Kasaulogan Sa Semana Santa20

KASAULOGAN SA ADLAW’NG DOMINGO SA PASYON SA GINOO
UBAN DIHA SA PAMILYA
Kinatibuok-ang Pahimangno
Kining maong kasaulogan gitanyag ngadto sa matag pamilya niining mga panahona agig’g hulip diin
gihunong ang Santos nga Misa uban sa katawhan ug Kasaulogan sa Adlaw’ng Domingo kun wala ang
Pari. Mahimo usab nga mogamit sumala sa gisugyot sa CBCP sa Mass Media( TV,Radio,FB ug uban pa)
aron kita dili mahikawan sa pagsaulog sa Domingo.
Diha sa sala sa panimalay andamon ang mga mosunod:
1. Gamay’ng lamisa
2. Krusipiho
3. Duha ka dinagkotang kandila
4. Giya (Amahan-Amahan, Lektor-Inahan, Katilingbanong Pag-ampo- Mga anak)
5. Ang basahon sa pasyon kinahanglan i-apud-apud daan ug praktisan una magsugod ang
kasaulogan
Pahinumdum sa kasaulogan:
1. Magsuot ug tarong nga bisti. Dili ang bisti nga naandan sa panimalay sama sa sando,
shorts, pajama ug uban pa.
2. Ipadaplin usa ang mga celpon, gadgets, radio ug uban pa nga makapawala sa atensiyon
sa maong kasaulogan.
3. Hunongon usab ang mga gimbuhaton sa panimalay aron paghatag og pagtagad sa
kasaulogan.
RITO SA PAGSUGOD
Kun magkatapok na ang pamilya diha sa sala mokanta sa pasiunang awit.
Ang amahan uban sa iyang pamilya manguros, diha sa pag-ingon:
Amahan : Sa Ngalan sa Amahan, ug sa Anak, ug sa Espirito Santo.
Unya ang amahan mamulong ngadto sa pamilya niini o sa susamang mga pulong:
Tanan : Amen.
1
Amahan : Mga kapamilya , human sa lima ka semana nga pagpangandam,
nagkatigom kita karon aron sa pagsaulog sa madaugong pagsulod ni
Cristo sa Jerusalem aron pagtuman sa kabubut-on sa Amahan sa
pagluwas kanato pinaagi sa Iyang pagpasakit, pagpakamatay ug
pagkabanhaw. Misaulog usab kita karon sa Semana Santa. Ang
pagsulod ni Cristo sa Jerusalem maoy usa ka hukom sa pagtugyan
sa Iyang kaugalingon ngadto sa kamatayon ug pinaagi niana
naangkon Niya ang kadaugan.
Gihalad ni Cristo ang Iyang kinabuhi alang sa tanang katawhan. Ug

Iyang gipadayag ang Iyang baruganan alang sa Iyang misyon sa
pagluwas sa katawhan gikan sa ilang mga sala ug tanang kadautan
sa kalibutan nga maoy bunga sa sala.
Karon atong saulogon ang Pasyon sa Ginoo makighiusa kang Cristo

diha sa paghalad sa Iyang kaugalingon - sa pagpasakit ug
pagpakamatay aron lamang pagtuman sa kabubut-on sa Dios
Amahan nga maoy tinubdan sa kadaugan sa kinabuhi. “Kun
mamatay kita kaniya, mabanhaw usab kita kaniya.”
Busa mangayo kita og pasaylo sa Ginoo sa mga panahon nga

midumili kita diha sa pakighiusa kaniya sa kasakit.
Tanan : Nagakompisal ako sa Dios nga makagagahum sa tanan, ug kaninyo mga

igsoon, kay nakalapas ako ug daku uyamot, sa hunahuna sa pulong ug sa
buhat, ug sa wala pagbuhat sa angayng buhaton. Kay akong sala, akong
sala, akong dakung sala. Busa nangamuyo ako kang Santa Maria,
kanunayng Birhen, sa tanang mga anghel ug mga santos, ug kaninyo mga
igsoon, aron inyo akong iampo sa Ginoo nga atong Dios.
Amahan : Kaloy-an unta kita sa Dios nga makagagahum sa tanan ug pasayloon

sa atong mga sala, dad-on unta kita Niya ngadto sa kinabuhing
dayon.
Katawhan : Amen.
(Awiton ang Ginoo, kaloy-i kami.)
2
Pasiunang Pag-ampo
Tapuson sa Amahan ang rito sa pagsugod pinaagi sa pag-ampo.
Amahan : Makagagahum ug tunhay nga Dios, gihatag nimo sa mga tawo si

Jesucristo among Manunubos nga sulundon sa hingpit nga
pagpaubos. Gituman Niya ang Imong pagbuot pinaagi sa
pagpakatawo ug pagpakamatay didto sa krus. Himoa kami nga
Imong mga saksi atubangan sa mga tawo pinaagi sa pagsunod sa
Iyang panig-ingnan. Mahimo unta kami nga angayan sa pag - ambit
sa Iyang pagkabanhaw.
Kini among gipangayo pinaagi sa among Ginoong Jesucristo Imong Anak

nga buhi ug hari uban kanimo ug sa Espiritu Santo, Dios hangtod sa
kahangturan. Amen.
A. KASAULOGAN SA PULONG
Ang Amahan modapit sa pamilya sa pagpaminaw sa mga pagbasa sa Balaang Kasulatan niining
mosunod o susamang mga pulong:
Amahan : Pinaagi sa gahum sa Iyang Pulong, ang Dios nagapalambo ug

nagalig-on sa atong pagtoo ug nagapadangat kanato ngadto sa
pagbag-o. Busa, paminawon nato karon ang Iyang Pulong uban ang
mapatalinghugong kasingkasing. Palihug manglingkod.
KINUTLO GIKAN SA BASAHON NI PROPETA ISAIAS (Is . 50:4-7)
Gitudloan ako sa GINOONG DIOS sa angay kong isulti aron mahibalo akong modasig
niadtong gikapuyan. Matag buntag gidasig niya ako sa pagpaminaw sa buot niyang
itudlo kanako. Giablihan sa GINOO akong salabutan, ug wala ako mosupil ni mobiya
kaniya. Gipatara ko ang akong likod niadtong buot mohampak kanako, ug ang akong
aping ngadto sa mga milagnot sa akong bungot; wala ko ilingiw ang akong nawong sa
nagbugalbugal ug nagluwa kanako. Kay mitabang man kanako ang GINOONG DIOS,
busa wala ako maunsa; ug gitaon ko ang akong nawong ingon sa batong bantilis, ug
nasayod ako nga dili gayod ako maulawan.
ANG PULONG SA GINOO.

SALAMAT SA DIOS.
3
SALMO RESPONSORYO
(Ps. 22:8-9, 17-18, 19-20, 23-24)
T. Dios ko, Dios ko, nganong imo akong gibiyaan?

Ang tanan nga nagatan-aw kanako nangyam-id kanako; nagbugalbugal sila
kanako sa ilang mga ngabil, naglingolingo sila; “Nagsalig siya sa Ginoo;
paluwasa siya kaniya, palingkawasa siya, kon nahigugma siya kaniya.”
T. Dios ko, Dios ko ...
Daghang mga iro naglibot kanako, gitabangan ako sa usa ka panon sa mga
dautan; Ilang gikuniskunis ang akong mga kamut ug mga tiil; makaihap ako sa
tanan kong mga kabukogan.
Ilang gipanagbahin alang kanila ang akong mga saput, ug sa akong bisti nagripa
sila. Apan ikaw, O Ginoo, ayaw pagpalayo kanako; O hinabang ko, dali sa
pagtabang kanako.
Isangyaw ko ang imong ngalan ngadto sa akong kaigsuonan; sa taliwala sa
katilingban daygon ko ikaw: “Kamo nga mahadlokon sa Ginoo, dayga ninyo siya;
kamong tanang mga kaliwat ni Jacob himayaa siya.”
KINUTLO GIKAN SA SULAT NI SAN PABLO NGADTO SA TAGA-FILIPOS

(Phil. 2:6-11)
Angay’ng batonan ninyo ang hunahuna nga gibatonan ni Cristo Jesus nga mao kini:
Diha niya kanunay ang kinaiya gayod sa Dios, Apan wala siya maghunahuna
pagpakigtupong sa Dios pinaagi sa kusog. Kondili sa iyang kaugalingong kabubut-on
iya kining gibiyaan. Ug gisul-ob niya ang kinaiya sa usa ka sulugoon. Natawo siya sama
kanato ug nakita siya ingon nga tawo; Nagpaubos siya ug nagmasinugtanon hangtud
sa kamatayon ang iyang kamatayon sa krus. Tungod niini gituboy siya sa Dios ngadto
sa kinatas-ang dapit sa kalangitan, Ug gihatagan siyag ngalan nga labaw sa tanang
ngalan. Busa mangluhod ang tanang binuhat nga atua sa langit, sa yuta ug sa ilalom sa
yuta; Sa pagpasidungog sa ngalan ni Jesus. Ug ang tanan magsangyaw nga si
JesuCristo mao ang Ginoo. Alang sa himaya sa Dios nga Amahan.
4
SALAMAT SA DIOS.
EBANGHELYO
 ANG PASYON SA ATONG GINOONG JESUCRISTO SUMALA NI SAN MATEO

[Mt. 27:11-54 (minubo)]
N – Narrator(Inahan)
K – Katawhan/ubang tawo (Mga anak ug ubang kauban sa balay)
J – Jesus(Amahan)
N: Si Jesus nagtindog atubangan sa Gobernador ug gipangutana siya sa

Gobernador,
K: “Ikaw ba ang hari sa mga Judio?”
N: Si Jesus mitubag,
J: “Giingon mo.
N: Apan wala niya tubaga ang mga sumbong sa kadagkoan sa mga pari ug sa
mga punoan sa mga Judio.
Busa miingon si Pilato kaniya,
K: “Wala ka ba makadungog sa tanan nilang mga sumbong batok kanimo?”
N: Apan wala motubag si Jesus bisag usa ka pulong, busa natingala pag-ayo ang
Gobernador.
Matag Pasko sa mga Judio, nabatasan sa Gobernador ang pagbuhig usa ka
binilanggo nga pinangayo sa mga tawo. Niadtong panahona may bantogang
biniIanggo nga ginganlag Barabas. Sa nagkatigom na ang mga tawo,
nangutana si Pilato kanila,
K: “Kinsa may inyong gusto nga akong buhian? Si Barabas ba o si Jesus nga
ginganlag Mesiyas?”
N: Kay nasayod siya pag-ayo nga ilang gitugyan si Jesus kaniya tungod sa
kasina.
Samtang naglingkod si Pilato didto sa lawak-hukmanan, nagpadala kaniyag
mensahe ang iyang asawa nga nag-ingon, “Ayaw paghilabti kanang tawhana
nga walay sala, kay gabii, pinaagi sa damgo, nasamok ako pag-ayo tungod
kaniya.”
5
Ang mga tawo gidani sa kadagkoan sa mga pari ug sa mga punoan sa mga
Judio sa pagpangayo kang Pilato nga buhian niya si Barabas ug ipapatay si
Jesus. Apan nangutana ang Gobernador kanila,
K: “Kinsa man niining duha ang inyong gusto nga akong buhian?”
N. Sila mitubag,
K: “Si Barabas!”
N: Si Pilato nangutana kanila,
K: “Nan, unsa may akong buhaton kang Jesus nga ginganlag Mesiyas?”
N: Silang tanan nanubag,
K: “Ilansang siya sa krus!”
N: Apan si Pilato nangutana,
K: “Unsa may iyang sala?”
N: Unya sa makusog nga tingog naninggit sila,
K: “Ilansang siya sa krus!”
N: Sa pagkakita ni Pilato nga wala siyay mahimo, ug hayan mahitabo ang
kagubot, mikuha siyag tubig, ug nanghunaw atubangan sa mga tawo, ug
miingon,
K: “Wala akoy Iabot sa kamatayon niining tawhana! Inyo kining gusto!”
N: Unya ang tanang mga tawo nanubag kaniya,
K: “Kami ug ang among mga anak maoy dat-ogi sa silot sa pagpatay kaniya!”
N: Unya gibuhian ni Pilato si Barabas, ug si Jesus gipalatos niya ug gitugyan
aron ilansang sa krus.
Unya gidala si Jesus sa mga sundalo ngadto sa palasyo ni Pilato nga
Gobernador, ug didto gialirongan siya sa mga sundalo. Gihuboan nila siya sa
iyang bisti ug gisul-oban sa bisting dagtom-pula. Ug naghimo silag korona
gikan sa mga sangang tunokon ug gipahaom nila kini sa iyang ulo, ug
gipabitbit nila siyag bugang sa iyang tuong kamut; unya nanluhod sila sa
iyang atubangan ug gibugalbugalan siya. Miingon sila,
K: “Mabuhi ang Hari sa mga Judio!”
N: Unya gilud-an nila siya, ug gikuha nila ang bugang ug gibunal sa iyang ulo.
Human nila siya bugalbugali, siya ilang gihukasan sa bisting dagtom-pula ug
gisul-oban sa iyang kaugalingong bisti, ug unya gidala sa gawas aron
ilansang sa krus.
Sa ilang pagpanggula sa siyudad hisugatan nila ang usa ka tawo nga
ginganlag Simon nga taga-Cirene, ug gipugos nila siya sa pagpas-an sa krus
6
ni Jesus. Unya nahiabot sila sa usa ka dapit nga ginganlag Golgota, nga sa
ato pa, “Ang Dapit sa Kalabera.” Didto ila siyang gitunolag bino nga sinagolag
apdo aron iyang imnon; apan tapos niya tilawi kini, wala siya moinom niini.
Unya gilansang nila siya sa krus, ug gibabinbabin nila ang iyang saput
pinaagig ripa. Human niana nanIingkod sila ug nagbantay kaniya. Ibabaw sa
iyang ulo gibutang nila ang karatola sa sumbong batok kaniya: “Mao kini si
Jesus, ang Hari sa mga Judio.” Unya tupad kang Jesus gilansang nila sa mga
krus ang duha ka tulisan, ang usa sa iyang tuo ug ang usa sa iyang wala.
Ang mga tawo nga nanglabay nagyangoyango sa ilang ulo ug gibiaybiay
nila si Jesus; sila miingon,
K: “Ikaw ba kadtong moguba sa Templo ug motukod niini pag-usab sulod sa tulo
ka adlaw? Kon ikaw ang Anak sa Dios, luwasa ang imong kaugaIingon!
Kanaog sa krus!”
N: Gibugalbugalan usab siya sa kadagkoan sa mga pari ug sa mga magtutudlo
sa Balaod ug sa mga punoan sa mga Judio. Sila miingon,
K: “Giluwas niya ang uban, apan dili siya makaluwas sa iyang kaugalingon! Dili
ba siya ang Hari sa Israel? Kon manaog siya karon sa krus, motuo kita kaniya!
Misalig siya sa Dios ug miingon nga siya Anak sa Dios. Ambi, tan-awon ta kon
ang Dios moluwas ba kaniya karon!”
N: Bisan gani ang mga tulisan nga gilansang uban kaniya, mibiaybiay usab.
Sa pagkaudto, mitabon sa tibuok yuta ang kangitngit nga milungtad og tulo
ka oras. Ug sa pagka-alas tres mituwaw si Jesus,
J: “Eli, Eli, lema sabactani?”
N: nga sa ato pa, “Dios ko, Dios ko, nganong gibiyaan mo ako?”
Ang ubang mga tawo nga nagbarog didto nakadungog kaniya ug miingon
sila,
K: “Nagtawag siya kang Elias!”
N: Dihadiha usa kanila midagan ug mikuhag espongha nga iyang gihumod sa
baratohong bino ug gitaod sa tumoy sa usa ka bugang, ug gitunol ngadto
kang Jesus aron ipainom kaniya. Apan may miingon,
K: “Ayaw una, tan-awon ta kon moanhi ba si Elias aron pagluwas kaniya!”
N: Unya si Jesus misinggit na usab, ug namatay.
(Here kneel and pause momentarily.)
7
Unya ang tabil sa Templo nagisi gikan sa taas ngadto sa ubos. Natay-og
ang yuta ug nangapikas ang mga bato. Ang mga lubnganan nangaabli, ug
daghang balaang tawo ang nangabanhaw ug nanggula sila sa ilang
lubnganan. Tapos mabanhaw si Jesus, miadto sila sa Balaang Siyudad ug
didto nakit-an sila sa daghang mga tawo.
Sa diha nga ang opisyal ug ang mga sundalo nga kuyog niya sa pagbantay
kang Jesus nakamatikod sa linog ug sa tanan nga nahitabo, nalisang sila pag-
ayo ug miingon,
K. “Siya gayod ang Anak sa Dios!”
ANG EBANGHELYO SA GINOO.

