KÜTLƏVI TƏDBİRLƏRDƏ FÖVQƏLADƏ HALLAR ZAMANI TƏHLÜKƏSİZLİYİN
TƏMİN EDİLMƏSİ
Tədbir zamanı iştirakçıların və ziyarətçilərin təbii fəlakətlər və digər fövqəladə
hallar zamanı təhlükəsizliyin təmin edilməsi nəzərdə tutulmuşdur. Fövqəladə hal - ətraf mühitə və insan səhhətinə ziyan vura, maddi və mənəvi itkilərə səbəb ola bilən təhlükəli hadisə sayılır və təbii və texnogen mənşəli olmaqla iki qrupa bölünür. Təbii mənşəli fövqəladə hallar baş verən fəlakətli təbiət hadisələridir. Bunlar – zəlzələ, sel, daşqın, torpaq sürüşməsi, vulkan püskürməsi, qar uçqunu, sunami, fırtına və s. bu kimi təbii fəlakətlərdir. Texnogen mənşəli fövqəladə hallar isə insan fəaliyyəti nəticəsində baş verən hadisələrdir. Bunlardan - yanğın, partlayış, nəqliyyat qəzaları, kimyəvi qəzalar, radioaktiv qəzalar, tikililərin uçması, dəm qazı təhlükəsi, kommunal təsərrüfatda qəzalar və sair. “İçərişəhər” DTMQİ ərazisində kütləvi tədbirlərin keçirilməsi zamanı ərazidə fövqəladə hallarla bağlı bir sıra xüsusiyyətlər nəzərə alınır. Onlara aiddir: 1. məhdud ərazidə çoxlu sayda insanların toplanması; 2. tədbirlərin keçirildiyi obyektlərin konstruktiv xüsusiyyətləri; 3. tədbirin məzmunu, keçirilmə vaxtı, iştirakçıların sayı və tərkibi; 4. ilin fəsli və hava şəraiti
Kütləvi tədbirlərin keçirilməsi zamanı “İçərişəhər” Dövlət Tarix-Memarlıq Qoruğu
İdarəsinin vəzifələri : 1. kütləvi tədbirlərin keçirilməsi üçün normal şəraitin və müvəffəqiyyətlə keçirilməsinin təmin edilməsi; 2. kütləvi tədbir iştirakçılarının müəyyən edilmiş təhlükəsizlik qaydalarına riayət etmələrinin təmin edilməsi; 3. yanğın, partlayış, təbbi fəlakət və terror hallarının qarşısının alınmasına və vurulan ziyanın azaldılmasına yönəldilən tədbirlərin görülməsi; 4. digər fövqəladə hadisələr zamanı əhalinin yaranmış təhlükələrdən mühafizə olunması məqsədi ilə fəlakət zonasından çıxarılaraq təhlükəsiz ərazilərə yerləşdirilməsi (təcili təxliyyə)
Kütləvi tədbirlər keçirilərkən ictimai təhlükəsizliyin təmin edilməsi üzrə fəaliyyət üç
dövrə bölünür: hazırlıq, icra və yekun dövrləri. Hazırlıq dövrü tapşırıqların alındığı vaxtdan başlanır. Bu dövrdə aşağıdakı işlər yerinə yetirilir: kütləvi tədbirin keçiriləcəyi yer, vaxt və qaydası, iştirakçıların, ziyarətçilərin və ya tamaşaçıların sayı və tərkibi dəqiqləşdirilir; əvvəlcədən ərazinin diqqətlə müayinəsi keçirilir, salamatlığın təmin olunmasına dair plan işlənib hazırlanır, tədbirə cəlb olunan bütün qüvvə və vasitələrin qarşılıqlı fəaliyyəti təşkil edilir və əlavə tədbirlər həyata keçirilir; ərazi yanğın söndürmə balonları ilə təchiz edilməsi üzrə tədbirlər görülür; ilk tibbi yardım imkanları və dəstin mövcud olduğu 24 saat açıq və əlçatan yer təşkil olunur müvafiq məsul şəxslər kütləvi tədbir keçirilərkən vəzifələri haqqında təlimatlandırılır. Tədbirin keçirilməsi ilə əlaqədar təşkilati komitə üzvlərinin aşağıdakı hüquqları vardır: 1. Kütləvi tədbirinin təhlükəsizliyini təmin etmək məqsədi ilə tədbirin keçirilməsinə bir gün qalmış tədbir yerini, aktivlik və konsert ərrazilərini habelə quraşdırılan çadır, evcik və digər qurğuların olduğu yerləri yoxlamaq; 2. Zəruri hallarda müvafiq dövlət orqanları ilə razılaşdırılmış qaydada müəyyən müddətə tədbir iştirakçılarını iştirakını tam və ya qismən məhdudlaşdırmaq; 3. Tədbir zonasında müvəqqəti olaraq ticarət obyektlərinin, digər idarə və müəssisələrin işini dayandırmaq.