1

Saga & hönnun: Thorsteinn Mar

DUNGEONS & DRAGONS, D&D, Wizards of the Coast, Forgotten Realms, Ravenloft, the dragon ampersand, and all
other Wizards of the Coast product names, and their respective logos are trademarks of Wizards of the Coast in the USA
and other countries.

This work contains material that is copyright Wizards of the Coast and/or other authors. Such material is used with
permission under the Community Content Agreement for Dungeon Masters Guild.

All other original material in this work is copyright 2018 by Thorsteinn Mar and published under the Community Content
Agreement for Dungeon Masters Guild.

2
 Illindi í Ormpetarr
Illindi í Ormpetarr er ævintýri fyrir 4-6 hetjur á 1-2.
leveli. Þá getur verið afar hjálplegt fyrir hetjurnar að hafa
galdramann meðal sinna raða. Að spila í gegnum ævintýrið
tekur um 3-5 klukkustundir. Auðveldlega má laga ævintýrið
að minni eða stærri hópum sem og finna því stað í annarri
borg.
Fátt er meira rætt í Ormpetarr en uppgangur hins nýja þjófagildis,
Járnrottanna. Þegar eiginkona Hiliars U’Lar, skraddara, er numin
á brott er kominn tími til að gripið sé í taumana.
Bók þessi er ætluð stjórnendum og má finna lýsingar
á göldrum, hæfileikum, óvættum og reglum í Player’s
Handbook, Dungeon Master’s Guide, Monsters Manual og
Volo’s Guide to Monsters. Þá er einnig ágætt að hafa Sword
Coast Adventurer’s Guide við höndina.
Ásamt ævintýrinu eru athugasemdir höfundar og
tillögur fyrir stjórnendur sem eru að stíga sín fyrstu skref
í því hlutverki. Þau atriði sem hér eru alls ekki tæmandi
listi um hvernig er hægt að verða betri stjórnandi, heldur
fyrst og fremst atriði og hugleiðingar. Reynslan er þegar
allt kemur til alls besti kennarinn og mikilvægast af öllu að
finna leið til að koma sögu á framfæri við hóp sem hentar
viðkomandi hópi og allir þátttakendur skemmti sér. Ef
það tekst er meginmarkmiði allra spunaspila náð. Gangi
þér vel.
Forsaga
Dornan Druu’gir, dökkálfur af aðalsættum í
Menzoberranzan, kom til Ormpetarr fyrir nokkum
mánuðum að undirlagi leiðtoga snákafólksins í Hlondath.
Hann flúði Menzoberranzan eftir að upp komst að hann
hafði reynt að fífla eina yngri Baenre systrunum, en Baenre
er valdamest ættin í Menzoberranzan. Eftir nokkuð flakk
um löndin í kringum Haf Fallinna Stjarna fékk hann boð
sem hann gat ekki hafnað. Að fara til Ormpetarr og grafa þar
undan stjórn gildanna ásamt Ssithal Tal, yuan-ti útsendara
snákafólksins í Ormpetarr, gegn rausnarlegri greiðslu.
Ssithal Tal var auk þess falið annað verkefni, en hún hélt því
leyndu fyrir dökkálfinum (sjá ævintýrið Nöðrudans).
Dornan kom sér fyrir hafnarhverfi Ormpetarr og hófst
strax handa við að koma á laggirnar lítilli þjófaklíku, sem
hefur vaxið og dafnað hratt, og er orðin að þjófagildinu
Járnrottunum. Hann hefur þénað vel á því að brjótast
inn í vörugeymslur hina mörgu gilda borgarinnar og
hefur sérstaklega herjað á þau gildi sem reiða sig hvað
mest á verslun og stöðugt flæði vara og fjármuna. Þá
hafa Járnrotturnar einnig ekki vílað fyrir sér að leggjast
í mannrán, fjárkúganir og jafnvel leigumorð. Fyrir vikið
hafa margir kaupmenn, handverksmenn og iðnmeistarar
þurft að leita til bankagildisins, og sérstaklega til Isthmars
El’Alzadars, leiðtoga bankagildisins, um lán og lengingu í
3
lánum, með tilheyrandi hagnaði fyrir það gildi.
Ssithal Tal myrti Isoabel, eiginkonu El’Alzadar, og hefur
sjálf umbreytt sér í Isoabel með hjálp galdra og leikur
hlutverk hennar fullkomlega. Hún vefur El’Alzadar um
fingur sér, með hjálp álagagaldra, og hafa völd hennar aukist
til muna, sem og vextir til þeirra sem verst hafa orðið úti í
árásum og innbrotum Járnrottanna.
Ævintýrið
Hiliar U’Lar er einn af mest metnu skröddurum
Ormpetarr og hefur fjölskylda hans rekið fataverslun sína
við Langastræti, aðalverslunargötu borgarinnar, í nokkra
áratugi. Verslun U’Lars er vel rekin og með ágætum hagnaði,
sem hefur gert U’Lar fjölskyldunni kleift að komast af án
þess að vera nokkrum háð, og þá sérstaklega bankagildinu.
U’Lar hefur auk þess verið einn helsti talsmaður gegn
auknum áhrifum bankagildisins innan borgarráðsins og
hefur Hiliar verið sérstakur þyrnir í síðu Ssithal Tal. Hún fær
því Dornan og Járnrotturnar til að ræna eiginkonu Hiliars,
Karolin, og heimta svimandi fjárhæðir í lausnargjald.
U’Lar fær hetjurnar til að leita að eiginkonu sinni. Sú för
leiðir hetjurnar niður í holræsin undir Ormpetarr, þar sem
bæli Járnrottanna er að finna. Þar þurfa hetjurnar að finna
leið til að frelsa Karolin og hjálpa henni aftur til eiginmanns
síns.
Um Ormpetarr
Áður en Galdraplágan skall á var Ormpetarr höfuðborg
Sespech baróndæmisins. Þegar plágan reið yfir varð
Ormpetarr að griðarstað fyrir pílagríma með galdraör. Á
þeim tíma teygðu sig fjölmargar brassklæddar turnspírur
sig upp í himininn og endurköstuðu sólarljósinu, þannig að
það var sem borgin væri böðuð gulli, en í plágunni hrundu
margir turnanna og tapaði borgin nokkru af fyrri dýrð sinni.
Árið 1491 DR hefur borgin verið að miklu leyti endurbyggð
og er hún smátt og smátt að endurheimta fyrri styrk. Hún
er miðstöð lánastarfsemi og verslunar við Gullna veginn og
eru nokkur öflug verslunarsamtök með viðveru í borginni.