DAYGON IKAW, O CRISTO.
PAGBASA SA PAMALANDONG
Ang pagsaulog niining Domingo sa Pasyon. Sa pagsulod ni Cristo sa Jerusalem nalipay

pag-ayo ang katawhan. Gani nisinggit pa sila sa makusog “Hosanna Anak ni Ang Hari
sa Israel!”, ilang gibakbak ang ilang mga sapot ug kupo sa dalan ug nagkuha sila’g mga
lukay ug ilang giwara-wara agig pagtimbaya sa Mesiyas. Naninggit sila sa kalipay,
tungod kay nagtuo sila nga si Cristo na ang ilang gihulat nga lider nga mupukan sa
Imperyong Romanhon ug mupahiuli sa nagun-ob nga gingharian ni David.
Sa tinuoray adunay kamatuoran ang ilang mga gipangdahum tungod kay si
Cristo hari man, ug gikan gayud sa banay ni David. Apan ang iyang pamaagi sa
paghari dili man pinaagi sa kusog ug pagpugos kondili sa gugma ug pasaylo. Mao nga
dako kaayong kapakyasan alang niadtong mga tawo nga nagtuo nga makigbatok si
Cristo pinaagi sa rebelyon ug kusog. Kining mga tawhana nga apil sa mga naninggit
“Hosanna Anak ni Ang Hari sa Israel! mao ra pud ang mga tawo nga musinggit
“Ilansang siya sa Krus” sa umaabot nga mga adlaw!
Atong batunan nga isip mga sumusunod ni Cristo, ang nahiaguman sa atong
agalon mao usab ang atong masinati. Kay sa gikaingon na ni Cristo: “walay ulipon nga
labaw sa iyang agalon”. Busa atong hinumduman nga ang pagsunod ni Cristo dili kini
“bed of roses” kondili “bed of nails” pud. Apan atong hinumduman sa kanunay nga
bisan pa sa kalisod, kon ang Ginoo ang atong kauban dili kita angay mabalaka ug
magduhaduha. “I would for sake a thousand other day anywhere, If I can stay even one
day in your courts Oh Lord, (Psalm 84: 10)”.
Sa atong pagsaulog niining Domingo sa Pasyon atong kanunay nga
hinumduman nga kining tanan aduna gayuy kalambigitan. Ang pagdawat ug ang
pagsalikway, ang Pasyon ug ang Himaya, ang kamatayon ug pagkabanhaw! Ug nga
kining tanan padulong sa atong kaluwasan.
Sulod nga malipayon niining Balaang Semana!
8
MOGAHIN UG PILA-PILA KA MINUTO SA KAHILUM
Pagpahayag sa Pagtoo
Amahan : Nagatoo ako sa Dios, nga Amahan makagagahum sa tanan,

magbubuhat sa langit ug sa yuta. Ug kang Jesucristo, Iyang Anak
nga bugtong, Ginoo nato; nga gipanamkon sa lalang sa Espiritu
Santo, gianak ni Maria nga Birhen, gisakit sa sugo ni Poncio Pilato,
gilansang sa Krus, namatay, ug gilubong; mikunsad sa mga minatay;
sa ikatulo ka adlaw nabanhaw, misaka sa langit; nagalingkod sa tuo
sa Dios nga Amahan makagagahum sa tanan; gikan didto mobalik
Siya aron paghukom sa mga buhi ug sa mga minatay. Nagatoo ako
sa Espiritu Santo; sa Santa Iglesya Katolika, sa kaambitan sa mga
Santos, sa kapasayloan sa mga sala; sa pagkabanhaw sa lawas, ug
sa kinabuhing dayon. Amen.
Katilingbanong Pag-ampo (Laing mga kauban sa balay)
Amahan : Ang hamiling buhat sa Amahan sa pagluwas sa katawhan gipadayag

ni Cristo diha sa Iyang pag-antus, kamatayon ug pagkabanhaw.
lhalad nato ang tanan natong mga panginahanglan diha sa pag-
ingon: AMAHAN, AGAKA KAMI SA PAGSUNOD SA IMONG ANAK.
1. Sa tanang nangulo sa Simbahan. Magmakugihon unta silang moagak sa tanang
katawhan sa pagsunod sa panig-ingnan ni Cristo diha sa pagkamapaubsanon ug
pagkamahigugmaon. Mag-ampo kita.
2. Sa tanang nagdumala sa nasud. Hatagan unta nila og dakong priyoridad ang
pagsulbad sa kalisod nga atong nasinati karon sa pagsugpo sa corona virus ug
pagkalusno sa atong ekonomiya kahatagan unta pagtagad ilabina sa mga
panginahanglan sa mga kabus. Mag-ampo kita.
3. Sa tanang masakiton, biktima sa nagkadaiyang katalagman. Hiusahon unta nila ang
tanan nilang mga kasakitan sa mga pag-antus ni Cristo ug magmalaumon nga
maangkon nila ang kalipay ug kahupayan. Mag-ampo kita.
4. Sa tanang pamilya, nga niini untang higayona ato unta nga matagaan og pagtagad
ang kabililhon sa atong panaghiusa ug pag-ampo aron kita magpabiling lig-on sa
atong pagtuo niniing mga pagsuway nga atong giatubang karon. Mag-ampo kita.
5. Alang sa atong pamilya ug tanang pamilya nga nakasinati sa daghang problema
tagaan unta kita taas nga pailob aron niining paagiha masinati nato ang pag-agak
sa Dios nga mamahimo kitang hamtong nga mga Kristiyano. Mag-ampo kita.
9
Amahan : Amahan, gitugutan nimo ang Imong Anak nga mag-antus ug
mamatay tungod sa Imong dakong gugma kanamo. Malaumon kami
nga Imong hatagan, ug katumanan ang among mga pangaliyupo ug
agakon mo kami sa pagsunod sa panig-ingnan ni Cristo nga among
Manunubos. Amen.
Amahan Namo
Ang amahan modapit sa pamilya sa pag – ampo sa Amahan Namo pinaagi sa pag-ingon:
Amahan : Uban sa pagsalig, mag–ampo kita sa Amahan sa mga pulong nga

gitudlo kanato sa atong Manunubos.
Amahan Namo nga anaa sa mga langit, pagdaygon ang Imong ngalan
umabot kanamo ang Imong ginghari – an matuman ang Imong pagbuot
dinhi sa yuta maingon sa langit. Ang kalan – on namo sa matag adlaw
ihatag kanamo karong adlawa ug pasaylo – a kami sa amongkarong
adlawa ug pasaylo – a kami sa among nga sala ingon nga nagapasaylo
kami sa mga nakasala kanamo. Ug ayaw kami itugyan sa panulay
hinonoa luwasa kami sa dautan. Amen.
AKTO SA ESPIRITUHANONG PAGKALAWAT

(Kining maong pag-ampo mao ang atong dakong tinguha sa pakighiusa kang Jesus diha sa Santos nga
Misa.)
Ang tanan magdungan sa pag-ampo.
Amanhan: Akong Jesus, nagatoo ako nga Ikaw anaa sa Labing Balaang
Sakramento. Gihigugma ko ikaw labaw sa tanan, ug ako nangandoy
sa pagkalawat kanimo sa akong kalag. Sanglit dili ko man ikaw
madawat diha sa paaging sakramental, umari ka sa akong
kasingkasing sa paaging espiritwal. Hangpon ko ikaw sama’g ania ka
uban kanako, ug hingpit kong gihiusa ang akong kaugalingon
nganha Kanimo. Ayaw itugot nga ako mahimulag Kanimo. Amen.”
10
RITO SA PAGTAPUS
Ang amahan mosulti ngadto sa pamilya niini o sa susamang mga pulong:
Amahan : Mga Igsoon, pinaagi niining pagsaulog nato sa Semana Santa hinaut
unta nga ang Dios magdala kanato lawas ug kalag ngadto sa dalan
sa pag-bago.
Ang amahan uban sa pamilya manguros sa pag-ingon:
Ug nga ang Makagagahum nga Dios manalangin kanato, ang

Amahan, ug ang Anak, ug ang Espiritu Santo.
Tanan : Amen.
Amahan : Mga igsoon, manlakaw kita sa kalinaw aron sa paghigugma ug pag–
alagad sa Ginoo.
Tanan : Salamat sa Dios.
HUWEBES SANTO
Paghandum sa Katapusang Panihapon sa Ginoo
1.Gamay’ng lamisa
2.Krusipiho
3.Duha ka dinagkotang kandela
4.Giya (Amahan-Amahan, Lektor-Inahan, Katilingbanong Pag-ampo- Mga anak)
1.Magsuot ug tarong nga bisti. Dili ang bisti nga naandan sa panimalay sama sa
sando,shorts,pajama ug uban pa.
11
2.Ipadaplin usa ang mga celpon, gadgets, radio ug uban pa nga makapawala sa atensiyon
3.Hunongon usab ang mga gimbuhaton sa panimalay aron paghatag ug pagtagad sa
kasaulogan.
Liturhiyanhong Pahimangno
Ang paghandum sa Katapusang Panihapon sa atong Ginoo maoy unang Liturhiyanhong kasaulogan sa
Triduo sa Pagkabanhaw. Niining solemning kasaulogan, gihinumduman sa simbahan ang katapusang
panihapon sa atong Ginoo diin Iyang gitukod ang mga sakramento sa Eyukaristiya ug Pagkapari, ug
nagsugo kanato sa paghigugmaay sa usa’g usa sama sa Iyang paghigugma kanato.
Saulogon kini 6:00 sa gabii diha sa pamilya. Gilangkoban kini sa mga mosunod nga mga kinahanglanong
elemento.
Human sa kasaulogan himoon ang panihapon sa tibuok pamilya.
a. Ang Kasaulogan sa Pulong nga naghatag ug kahulogan mahitungod sa mga panghitabo sa

katapusang panihapon.
b. Ang Paghugas sa Tiil, nga nagbutyag sa gugma ni Cristo nga Iyang gipadayag pinaagi sa
mapaubsanong pag-alagad. Ang paghugas sa tiil pangunahan sa Amahan.
RITO SA PAGSUGOD
Amahan : Sa Ngalan sa Amahan, ug sa Anak, ug sa Espirito Santo.
Tanan : Amen.
Ang Amahan mamulong ngadto sa pamilya niining mga pulonga.
Amahan : Niining atong pagsugod sa tulo ka adlaw nga pagsaulog sa pag-

antus, pagkamatay ug pagkabanhaw ni Cristo, nagkatigom kita
12
karong gabhiona aron pagpalab-as sa atong panumduman sa
katapusang gabii kanus-a si Cristo nanihapon uban sa Iyang mga
tinun-an. Atol sa pagsaulog sa Pangilin sa Pagsaylo sa mga Judeyo,
gihatag ni Jesus dinhi kanato sa Iyang Lawas ug Dugo timaan sa
bag-ong katawhan. Ug aron mapadayag ang kahingpitan sa Iyang
gugma, gihatag Niya kanato ang bag-ong sugo sa gugma: ang
gugma nga nag-awhag kanato sa pag-alagad sa atong isigkatawo.
lyang gipakita ang Iyang dakong gugma ug pag-alagad timaan sa
Iyang pagpaubos pinaagi sa paghugas sa tiil sa mga Apostoles.
Puno karon sa tinguha sa kinasingkasing ug mapaubsanong pag
alagad alang sa kagawasan ug kaluwasan, saulogon nato karon
kining handumanan.
Sa kinasingkasing nga paghinulsol sa atong mga kasal-anan, hinaut
nga mamahimo kitang angayan sa panalangin sa Ginoo
Tanan : Nagakompisal ako nga makagagahum sa tanan, ug kaninyo mga igsoon,
nga nakalapas ako ug daku uyamot sa hunahuna, sa pulong, sa buhat, ug
sa wala pagbuhat sa kinahanglang buhaton. Kay akong sala, akong sala,
akong dakung sala. Busa nangamuyo ako kang Santa Maria, kanunayng
ulay, sa tanang mga Anghel ug mga Santos, ug kaninyo mga igsoon, aron
inyo akong i – ampo sa Ginoo nga atong Dios.
Amahan : Ang Dios nga maloloy - on ug mahigugmaon sa tanan, mopasaylo sa
atong mga sala ug modala kanato ngadto sa kinabuhing dayon.
(Awiton ang Ginoo, kaloy-i kami…)
Amahan : Daygon ug himayaon nato ang Ginoo nga ang Dios pinaagi sa
hiniusang pag-awit.
Awiton ang Himaya sa Dios. Samtang naga-awit, bagtingon ang lingganay o kampana (kon duna)
hangtud mahuman ang awit.
Tanan : Himaya sa Dios didto sa langit Ug kadait sa Iyang mga tawo dinhi sa yuta.
Ginoong Dios, Langitnong Hari, Dios Amahan, makagagahum sa tanan.
Nagasimba Kami kanimo, nagapasalamat kami kanimo tungod sa Imong
Himaya. Ginoong Hesu–Cristo, bugtong Anak sa Amahan, Ginoong Dios,
Kordero sa Dios, Ikaw nagawagtang sa sala sa Kalibutan: Kaloy-i kami.
Ikaw nga nagalingkod sa too sa Amahan: dawata ang among pangamuyo.
Kay ikaw lamang ang Santos, Ikaw lamang ang Ginoo, Ikaw lamang ang
labing halangdon, O Hesu–Cristo, uban sa Espiritu Santo diha himaya sa
Dios Amahan. AMEN.
13
PASIUNANG PAG-AMPO
Amahan : Mag-ampo kita.
Mahigugmaong Amahan, sa bisperas sa Iyang kamatayon, ug
pinaagi sa timaan sa Iyang walay kinutoban nga paghigugma
kanamo, ang Imong Anak nga si Jesucristo, mihugas sa mga tiil sa
Iyang tinun-an ug giula ang Iyang kaugalingon diha sa pan ug bino.
Himoa nga kami makanunayong maghandum sa Balaang bangkite ug
hatagi kami ug matinud-anong kalipay diha sa mapaubsanong
pagpangalagad.
Kini ang among gipangayo pinaagi sa among Ginoong Jesucristo Imong
Anak nga buhi ug nagmando uban kanimo diha sa kahiusahan sa Espiritu
Santo, Dios hangtud sa kahangturan.
Tanan : Amen.
UNANG PAGBASA (Exodo 12:1-8, 11-14)
ANG PAGBASA GIKAN SA BASAHON SA EXODO.
Ang GINOO miingon kang Moises ug kang Aaron didto sa Ehipto, “Kining bulana
mao ang unang bulan sa tuig alang kaninyo. Ipahibalo sa tibuok pundok sa Israel nga
sa ikanapulong adlaw niining bulana, kinahanglan magpili ang kada tawo og nating
karnero o nating kanding alang sa iyang pamilya, usa ka mananap matag panimalay.
Kon gamay ra kaayo ang pamilya ug dili makahurot pagkaon sa usa ka mananap, ang
usa ka mananap tabangan pagkaon sa duha ka panimalay nga managsilingan, mag-
agad sa gidaghanon sa namuyo sa matag panimalay. Bahinbahina ang mananap
sumala sa makaon sa matag tawo. Kinahanglan nga ang mananap walay daot; laki kini
ug nagpanuigon og usa ka tuig; mahimo nga magpili kamog karnero o kanding.
Laminga kini hangtod sa ika-napulo’g-upat ka adlaw sa bulan nga maoy panahon nga
ang tibuok Israel mag-ihawg mga mananap pagkagabii. Unya magkuha sila’g dugo ug
14
ipahid diha sa mga marko sa puItahan ug sa ibabaw sa pultahan sa mga balay diin kan-
on ang mga mananap. Niadtong gabhiona aslon ang mananap ug kan-on uban sa pan
nga walay patubo ug sa mga utanon nga pait.
Ingna ninyo niini pagkaon: mag-bakos kamo, magsul-ob sa inyong sandalyas, ug
magkupot sa inyong sungkod ug dalia ninyo pagkaon. Mao kini ang kasaulogan sa
Pagsaylo sa GINOO. Niadtong gab-hiona suroyon ko ang Ehipto ug pamatyon ang mga
kamagulangang anak Ialaki sa mga tawo ug mga panganay nga laki sa mga mananap.
Kastigohon ko ang tanang dios sa Ehipto; ako ang GINOO. Ang dugo maoy ilhanan sa
mga baIay nga inyong gipuy-an. Inigkakita ko sa dugo sayloan ko kamo, ug walay
kadaot nga moabot kaninyo inigkastigo ko sa Ehipto. Kining adlawa mahimong
halandumon alang kaninyo; sauloga ninyo kini ug sa tanan ninyong kaliwatan ingon nga
permanenting pangilin alang sa GINOO.

