GUARANÍ

Kalaito Pombero
Ñasaindy iporâvéva pévagui ndaiporichéne. Aipo Jasyretâ mba'e ndapeichaichéne voi.
Mbatovípe ñaime ramo aĝuive voínte ñaime jasýgui. Tekoha ha'eñomi okañýva
Paraguái korapy yképe, pyhare mimbi porâme oguapýva opukavy, ojesareko ára
ru'âre, ha mbyja ijaguaravéva ojeitýva oñani yvagapýre oñandúvo ima'ê.
1. Haipyvópe ñe'ê he'isejojáva ñe'ê"okañýva” ndive
A) ndojehecháiva.
B) mombyrýva.
C) ojehecháva.
D) ojehechámava.
2. Ñe'ê he'iseavýva ñe'ê "opukavy" ndive
A) opuka rory.
B) opuka asyete.
C) opuka asymi.
D) opuka soro.

3. Mba'épa pe jehaipyre oikuaaukase omoñe'êvape,

A) Pyharekue osêha jasy Mbatovípe.
B) Mbatovi opukavyha pyhare jave.
C) Mbatovi ndaijojahái ha iporâha
D) Mbatovi oîha yvate jasýicha.

4. Mba'éicha javépa ikatu ojehecharamo pe haihára omombe'úva

A) Pyhare nasaindy jave. ·
B) Pyhare iñypytûve jave.
C) Mbyjápe jahechavove.
D) Ka'aguýpe ñaime jave.

5. Ñe'éjoaju "Mbatovípe ñaiméramo aĝuive vointe ñaime jasýguí" niko.

A) Oikóva.
B) Oimo'âva.
C) Oje'éva.
D) Omombe'úva.

6. Mba'épa oñandu haihára pe táva rehe

A) ohecharamo.
B) oja'oseterei.
C) ndohayhúi.
D) omotîseterei.

7. ''Ñasaindy iporãvéva"niko
A) teroja mba'éva.
B) teroja tekome'êva.
C) teroja techaukarâ.
D) teroja moteîva.

8. Ñe'ê "vointe' oguereko

A) pukôi.
B) pundiekôi.
C) pukôi'ỹ.
D) terarângue.

9. Mba'érehepa oñe'ê jehaipy.

A) Paraguái rehe.
B) Mbatovi rehe.
C) Ñasaindy rehe.
D) Jasyretã rehe.
EMBOHOVÁI HAĜUA PORANDU 10 GUIVE 13 MEVE, EMOÑE'ÊVA'ERÁ
JEHAIPYRE
Maiteípa che retâ

Hendypúvo ko´êtî Ára hovýre omimbi

guyrakuéra oñe´êmba kuarahy, jasy, mbyja
ha ipurahéipe he´i: hata rendýpe he´i:
Maiteípa che retâ. Maiteípa che retâ.

Ñakyrâ pe kokuerére Ha péicha maymaitei

oñatôirô imbaraka Joaite ndéve guarâ
ñahendu he´irô ndeve: Ipurahéipe he´i:
Maiteipa che retâ. Maiteipa che retâ.

Ha yvytu saraki Che jurúpe nandejái

Ogueru yvoty ryakuâ Ndaipóriko ndeichagua
he´i ndéve che retâ: Cherendúna Paraguái:
Maiteípa che retâ. Maiteípa che retâ.

10. Mboy ñe'êrysýi atýpa oguereko ñe'êpoty.

A) Mokôipa irundy.
B) Poteîpa irundy.
C) Poteî.
D) Pateî.

11. Mba'éichagua ñe'êpotýpa kóva.

A) Angapýpepua.
B) Ñembyasýpegua.
C) Py'aguasúpegua.
D) Mombe'urehegua.

12.Mba'érepa haihára omomaitei tetãrne.

A) Nombyasýigui.
B) Ndaijojaháigui.
C) Ndovy'áigui.
D) Nomoañetéigui

13. "Ñakyrâ pe kokuerére, oñatôivo imbaraka, ñahendu he'írô ndéve: Maiteípa che
retâ" niko:
A) mbojojáva.
B) mbo'aváva.
C) mbojoguáva.
D) mbotuicháva

EMBOHOVÁI HAĜUA PORANDU 14 GUIVE 22 MEVE, EMOÑE'ÊVA'ERÂ JEHAIPYRE

Rojas Silva Rekávo
(pehêngue)
Jaku'éke Paraguái oguahêmako la hora
jahamívo jaheka Rojas Silva retekue
ñavengáne katuete umi cobarde ojapóva
anichéne opuka guaikuru ñande rehe.

Taheja che ru, che sy, taheja opa ahejáva

ko che patria rayhupápe tamano jepe cheave
kóicha oiramo en peligro seriamente amenazada
aípota voi cherenói aservi haĝua ichupe.

