Youth Manifesto of Peace

Kami, ang mga Kabatan-onan gikan sa lain-laing kultura,

isip usa sa mga sektor nga nagrepresentar na mahigugmaon sa kalinaw nga
katawhan sa probinsiya,
nanumpa karon, nga maningkamot pag-ayo sa pag-edukar sa atong kaugalingon
aron mahimong matarong ug concerned citizen.
Kami nagsaad nga panalipdan ang mga katungod ug kaayohan sa among mga
batan-ong kaigsoonan gikan sa bisan unsang porma sa pagkabahinbahin,
pagtahud ug pag-ila sa talagsaon nga kinaiya ug abilidad sa usag usa,
ug aron makatampo sa kalinaw ug kalamboan sa atong komunidad.
Kami hiniusang nag-awhag sa mga ahensya sa Nasyonal ug Lokal nga Gobyerno
sa probinsya nga ilhon
ang mahinungdanong partisipasyon sa mga batan-on sa pagpugong ug
pagminus sa pagpalusot ug pagrekrut sa mga batan-on sa mga malapasong
armadong grupo.
Aron matubag ang kakulangan sa pag-apil sa mga batan-on sa paghimo og mga
programa, proyekto, kalihokan ug mga palisiya alang sa mga kabatan-onan
partikular sa pagtukod sa usa ka malinawon nga komunidad.
Kami naghangyo alang sa usa ka representasyon sa mga kabatan-onan sa Peace
and Order Council sa tanan nga lebel aron ang among mga tingog madungog.
Madungog ilabina sa mga isyu nga nanginahanglan ug piho nga mga
konsiderasyon sa kabatan-onan.
Atong giangkon nga mao ang sunod nga henerasyon sa mga lider nga
mosustiner ug mopalig-on sa pundasyon sa kalinaw nga nagsumikad sa
panaghiusa sa atong mga katigulangan, nga naningkamot sa pagmugna og
malinawon ug adunahang panimalay alang sa tanang Dabawenyo.
Sa pagpirma niining manifesto, among gideklarar nga ang mga kabatan-onan sa
Davao De - Oro nagkahiusa alang sa komon nga pagsinabtanay, ug kami adunay
katungdanan sa pagtampo alang sa kaugmaon sa Probinsya sa Davao de Oro.
Gipirmahan karong ika __ nga adlaw sa _________ 2022 atol sa pagpahitabo sa
CAMPUS PEACE SYMPOSIUM sa probinsiya sa Davao de Oro.