Borginni er stýrt af ráði sem saman stendur af abóta
Kelemvor klaustursins sem stendur rétt fyrir utan borgina,
kopardrekanum Tyrangal og leiðtogum annars vegar
kaupmannagildisins og hins vegar bankagildisins.
Lögum og reglu er haldið uppi af ólíkum sveitum á
vegum gildanna og ráðsins. Koparvörðurinn er sveit
heimamanna sem styrkt er og haldið uppi af Tyrangal.
Klaustrið leggur einnig til munka sína, einkum þá er takast
þarf á við uppvakninga og aðra ódauða. Mikið er lagt upp
úr því að reglum sé fylgt, t.a.m. þurfa kaupmenn leyfi frá
kaupmannagildinu til að stunda verslun í borginni.
Borgin stendur við bakka Nagavatns og fer fram nokkur
4
verslun bæði við hafnirnar, sem og borgarhliðin, enda
stöðva margir kaupmenn vagna sína fyrir utan þau, til að
komast hjá því að greiða fyrir verslunarleyfi. Í borginni búa
um 50.000 manns þegar mest lætur og eru það einkum menn,
dvergar og hálf-álfar, þó að aðrir kynþættir séu þar einnig að
einhverju marki. Í kringum borgina er virkisveggur og eru
á honum tvo stór hlið, annars vegar norðanmegin sem snýr
að Vilhoun Strönd og hins vegar suðurhlið, þar sem Gullni
Vegurinn nær að borginni. Vestanmegin eru bryggjur og
hafnir borgarinnar.
Flest hús eru reist á hlöðnum steingrunni en efri hæðir eru
byggðar úr dökkum viði sem fenginn er úr Chondath-skógi
og Vetrarviði. Húsin standa þétt og eru mörg strætin því
þröng og veita skjól gegn sólinni á daginn. Flest þök eru
brött og gluggar mjóir. Stræti eru lögð tígulsteinum og rás í
þeim miðjum, hvar regnvatn sem og það sem íbúar hreinsa
úr næturgögnum út um glugga sína á morgnana, flæðir niður
í ræsin undir strætunum. Fyrir vikið getur ansi þungur og
áleitinn fnykur af þvagi og rusli hangið yfir borginni og segja
sumir farandkaupmenn að þeir finni oft lyktina af borginni
áður en þeir sjá hana á leið sinni eftir Gullna veginum.
Fyrir miðju borgarinnar stendur óðalssetur Tyrangals, sem
er bæði veglegt og stórt, en umfram allt, gríðarlega vel varið,
bæði af hálfu Koparvarðarins sem og göldrum drekans.
Þrjár misháar turnspírur teygja sig upp frá aðalbyggingunni,
hvaðan Tyrangal hefur útsýni yfir alla borgina.
Steinsmiðjan
Steinsmiðjan er vinsæl krá sem stendur norðarlega í
hafnarhverfinu og er hún vinsæl meðal dverga borgarinnar,
enda rekin af dvergahjónunum Kristinu og Helgu
Darkhammer. Kráin er, eins og nafnið gefur til kynna, til
húsa í gamalli steinsmiðju. Borðin eru ýmist steðjar eða
steinar sem unnir voru í smiðjunni áður en hún lokaði. Eðli
málsins samkvæmt eru dvergar í miklum meirihluta gesta.
Steinsmiðjan er ekki mjög fjörlegt ölhús, í reynd frekar
rólegt og virðast þeir gestir sem þangað sækja kunna vel
að meta þá staðreynd að þar eru hvorki mörg farandskáld
og söngvasveinar né óþjóðalýður og durtar, sem annars má
vænta á mörgum öðrum krám í hafnahverfi Ormpetarr.
Lestu eða umorðaðu eftirfarandi:
Þungir, gráir skýjabakkar bylta sér yfir Ormpetarr,
borginni við Nöðruvatn. Loftið er hlaðið orku og eflaust
er þess ekki lengi að bíða að fyrstu regndroparnir taki að
falla og þrumur bergmáli í þröngum strætum borgarinnar.
Skammt frá bryggjunum,á horni Langastrætis og
Vefaragötu, stendur steinhlaðið þriggja hæða hús,
með bröttu bronslituðu þaki og mjóum gluggum.
Af mosanum sem vex undir veggjunum og máðum
útskurðinum á ufsagrýlunum sem standa vaktina við
 þakskegg hússins er ljóst að þetta hús hefur staðið
þarna býsna lengi og var jafnvel, ólíkt mörgum húsum
hafnarhverfisins, reist löngu fyrir Galdrapláguna. Þar sem
húsið snýr að Langastræti eru þrep niður að járnslegnum
útidyrum, hvaðan sem berst lágur en djúpradda söngur.
Það eru ekki margir á Steinsmiðjunni þetta kvöld. Þær
Kristina og Helga, eigendur kráarinnar, ganga á milli
steðja og þurrka af þeim, á meðan dökkhært farandskáld
í fullum herklæðum af kyni skjalddverga, fer með sextuga
drápu sem hann orti til heiðurs hetjunum sem fundu
Míþríl-sali fyrir meira en öld síðan. Frá eldhúsinu berst
angan af steiktu hjartarkjöti og krydduðum kartöflum.
Í stórum arni logar eldur og á stól skammt frá arninum
situr gráhærður maður og blaðar í gegnum stóra og þykka
bók.

Gefðu leikmönnum tækifæri á að segja frá hetjunum

sínum, útliti þeirra og persónueinkennum. Hvettu
leikmenn til að forðast að vísa í staðreyndir sem tengjast
kerfinu, t.d. tölulegum eiginleikum. Það getur oft verið
hjálplegt að spyrja leikmenn út í hin ýmsu atriði, t.d.
hvernig lítur hetjan þín út, hvernig er hún vopnuð o.s.frv.
Ef hetjurnar eru að hittast í fyrsta sinn, þ.e. þær þekkjast
ekki fyrir, þá er ekki úr vegi að gefa þeim færi á að mynda
tengsl sín á milli.
Ef hetjurnar vilja hlera hvað er að frétta í borginni, er það
auðsótt. Bæði Helga og Kristina eru skrafhreifnar og alveg
til í að spjalla við hetjurnar, sem og aðra gesti, svo lengi
sem hetjurnar eru borgandi gestir. Þær geta sagt hetjunum
frá því að nú, þetta seint í Marpenoth (sem er einn af
haustmánuðunum), fari komum vagnalesta fækkandi og
líklega fari margir ævintýramenn þá að færa sig enn sunnar.