Naiporâi esa amenaza, sapukái en la frontera

.. umi cobarde asesino guaikurúpe heropy
Jaipysókatu en el Chaco Tricolor ñane bandera
ha iguýpe jaje'oipa umi intruso ñamyendy. Emiliano R. Fernández
14. Moôpa oiko umi mba'e he'íva haihára
A) ogapýpe
B) frontérape
C) Chácope
D) oimehápe

15. Ko moñe'érâ niko

A) Mombe'ugua'u.
B) Ñe'êpoty.
C) Mombe'urâ.
D) Mombe'upy.

16. "Taheja che ru, che sy, taheja opa ahejáva', ko ñe'êjojúpe ojeipuru ñe'ê
temiandu
A) mbojojáva.
B) mbojoguáva.
C) je'e jeýva.
D) mbo'aváva.
17. Ñe'êpoty remoñe'êva'ekue ojehai
A) ñe'êrysýipe.
B) haipyvópe.
C) ñomongetápe.
D) ñe'éjoajúpe.

18. Haihára ojerure hembiapo rupive.

A) Ohejareínte haĝua paraguaigua oikova'ekue Rojas Silva rehe.
B) Ojagarra haĝua hikuái opaite ñande ypykuérape oîva Chácope.
C) Oñemongu'e haĝua paraguaigua ani ohejarei Rojas Silva jejuka.
D) Ojehejánte haĝua guaikurukuéra topuka paraguaigua rehe.

19. Máva rehe oñe'ê he'ívo ''guaikurúpe heropy"

A) paraguaigua rehe.
B) bolikuéra rehe.
C) Rojas Silva rehe.
D) maymáva rehe.

20. “Jaipyso katu en el Chaco Tricolor ñane bandera”; ñe’ê temiandu ojeipurúva ko´ápe
niko:
A) jahecháva
B) ñañandúva
C) ñahendúva
D) ñahetûva

21. Ñe´ê temiandu ojeiporúva ko´ápe “Ko che patria rayhupápe tamano jepe
cheave”, niko
A) mbo´aváva
B) jahecháva
C) mbotuicháva
D) mbojoguáva

22. “Rojas Silva-pe ojuka guaikurukuéra”, péva ha´e peteî mba´e

A) oñemokañýva
B) oje´énteva
C) oñeimo´âva
D) oikova´ekue.

EMBOHOVÁI HAĜUA PORANDU 23 GUIVE 29 MEVE, EMOÑE'ÊVA'ERÂ

JEHAIPYRE
 Yrendy
Yma ndaje Parana rembe'y pukukuére, ka'aguy ypytûme, hysyiva'ekue ñande
ypykuéra. Upe rupi jeko ha'ekuéra oikova'ekue sâso vy'a ha teko porâme.
Ndaiporiva'ekue mba'eve oipy'apýva chupekuéra.
Upéinte iñambue chuguikuéra ko'ê. Ára jajái pa'ûgui ojepo'o mba'e apu'a rendy
tarovápe oúva oúvo yvy gotyo.
Avakuéra tuichaite py'andýi reheve oîhaguéicha osêmba oma'ê hese. Itarendy oúva
yvágagui ojejoso yvýre, ombojuru tuicha ha oñotŷ ipype hetaite ñande ypykuéra.
Pe yvy juru henyhê ýgui, opupúva, otimbóva ha oheja pytûmbýpe ijere heta ára. Peteî
ko'ême osêvo kuarahy ha'ete ku tatarendy opoñýva y rova ári. Upévare ndajeko ava
guaranikuéra ohenoiraka'e yno'ô guasu opytava'ekue, Yrendy.
Félix de Guarania

23. Eiporavo porâ ñe'êjoaju ñemboja'o ha ehechakuaa mávapa ha'e teroñe'ê ko

ñe'êjoajúpe
"Avakuéra tuichaite py'andýi reheve oîhaguéicha osêmba"
A) Avakuéra tuichaite.
B) Avakuéra.
C) Py'andýi.
D) Avakuéra osêmba.

24. Mávapa ko'â serie apytépe omombe'u mba'eichaitépa oikova'ekue ñande

ypykuéra yma.
A) sâsome - py'andýime - pynandi
B) tîndyme - teko asýpe - vy'a'ŷme
C) sâsome - py'apýpe - teko porâme
O) sâsome - py'apy'ŷme - teko porâme

25. Mba'épa oñandu guaranikuéra ohechávo ára jajái pa'ûgui ojepo'o mba'e apu'a
rendy oúva yvy gotyo
A) kyhyje.
B) py'aguapy.
C) vy'a'ŷ.
D) sâso.

