ARALIN 28

Juan 3:16
16“Ta kasta unay ti panagayat ti Dios iti lubong nga uray la intedna ti bugbugtong nga
Anakna, tapno saan a madadael ti asinoman a mangipakita iti pammati kenkuana no di ket
maaddaan iti biag nga agnanayon.
Santiago 2:17
17Kasta met ti pammati, natay no awan aramidna.
Juan 14:21
21Ti umawat ken agtungpal kadagiti bilinko, ay-ayatennak. Ti mangay-ayat kaniak ayatento ti
Amak, ken ayatekto met ken iyam-ammok a naimbag ti bagik kenkuana.”
1 Corinto 11:20
20No agtataripnongkayo iti maysa a lugar, ti panggepyo ket saan a tapno mangan iti
Pangrabii ti Apo.
Lucas 22:19
19Nangala met iti tinapay, nagkararag tapno agyaman, pinispisina, sa intedna kadakuada, ket
kinunana: “Daytoy ti mangisimbolo iti bagik a maidaton para kadakayo. Itultuloyyo nga
aramiden daytoy kas panglaglagip kaniak.”
1 Juan 4:8-10
8Asinoman a saan nga agayat ket dina am-ammo ti Dios, ta ti Dios ket ayat.9Babaen iti
daytoy a naipalgak ti ayat ti Dios iti kasasaadtayo, nga imbaonna ti bugbugtong nga Anakna
ditoy lubong tapno magun-odtayo koma ti biag babaen kenkuana.10Kastoy ti kaipapanan
dayta nga ayat: saan a gapu ta inayattayo ti Dios, no di ket gapu ta inayatnatayo ken
imbaonna ti Anakna kas pakikappia a daton para kadagiti basoltayo.
2 Corinto 5:15
15Ken natay ti Kristo para iti amin tapno dagidiay agbiag saanda koman nga agbiag para iti
bagida, no di ket para kenkuana a natay maigapu kadakuada ken napagungar.
1 Juan 4:11
11Patpatgek a kakabsat, no kasta ti panagayat ti Dios kadatayo, obligasiontayo met ti
agiinnayat.
1 Juan 5:3
3Ta daytoy ti kaipapanan ti panagayat iti Dios, a tungpalentayo dagiti bilinna; ket kaskasdi a
saan a makapadagsen dagiti bilinna,
1 Pedro 2:21
21Kinapudnona, daytoy ti makagapu a naayabankayo, ta nagsagaba a mismo ni Kristo para
kadakayo, a nangibati iti ulidan tapno surotenyo a naimbag dagiti addangna.
Lucas 22:14, 19, 20
14Idi dimteng ti oras, nagsadag iti lamisaan a kaduana dagiti apostolna. 19Nangala met iti
tinapay, nagkararag tapno agyaman, pinispisina, sa intedna kadakuada, ket kinunana:
“Daytoy ti mangisimbolo iti bagik a maidaton para kadakayo. Itultuloyyo nga aramiden daytoy
kas panglaglagip kaniak.”20Innalana met ti kopa idi nalpasdan a nangrabii ket kinunana:
 ARALIN 28
“Daytoy a kopa ti mangisimbolo iti baro a tulag a patalgedan ti darak, a maibukbok para
kadakayo.