Þá gengur sú saga að Tyrangal, sem er einn af meðlimum
æðsta ráðsins og leiðtogi Koparvarðarins, hafi ekki sést
mikið í sumar og telja margir að hún hafi farið til borgarinnar
Baldur’s Gate.
Ef hetjurnar ræða við farandsskáldið, þá kynnir hann sig
sem Brongur Battlehammer, sérlegt hirðskáld í Míþríl sölum.
Með heppnuðu DC 8 Wisdom (Insight) kasti þá fá hetjurnar
á tilfinninguna að það sé kannski ekki alveg sannleikanum
samkvæmt. Ef hetjurnar ganga á hann viðurkennir
Brongur að hann hafi þurft að hverfa á brott vegna “rangs
misskilnings” milli hans og Dagnabbet, drottningar í Míþríl
sölum, sem fól í sér túlkun dvergaorðsins Gurrumm, sem
þýðir botn á alþýðsku og af frásögn hans að dæma þá er
Brongur miður sín vegna þessa, enda var kvæðið mansöngur
hans til Dagnabbet sem fór svona hræðilega úrskeiðis.
Ef hetjurnar vilja ræða við þann gráhærða þá kynnir hann
sig sem Albert von Albrect, fræðimann og uppfinningamann
með meiru. Hann fann til dæmis upp, og segir frá með
býsna miklu stolti, skífinn, sem er bæði hnífur og skeið,
nokkuð sem fjölmargir ferðamenn, að eigin sögn, hafa
nýtt sér á ferðalögum sínum - reyndar fæstir oftar en einu
sinni en hann skilur reyndar ekki af hverju. Albert er frekar
undarlegur, sífellt að velta fyrir sér ólíkum hlutum og dvelur
sjaldan lengi við sama hlutinn.
Sumir stjórnendur styðjast við leiklestur þegar þeir
leika aukapersónur, þ.e. breyta röddinni til að fanga
betur viðkomandi aukapersónu. Aðrir sýna leikmönnum
myndir af téðum persónum til að hjálpa þeim að sjá fyrir
sér aukapersónuna. Gott er að muna, að leikmenn muna
líklega betur hvernig viðkomandi persóna lét þeim líða,
en hvað hún sagði. Sama hvaða aðferð þú notar við að
koma sérkennum persónu á framfæri, ekki gleyma að
leggja áherslu á persónuleika viðkomandi og tryggja að
hetjurnar fái tilfinningu fyrir aukapersónunni. Þá er
sniðugt að byrja smátt hvað þetta varðar, t.d. getur Albert
verið hlægilegur, á meðan Brongur er dapur, og gera það
sem þú treystir þér til, t.a.m. treysta ekki allir stjórnendur
sér til að vera með ólíkar raddir fyrir hverja aukapersónu.
Þegar hetjurnar hafa komið sér fyrir á Steinsmiðjunni,
fengið ölkrúsir og jafnvel mat, er dyrunum hrundið upp
og inn kemur blóðugur, eldri maður, Hiliar U’Lar. Föt
hans, sem alla jafna eru óaðfinnanleg, eru rifin og tætt, og
augljóst að hann hefur lent illa í því. Járnrotturnar sátu fyrir
honum og eiginkonu hans þar sem þau voru á leið heim úr
matarboði hjá El’Alzadar fjölskyldunni.
Hurðinni er hrundið upp. Í þeim stendur sköllóttur maður,
andlitið blóðugt og hann heldur um sár á kviðnum, sem
litað hefur ríkmannlegan klæðnað hans. Maðurinn lítur í
örvæntingu í kringum sig og skjögrar inn fyrir dyrastafinn.
“Þeir tóku hana,” segir hann og hnígur á hnén. Hann fellur

5
 síðan fram fyrir sig, örmagna. Þá sjáið þið að miði hefur
verið festur í hægra axlarblað hans með svartri pílu.
Helga og Kristina bera samstundis kennsl á Hiliar U’Lar og
hlaupa til hans, þær geta sagt hetjunum að U’Lar sé þekktur
skraddari í borginni og mikils metinn maður. Ef hetjurnar
koma til aðstoðar, þá geta þær með heppnuðu DC 10
Wisdom (Medicine) kasti séð að hann er meðvitundarlaus,
líklega vegna blóðskorts, og hann þarfnast lækninga. Ef
hetjurnar nota lækningagaldra, þá rankar hann fljótlega
við sér, þakkar þeim fyrir og svarar þeim spurningum sem
þær kunna að hafa. Ef hetjurnar nota ekki lækningagaldra
til að koma U’Lar til meðvitundar, þá dregur Brongur fram
lækningaseyði og hellir upp í skraddarann.
Miðinn á baki U’Lar inniheldur afar einföld skilaboð:
“10.000 gullpeningar eða þú sérð konuna þína aldrei
aftur. Þú hefur til hádegis á morgun. Við höfum samband.
Járnrotturnar”
Eftir að U’Lar kemst til meðvitundar er hann
örvæntingarfullur. Helga færir honum ölkollu sem hann
tæmir í einum teig, áður en hann getur svarað spurningum
hetjanna.
Ef hetjurnar spyrja um hvað hafi gerst:
“Við hjónin vorum á leið heim úr boði El’Alzadar hjónanna
og ákváðum að stytta okkur leið í gegnum Skuggatröð, enda
veðrið ekki gott. Áður en við vissum af réðust svartklæddir
menn á okkur, lömdu mig í götuna, stungu mig og spörkuðu.
Ég heyrði að þeir drógu Karolin á brott, út að Langastræti.
Ég fékk þungt högg í höfuðið og mér sortnaði fyrir augum.
Samt reyndi ég að standa á fætur og elta þá, en þegar ég kom
út á Langastræti þá sá ég þá hvergi.”
Ef hetjurnar spyrja um Járnrotturnar:
“Ég veit ekki mikið um þessa klíku, annað en að hún hefur
farið mikinn undanfarnar vikur og margir kaupmenn orðið
fyrir barðinu á þeim. Ég skil ekki hvers vegna þeir ráðast á
mig núna, ég hef ekki gert þeim neitt.”
