PARTANGIANGAN DI PARSAORAN NI PARHALADO

HKBP SIGANUP BULAN SA-RESORT PARAPAT

HKBP GIRSANG, Senin - 08 November 2021 Jam 16.00
Thema: Di Sarihon Debata Do Ngolum

I. PANGARADEON (U: Uluan S: Sude)

II. JOU – JOU TU PARSOMBAON
U : Dihita dongan parhalado sa-ressort Parapat; naung patupahon parsaoran
dibagasan taon 2021 on; ima dipartangiangan/ parsaoran siganup bulan;
tahalashon ma i tutu diapala ari sadarion, jala tasombahon ma hamauliateon ni
rohanta; anggiat saluhut na tasangkapi dinapauliuli huriaNa i, boi lam
mangerbang panghobasionta, jala manongtong pasupasu hita tu ruasNa i.
S : Mangendehon BE No. 820 : 1 “Pangke ma tingkim”
♫ Pangke ma tingkim na sian Tuhanmu, ai tung hatop laho salpu do i,
dia ma artana hot dingolumu, holong na polin na manongtong i.. Reff:
Ai ndang adong na hot diatas tano on nasa na uli lao salpu do i, holong
ni roha na hot na manongtong, holan di Jesus do boi jumpang i.
U : Hita naung pinillit ni Debata, diigil Tuhan i do tu ngolunta asa mangulahon
pangarimpunan ni ulaonta, ima mamatamatahon, mandasdas, maningkir,
paturehon, paingothon, mangapuli, mangurupi asa dohot sude marsaulihon
hangoluan na pinatupa ni Debata.
S : Mangendehon BE No. 262 : 1 “Jahowa Tuhanki”
♫ Jahowa Tuhanki, ho mual ni na denggan, sitompa sasude, silehon
hangoluan, sai lehon ma di au, pamatang na hipas, maringan ma di au
baen roha na ias.
U : Haposan jala sandok tau jaloon do hata on: Nunga ro Kristus Jesus tu portibi
on, paluahon angka pardosa; sian angka i do ahu na parjolo. Alai ala ni on do
umbahen na diasi i ahu: Naeng jumolo marhite sian ahu patuduhonon ni Kristus
Jesus sandok lambas ni rohaNa i, bahen tiruan di angka na naeng porsea di
Ibana tu hangoluan salelenglelengna
S : Alai hamuliaon dohot hasangapon sisalelenglelengna ma di Raja na so
marmula i; i ma Debata na manongtong, na so dapot idaon, na mamunjung i!
Amen
U : Tapuji ma Tuhanta, marende ma hita,
III. IBADAH
01. Marende BE No. 802 : 1 – 2 “Pangke Tingkin Saonari”
♫ Pangke tingkim saonari, dapothon ma Tuhan i, Unang godang sidalian, ingot
jempek ngolumi. Reff: Nunga rade hasonangan, di surgo i, di surgo i, Unang
adong nanggo sada Naso parjambar disi.
♫ Suan ma holong ni roha, tiru ma Tuhanta i, Las ma roham digotilon, jalo ma
balos ni i. Reff: Nunga rade ……
VOTUM - TANGIANG
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Tondi Porbadia,
S : Amen
U : Holan pangunjunan na patut dijolma do naung mangonai tu hamu.
S : Haposan do Debata, ndang loasonna hamu unjunan lobi sian gogomuna;
Ibana na parohon pangunjunan i, laos Ibana do mambahen hapateanna, asa
tartaon hamu.
U : Dibahen i angka haholongan, maporus ma hamu pasiding parsombaon tu
bisuk-bisuk dohot arta portibion.
S : Tu angka parroha do hatangku, hamu ma manimbangi na hudok
U : Roha i do tumanda arsak ni rohana sandiri, Las ni roha pe ndang dapot
hilalaon ni halak sileban biar mida Jahowa do partanobatoan na togu, Laos
gabe haporusan diangka anak do Ibana. Haleluya! Amen. Martangiang ma
hita: Ale Tuhan Debata, Amanami, parasiroha na sumurung, na pungu do hami di
joloM marsaor tu Ho, ndada mangasahon hatigorannami, na mangasahon asi ni
rohaM na godang ido, sai asi ma rohaM mida sandok bangsonami, ruas ni
huriaM HKBP, lumobi Resort Parapat on, sesa saluhut dosananmi, sai sungguli
ma rohanami asa imbaru ala ni haporseaon ,raphon ruasMu na pinasahatMi tu
hami, asa manongtong di haporseaon, panghirimon dohot holong ni roha holan tu
Ho. Ramoti hami luhutna, asa lam mananda diasi ni roham, dipangaramotionMi,
jala pasupasu nang luat na huingani hami, asa tung dapotan hapistaran dohot
habisuhon na sian Ho dingolu partondion, suang songoni ngolu pardangingon.
Ale Debata parasi roha, pasada parhaladoM na sa-resort on, asa rap hami
dipartangiangan sisahali sabulan, laho mangondihon angka ruasMi tu Ho. Sai
sungguli rohanami parhalado na lima huria on, ima parhalado HKBP Girsang,
Sibaganding, Pardomuan, Parapat, Bangun Dolok, anggiat marhite i gabe sijalo
 pasupasuM hami, suang songoni nang gabe habaoran ni pasupasuM dibagasan
asi dohot holong ni rohaM, alani AnakMu Tuhan Jesus Kristus sipangolu i.
U + S : Amen
02. Marende BE No. 732 : 1 – 2 “Di Las Ni Roha Nang Sitaonon”
♫ Di las ni roha nang sitaonon Jesus Kristus donganki, Dilehon gogo ni partondion
diapuli rohangki. Urupi ahu O Tuhan Jesus ho do gogongku hatuaonku pos ni
rohangku Haleluya. Dihangoluan nang hamatean sai di linggoman ni asi roha au
maringanan Haleluya.
♫ Molo di ho au o Tuhan Jesus talu do sibolis i ai na maruba do sitaonon gabe las ni
rohangki alani i ma pasangapon hu, sai pujionhu tongtong goarMu O Tuhan
Jesus haleluya, sai boan ahu ale Tuhanku tu sambulongku, na dilambungMu,
pangkirimanhu, Haleluya

