Professional Documents
Culture Documents
Tecnoloxía 2º ESO. Criterios de Avaliación
Tecnoloxía 2º ESO. Criterios de Avaliación
Para avaliar a adquisición de coñecementos en cada avaliación teremos en conta os seguintes elementos:
Realizaranse unha ou varias probas escritas segundo materia que se denotaran coa clave E seguida
dun número que corresponde o orde do exame e un proxecto técnico ou prácticas que se denotará
coa clave PR. Exemplo: E1, E2,... PR.
As citadas probas corrixiranse nun prazo de dez días lectivos e incorporarase ó rexistro da
plataforma dentro do mesmo prazo.
Cada proba cualificarase e terá un peso na avaliación tal como se describe no apartado seguinte.
Os resultados das probas escritas serán visibles na plataforma.
Para recuperar unha avaliación terase en conta a realización das seguintes actividades:
Presentar os exercicios e as actividades do programa de reforzo.
Realizar un exame escrito baseado no programa de reforzo. Denotaranse coa letra R.
A citada proba corrixirase nun prazo de dez días lectivos e incorporarase ó rexistro da plataforma
dentro do mesmo prazo.
Os resultados das probas escritas serás visibles na plataforma.
Criterios para definir o abandono manifesto dunha materia por parte do alumno e as súas
consecuencias.
Considérase que hai abandono manifesto dunha materia cando se dea polo menos una das seguintes
circunstancias:
a) Número de faltas. Si ao longo do curso o alumno alcanza un número de faltas sen xustificar igual ou superior o 20% do
total de horas da materia en cada avaliación.
b) Falta de traballo e/ou actitudes contrarias ao normal desenvolvemento da clase, considérase cando dáse unha, polo
menos, das seguintes circunstancias:
- Cando nos períodos de avaliacións, constátese a non presentación a exames inxustificadamente ou a súa entrega
en branco.
- A non entrega sistemática de traballos ou tarefas mandadas polo profesor.
- Non traer o material habitual da materia de forma sistemática así como realizar sistematicamente actividades alleas
á materia e que perturben o normal desenvolvemento da a mesma no aula.
O abandono manifesto dunha materia, nunha avaliación ou en todas as avaliacións, supón ter que facer a
recuperación da mesma por avaliación ou a recuperación da materia completa.
Reserva dos criterios de avaliación e cualificación por realización de métodos academicamente non
axeitados
O obxectivo dos criterios de avaliación e cualificación é valorar o coñecemento na materia, polo que se se
observa de forma directa que unha proba oral, escrita ou práctica se realizou empregando o alumno métodos
academicamente non axeitados cualificarase esa proba coa nota mais baixa e se existen indicios a posteriori,
repetirase a proba oral, práctica, ou escrita no momento e co método de avaliación que estableza o profesor
e invalidarase a proba anterior.
ACTIVIDADES DE RECUPERACIÓN
No caso de suspender unha avaliación o alumno/a, para poder recuperala deberá realizar:
Os exercicios e as actividades do programa de reforzo valoraranse como “presentado”, “presentado
incompleto” ou “non presentado”. Será condición necesaria para realizar a proba escrita que a
cualificación sexa “presentado”.
Farase unha proba escrita e valorarase de 0 a 10.
No caso de suspender o curso na convocatoria ordinaria, para recuperar as materias na convocatoria
extraordinaria, o alumno deberá realizar:
Unha serie de traballos indicados polo profesor. (30% da nota final)
Un exame no día reservado para tal efecto sobre os contidos a recuperar. (70% da nota final).