SALAMAT SA DIOS
SALMO RESPONSORYO (Salmo 115:12-13,15-16,17-18)
T. Ang Kalis nga atong gibendisyonan mao ang pagkalawat sa dugo ni Cristo.
Unsaon ko pagbalos sa Ginoo tungod sa tanan nga mga kaayohan nga iyang gihimo
kanako? Imnon ko ang kalis sa kaluwasan ug sangpiton ko ang ngalan sa Ginoo.
T. Ang kalis nga atong…
Bililhon sa mga mata sa Ginoo ang kamatayon sa iyang buotang mga alagad. Imo ako
nga alagad, ang anak sa imong sulugoon nga babaye; imong gilugti ang akong mga
talikala.
Kanimo akong ihalad ang sakripisyo sa pasalamat, ug sangpiton ko ang ngalan sa
Ginoo. Tumanon ko ang akong mga panaad ngadto sa Ginoo diha sa atubangan sa
tibuok niyang lungsod.
IKADUHANG PAGBASA (1 Corinto 11:23-26)
ANG PAGBASA GIKAN SA UNANG SULAT NI SAN PABLO NGADTO SA TAGA-

CORINTO.
Mga igsuon: Kay nadawat ko gikan sa Ginoo ang pagtulon-an nga akong gitudlo
kaninyo: nga ang Ginoong Jesus, sa gabii nga siya gibud-hian, mikuha sa pan. Unya
15
nagpasalamat siya sa Dios, ug gipikas-pikas niya ang pan ug miingon, “Mao kini ang
akong lawas nga gitugyan alang kaninyo. Buhata kini aron paghandom kanako.” Human
sa panihapon gikuha niya ang kupa ug miingon, “Mao kini ang kupa sa bag-ong
kasabutan nga gitiman-an sa akong dugo. Matag inom ninyo niini, buhata sa
paghandum kanako.” Kay sa matag kaon ninyo niining pan ug sa matag inom ninyo
niining kupa, gisangyaw ninyo ang Iyang kamatayon hangtod sa pagbalik niya.
SALAMAT SA DIOS.
PAGPASIDUNGOG SA EBANGHELYO
EBANGHELYO (Juan 13:1-15)
ANG PAGBASA GIKAN SA EBANGHELYO SUMALA NI SAN JUAN.
Bisperas kadto sa Pangilin sa Pagsaylo. Nasayod Si Jesus nga miabot na ang iyang
takna sa pagbiya niining kalibutana ug pag-adto sa Amahan. Kanunay niyang
gihigugma kadtong mga iya nga ania sa kalibutan, ug gihigugma niya sila hangtod sa
katapusan.
Samtang nanihapon si Jesus ug ang iyang mga tinun-an, ang yawa mihulhog kang
Judas, ang anak ni Simon Iscariote, sa pagbudhi kang Jesus. Nasayod Si Jesus nga
gitugyan kaniya sa Amahan ang tanang gahom, ug nga siya gikan sa Dios ug moadto
sa Dios. Busa mibiya si Jesus sa lamesa, gihukas niya ang iyang sapaw, ug nagbakus
siya’g tualya. Unya naghuwad siyag tubig sa planggana ug gihugasan uiya aug tiii sa
mga tinun-an, ug gipahiran sa tuaiya uga iyang gibakus. Miduoi siya kaug Simon Pedro
ug Si Pedro miingon kauiya, “Ginoo, hugasan mo ba diay ang akong tiil?” Si Jesus
mitubag, “Dili ka pa karon makasabut sa akong gibubat, apan makasabut ka ra unya.”
Si Pedro miingon, “Dili gayod ako magpahugas nimo sa akong mga tiil!”
Apan si Jesus mitubag, “Kon dili ko hugasan ang imong mga tiil, dili ka na akong
tinun-an!” Si Simon Pedro mitubag, “Kon mao kana, Ginoo, dili kay ang mga tiil ko
lamang ang hugasi kondili hasta usab aug akong ulo ug mga kamut!”
Apan si Jesus miingon, “Ang nakaligo hinlo na ug dili kinahanglan nga manghugas
pa, gawas sa iyang mga tiil. Kamong tanan hinlo na gawas sa usa kaninyo.” (Nasayod
nang daan si Jesus kinsa ang magbudhi kaniya, busa miingon siya, “Kamong tanan
hinlo na, gawas sa usa kaninyo.”)
Human niya kahugasi ang ilang mga tiil, gisul-ob pag-usab ni Jesus ang iyang
sapaw ug mibalik siya sa iyang dapit sa lamesa. Unya nangutana siya, “Nakasabut ba
kamo sa akong gibuhat kaninyo? Kamo nagtawag kanako’g Magtutudlo ug Ginoo, ug
husto kana kay mao man kana ako. Kon ako nga inyong Ginoo ug Magtutudlo
16
naghugas sa inyong mga tiil, paghinugasay usab kamo sa inyong mga tiil. Naghatag
ako kaninyo’g panig-ingnan aron inyoug buhaton ang gibuhat ko kaninyo.”

Gitudloan kita gikan mismo sa atong Ebanghelyo nga si Cristo nakahibalo nang daan
sa kasakit nga iyang mahiaguman. Sa atong kaugalingon ug tawhanong kasinatian,
kung aduna gani kitay paabuton, dili gayud kita mahimutang. Magsige kitag balik-balik
ug hunahuna sa mga possible nga mahitabo maayo man kini o dautan. Busa, unsa
nalang kaha kadako ang kahingawa nga nahiaguman ni Cristo, dili tungod kay siya
bayawon apan tungod siya pagasakiton sa kasakit nga hilabihan.
Sa usa ka libro nga nag-uluhan nga “The Case for Christ” ni Lee Strobel, adunay
nahisgutan nga nakapakuha sa interes sa usa ka magbabasa: Tinuod ba nga si
JesuCristo nagsingot ug dugo didto sa tanaman sa Gethsemani? Ang tubag tinuod, ug
kini nga kahimtang gitawag ug hematidrosis. Kini dili kasarangang mahitabo apan
matud pa sa definition, Hematidrosis is associated with a high level degree of
psychological stress. Severe anxiety causes the release of chemicals that breaks down
the capillaries in the sweat glands. Ang resulta adunay mga gagmay’ng tulo sa dugo
nga mugawas gikan sa lawas sa tawo. Ug ang laing kahulugan pa niana, nga ang panit
mamahimong sobra ka humok nga kon maigo sa mga latos bation gayud sa tawo ang
sobrang kasakit nga kini iyang ikamatay.
Ang kahadlok ug kahingawa makapabalda sa tawo matag karon ug unya. Apektado

niini ang atong emosyon, paglihok ug desisyon. Apan kining maong kahadlok wala
gipanumbaling sa Jesucristo. Tinuod nga diha sa iyang tawhanon nga kahimtang
nakaingon siya: “Ginoo kon mahimo kuhaa kining kopa sa kasakitan kanako apan dili
ang akong pagbuot, kondili ang imung pagbuot maoy matuman”. Kini nagpadayag
lamang sa tumang pagpaubos ug sa kadako sa gugma nga buot ipadayag ni JesuCristo
kanato.
Ang katapusang panihapon nga atong gisaulog nagpadayag na sa sakripisyo ni Cristo

didto sa kalbaryo” Kini mao ang akong lawas nga itugyan alang kaninyo, kini ang akong
dugo nga iula alang kaninyo”. Ang Eyukaristiya nga iyang gitukod niining katapusang
panihapon nagtawag kanunay kanato sa paghinumdum, “buhata kini aron paghandum
kanako” kang Cristo, hangtud sa iyang sunod nga pagbalik. Ug ang paghugas sa mga
tiil, nagmatuod sa tim-os nga gugma nga gipadayag ni Jesucristo kanato, ug nga ato
pud unta kining mapadayag sa uban.
17
B. PAGHUGAS SA TIlL
Ang paghugas sa tiil mosunod human sa pagbasa sa pamalandong. Ang hugasanan sa tiil mao ang mga
membro sa pamilya. Ang Amahan nga nangulo maoy mohugas sa tiil. (Kun walay paghugas, mosunod
dayon ang Pangaliya Alang sa Tanan.)
Sa dili pa himoon ang paghugas, ang Amahan moingon:
Amahan : Karon isunod nato ang paghugas sa tiil. Kining gibuhat ni Jesus diha
sa katapusang panihapon ngadto sa Iyang mga Apostoles
nagpadayag sa kadako sa paghigugma sa Dios kanato.
Ang Iyang paghugas sa tiil sa mga Apostoles maoy panig-ingnan
nga Iyang gipakita kanato aron kita mahagit usab sa pagbuhat sa
ingon ngadto sa atong isigkatawo.
Busa karon, ato kining himoon aron masinati ug mapamalandungan
nato ang diwa sa maong gibuhat ni Jesus diha sa katapusang
panihapon.
Hugasan sa Amahan ang tiil sa mga membro sa pamilya duyog sa awit nga magpadayag sa gugma sa
pag-alagad. Human sa paghugas, ang Amahan mahugas sa iyang kamot sa kilid ug dayon mobalik alang
sa Pangaliya Alang sa Tanan.
Katilingbanong Pag-ampo
Amahan : Nianang gabii sa wala pa Siya patya, si Jesus nakigsalo uban sa

lyang mga tinun-an. Samtang nagpundok kita karon aron sa
paghandum niadtong balaang panihapon, makighiusa kita kang
Cristo ug mag-ampo ngadto sa Amahan alang sa tanan natong mga
gikinahanglan, moingon kita:
GINOO DUNGGA ANG AMONG PAG-AMPO.
1. Alang sa atong Santo Papa, Francisco, sa atong Obispo, N. , tanang kaparian ug

sa tanang nag-alagad alang sa kalamboan sa simbahan ilabina dinhi sa atong
Dayosis, mahimo silang buhing timaan sa mahigugmaong presensya sa Ginoo
nga nag-alagad kanato, mag-ampo kita sa Ginoo.
2. Alang kanila nga anaa sa panggamhanan ug kanila nga mga may gahum sa
pag-alagad kanatong tanan ilabina niining panahona nga atong giatubang ang
dako nga kabalaka mahitungod sa corona virus, Mag-ampo kita sa Ginoo.
18
3. Alang sa atong pamilya nga buhion nato ang diwa sa pag-alagad ug ipakita nato
ang maalagarong gugma sa Ginoo diha sa matag usa kanato. Mag-ampo kita sa
Ginoo.
4. Alang sa tanang nga kanunay unta kitang mapasalamaton sa pagdawat kang
Cristo diha sa pagsimba ug pagpasalamat sa Dios, mag-ampo kita sa Ginoo.
5. Alang sa mga kalag nila (membro sa pamilya nga ming-una na) nga
gipahinungdan karon sa pag-ampo makadawat sa kalooy ug pasaylo sa Dios
kinsa mianhi aron sa pagluwas sa tanan nga mitoo kaniya, mag-ampo kita sa
Ginoo.
Amahan : Ginoo, pinaagi ni Jesus imong gipakita kanamo ang imong hingpit
nga gugma. Busa kami nanghinaut nga imong dunggon ug tubagon
kining mga pag-ampo nga among gipadangat Kanimo pinaagi ni
Cristo, among Ginoo.
Tanan : Amen.
Amahan Namo
Human sa pag–ampo sa Pangaliya alang sa Tanan, ang Amahan modapit sa pamilya sa pag – ampo sa
Amahan Namo pinaagi sa pag-ingon:

Amahan Namo nga anaa sa mga langit, pagdaygon ang Imong ngalan
umabot kanamo ang Imong ginghari – an matuman ang Imong pagbuot
dinhi sa yuta maingon sa langit. Ang kalan – on namo sa matag adlaw
ihatag kanamo karong adlawa ug pasaylo – a kami sa amongkarong
adlawa ug pasaylo – a kami sa among nga sala ingon nga nagapasaylo
kami sa mga nakasala kanamo. Ug ayaw kami itugyan sa panulay
hinonoa luwasa kami sa dautan. Amen.

Misa.)
19
Amahan : Akong Jesus, nagatoo ako nga Ikaw anaa sa Labing Balaang
kasingkasing sa paaging espiritual. Hangpon ko ikaw sama’g ania ka
RITO SA PAGTAPUS
Ang amahan mosulti ngadto sa pamilya niini o sa susamang mga pulong:
Amahan : Mga Igsoon, pinaagi niining pagsaulog nato sa Triduo sa Pasko,

hinaut unta nga ang Dios magdala kanato lawas ug kalag ngadto sa
dalan sa pag-bago.

Amahan , ug ang Anak, ug ang Espiritu Santo.
Tanan : Amen
Amahan : Manlakaw kita sa kalinaw aron sa paghigugma ug pag– alagad sa
Ginoo.
BIYERNES SANTO
Kasaulogan sa Pasyon sa atong Ginoo
20
1.Gamay’ng lamisa
2.Krusipiho
5.Ang basahon sa pasyon kinahanglan i-apud-apud daan ug praktisan una magsugod ang
kasaulogan
6.Limpiyo nga krusipiho alang sa pagtahod krus.
kasaulogan.
Lituhiyanhong Pahimangno
Sumala sa Tradisyon sa Simbahan, dili pagasaulogon ang mga sakramento karon ug ugma. Niining
adlawa atong saulogon ang Pasyon sa Ginoo pinaagi sa paghinumdum sa makaluwasnong buhat diin
gawasnon Niyang gihalad ang Iyang kaugalingon ngadto sa kamatayon tungod sa Iyang
pagkamasinugtanon sa kabubut-on sa Amahan.
Ang pagsaulog pagahimoon sa mga alas tres sa hapon gawas kon adunay laing mga hinungdan.
Ang pagsaulog adunay duha ka bahin:
a. Ang Kasaulogan sa Pulong nga maoy pinaka-sentro nga bahin, nagpahinumdum sa kasakit
ug pagkamatay ni Cristo aron masinati nato kadtong mga panghitabo. Motubag kita sa pulong sa Dios
pinaagi sa nilangkuban nga mga pangamuyo nga giandam sa Simbahan alang niining maong
kasaulogan.
b. Ang Pagsimba sa Krus nga maoy timailhan sa kahalangdon sa krus ni Cristo ug kalipay sa
Iyang kadaugan sa sala ug kamatayon.
PASIUNA
Amahan : Magpadayon kita karon sa pagsaulog nga mahandumon sa

misteryo sa kasakit, kamatayon ug pagkaban-haw sa atong
Ginoo. Sumala sa Balaang Kasulatan, karong taknaa mao ang
pagkamatay ni Jesus sa krus. Isip mga Cristohanon, kita nagatoo
nga ang Iyang kamatayon sa krus dili usa ka kapildihan. Kini usa
21
sa kadaugan batok sa sala ug kamatayon. Ug aron mahimong
makahuluganon kining atong pagsaulog, pangayoon ta sa Ginoo
nga bag-ohon Niya ang atong kasingkasing aron maandam kita
nga way kahadlok alang niining atong giatubang nga hagit nga
mao ang pagsugpo sa COVID 19 diha sa atong pag-ampo aron sa
ingon ang gingharian ug sa kamatuoran atong maangkon ug
masinati bisan ania pa kita ning kinabuhia.
Mogahin og pila-pila ka minutos sa kahilum
Walay pagpanguros sa pagsugod ug sa pagtapus ning maong kasaulogan.
Ang Amahan moingon:
Amahan : Hinumdumi Ginoo, ang Imong malumo nga kalooy nga imong
napadayag sa milabay nga mga katuigan. Panalipdi ug santosa ang
imong mga alagad diin si Cristo nga Imong Anak, sa iyang pag-ula sa
iyang dugo mitukod sa misteryo sa Pasko sa Pagkabanhaw. Kini ang
among gipangayo pinaagi ni Cristo nga among Ginoo.
Tanan : Amen.
Amahan : Manglingkod ang tanan ug sa kinasingkasing pamation nato ang

pulong sa Ginoo.
UNANG PAGBASA (Isaias 52:13 - 53:12)
ANG PAGBASA GIKAN SA BASAHON NI PROPETA ISAIAS.
Ang GINOO miingon, “Molampus gayod ang akong alagad, magamhanan siya
ug pasidunggan pag-ayo. Daghan ang mahibulong kaniya— kay nadaot man pag-ayo
ang iyang panagway ug dili na kini hitsura’g tawo— mahibulong usab kaniya ang
daghang mga nasod; ug maamang ang mga hari sa iyang atubangan; kay ila mang
makita kadtong wala isugilon kanila, ug makasabut sila niadtoug wala nila hidunggi.”
Ang mga tawo mitubag, “Kinsay makatuo sa amo karong gisangyaw? Kinsay makatuo
nga buhat kini sa GINOO? Kay kabubut-on sa GINOO nga ang iyang alagad motubo
daw tanom diha sa ugang yuta. Wala siyay kaambong nga makadani kanato, ug dili
siya guwapo nga mabihag kita kaniya. Gitamay nato siya ug gisalikway; nakasinati
siyag mga kagul-anan ug mga pag-antos; wala gani motan-aw kaniya; wala nato siya
22
tagda ug gipakawalay bili lamang, “Apan giantus niya ang mga kasakitan nga kita
untay angay mag-antos ug gipas-an ang atong mga alantuson; apan giisip ta nga ang
iyang pag-antos silot kaniya sa Dios. Gisamaran siya tungod sa atong mga sala,
nangapangos siya tungod sa atong pagkadautan; giantus niya ang kastigo nga maoy
nakaluwas kanato, ug pinaagi sa iyang mga labod nangaayo kita. Kitang tanan sama
sa mga karnero nga nasalaag; wala mosubay sa hustong dalan, apan siyay
gidakdakan sa GINOO sa tanan tang kasal-anan. “Bisag gidaugdaog siya ug
gipaantos pag-ayo, nagpakahilom lamang siya; sama sa nating karnero nga gidala
ngadto sa ihawan, ug sama sa karnero atubangan sa moalot kaniya, wala gayod
siyay timik. Gitaral siya nga hinikawan sa hustisya, ug walay nanumbaling sa iyang
gidangatan, gihunosan siya sa iyang kinabuhi, tungod sa atong kalapasan.
Giandaman siyag lubnganan tipon sa mga kriminal, gilubong siya uban sa usa ka
dato, bisag wala siya makabuhat og dautan ni makasultig bakak.” Ang GINOO nag-
ingon, “Maoy akong kabubut-on ang pagpaantus ug pagsakit kaniya; sa dihang
gihimo niya ang iyang kaugalingon ingon nga halad alang sa sala, makita niya ang
iyang mga kaliwat ug makabaton siyag taas nga kinabuhi; ug pinaagi kaniya matuman
ang laraw sa GINOO. Inigkatapus sa iyang mga pag-antos, malipay na usab siya ug
masayod siya nga wala makawang ang iyang mga pag-antos. Siya ang matarong
kong alagad ug siya maoy mopas-an sa silot sa katawhan aron mahimo silang
matarong. Busa pasidunggan ko siya uban sa mga bantogan ug gamhanan kay
nagpakamatay man siya tipon sa mga kriminal. Gipas-an niya ang sala sa daghang
mga tawo, ug siyay nag-antus puli kanila ug nag-ampo aron sila pasayluon.”