26. Félix de Guarania rembiapo ha'e peteî moñe'êrâ

A) Morangu.
B) Marandu.
C) Mombe'upy.
D) Mombe'ugua'u.

27. Haipyvo peteîha kuaarapoite.

A) Ñande ypykuéra oiko sâso, vy'a ha teko porâme.
B) Ñande ypykuéragui iñambue hekove.
C) Jeiko asýpe Parana pukukue javeve.
D) Yrendy ndaje kuri oiko ka'aguy mbytére.

28. Moñe'êrâ kuaarapoite niko.

A) Ypykuéra jeiko sâsome.
B) Yno'ô hérava Yrendy ñepyrûmby.
C) Jeiko Parana rembe'ýpe.
D) Mba'e apu'a ho'áva yvatégui.
29. Mba'eichaitépa oñemohenda moñe'êrâ Yrendy
a- Ita rendy ho'a yvágagui.
b- Ñande ypykuéra oikova'ekue Parana rembe'ýre.
c- Ha'ete tatarendy opoñýva y rova ári.
d- Ndoipy'apýi chupekuéra mba'eve.

A) d-c-b-a
B) c-a-d-b
C) b-a-d-c
D) b-d-a-c

EMOÑE'Ê ÑE'ÊJOAJU HA UPÉI EJAPO TEMBIAPORÂ 30 HA 31

"Umi kavaju morotî oñani ñúre".
30. Teroñe'ê je'e niko
A) kavaju.
B) oñani.
C) oñani ñúre.
D) morotî.

31. Teroñe'ê je'etéva niko

A) oñani.
8) ñúre.
C) morotî.
D) umi kavaju.

EMBOHOVÁI HAĜUA PORANDU 32 GUIVE 40 PEVE, TEKOTEVÊ

EMOÑE'Ê PORÂ TEÎ TEÎ UMI TEMBIAPORÂ

32. Ñe'ejoaju OJEHAIVAÍVA

A) Umi guyra ovevejoa.
B) Mitânguéra oho jeýma mbo'ehaópe.
C) Kuña kuéra omba'apo ogape.
D) Kavaju morotî oñani ñúre.

33. Ñe'êjoaju oguerekóva ñe´êndýi ohechaukáva vy´a

A) Pipu!, he'i oúvo mitârusu ohendúvo ñande purahéi.
B) Néike ne mitâ eike nde rógape.
C) Chéke ou nde sy.
D) Pya'e eike kotýpe, ekañy chugui.

34. "ljayvu ha opurahéi hikuái', niko

A) Ñe'ejoajuháva joajuhaite.
B) Ñe'ejoajuha avyha.
C) Ñe'ejoajuha ombohovakéva.
D) Ñe'ejoajueta ojoykereguáva.

35. "Riko opuka, mboriahu hasêma" niko peteî

A) Mbojoavýva.
B) Ñahendúva.
C) Mbo'aváva.
D) Je'e jeýva.

36. Mba'eichagua ñe'êjoajúpa kóva "lkatu aha upe rire"

A) Omoneîva.
B) Omo'âva.
C) Ombotovéva.
D) Oporandúva.
37. Mba'e ñe'ê temiandúpa ejuhu ko ñe'êjoajúpe "Ñande poyvi joguaha"
A) Mbojoguáva.
B) Mbotuicháva.
C) Mbojojáva.
D) Mbo'aváva.

38. Mba'éichagua ñe'êjoajuhápa ogueraha ko ñe'êjoaju "Oiko porâ hikuái

jepéramo, imboriahu".
A) Ombojovakéva.
B) Oiporavóva.
C) Mba'ereguáva.
D)Tendáva.

39. Mba´éichagua ñe´êtejápa oî ñe´êjoajúpe.

“María oguata mbegue, péichante ohórô, hasyvéta oĝuahê”
A) Tendaguáva.
B) Tekoguáva.
C) Araguáva.
D) Papyguáva.

40. Ñe'êrysýi ojehaíva hekopete

A) mbarakaja - so'o - ype
B) mbarakajá - so'o - ype
C) mbarakaja - so'o - ypé
D) mbarakaja - so'ó - ype
 Prueba Guaraní
ITEM CLAVE PUNTAJE
1 A 1
2 C 1
3 D 2
4 B 2
5 B 2
6 D 3
7 C 1
8 A 1
9 A 2
10 D 1
11 C 2
12 C 2
13 A 2
14 B 2
15 C 1
16 A 2
17 B 2
18 A 3
19 C 1
20 B 2
21 C 2
22 B 3
23 C 1
24 D 2
25 A 3
26 C 1
27 A 2
28 C 2
29 A 3
30 D 3
31 D 3
32 A 1
33 C 2
34 B 3
35 B 2
36 A 3
37 B 2
38 C 3
39 A 2
40 C 2