1

Saga & hönnun: Thorsteinn Mar

DUNGEONS & DRAGONS, D&D, Wizards of the Coast, Forgotten Realms, Ravenloft, the dragon ampersand,
and all other Wizards of the Coast product names, and their respective logos are trademarks of Wizards of
the Coast in the USA and other countries.

This work contains material that is copyright Wizards of the Coast and/or other authors. Such material is
used with permission under the Community Content Agreement for Dungeon Masters Guild.

All other original material in this work is copyright 2018 by Thorsteinn Mar and published under the
Community Content Agreement for Dungeon Masters Guild.

2
 Skuggasöngvar
S
kuggasöngvar er ævintýri fyrir 4-6
hetjur á 3. leveli. Þá getur verið afar
hjálplegt fyrir hetjurnar að hafa
prest meðal sinna raða. Að spila í
gegnum ævintýrið tekur um 3-5
klukkustundir. Auðveldlega má
laga ævintýrið að minni eða stærri
hópum, sem og finna því stað í
annarri borg.
Dithian Delarin er söngvaskáld og prestur Shar, sem
hefur verið að lokka fólk til liðs við trúna í Ormpetarr.
Hann hefur heillað íbúa á hinum ýmsu krám í borginni og
margir fagna honum hvar sem hann fer. Þetta hefur vakið
athygli yfirvalda og hafa bæði meðlimir Koparvarðarins og
munkar Kelemvor látið sig málið varða.
Bók þessi er ætluð stjórnendum og má finna lýsingar
á göldrum, hæfileikum, óvættum og reglum í Player’s
Handbook, Dungeon Master’s Guide, Monsters
Manual og Volo’s Guide to Monsters. Þá er einnig
ágætt að hafa Sword Coast Adventurer’s Guide við
höndina. Að lokum er eindregið mælt með því að
stjórnandi kynni sér reglurnar um bardaga í myrkri
áður en spilun fer fram.
Forsaga
Dithian Delarin var yngsti sonur Keron Delarins,
misheppnaðs farandkaupmanns af kyni skógarálfa
og gerði út frá þorpinu Hlath við Vilhoun strandir.
Keron hafði yfirgefið heimili ættbálks síns eftir að
hafa kallað skömm yfir fjölskyldu sína með því að
mæta ekki til hólmgöngu til að verja heiður systur
sinnar.
Dithian, sem ferðaðist víða um Vilhoun strandir
með föður sínum, ólst þannig að mestu upp meðal
farandkaupmanna og -skemmtikrafta, ýmist inni á
hinum og þessum gistihúsum eða með vagnalestum.
Hann sýndi söngvaskáldunum mikinn áhuga og var
heillaður af því hvernig þeim tókst að hafa áhrif á
fjölda fólks.
Þegar Dithian var um tvítugt kynntist hann Solida
di’Taja, skuggasöngvara Shar, í borginni Nimpeth.
Dithian var algjörlega gagntekinn af hæfileikum
Solida og grátbað skuggasöngvarann um að kenna
sér. Solida ákvað að slá til og Dithian hafði ekki einu
sinni fyrir því að kveðja föður sinn, hann stakk af
og fylgdi Solida suður Gullna Veginn til Innarlith.
Dithian nam af Solida hæfileikann til að vefa skugga
inn í söngva sína og Solida komst fljótt að raun um
að Dithian hafði, af því er virtist, náðargáfu á þessu
sviði.
Í Innarlith tók Dithian að nýta sér þessa hæfileika sína
sjálfum sér til framdráttar, einkum í fjárhættuspilum.
Það varð að lokum til þess að Dithian skuldaði
3
stórfé í borginni og ákvað Solida, sem hugnaðist
ekki hvernig Dithian misnotaði hæfileika sína til að
verða ríkur í stað þess að dreifa boðskap Shar, að láta
Dithian sæta ábyrgð og sá sér leik á borði til að losna
við Dithian, sem var tekinn að þreyta Solida. Gamli
skuggasöngvarinn sló ekki skjólshúsi yfir Dithian
nóttina þegar hann leitaði eftir hjálp Solida en fautar
og rukkarar voru á hælum hálfálfsins.
Dithian reyndi að fela sig í húsasundi og nýtti
skuggasöngva til að vefja skuggum um sjálfan sig.
Honum til furðu þá vöknuðu skuggarnir til lífsins og
gerðu út um fautana. Hann leit upp og sá að Selune
var hulin myrkri og tók því sem tákni um velþóknun
Shar á honum. Hún birtist Dithian í draumi og sagði
honum frá Skuggaskinnu, fornri bók sem inniheldur
marga skuggasöngva og -galdra og er í eigu Tyrangal,
kopardrekans í Ormpetarr.
Dithian tók upp fantatíska trú á Næturfrilluna og
fann fljótt að það jók getu hans sem skuggasöngvari.
Hann einsetti sér að koma höndum yfir Skuggaskinnu,
sem heitir á frummálinu Mal’eb’Dala og byrjaði að
skipuleggja hvernig hann gæti komist yfir hana.