SALAMAT SA DIOS.
SALMO RESPONSORYO (Salmo 31: 2, 6, 12-17, 25)
T. O Amahan, gitugyan ko ang akong kinabuhi diha sa imong mga kamot.
Diha kanimo, O Ginoo, nagadangop ako; nga dili gayod unta ako kaulawan, sa imong
katarong luwasa ako. Sa imong mga kamut gitugyan ko ang akong espiritu; imo akong
luwason, O Ginoo, O matinud-anong Dios.
T. O Amahan, gitugyan ko…
Alang sa tanan natong mga kaaway nahimo akong salawayon, usa ka kataw-anan
alang sa akong mga silingan, ug usa ka kahadlokan alang sa akong mga higala; ang
nakakita kanako sa gawas nagpahilayo kanako. Hikalimtan ako sama sa mga minatay
nga wala hinumdomi; sama ako sa usa ka panaksan nga buak.
23
Apan ang akong pagsalig anaa kanimo, O Ginoo;nagaingon ako, “Ikaw ang akong
Dios.” Sa imong mga kamut anaa ang akong destino; luwasa ako gikan sa gahom sa
akong mga kaaway ug mga manggugukod.
Ipadan-ag ang imong nawong ngari sa imong sulugoon; luwasa ako diha sa imong
kaluoy. Pagmaisog ug paglig-on sa kasingkasing kamong tanan nga nagalaum sa
Ginoo.
IKADUHANG PAGBASA (Hebreo 4:1.4 –16:5.7-9)
KINUTLO GIKAN SA SULAT NI SAN PABLO NGADTO SA MGA HEBREO
Busa lig-onon ta ang atong pagtuo kay duna kitay Amahanng Pari uga halangdon
nga atua na sa presensiya sa Dios—si Jesus, ang Anak sa Dios. Ang atong Amahanng
Pari dili sama sa ubang pari nga dili mobati’g kaluoy sa atong mga kahuyang. Hinonoa,
usa siya ka Amahanug Pari nga gitintal sa tanang paagi sama kanato, apan wala gayod
makasala. Busa magmasaligon kita ug moduol sa trono sa Dios diin atua ang grasya
aron madawat nato ang kaluoy ug ang grasya nga atong gikinahanglan.
Sa dinhi pa siya sa kalibutan, nag-ampo ug nangaliyupo si Jesus uban sa makusog
nga pagtuwaw og mga luha ngadto sa Dios nga may gahom sa pagluwas kaniya sa
kamatayon. Tungod kay mapaubsanon ug buotan man siya, gidungog siya sa Dios.
Apan bisan siya mao ang Anak sa Dios nakakat-on siya sa pagkamasinugtanon pinaagi
sa iyang mga pag-antos. Sanglit nahingpit man siya, nahimo siyang tinubdan sa dayon
nga kaluwasan alang sa tanan nga masinugtanon kaniya.
24
SALAMAT SA DIOS.
ANG PASYON SA ATONG GINOONG JESUCRISTO SUMALA NI SAN JUAN (Jn. 18:1-
19:42)
N – Narrator (Inahan)
K – Katawhan/ubang tawo (Mga Anak)
J – Jesus (Amahan)
N: Human si Jesus makaampo niini, milakaw siya kuyog sa iyang mga tinun-an
ug mitabok sa sapa sa Kidron. Niadtong dapita may usa ka tanaman, ug misulod
niini si Jesus ug ang iyang mga tinun-an. Si Judas, ang nagbudhi kaniya,
nakatultol niining dapita, kay si Jesus ug ang iyang mga tinun-an mag-adtoan
man didto. Busa miadto si Judas sa tanaman kuyog ang usa ka panon sa mga
sundalo ug pipila ka guwardiya sa templo nga gipadala sa mga Kadagkoan sa
mga Pari ug sa mga Pariseo. Sangkap sila’g mga hinagiban, mga parol, ug mga
sulo. Nasayod si Jesus sa tanan nga mahitabo kanila, busa mitagbo siya kanila
ug miingon,
J: “Kinsay inyong gipangita?”
N: Sila, mitubag,
K: “Si Jesus nga taga-Nazaret.”
J: “Ah … ako,”
N: siya miingon.
Si Judas, ang nagbudhi kaniya, nagbarog didto uban kanila. Sa pag-ingon ni
Jesus kanila.
J: “Ako,”
N: misibog sila ug nangatumba. Ug gipangutana sila pag-usab ni Jesus,
J: “Kinsay inyong gipangita?”
K: “Si Jesus nga taga-Nazaret,”
N: sila mitubag.
J: “Giingnan ko na kamo nga ako si Jesus. Kon akoy inyong gipangita, ayaw
ninyo’g hilabti kining uban,”
N: miingon siya. (Gisulti niya kini aron matuman ang iyang giingon, “Amahan,
walay usa kanila nga nawala niadtong tanan nga imong gihatag kanako.”)Unya
25
si Simon Pedro nga may espada, milanit niini ug gitigbas niya ang ulipon sa
Amahanng Pari, ug naputol ang tuong dalunggan sa ulipon. Miingon si Jesus
kang Pedro,
J: “Isakob ang imong espada! Nagtuo ka ba nga dili ko imnon ang kupa sa pag-
antus nga gihatag kanako sa akong Amahan?”
N: Unya gidakop si Jesus sa mga sundalo uban sa ilang kapitan ug sa mga
guwardiyang Judio, ug siya gigapos nila ug gidala una ngadto kang Annas, ang
ugangan ni Caifas nga mao ang Amahanng Pari niadtong tuiga. Si Caifas mao
ang nagtambag sa mga Judio nga mas maayo nga usa ra ka tawo ang mamatay
alang sa tanang tawo.
Si Simon Pedro ug laing tinun-an misunod kang Jesus. Ang maong tinun-an kaila
sa Amahanng Pari, busa mikuyog siya kang Jesus ngadto sa hawanan nga diha
sa tugkaran sa balay sa Amahanng Pari. Nagpabilin si Pedro didto sa gawas ,duol
sa ganghaan. Mibalik paggula ang laing tinun-an nga kaila sa Amahanng Pari ug
misulti sa babaye nga didto sa ganghaan ug unya gidala niya si Pedro ngadto sa
sulod. Ang ba-baye nga didto sa ganghaan miingon kang Pedro,
K: “Dili ba usa ka man sa mga tinun-an nianang tawhana?”
K: “Dili, oy!”
N: mitubag si Pedro.
Tugnaw kadtong panahona, busa ang mga sulugoon ug mga guwardiya
naghaling og kalayo ginamit ang uling ug nagdangdang sila nga nagbarog libot
niini. Miduol si Pedro ug mibarog uban kanila aron mainitan usab siya.
Unya gipangutana si Jesus sa Amahanng Pari mahitungod sa iyang mga tinun-an
ug sa iyang pagtulon-an.Si Jesus mitubag,
J: “Nagsulti ako sa dayag ngadto sa tanan; ang tanan kong pagpanudlo gibuhat
ko sulod sa mga sinagoga ug sa mga templo. Wala akoy gisulti sa tago. Busa
nganong nangutana ka pa man kanako? Maoy pangutan-a ang mga tawong
nakadungog kanako kay nasayod sila sa akong gisulti.”
N: Sa pagsulti ni Jesus niini, gisagpa siya sa usa sa mga guwardiya ug giingnan,
K: “Nganong nakaako ka pagsulti’g ingon niini sa Amahanng Pari?”
N: Si Jesus mitubag kaniya,
J: “Kon may sayop ako sa akong gisulti, ipahayag kini sa tanan nga ania dinhi.
Apan kon husto ako, nganong gisagpa mo man ako?”
N: Unya, ginapos gihapon, gipadala siya ni Annas ngadto kang Caifas, ang
Amahanng Pari.
Niadtong higayona nagtindog gihapon si Pedro duol sa kalayo. Busa ang uban
miingon kaniya,
K: “Dili ba usa ka man sa mga tinun-an nianang tawhana?”
26
N: Apan milimod si Pedro.
K: “Dili oy!”
N: miingon siya.
Unya usa sa mga ulipon sa Amahanng Pari, paryenti sa tawo kansang
dalunggan giputol ni Pedro, nangutana,
K: “Dili ka ba ang akong nakit-an uban kaniya didto sa tanaman?”
N: Ug si Pedro miingon na usab,
K: “Dili!”
N: ug dihadiha may mituktugaok nga manok.
Unya gikan sa balay ni Caifas, ilang gidala si Jesus ngadto sa palasyo sa
Gobernado. Sayo kadto sa buntag. Ang mga Judio wala mosulod sa palasyo
kay dili sila buot molapas sa balaod sa ilang tinuohan bahin sa panglinis, aron
makakaon sila sa panihapon sa Pangilin sa Pagsaylo. Busa migula si Pilato ug
nangutana kanila,
K: “Unsa may inyong sumbong batok niining tawhanan?”
N: Sila mitubag,
K: “Dili unta namo siya dad-on nganhi kanimo kon wala pa siya makasala.”
N: Ug si Pilato miingon kanila,
K: “Dad-a ninyo siya ug hukmi sumala sa inyong balaod.”
N: Ang mga Judio mitubag,
K: “Wala itugot kanamo ang pagpatay’g tawo.”
N: (Nahitabo kini aron matuman ang gisulti ni Jesus sa iyang paghisgot unsang
paagiha mamatay siya.)
Unya mibalik si Pilato pagsulod sa palasyo ug gitawag niya si Jesus ug
gipangutana,
K: “Ikaw ba ang hari sa mga Judio?”
J: “Imo ra ba gayod kining pangutana o gisultihan ka ba hinoon sa uban
mahitungod kanako?”
N: Si Pilato mitubag,
K: “Judio ba gud ako? Ang imong kaugalingong katawhan ug ang mga
Kadagkoan sa mga Pari ang nagtugyan kanimo ngari kanako. Unsa bay imong
nabuhat?”
27
J: “Ang akong gingharian dili iya niining kalibutana; kon ang akong gingharian
iya pa niining kalibutana, ang akong mga sakop makig-away unta aron dili ako
ikatugyan ngadto sa mga Judio. Apan lagi ang akong gingharian dili iya
niining kalibutana!”
N: Tungod niini nangutana si Pilato kaniya,
K: “Hari ka ba diay?”
J: “Nag-ingon ka nga hari ako. Tungod niini natawo ug mianhi ako sa kalibutan
alang sa usa lamang ka tuyo nga mao ang pagsaksi sa kamatuoran. Ang anaa
sa kamatuoran mamati kanako.”
K: “Kay unsa bay kamatuoran?”
N: nangutana si Pilato kaniya.
Unya mibalik paggula si Pilato ug miingon sa mga Judio,
K: “Wala akoy nakaplagang katarungan sa pagsilot kaniya. Apan sumala sa
inyong nabatasan, buhian ko ang usa ka binilanggo nga inyong pangayoon sa
panahon sa Pangilin sa Pagsaylo. Gusto ba kamo nga buhian ko ang hari sa
mga Judio?”
N: Sila misinggit pagtubag kaniya,
K: “Dili siya! Si Barabas maoy among gusto!”
N: (Si Barabas usa ka tulisan.)
Unya gikuha ni Pilato si Jesus ug iyang gipalatos. Ang mga sundalo
naghimo’g purongpurong sa mga sangang tunokon ug gipahaom nila kini sa
ulo ni Jesus. Gisul-oban usab nila siya og saput nga dagtom-pula, ug nanuol
sila kaniya ug miingon, “Mabuhi ang Hari sa mga Judio!” Ug siya gipanagpa
nila.
Unya nigula na usab si Pilato ug miingon sa mga tawo,
K: “Karon, dad-on ko siya nganhi kaninyo aron mahibalo kamo nga wala akoy
nakaplagang katarungan sa pagsilot kaniya.”
N: Busa migula si Jesus nga nagsul-ob sa purongpurong nga tunokon ug sa
saput nga dagtom-pula. Unya miingon si Pilato kanila,
K: “Ania ang tawo!”
N: Sa pagkakita sa kadagkoan sa mga pari sa mga guwardiya kaniya, naninggit
sila,
K: “Ilan siya nagpaka-Anak sa Dios.”
N: Sa pagkadungog ni Pilato niini misamot siya’g kahadlok. Busa, mibalik siya
pagsulod sa palasyo ug nangutana kang Jesus,
28
K: “Taga diin ka ba gayod?”
N: Apan si Jesus wala motubag kaniya. Busa si Pilato miingon kaniya,
K: “Dili ka ba motubag kanako? Wala ka ba mahibalo nga ako may gahum sa
pagbuhi kanimo ug sa pagpalansang kanimo sa krus?”
J: “Wala ka untay gahum kanako kon wala pa kini ihatag kanimo sa Dios. Busa
ang tawo nga nagtugyan kanako nganha kanimo mas sad-an pa kay kanimo.”
N: Sa pagkadungog ni Pilato niini, naninguha siya sa pagbuhi kaniya. Apan ang
mga Judio misinggit,
K: “Kon buhian siya nagpasabut kana nga dili ka higala sa Emperado. Kay bisan
kinsay magpakahari kaaway sa Emperador!”
N: Sa pagkadungog ni Pilato niini, gidala niya si Jesus sa gawas ug milingkod
siya sa lingkoranan sa maghuhukom didto sa dapit nga ginganla’g “Ang
Plataporma nga Bato.” (Sa Hebreo ang ngalan niini “Gabata.”) Hapit na kadto
maudto sa bisperas sa Pangilin sa Pagsaylo. Unya si Pilato miingon sa mga
Judio,
K: “Ania ang inyong hari!”
N: Apan sila maninggit sa pagtubag,
K: “Patya siya! Patya! Ilansang siya sa krus!”
N: Si Pilato nangutana kanila,
K: “Gusto ba ninyong ipalansang ko sa krus ang inyong hari?”
N: Ang kadagkoan sa mga pari mitubag,
K: “Wala kami hari gawas sa Emperador!”
N: Tungod niini gitugyan ni Pilato si Jesus ngadto kanila aron ilansang sa krus.
Busa ilang gidala si Jesus. Migula siya nga nagpas-an sa krus ug miabot sa
dapit nga ginangla’g “Dapit sa Kalabera.” (Sa Hebreo ginganlan kinig
“Golgota.”) Ug didto, siya gilansang nila sa krus. May duha usab ka tawo nga
gilansang nila sa krus diha sa isigkakilid ni Jesus. Nagsulat si Pilato ug
pahibalo og gipabutang niya kini sa krus ni Jesus. Ang iyang gisulat mao kini:
“Jesus nga taga-Nazaret, ang Hari sa mga Judio.” Daghang mga Judio
nakabasa niini, kay ang dapit diin gilansang si Jesus dili man layo sa siyudad.
Ang pahibalo gisulat sa Hebreo, sa Latin, ug sa Griego. Ang mga kadagkoan
sa mga pari miingon kang Pilato,
K: “Ayaw isulat nga hari siya sa mga Judio, kondili nga miingon siya, ‘Ako ang
Hari sa mga Judio.’”
29
N: Apan si Pilato mitubag,
K: “Ang nasulat ko dili ko na ilisan.”
N: Tapos si Jesus ikalansang sa mga sundalo didto sa krus, gikuha nila ang
iyang saput ug gibahin sa upat, usa ka bahin sa matag sundalo. Gikuha usab
nila ang bisti nga taas nga walay tinahian. Ang mga sundalo nag-ingnanay,
K: “Dili nato kini gision; magripa hinoon kita kon kinsay makapanag-iya niini.”
N: Nahitabo kini aron matuman ang bahin sa Kasulatan nga nag-ingon: “Gibahin-
bahin nila ang akong saput, ug giripahan nila ang akong bisti.”
Busa gibuhat kini sa mga sundalo.
Duol sa krus ni Jesus nagbarog ang iyang inahan ug ang igsuon sa iyang
inahan, si Maria nga asawa ni Cleofas, ug si Maria Magdalena. Sa pagkakita ni
Jesus sa iyang inahan ug sa tinun-an nga iyang gimahal nga nagbarog didto,
miingon siya sa iyang inahan,
J: “Babaye, ania ang imong anak.”
N: Unya miingon siya sa tinun-an,
J: “Ania ang imong inahan.”
N: Sukad niadto gipatipon si Maria pagpuyo sa tinun-an.
Human niini, si Jesus nga nasayod nga ang tanan natuman na, ug aron
pagtuman sa Kasulatan, miingon,
J: “Giuhaw ako.”
N: Didto may usa ka panaksan nga puno sa suka, ug nagtunlob silag
espongha sa suka ug gibutang sa usa ka sanga sa isopo, ug giisa nila kini
ngadto sa iyang ba-ba. Human makatilaw si Jesus sa suka, miingon siya,
J: “Natapos na!”
N: Unya miduko siya ug namatay.
N: Palihug mangluhod.
(Niining tungora mangluhod ang tanan ug maghilom sa makadiyut)
N: Palihug manindog.
30
Ang mga Judio mihangyo kang Pilato nga balion nila ang mga bitiis sa mga
tawo nga gilansang sa krus ug unya kuhaon sila. Gihimo nila kini kay Biyernes
man kadto. Adlaw sa Pagpangandam, ug dili sila buot nga magpabilin ang mga
lawas didto sa krus sa Adlaw’ng Igpapahulay, sanglit ang umaabot nga Adlaw’ng
Igpapahulay balaan man kaayo. Busa nangadto ang mga sundalo ug ilang
gipamali ang mga bitiis sa duha ka tawo nga gilansang sa krus uban kang Jesus.
Apan sa pagduol na nila kang Jesus, nakita nila nga patay na siya, busa wala na
nila balia ang iyang mga bitiis. Apan ang kilid ni Jesus gidughang sa usa sa mga
sundalo sa iyang bangkaw, ug dihadiha mibuhagay ang dugo ug tubig. (Ang tawo
nga nakakita niining hitaboa nagmatuod niini aron manuo usab kamo. Tinuod ug
kasaligan ang iyang gisulti, ug nahibalo siya nga nagsulti siya sa tinuod.) Gihimo
kini aron matuman ang bahin sa Kasulatan nga nag-ingon, “Walay bukog niya
nga balion.” Ug may lain pa gayong bahin sa Kasulatan nga nag-ingon, “Ang mga
tawo motan-aw kaniya nga ilang gidughang.”
Human niini, si Jose nga taga Arimatea mihangyo kang Pilato nga kuhaon
niya ang lawas ni Jesus. (Si Jose usa ka sumusunod ni Jesus, apan sa tago
lamang kay nahadlok man siya sa mga kadagkoan sa mga Judio.) Gitugotan siya
ni Pilato, busa miadto si Jose ug gikuha ang lawas ni Jesus. Ug si Nicodemo, ang
nakigkita kang Jesus usa niana ka gabii, mikuyog kaniya dala ang mga kalim-an
ka kilo nga pahumot, sinako nga mira ug aloe. Unya gikuha nilang duha ang
lawas ni Jesus ug ilang giputos og panapton nga lino uban sa mga pahumot, kay
mao man kini ang nabatasan sa mga Judio sa pag-andam sa minatay alang sa
paglubong. May usa ka tanaman didto sa dapit diin gilansang si Jesus, ug sa
maong tanaman may usa ka lubnganan nga wala pa gayod kalubngi. Ug sanglit
adlaw man kadto sa Pagpangandam, ug kay duol ra man ang lubnganan, ilang
gilubong si Jesus didto.
Kining tinuig nga kasaulogan sa Pasyon sa atong Ginoo, nagdala kanato sa
pagpamalandong sa kinabuhi ni Cristo ug sa ato usab nga kinabuhi. Adunay duha ka
nindot nga mga pulong nga atong pagahisgutan; kining pulong Gugma ug Krus. Itandi
nato sa usa ka estorya.
Adunay magtiayon nga nagsaulog sa ilang ika sietenta singko ka tuig (75). Sa
ilang panagtigum, ila kining gisaulog sa tumang kamaya uban sa ilang mga pamilya ug
kahigalaan. Usa sa mga bisita nangutana kanila. “Manong/Manang unsa may inyong
sekreto nga niabot man kamo niining puntuha sa inyong kaminyoon? “ Nagpahiyumay
ang duha ug mitubag ang bana … “tungod sa among bug-os nga gugma.”
Kon atong pamalandungan ang reyalidad sa kinabuhing minyo dili lang lonlon
kalipay ang masinati, aduna gayod ang mga kasakit. Apan diha sa estorya; wala nila
kini panumbalinga tungod kay ang gugma nga matuod maoy naghari sa ilang
31
kasingkasing nga maoy nakapalungtad o nakapahiusa kanila sulod sa sietenta singko
ka tuig. Ang gugma dili masukod nga matuod kon dili gayud kini moagi’g kasakitan
sama sa nasinati sa atong Ginoong Jesucristo. Kini nagpamatuod nga dili nato hatagan
og igong gimbug-aton ang kasakit kay sa luyo niini anaa ang kalipay ug gugma.
Ang atong unang pagbasa nagbutyag niadtong giila nga maantoson nga
sulogoon sa Dios. Susama kaniya kita gitawag sa pagsunod sa kabubut-on sa Dios. Sa
ingon, ang krus nga atong pas-anon, kabahin sa plano sa Amahan. Kay dili gayud kita
hatagan og krus nga dili nato makayang pas-anon, ihatag kini Niya tungod kay nakita
niya nga kaya nato kining dalhon.
Sa ikaduhang pagbasa, gidasig kita sa pagpadayon sa paghigugma ug pagbuhat
sa Iyang kabubut-on bisan pa taliwala sa pagsulay. Gihatgan kita ni Cristo og paglaum
nga diha sa atong paghigugma sa uban kini makadala og kinabuhi.
Niining Biernes Santo, gihinumduman ang bilihong nahitabo sa kinabuhi ni Cristo

