Nagsabi an Kagurangnan, “lahidan mo si Eliseo na aking
lalaki ni Safat na taga Abel-mehola bilang propeta na masalihid saimo.”
Naghale si Elias asin nakua niya si Eliseo na nag-aarado;
igwa nin onseng pades na torong baka sa enotan niya, asin yaon siya sa ikadoseng pades. Hinuba ni Elias an saiyang alikboy asin inalikboy ki Eliseo. Binayaan ni Eliseo an saiyang mga baka, Linamag si Elias asin nagsabi, “Tugote akong magpa-aram ngona sa sakong ama saka ina, dangan masunod ako saimo. “ Nagsimbag si Elias, “Magpuli ka. Dai taka pinupugolan.” Nagbalik si Eliseo dangan kinua an sarong pades na torong baka, binuo an mga ini, asin linuto an karne. Ginamit niyang panggatong an sakal kan mga toro. An karne itinao niya sa mga tawo asin nagkakan sinda. Pakatapos nagsunod siya ki Elias asin naglingkod saiya.
Tataramon kan Kagurangnan.
Salmo Responsorial
Inoomaw ko ika, huli ta makangangalas an gibo mong
paglalang sako .
1. Kagurangnan namidbid mo, siniyasat mo ako, aram mo kun
minatukaw o minatindog ako. Nababasa mo sa harayo, gabos kong iniisip, hinihiling mo kun ako minalakaw o minahigda, aram mo an gabos kong mga gibo.
2. Ika an naglalang sako Kagurangnan na Dios sa tulak nin
sakong ina, hinaman mo ako. Inoomaw ka huli ta maninigo kang galangan, ngangalasan an gabos mong gibo o sakuyang Dios, midbid mo nangad an sakong buhay.
3. Kan an sakong mga tulang simong hinahaman, sa tulak nin
sakong ina, maingat na binibilog kan hilom akong nagtatalubo duman. Aram mong yaon ako duman. Ikaduwang Babasahon Santiago 2:14-17
Pagbasa sa Surat ni Apostol Santiago
Mga Tugang, anong pakinabang kan tawo na minasabing
igwa siya nin pagtubod, alagad mayo nin ipinapahiling na mga gibo? Ikakaligtas daw siya kan pagtubod na iyan? Halimbawa igwa nin sarong tugang na lalaki asin babae na nangangaipo nin gubing asin kakanon. Ano an karahayan kun sasabihan lang nindo siya, lakaw na sa katoninongan! Magkaigwa ka man lugod nin gubing asin kakanon,” kun dai man nindo siya tatawan kan saiyang kaipuhan? Siring man kaiyan an pagtubod: kun igwa nin pagtubod alagad dai man nahihiling sa gibo, an pagtubod na iyan gadan.
Tataramon an Kagurangnan.
Ebanghelyo Lucas 14:25-33
Pagbasa sa Ebanghelyo sosog ki San Lucas
Kadakul kan tawong nagsunod ki Jesus. Nag-atubang siya
sainda asin nagsabi, “an magdolok sako dai magigin disipulo ko kun paorogon an saiyang ama, ina, agom, mga aki, mga tugang, asin an sadiri niyang buhay. An dai magpasan kan sadiri niyang cruz saka magsunod sako dai magigin disipulo ko. Kun igwa saindong boot magtindog nin torre, bakong minatukaw ngona siya dangan cucuentahon an magagasto, tanganing maaraman kun igwa siya kan tamang halaga na ikapahaman kaiyan? Ta kun ikabugtak na niya an mga fundacion asin dai siya makapahaman, pagngingisihan siya kan gabos, asin sasabihan, ‘an tawong iyan nagpoon magtugdok alagad dai nakapahaman!’ kun may sarong hade na boot makiguerra sa saro man na hade, iisipon ngona niya kun kaya niyang makilaban sa diez mil sana na soldados niya tumang sa viente mil. Kun dai niya kaya, mapadara siya nin sugo asin mahagad nin katoninongan mantang harayo pa an saiyang kalaban. Siring man, an dai saindo magbaya kan gabos na sadiri niya, dai magigin disipulo ko.”
Marhay na Bareta kan Kagurangnan.
Pamibi nin Banwaan
Obispo: Mamibi kita sa Dios na makua niato an dalan nin pagtubod, paglaom asin pagkamoot na linalakawan kan mga Santos tanganing sa tabang ninda kita man makaabot sa kapanoan nin buhay duman sa langit.
Simbag: Kagurangnan, hinanyoga an samong pamibi
1. Para sa Simbahan sa bilog na kinaban, sa Santo Papa, mga
Obispo asin kapadian, na an mission nin kaligtasan na pinonan kan mga Santos lugod saindang maipdagos sa paagi kan saindang mga tataramon asin gibo: ipamibi niato sa Kagurangnan.
2. Para sa mga namamayo kan satuyang banwaan tanganing sa
paagi kan ipinahiling na dedikasyon kan mga Santos sa pagtogdas kan Kahadean nin Dios digdi sa daga, sinda man makanood na magdusay kan saindang sadiri para sa karahayan nin gabos: ipamibi niato sa Kagurangnan.
3. Para sa mga naghehelang, nagtitios, inaapi, asin nasa
panahon nin persecusion, sa paagi kan ipinahilng na mga halimbawa kan mga Santos na nakamati kan siring na mga kasakitan, makakua lugod sinda nin kusog asin paglaom: ipamibi niato sa Kagurangnan.
4. Para sag abos na uya digdi, na sa tabang ka mga pamibi kan
mga Santos makanood lugod kita kan tunay na pagkamoot sa Dios asin sa kapwa niato: ipamibi niato sa Kagurangnan. Obispo: Kagurangnan, binago mo an puso kan mga Santos sa paagi kan saimong Espiritu. Itogot mo na kami man mapano kan Espiritu tanganing kami man magserbing liwanag sa samuyang mga pag-iriba. Ini hinahagad mi huli ki Cristo samong Kagurangnan. Amen.