Dithian sneri fyrir þremur mánuðum aftur til
Vilhoun strandar. Hann hefur haldið sig í borginni
Ormpetarr, þar sem hann hafði komist að því að
þar væri að finna gamalt hof til dýrðar Shar. Hann
fann hofið eftir nokkra leit í ræsum borgarinnar og
endurreisti það. Dithian söng á hinum ýmsu krám
á kvöldin og lokkaði til sín konur og karla sem voru
opin fyrir boðskapi Næturfrillunnar, í von um að
geta fengið nógu marga starfsmenn í höll Tyrangals
á sitt band þegar fram líða stundir, og komast þannig
að hvar skinnan er falin.
Ævintýrið - Yfirlit
Dithian nýtur sífellt meiri hylli í Ormpetarr, enda fær
söngvari og nýtir hæfileika sína til að vefa skugga inn í
söngva sína og skemmtiatriði til hins ítrasta. Það hefur
hvorki farið framhjá Koparverðinum né munkum
Kelemvor, sem hafa fundið að sífellt fleiri hverfa úr
söfnuði þeirra. Tyrangal, kopardrekinn sem stýrir
Koparverðinum, hefur af komu söngvaskáldsins
nokkrar áhyggjur, enda nokkuð af starfsfólki hennar
sem hefur gengið til liðs við söfnuð Dithians og fær
því nokkrar hetjur til að rannsaka málið.
Dithian hefur ekki ekki setið auðum höndum
og hefur náð að lokka til liðs við sig allnokkra
starfsmenn Tyrangals, sem hann hyggst yfirheyra
og reyna þannig að komast að því hvar Mal’eb’Dala
er geymd. Ætlun hans er að síðan að brjótast inn í
höllina og stela bókinni, og komast þannig að helstu
leyndarmálum skuggagaldranna.
4
Eftir að hafa flakkað á milli krá Ormpetarr komast
hetjurnar að því að Dithian efur oft gefið sig á tal
við aðdáendur sína þegar verið er að loka krám og
þá hafa viðkomandi sést hverfa á dimmum nóttum
ofan í ræsin undir borginni. Eftir að hetjurnar hafa
rannsakað ræsin finna hetjurnar hofið sem Dithian
hefur endurreist og takast þar á við skuggasöngvarann
og skugga hans.
Um Ormpetarr
Áður en Galdraplágan skall á var Ormpetarr
höfuðborg Sespech baróndæmisins. Þegar plágan
reið yfir varð Ormpetarr að griðarstað fyrir pílagríma
með galdraör. Á þeim tíma teygðu sig fjölmargar
brassklæddar turnspírur sig upp í himininn og
endurköstuðu sólarljósinu, þannig að það var sem
borgin væri böðuð gulli, en í plágunni hrundu margir
turnanna og tapaði borgin nokkru af fyrri dýrð sinni.
Árið 1491 DR hefur borgin verið að miklu leyti
endurbyggð og er hún smátt og smátt að endurheimta
fyrri styrk. Hún er miðstöð lánastarfsemi og
verslunar við Gullna veginn og eru nokkur öflug
verslunarsamtök með viðveru í borginni.
Borginni er stýrt af ráði sem saman stendur af abóta
Kelemvor klaustursins sem stendur rétt fyrir utan
borgina, kopardrekanum Tyrangal og leiðtogum
annars vegar kaupmannagildisins og hins vegar
bankagildisins.
Lögum og reglu er haldið uppi af ólíkum sveitum á
vegum gildanna og ráðsins. Koparvörðurinn er sveit
heimamanna sem styrkt er og haldið uppi af Tyrangal.
Klaustur Kelemvors leggur einnig til munka sína,
einkum þá er takast þarf á við uppvakninga og aðra
ódauða. Mikið er lagt upp úr því að reglum sé fylgt,
t.a.m. þurfa kaupmenn leyfi frá kaupmannagildinu
til að stunda verslun í borginni.
Borgin stendur við bakka Nagavatns og fer
fram nokkur verslun bæði við hafnirnar, sem og
borgarhliðin, enda stöðva margir kaupmenn vagna
sína fyrir utan þau, til að komast hjá því að greiða
fyrir verslunarleyfi. Í borginni búa um 50.000
manns þegar mest lætur og eru það einkum menn,
dvergar og hálf-álfar, þó að aðrir kynþættir séu þar
einnig að einhverju marki. Í kringum borgina er
virkisveggur og eru á honum tvo stór hlið, annars
vegar norðanmegin sem snýr að Vilhoun Strönd og
hins vegar suðurhlið, þar sem Gullni Vegurinn nær
að borginni. Vestanmegin eru bryggjur og hafnir
borgarinnar.
Flest hús eru reist á hlöðnum steingrunni en efri
hæðir eru byggðar úr dökkum viði sem fenginn er
úr Chondath-skógi og Vetrarviði. Húsin standa þétt
og eru mörg strætin því þröng og veita skjól gegn
sólinni á daginn. Flest þök eru brött og gluggar mjóir.
