Bago ko muna sisimulan ang aking talumpati ako ay lubos na
nagpapasalamat sa mga taong naririto, mga magulang, mga kaibigan, at higit sa
lahat sa mga magsisipagtapos, isang pinapalang umaga sa ating lahat. Naririto tayong lahat at nagtipon-tipon upang ipagdiwang ang isang malaking pangyayari sa ating pinakahihintay, ang katuparan ng ating pangarap sa buhay.
Parang kalian lang, tayo ngayon ay makakatapos na sa ating kahirapan
sa pag-aaral at naghihintay na mapatibay natin ang ating pagtatapos, siyempre masaya diba dahil sa wakas, natapos na natin ang isang yugto ng ating pagsisikap at paghihirap at may maipagmamalaki na ang ating magulang dahil nairaos na nila tayo sa kanilang paghihirap para panggastos natin sa pang araw-araw na gastusin sa pag-aaral. Pero gaya ng lahat ng pagtatapos, may mga lungkot na maaaring makapaghiwalay sa mga magkakaibigan at lalong lalo na mamimiss ang isa’t isa at mga masasayang sandal kasama ang mga mahal nating guro. Hindi talaga ako naniniwala sa forever. Hindi ako naniniwala dahil kung mayroon nito, bakit mayroong araw ng pagtatapos o graduation? Bakit kailangang magkahiwa-hiwalay pa kayo ng mga itinuring mong kaibigan at kasangga. Wala talagang forever. Pero sa isang mas positibong konteksto, ang pagtatapos sa eskwela ay isang indikasyon din na lahat ng bagay ay hindi permanente, tulad ng paghihirap. Masayang magpatuloy tayo sa ating pag-aaral dahil ito ay isang karunungan at may mga bagong kaalaman na maari nating tuklasin, at maari nitong baguhin ang ating buhay, at ihatid tayo sa ating mga pangarap. Siyempre diba kapag may pagbabago,normal na tayo’y manibago at nais kung gamitin ang pagkakataong ito para makapagbahagi na rin ng ilang aral sa buhay na natutunan ko. Sa oras kasi na suot mo na ang iyong toga at hawak mo na ang iyong diploma, hudyat ito na nagbunga na ang lahat ng sakripisyo at tiyaga. Hindi madali ang mga pinagdaanan sa paaralan. Mula sa mahihirap na aralin, sa mga komplikadong requirements, maging ang aspektong pinansyal na kailangang bunuin ng isang magulang, ay talaga naming dapat paghirap at buhusan ng isang katutak ng pagtitiyaga. Gayunman, kapag mas nanaig s aiyo ang kagustuhang matapos ang lahat ng ito, tiyak na hindi panghabambuhay ang paghihirap na matatamasa mo at ng iyong pamilya. Kapag narrating na ang sinasabing finish line sa landasin sa eskwela, oras na para tahakin ang mas malawak na mundo. Mas malawak na mundo ng oportunidad. Mas malawak na mundo ng tunggalian ng mga mayroon ding pangarap. Tunggalian na kaya mong ipanalo kasi hindi mo ginusto ang forever na paghihirap. Walang forever.Walang forever na paghihirap sa taong may pangarap.
Isang mainit na pagbati para sa mga magtatapos, nawa’y mag tagumpay
ang bawat isa sa atin sa ating buhay, at higit sa lahat mata sa Diyos, at dito lang nagtatapos ang aking talumpati Maraming salamat sa pakikinig at magandang umaga sa inyong lahat.