TURPUK PATOHUGON ULAONTA DOHOT NGOLUNTA

U : Ima na dienet sian I Petrus 5 : 2 - 8; Parmahan i hamu ma punguan ni Debata
na di hamu, unang songon na pinaksa, sian las ni roha ma mangihuthon
Debata; unang ala ni pangomoan hailaon, sian ringkot ni roha ma!
Pardomuan : Unang ma songon angka na mamaksa natorop; alai gabe tiruan ma
hamu di angka na pinarmahan!
U : Molo i, jaloonmuna ma tumpal hasangapon na so ra malos i, ia dung gabe patar
Parmahan na bolon i.
Bangun Dolok : Laos songon i ma hamu, angka na umposo, unduk ma hamu di
angka na tumunggane! Alai saluhutna ma hamu manolukkon haserepon sama
hamu, ai dialo Debata do angka na ginjang roha, alai dilehon do asiasi tu angka
na serep marroha.
Parapat : Antong, patutoru hamu ma dirimuna tutoru ni tangan ni Debata na gogo i,
asa dipatimbo hamu di tingkina i!
Sibaganding : Tinggangkon hamu ma nasa na hinolsohon ni rohamuna tu Ibana, ai
disarihon do hamu!
Girsang : Torang ma rohamuna, dungo ma hamu; na maotaot do alomuna, sibolis i,
songon babiat na marauang, mangalului sibondutonna.
U :. Martua do angka na tumangihon hata ni Debata jala na umpeopsa. Amen

03. Marende BE No. 730 : 1 + 4 “Sai Patau Ma Au Tuhan

♫ Sai patau ma diringku ale Tuhan, papatarhon HinauliMi Tuhan, suru ma
tondiMi saor tu rohangki, lao papatar HolongMu tu donganki
 ♫ Sai patau ma diringku ale Tuhan papatarhon hinauliMi Tuhan, suru ma
TondiMi saor tu rohangki baen ias hata dohot parangengki

TANGIANG : HKBP sibaganding

04. Marende BE No. 726 : 1 ”Hamu Jinou Ni Tuhan”
♫ Hamu jinou ni Tuhanta, sian na holom, tu na tiur i lao manjalo denggan basaNa
i lao manjalo denggan basaNa i. Hamu do marga pinillitNa, bangso ni Tuhan,
Nabadia i houm nang malim pinabangkitNa i, mamaritahon denggan basaNa.
Didok Tuhanta do tu HuriaNa podai hamu ma saluhutna bangso, Boan hamu ma
baritana uli i tu slauhut na tinompa i. Urupi hita ma angka na pogos palua angka
jolma tarante, apuli hita ma angka na marsak i tabaen marnida mapitung i. Amen

RENUNGAN : 1 Raja 17 : 1 - 6
05. Marende BE No. 758 : 1 - 3 “Jahowa Pangurupi (P. Pelean)
♫ Jahowa pangurupi disi ulaonmi, dilehon pos ni roha di ganup tingki i, nang pe
sipata ganggu haporseaonmi, jamot tongtong Tuhanmu manjaga ngolumi.
♫ Jahowa las ni roha saleleng ngolumi, Ibana haroroan ni nasa na uli Ai disarihon
Jesus sude naringkot i, halashon panoguon ni Jesus Tuhanmi.
♫ Jahowa pandongani di na porsea i Ibana patuduhon nang sidalananmi asa
marolop-olop ho di ujungna i, Ibana do donganmu nuaeng nang sogot i

TANGIANG PARSURUON - Pelean

U : Tung sura manaek ahu tu banua ginjang, disi do Ho, jala tung sura hubahen
banua toru podomanku, ida ma disi do Ho.
S : Tung sura manginjam ahu di angka habong ni buha siang ari, laho songgop
nian tu bariba ni laut.
U : Nang disi sai toguon ni tanganmu do ahu, jala tiopon ni siamunmu ahu.
S : Jala tung sura hudok: Haholomon sambing ma manghungkupi ahu, jadi
hatiuron do borngin i humaliang ahu.
U : Haholomoni pe, ndang mangkolom ianggo di jolom, jala marsinondang do
borngin songon arian, songon hatiuron i suang songon i haholomon
marimpotimpot.. Martangiang ma hita,,,

TANGIANG PELEAN – PASUPASU