Stræti eru lögð tígulsteinum og rás í þeim miðjum,
hvar regnvatn sem og það sem íbúar hreinsa úr
næturgögnum út um glugga sína á morgnana, flæðir
niður í ræsin undir strætunum. Fyrir vikið getur ansi
þungur og áleitinn fnykur af þvagi og rusli hangið
yfir borginni og segja sumir farandkaupmenn að þeir
finni oft lyktina af borginni áður en þeir sjá hana á
leið sinni norður eftir Gullna veginum.
Fyrir miðju borgarinnar stendur óðalssetur
Tyrangals, sem er bæði veglegt og stórt, en umfram
allt, gríðarlega vel varið, bæði af hálfu Koparvarðarins
sem og göldrum drekans. Þrjár misháar turnspírur
teygja sig upp frá aðalbyggingunni, hvaðan Tyrangal
hefur útsýni yfir alla borgina.

Boð frá Tyrangal

Hetjurnar fá boð frá Tyrangal um að finna sig í
setrinu. Eftir að hetjunum hefur verið vísað inn í
móttökusal, kemur drekinn inn í líki mennskrar
konu með koparlitaða húð. Ef hetjurnar ná DC 13
Wisdom (Insight) kasti þá fá þær á tilfinninguna að
Tyrangal sé ekki öll þar sem hún er séð, enda er hún
forn kopardreki. Lestu eða umorðaðu eftirfarandi:
Ykkur er vísað inn í stóran sal, hvar glæsileg, ofin
veggteppi skreyta flesta þá veggi sem ekki snúa út
í vel hirtan skrúðgarð setursins. Ekki líður á löngu
þar til hávaxin og konungleg kona með koparlitaða
húð gengur inn í salinn. Hún skartar eldrauðu síðu
hári og í augum hennar er gylltur tónn. Fótatak
hennar bergmálar í salnum, þar til hún stansar fyrir
framan ykkur. “Velkomin á heimili mitt,” segir
hún, röddin ákveðin og ber í sér valdmannslegan
blæ.
borgarinnar og nýtur víst þó nokkurrar hylli. Mér
skilst á mönnum mínum að það er eitthvað meira
sem býr að baki þessu skáldi og virðist hann ekki
allur þar sem hann er séður, þessi Dithian Delarin,
og hafa jafnvel munkarnir í Kelemvor klaustrinu
talið sig heyra í textum hans boðskap sem falla
ætti fæstum velviljuðum einstaklingum vel að
skapi. Hann virðist hins vegar geta horfið með öllu
þegar hann hefur lokið sér af og sungið lög sín á
kránum í hafnarhverfinu, sem ég kann ekki við.
Ég vil gjarnan komast að því hvar skáldið heldur
sig á daginn og hverja fyrirætlanir hans eru, af
hverju hann vill helst syngja söngva um skugga og
myrkur og hvers vegna íbúar borgarinnar virðast
svo ginkeyptir fyrir lögum hans. Fyrir það er ég
tilbúin að greiða 500 gullpeninga.”

Tyrangal kynnir sig og gefur hetjunum færi á að
gera slíkt hið sama. Hún segist hafa heyrt af þeim
og vilji gjarnan fá þær til að aðstoða sig. Vandamálið
er að söngvaskáld hafi gert sig gildandi á krám
borgarinnar undanfarið og hún hafi á tilfinningunni
að skemmtikrafturinn sé ekki allur þar sem hann
er séður. Hún hafi þó ekki neinar haldbærar
vísbendingar um það, og vilji helst fá einhverja til
verksins sem ekki er hægt að tengja við Koparvörðinn,
að minnsta kosti ekki enn sem komið er.
“Ég er með svolítið vandamál sem þarfnast
úrlausnar. Málið er, að undanfarnar tídægrur
hefur ungt söngvaskáld farið mikinn á krám
Með heppnuðu DC 12 Wisdom (Insight) kasti þá
fá hetjurnar á tilfinninguna að Tyrangal sé ekki að
segja þeim allt sem hún veit, en Dithian hefur sýnt
starfsfólki hallar hennar sérstaklega mikinn áhuga
og það fer mjög í taugarnar á drekanum.
Hetjurnar geta reynt að semja um hærra verð. Með
heppnuðu DC 13 Charisma (Persuasion) kasti tekst
þeim að sannfæra Tyrangal um að hækka verðið í
600 gullpeninga. Ef hetjurnar ná DC 18 Charisma
(Persuasion) kasti er Tyrangal tilbúin að greiða 650
gullpeninga fyrir upplýsingar um Dithian.
Krár Ormpetarr
Dithian hefur flakkað á milli kráa og öldurhúsa

5
Ormpetarr og nýtt hæfileika sína til að laða fólk til
liðs við kirkju sína. Hetjurnar geta fundið bæði ýmsar
upplýsingar á kránum, og jafnvel heyrt hann syngja,
ef heppnin er með þeim.
Í Ormpetarr eru þó nokkrar krár og með heppnuðu
DC 12 Charisma (Persuasion eða Intimidation) kasti
geta hetjurnar komist að því að Dithian hefur helst
skemmt á krám sem eru við hafnirnar, þar sem íbúar
af lægri stéttum halda sig.
