KOMUN HAN MAHAL

NGA BIRHEN MARIA

Antifona han Pagtikang Sedulius
Maghimaya ka, baraan ngà iroy! An bata nga imo gin-anak amo an Hadi
han langit ug han tuna ha dayon nga mga katuigan.

PAG-AMPO HAN.SINGBAHAN
Itubyan gad ha amon, inin Imo mga anak, nangangamuyo
kami ha Imo, Ginoo nga Dios, an dayon nga kinabuhi nga
maupay ha kalag ug lawas. Dida han panabang han
mahimayaon ug baraan nga Birhen Maria ha gihapon,
matalwas unta unta kami han mga kakurian ngan
mahiagum kami han kalipay nga waray katapusan.
Pinangangaro namon ini pinaagi kan JesuCristo nga amon
Ginoo ug Imo Anak, nga upod ha Imo, ug han Espiritu
Santo, buhi ug naghahadi, Dios, ha dayon nga mga
katuigan: Amen.

SYAHAN NGA BARASAHON

Sir.2:8-12
Barasahon kinuha dida han Basahan ni Sirac.

Tikang han tinikangan, waray pa ngani an katuigan, gintuha na

ako,ngan ha ngatanan nga katuigan, magpapadayon ako.Didto han
baraan nga puroy-anan, ha iya atubangan, gin-aataman ko hiya. Sanglit,
didto ako ha Sion pag-ukoy.Didto ako pahuway han baraan nga bungto
ngan maghàhadi ako ha Jerusalem. Ginmamot ako dida han pinili nga
bungto, dida han surundanon han Ginoo, an iya malon.
Pulong han Ginoo.

SALMO RESPONSORIO
Sal. 45:11-12,14-15
An Baton:Pamati, anak nga babayé, han akon'mga pulong.
Pamati, anak nga babaye, han akon mga pulong;| hingalimti an imo mga
kaurupdan/
ngan an panimalay han imo amay
Magbibiling an Hadihan imo kamabaysay,
kay Hiya an Imo Ginoo;Hiya an imo singbahon.
Baton...
Naranggat an anak nga babaye han Hadi/
dida han iya paglabay.
Sinamay hin bulawan/an iya hilawig nga bado;k_ p
Binordahan an iya panapton dida han ginpapas-an-hiya
ngadto han atubangan han hadi,
samtang nagsusunod ha iya in mga kadaragan-an.
Baton...

EBANGHELYO Lc.11:27-28
Aklamasyon san-o an Ebanghelyo Lc.1:28
Aleluya.Maghimaya ka, Maria! Puno ka hin grasya. An Ginoo aada ha
imo. Baraan ka labaw han mga babaye ngatanan. Aleluya!

+ Inin masunod kinuha dida han Ebanghelyo nga sinurat ni San Lucas.

Han nagtitinutdo hi Jesus han kadam-an nga mga tawo, may

babaye nga nagguliat hin dako nga tingog. "Baraan an tiyan nga
nagdara ha imo ngan an dughan nga nagpasuso ha imo." Nagbaton hi
Jesus, "Lugod baraan adton namamati ngan nagtutuman han pulong
han Dios."

An Maupay nga Sumat han aton katalwasan.

[Iba pa nga mga barasahon han Ebanghelyo, pp.96-97

PAG-AMPO HA MGA HALAD

Ginoo, gindadayaw namon an amon pagdumdum han iroy han Imo Anak.
Ini nga sakripisyo nga amon ginkaurusahan makahimo unta ha amon
nga waray pagkatapos nga upa ha Imo. Pinangangaro namon ini
pinaagi kan JesuCristo nga amon Ginoo.Amen.

12