ALAMAT SANG SAGING

Isinalin ni: Monica Jean G. Balgos

Sang una nga mga inadlaw, may isa ka gwapa

nga prinsesa nga ginatawag nila nga Mariang

Maganda, ang ila kaharian malapit sa

kakahuyan kun diin siya maka pulupanumdom

sang iya kagwapahon. didto madamo siya

may makita nga lain lain nga duag sang mga

pananom nga mga manami. permi nalang siya

naga libod kag nagapamugnot sa daw

kompleto nga talamnan sang tanom nga para

lang gid sa prinsesa nga pareho sa iya.

Isa ka adlaw, sang ga libod siya may nakita siya nga indi pamilyar nga itsura, isa ka

gwapo nga sultero nga daw parehas edad sa iya, may lain siya nga nabatyagan sa gwapo

nga lalaki nga ato, hindi lang niya bal-an nga amo man gali ang nabatyagan sang lalaki

para sa iya.

Nagpakilala ang lalaki nga siya ang prinsipe sang malayo nga kaharian. adlaw-adlaw ga

kit-anay kag updanay sila nga duha sa kakahuyan asta nga nag pabutyag sang pag

palangga ang prinsipe nga palangga niya ang prinsesa nga gin baton man sang prinsesa

kay palangga niya man ang prinsipe,

Sang sila naga libot libot sa kakahuyan nag didisyon sila nga mag pahuway sa dalom

sang mahumot nga tanom nga permi gina pabugal sang prinsesa.

“tuod gid nga manami ang bulak sang tanom nga ini Mariang Maganda, pero mas gwapa

kag mahumot ang mga tanom kag mga bulak sa amon kaharian” hambal sang prinsipe

sang gina tandog ang guya sang iya palangga.

“ngaman, diin inyo kaharian haw?” mahinay nga sabat sang prinsesa.

“Ang amon kaharian, indi sarang maabot sang tawo nga may tawhanon nga lawas” ang

sabat sang prinsipe nga daw ga duha-duha.

“Ngaman hindi” ang nakum=an nga pamangkot ni Mariang Maganda sang ginatulok ang

itsura sang nagakasubo nga prinsipe nga iya ginapalangga.

“dapat na ako magbalik sa amon kaharian kay kon hindi , indi na kita mag kit-anay liwat,

gusto ko tani updon ka galing indi gid ya pwede ang mga parehas sa inyo sa amon

kaharian. malakat na ako palangga ko.”

“gusto ko tani mag kit-anay ta liwat diri sa tanom nga ini karon sa gab-i, hulaton ko

ikaw.” paghibi sang prinsesa nga nagakasubo sa paglakat sang iya palangga.

“tinguhaon ko langga” hambal sang prinsipe kay Mariang Maganda. sang gab-i nga ato,

gin hulat ni Mariang Maganda ang iya palangga. bag-o mag tungang gab-i, nag abot ang

prinsipe kag nahimuot gid ang ga duha-duha nga prinsesa. kaptanay sila nga nag tibot

libot sa kakahuyan sang mga gwapa nga mga tanom nga ang bulan kag bituon

nagapasanag sa ila ginaagyan, kon ano-ano ang ila mga gina istoryahan asta sang nakibot

ang prinsipe sa iya likod nga daw may nagapanawag sa iya.

“kinahanglan ko na mag lakat langga, indi ako pwede maka pa tungang gab-i kay kung

hindi ako mag lakat, indi na ako makabalik sa amon, panumduma gid nga ikaw lang gid

ang akon palangga.” kag gin hatagan siya sang matam-is nga halok sa iya bibig kag nag

libog ang ulo ni Mariang Maganda.

indi niya mabaton nga malakat na ang iya palangga kay daw indi niya pag buy-an ang

kamot sang prinsipe. pilit man nga gina bawi sang prinsipe ang iya kamot galing indi niya

mahimo nga mabawi ini sa kamot sang prinsesa. sang ila pag butungay nabilin ang duha

ka utod nga kamot sang prinsipe. sa ka hadlok nag baliskad ang prinsesa kag nag kadto sa

malapit nga buho kag didto niya gin lubong ang makatingala nga kamot sang iya

palangga.

Nag balik liwat ang prinsesa sa kakahuyan pagkatapos sang pila ka adlaw nakita niya nga

may lain nga tanom nga nag tubo kung diin niya gin lubong ang mahiwagang kamot sang

prinsipe. malapad ang dahon sang tanom nga ato kag wala sang sanga. pagkatapos sang

pila ka adlaw, namulak ang tanom. adlaw adlaw ga balik ang prinsesa sa kakahuyan asta

nga ang bulak natubuan sang bunga. ang bunga sang ato nga tanom, daw kamot nga naga

panawag. ini ang labing una nga saging nga nakita.