Í hafnarhverfinu eru 4 krár vinsælastar. Dithian
hefur komið fram á öllum þeim og gerir nokkuð
reglulega. Eftirfarandi sögusagnir og orðróma má
heyra hjá gestum:
D10 Orðrómur
1 Það er eins og skuggarnir taki undir með
honum og stígi tryllta dans þegar hann spili.
(Satt)
2 Dithian er óskilgetinn sonur fyrrum baróns
borgarinnar. (Ósatt)
3 Söngvaskáldið er sérstaklega hrifið af því að
syngja um fjörlegt næturlíf, villtar meyjar og
frillur. (Satt)
4 Dithian virðist njóta þess að gera lítið úr
Selune. (Satt)
5 Hann birtist aðeins á kvöldin og munkum
Kelemvor er illa við hann, þar af leiðir hlýtur
hann að vera vampíra. (Ósatt)
6 Margir hverfa með Dithian út í myrkrið eftir
skemmtanir hans, en fáir eru til frásagnar
um hvað gerist. (Satt)
7 Söngvaskáldið var sendur af Yuan-Ti
leiðtogum Hlondeth til að lokka fólk til
borgarinnar, þar sem það getur orðið að
þrælum snákafólksins. (Ósatt)
8 Dithian er á vegum einhverra götuklíku, því
það virðast allir hafa lent í því að vera rændir
á meðan söngvaskáldið er að skemmta. (Satt
en ótengd mál)
9 Söngvar skáldsins eru næstum eins og ofnir
úr göldrum og hafa dáleiðandi áhrif. (Satt)
10 Skáldið er sagt hafa hitt djöful á vegamótum
Gullna vegarins þar sem hann seldi sálu
sína fyrir hæfileikana. (Ósatt)
Nagan
Hið fyrsta sem mætir ykkur eru hlátrasköll og
ómur af nokkrum sönglögum, kyrjuð, sungin
og hreinlega öskruð samtímis, hvert í kapp við
6
annað. Þegar Nagan kemur í ljós, sjáið þið að um
er að ræða ágætlega stórt hús, sem eflaust gegnir
hlutverki vöruhúss af útlitinu að dæma. Kráin er
í kjallaranum og strax við dyrnar er býsna margt
um manninn. Af lyktinni sem stendur frá kránni
að dæma, þá er ekki síður margir inni á staðnum.
Tveir risavaxnir hálforkar standa í dyrunum og
tryggja að allt fari fram með friði og spekt.
Nagan er býsna stór og yfirleitt fullt út úr dyrum. Þar
eru slagsmál tíð og auðvelt fyrir hetjurnar að verða
sér úti um pústra og hnefahögg eða tvö þar. Nagan
er í kjallara stórs vöruhúss, og eru dyraverðirnir
tveir, báðir hálf-orkar, annars vegar Grull og hins
vegar Steingrimm. Grull er ágætlega gefinn (Int
13) og hefur yfirleitt orðið. Grull veit að hann getur
grætt á því að selja upplýsingar og hikar ekkert við
að láta það í ljós, án þess þó að nefna það beint á
nafn. Með heppnuðu DC 10 Wisdom (Insight) kasti
finna hetjurnar að Grull vill fá eitthvað fyrir sinn
snúð. Grull veit að Dithian hefur stundum beðið
eftir aðdáendum sínum þegar að hann hefur lokið
sér af og leitt það fólk, aðallega konur, inn í borgina.
Hvorugur þeirra hefur séð hvert Dithian leiðir fólkið.
Grull og Steingrimm eru báðir Thugs (sjá MM bls.
350).
Inni á Nögunni er loftið reykmettað og lyktar af
svita, bjór og ælu. Þar er erfitt að komast nokkuð,
sérstaklega að barnum, enda undantekningalítið
margt um manninn. Þar koma saman allar tegundir
og blanda geði, oftar en ekki með afar misjöfnum
árangri. Þá er einnig þó nokkur hætta á að hetjurnar
tapi eitthvað af því sem þær koma með í vösum sínum.
Ef hetjurnar eru sérstaklega að passa upp á vasa sína,
þá með heppnuðu DC 13 Wisdom (Perception) kasti
sjá þær þegar vasaþjófur (sjá Spy MM bls. 349) reynir
að hnupla pyngju þeirra. Ef hetjurnar eru með hærra
Passive Perception þá sjá þær hið sama.
Dithian spilar ekki á Nögunni næstu 5 kvöldin,
en flestir gestanna kannast við hann og segja hann
söngvara sem nær ótrúlegu valdi á gestum og virðist
geta haldið þeim hugföngnum. Mjög líklegt (50%
líkur) eru að það brjótist út slagsmál á kránni á
meðan hetjurnar eru þar, notast skal við statta fyrir
Commoner (sjá MM bls. 345).
Steinsmiðjan
Steinsmiðjan stendur í sterklegu, hlöðnu húsi, hvar
járngrindur hafa verið lagðar fyrir alla glugga.
