KASAULOGAN SA PULONG SA DIOS

(Alang sa Patay)
Ang alagad magsul-ob sa haom nga bisti. Ang lingkoranan sa alagad ug sa ubang mga alagad sa kasaulogan
ipahimutang uban sa katawhan ug dili sa sangtuwaryo.

RITO SA PAGSUGOD
Kon magkatigom na ang katawhan, ang alagad moprosesyon paingon sa altar ug moyukbo sa altar, samtang giawit sa
katawhan ang pasiunang awit. Human niini, moadto siya sa iyang lingkoranan. Mahimo usab nga modiretso lang ang
alagad sa iyang lugar/lingkoranan duol sa haya.

COME HOLY SPIRIT

ANG KINABUHI SA TAWO
Narcisa Fernandez

Ang kinabuhi sa tawo, sama sa usa ka binhi

Kon alimahan pag-ayo, moturok kini’g molambo
Ug unya abto’g kahamtong, sama sa atong tanum
Kay inumol man sa gugma, gugma sa isigkaingon.
Koro:
Kay king atong kinabuhi, kinabuhing usa ra
Ug sama sa usa ka binhi, sa gugma kita gipili
Kay kinabuhing bililhon, bulawan ang panahon
Ato gyung paninguhaon, ang pagpuyo nga sulondon
Ato gyung paninguhaon ang pagpuyo nga sulondon.
Ang alagad nga nag-atubang sa altar mohimo sa pagpanguros uban sa katilingban sa pag-ingon:

Alagad: Sa ngalan sa Amahan, ug sa Anak, ug sa Espiritu

Santo.
TANAN: Amen.
Ang alagad nga nag-atubang sa katawhan, moingon niini o sa susamang mga pulong:

Alagad: Mga igsoon, akong pagtimbaya kaninyo sa

ngalan sa atong Ginoong Jesus. Ang iyang grasya ug
presensya maana dinhi uban kanato. Sa pagsugod nato
niining kasaulogan isip katawhan sa Dios, atong
hiusahon ang atong mga pag-ampo sa mga pag-ampo sa
mga santos. Masaligon nianang buhat sa pagtuo, atong
ibayaw ang atong mga pag-ampo alang niining atong
igsuon N. ug alang usab sa tanang nangamatay, nga ang
kaluoy ug kapasayloan sa ilang mga sala maangkon nila
ug mahiuban sila sa pagpuyo uban sa atong Ginoo ug sa
mga santos sa langit. Ug alang kanato, nga ang Ginoo
maghupay sa atong kasakit ug kagul-anan ug maglamdag
kanato sa kalipay sa kinabuhing walay katapusan.
Ang alagad nga nag-atubang sa altar, moawhag sa katawhan sa paghinulsol:

Alagad: Mga igsuon, pangayoon ta sa Dios nga

pasayloon kita niya sa atong mga sala, aron mahingpit
ang atong pagsaulog sa iyang Pulong.
Tanan: Nagakumpisal ako sa Dios nga makagagahum sa tanan ug kaninyo, mga
igsuon, nga nakalapas ako og dako uyamot sa hunahuna, sa pulong, sa buhat ug sa
wala pagbuhat sa kinahanglang buhaton, kay akong sala, akong sala, akong dakong
sala. Busa nangamuyo ako kang Santa Maria, kanunayng Ulay, sa tanang mga
anghel ug mga Santos, ug kaninyo mga igsoon, aron inyo akong i-ampo sa Ginoo
nga atong Dios.
Alagad: Kaloy-an unta kita sa Dios nga makagagahom
sa tanan, pasayloon sa atong mga sala, ug dad-on kita
Niya ngadto sa kinabuhing dayon.
Tanan: Amen.

Kyrie

LITURHIYA SA PULONG

Ang alagad nga nag-atubang sa mga tawo, modapit kanila sa pagpaminaw sa basahon sa Balaang Kasulatan
pinaagi niini o sa susamang mga pulong:

Alagad: Mga igsuon, paminawon ta ang pulong sa

Dios, nga nagpadayag sa iyang gugma kanato. Sa atong
pagpaminaw, sination ta kining maong gugma aron sa
ingon mapalawom ang atong paglaom ug pagtuo sa
Ginoo.
(Palihug manglingkod)
UNANG PAGBASA
Ang magbabasa moadto sa ambo alang sa pagbasa o sa lugar nga haom sama pananglitan sa atubangan sa mga
tawo.