Með heppnuðu DC 10 Wisdom (Insight) kasti sjá
hetjurnar að U’Lar er að segja sannleikann. Albert hefur
hins vegar heyrt að Járnrotturnar séu illskeyttur hópur
þjófa og launmorðingja sem leiddur er af illmenni sem
kallaður er Skugginn. Kristina tekur undir þetta og segir
að Járnrotturnar hafi eitt sinn komið á Steinsmiðjuna og
heimtað verndartolla, hún hafi hins vegar sýnt viðkomandi
kylfuna sína og hótað rottunni öllu illu, svo hún skaust á
brott með skottið á milli lappanna. U’Lar veit ekki mikið
meira, hann er viss um að árásarmennirnir hafi verið að
minnsta kosti fjórir en hann sá þá í raun aldrei svo vel.
Ef hetjurnar spyrja út í lausnargjaldið:
“Ég get ekki útvegað svo mikið fé á þetta skömmum tíma.
Eina leiðin sem ég sé færa er að fara til El’Alzadars og slá
lán. Fjölskylda mín hefur rekið fataverslun við Langastræti
í fjórar kynslóðir og aldrei tekið lán, en hvað get ég
gert? Við eigum ekki svona mikið lausafé,” svarar hann
örvæntingarfullur og lítur til ykkar.
6
Ef hetjurnar bjóðast til að aðstoða hann, þyrmir yfir hann
og U’Lar þakkar þeim hjartanlega fyrir með tár í augum.
Helga og Kristina kinka einnig kolli til þeirra ánægðar. Ef
hetjurnar bjóðast til að aðstoða U’Lar þá fá þær inspiration.
Ef hetjurnar bjóðast ekki til þess, þá spyr Brongur þær
hvort þær geti ekki skoðað þetta og aðstoðað skraddarann.
Ef hetjurnar heimta greiðslu segist U’Lar geta greidd þeim
í vörum, þær geti heimsótt sig og fengið betri föt ásamt
því að hann geti lagt inn gott orð fyrir þær hjá leiðtoga
Koparvarðarins, sem sé fastagestur í verslun hans.
Ef hetjurnar taka að sér verkefnið, þá bendir Helga þeim á
að kannski sé best að hefja leitina að Karolin í Skuggatröð,
sem er skammt frá Steinsmiðjunni. Ef hetjurnar heimtuðu
greiðslu fyrir að hjálpa U’Lar þá með heppnuðu DC 10
Wisdom (Perception) kasti heyra þær þegar þær eru við
að ganga út af Steinsmiðjunni Albert segja: “Meiri hetjurnar
þarna, heimta fé af manni í nauð.”
Margir spunaspilarar sækja í spunaspil til að geta upplifað
eða reynt að vera hetja, þ.e. að leika einstakling sem breytir
rétt þegar á reynir. Enn aðrir spunaspilarar hafa meira
gaman af því að vera skúrkar eða leika einstaklinga sem
vilja alltaf fá greitt fyrir þjónustu sína. Flestar útgefnar
sögur hins vegar ganga út frá því að aðalpersónur séu
hetjur, þ.e. vilji og reyni að berjast gegn hinu illa þar
sem það er að finna. Þú getur notað bæði aukapersónur
og kerfisbundna þætti til að ýta undir hetjulega hegðun,
t.d. gætu aukapersónur borið kennsl á hetjur og viljað
heyra af ævintýrum þeirra eða gefið þeim advantage eða
disadvantage á Charisma köst þar sem það á við. Þannig
er umhverfi þeirra að bregðast við því sem hetjurnar gera
og það ýtir undir þá tilfinningu að breyta rétt sé jákvætt.
Skuggatröð
Skuggatröð er þröngt stræti á milli Hafnargötu og
Langastrætis. Beggja megin við tröðina standa háreist
hús og hátt yfir tígulsteinalögðu strætinu eru snúrur hvar
þvottur hangir. Skuggatröð ber nafn með rentu, því þar er
dimmt og tröðin angar af bæði kattahlandi og hundaskít.
Napur vindur stendur niður tröðina og köld rigning
lemur á andlitum ykkar. Að vindgnauði undanskildu er
allt hljótt.
Góð lýsing segir ekki aðeins frá því sem hetjurnar sjá,
heldur líka því sem þær heyra, finna, skynja og lykta. Með
því að höfða til allra skynfæra hjálparðu leikmönnum að
sjá fyrir sér það sem hetjurnar upplifa og setja sig þannig
enn betur í spor þeirra.
Skuggatröð er það þröngt að tveir menn eiga erfitt með
að ganga þar hlið við hlið en þó eru þrjú útskot. Hið fyrsta
geymir læstar dyr, sem liggja inn í eldhús hjá fjögurra manna
mennskri fjölskyldu, foreldrar og tveir synir. Ef hetjurnar
knýja dyra eða brjótast inn verður fjölskyldan, sem situr
við matarborðið og spilar við kertaljós, afar undrandi. Ef
hetjurnar spyrja meðlimi fjölskyldunnar um hvort þau hafi
orðið nokkurs vör, þá neita þau því. Með heppnuðu DC 12
Charisma (Persuasion eða Intimidation) þá viðurkennir
yngri sonurinn að hann hafi heyrt læti fyrir utan og kíkt út,
hann hafi séð þrjá menn ýta konu inn í skotið fyrir miðju
strætinu.
Í miðjuskotinu er stigi sem endar við læsta grind, en hún
leiðir niður í holræsi Ormpetarr. Þangað fóru Járnrotturnar
með Karolin og drógu hana inn í fylgsni hópsins. Með
heppnuðu DC 12 Wisdom (Perception) kasti þá koma
hetjurnar auga á að slóð eftir grindina er á blautum
tígulsteinunum, enda var grindin opnuð nýlega. Grindin
er hins vegar læst, hægt er að opna hana með heppnuðu
DC 10 Dexterity kasti og þjófalyklum. Einnig er hægt að
beygja rimlana þannig að hægt er að smeygja sér á milli með
heppnuðu DC 20 Strength kasti.
Í ysta skotinu er blóðpollur og ljóst að þar hefur verið
setið fyrir U’Lar, með heppnuðu DC 10 Intelligence kasti
sjá þær að af gluggasyllum og svölum að dæma, þá er það
besti staðurinn til að sitja fyrir einhverjum í strætinu. Með
heppnuðu DC 12 Intelligence (Investigation) kasti þá
uppgötva hetjurnar að blóðslóðin liggur í átt að Langastræti
en í pollinum er fótspor, eftir einhvern sem er minni en
skraddarinn. Með heppnuðu DC 14 Wisdom (Survival)
kasti tekst þeim að rekja slóðina að grindinni í miðjuskotinu.