Dyrnar er lágar og fyrir innan eru loftbitarnir
þaktir sóti. Hvergi eru hefðbundin borð að sjá, en
gestir ölhússins, sem flestir eru dvergar, sitja við
 gamla steðja og stóra steina. Við barinn stendur
dvergakona og fylgist með ykkur nálgast.
Steinsmiðjan er bar sem rekin er af dvergahjónum,
Kristinu og Helgu Darkhammer. Kráin er, eins og
nafnið gefur til kynna, til húsa í gamalli steinsmiðju.
Borðin eru ýmist steðjar eða steinar sem unnir
voru í smiðjunni áður en hún lokaði. Eðli málsins
samkvæmt eru dvergar í miklum meirihluta gesta.
Kráin er öllu rólegri en Nagan og yfirbragð hennar
meira heillandi en stóra kráin.
Kristina og Helga þekkja bæði vel til Dithians og
geta frætt hetjurnar, tali þær dvergamál, að Dithian
hafi skemmt þar fyrir tveimur kvöldum og hafi þrír
gestir horfið á braut með honum, allt manneskjur.
Dithian er sjálfur hálf-álfur og þrátt fyrir að hann
hafi jákvæð áhrif á sölu bjórsins, þá kunna hjónin
ekki vel við hann og segja hann frekar skuggalegan,
hann reyni fullmikið að vera viðkunnanlegur.
Kristina segir að þegar Dithian hafi spilað hjá þeim
síðast hafi Steinsmiðjan fljótlega fyllst af misjöfnum
lýð sem virtist dýrka Dithian eins og eitthvert goð og
hafi ráðist harkalega gegn hverjum þeim sem kunni
ekki við söngva Dithians. Helgu finnst eins og lög
Dithians hafi verið nokkuð þung það kvöld og býsna
myrk. Með heppnuðu DC 10 Wisdom (Insight) kasti
finna hetjurnar að hjónunum er meinilla við Dithian.
Gula hurðin
Þegar þið nálgist Gulu hurðina komið þið fljótt auga
á hvers kyns fólk sækir þennan stað heim, enda
húsið þar sem kránna er að finna séð betri daga og
líklega flestir gesta hennar einnig. Lyktin þar inni,
sem virðist benda til þess að gestirnir létti á sér þar
sem þeim sýnist, er býsna ágeng og fráhrindandi.
Við barinn stendur kona í leðursvuntu á óræðum
aldri og reynir að vekja einn viðskiptavin sem
hefur líklega bara sofnað.
Kráin Gula Hurðin er á þremur í hæðum í húsi
skammt frá höfninni. Hurðin á innganginum er þó
ekki gul, heldur rauð, hins vegar hangir gul hurð fyrir
ofan innganginn. Kráin er nokkuð í niðurníðslu og
sækir einkum fólk af lægstu stéttum staðinn. Dithian
er hins vegar tíður gestur þar og eru 25% líkur á því
að hann sé að spila þar að kvöldlagi þegar hetjurnar
koma.
Gula Hurðin er rekin af Hanton Jillard, sem er
gömul fyllibytta sem nýtur þess að sýna ofríki sitt
gagnvart starfsfólki sínu. Jenna, hálf-álfur eins og
Dithian, er ein þeirra sem afgreiðir á barnum og er
meira en tilbúin að ræða um Dithian, sem hún virðist
dýrka. Jenna hefur alla tíð unnið mikið og þrátt fyrir
að vera rétt komin á fertugsaldur lítur hún út fyrir að
vera nokkuð eldri. Jenna getur upplýst hetjurnar um
að hún hafi einu sinni fylgt Dithian, ásamt fleira fólki
af barnum, að opi inn í ræsin, undir bryggjur þar
skammt frá. Hún hafi hins vegar verið bæði þreytt
og drukkin, þannig hún ákvað að fylgja honum ekki
lengra. Hún veit ekki hvað hann ætlaði sér þar.
Vatnaliljan
Við eina bryggju stendur tveggja mastra skonnorta,
vandlega skreytt litríkum ljósum, hvaðan sem berst
bergmál ómþýðrar söngraddar. Við landganginn
stendur bláleitur maður, með stór augu og bendir
ykkur að koma nær. “Velkomnir á Vatnaliljuna,”
segir hann og brosir innilega, “virðulegasta ölhús
þessa annars fábreyttu borgar.” Á dekkinu standa
nokkur borð klædd vaxdúkum og af útiliti gestanna
að dæma er Vatnaliljan líklega með dýrari krám
borgarinnar.
Vatns-genasi’inn Maron (sjá Cult Fanatic MM bls. 345)
rekur Vatnaliljuna, sem er virðulegasta kráin af þeim
fimm sem finna má í bryggjuhverfinu. Vatnaliljan
er um borð í tveggja mastra skipi, Vatnaliljuna, við
eina bryggjuna. Maron er meðlimur í kirkju Shar og
þegar hetjurnar ræða við hann, þá gerir hann lítið
úr áhrifum Dithians og segir þetta æði sem muni
ganga yfir. Með heppnuðu DC 15 Wisdom (Insight)
kasti finna hetjurnar á sér að Maron er ekki alveg
sannsögull. Ef hetjurnar hóta honum er Maron fljótur
að kalla til dyraverði sína (þrír Bandits, sjá MM bls.