KINUTLO GIKAN SA BASAHON SA KAALAM NI SOLOMON.

(Wisdom 3: 1-6, 9)
Ang kalag sa mga matarong nga mga tawo panalipdan sa
Dios ug dili gayud mag-antus sa kasakit. Usa ka binuang
nga sayop ang panghunahuna nga ang mga matarong nga
mga tawo mamatay ug nga ang ilang kamatayon usa ka
makalilisang kadaot. ILA kitang biyaan, apan dili kini usa
ka kadaot. Sa pagkatinuod, ang matarong anaa sa kalinaw.
Daw nag-antos sila sa silot, apan naghupot diay sila sa
masaligong paglaom sa pagkawalay kamatayon. Ang ilang
giantos gamay ra kon itandi sa mga kabulahanan nga ilang
pagadawaton. Ang Dios nagsulay kanila, ingon diha sa
bulawan diha sa usa ka haso-hasoan, ug hikaplagan sila
nga angay sa pagpakig-uban Kaniya. Gidawat Niya sila
maingon sa iyang pagdawat sa mga sakripisyo nga
sunogon didto sa altar sa mga nagsimba Kaniya. Sila nga
nagsalig sa Dios moabot sa pagsabot sa kamatuoran sa
iyang mga paagi. Sila nga nagmatinumanon Kaniya
magpuyo uban Kaniya diha sa Iyang gugma, kay Siya
maayo ug maloloy-on kanila nga iyang gipili.
Magbabasa: Ang Pulong sa Ginoo.
Tanan: Salamat sa Dios.
 (Rom. 8:31, 35, 37-39)

KINUTLO GIKAN SA SULAT NI SAN PABLO NGADTO SA

TAGA-ROMA.
Karon nga atong nasayran kini, unsa may atong
ikaingon? Kon dapig kanato ang Dios, kinsay makigbatok
kanato? Kon wala magdumili ang Dios pagtugyan sa
iyang Anak ngadto sa kamatayon tungod kanatong
tanan, dili ba hatagan kita Niya sa tanang butang nga
atong pangayoon Kaniya? Kinsay mangahas pagsumbong
sa mga piniling katawhan sa Dios? Ang Dios mismo nag-
ila kanila nga walay sala. May makahukom ba kanila nga
sila sad-an? Si Cristo Jesus mao ang nagpakamatay ug
gibanhaw; atua Siya sa tuo sa Dios ug nangaliyupo alang
kanato! Busa, kinsay makapahimulag kanato sa gugma ni
Cristo? Ang kasamok ba, ang kalisdanan, kakabus, ang
katalagman, o ang kamatayon? Dili! Hinonoa, taliwala
niining tanan, may hingpit kitang kadaogan pinaagi
kaniya nga nahigugma kanato! Kay siguro ako nga walay
bisan unsa nga makapahimulag kanato sa iyang gugma:
bisan ang kamatayon, ni ang kinabuhi, ni ang mga
anghel, ni ang mga langitnong punoan o mga gahom, ni
ang mga butang karon ug sa umaabot nga kapanahonan;
bisan ang kalibutan sa itaas o sa ilalom wala gayoy bisan
unsa sa mga binuhat nga makapahimulag kanato sa
gugma sa Dios nga naato pinaagi sa atong Ginoong Cristo
Jesus.
Magbabasa: Ang Pulong sa Ginoo.
Tanan: Salamat sa Dios.

OOOOOOOOOOOOOOOOOOOOOOOOOOOOOOOOOOOOOOO

(1 Cor. 15:51-57)

KINUTLO GIKAN SA UNANG SULAT NI SAN PABLO

NGADTO SA TAGA-CORINTO.
Mao kini ang tinago: Kitang tanan dili mangamatay kon
dili sa kalit mangausab kita, sama kakalit sa usa ka
pagpamilok, inig tingog sa katapusang trumpeta. Kay inig
tingog niini, banhawon ang mga patay ug mangahimo
silang mga binuhat nga dili na mamatay ug mangausab
kitang tanan. Kay ang madunot kinahanglan magsul-ob
na sa dili madunot, ug ang mamatay, sa dili na mamatay.
Busa kon ang madunot masul-oban na sa dili mamatay,
matuman ang Kasulatan nga nag-ingon: “Gilaglag ang
kamatayon ug hingpit na ang kadaugan? “O Kamatayon,
hain na ang imong kalala?” Ang kalala sa kamatayon
naggikan sa sala, ug ang gahom sa sala naggikan sa
Balaod. Apan salamat sa Dios nga naghatag kanatog
kadaugan pinaagi sa atong Ginoong Jesucristo!
Magbabasa: Ang Pulong sa Ginoo.
Tanan: Salamat sa Dios

SALMO RESPONSORYO
Ang salmista moawit o mobasa sa salmon ga gikan sa Leksyonaryo.