sa Iyang pagluwas sa kalibutan nga maoy gisaysay diha sa pagbasa sa pasyon sumala
ni San Juan. Si Cristo namatay sa krus – namatay nga inosente, matarung ug tungod
sa gugma. Ang kamatayon sa krus nagpahinumdum kanato karon sa kinatibuk-ang
mensahe sa misyon ni Cristo dinhi kanato ug kini nagpadayag sa dakong gugma sa
Amahan alang kanato, nga dili gayud matugkad. Labaw pa kini sa mga pag-antus
tungod kay ang gugma naghatag og kinabuhi.
Niining paghandum nato sa kamatayon ni Cristo sa krus kita gipasinati sa

kamatuoran sa kadako sa gugma sa Dios alang kanato. Atong tutokan si Cristo diha sa
krus nga maoy matuod nga simbolo sa gugma sa Amahan nganhi kanato. Dili kita
mawad-an og paglaum diha sa atong kapakyasan, kasakitan, kakulang ug pasensiya sa
uban kay si Cristo nakig-uban kanato taliwala niining tanan ug atong maangkon ang
kalipay nga walay katapusan. Atong pas-anon ang tagsatagsa nato ka krus uban sa
madawaton nga kasingkasing kay maangkon nato ang bendisyon ug grasya sa Dios.
Ang gugma ug ang krus kabahin sa plano sa Amahan alang sa atong kaluwasan.
Giya sa pamalandong:
1. Andam ba nakong dawaton ang akong krus sa matag-adlaw sa akong kinabuhi?

Ako ba kining gihiusa sa kasakitan ni Cristo? Ako ba kini silang mahinganlan
(miyembro sa pamilya, silingan ug uban pa.) ug nahilakip ba kini sa akong mga
pag-ampo?
KATILINGBANONG PAG-AMPO
32
Amahan : Mga igsoon, ipadangat nato karon ang atong hiniusang pag-ampo
ngadto sa Dios alang sa atong panginahanglan ug sa
panginahanglan sa tanan. Ilabina na niining panahon karon diin
gisulay kita sa makalilisang nga sakit. Sa matag pag-ampo :
GINOO, DUNGGA KAMI
1. Alang sa tanang pangulo sa Simbahan, ang Santo Papa Francisco, mga
kaobispohan, kaparian ug mga laykong lumilihok: nga magmahugtanon
unta silang mosalig ug motuo sa grasya sa kaluwasan nga gikan sa
Ginoo pinaagi sa ilang walay-hunong nga pag-ampo aron maluwas kita
niining sakit nga giatubang karon. Mag-ampo kita sa Ginoo.
2. Alang usab sa atong panggamhanan: nga ubanan unta sila sa Ginoo sa

ilang mga paningkamot aron makakita sila’g maayong solusyon sa dakong
gutom nga gibati sa tanang katawhan karon atol niining pagharong nato
sa krisis sa atong panahon karon. Mag-ampo kita sa Ginoo.
3. Alang usab sa tanang gitahasan nga moharong niining atong mga suliran
karon, ang atong mga ‘Frontliners’, ang mga doctor, nurses, kapulisan,
kasundalohan ug uban pang nagtrabaho diha sa mga balay tambalanan:
nga sa kanunay lig-onon og ubanan unta sila sa Ginoo sa ilang mga
sakripisyo ug ihatag kanila ang kanunay’ng kusog aron ilang magamit diha
sa ilang pagpanerbisyo. Mag-ampo kita sa Ginoo.
4. Alang usab sa tanang apektohan sa krisis nga atong giatubang karon,

ilabina kadtong mga giilang ubos sa atong katilingban: nga makakita unta
sila’g isigkatawo nga manggihatagon aron katabangan sila sa ilang
gibating kalisdanan. Mag-ampo kita sa Ginoo.
5. Alang sa tanang nagmasakiton ilabina kadtong mga nataptan niining

maong sakit COVID-19: nga modangop unta sila sa Dios, ang gamhanang
Magtatambal, aron sa hingpit mahibalik na kanila ang kabaskog ug
kaayohan sa ilang balatian. Mag-ampo kita sa Ginoo.
6. Alang usab sa tanang nangamatay ilabina kadtong nangamatay tungod sa

pandemya nga midagsang sa ubay-ubay’ng mga nasod: nga maangkon
unta nila ang kinabuhing dayon nga gitagana sa Dios kanila ug nga
hupayon unta ang mga kagul-anan nga gibati sa ilang gibiyaan nga
pamilya. Mag-ampo kita sa Ginoo.
33
B. PAGSIMBA SA KRUS
Amahan : Pabilin sa pagtingdog

Ang sunod nga bahin sa atong kasaulogan mga igsoon mao ang
Pagsimba sa Krus. Sayud kita nga diha sa krus namatay ang atong
Ginoong Jesus. Sayud usab kita nga ang Iyang kamàtayon diha sa
maong krus nahimo Niyang kadaugan batok sa sala ug kamatayon
Ug kita nga nagatoo ug naghiusa sa Iyang kamatayon pinaagi sa
bunyag nahiusa usab uban Kaniya diha sa Iyang kadaugan sa krus.
Busa, alang kanatong mga nagtoo kang Cristo, ang krus usa ka
timaan sa kadaugan ug kaluwasan. Mao nga niining atong pagsaulog
sa handumanan sa pagsakit, pagkamatay ug pagkabanhaw sa atong
Ginoo, simbahon nato ang krus.
Ang Amahan mogunit sa krus ug iisa niyag diyutay ug moingon:
Amahan : Kini mao ang krus dinhi gitubos ni Cristo ang kalibutan.
Tanan : Dali kamo, simbahon ta ang Ginoo.
Ang Amahan ug ang mga tibuok pamilya moduol sa krus ug mutahod niini diha sa pagluhod o paghalok.
Amahan Namo
Human sa Pagsimba sa Krus, ang Amahan modapit sa pamilya sa pag – ampo sa Amahan Namo
pinaagi sa pag-ingon;

Amahan Namo nga anaa sa mga langit, pagdaygon ang Imong
ngalan umabot kanamo ang Imong ginghari – an matuman ang
Imong pagbuot dinhi sa yuta maingon sa langit. Ang kalan – on
namo sa matag adlaw ihatag kanamo karong adlawa ug pasaylo – a
kami sa amongkarong adlawa ug pasaylo – a kami sa among nga
sala ingon nga nagapasaylo kami sa mga nakasala kanamo. Ug ayaw
kami itugyan sa panulay hinonoa luwasa kami sa dautan. Amen.
34
Misa.)
Amanhan : Akong Jesus, nagatoo ako nga Ikaw anaa sa Labing Balaang
RITO SA PAGTAPUS
Amahan : Palihug manindog. Atong daygon ang Ginoo.

Tapuson nga walay panguros
35
SABADO DE GLORIA
BIHILYA SA PASKO SA PAGKABANHAW
1.Gamay’ng lamisa
2.Krusipiho
kasaulogan.
Liturhiyanhong Pahimangno
Kining maong kasaulogan pamilya adunay lamang duha ka bahin:
b. Ang Kasaulogan sa Pulong, diin ang simbahan namalandong sa tanang mga maayong butang
nga gihimo sa Ginoo alang sa iyang katawhan gikan pa sa sinugdan.
c. Ang Pagbag-o sa atong Bunyag alang sa makahuluganon nga pagsaulog sa Pasko sa

Pagkabanhaw.
Magsuot og puting bisti o sinina ang tibouk pamilya alang sa pagbago sa atong kaugalingong bunyag
Ang tibuok Kasaulogan sa Bihilya sa Pagkabanhaw pagahimoon sa gabii human sa panihapon sa

pamilya
PASIUNA
Amahan : Mga minahal kong pamilya, niining Balaanong gabii, sa dihang ang
atong Ginoong Jesucristo milabang sa kamatayon ngadto sa
kinabuhi.
36
Nagkatigum kita sa solemning pagtukaw ug pag-ampo diha, sa
kahiusahan sa tibuok Simbahan ug sa katilingban sa atong parokya.
Mao kini ang Pasko, ang paglabang sa Ginoo gikan sa kamatayon
ngadto sa kinabuhing dayon. Kon atong hinumduman sa kanunay
ang Iyang kamatayon ug pagkabanhaw pinaagi sa pagpaminaw sa
Iyang pulong ug pagsaulog sa Iyang mga sakramento, nan,
makapaniguro kita nga makaambit sa Iyang kadaugan batok sa
kamatayon ug mabuhi uban sa Ginoo hangtud sa kahangturan.
Niining bihilya, siyam ka mga pagbasa ang inandam, pito gikan sa Daang Kasulatan ang duha gikan sa
Bag-ong Kasulatan. Ang gidaghanon sa pagbasa nga kinutlo gikan sa Daang Kasulatan mahimong
ubsan sumala sa pastoral nga katarungan ngadto sa tulo o duha apan kinahanglan iapil gayud ang
(Exodo 14:15-31;15:1). Sa dili pa sugdan ang pagbasa ipamulong sa Amahan ngadto sa katawhan kining
mga pulonga:
Amahan : Gisugdan na nato ang solemne nga pagtukaw. Karon maminaw kita
pag-ayo sa pulong sa Dios. Hinumduman nato giunsa Niya pagtubos
ang katawhan sa Israel, ug nga sa pag-abut sa panahon nga Iyang
gibut-an Iyang gipádala ang Iyang kaugalingong Anak aron
mahimong atong Manunubos. Pinaagi niining pagsaulog sa Pasko sa
Pagkabanhaw hingpiton unta sa Dios ang buhat sa pangluwas nga
Iya nang gisugdan dinhi kanato.
Isunod ang mga pagbasa. Human sa matag pagbasa mosunod ang Salmo Responsoryo. Unya motindog
ang katawhan ug ang Amahan moingon sa pag-ampo, tubagon ug “Amen” sa tanan.
UNANG PAGBASA (Genesis 1:1-2:2)
ANG PAGBASA GIKAN SA BASAHON SA GENESIS. (TINAAS)
Sa pagsugod pagbuhat sa Dios sa kalibutan ug sa tanang butang sa kalangitan, ang