343) og lætur vísa þeim út, ef hetjurnar ákveða að
berjast við dyraverðina þá reynir Maron að flýja með
því að stinga sér í vatnið. Hann reynir síðan að vara
Dithian við, með því að fara ofan í ræsin og inn að
hofi Shar. Ef hetjunum dettur í hug að elta Maron, þá
er hann með Passive Perception 13 og hefur gætur á
sér.
Munkar Kelemvor
Ef hetjurnar vilja ræða við reglu Kelemvors þá tekur
ekki langa stund að finna út hvar þeir eru með litla
kapellu í Ormpetarr. Hofið sjálft er fyrir utan borgina
og tekur það góða stund að komast þangað. Kapellan
er hins vegar skammt frá setri Tyrangal.
Það tekur ekki langan tíma að finna kapelluna,
enda stendur efst á lítilli hæð og ber þess glögglega
merki að vera tileinkuð Lávarði hinna látnu.
Húsið sjálft er af því er virðist reist úr hvers
konar beinagrindum, jafnvel dyrnar eru samsettar
7
 úr mörgum beinleggum og innan dyra hanga
kertakrónur gerðar úr hauskúpum og öðrum
beinum. Fyrir miðri kapellu er altari en fyrir ofan
hangir gunnfáni merktur trúartákni Kelemvors,
beinagrindarhönd sem heldur á gylltri vog. Við
altarið stendur smávaxin ljóshærð kona í svörtum
kufli og ræðir við hávaxinn mann með ljót ör í
andliti.
Doomguide Elsa Singwater, sem er af ætt halflinga, sér
um kapelluna. Hún er skarpeygð, klár og skynsöm.
Hún hefur heyrt ýmislegt um Dithian (sjá orðróma).
Sjálf er hún ekki mjög hrifin af söngvaskáldinu og
lét vísa honum á brott eftir að hann kvað nokkrar
níðvísur um Seluna og önnur álíka goð á tröppum
kapellunnar. Hún er sannfærð um að söngvaskáldið
sé í besta falli kjáni sem hreinlega viti ekki betur.
Maðurinn sem ræðir við hana heitir Argon
Tillmeister, fyrrum ævintýramaður sem snerist til
trúar. Hann er hávaxinn, dökkhærður og með stór
ör í andlitinu, eftir axarhögg frá orki, sem gerir
það að verkum að neðri hluti andlits hans minnir
helst á hauskúpu. Hann er nokkuð viss um að hafa
séð Dithian í fylgd með þekktum farandsöngvara í
Innarlith, Solida, sem var síðar tekinn höndum og
dæmdur fyrir að boða trú á Næturfrilluna.
Í ræsunum
Ræsin undir Ormpetarr eru hvorki aðlaðandi né
auðrötuð. Hetja sem þekkir vel inn á steinsmíði getur,
með heppnuðu DC 10 Intelligence (Stonecunning)
8
kasti, séð að ræsin voru byggð fyrir löngu síðan,
líklega af lítlum metnaði eða áhuga af einhverjum
öðrum en dvergum. Í ræsunum er að mestu myrkur,
en öðru hvoru nær dagljós í gegnum ræsin í götunum
og myndar eins konar sólstafi í dimmum göngunum.
Ræsin eru vandrötuð og sannkallað völundarhús,
og aðeins með heppnuðu DC 15 Intelligence kasti,
tekst hetjunum að leggja leiðina á minni. Ef hetjunum
dettur í hug að nota einhverjar aðferðir við að merkja
leið sína, t.d. með því að merkja slóðina með krít eða
einhverju álíka, hafa þær Advantage á kastið.
Til að finna hofið þurfa hetjurnar að ná þremur
Intelligence (Investigation) köstum.
Kast DC Niðurstaða
1 12 Hetjurnar finna daufa slóð sem liggur
inn í ræsin. Ljóst er að reynt hefur verið
að breiða yfir slóðina. Ef hetjurnar ná
yfir 20 í kastinum, þá hafa þær náð
að fylgja slóðinni nokkuð langt og
flokkast þá kastið sem tvö heppnuð
köst. Ef hetjurnar fá undir 8 á kastinu
ramba þær inn í bæli (20’x40’) 8
risarotta (sjá Giant Rats MM bls. 327),
sem ráðasta samstundis á hetjurnar.
2 14 Hetjurnar finna vasaklút merktur
fangamarkinu D. D. við þröng
hliðargöng. Ef hetjurnar ná yfir 20
í kastinu koma þær einnig auga á
hvar leynihurð er að finna langt inni í
göngunum og flokkast kastið sem tvö
heppnuð köst. Ef hetjurnar fá undir 8
í kastinu villast hetjurnar inn í rými
(10’x40’) þar sem Black Pudding (sjá
MM bls. 241) hefur falið sig í loftinu
og ræðst á hetjurnar.
3 15 Hetjurnar koma auga á leynihurð
við enda þröngu hliðarganganna.