Í ysta skotinu eru einnig dyr sem merktar eru með
einhyrningi, með heppnuðu DC 10 Intelligence (Religion)
kasti vita hetjurnar að þetta er helgitákn Mielikki. Dyrnar
eru ólæstar en þar fyrir innan er garður á milli húsa, þar
sem fallegt eikartré stendur og margir fallegir runnar standa
í blóma, þrátt fyrir að langt sé liðið á haust.
Holræsin
Rotnandi matarleifar, hland og saur ásamt hverju öðru
því sem íbúum borgarinnar dettur í hug að setja ofan í
holræsin safnast saman og mynda andstyggilega stækju og
hún er það fyrsta sem þið verðið vör við. Þrepin niður eru
hál og í myrkrinu er erfitt að átt sig á hvar sé gott að drepa
niður fæti. Holræsin sjálf eru með hvolfdu þaki og lág,
svo jafnvel meðalmaður á erfitt með að ganga uppréttur.
Í miðju ræsinu flýtur seigfljótandi dökkur vökvi í átt að
Nagavatni, rottur kasta sér til sunds þegar þið nálgist eftir
þröngri syllunni.
Ef hetjurnar fundu slóðina í Skuggatröð, þá með heppnuðu
DC 12 Wisdom (Survival) kasti tekst þeim að fylgja henni
áfram. Ef hetjurnar eru ekki að fylgja slóðinni þá með
heppnuðu DC 12 Wisdom (Perception) kasti sjá þær að
búið er að hreinsa rusl og drasl af syllunni þeim á vinstri
hönd þegar þær koma niður.
Í holræsunum er myrkur, en öðru hvoru berst ljósskíma að
ofan frá kertum og götuljósum við Langastræti. Ef hetjurnar
eru með darkvision þá hjálpar sú skíma þeim ágætlega,
sem og ef þær eru með low-light vision. Hetjur sem eru
hvorki með darkvision né low-light vision þurfa að kveikja
á kyndlum. Ef hetjurnar kveikja ekki á kyndlum þá þurfa
hetjur sem eru hvorki með low-light vision eða darkvision
að ná DC 5 Dexterity (Acrobatics) kasti til að geta fetað sig
áfram eftir mjórri syllunni í myrkrinu, annars detta þær ofan
í saurugt holræsavatnið.
Skammt frá þar sem hetjurnar koma inn í holræsin eru
leynidyr. Þær eru hvorki vel faldar né gætt sérstaklega, enda
treysta Járnrotturnar á að það komi ekki margir niður í
holræsin. Ef hetjurnar eru að elta slóðina þá koma þær auga
á að slóðin hverfur inn í vegginn og hafa því advantage á
Intelligence (Investigation) kast til að finna dyrnar. Ef
hetjurnar eru að fóta sig áfram án þess að vera elta slóðina
þá með heppnuðu DC 12 Wisdom (Perception) kasti sjá
þær að rusl og drasl er skyndilega aftur komið á sylluna. Með
heppnuðu DC 14 Intelligence (Investigation) kasti finna
hetjurnar dyrnar. Með heppnuðu DC 12 Dexterity kasti og
hjálpa þjófalykla tekst hetjunum að opna hurðina.
Í spunaspilum leysum við öll vafaatriði með
teningaköstum, sem sker úr um hvort aðgerð hetju takist
eða ekki. Það getur hins vegar verið gott að hafa í huga
að við erum að segja sögu, þess vegna er sniðugt að lýsa
niðurstöðum frekar en að segja hreint út hvort aðgerð
takist eða ekki, þ.e. í stað þess að segja að hetjunni sem
reyndi að opna leynidyrnar hvort henni hafi tekist eða
ekki, lýstu því sem gerist. Opnast dyrnar með smelli eða
finnur hetjan ekki hvar lásinn smellur?
Fjólublái hellirinn
Eftir stutta göngu eftir þröngum göngum opnast frammi
fyrir stór hellir. Sérkennileg fjólublá birta streymir upp frá
hellisgólfinu, sem er um 20 fetum neðar en hellismuninn.
Í hellisloftinu hanga hvassir dropasteinar og hóta á falla á
hvern þann sem fer um hellinn. Neðan úr honum berst
sætur angan. Hinum megin í hellinum er op, hvaðan sem
berst hlý birta.
Ofan í hellinum eru tveir Violet Fungus (sjá MM bls.
138) og stafar fjólubláa birtan af þeim. Í loftinu hanga fjórir
Piercers (sjá MM bls. 252) og hanga þeir í 35 feta hæð. Ef
hetjurnar fara ofan í hellinn, þá ráðast bæði þessi skrímsli
á þær. Með heppnuðu DC 15 Intelligence (Nature) kasti
bera hetjurnar kennsl á sveppina, en það er ekki hægt að
þekkja Piercers frá venjulegum dropasteinum.
Öðru megin í hellinum er vandlega falin sylla. Með
heppnuðu DC 15 Wisdom (Perception) kasti þá koma
hetjurnar auga á hana. Ef hetjurnar voru að fylgja
7
blóðslóðinni þá er hún orðin ansi dauf en hún endar hægra
megin við hellismunann sem hetjurnar komu inn um. Hins
vegar fá hetjurnar advantage á Perception kastið ef þær vita
af slóðinni. Með heppnuðu DC 12 Strength (Athletics)
kasti tekst hetjunum að klifra meðfram syllunni án þess að
vekja athygli skrímslanna í botni og lofti hellisins.
Ef hetjurnar ákveða að klifra niður þá tekst þeim það með
heppnuðu DC 12 Strength (Athletics) kasti. Ef hetjurnar
nota reipi þá fá þær advantage á kastið. Skrímslin geta ekki
flúið og berjast til síðasta blóðdropa.
Þegar hetjurnar eru komnar í aðstæður þar sem líf
þeirra getur verið í hættu er mikilvægt að lýsa aðstæðum
vel, þannig að leikmenn geti tekið bestu mögulegu
ákvörðunina hverju sinni. Lýsingar þurfa ekki að innihalda
mikla nákvæmni, en þó nægilega mikla til að vekja áhuga
eða furðu leikmanna. Gott getur verið að spyrja sig, hvað
er það fyrsta sem ég tæki eftir þegar ég kæmi inn í þessar
aðstæður og gefa síðan leikmönnum færi á að rannsaka
aðstæðurnar frekar.
