IKAUPAT NGA PULONG:

Mateo 27:46Ug sa pagkaalas tres sa hapon mituaw si Jesus, “Eli, Eli, lama sabachthani?” nga sa ato pa,
“Dios ko, Dios ko, nganong gibiyaan mo ako?”

1. Ang pagbiya sa Dios kang Cristo mao ang pinakasakit nga kasinatian sa iyang kinabuhi.

• Dili ang kasakit sa samad sa paglatigo, dili ang kasakit sa tunok sa purongpurong, dili ang kasakit
sa lansang kondili ang pagbiya sa presensya sa Dios niining taknaa sa iyang kinabuhi.

• Ang pangutana, gibiyaan ba gayod si Cristo sa Dios? Ang Dios biyaan sa Dios?\

• Kinahanglan nga atong masabtan ang dual nature ni Cristo. Ang duha ka kinaiya ni Cristo mao ni:
Kinaiya sa Dios ug Kinaiya sa tawo. Siya ang Dios sa langit nga nagpakatawo aron mahimo nato siya nga
manluluwas.

• Ug niining taknaa sa krus, gisul-ob ni Cristo ang kinaiya sa tawo, maoy hinungdan nga misinggit
siya Dios ko Dios ko nganong gibiyaan mo ako?

• Niining higayona gibati ni Cristo ang pagbati sa usa ka tawo nga gibiyaan sa Dios. Nag-antos
tungod kay gibiyaan sa Dios.Nag-antos tungod sa sala nga iyang gipas-an.

• Atong masayran sa kasulatan nga si Cristo sa matag adlaw kanunay nagakuyog kaniya ang
presensya sa Amahan, adunay suod nga relasyon si Cristo ug ang Amahan apan sa kalit iyang nabati nga
niining taknaa mibiya kaniya ang presensya sa Amahan ug maong mituaw siya “Dios ko, Dios ko,
nganong gibiyaan mo ako?”

• Kini ang pinakasakit nga kahimtang sa kinabuhi ni Cristo. Apan nganong gibiyaan man siya sa
Dios?

2. Nganong gibiyaan man si Cristo sa Dios?

• Tungod kay niining nga takna si Cristo ang atong manunubos, meaning siya ang milukdo, siya
ang mipas-an, siya ang midala sa atong mga sala didto sa krus.

• Isaiah 59: 2 Ang inyo hinuong kalapasan maoy nag-ulang kaninyo ug sa inyong Dios. Ang inyong
sala maoy hinungdan sa iyang pagpahilayo kaninyo aron dili siya makadungog kaninyo.

• Ug tungod kay anaa man kaniya ang sala sa daghang mga tawo maoy hinungdan nga
magpahilayo ang Amahan kaniya. Magpahilayo ang Dios kaniya aron dili siya madunggan sa
Dios/Amahan. Maoy hinungdan nga misinggit siya Dios ko Dios ko nganong gibiyaan mo ako?

• Gibiyaan si Cristo sa Dios tungod sa atong sala nga iyang gipas-an.

Isaiah 53: 4-5

4 “Apan giantos niya ang mga kasakitan nga kita untay angay mag-antos ug gipas-an ang atong mga
alantuson, nagtuo kita nga ang iyang pag-antos silot kaniya sa Dios.

5Gani gisamaran siya tungod sa atong mga sala; napangos siya tungod sa atong pagkadaotan; giantos
niya ang kastigo nga maoy nakaluwas kanato ug pinaagi sa iyang mga labod nangaayo kita.

6Kitang tanan sama sa mga karnero nga nasalaag ug wala mosubay sa hustong dalan. Apan siyay
gidakdakan sa Ginoo sa tanan tang kasal-anan.

Isaiah 53: 10

Ang Ginoo nag-ingon,“Maoy akong kabubut-on ang pagpaantos ug pagsakit kaniya;

sa dihang gihimo niya ang iyang kaugalingon ingon nga halad alang sa sala, makita niya ang iyang mga
kaliwat

ug makabaton siyag taas nga kinabuhi; ug pinaagi kaniya matuman ang ubang plano.

PAMALANDONG:

Unsay rason nganong gibiyaan si Cristo sa Dios?

Gibiyaan si Cristo sa Dios tungod sa atong mga sala nga iyang gipas-an didto sa krus

Gibiyaan si Cristo sa Dios kay aron kita makapaduol sa Dios.

Gibiyaan si Cristo sa Dios aron kita mapasiguli ngadto sa Amahan.

Gibiyaan si Cristo sa Dios aron kita mapasaylo sa atong mga sala.

Gibiyaan si Cristo sa Dios aron kita mahatagan sa kinabuhing dayon.