Ef hetjurnar fá yfir 20 í kastinu, eru
þær með Advantage á Wisdom
(Perception) kastið, ef þeim dettur í
hug að leita að gildrum. Fyrir framan
dyrnar eru fallhleri (10’x5’), en undir
honum er Spiked Pit (sjá DMG bls.
120). Dyrnar eru læstar, en með
heppnuðu DC 12 Dexterity kasti
og þjófalyklum, tekst hetjunum að
opna dyrnar. Ef hetjurnar fá undir
8 á kastinu ramba þær inn í rými
(40’x30’) þar sem Otyugh (sjá MM
bls. 248) hefur gert sér bæli.
Fyrir innan dyrnar er gangur sem liggur inn að hofi
Shar. Þrír Shadows (sjá MM bls. 269) gæta ganganna
og ráðast á hvern þann sem ekki er í för með Dithian.
Aðrar dyr eru á ganginum, en þær eru bæði læstar
og eins er gildra þar. Með heppnuðu DC 14 Dexterity
kasti og þjófalyklum tekst hetjunum að opna dyrnar.
Öllu erfiðara er að koma auga á gildruna, enda er
hún bundin í álög. Hver sá sem reynir að dírka upp
lásinn fær álögin yfir sig, nema að viðkomandi komi
auga á örlitlu rúnina í lásnum taki viðkomandi fram
að verið sé að leita og þá aðeins með heppnuðu DC
16 Intelligence (Investigation) kasti. Rúnin, sem er
galdurinn Glyph of Warding (sjá PHB bls. ), dælir út
grænleiti skýi sem fyllir nær allan ganginn (20 feta
radíus). Allir sem eru inni í skýinu þurfa að ná DC 15
Constitution save’i eða verða poisoned.
Hof Shar
Hofið er hvorki stórt né burðugt. Það er heldur ekki
ríkmannlega búið og ljóst að það hefur verið fremur
nýlega verið tekin aftur í notkun eftir margra áratuga
niðurnýðslu. Um leið og hetjurnar ráðast inn í hofið
og Shadow Demon ræðst gegn þeim fer Dithian og
felur sig í herberginu sínu, þar sem hann vonar að
skuggarnir og demoninn ráði niðurlögum hetjanna.
Birta
Á veggjum í forsalnum eru pínulítil ljósker sem
varpa grænni birtu í kringum sig, 5’ af björtu ljósi, 10’
af daufu ljósi. Hofið sjálft er algjörlega hulið myrkri.
Veggir og gólf
Hofið er steini lagt, bæði í hólf og gólf. Yfir hofinu
hvelfist þak, hvar efst má sjá trúartákn Shar. Súlur
eru meðfram veggjum, þær eru ekki sterkbyggðar og
með heppnuðu DC 18 Strength kasti má fella súlu.
Með því að fella 5 af súlunum hrynur hvolfþakið
inn í mitt hofið (20’ radíus) og með heppnuðu DC
15 Dexterity save’i tekst hetjunum að komast undan
steinunum. Ef einhver hetja nær ekki kastinu fær
viðkomandi 3d10 í skaða.
1. Forsalur
Forsalurinn er ekki stór, en þar er þó stytta af
Næturfrillunni, sem sýnir hana sem tiginborna konu
í kufli og með hettuna dregna yfir höfuðið, þannig að
aðeins sést í glottið á andliti hennar. Í felum í skugga
styttunnar er Shadow Demon (sjá MM bls. 64), sem
notar Shadow Stealth til hins ítrasta. Ef hetjurnar
nota galdra á borð við Light flýr hann inn í hofið.
Hið fyrsta sem mætir ykkur er stór stytta sem sýnir
9
 konu í þungum kufli, með andlitið hulið og rýting í
hvorri hendi. Þó er einhver þrúgandi nærvera sem
er áleitin og óþægileg, eins og einhver sé að fylgjast
með ykkur.
2. Hof
Hof Shar er hulið djúpu myrkri og er undir áhrifum
frá Darkness galdri, sem virkjast um leið og hetjurnar
yfirgefa forsalinn og er virkur í 5 mínútur. Aðeins
Daylight galdur getur unnið gegn myrkrinu. Hofið
er kringlótt, 30’ radíus út frá altari úr hrafntinnu.
Flísarnar á gólfinu eru svartar, nema yst, þar eru
þær fjólubláar. Þannig myndar gólfið trúartákn Shar.
Meðfram veggjunum eru átta súlur sem halda uppi
hvolfþakinu fyrir ofan hofið.
Í myrkrinu eru þrír Shadows (sjá MM bls. 269) sem
ráðast á hvern þann sem ekki er í för með Dithian eða
hluti af söfnuði hans.
Undir altarinu eru göng sem liggja niður í herbergi
Dithians. Til að finna þau þurfa hetjurnar að taka
sérstaklega fram að þær séu að leita að einhverju þar.
Með heppnuðu DC 13 Wisdom (Perception) kasti
(með disadvantage ef þær leita í myrkri) finna þær
að altarið er á vandlega földum brautum og hægt að
ýta því til hliðar.