Fylgsni Járnrottanna
Fylgsni Járnrottanna er ekki stórt, en ágætlega nýtt engu að
síður. Það er undir sama vöruhúsi og kránna Nöguna er að
finna, en þar safnast jafnan Járnrotturnar saman. Ef hætta
steðjar að fylgsni Járnrottanna þá reyna meðlimir klíkunnar
að verjast á meðan einn meðlimur er sendur upp stigann og
inn á Nöguna, til að sækja þangað 10 þrjóta (sjá MM 343).
Hurðar og dyr
Allar dyr eru læstar og hurðar úr þykkum við. Með
heppnuðu DC 18 Strength kasti tekst hetjunum að brjóta
þær niður. Með heppnuðu DC 13 Dexterity kasti og nota
þjófalykla tekst þeim að opna lásana.
Birta
Fylgsnið er lýst upp með olíulömpum sem hanga á veggjum.
Veggir og gólf
Öll gólf og veggir eru hlaðin, með heppnuðu DC 10
Intelligence (Stonecunning) kasti uppgötva hetjurnar að
líklega er þetta kjallari í húsi.
1. Anddyri
Frá hellinum er ekki langur gangur að steinhleðslu, en
búið er að fjarlægja nokkra steina úr hleðslunni, þannig
að auðvelt er að smeygja sér inn fyrir. Þar logar á tveimur
olíulömpum sem hanga við dyrnar gegnt innganginum.
Tveir verðir (sjá Guards MM bls. 347) sitja við dyrnar inn
að fangaklefunum og spila teningaspil. Annar þeirra er af
kyni hálforka, hinn er mennskur, og báðir svo djúpt sokknir
í teningaspilið að þeir eru með disadvantage á Wisdom
(Perception). Ef verðirnir vera varir við hættu þá opnar
annar þeirra dyrnar inn í vistarverurnar og kallar á hjálp.
8
Allar dyr í anddyrinu eru lokaðar. Verðirnir berjast þar til
þeim er ljóst að þeir eru ofurliði bornir og reyna þá að flýja
upp stigann í leyniherberginu inn af vistarverunum.
Framundan breytist hellirinn. Við grófum bergveggjum
taka við steinhlaðningar og augljóst að nokkrir steinar
hafa verið fjarlægðir úr hleðslunni, þannig að þar er nú
op sem hægt er að smeygja sér í gegnum. Í gegnum rifuna
sjáið þið hlýja birtu og lítið herbergi, hvaðan sem berst
ómur af hlátri og spjalli manna.
Það er mikilvægt að muna, þegar maður leikur óvini,
að langfæst dýr, skrímsli og manneskjur berjast allt til
dauða, sérstaklega ekki þegar um að ræða einstaklinga
sem hafa færi á að bæta stöðu sína umtalsvert og komast
lífs af, eins og í tilfelli varðanna hér. Hlutverk þeirra er
að gæta opsins og tryggja að enginn komi þar inn. Ef þeir
verða varir við mannaferðir þá kalla þeir á hjálp vina
sinna. Einnig mun skarkali og læti, sem óhjákvæmilega
fylgja bardögum, vekja athygli hinna varðanna, sem
eru í fangageymslunum. Með því að láta óvini haga sér
skynsamlega og eðlilega verður auðveldara fyrir leikmenn
að sjá fyrir sér bæði atburðina og ímynda sér viðbrögð
þeirra. Það hjálpar þeim enn frekar við að skipuleggja
hvert skref.
2. Samkomusalur
Í samkomusal Járnrottanna hefur Dornan komið fyrir borði
ásamt mörgu af því góssi sem klíkan hefur komist yfir á
undanförnum vikum. Þar er einnig lítið helgiskríni til dýrðar
Mask, goði þjófa, þar sem finna má nokkrar nýlegar fórnir (2
sp, lítill blóðsteinn að andvirði 3 gp og hálsmeni að andvirði
20 gp). Þar sem það er nokkuð langt á milli anddyrisins og
samkomusalarins þá fara hvorki Andor (mennskur Cultist
sjá MM bls. 345) né Besla (gnome Acolyte sjá MM bls. 342)
fram til að hjálpa vörðunum. Ef hetjunum tekst að komast
hjá gildrunni á ganginum þá koma þær Andor og Beslu að
óvörum.
Handan við dyrnar er stuttur gangur. Fyrir miðju
gangsins á gólfinu er forláta motta sem er af mótífum
hennar að dæma frá Calimshan. Á veggjum beggja megin
eru olíulampar. Dauf súr lykt mætir ykkur um leið og þið
gangið inn.
Með heppnuðu DC 13 Wisdom (Perception) kasti sjá
hetjurnar að mottan er örlítið sigin í miðjunni. Hægt er að
fletta mottunni til hliðar og þá kemur hola (sjá Spiked Pit í
DMG bls. 120) í ljós, sem er 20 feta djúp. Ofan í henni eru
hvassar járnstangir, þar sem sjá má rotnandi leifar af hundi.
Ef hetjurnar koma ekki auga á gildruna, þá með heppnuðu
DC 13 Dexterity save tekst þeim að komast hjá því að lenda
í gildrunni.
 Til að gildrur og gátur fái sem best notið sín er gott að
gefa leikmönnum færi á að átta sig að hugsanlega sé gildra
eða gáta framundan. Með því að lýsa aðstæðum vel, t.d.
draga athygli þeirra að mottunni, þá gefurðu leikmönnum
færi á að finna gildruna. Það ýtir undir að þeim líði eins og
hetjum, þ.e. þegar þeim tekst að leysa gátur og uppgötva
gildrur án þess að lenda í þeim. Vísbendingar á borð
við þessar er síðan hægt að nota til að skapa spennu og
eftirvæntingu, t.d. eru teppi í fleiri herbergjum og eflaust
munu hetjurnar fletta þeim öllum upp af ótta við að undir
þeim kunni að leynast gildrur.
Hinum megin við dyrnar eru ágætlega stór salur. Ríkuleg
veggteppi hanga á veggjum og veglegt viðarborð stendur
við annan endann og stólar í kringum það. Við flesta
veggi eru tunnur og kistur. Í horninu fjær ykkur er lítið
skríni og standa tvær undrandi mannverur þar og horfa
á ykkur. Önnur þeirra, kona af kyni búa hefur svarta
flauelsgrímu fyrir andliti, svo að aðeins sést í augu hennar.
Hin, karlmaður í leðurbrynju, snýr sér að ykkur undrandi
á svip.
