е главниот лик во истоимената американска цртана серија која се емитува
низ целиот свет. Серијата ја има осмислено морскиот биолог и аниматор Стивен Хиленберг.
Сунжерот Боб живее во Тихиот Океан, во измислениот град Бикини Дно,
опкружено со лагуни. Тој е расположен, пријателски настроен и оптимистички морски сунѓер, кој многу фантазира. Живее во ананас на дното на морето со своето милениче - морскиот полжав Гери. Работи во Красти Крабс - морски ресторан. Неговата специјалност се плескавиците, чиј таен рецепт вешто го крие од својот најголем непријател, Планктон. Најдобар пријател на Сунѓерот Боб е Патрик. Тие двајца се неразделни другари, полни со интересни идеи.
Сунѓерот Боб сака забава и е хиперактивен, нема поим скоро за ништо,
детинест и склон кон несреќи, но многу среќен. Иако е прикажан на овој начин, тој е прилично паметен и знае што е правилно. Тој е решителен и честопати не застанува сé додека не исполни некоја задача. Исто така, тој е премногу самоуверен, но и многу љубезен и наивен и многу ретко се однесува лошо кон некого, дури и кон оние на кои им е досаден и се однесуваат сурово кон него. Тој е многу несебична и лојална личност, особено кон блиските.
Сунѓерот Боб лесно може да се исплаши и обично паничи кога е исплашен.
Се плаши од темнина и од кловнови. Мрази лут сос. Тој, исто така, не знае да препознае лаги или злоба толку лесно како другите ликови.