kalibutan walay hitsura ug walay sulod. Ang kadagatan gitabonan sa kangitngit ug ang
Espiritu sa Dios naglihok ibabaw sa katubigan. Unya miingon ang Dios, “Motungha ang
kahayag”—ug mitungha ang kahayag. Nahimuot ang Dios sa kahayag nga iyang nakita,
ug gilain niya kini gikan sa kangitngit; ginganlan niyang “Adlaw” ang kahayag ug ang
kangitngit ginganlan niyag “Gabii.” Milabay ang kagabhion ug miabot ang kabuntagon
ug mao kadto ang unang adlaw.
37
Unya miingon and Dios, “Motungha ang usa ka ali nga mag-ulang sa katubigan aron
mabahin kini sa duha”— ug nahimo kini. Pinaagi sa gibuhat niyang ali, gilain sa Dios
ang tubig nga didto sa ibabaw gikan sa tubig nga dinhi sa ubos ug nahimo kini.
Ginganlan niyag “Langit” ang ali. Milabay na usab ang kagabhion ug miabot ang
kabuntagon, ug mao kadto ang ikaduhang adlaw.
Unya miingon ang Dios, “Matingob sa usa lamang ka dapit ang tubig ubos sa langit
aron motungha ang yutang mamala” —ug nahimo kini. Ginganlan sa Dios ug “Yuta” ang
mamala ug ang tubig nga natigom ginganlan niyag “Dagat.” Nakita sa Dios nga maayo
ang iyang nabuhat ug nalipay siya. Unya miingon siya, “Moturok sa yuta ang
nagkalainlaing mga tanom: kadtong may binhi ug kadtong mga kahoy nga mamunga”—
ug nahimo kini. Busa miturok sa yuta ang tanang matang sa tanom. Nakita sa Dios nga
maayo ang iyang nabuhat ug nalipay siya. Milabay na usab ang kagabhion ug miabot
ang kabuntagon, ug kadto mao ang ikatulong adlaw.
Unya miingon na usab ang Dios, “Motungha ang mga iwag diha sa langit nga maoy
magbulag sa adlaw gikan sa gabii, ug magpaila sa pagsugod sa mga adlaw ug sa mga
tuig ug sa hinungdanong mga panahon, modan-ag kini sila sa kalangitan aron
paglamdag sa kalibutan”— ug nahimo kini. Busa gibuhat sa Dios ang duha ka dagkong
iwag, ang Adlaw nga maoy maglamdag sa panahon sa adlaw, ug ang Bulan sa
panahon sa gabii; gibuhat usab niya ang mga bitoon. Gibutang sa Dios ang mga
kahayag diha sa langit aron modan-ag sa kalibutan, ug maglamdag sa adlaw ug sa
gabii, ug maglain sa kahayag gikan sa kangitngit. Nakita sa Dios nga maayo ang iyang
nabuhat ug nalipay siya. Unya milabay na usab ang kagabhion ug miabot ang
kabuntagon, ug kadto mao ang ikaupat nga adlaw.
Miingon na usab ang Dios, “Mapuno ang katubigan sa nagkalainlaing mga buhing
mananap, ug mapuno usab sa mga langgam ang kahanginan”—Ug nahimo kini. Busa
gibuhat sa Dios ang mga dagkong mananap sa kadagatan ug ang tanang matang sa
mananap sa katubigan, ug ang tanang matang sa langgam. Nakita sa Dios nga maayo
ang iyang nabuhat ug nalipay siya. Unya gipanalanginan sila sa Dios. Ang Dios miigon,
“Sanay kamo ug lukpa ninyo ang kadagatan; ang mga langgam modaghan usab.” Ug
milabay ang kagabhion ug miabot ang kabuntagon, ug kadto mao ang ikalimang adlaw.
Unya miingon ang Dios, “Motungha sa kalibutan ang nagkalainlaing mga mananap:
mga kahayopan ug tanang matang sa mga ihalas nga mananap” ug nahimo kini. Busa
gibuhat niya ang tanang matang sa mga kahayopan ug mga ihalas nga mananap.
Nakita sa Dios nga maayo ang iyang nabuhat ug nalipay siya.
Unya miingon na usab ang Dios, “Buhaton nato ang tawo sama sa atong dagway.
Siya maoy magbuot sa mga isda, sa mga langgam, sa mga kahayopan, ug sa tanang
ihalas nga mananap. Busa gibuhat sa Dios ang tawo, lalaki ug babaye, sama sa iyang
dagway; ug gipanalanginan Niya sila. Miingon ang Dios, “Panganak kamo’g daghan
aron malukop ang kalibutan sa inyong mga liwat ug silay magbuot niini; kamoy magbuot
sa mga isda ug sa mga langgam ug sa tanang ihalas nga mananap.” Unya miingon ang
Dios, “Gihatag ko kaninyo ang tanang matang sa tanom nga may binhi ug ang tanang
bunga sa kahoy aron inyong kan-on. Gihatag ko usab sa tanang ihalas nga mananap
ug kalanggaman ang mga tanom nga lunhaw aron ilang kan-on” —ug nahimo kini.
Nakita sa Dios nga maayo ang tanan nga iyang nabuhat ug nalipay gayod siya. Milabay
38
na usab ang kagabhion ug miabot ang kabuntagon, ug kadto mao ang ikaunom nga
adlaw.
Nahuman pagbuhat ang langit ug ang yuta ug ang tanang butang nga anaa niini. Sa
ikapitong adlaw, nahuman sa Dios ang tanan niyang gibuhat ug mipahulay siya.
SALAMAT SA DIOS
SALMO RESPONSORYO (Salmo 104:1-2, 5-6, 10, 12-14, 35)
T. Ginoo, ipadala ang Imong Espiritu ug bag-oha ang nawong sa yuta.
Dayga ang Ginoo, kalag ko! O Ginoo, akong Dios, dako gayod ikaw! Gisul-oban ikaw sa
kahalangdon ug himaya, gibistihan diha sa kahayag ingon og usa ka kapa.
T. Ginoo, ipadala ang imong…
Imong gilig-on ang yuta diha sa iyang baroganan, aron dili matarog sa kahangturan; Sa
kalawran ingon og usa ka saput imo kini nga gitabonan; lapaw sa kabukiran miabot ang
mga tubig.
Imong gipabul-og ang mga tubod ngadto sa katubigan ang hangin diha sa kabukiran.
Gawas kanila ang mga langgam nagpuyo sa kalangitan; gikan sa kasangahan nagsibya
sila sa ilang mga awit.
Imong gitubigan ang mga bukid gikan sa imong puloy-anan; napuno ang yuta sa bunga
sa imong mga buhat. Imong gipatubo ang balili alang sa kabakahan, ang mga tanom
alang sa kagawian sa mga tawo, Diin mahimo ang pan gikan sa yuta.
Pagkadaghan sa imong mga buhat, O Ginoo! Diha sa kinaadman Imo silang gibuhat
nga tanan — ang yuta puno sa imong mga binuhat. Dayga ang Ginoo, kalag ko!
Aleluya.
39
PAG-AMPO
Amahan : Palihug manindog…

Mag-ampo kita.
Makagagahum ug tunhay nga Dios; gibuhat Mo ang tanang butang
sa katingalahang katahum ug kahusay. Tabangi kami karon
pagmatngon unsa ka labaw pa gayod ka katingalahan ang bag-ong
kabuhatan nga pinaagi niini sa pag-abot na sa hustong panahon
gitubos Mo ang imong katawhan pinaagi sa sakripisyo sa among
Pasko nga mao si JesuCristo nga buhi ug Hari hangtud sa
kahangturan.
Tanan : Amen.
Amahan : Palihug manglingkod alang sa ikaduhang pagbasa.
IKADUHANG PAG-BASA (Exodu 14:15-15:1)
ANG PAGBASA GIKAN SA BASAHON SA EXODO.
Ang GINOO miingon kang Moises, “Nganong nagpakitabang ka man kanako? Sultihi
ang mga Israelita papadayona sila sa unahan. lisa ang imong sungkod ug ipataas ang
imong kamut ibabaw sa dagat aron mabahin kini ug ang mga Israelita makalakaw sa
mala nga yuta. Patig-ahon ko ang mga Ehiptohanon aron gukdon nila ang mga Israelita,
ug sa ingon kapasidunggan ako sa akong kadaugan batok sa hari sa Ehipto ug sa
tanan niyang kasundalohan. Kon mabuntog ko na sila, mahibaw-an sa mga
Ehiptohanon nga ako ang GINOO.”
Unya ang anghel sa Dios nga nag-una sa kasundalohan sa Israel mibalhin sa likod,
ug ang panganod nga daw haligi mibalhin usab ngadto sa luyo nila, ug nagpahimutang
tunga-tunga sa kasundalohan sa mga Ehiptohanon ug sa mga Israelita. Busa didto ang
panganod ug ang kangitngit; milabay ang kagabhion ug ang kasundalohan sa Israel ug
sa Ehipto wala magkaduol sa tibuok gabii.
Unya giisa ni Moises ang iyang kamut ibabaw sa dagat ug gipasibog sa GINOO ang
dagat pinaagi sa kusog nga hangin gikan sa silangan nga mihunos tibuok gabii.
Nabahin ang tubig ug nauga ang taliwala niini, ug miagi niini ang mga Israelita. Sa
isigkakilid nila nahimong daw duha ka paril ang tubig. Gigukod sila sa mga Ehiptohanon
subay sa ilang gi-agian sa dagat. Sa wala pa moabot ang kaadlawon, gikan sa kalayo
ug sa panganod, ang GINOO midungaw sa mga kasundalohang Ehiptohanon, ug
gilisang niya sila. Gipagahi niya ang pagtuyok sa mga ligid sa mga karwahe busa
40
naglisod sila pagpadagan, ug miingon ang mga Ehiptohanon, “Mosibog kita kay ang
GINOO nakig-away kanato dapig kanila.”
Ang GINOO miingon kang Moises, “lisa ang imong kamut ibabaw sa dagat ug
motikyop ang tubig ug matabonan ang mga Ehiptohanon.” Busa giisa ni Moises ang
iyang kamut ibabaw sa dagat, ug sa pagkabuntag nahibalik ang dagat. Misulay ang
mga Ehiptohanon sa pag-ikyas, apan nasugat hinoon nila ang tubig. Mibalik ang tubig
ug natabonan ang mga karwahe, ang mga tigmaneho niini ug ang tanang kasundalohan
sa hari nga migukod kanila hangtod sa dagat; wala gayoy usa nga nahibilin. Apan
milatas ang mga Israelita agi sa mamalang yuta taliwala sa dagat, ug sa isigkakilid nila
nahimong daw duha ka paril ang tubig.
Niadtong adlawa, giluwas sa GINOO ang katawhan sa Israel ug nakita sa mga
Israelita ang mga patay’ng lawas sa mga Ehiptohanon nga nagbuy-od sa baybayon.
Nakita nila ang talagsaong gahom nga gigamit sa GINOO batok sa mga Ehiptohanon,
ug nangahadlok sila sa GINOO; misalig sila sa GINOO ug sa iyang sulugoon nga si
Moises.
Unya si Moises ug ang mga Israelita nag-awit pahinungod sa GINOO. Miigon sila:
“Awitan ko ang GINOO kay dako ang iyang kadaugan; gipanlimbuwad niya sa dagat
ang mga kabayo ug ang nagkabayo niini.”

SALAMAT SA DIOS.
SALMO RESPONSORYO (Exodu 15:1-2, 3-4, 5-6,17-18)
T. Awitan nato ang Ginoo, kay gilukop Niya sa himaya ang Iyang kaugalingon.
Awitan ko ang Ginoo kay mahimayaon siya diha sa kadaugan; kabayo ug karwahe
iyang gitambog ngadto sa dagat. Ang akong kusog ug akong kaisog mao ang Ginoo, ug
siya ang akong manunubos. Siya ang akong Dios, daygon ko siya; ang Dios sa akong
amahan, ako siyang bayawon.
T. Awitan nato. ang Ginoo…
Ang Ginoo usa ka manggugubat, Ginoo ang iyang ngalan! Ang mga karwahe ug
kasundalohan ni Paraon iyang gilubong sa dagat; ang mga kadagkoan sa iyang mga
punoan nalumos didto sa Dagat nga Pula.
Gitabonan sila sa mga tubig sa baha, nalugdang sila ngadto sa kahiladman ingon og
usa ka bato. Ang imong tuong kamut, O Ginoo, bantugan diha sa gahom, ang imong
tuong kamut, O Ginoo, nakabungkag sa kaaway.
41
Gipasulod nimo ang katawhan nga imong gitubos ug gitanom nimo sila diha sa bukid sa
imong kabilin. Ang dapit diin gihimo mo ang imong lingkuranan,O Ginoo, ang
santuwaryo, O Ginoo, nga gitukod sa imong mga kamut. Maghari ang Ginoo hangtod sa
kahangturan.
PAG-AMPO
Amahan : Palihug manindog.
Mag-ampo kita.
Amahan namo, hangtud karong mga adlawa makita pa namo ang
mga katingalahan nga Imong gihimo kanhi. Kaniadtong Imong
gitubos ang usa ka nasod gikan sa pagka-ulipon, ug karon gitanyag
Nimo ang maong kaluwasan ngadto sa tanan pinaagi sa pagbunyag.
Ang tanang mga tawo sa tibuok kalibutan makapahimulos unta sa
mga pribilihiyo nga Imong gisaad sa mga anak ni Abraham, ang
lungsod sa Dios ug mahimong takus sa kabilin sa Israel. Kini ang
among gipangayo pinaagi ni Cristo among Ginoo.
Tanan : Amen.
Amahan : Palihug maglingkod alang sa ikatulong pagbasa.
IKATULONG PAGBASA (Isaias 55: 1-11)
ANG PAGBASA GIKAN SA BASAHON NI PROPETA ISAIAS.

Ang GINOO miingon, “Kamong giuhaw, ngari kamo ug inom. Bisa’g wala kamoy
kuwarta, ngari palit ug kaon! Palit kamo’g bino ug gatas nga walay bayad. Nganong
gastoon man ninyo ang inyong kuwarta nianang dili makaon, ug nganong maghago
man kamo nianang dil makabusog? Pamati kamo kanako, ug makakaon kamo’g
maayong pagkaon, ug matagbaw kamo. Pamati kamo ug duol kanako, aron dili kamo
mamatay; maghimo ako’g walay katapusang kasabutan uban kaninyo ug panalanginan
ko kamo sumala sa akong gisaad kang David. Gihimo ko siyang saksi ngadto sa
katawhan, usa ka Amahan ug magtutudlo nila. Tawgon ninyo ang mga nasod nga wala
ninyo hiilhi, ug magdagan sila nganha kaninyo. Ako ang GINOO nga inyong Dios ang
balaang Dios sa Israel maoy maghimo niini ug pasidunggan ko kamo.” “Pangitaa ninyo
ang GINOO samtang siya hikaplagan pa, sangpita ninyo siya, samtang siya duol pa;
pabiyaa ang mga dautan sa ilang sala ug ipasalikway sa mga makasasala ang ilang
42
dautang hunahuna. Pabalika sila sa GINOO aron kaloy-an sila, pabalika sa atong Dios,
kay andam siya sa pagpasaylo.”
“Kay ang akong hunahuna dili sama sa inyong hunahuna, ni ang akong mga laraw
sama sa inyong mga laraw, nag-ingon ang GINOO. Kay ingon nga ang kalangitan
habog kay sa yuta, ang akong mga laraw habog kay sa inyong mga laraw, ug ang
akong hunahuna kay sa inyong hunahuna”
“Kay ingon nga ang ulan ug ang yelo mangahulog gikan sa langit ug dili na mobalik
didto, kondili mopatubig hinoon sa yuta aron manurok ang mga tanom niini, ug
kahataga’g binhi ang magpupugas ug pagkaon ang mga tawo. Ang akong mga pulong
usab dili mobalik kanako nga kawang lamang; hinonoa, tumanon niini ang akong tuyo
ug molampus gayod kini.”

SALAMAT SA DIOS
SALMO RESPONSORYO (Is. 12: 2 -3, 4, 5-6)
T. Magkawos kamo nga malipayon gikan sa mga tuboran sa kaluwasan.

Sa tinuoray ang Dios mao ang akong manluluwas; masaligon ako ug wala akoy
kahadlok. Ang akong kusog ug akong kaisog mao ang Ginoo, ug siya mao kanhi ang
akong manluluwas. Magkawos kamo nga malipayon gikan sa tubod sa kaluwasan.
T. Magkawos kamo…
Pagpasalamat kamo diha sa Ginoo, isangyaw ang iyang ngalan; taliwaia sa kanasuran
ipahibalo ang iyang mga binuhatan, isangyaw unsa kahalangdon ang iyang ngalan.
T. Magkawos kamo…
Dayga ang Ginoo tungod sa iyang mahimayaong mga buhat; ipahibalo kini ngadto sa
tibuok kalibutan. Singgit kamo nga malipayon, o siyudad sa Sion, kay halangdon diha
sa inyong taliwala ang Santo sa Israel.
T. Magkawos kamo…
PAG-AMPO
Amahan : Palihug manindog.
Mag-ampo kita.
Makagagahum ug kanunay’ng buhi nga Dios, bugtong kalauman sa
kalibutan, pinaagi sa pagwali sa mga propeta Imong gisangyaw ang
mga misteryo nga gisaulog karong gabhiona. Tabangi Kami aron
43
mahimong matinud-anon Nimong katawhan, kay diha lamang sa
Imong lamdag nga makatunong kami diha sa kaayo. Kini ang among
gipangayo pinaagi ni Cristo among Ginoo.
Katawhan : Amen.
Human sa katapusang pagbasa gikan sa Daang Kasulatan, Salmo Responsoryo ug pag-ampo, ang
Amahan mangulo sa pag-awit sa Himaya sa Dios.
HIMAYA SA DIOS.
Amahan : Himaya sa Dios didto sa langit…
Ug kadait sa Iyang mga tawo dinhi sa yuta. Ginoong Dios, Langitnong

Hari, Dios Amahan, makagagahum sa tanan. Nagasimba Kami kanimo,
nagapasalamat kami kanimo tungod sa Imong Himaya. Ginoong Jesu–
Cristo, bugtong Anak sa Amahan, Ginoong Dios, Kordero sa Dios, Ikaw
nagawagtang sa sala sa Kalibutan: Kaloy-i kami. Ikaw nga nagalingkod sa
too sa Amahan: dawata ang among pangamuyo. Kay ikaw lamang ang
Santos, Ikaw lamang ang Ginoo, Ikaw lamang ang labing halangdon, O
Jesu–Cristo, uban sa Espiritu Santo diha himaya sa Dios Amahan.
AMEN.
Samtang naga-awit dagkutan ang kandila sa Altar ug bagtingon ang lingganay o kampana (kon duna)
hangtud mahuman ang awit. Ang Amahan moingon sa pasiunang pag-ampo.
PASIUNANG PAG-AMPO.
Amahan : Mag-ampo Kita.

