CHE RU, CHE RECHAPYRÂ

I
Kuimba'e pyapy
Rekopy potî
Nde ha'e che ru
Che rechapyrâ.
Romomorâségui
Ndéve aropojái
Ñe'ê apesâmi
Che ñe'âkuaitépe
Opupu, oñehêva,
Vy’apópe osêva
Ndéve ĝuarâite.
Kuimba'e pyapy
Rekopy potî
Nde ha’e che ru
Che rechapyrâ.

II
Nde niko che ru
Túva ijoja'ŷva
Ha imarangatúva.
Akóinte reikóva
Rejepy'apy
Nde ra'y, nde rajy
Ha nde rogayguáre
Aniete haĝua
Araka'eve
Oiko itîndy
Ha ohasa asy,
Reipota uvei
Maymave oikopa
Tesâi ha vy'a,
Taimba’ekuaa
Mborayhu poguy
Ha py’aguapýpe
Nde niko che ru
Túva ijoja'ŷva
Ha imarangatúva
Vy´apave che ru … Muchas felicidades papá