(Ps. 23:1-3, 3-4,5,6)

R. Magbalantay kanako ang Ginoo wala nay

magmakulang pa kanako.
Magbalantay kanako ang Ginoo, wala nay magmakulang
pa kanako. Sa lunhaw nga sibsibanan iya ako nga
gipapahulay; sa daplin nga malinaw nga tubig iya akong
gidala; iyang gihupay ang akong kalag. R.
Iya ako nga gitultolan tungod sa matarong nga mga
agianan tungod sa iya nga ngalan. Bisan magalakaw ako sa
walog nga mangingit wala akoy kahadlokan nga dautan;
Kay anaa ka man sa akong kiliran sa imong igbubugaw ug
sungkod gihatagan moa ko og kaisog. R.
Gihikyaran moa ko og lamesa sa akong atubangan
samtang nagatan-aw ang akong mga kaaway; Gidihogan
mo ang akong ulo og lana; nagaawas gayod ang akong
kopa. R.
Ang kaayo lamang ug kaluoy maoy nagasunod kanako sa
tanang mga adlaw sa akong kinabuhi; Ug magpuyo ako sa
balay sa Ginoo sa mga katuigan sa katuigan. R.
OOOOOOOOOOOOOOOOOOOOOOOOOOOOOOOOOOO

(Ps . 25: 6-7, 17-18, 20-21)

R. Kanimo, O Ginoo, gibayaw ko ang akong kalag.

Hinumdomi ang imong kaluoy, O Ginoo, ug ang imong
kaayo sukad pa kaniadto. Sa imong kaluoy hinumdomi
ako, tungod sa imong kaayo, O Ginoo. R.

Hupaya ang mga kaguol sa akong kasingkasing ug

palingkawasa ako sa akong mga kasakit. Taposa ang akong
kayugot ug ang akong pag-antos, ug wagtanga ang tanan
kong mga sala. R.

Ampingi ang akong kinabuhi, ug luwasa ako; ayaw itugot

nga kaulawan ako, kay nagadangop man ako kanimo.
Mag-amping unta kanako ang kabuotan ug katarong
kay nagapaabot man ako kanimo, O Ginoo. R.

OOOOOOOOOOOOOOOOOOOOOOOOOOOOOOOOOOO
 (Ps. 27:1, 4, 7-9, 13-14)

R. Ang Ginoo maoy akong kahayag ug akong kaluwasan.

Ang Ginoo maoy akong kahayag ug akong kaluwasan;
kinsa may akong kalisangan? Ang Ginoo maoy
dalangpan sa akong kinabuhi; kinsa pa may akong
kahadlokan? R.
Usa ka butang ang akong gipangayo sa Ginoo; kini mao
ang akong gipangita: Ang pagpuyo diha sa balay sa
Ginoo sa tanang mga adlaw sa akong kinabuhi, Aron
makasud-ong ako sa kahiligugmaon sa Ginoo ug
makapalandong sa iyang templo. R.
Patalinghugi, O Ginoo, ang tingog sa akong pagsangpit;
kaloy-i ako, ug tubaga ako. Ang imong presensiya, O
Ginoo, akong gipangita. Ayaw tagoa ang imong
nawong kanako. R.
Gituhoan ko mga makakita ako sa kaayo sa Ginoo diha sa
yuta sa mga buhi. Paabota sa walay kahadlok ang
Ginool; pagmalig-on sa kasingkasing, ug paabota ang
Ginoo. R.
PAGPASIDUNGOG SA EBANGHELYO
Motindog ang tanan aron sa pagpasidungog sa Ebanghelyo pinaagi sap ag-awit sa Aleluya, o laong haom nga
aklamasyon alang sa panahon sa kwaresma.