O Dios, among Ginoo, Imong gibanwagan kining gabhiona sa
kasanag ni Cristo nga nabanhaw. Dasiga ang Espiritu sa
pagkasinagop dinhi sa Imong Simbahan aron tapos mabag-o sa
lawas ug sa kalag mag-alagad kami Kanimo sa tibuok namong
kasingkasing. Kini among gipangayo pinaagi ni Cristo among Ginoo.
Tanan : Amen.
Amahan : Palihug manglingkod alang sa ikaupat nga pagbasa.
44
IKAUPAT NGA PAGBASA (Roma 6: 3-11)
ALELUYA
Manindog ang tanan human sa pagbasa, sa solemne nga paagi awiton sa Amahan ang Aleluya sa
Pagkabanhaw sa makatulo ug sa pataas nga tono. Mosabat niini sa susama nga tono ang tanan. Unya
mosunod ang Salmo.
ANG PAGBASA GIKAN SA SULAT NI SAN PABLO NGADTO SA TAGA-ROMA.
Nasayod kamo nga sa pagbunyag kanato nahiusa kita kang Cristo Jesus, busa
nahiusa kita sa iyang kamatayon. Tungod niini, sa pagbunyag kanato gilubong kita
uban kaniya ug miambit sa iyang kamatayon, aron ingon nga si Cristo gibanhaw sa
mahimayaong gahom sa Amahan, kita usab magpuyo diha sa bag-ong kinabuhi.
Kay kon nahiusa kita kaniya sa iyang pagkamatay, mahiusa usab kita kaniya kon
banhawon na kita ingon nga gibanhaw siya. Kay nasayod kita nga ang atong daan ug
makasasala nga kinaiya gilansang na uban ni Cristo aron malaglag kini, ug dili na kita
maulipon sa sala. Kay wala nay gahom ang sala niadtong patay na. Kon namatay kita
uban kang Cristo, gituohan nato nga mabuhi usab kita uban kaniya. Kay nasayod kita
nga si Cristo gibanhaw ug dili na gayod siya mamatay pag-usab, ug ang kamatayon
wala nay gahom kaniya. Ang kamatayon niya mao ang kamatayon sa pagpakasala, sa
makausa alang sa tanan; ug nagkinabuhi siya karon alang lamang sa Dios. Busa isipa
ang inyong kaugalingon nga patay na sa pagpakasala apan buhi alang sa Dios, hiniusa
kang Cristo Jesus.

SALAMAT SA DIOS
SALMO RESPONSORYO (Ps. 118: 1-2, 16, 17, 22-23)
T. Aleluya, Aleluya, Aleluya.

Pasalamati ninyo ang Giuoo, kay siya maayo, kay ang iyang kaluoy nagalungtad
hangtod sa kahangturan. Pasultiha ang balay ni Israel, “Ang iyang kaluoy nagalungtad
sa kahangturan.”
Ang tuong kamut sa Ginoo mibakyaw uban sa gahom; ang tuong kamut sa Ginoo
gibayaw. Dili ako mamatay, kondili mabuhi, ug isangyaw ko ang mga buhat sa Ginoo.
45
Ang bato nga gisalikway sa mga magtutukod nahimong bato sa kanto. Sa Ginoo
nahimo kini; kahibulongan kini atubangan sa atong mga mata.
 ANG PAGBASA GIKAN SA EBANGHELYO SUMALA NI SAN MATEO ( Mateo 28: 1-

10)
Tapos sa Adlaw nga Igpapahulay, sa pagbanagbanag na sa buntag sa Adlaw’ng

Domingo, si Maria Magdalena ug ang laing Maria nangadto aron pagtan-aw sa
lubnganan. Unya sa kalit dihay kusog nga linog, ug usa ka anghel sa Ginoo mikunsad
gikan sa langit; giligid niya ang bato, ug milingkod siya niini. Sama sa kilat ang iyang
panagway ug puti kaayo ang iyang bisti. Nangurog ang mga guwardiya tungod sa
hilabihang kahadlok ug nahimong daw mga patay.
Unya ang anghel miingon sa mga babaye, “Ayaw kamo kahadlok. Nasayod ako nga
nangita kamo kang Jesus nga gilansang sa krus. Wala na siya dinhi; nabanhaw siya
sumala gayud sa iyang giingon. Umari kamo ug tan-awa ang dapit nga gilubngan, ug
unya adto-a dayon ug sultihi ang iyang mga tinun-an nga nabanhaw na siya, ug karon
nag-una siya kaninyo ngadto sa Galilea; ikahibalag ninyo siya didto. Hinumdomi ang
akong giingon kaninyo.” Busa midali sila pagbiya sa lubnganan nga nangahadlok, apan
nangalipay, ug nagdagan sila aron pagbalita sa iyang mga tinun-an.
Unya sa kalit misugat si Jesus kanila ug miingon, “Ang kalinaw mag-uban kaninyo.”
Miduol sila kaniya ug mihikap sa iyang mga tiil, ug misimba kaniya. Si Jesus miingon
kanila, “Ayaw kamo kahadlok; adtoa ang akong mga igsoon ug paadtoa sila sa Galilea,
ug didto makita nila ako.”

Mga igsoon, ato karon nga gisaulog ang dakong pista sa tibuok tuig sa Simbahan. Mao
kini ang Kristohanong pagtoo nato nga mga katoliko. Gibuntog na ni Cristo ang
kamatayon. Nagmadaugon Siya, Iyang gimatarong ang mga tumutuo Kaniya. Mao kini
ang atong paglaum ug pagtoo nga kinsa kadtong mosunod Kaniya magmadaugon ug
magmatarong ning atong pagpadayon sa pagpanaw ning kalibutana.
Atong lantawon ang kamatuoran diha sa atong adlaw-adlaw nga pagpuyo. Unsay
mahitabo sa pamilya nga wala magbuhat og maayo ug matarong? Dili ba may panag-
away, kasamok ug walay kalipay? Kini tipik usab sa katilingban lokal ug nasyonal.
46
Dinhi, klaro kaayo ang ugat nga hinungdan niining atong kalisod, kasamok ug kapit-os
sa kinabuhi nga kalibutanon. Mao kini ang kapakyasan sa pagpangita sa butang nga
Langitnon ug Diosnong kabubut-on. Gihagit kita sa pagpamalandong, pagsinati sa
presensiya sa nabanhaw’ng Dios sa atong taliwala. Siya nabanhaw, buhi ug bisan
asang dapit ania Siya nag-uban kanato. Mao kini ang Maayong Balita sa kaluwasan
karon.
Diha sa Ebanghelyo ni San Juan nagsaysay nga ang mga tinun-an nangadto sa
lubnganan ug wala siya makakita sa patay’ng lawas ni Cristo. Apan nakita niya ang
timailhan, ang lino nga giputos sa lawas ni Cristo ug siya mitoo nga nabanhaw kini. Sa
laing higayon si Cristo nagpakita kang Maria Magdalena didto sa lubnganan ug siya
gitahasan ni Cristo pagpahibalo sa mga tinun-an. Sa pagsangyaw sa Maayong Balita sa
kaluwasan, nga si Cristo moadto sa Amahan ug ila usab nga Amahan.
Ang pag-ila sa buhing Dios atong masinati sa adlaw-adlaw sa atong kinabuhi,

apan alang niadtong walay pagtoo dili gayod sila makakita kay nagpasulabi sa
tawhanong panglantaw ug hunahuna. Ang resulta kanunay’ng gubot, ug walay
katagbawan ug may kahadlok ug kabalaka nga maoy nakababag sa kalinaw sa
pangisip. Mao usab ang nahitabo sa tinun-an bisa’g may pagtoo nga si Cristo
nabanhaw apan kay wala pa magpakita kanila may kahadlok ug kabalaka.
Ang nahitabo sa mga apostoles ug kang Maria Magdalena dili halayo sa atong
kasinatian. Angayan lamang nga atong hinumduman nga ang paglaum ug ang pagtoo
sa gahum sa Dios maoy makahatag kanato og hingpit nga kalipay sa atong kinabuhi.
Mga igsoon, ang atong mata sa pagtoo taliwala sa atong mga kalisod.
Diha sa unang pagbasa, naghisgot kini sa pagsalig sa Dios, pagbuhat ug maayo,

pagpangita sa mga butang nga langitnon. Dili nato ipalabi ang kalibutanon nga maoy
magpabalik kanato sa kadautan kay kita Iya nang giluwas pinaagi sa kaugalingon
Niyang gahum ug kamalampuson batok sa kamatayon ug dautan. Ang Diosnong
gugma maoy nagpatigbabaw sa tanan Niyang mga buhat. Kining pagkamatarong ug
pagkamaayo usa ka gasa sa mga malaumon ug matoohon sa Dios. Kitang tanan
gihatagan niini pinaagi sa bunyag ug gitawag kita nga anak sa Dios, mga sumusunod ni
Cristo. Mao nga angay natong ipadayon ang pagbuhat sa kamatuoran aron kita
magpuyo nga malinawon ug malipayon.
Ning adlaw sa pagkabanhaw, magmaya kita kay kini ang adlaw nga gimugna sa
Dios. Sa Iyang pagkabanhaw, kita nakaingon ug bag-ong paglaum ug kinabuhi. Alleluia.
Giya alang sa pamalandong:
1. Ang Pagkabanhaw ni Cristo nagdala ba kini kanato og kagawasan o kalig-on o

nagpadayon ba kita sa atong mga hiwi nga kinaiya? Ato ba Siyang gidawat dinhi
sa atong matag kasingkasing?
47
B. PAGBAG-O SA SAAD SA BUNYAG
Human sa pagbasa sa pamalandong mosunod ang Pagbag-o sa Saad sa Bunyag. Manindog ang tanan
kinuptan ang dinagkutang kandila nga gikan sa Kandila Paskal. Kun makadagkot na ang tanan, ang
Amahan mopadayon.
Amahan : Nagatoo ba kamo kang Jesucristo, ang Iyang bugtong Anak, atong
Ginoo, nga gianak ni Maria Birhen, gilansang sa krus, namatay ug
gilubong, nabanhaw gikan sa mga minatay, ug karon nagalingkod sa
tuo sa Amahan?
Tanan : Nagatoo ako.
Amahan : Nagatoo ba kamo sa Espiritu Santo, sa santos nga Simbahan
Katoliko, sa kaambitan sa mga Santos, sa pagpasaylo sa mga sala,
sa pagkabanhaw sa lawas ug sa kinabuhing dayon?
Tanan : Nagatoo ako
Amahan : Ang Dios, ang gamhanang Amahan sa atong Ginoong JesuCristo,
mihatag kanato’g bag-ong pagkatawo, pinaagi sa tubig ug sa Espiritu
Santo, ug mipasalyo sa tanan natong sala. Bantayan unta kita Niya
aron magmakanunayon kita sa atong Ginoong JesuCristo hangtud
sa kahangturan.
Tanan : Amen.
Katilingbanong Pag-ampo
Amahan : Ang kahayag sa nabanhaw nga Cristo nagadanag gikan sa Kandila
sa Pasko. Hinaut unta nga kining kalayo sa pagtoo dinhi sa atong
kasingkasing magadasig kanato samtang atong ihalad ang atong
mga pangamuyo alang sa mga kaigsoonang nagkinahanglan.
Moingon kita; GINOO DUNGGA KAMI.
1. Alang sa tibuok Simbahan, nga ang atong Santo Papa Francisco ug mga
kaobispohan, si Medel, atong obispo, mga kaparian ilabina ang atong
Kura Paroko nga magasangyaw unta sa makaluwas nga hitabo sa Pasko
sa Pagkabanhaw. Mag-ampo kita sa Ginoo.
2. Alang sa kanasuran niining kalibutan nga ang gingharian sa nabanhawng
Ginoo mokuyanap unta ngadto sa tanang katilingban ilabina niniing
panahon sa kalisod nga atong nasinati. Mag-ampo kita sa Ginoo.
3. Alang niining nagasimbang pamilya, nga makig-ambit unta kita sa
malipayong balita sa pagkabanhaw ngadto sa tanan natong ikahibalag ug
48
maghatag ug paglaum alang niadtong anaa sa kasakit sa pagkauyanap sa
Corona Virus. Mag-ampo kita sa Ginoo.
4. Nga kita isip pamilya magpabilinng mapasalamaton sa Dios gumikan sa
mga talagsaong grasya nga atong nadawat, ug ato usab kining ipadayon
sa pagpaambit sa mga gasa sa Dios ngadto sa uban labi na sa mga
nanginahanglan sa ilang tabang. Mag-ampo kita sa Ginoo.
5. Nga ang atong mga kaigsoonan (membro sa pamilya) nga miuna kanato
diha sa kamatayon, ang kalag ni ___________________ pasayloon sa
Dios ang mga kalapasan ang ilang nabuhat gumikan sa hugot na pagtoo
sa Pulong sa Dios nga ilang gibatonan samtang buhi pa sila niining
kalibutan, mag - ampo kita sa Ginoo.
Amahan : Amahan, dawata ang mga pangamuyo sa Imong Simbahan nga
nagasaulog sa mahimayaong kadaugan sa Imong nabanbaw nga
Anak, among Ginoo. nga buhi ug Hari hangtod sa kahangturan.
Tanan: Amen.
Amahan Namo
Human sa pag–ampo sa Katilingbanong Pag-ampo, ang Amahan modapit sa pamilya sa pag – ampo sa
Amahan Namo pinaagi pinaagi sa pag - ingon:


Misa.)
49
Amahan : Akong Jesus, nagatoo ako nga Ikaw anaa sa Labing Balaang
RITO SA PAGTAPUS
Amahan : Manindog ang tanan.
Mga igsoon, karon kay natapos na ang atong pagsaulog sa Pasko sa

Pagkabanhaw sa atong Ginoong Jesucristo, ato kining isangyaw sa
pulong ang atong nadungog ug puy-an sumala sa Espiritu sa
Sakramento nga atong nadawat.
Pagkahuman ang Amahan sa pagsulti, manguros siya
Amahan : Manalangin kanato ang Makagagahum nga Dios, Amahan, Anak ug

Espiritu Santo.
Tanan : Amen.
50
KASAULOGAN SA ADLAW’NG DOMINGO SA
PAGKABANHAW DIHA UBAN SA PAMILYA
Kinatibuk-ang Pahimangno
1.Gamay’ng lamisa
2.Krusipiho
kasaulogan.
RITO SA PAGSUGOD
Amahan : Sa Ngalan sa Amahan, ug sa Anak, ug sa Espirito Santo. Amen.
Tanan : Amen.
Amahan : Mga igsuon, si Cristo nabahaw na, Aleluya!
Tanan : Siya tinuod nga nabanhaw, aleluya!

Ang Amahan mamulong ngadto sa katawhan niining mga pulonga.
51
Amahan : Niining atong pagpundok aron sa pagsaulog sa mahimayaong
pagkabanhaw sa atong Ginoo. Sa kahiusahan sa Espiritu Santo,
atong daygon ang Dios sa kinatas-an, sa iyang Anak, ang atong
Ginoong Jesucristo, ang Kordero sa Dios nga nagawagtang sa atong
mga sala.
Tanan : Himaya sa Dios didto sa langit ug kadait sa Iyang mga tawo dinhi sa yuta.
Ginoong Dios, Langitnong Hari, Dios Amahan, makagagahum sa tanan.
Nagasimba Kami kanimo, nagapasalamat kami kanimo tungod sa Imong
Himaya. Ginoong Jesu–Cristo, bugtong Anak sa Amahan, Ginoong Dios,
Kordero sa Dios, Ikaw nagawagtang sa sala sa Kalibutan: Kaloy-i kami.
Ikaw nga nagalingkod sa too sa Amahan: dawata ang among pangamuyo.
Kay ikaw lamang ang Santos, Ikaw lamang ang Ginoo, Ikaw lamang ang
labing halangdon, O Jesu–Cristo, uban sa Espiritu Santo diha himaya sa
Dios Amahan. AMEN.
Pasiunang Pag-ampo
Amahan : Mag-ampo kita…
O Dios, nga karong adlawa, pinaagi sa imong bugtong Anak, miabli
pag-usab alang kanamo sa ganghaan sa kinabuhing dayon, tapus
mabuntog ang kamatayon, itugot kanamo, nangamuyo kami, nga
nagasaulog sa Pagkabanhaw sa Ginoo, nga mabanhaw kami diha sa
kahayag sa kinabuhi pinaagi sa pagbag-o diri kanamo sa Espiritu
Santo.
Kini among gipangayo pinaagi sa among Ginoong JesuCristo imong Anak,
nga buhi ug hari uban kanimo ug sa Espiritu Santo, Dios nga usa, hangtud
sa kahangturan. Amen.
Amahan : Mga igsuon, sama sa mga disipulo didto sa dalan padulong sa

Emmaus, himoa ang among kasingkasing magsiga sa kinahiladman
namo, niining among pagpaminaw sa pulong sa Dios.
52
ANG PAGBASA GIKAN SA BASAHON SA MGA BUHAT SA MGA APOSTOLES
(Acts 10:34, 37-43)
Si Pedro miingon, “Karon naila ko na nga ang Dios walay pinalabi. Nasayod kamo
niadtong dakong hitabo sa yuta sa Israel; nagsugod kini sa Galilea human sa pagwali ni
Juan mahitungod sa bunyag. Nasayod kamo mahitungod kang Jesus nga Nazaretnon
nga gibuboan sa Dios sa gahum sa Espiritu Santo. Miadto siya sa tanang dapit ug giayo
niya ang tanang giyawaan, kay ang Dios diha man kaniya. Saksi kami sa tanan nga
iyang gibuhat didto sa kayutaan sa Judea lakip sa Jerusalen. Ilang gipatay siya pinaagi
sa paglansang kaniya didto sa krus. Apan nabanhaw siya sa ikatulo ka adlaw ug
gipadayag siya. Wala makakita kaniya ang tanang mga tawo, kondili kami lamang nga
mga saksi nga gipili na sa Dios. Nangaon kami ug nanginom uban kaniya human siya
mabanhaw. Ug gisugo kami niya sa pagwali sa Maayong Balita ngadto sa katawhan ug
sa pagmatuod nga siya mao ang pinili sa Dios paghukom sa mga buhi ug sa mga
patay.”
“Naghisgot mahitungod kaniya ang tanang mga propeta, nga nag-ingon nga ang
tanan nga nagtuo kaniya pasayloon sa ilang mga sala pinaagi sa gahum sa iyang
ngalan.”

