PASAMBAAN

St.Mangkdudun:Ma nyo sutan parmato…

St.parmato :Lai Ambo

St.Mangkudun :Sungguah sutan surang di sabuik namo di bilang gala nan

aratinyo lah sarapek papek nyo di ateh rumah gadang nan baradaik
nangko,tampaik ambo mangarang sambah mangantakan salam diateh sambah
manyambah pendek sungguah pun pendek buek di kakok mangko jadi kato di
sabuik mangko dapek,di caliak karajo nan bapokok silang nan bapangka karakok
nan bajunjuang ayam nan baindu kayu nan bapangka kato nan bamulo.a nan
manjadi mulo pangka kato maka seperti galeh tarisi aia mintak di minum juadah
katangah mintak dimakan di parenai samo samo sarato siding karapatan itulah
sambah nan di sambahkan titah nan dipuhunan kabanaran mintak di palalu ka
sutan parmato

St.parmato :Alah sampai sutan mangkudun

St.mangkudun :Sakirolah sutan

St.parmato :St.mangkudun

St.mangkudun :Sampaikan Sutan

St.parmato :Sungguah ujuang taantak putiang tatikam bana taulak kabakeh

ambo ba diambo kini undang juo mangatokan lamak siriah lega carano lamak kato
lega mufakaik dek kito lai duduak duo jo tigo rapek jo ganok bana ambo elo
sakutiko mananti sutan jo pasambahan

St.mangkudun :mananti ambo