3 4
2
Ef hetjunum tókst að komast hjá gildrunni á ganginum þá
koma þær Andor og Beslu að óvörum og fá surprise í fyrstu
lotu. Ef hetjurnar lentu í gildrunni þá eru Andor og Besla
reiðubúin.
Ef hetjurnar leggja sig ekki fram um að hafa hljótt eða tryggja
að bardaginn fari hljóðlega fram, þá verður Dornan (Drow
Bandit Captain MM sjá bls. 344) var við lætin og kemur
fram og berst með Andor og Beslu. Ef hann er kominn á
svæðið þá kallar hann stöðugt eftir hjálp varðanna og hinna
Járnrottanna. Ef hann sér fram á að hugsanlega sé bardaginn
að snúast gegn honum reynir hann að komast undan með
því að hlaupa fram og inn í holræsin, þar sem hann hyggst
notfæra sér að vera með darkvision og þekkja þau ágætlega.
Þarna inni eru tunnur með hveiti, fatalitum, kistlar með
kryddi og álíka vörum. Með heppnuðu DC 13 Intelligence
(Investigation) kasti finna hetjurnar læstan kistil. Með
heppnuðu DC 15 Wisdom (Perception) kasti sjá hetjurnar
að það er nálagildra (sjá Needle Trap í DMG bls. 120) í
lásnum á kistlinum. Með heppnuðu DC 12 Dexterity kasti
og nota þjófalykla tekst hetjunum að opna lásinn. Í kistlinum
eru 3 lækningaseyði. Ef hetjurnar tæma salinn og selja allt
5
1 6
9
góssið er það í heildina um 150 gullpeninga virði.
3. Herbergi Dornans
Herbergi leiðtoga Járnrottanna er ríkulega búið og ljóst að
Dornan hefur tryggt að vistarverur sínar séu eins notalegar
og hugsast getur. Þar má finna tvær styttur sem sýna gyðjuna
Selune, að andvirði 50 gp hvor, sem og veggteppi sem ofið
er með gullþræði og stolið var úr hofi Waukeen, gyðju
kaupmanna og verslunar. Ef hofið fær teppið aftur greiða
prestarnir 100 gp í fundarlaun. Á skrifborði er olíulampi og í
leynihólfi undir borðinu eru 2 lækningaseyði og 1 seyði sem
gerir mann ósýnilegan. Með heppnuðu DC 16 Intelligence
(Investigation) kasti tekst hetjunum að finna leynihólfið.
Á borðinu er einnig pappír, eins og sá sem hetjurnar fundu
í baki U’Lars.
Ef Dornan hefur ekki orðið var við hetjurnar þá situr hann
við skrifborðið og er að skrifa næsta hótunarbréf til U’Lars.
Ef hann hefur orðið var við hetjurnar, t.d. vegna bardaga
í Samkomusalnum, þá hefur hann tekið seyðið sem gerir
mann ósýnilegan og stungið því á sig áður en hann fer fram.
Herbergi leiðtoga Járnrottanna er ríkulega búið. Við
glæsilegt rúm standa tvær styttur, skornar úr fílabeini og
skreyttar silfri. Báðar sýna þær sorgmædda konu en hár
hennar fellur sem silfur niður nakinn líkama hennar. Á
veggnum gegnt dyrunum er afar vandað veggteppi, ofið
gullþræði og sérlega ríkmannlegt, en myndin á því sýnir
andlit konu með gulli slegið hár. Í hinum endanum er
skrifborð, hvar nokkur blöð liggja og logar á olíulampa.
Með heppnuðu DC 10 Intelligence (Religion) kasti bera
hetjurnar kennsl á stytturnar og myndina á teppinu. Ef
hetjurnar koma Dornan að óvörum þá er bréf á borðinu
frá Ssithal sem útlistar nákvæmlega hvenær U’Lar verður
í matarboði hjá El’Alzadar. Ef Dornan hefur orðið var við
hetjurnar þá eru aðeins öskuleifarnar af því bréfi á gólfinu
undir borðinu.
Dornan Druu’gir
Dornan er aðalborinn dökkálfur ættaður frá
Menzoberranzan, hann flúði hins vegar borgina eftir að
upp komst að hann hafði reynt að fífla eina af dætrum
Baenre. Dornan er góður bardagamaður og berst með
tveimur handöxum, sem hanga í keðjum er festar eru við
framhandleggsvarnir hans. Hann sveiflar öxunum í kringum
sig og virðist algjörlega óttalaus í bardaga. Dornan er hins
vegar ekki heimskur og veit hvenær hann er ofurliði borinn.
Hann er auk þess ekki tilbúinn að láta lífið fyrir Ssithal Tal
og sérstaklega ekki fyrir höndum óreyndra ævintýramanna.
Ef hann tapar 75% hit punkta sína þá flýr hann og notar þá
helst seyði sem gerir hann ósýnilegan, ef hann hefur haft
færi á að sækja það áður en kemur til bardaga við hetjurnar.
Það að leika illmenni þannig að leikmenn fái í senn
10
ímugust og áhuga á viðkomandi getur verið pínu snúið.
Þá getur verið sniðugt að hafa tvennt í huga. Annars
vegar að illmenni eru þrátt fyrir allt (oftast nær) með
mannlega eiginleika, sem gott getur verið að ýkja eða
draga sérstaklega fram. Til að mynda gæti verið sniðugt
að leika Dornan þannig að hann sé allur í kjaftinum en
flýi af hólmi þegar á reyni. Hér gildir oft að beina sjónum
að einföldum smáatriðum, eins og kækjum, útliti, raddblæ
eða orðavali.
Hins vegar er gott að hafa á bakvið eyrað að illska birtist
ekki bara í því að vilja ræna, pynta og myrða, heldur einnig í
sjálfelsku, eigingirni og vera tilbúinn að henda öðrum undir
vagninn til bjargar sjálfum sér, ef svo mætti að orði komast.
Áhugaverð illmenni, sem hetjurnar jafnvel þurfa að berjast
við aftur og aftur, eiga sér einhverja sögu og oft eru þær
harmi þrungnar. Oft getur verið sniðugt að láta baksögu
illmenna endurspegla að einhverju leyti val hetjanna, þ.e.
að ilmennið endurspegli hvað hefði getað gerst ef hetjurnar
hefðu valið með öðrum hætti í þeirra eigin baksögum.