ANG MGA PULONG MO

Ang mga Pulong mo, O Ginoo,
Maglig-on unta sa among pagtuo,
Ug agaka kami sa pagtuman
Sa imong mahal nga kasugoan.
O
Aleluya. Daygon ang Amahan ang Ginoo sa langit ug sa yuta; gipadayag mo ngadto
sa mga walay kahibalo ang mga misteryo sa imong gingharian. (Mt. 11:25)

EBANGHELYO
Ang alagad moadto sa ambo aron pagsangyaw sa Ebanghelyo. Dili na ibungat sa alagad ang pag-ingon “Ang Ginoo
maanaa kaninyo”.

Alagad: Ang pagbasa gikan sa Santos nga Ebanghelyo

sumala ni Mateo.
Unya si Jesus miingon: O Amahan, Ginoo sa langit ug sa
yuta. Nagpasalamat ako kanimo kay gipadayag mo man
ngadto sa walay kahibalo ang imong gililong sa mga
maalamon ug makinaadmanon. Oo, Amahan, natuman
kini kay mao may Imong gusto ug pagbuot. “Ang akong
Amahan, naghatag kanako sa tanang butang. Walay
nakaila sa Anak gawas sa Amahan, ug walay nakaila sa
Amahan gawas sa Anak ug kadtong mga tawo nga buot
sa Anak nga makaila sa Amahan.” “Umari kamo kanako,
kamong tanan nga gikapuyan ug gibug-atan sa inyong
gipas-an, ug papahulayon ko kamo. Isangon ang akong
yugo ug sunda ninyo ako, kay malumo ako ug
mapaubsanon sa Espiritu, ug makapahulay kamo. Sayon
ang yugo nga akong ihatag kaninyo, ug gaan ang ipapas-
an ko kaninyo.”
Alagad: Ang Ebanghelyo sa Ginoo.
Tanan: Daygon Ikaw, O Cristo.

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

(Jn. 14:1-6)

Alagad: Ang pagbasa gikan sa Santos nga Ebanghelyo

sumala ni Juan.
Miingon sa Jesus ngadto sa Iyang mga tinun-an, “Ayaw
kamo’g kaguol, salig kamo sa Dios ug salig usab kamo
Kanako. Sa balay sa akong Amahan adunay daghang mga
lawak, ug moadto Ako aron pag-andam og dapit alang
kaninyo. Kon dili pa kini tinuod, dili ko unta kamo
sultihan niini. Ug kon atua na Ako didto ug makaandam
nag dapit alang kaninyo, mobalik ako ug kuhaon Ko
kamo aron bisag asa ako, atua usab kamo. Nahibalo
kamo unsaon pag-adto sa dapit nga akong adtoan.”
Apan si Tomas miingon kaniya. “Ginoo, wala kami
mahibalo kon asa ka paingon busa unsaon man namo
pagkatultol sa dalan? “ Si Jesus mitubag, “Ako ang dalan,
ang kamatuoran ug ang kinabuhi. Walay makaadto sa
Amahan kon dili moagi Kanako.”
Alagad: Ang Ebanghelyo sa Ginoo.
Tanan: Daygon Ikaw, O Cristo.

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO
PAGDAYEG UG PAGPASALAMAT
Unya mahimong awiton o litokon ang Awit ni Zacarias (kon buntag) o ang Awit ni Maria (kon gabii). Manindog ang
tanan ug ang alagad moatubang sa altar.

AWIT NI ZACARIAS
(Benedictus)

Alagad: Sa matag pag-ampo, motubag kita: Daygon nato

ang Ginoo, ang Dios sa Israel!
Tanan: (T) Daygon nato ang Ginoo, ang Dios sa Israel!

