ACARA PARTANGIANGAN ULANG TAHUN KE-25 KOOR AMA BETHESDA HKBP SIGUMBANG

RABU, 28 JULI 2021

1. Joujou tu Parsaoran dohot Debata

U:  Horas ma di hita saluhutna. Hamuna angka dongan na hinaholongan, tama do hita mandok mauliate tu Debata Pardengganbasa i, ala
sude asi ni rohaNa na mangiringiring hita ganup marsadasada, gabe tarbahen hita marlas ni roha marsaor marpungu marlas ni roha naung
25 taon Koor Ama Bethesda HKBP Sigumbang. Ragam do angka naung binolus ni punguan on, sian mulai parjongjongna sahat tu sadari
on. Sian angka pengalaman i ma, naeng lam marsitutu pataridahon hasadaon ni roha ni sude anggota punguan laho pabalgahon Goar ni
Tuhanta marhite jamita parendeon di tonga ni huria, asa sude na umbegesa taruli pasupasu dohot las ni roha. Jesus Raja ni huria i, i ma
na tongtong manogunogu punguan on, asa mardalan tongtong hombar tu lomo ni rohaNa, marende ma hita!

2. Marende BE.No.9: 1-2 Hupuji holong ni rohaMu

               
1.   Hupuji holong ni rohaMu o Tuhan Jesus Rajangki 2.    Sai dilului Ho do ahu, au pe huhalungunhon Ho
                Tu Ho hulehon ma tondingku ai i do pinangidoMi Ditaiti rohaMi rohangku, dibahen i hulehon do
                Huhalupahon ma diringku mamingkir holong ni rohaMu Dipillit Ho hian tondingku, i pe hutodo Ho Tuhanku

3. Votum – Tangiang       (U=Uluan              P=Punguan)

U:  Marhitehite Goar ni Debata Ama dohot Goar ni AnakNa Tuhan Yesus Kristus dohot Goar ni Tondi Parbadia na tumompa langit  dohot tano
on. Amen. Puji ma Jahowa, ale tondingku, jala nasa rohangku di bagasan mamuji goarNa na Badia i.

P:   Puji ma Jahowa, ale tondingku, jala unang tung halupahon denggan ni basaNa sudena.

U:  Ibana do manesa dosam sudena, Ibana pamalum angka sahitmu sudena.

P:   Ibana paluahon ngolum sian hamagoan, Ibana martumpalhon tu ho denggan basa dohot asi ni roha.

U:  Parasi roha jala pardengganbasa do Jahowa, lambat tarrimas jala parasi roha godang.

P:   Songon asi ni roha ni amana tu angka anakna asi ni roha ni Jahowa di angka na mangkabiari Ibana.

U.  Martangiang ma hita! Ale Jahowa Debata Amanami, mauliate ma rohanami tu Ho ala di ramoti Ho do ngolunami sian tingki na salpu sahat
ro di sadari on. Na pungu do hami dison ruas ni huriaM Parende Koor Ama Bethesda mandok mauliate tu Ho siala denggan basaM na
mangiringiring hami lumobi ma punguan on naung mardalan 25 taon marhobasi di tongatonga ni huriaM marhite angka parendeon. Asi ma
rohaM, pasupasu ma saluhut ruas ni punguan on, lehon dos ni roha, asa marsada roha mangihuthon punguan on gabe jumpang ma
parendeon na lam tu dengganna na gabe pujipujian dohot jamita di tongatonga ni huriaM jala tau hasangapon di goarMu na Badia i.
Tangihon ma tangiangnami on di bagasan Jesus  Kristus Tuhannami. Amen.

4.  Koor Ama Bethesda

5.  Marende BE. No.361: 1  Na denggan situtu do

1. Na denggan situtu do mamuji Debata

Jahowa na tumimbo, na sai tongtong basa
Denggan do paboahon, manogot asiMi
Bodari mangendehon, burjuM nang sintongMi

6. Tangiang Pangondian

7.  Marende BE. No.15: 1  Aut na saribu hali ganda

  
1.   Aut na saribu hali ganda saringar ni soarangki
Naeng nasa gogo bahenonku mamuji Debatanta i
Paboa las ni rohangki hinorhon ni pambaenna i

08. J a m i t a

09. Marende SDJ. No.691: 1… Hupasahat ma tu Jesus  (Papungu pelean)

               
1.       Hupasahat ma tu Jesus saluhutna ngolungki, 2.       Pangkeonku ma tanganku, mangula lomoNa i,
Roha nang pambaenanku saluhutna tingkingki Langka nang simanjojakku mangihuthon Tuhanki.
Hupasahat ma tu Jesus saluhutna diringki, Hupasahat ma tu Jesus saluhutna diringki,
Hupasahat ma tu Jesus saluhutna ngolungki. Hupasahat ma tu Jesus saluhutna ngolungki.

10. Tangiang Panutup - Ale Amanami - Pasupasu