ACARA PARTANGIANGAN BONA TAON

PARSAHUTAON DOS ROHA TAMBA REJEKI

DI BAGAS KEL. OP. HESKIA SAMOSIR

KARANG BERAHI, 23 APRIL 2022

1. Jou-jou tu parsaoran dohot Debata (U: Uluan S: Natorop)
U : Horas ma di hita! Marlas ni roha do hita anggota Parsahutaon
Dos Roha Tmba Rejeki manghalason pasu-pasu ni Debata di
naung paloashon hita taripar sahat tu taon 2022.
S : Sai marlas ni roha do daging nang tondi hu, si ala denggan basa
dohot asi ni roha ni Debata dingolu hu.
U : Dihirim roha hu do gabe taon gok las ni roha dingolu naeng
sidalan hu.
S : Sai anggiat ma gabe taon parasi ni roha on, jala taon na goklas
ni roha di hita naung pinasahat ni Debata.
U : Antong ta pasahat ma parsaoranta on tu Debata, martangiang na
hohom ma hita di ganup roha ta be.

2. Marende BE. NO. 585 : 1 “Somba ma Jahowa”

1. Somba ma Jahowa Debata ta ; Amen, Haleluya..
Sigomgom langit tano on Ro di isi na ; Amen, Haleluya..
Beta hita lao marsinggang tu joloNa ; Amen, Haleluya..
Na songkal jala nabadia Jahowa ; Amen, Haleluya..
Endehon Amen, Haleluya.. Endehon Amen,Haleluya....
Endehon Amen,Haleluya...
Endehon Amen,Haleluya....(2x)
3. Votum – Introitus – Tangiang
U : Marhite-hite goar ni Debata Ama , dohot goar ni Anakna Tuhan
Jesus Kristus , dohot Goar ni Tondi Porbadia na tumompa langit
dohot tano on *AMEN* Endehon hamu ma sada ende na imbaru
di Jahowa ! endehon hamuma Jahowa ale sandok tano on.
AMEN
U : Godang ma tongon pambahenan ni Jahowa tu hita, Alani sai
tong- tong marlas ni roha ma hita
S : Parengkelon dohot puji pujian haruar sian pamangan ta, laho
mangendehon denggan basa ni Jahowa
U : Puji ma Ibana binsan sadihari dope marsomba ma hita tu adopan
ni Na badia i
S : Sai Pujion ni pamangan hu do Jahowa mardongan soara olop
olop mangendehon habadiaon Na
 U : Martua ma jolma namanghabiari Jahowa, humaliang mejam ma
angka ianakhonmu.
S : Sai panganon mu do angka naniulani pinomparmu sogot, suk-
suk panginumanmu bahenon ni Jahowa.
U : Di puji rohangku do Jahowa, tongon do asi ni rohana paihutihut
ahu Haleluya...
Martangiang ma hita: Ale Debata nami parasiroha na
sumurung, Amani Tuhan Jesus Kristus. Tung patar do asi ni
rohaM hu panghilalahon hami. Jala tangkas do angka na binahen
Mi tu hami. Di pasahat Ho do hahipason tu tu Anggota
Parsahutaon Dos Roha Tamba Rejeki sahat tu taon 2022.
Dibagasan olopolop dohot las ni roha hami. Sai lam tambai ma
holongMu dohot sada ni roha asa lam marsada ni roha ma hami
laho manambori punguan nami on asa gabe punguan las ni roha
bahen hasangapon di GoarMu na Badia i (Amen).
4. Marende BE. NO. 66 : 1-2 “ Debata Baen Donganmi”
✓ Debata baen donganmi! Lao mangula ulaonmu,
Baen Ibana haposanmu; sai paserep rohami.
Debata baen donganmi! Debata baen donganmi.
✓ Debata baen donganmi! Molo Debata donganmu
Ndang tarbahen ho be lilu, sai ture do langkami
Debata baen donganmi, Debata baen donganmi.
5. Nalom ni Roha Mida Debata
U : Hata ni Debata dihita turpuk dipartangiangan bona taonta di
tingkion i ma natarsurat di Markus 1 : 1-8; on ma mula ni barita
a uli ni Jesus Kristus.
S : Hombar tu na tarsurat di panurirang Jesaya: “ Husuru ma
suruanki, patujolo ni bohim, sipature sidalananmi!”
U : “Soara ni na manjoujou di halongonan: pature hamu ma dalan di
Tuhan i; pahornop hamu ma sidalananna i!’’
S : Di halongonan do si Johannes mandidihon jala manjamitahon
pandidion hamubaon ni roha, laho pasesahon dosa.
U : Jadi ruar ma sude pangisi ni tano Judea ro di sude halak
Jerusalem manopot ibana jala dipandidihon do nasida di batang
aek Jordan, dung ditopoti be dosana.
 S : Ianggo si Johannes i, imbulu ni unto do ulosna jala hulingkuling
do hohosna, angka sihapor dohot situak ni loba do
sipanganonna.
U : On do Jamitana; Na ro ma sian pudingku na gumogo sian ahu;
na hurang tama do ahu mangkarhari tali ni sipatuna.
S : Aek do hudidihon tu hamu; alai Tondi Parbadia do didihonna tu
hamu.
U : Martua do angka na tumangihon Hata ni Debata jala na
umpeopsa. AMEN.
6. Tangiang pangondianon
7. Marende BE. NO. 28 : 1 “Hata ni Jahowa”
1. Hata ni Jahowa, si padame jolma hangoluan i
Halalas ni roha, si apuli roha ni na marsak i
Gogo ni Debataki paluahon na porsea, sian nasa jea
8. Jamita
9. Marende BE. NO. 848 : 1... “Dison Adong huuboan Tuhan” (pelean)
1. Dison adong huboan Tuhan, parbue ni ngolungku na so tardok nian.
Sadia ma argana Tuhan molo sai nirajuman sude denggan basaM?
Jalo ma Tuhan, sai las ma rohaM.

2. Tanganku na metmet, da Tuhan, na so hea mansari dope au on Tuhan;

Rohangku ma hulehon Tuhan, na boi pelehononku gabe las ni rohaM;
Jalo ma Tuhan, sai las ma roham.

3. Huingot do HataM, da Tuhan, ingkon sarihononhon anggim na

metmet an; Ampehon ma tanganMu sangkan, itak na otih i, unang
suda i nian;
Jalo ma Tuhan, sai las ma rohaM.

10. Tangiang Pelean, Tangiang Ale Amanami, Pasupasu

Amen..Amen..Amen

“ Tuhan Yesus Memberkati “ Horas..Horas..Horas!