Alagad: Daygon nato ang Ginoo, ang Dios sa Israel! Kay

mianhi siya aron pagtabang sa iyang katawhan ug
paghatag kanilag kagawasan. (T)
Alagad: Gipaanhi niya kanato ang usa ka gamhanang
Manluluwas nga kaliwat sa iyang suluguon nga si David.
(T)
Alagad: Kini maoy iyang giingon kaniadto pinaagi sa
iyang mga balaang propeta. Misaad siya sa pagluwas
kanato gikan sa atong mga kaaway, ug gikan sa gahom
niadtong tanan nga nagdumot kanato. (T)
Alagad: Miingon siya nga mopakita siyag kaluoy sa atong
mga katigulangan ug mahinumdom sa balaang
kasabotan. (T)
 Alagad: Misaad siya sa atong amahan nga si Abraham,
ug nanumpa nga iya kitang luwason gikan sa atong mga
kaaway.Ug mitugot kanato nga mag-alagad kaniya sa
walay kahadlok nga mahimong balaan ug matarong sa
atubangan niya sa tibuok natong kinabuhi. (T)
Alagad: Ug ikaw, anak ko, tawgon ka nga propeta sa Dios
nga labing halangdon. Mag-una ka sa Ginoo aron pag-
andam sa iyang dalan, sa pagpahibalo sa iyang katawhan
nga maluwas sila pinaagi sa pagpasaylo sa ilang mga
sala. (T)
Alagad: Kay ang atong Dios maluluy-on ug malumo. Siya
maoy mopadan-ag kanato sa banagbanag nga
masanagon sa atong kaluwasan ug mobanwag gikan sa
langit sa tanang nagpuyo sa mangitngit nga landong sa
kamatayon, pag-agak sa atong mga lakang ngadto sa
dalan sa kalinaw. (T)
Alagad: Himaya sa Amahan, ug sa Anak ug sa Espiritu
Santo.
Tanan: Maingon sa sinugdan, karon ug sa gihapon, ug sa mga katuigan nga tanan.
Amen. Daygon nato ang Ginoo, ang Dios sa Israel!
 AWIT NI MARIA
(Magnificat)

Alagad: Sa matag pag-ampo, motubag kita: (Nagadayeg

ang akong kasingkasing sa Ginoo.
Tanan: Nagadayeg ang akong kasingkasing sa Ginoo.

Alagad: Nagadayeg ang akong kasingkasing sa Ginoo ug

nagmalipayon ang akong kalag tungod sa Dios nga akong
manluluwas. Tungod kay nahinumdom siya Kanako nga
iyang ubos nga suluguon. (T)
Alagad: Ug sukad karon ang tanang tawo motawag
Kanako nga bulahan tungod sa mga dakong butang nga
gihimo kanako sa gamhanang Dios, balaan ang iyang
ngalan. (T)
Alagad: Nagpakita siya’g kaluoy sa tanan nga may
kahadlok kaniya sa usa ka kaliwatan ngadto sa laing
kaliwatan. (T)
Alagad: Gibayaw niya ang iyang bukton nga gamhanan
ug gipatibulaag ang mga tawo nga mapahitas-on sa
tanan nilang laraw. (T)
Alagad: Gipukan niya ang mga hari nga gamhanan gikan
sa ilang trono. Ug gituboy ang mga mapaubsanon. (T)
Alagad: Gibusog niya sa mga maayong butang ang mga
gigutom ug gipapahawa nga walay dala ang mga dato.
(T)
Alagad: Gituman niya ang iyang mga saad sa atong mga
katigulangan. Mitabang siya pagpakita’g kaluoy kang
Abraham ug sa tanan niyang mga kaliwat hangtod sa
kahangtoran. (T)
Alagad: Himaya sa Amahan, ug sa Anak ug sa Espiritu
Santo.
Tanan: Maingon sa sinugdan, karon ug sa gihapon, ug sa mga katuigan nga tanan.
Amen.

PAG-AMPO SA KATAWHAN
Basahon ang pag-ampo sa katawhan nga giandam sa Parokya. Ang mga pangamuyo gilangkuban niining mosunod:
alang sa simbahan, pangagamhanan, mga panginahanglan sa lokal nga katilingban, ug uban pang mga
panginahanglan. Ang alagad mobasa sa pasiuna ug pagtapos, ug ang mga katuyoan basahon sa magbabasa diha sa
ambo.

Alagad: Mag-ampo kita alang sa atong igsoong namatay,

ngadto sa Ginoong Jesukristo nga miingon: Ako mao ang
pagkabanhaw ug ang kinabuhi. Ang tawo nga nagatoo
Kanako bisan tuod mamatay, mabuhi. Ug ang tanang
buhi ug nagtuo Kanako dili gayod mag-antos sa
kamatayong dayon.”
Tanan: Ginoo, dungga ang among pangamuyo.