3. Hliðarsalur
Dyrnar að hliðarsalnum eru læstar, en hægt að
opna þær með heppnuðu DC 12 Dexterity kasti og
þjófalyklum.
Í daufri skímu frá skriðbyttu komið þið auga á
nokkur bæli sem gerð hafa verið í flýti á gólfinu.
Ung kona, líklega með örlítið álfablóð í æðum,
reynir að láta lítið fara fyrir í einu þeirra en fylgist
grandvör með ykkur.
Í þessum sal eru nokkur bæli, þar sem augljóst er
að nokkrir einstaklingar hafa legið. Þar er ein kona
af kyni hálf-álfa, ljóshærð en með rytjulegt hár og í
tötrum. Hún er þreytuleg og er nokkuð ringluð, hún
heitir Alfira De’Shaun og starfar í höll Tyrangals sem
þjónustustúlka. Með heppnuðu DC 12 Intelligence
(Arcana) kasti átta hetjurnar sig á að konan hefur
verið undir álagagaldri, líklega Charm Person. Hún
segir að Dithian hafi platað sig niður í ræsið og inn
í hofið, hann hafi lofað öllu fögru og hún vonaði að
hann gæti hjálpað henni að hefna sín á föður sínum,
Argos De’Shaun, sem þekktur okurlánari í borginni.
Dithian hafi síðan neytt hana til að segja sér allt um
10
herbergjaskipan í höll Tyrangals og spurt sérstaklega
mikið úr í bókasafnið og um einhverja bók sem hann
kallaði Mal’eb’Dala, en hún veit ekki meira en það,
og man lítið af því sem gerðist eða hve langt er síðan
Dithian lokkaði hana til sín. Með heppnuðu DC 10
Wisdom (Insight) kasti finna hetjurnar að hún er að
segja sannleikann. Með heppnuðu DC 15 Intelligence
(History) kasti þekkja hetjurnar Mal’eb’Dala sem
Skuggaskinnu og vita að bókin var notuð af þeim
sem kunnu að magna upp skuggagaldra.
4. Herbergi Dithians
Dithian (sjá neðar) hefur komið sér ágætlega fyrir í
þessu herbergi, sem var áður herbergi æðsta prests
Shar reglunnar. Þar hefur hann sankað að sér
nokkrum galdramunum og öðrum verðmætum.
Í herberginu er rúm, skápur og skrifborð, ásamt
bókaskáp.
Þið ýtið altarinu til hliðar og komið auga á þröngan
stiga niður. Neðan úr myrkrinu heyrið þið umgang.
Einhver hefur orðið ykkar var.
Um leið og hetjurnar koma niður stigann slekkur
Dithian öll ljós og setur á sig gleraugun sín. Hann
kastar síðan Fear galdrinum á hetjurnar þegar þær eru
komnar inn í herbergið. Ef einhver hetja nær að hrista
áhrifin af sér, notar hann Hold Person á viðkomandi,
ef þær eru fleiri en ein hetja þá notar hann galdurinn
á hverja þá hetju sem virðist besti bardagamaðurinn.
Næst notar hann Thunderwave og loks Sleep.
Ef hetjunum tekst að særa Dithian þannig að hann
missir helming hit punkta sinna notar hann Invisibility
við fyrsta tækifæri og reynir að komast undan.
Í herberginu er, fyrir utan það sem Dithian er með á
sér, kistill inni í skápnum með pyngju sem inniheldur
230 gullpeninga og 2 blóðsteina að andvirði 50
gullpeninga hvor.
Niðurlag
Ef hetjurnar snúa aftur til Tyrangal og tjá henni hvað
þær hafa fundið þakkar hún þeim hjartanlega fyrir
og borgar umsamin laun. Ef hetjurnar náðu að bera
sigurorð af Dithian, ýmis fanga hann á lífi eða drepa
hann, þá verðlaunar Tyrangal hetjunum með því að
láta þær hafa meðmælabréf, sem veitir þeim áheyrn
meðal æðsta ráðs borgarinnar þegar þeim hentar.
Dithian
Dithian er hávaxinn, með heillandi blá augu og órætt
bros leikur um varir hans. Það er ekki erfitt að láta sér
líka vel við hann, en samt er stutt í mjög beiskan og
háðskan tón hjá honum og hann kann afar illa við að
gert sé lítið úr honum. Dithian er þá yfirleitt snöggur
til að finna leiðir til að svara fyrir sig.
Dithian er yfirleitt með lútu úr svörtum við og í
dökkum buxum og fjólublárri skyrtu, en undir henni
er hann í Mithral Chain Shirt. Þá er hann oft í fínni
herðaslá, sem er dökkblá að lit og með silfruðum
saumi. Hann er með fínan Rapier +1 í slíðri í beltinu.
Þegar hann er í ræsinu er hann yfirleitt með hettu á
höfðinu sem virkar eins og Goggles of Night.
Í pyngju í beltinu er hann jafnan með um 30
gullpeninga og í földu hólfi í stígvélinu er hann með
demant að andvirði 200 gullpeninga.
11