4. Vistarverur
Í þessu herbergi liggja fjórir meðlimir Járnrottanna og
hvíla sig. Ef hættu steðjar að eru þeir hins vegar fljótir að
grípa til vopna. Þarna er líka borð og nokkrir stólar ásamt
eldunaraðstöðu. Þarna geta allt að 10 meðlimir gist í einu, í
5 kojum. Í herberginu má einnig finna leynihurð, sem felur
gang og stiga upp á kránna Nöguna. Skammt frá stiganum er
gægjugat, sem er vandlega falið.
Herbergið frammi fyrir ykkur er ágætlega stórt. Þar eru 5
kojur og eldunaraðstaða í einu horninu. Í loftinu hangir
lykt af steiktu beikoni.
Með heppnuðu DC 13 Wisdom (Perception) kasti finna
hetjurnar leynihurðinu. Með heppnuðu DC 18 Wisdom
(Perception) kasti finna hetjurnar gægjugatið. Við dyrnar inn
í anddyrið er gildra. Lítil rún hefur verið sett í stein á gólfinu
(með heppnuðu DC 15 Intelligence (Investigation) kasti
finna hetjurnar rúnina) skammt frá dyratrénu. Ef einhver
stígur á rúnina þá virkjast galdurinn Hold Person (Wisdom
save DC 14). Ef verðirnir í anddyrinu kölluðu á hjálp þá taka
hetjurnar eftir því að þeir sem voru í vistarverunum stigu
aldrei yfir þennan stein, með heppnuðu DC 10 Wisdom
kasti.
Inni í vistarverunum eru 2 verðir (Guards sjá MM bls.
347) og 2 þrjótar (Thugs sjá MM bls. 350). Ef hetjunum
tekst að yfirbuga helming þeirra þá flýja hinir upp stigann.
5. Leyniherbergi
Handan við leynidyrnar er dimmur gangur. Við enda
hans er tréstigi og má greini gleði og glaum berast að
ofan, ásamt sérkennilegri blöndu af ælulykt, svitafýlu og
reykingastybbu. Neðst við tréstigann er fata með nokkrum
 ómerkilegum stuttsverðum. Leikmenn freistast oft til þess að breyta heldur eftir því
sem þeim finnst töff eða fyndið, fremur en að haga hegðun
Stiginn leiðir upp í bakherbergi á kránni Nögunni. Það er persóna og vali þeirra eftir því alignmenti sem þeir
fátt merkilegt í leyniherberginu. Í fötunni eru 6 stuttsverð, kusu persónum sínum. Alignment er vissulega umdeilt
ekkert þeirra í slíðri. en engu að síður er þetta kerfi sem á að hjálpa þeim að
6. Fangageymslur skilja hvernig persóna þeirra myndi breyta í ákveðnum
aðstæðum. Þetta kerfi er líka tól fyrir stjórnendur, því það
Karolin U’Lar er haldið fanginni í einum fangaklefanna. hjálpar okkur að sjá fyrir hvernig hetjur gætu breytt eða
Þar er einnig Rovar Graystone, fyrrum meðlimur klíkunnar, valið hverju sinni. Þetta birtist t.a.m. í þessum aðstæðum,
í haldi. Hann hefur verið grimmilega pyntaður og sakaður góð persóna myndi hallast að því að bjarga Rovari, neutral
um að hafa stolið frá Dornan, sem er reyndar satt. Rovar persóna gæti verið á báðum áttum á meðan ill persóna
grátbiður hetjurnar um að bjarga sér því annars verði myndi líklega kæra sig kollótta.
hann myrtur. Hann hefur ekkert sem hann gæti greitt
hetjunum með, en ef hetjurnar bjarga honum þá getur hann
sagt þeim að hann viti að Dornan eigi sér vitorðsmann Niðurlag
inni í bankagildinu og að markmið Dornans sé að láta
Járnrotturnar hrekja sem flesta kaupmenn í viðskipti við Ef hetjunum tekst að frelsa Karolin er U’Lar afar þakklátur
bankagildið. Í fangageymslunum eru einnig tveir þrjótar og lofar hverju þeirra heilfatnaði af bestu gerð. Þá lofar
(Bandits sjá MM bls. 343), sem ráðast á hetjurnar, ef þeir hann einnig að hann muni skrifa fyrir þau meðmæla bréf
hafa ekki þegar farið fram til hjálpar vörðunum. fyrir Tyrangal, þannig að þau geti komist á fund leiðtoga
Koparvarðarins, ef þau vilja.
Um leið og þið opnið dyrnar áttið þið ykkur á að þarna
er tveimur einstaklingum haldið föngum, hvor í sínum
klefa innan rimla. Í öðrum þeirra er hálfnakinn dvergur,
blóðugur og marinn í andliti og önnur höndin augljóslega
illa brotin. Hinn einstaklingurinn er dökkhærð tignarleg
kona. Blár kjóll hennar er að framan og hún reynir að
skýla nekt sinni, en starir ákveðin á ykkur. “Eiginmaður
minn mun aldrei láta ykkur komast upp með að kúga sig,
fautarnir ykkar,” segir hún öllu hærra en nauðsyn krefur
í þessu þrönga rými. Dvergurinn lítur upp og verður
undrandi á svip þegar hann sér ykkur.

Með heppnuðu DC 12 Wisdom (Insight) kasti fá

hetjurnar á tilfinninguna að Rovar viti að þeir séu ekki
meðlimir Járnrottanna. Rovar reynir hvað hann getur til að
sannfæra hetjurnar um að bjarga sér og augljóst að hann er
dauðhræddur um líf sitt þarna.
Ef hetjurnar segja Karolin að U’Lar hafi sent þær, þá
hvetur hún þær til að opna klefana. Með heppnuðu DC 14
Dexterity kasti og þjófalyklum tekst hetjunum að opna
klefadyrnar. Karolin vill komast úr bæli þjófanna sem allra
fyrst. Ef hetjurnar láta hana fá eitthvað sem skýlir henni, t.d.
kufl eða teppi, þá þakkar hún viðkomandi hjartanlega fyrir.
Ef hetjurnar ákveða að bjarga Rovar þá þarf að opna
klefann hans rétt eins og klefa Karolin. Hann staulast með
þeim og reynir að hægja ekki á þeim, en hann er illa haldinn
og mjög særður.
Ef hetjurnar bjarga Rovar og Karolin án þess að eiga við
þjófagengið, þá uppgötvast flóttinn býsna fljótt og Dornan
fer ásamt þremur þrjótum og Beslu á eftir hetjunum. Þegar
hetjurnar eru að hálfnuð út úr Fjólubláa hellinum koma þau
á eftir föngunum.

11