Alagad: Oo Ginoo, mihilak ka sa kamatayon sa imong

pinangga nga Lazaro: hupaya kami sa among kaguol. Kini
among gipangayo nga puno sa pagtuo. (T)
Alagad: Gibanhaw mo ang mga minatay; ihatag sa among
igsoon ang kinabuhing tunhay, Kini among gipangayo
nga puno sa pagtuo. (T)
Alagad: Gisaad mo ang Paraiso sa nagbasul nga kawatan;
dad-a kining among igsoon sa kalipay sa langit. Kini
among gipangayo nga puno sa pagtuo. (T)

Alagad: Sa pagbunyag niya ang among igsoon gihugasan

ug gidihog sa lana sa kaluwasan. Tipon sa Imong mga
Santos himoa siya nga mahiuban. Kini among gipangayo
nga puno sa pagtuo. (T)

Alagad: Sa imong lawas ug dugo siya gilig-on, hatagi siyag

luna sa imong ginghariang langitnon. Kini among
gipangayo nga puno sa pagtuo. (T)

Alagad: Gaana ang among kasubo tungod sa kamatayon

sa among igsoon, ang among pagtuo mahimo untang
among kahupayan ug ang kinabuhing tunhay among
kalaoman. Kini among gipangayo nga puno sa pagtuo. (T)
Alagad: Mag-ampo kita, O Ginoo, dungga ang among
mga pag-ampo alang sa among igsoon nga patay na;
pasayloa ang iyang mga sala ug dad-a siya nganha sa
kahingpit sa Imong pagluwas kaniya. Kini among
gipangayo pinaagi ni Cristo among Ginoo.
Tanan: Amen

PAG-AMPO SA ATONG GINOO

Human sa pag-ampo sa katawhan, ang alagad nga nag-atubang sa altar, modapit sa pag-ampo
sa Amahan Namo pinaagi niini o sa susamang mga pulong:

Alagad: Karon mag-ampo kita sa Amahan, atong

gamiton ang mga pulong nga gitudlo kanato sa atong
Manunubos.
Tanan: Amahan Namo …

TIMAAN SA PANAGDAIT
Ang alagad nga nag-atuabang sa mga tawo, moingon niining mga pulong:

Alagad: Atong ipakita karon ang atong panag-inigsuonay.

KATAPOSANG PAG-AMPO
Ang tanan manindog ug ang alagad moatubang sa altar ug moingon niining mosunod nga pag-ampo:

Alagad: Dios, among Amahan, niining among panagtigom

isip imong mga anak imo kaming gipakaon sa imong
balaan nga pulong. Itugot nga kanunay kaming mangita
ug maghidlaw sa pan sa kinabuhi ug muabot ang adlaw
nga tim-os kaming magsaulog sa adlaw sa Ginoo.
Tanan: Amen

AWIT SA PAGHALAD
(Ug karon atong isunod ang awit sa paghalad)
Ang mga pahibalo pagahimoon niining tungura. Ug ang mga halad sa katawhan pagadawaton subay sa mga mando
sa Parokya o sa dyosesi. Mahimo usab ang pag-awit og awit sa pasalamat niining tungura.

Pag ampo alang sa mga Halad. (Mag-ambahan)

RITO SA PAGTAPOS
Ang alagad nga nag-atubang sa mga tawo ug modapit sa tanan pinaagi niini o sa susamang mga pulong :

Alagad: Atong pasalamatan ang Dios sa gasa sa iyang

pulong ug ang pag-ampo nga atong gisaulog.
Ang alagad moatubang sa altar ug moingon:

Alagad: Pahulay nga dayon ihatag kaniya O Ginoo.

Tanan: Ug ang Imong kahayag modan-ag kaniya hangtod sa kahangtoran. Amen
(Awiton ang Pahulay nga Dayon)

Alagad: Manalangin kanato ang Makagagahum nga Dios,

ang Amahan, ug ang Anak, ug ang Espiritu Santo.
Tanan: Amen.

Alagad: Manlakaw kita diha sa kalinaw sa Ginoo.

Tanan: Salamat sa Dios.
Unya, ang alagad uban sa mga alagad, moyukbo sa altar ug mobiya. Mahimong awiton ang kataposang awit aron
pagtapos sa kasaulogan.

SALMO 23: ANG GINOO AKONG MAGBALANTAY

Rudy Villanueva

Intro: F

Ang Ginoo akong magbalantay,

wala na’y magmakulang pa Kanako
sa lunhaw’ng sibsibanan iya akong gidala,
sa tubig nga malinaw gihupay king kalag.
Sa matarong nga dalan iya kong gipalakat
matinud-anon siya sa iyang saad;
Ug bisan motabon ang landong sa kamatayon,
wa ako’y kahadlokan kay anaa siya.
Sa kanunay iya akong gibusog taliwala
sa akong mga kaaway.
Buhong sa panalangin sa adlaw nga tanan,
magpuyo ako sa balay sa Ginoo sa kahangtoran.
Magpuyo ako sa balay sa Ginoo sa kahangtoran.