebanghelyo makaabot ngadto kanila, ug ang kaluwasan makaabot ngadto kanila alang sa
kahimayaan sa Dios, 2 Corinto 4:15, pagdugang ug mga tingog ngadto sa pag-awit sa
Hallelujah chorus. Nagkinabuhi kita alang niini. Kining tanan nga mga butang yano nga
mga paagi alang sa atong paghamtung ug sa atong espirituhanon nga integridad, aron
nga makahimo kita sa pagkinabuhi nga magsuporta sa mensahe ug dili mahimong mga
tigpakaaron ingnon o hipokrito.
Busa, kung imong ginahimo kining tanang mga butanga, apan wala magsangyaw sa
Ebnaghelyo, napakyas nimo ang katuyoan kon ngano nga anaa kining tanan. Si Jesus
mianhi man gani ug miingon, “Kay ako nga Anak sa Tawo mianhi dinhi sa kalibotan aron
sa pagpangita ug sa pagluwas sa tanan nga nahisalaag,” Lucas 19:10.
Mao kini ang hinungdan nga Siya mianhi, sa pagpangita ug pagluwas sa mga nahisalaag.
Ug Iyang gipasa ang baton nganhi kanato; ug atong ginahimo ang atong bahin sa
pagpangita, ug Siya ang nagahimo sa balaanon nga bahin sa pagpangita ug sa
pagluwas.
Apan ang kab-otonon nga kasaysayan sa tawo mao ang paglukat sa Dios sa mga lalaki
ug mga babaye aron dalhon sila ngadto sa himaya ingon nga pangasaw-onon sa Iyang
Anak, aron sa pag-alagad ug paghimaya ug pagsimba sa Iyang Anak sa walay
kataposan. Ang simbahan walay departamento sa Misyons, ang simbahan mao ang
misyon. Wala ikaw pilia nga mahimong membro sa komite sa misyon, usa ikaw ka
misyonaryo; ang pangutana mao lamang ang pagkasayud kung diin, ug unsa ka epektibo
o ang pagka dili epektibo.
5
| Lucas 24:44-49
October 30, 2022

Walay maka eskapo niini. Tanan kita responsable. Ang simbahan naglakip sa mga
misyonaryo, ang simbahan mao ang misyon diha sa kalibotan.

WALI
Sa kataposan, ang saad sa atong pinakalabaw nga Nag-abli sa Dalan sa misyon mao ang
paghatag kanato ug gahum. 49 49Ipadala ko kaninyo ang Espiritu Santo nga gisaad sa
akong Amahan. Apan ayaw una kamo pagbiya dinhi sa Jerusalem samtang wala pa ninyo
madawat ang gahum nga gikan sa langit.” Amen
Makahimo ikaw ingon nga usa ka tig-abli sa dalan sa misyons pinaagi sa pagsunod sa
atong agalon nga mao ang Pinakalabaw nga Nag-abli sa Dalan sa Misyons nga mao si
Jesus.