PRE – CANA

AN PAGKASAL

Mga Katuyuanan:

DOCTRINA: Makasantop hin tinuod nga hibaruan han sacramento han kasal.

MORAL: Tinuod ug hugot nga pagmahal han sacramento han kasal ug makarawat ini nga
sacramento hin malinaw ug klaro para han mga ikakasal.

WORSHIP (liturgy): Ma-aghat in pagsimba, pagpasalamat ug pagsubad han paghigugma nga

waray sukol han Diyos.

PASIUNA (introduction):

 Duha nga Estoria – Hi Theodosico Burr

- Mahitungod hin usa nga altar server.

KASAYURAN HAN KATOLIKO NGA PAGKATAWO

Ano an Sacramento han Pagkasal?

- Usa nga deri inasaw-an nga babaye ngan lalake, nagkausa nga deri pagsihigugmaay dida
kan Cristo.

- Pinaagi han mga ministro hini nga sakramento ira ngaduha ig-aasay an iyo hul-os nga
pagsihigugmaay dida kan Kristo ug ha iyo simbahan.

- An Padi, Diokono, Obispo nga nagdudumara han rito han pagkasal – usa la saksi nga opisyal
han simbahan ugh an Ginoo.

- Sugad nga ginhigugma ni Kristo an simbahan pinaagi han iya kamatay ha cruz ppara han
aton katalwasan, an magti-ayon nga nakasal gintagan hini liwat ni Kristo hin grasya nga
makapaghalad han ira kalugaringon ha tagsa-tagsa ug ha kaupayan han ira mga anak.

- Pulong pa ni San Pablo “Mga magti-ayon pasakop kamo han tagsa-tagsa tungod han iyo
pagmahal kan Kristo, an mga asawa magin sakop kamo han iyo mga bana, sugad han iyo
pagsakop han Ginoo, kay an bana amo an ulo han asawa, sugad nga hi Kristo ulo han
singbahan. Mga bana higugmaa an iyo mga asawa sugad han paghigugma ni Kristo han
singbahan tungod han paghalad han iya kalugaringon para hini nga simbahan basu hiya
masantos dida han kalinisi han singbahan han tubig han bunyag pinaagi han pulong basi iya
maihalad ha iyo kalugaringon an singbahan nga puno hin himaya ug waray dum-it.” (Ep.
5:21-25)

- An giuunahi nga magti-ayon (who?) bisan kun maupay gud an ira pagka-usa ha ira pag-
asawa deri pa adto sakramento an ira pag-asawa. Pero hi Jesukristo an aton Ginoo, iya
ginbayaw ngada gan kahimtang hini nga sakramento.
Ano an kaupayan nga nabubuhat hini nga sakramento?

- Una – an lalake ngan babaye nga makarawat hini nga ira/aton magtarakwas nga
sakramento – nagigin usa nala hira nga lawas dida kan Kristo ha ira pagka-bara ug pagin-
asawa

- Ikaduha – ini nga sakramento nagpaparig-on ug nagpapahilarum han ira relasyon dida kan
Kristo.

- Ikatulo – ini nga sakramento nahatag ngada han mag-asawa hin mga grasya nga
makakabulig ha ira mga katungdanan, nakakahatag ha ira hin grasya nga paghigugma sugad
han paghigugma ni Kristo han iya singbahan, nakakahingpit han ira pagsihigugmaay nga
tawhanon, nakakapagparig-on han ira pagkausa nga deri magbubulag (indissoluble) ug
nagsasantos haira ha dalan tipakadto han kinabuhi nga dayon.

Importante ba an pagkasal para han aton pagkilala han Diyos?

- Tungod kay magti-ayon nga kinasal, didto han ira pagkausa han paghigugmaay nira tigaman
ini nga an Diyos mismo usa paghigugma.

“Hiya nga deri nahigugma deri hiya nakilala han Diyos nga an Diyos Paghigugma” (1 John 4:8)

Sanglit hataas an aton pagtagad o kadunggana, an mga kinasal ha singbahan, tungod nga an
tinuod nira nga pagsihigugmaay dida kan Kristo usa nga waray na malabaw pa nga tigaman
nga sacramental.

- Usa nga tutdo han “Catechism for Filipino Catholics” nga samtang an iba nga mga
sakramento nagamit hin mga material nga butang sugad han tubig, tinapay, bino ug lana.
Dida hiton pag-asawa (mga Kristiyano) an tigaman nga makikita amo it ira mahigugmaon nga
relasyon (love relationship) han mag-asawa.

Mahibabaruan ta ba an mga katuyu-anan han Pag-asawa?

- Oo – pinaagi ha pagkonsulta (pagbasa han baraan nga kasuratan ngan pamati han mga
tutdo han aton singbahan).

-duha liwat an katuyu-anan han pag-asawa sumala han larang han Diyos.

Syahan – tuyo han Diyos nga pag-usahon an babaye ug lalake nga nagsisihigugma-ay dida
han ira pagkausa diin hira nag gigihatag hin tambuig han tagsa-tagsa (mutual help).

- Tikan ini han tutdo han (Diyos) baraan nga baraan, dida han paghimo-a han Diyos han
babay basi magin kapikas han lalaki ug nagsering an Ginoo nga Diyos, “Deri maupay nga
mag-inusaan la an lalaki, tatagan kohiya hin kaupod ng para gud haiya (Gn. 2:18).

- Tutdo ni San Pablo “Kinahanglan nga kamo nga mga bana humigugma han iyo
kalugaringon, ug kinahanglan man liwat an asawa magtalinguha pagtahod han iya bana.”
 (Eph. 5:33) amo ini an tinatawag ni Papa Pablo VI nga “Mag uusa nga katuyu-anan han pag-
asawa”.

Ano an Pag-ayon nga Publiko (public consent) ug kay ano kinahanglan ini dida ha pag-ayon han
mga ginkakasal?

- An pag-asaw natunob dida ha pag-ayon han mga ginkakasal (consent of the connecting
parties) karuyag sidngon dida han ira pagbuot nga maghalad han ira kalugaringon ha tagsa-
tagsa hin deri pinirit ug waray pag-alang basi mag-ukoy hin ginsabutan (covenant) hin
matinumanon ug mabungahon nga pagsihigugmaay.

- An pag-asawa nahitabo dida han dayag o publiko nga kinabuhi han singbahan, kinahangla n
liwat ini salin-urugon nga dayag o ha publiko, ha butnga han pagsalin-urog han liturhiya ha
atubangan hin usa nga Padi o saksi nga layko (sponsor/witnesses/ug an katilingbahan hin
mga magtinuohan).