Professional Documents
Culture Documents
Ikaunom Na Pulong
Ikaunom Na Pulong
Juan 19: 30 Human makatilaw si Jesus sa suka, miingon siya, “Natapos na!” Unya miduko siya ug
namatay.
Natapos Na!
Unsa ang buot pasabot ni Cristo sa dihang miingon siya natapos na.
• Natapos na niya ang gipabuhat sa Amahan kaniya. ---Juan 17: 4… Gihuman ko ang imong
gipabuhat kanako.
• Natapos na ang iyang pagbuntog sa mga espirtuhanong pangulo ug autoridad--- Colosas 2: 15Ug
pinaagi sa iyang kamatayon sa krus gibuntog ni Cristo ang mga espirituhanong pangulo ug awtoridad.
Gipasundayag niya ngadto sa tanan ang ilang kapildihan.
• Natapos na Cristo ang pagguba sa buhat sa yawa--------1 Juan 3:8 .. Ang hinungdan sa pag-anhi
sa Anak sa Dios mao ang pagguba sa mga buhat sa Yawa.
• Natapos na ang iyang pagbayad sa atong mga sala ----Colosas 2: 14Gipapas niya ang tanan tang
mga utang lakip ang mga kasabotan bahin niini ug giwagtang niya ang tanan pinaagi sa paglansang niini
didto sa krus.
• Natapos na ni Cristo ang pagwagtang sa mga sala ----Hebreo 9:28Gihalad usab si Cristo sa
makausa aron pagwagtang sa mga sala sa daghang mga tawo.
• Natapos na ang tulumanon sa daang kasabotan nga kada tuig kinahanglan maghalad ug karnero
aron mawagtang ang mga sala sa tawo nga nakasala. Gitapos na kini ni Cristo didto sa iyang kamatayon
sa krus.
Pamalandong:
Igsoon, gibuhat ni Cristo ang tanan didto sa krus aron ikaw makabaton ug kaluwasan. Aron ikaw
makadawat sa gasa sa kinabuhing dayon. Sa ikaunom nga pulong ni Cristo misulti siya “natapos na”!
Wala kanay angay nga kabalak-an pa igsoon kay si Cristo na ang mibayad sa imong mga sala. Kon ikaw
nagasalig ug nagatuo kaniya imong madawat ang gasa sa kinabuhing dayon. Libre kini.
Sama kang apostol Pablo miingon siya … 2 Timoteo 4:7 7Gihimo ko kutob sa akong maabot ang
pagpakiglumba ug natapos ko gayod kini. Giampingan ko ang akong pagtuo.
Sa wala pa mukayab si Cristo ngadto sa langit miingon siya sa Mateo 28:19 Tungod niini, sa inyong
pagpanglakaw himoa nga akong mga tinun-an ang tanang katawhan sa tibuok kalibotan. Bunyagi sila sa
ngalan sa Amahan, sa Anak ug sa Espiritu Santo 20ug tudloi sila pagtuman sa tanan nga akong gisugo
kaninyo. Ug hinumdomi! Ako mag-uban kaninyo sa kanunay hangtod sa kataposan sa kalibotan.”
Mag-ampo kita…