1 . NALIKA PANGANTEN PARANTOS
PANYERENAN
NGABARIS
Tawis bingah tanpa tanding , nu dianti ti bihari kiwari
cunduk sumping . kalayan asmana kulawarga CALON
PANGANTEN ISTRI ngahaturkeun AHLAN WA
SAHLAN WA MARHABAN BIQUDUMIKUM , bagea
wilujeng sumping ka sadaya para taatamu calon
panganten pameget . salajengna rombongan tatamu
calon panganten pamaeget dihaturanan majeng nuju
kana gerbang panglinggihan ,
2 . NALIKA ROMBONGAN BESAN TOS
PAHAREUP – HAREUP JARAK 1 METER
Sumangga ka ibuna CALON PANGANTEN ISTRI
supados kapayun kanggo ngalungkeun mangle ka
Calon panganten Pameget(nalika bade dikalungkeun
kembangna ) kalawan ucapan :
Bismillahirrahmanirrahiem saruntuy kembang
kaasih , mugia ngaruntuy manjangkeun tatali wargi ,
mageuhan tali sillaturrahmi .
Sumangga ka sadaya rombongan tatamu kanggo
ngaluuhan tempat anu parantos disayogikeun !
3 . NALIKA ROMBONGAN PANGANTEN LALAKI
PARANTOS TARTIB CARALIK
Patali waktos parantos samporet , bawiraos parantos
tumaninah dina tempat sewang – sewangan , rupina
acara seren tampi dina danget ieu seja dikawitan .
Inalhamda lillah……
Kalayan urang sami - sami buka ku aosan basmallah ,
mudah – mudahan acara anu baris lumangsung aya
dina kalancaran dugi ka rengse, anapon acara n baris
kapidangkeun…
3. PEMBACAAN KALAM ILAHI
Mudah2an janten panglipur kalbu pangbebenah
manah, tina eusi tiasa janten pangabetrik ati tina
makna tiasa janten panggugah manah ,sanes ukur
kadangu tapi tiasa ngait dina ati sanubari tiasa
nyangsang janten pangbebenah dina manah sahingga
janten hidayah.
5 .
seja nyakseni sumangga dihaturanan linggih dina
Aya babasan sepuh kapungkur mun mipit kudu amit ,
mun ngala kudu menta , datang katingali tarang ,
undur katingali pundur , tinangtos tatamu ngabujeng
ka ieu patempatan ngagaduhan maksud anu tangtu
pamaksadan anu utama , supados jelas
pamaksadanana sumangga dihaturanan ka sulur
sepuh ti para tatamu kanggo ngadugikeun kedal lisan
pamaksadan .
4 . UCAPAN SAATOS SAMBUTAN TI BESAN
PAMEGET
Lisan pangjajap istuning natrat , tinangtos…
pangjajap kedah aya panghiap , panghiap nu rawuh
cunduk . kanggo ngawler sadaya rupi pamaksadan
anu nembe kahaturkeun ku sulur sepuh ti para
tatamu , sumangga dihaturanan ka pangersa bapa
……. , kalayan sadaya sumangga dihaturanan .
5 . UCAPAN SAATOS LISAN PANAMPIAN
Kedal ilsan panampian nembe kahturkeun ,TIASA
DISIMPULKEUN batu turun kesik naek , kalapa
tonggoheunnana , cep ……. Purun , neng ……. Daek
sarua bogoheunnana ,
batu turun kesik naek , kebon kolot disapuan , cep …..
purun neng …… daek ku kolotna disaluyuan .
Salajengna seren tampi tawis kaasih tilam katresna
secara simbolis anu baris kahaturkeun ti ibuna cep
…… ka ibuna neng …….. kalayan sadaya hormat suka
ibuna mangga ka ibuna cep ….. sareng ka ibuna neng
….. supados kapayun , sementawis anu sapalihna tiasa
diestapetkeun , ka anu kenging pancen kanggo nampi
cacandakan sumangga supados ditartibkeun .
6 . UCAPAN SAATOS RENGSE SEREN
SUMEREN BARANG BAWAAN
Para sepuh , pini sepuh hormateun simkuring
Sumangga urang sami sakseni lumangsungna akad
nikah anu baris dilaksanakeun di …….. , ka calon
panganten pameget kairing ingkang rama , sumangga
dihaturanan . salajengna ka sadaya kasepuhan anu
tempat anu parantos disayogikeun .
Salajengna , sateuacan lumangsungna akad nikad anu
baris dijejeran ku petugas KUA kec …… geusan
nambih - nambih BEKEL kabarokahan khususna
kanggo ka anu baris diistrenan , sumangga
dangukeun KHUTBAH NIKAH anu baris dihaturkeun
ku pangersa ……. , ka pangersa …… sumangga
dihaturanan .
7 . UCAPAN SAATOS KHUTBAH
Rengse kapihatur KHUTBAH NIKAH , salajengna
lumangsungna akad nikah anu baris dijejeran ku
petugas ti KUA kec ……, kalayan kahormatan waktos
sagemblengna dihaturanan .
8 . UCAPAN SAATOS AKAD NIKAH
Alhamdulillah akad nikah rengse dilaksanakeun ,
sumangga urang sami – sami ngado’a , mudah –
mudahan dua panganten anu nembe diistrenan tiasa
ngahontal hiji kahirupan rumah tangga anu sakinah ,
mawaddah , warohmah , amiiin ya robbal alamiin .
Salajengna ka dua panganten kairing sepuhna
dihaturanan linggih di tempat anu parantos
disayogikeun kanggo nampi pangwilujeng ti sadaya
para tatamu . salajengna ka sadaya kasepuhan oge
para tatamu dihaturanan kanggo sami –sami
ngabageakeun ka dua panganten , dilajengkeun
haturan sapulukaneun dina tempat anu parantos
disayogikeun .
Pamungkas ti simkuring salaku panata calagara neda
ageung pangapunten , tangtos salami ngajejeran
acara seueur kakirangannana Luhur saur bahe carek
mugia dihapunten.
Wabillahi taufi walhidayah wassalamu alaikum
Wr.Wb