SALAMAT SA DIOS.
SALMO REPONSORYO
(Ps. 118: 1-2, 16-17, 22-23)
T. Mao kini ang adlaw nga gihimo sa Ginoo; magsadya kita ug maglipay.
Pasalamati ninyo ang Ginoo, kay siya maayo, kay ang iyang kaluoy nagalungtad
hangtud sa kahangturan. Pasultiha ang balay ni Israel, “Ang iyang kaluoy nagalungtad
sa kahangturan.”
T. Mao kini ang adlaw …
Ang tuong kamut sa Ginoo mibayaw uban sa gahum; ang tuong kamut sa Ginoo
gibayaw. Dili ako mamatay, kondili mabuhi ug isangyaw ko ang mga buhat sa Ginoo.
53
Ang bato nga gisalikway sa mga magtutukod nahimong bato sa kanto. Sa Ginoo
nahimo kini; kahibulongan kini atubangan sa atong mga mata.
ANG PAGBASA GIKAN SA SULAT NI SAN PABLO NGADTO SA TAGA COLOSAS

(Col. 3:1-4)
Sanglit gibanhaw na man kamo uban ni Cristo, tinguhaa ang mga butang nga atua
sa langit diin naglingkod si Cristo sa iyang trono sa tuo sa Dios. Hunahunaa ang mga
butang langitnon, dili ang yutan-on. Kay namatay na kamo, ug ang inyong kinabuhi
natago uban ni Cristo diha sa Dios. Ang matuod ninyong kinabuhi mao si Cristo ug
inigpakita niya, makita usab kamo uban kaniya ug moambit sa himaya niya.

SALAMAT SA DIOS.
ALELUYA (1 Cor. 5:7-8)

T. Aleluya.
Si Cristo, ang Nating Karnero sa pangilin sa pagsaylo, gikahalad na; busa saulugon ta ang kombira
nga puno sa kalipay.
T. Aleluya.
ANG PAGBASA GIKAN SA EBANGHELYO SUMALA NI SAN JUAN (Jn. 20:1-9)
Sayo sa Domingo sa buntag, samtang ngitngit pa, si Maria Magdalena miadto

sa lubnganan ug nakita niya nga ang bato naligid na gikan sa ba-ba sa
lubnganan. Midagan siya ug miadto kang Simon Pedro ug sa tinun-an nga
gimahal ni Jesus, ug giingnan niya sila, “Gikuha nila sa lubnganan ang Ginoo ug
wala kami mahibalo kon hain nila ibutang siya!”
Unya si Pedro ug ang laing tinun-an nangadto sa lubnganan. Nagdagan silang
duha, apan ang maong tinun-an mas kusog nga midagan kay kang Pedro ug
nahiuna pag-abot sa lubnganan. Mitikubo siya ug iyang nakita ang panapton nga
lino, apan wala siya mosulod.
54
Miabot si Simon Pedro sunod kaniya, ug midiritso siya ngadto sa lubnganan.
Ug nakita niya didto ang panapton nga lino, ug ang panapton nga giputos sa ulo
ni Jesus. Wala kini mahitipon sa panapton nga lino kondili gilukot ug gilain
pagbutang. Unya kadtong tinun-an nga nahiuna pag-abot sa lubnganan misulod
usab ug nakakita siya ug mituo. (Wala gihapon sila makasabut sa bahin sa
Kasulatan nga nag-ingon nga mabanhaw siya.)

Sa atong kasinatian atong mabantayan nga dako ang kalipay nga atong bation kon
dako usab ang higayon nga atong gigahin diha sa paghatag sa kaugalingon. Una’ kita
niabot sa pagsaulog niining pagkabanhaw, niagi kita sa kwaresma-ang atong
pagpangandam. Pagpangandam pinaagi sa pagtan-aw sa atong kaugalingon ug
pagpaambit niini sa uban. Ang pag-ampo, pagpuasa ug paghatag ug tabang sa mga
nagkinahanglan maoy atong hinagiban sa atong pagdisiplina sa atong kaugalingon aron
mamahimo kitang lig-on batok sa mga pagsulay ug tentasyon. Naningkamut kita nga
ang atong kinabuhi andam sa atong pagsugat sa nabanhaw nga Dios!
Nisulod kita sa Balaang Semana, ug namalandong sa pinakadako ug

pinakasentro nga hitabo sa atong kaluwasan: ang Pagpasakit, Kamatayon ug
pagkabanhaw sa atong Ginoong JesuCristo. Angay kitang maglipay tungod kay dili
lamang kini usa ka yanong panghitabo sa atong kinabuhi, hinuon, kini ang naghatag ug
kahulugan sa atong Cristohanong kinabuhi. Kun malipay man kita sa mga material ug
simpleng mga butang sa atong kinabuhi mas malipay kita niining hitabo-a tungod kay
mao kini ang atong kinabuhi. Ug isip mga Kristiyano nga nga nakaangkon niining
maong kinabuhi nga gihatag kanato ni Jesucristo angay lamang nga magkinabuhi kita
pinasubay niini.
Ang tinuod nga batasan sa usa ka Cristohanon nga nakaangkon sa kaluwasan

nga gihatag ni Cristo, kanunay’ng magbaton sa kinaiya nga gipaambit ni Cristo.
Nakaambit kita sa kaluwasan, unta ato kining ipakita ngadto sa uban. Ang dagway sa
kaluwasan dili kadtong minghoy, hoyhoy ug walay kinabuhi! Kondili malipayon,
mapasayloon, mabunganhon ug mulahutayon. Ang dagway nga nakaambit sa gugma,
pagpasaylo ug kaluwasang Diosnon!
Alleluya! Ang Ginoo nabanhaw na ngadto sa kinabuhi! Nabuntog niya ang

kasal-anan ug kamatayon. Busa angay lamang nga kita magmaya tungod niining
dakong hitabo sa atong kaluwasan. Maglipay kita ! kay Siya nabanhaw na.
55
Pagpahayag Sa Pagtoo
Amahan : Nagatoo ako sa Dios, nga Amahan makagagahum sa tanan, magbubuhat

sa langit ug sa yuta. Ug kang JesuCristo, Iyang Anak nga bugtong, Ginoo
nato; nga gipanamkon sa lalang sa Espiritu Santo, gianak ni Maria nga
Birhen, gisakit sa sugo ni Poncio Pilato, gilansang sa Krus, namatay, ug
gilubong; mikunsad sa mga minatay; sa ikatulo ka adlaw nabanhaw,
misaka sa langit; nagalingkod sa tuo sa Dios nga Amahan makagagahum
sa tanan; gikan didto mobalik Siya aron paghukom sa mga buhi ug sa mga
minatay. Nagatoo ako sa Espiritu Santo; sa Santa Iglesya Katolika, sa
kaambitan sa mga Santos, sa kapasayloan sa mga sala; sa pagkabanhaw
sa lawas, ug sa kinabuhing dayon. Amen.
KATILINGBANONG PAG-AMPO:
Amahan: Magsadya ug maglipay kita kay kini mao ang adlaw diin si Cristo
nabanhaw gikan sa kamatayon, ang katumanan sa gisaad nga
kaluwasan niining atong kalibutan. Ihalad nato karon ang atong mga
pangaliya uban sa dakong pagtoo ug pagsalig Kaniya diha sa atong
pag-ampo sa pag-ingon:
GINOONG JESUS, DAWATA ANG AMONG PAG-AMPO.
a) Nga ang Espiritu sa nabanhaw nga Ginoo, maglig-on unta sa tanang kaobispohan,
kaparian ug sa tanang nagdumala sa simbahan diha sa ilang pagsangyaw sa
maayong balita sa kaluwasan. Mag-ampo kita.
b) Nga ang atong Ginoong Jesucristo magtandog unta sa mga kasingkasing sa tanang
pangulo sa kanasuran, ilabina gayod sila nga naulipon sa tawhanong tinguha ug
katagbawan, aron nga ang tanan nilang plano, balaod ug buhat mahasubay sa
Iyang kabubut-on. Mag-ampo kita sa Ginoo.
c) Nga ang tanang binunyagan sa ngalan sa Santa Trinidad mamahimo untang saksi
sa gugma ni Cristo dinhi sa kalibutan nga Iyang gitubos. Mag-ampo kita.
d) Nga ang tanang mga nag-alagad sa mga masakiton ilabina niadtong mga frontliners,
orphanages ug uban pang charitable institutions, magpabilin untang malig-on diha
56
sa pagpadayon sa ilang gidawat nga kaakuhan uban ang gugma sa Dios. Mag-
ampo kita sa Ginoo.
e) Nga ang tinuod nga kalinaw, kahiusa ug pagminahalay, maghari unta sa tanang
kanasuran ilabina dinhi sa Pilipinas. Mag-ampo kita.
f) Nga ang tanang nabiktima sa katalagman ilabina sa mikuyanap nga sakit,

makabaton unta sa paglaum pinaagi sa suporta sa mga tawong nagpalibot kanila.
Mag-ampo kita sa Ginoo.
g) Nga ang tanang himalatyon, nag-antus sa balatian nga walay kaayuhan ilabina sa
coroana virus, nga taliwala niining maong kasakitan ang pagkabanhaw ni Cristo mao
untay ilang kahayag ug paglaum. Mag-ampo kita sa Ginoo.
h) Nga ang tanang mga tawo nga dili makasimba karong adlawa, ug ang tanang
nagsaulog sa ilang adlaw nga natawhan, nga dasigon sila sa nabanhaw nga Jesus
pagtuman sa kabubut-oin sa Dios. Mag-ampo kita sa Ginoo.
Amahan: Amahang Langitnon, nagsalig kami sa imong kalooy ug gugma

kanamo. Hinaut nga Imong patalinghugan kining among mga pag-
ampo pinaagi sa Imong Anak nga si JesuCristo ang among
nabanhawng Ginoo. Amen.
Amahan Namo
Human sa pag–ampo sa Katilingbanong Pag-ampo, ang Amahan modapit sa pamilya sa pag – ampo sa
Amahan Namo pinaagi pinaagi sa pag - ingon:

57
Misa.)
Amanhan : Akong Jesus, nagatoo ako nga Ikaw anaa sa Labing Balaang
RITO SA PAGTAPUS
Ang amahan mosulti ngadto sa pamilya niini o susamang mga pulong:
Amahan: Mga igsuon, karon nga nasaulog na namo ang pagkabanhaw sa

among Ginoong Jesucristo, manlakaw kita ug atong isangyaw ang
pulong nga atong nadunggan ug atong puy-an sama sa espiritu sa
Sakramento nga among nadawat.
Amahan , ug ang Anak, ug ang Espiritu Santo.
Tanan : Amen.
Amahan : Manlakaw kita sa kalinaw sa paghigugma ug pag-alagad sa Ginoo.
Aleluya! Aleluya
58

Kasaulogan Sa Semana Santa20

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Kasaulogan Sa Semana Santa20

Uploaded by

Copyright:

Available Formats

KASAULOGAN SA ADLAW’NG DOMINGO SA PASYON SA GINOO

UBAN DIHA SA PAMILYA

Diha sa sala sa panimalay andamon ang mga mosunod:

Ang amahan uban sa iyang pamilya manguros, diha sa pag-ingon:

Amahan : Sa Ngalan sa Amahan, ug sa Anak, ug sa Espirito Santo.

Gihalad ni Cristo ang Iyang kinabuhi alang sa tanang katawhan. Ug

Karon atong saulogon ang Pasyon sa Ginoo makighiusa kang Cristo

Busa mangayo kita og pasaylo sa Ginoo sa mga panahon nga

Tanan : Nagakompisal ako sa Dios nga makagagahum sa tanan, ug kaninyo mga

Amahan : Kaloy-an unta kita sa Dios nga makagagahum sa tanan ug pasayloon

(Awiton ang Ginoo, kaloy-i kami.)

Tapuson sa Amahan ang rito sa pagsugod pinaagi sa pag-ampo.

Amahan : Makagagahum ug tunhay nga Dios, gihatag nimo sa mga tawo si

Kini among gipangayo pinaagi sa among Ginoong Jesucristo Imong Anak

Amahan : Pinaagi sa gahum sa Iyang Pulong, ang Dios nagapalambo ug

KINUTLO GIKAN SA BASAHON NI PROPETA ISAIAS (Is . 50:4-7)

ANG PULONG SA GINOO.

T. Dios ko, Dios ko, nganong imo akong gibiyaan?

KINUTLO GIKAN SA SULAT NI SAN PABLO NGADTO SA TAGA-FILIPOS

 ANG PASYON SA ATONG GINOONG JESUCRISTO SUMALA NI SAN MATEO

N: Si Jesus nagtindog atubangan sa Gobernador ug gipangutana siya sa

(Here kneel and pause momentarily.)

ANG EBANGHELYO SA GINOO.

Ang pagsaulog niining Domingo sa Pasyon. Sa pagsulod ni Cristo sa Jerusalem nalipay

Amahan : Nagatoo ako sa Dios, nga Amahan makagagahum sa tanan,

Katilingbanong Pag-ampo (Laing mga kauban sa balay)

Amahan : Ang hamiling buhat sa Amahan sa pagluwas sa katawhan gipadayag

Amahan : Uban sa pagsalig, mag–ampo kita sa Amahan sa mga pulong nga

AKTO SA ESPIRITUHANONG PAGKALAWAT

Ang tanan magdungan sa pag-ampo.

MOGAHIN UG PILA-PILA KA MINUTO SA KAHILUM

Ang amahan mosulti ngadto sa pamilya niini o sa susamang mga pulong:

Ug nga ang Makagagahum nga Dios manalangin kanato, ang

Diha sa sala sa panimalay andamon ang mga mosunod:

Human sa kasaulogan himoon ang panihapon sa tibuok pamilya.

a. Ang Kasaulogan sa Pulong nga naghatag ug kahulogan mahitungod sa mga panghitabo sa

Ang amahan uban sa iyang pamilya manguros, diha sa pag-ingon:

Amahan : Sa Ngalan sa Amahan, ug sa Anak, ug sa Espirito Santo.

Ang Amahan mamulong ngadto sa pamilya niining mga pulonga.

Amahan : Niining atong pagsugod sa tulo ka adlaw nga pagsaulog sa pag-

(Awiton ang Ginoo, kaloy-i kami…)

UNANG PAGBASA (Exodo 12:1-8, 11-14)

ANG PAGBASA GIKAN SA BASAHON SA EXODO.

ANG PULONG SA GINOO.

SALMO RESPONSORYO (Salmo 115:12-13,15-16,17-18)

IKADUHANG PAGBASA (1 Corinto 11:23-26)

ANG PAGBASA GIKAN SA UNANG SULAT NI SAN PABLO NGADTO SA TAGA-

EBANGHELYO (Juan 13:1-15)

ANG PAGBASA GIKAN SA EBANGHELYO SUMALA NI SAN JUAN.

ANG EBANGHELYO SA GINOO.

Ang kahadlok ug kahingawa makapabalda sa tawo matag karon ug unya. Apektado

Ang katapusang panihapon nga atong gisaulog nagpadayag na sa sakripisyo ni Cristo

Sa dili pa himoon ang paghugas, ang Amahan moingon:

Amahan : Nianang gabii sa wala pa Siya patya, si Jesus nakigsalo uban sa

1. Alang sa atong Santo Papa, Francisco, sa atong Obispo, N. , tanang kaparian ug

Amahan : Uban sa pagsalig, mag–ampo kita sa Amahan sa mga pulong nga

AKTO SA ESPIRITUHANONG PAGKALAWAT

Ang tanan magdungan sa pag-ampo.

MOGAHIN UG PILA-PILA KA MINUTO SA KAHILUM

Ang amahan mosulti ngadto sa pamilya niini o sa susamang mga pulong:

Amahan : Mga Igsoon, pinaagi niining pagsaulog nato sa Triduo sa Pasko,

Ug nga ang Makagagahum nga Dios manalangin kanato, ang

Ang pagsaulog adunay duha ka bahin: