Iba't Ibang Pag-aaral sa mga Anyo ng Di-
Berbal na Komunikasyon
1. Kinesika (Kinesics)
Ito ang pag-aaral ng kilos at galaw ng katawan.
Hindi man tayo bumigkas ng salita,
pamamagitan ng pagkilos ay maipararating
natin ang mensaheng nais nating ipahatid.
Kapag ang isang tao ay inilagay nang patayo
ang kanyang hintuturong daliri sa kanyang labi,
alam nating ang ibig sabihin nito ay tumahimik.
Kadalasan din nating ginagamit ang mga
kumpas.
 Ekspresyon ng mukha (Pictics)
Ito ang pag-aaral sa ekspresyon ng mukha
upang maunawaan ang mensahe ng
tagapaghatid. Sa paghahatid ng mensaheng di-
berbal, hindi maipagwawalang- bahala ang
ekspresyon ng mukha. Ang ekspresyon ng
mukha, kadalasan, ay nagpapakita ng emosyon
kahit hindi man ito sinasabi. Sa ekpresyon ng
mukha ay mahihinuha natin ang nararamdaman
ng isang tao, kung ito ay masaya, malungkot,
galit, o natatakot.
 Galaw ng mata (Oculesics)
- Ito ay pag-aaral ng galaw ng mata. Nakikita sa
galaw ng ating mga mata ang nararamdaman
natin. Sinasabing ang mata ang durungawan ng
ating kaluluwa; nangungusap ito. Ipinababatid
ng ating mga mata ang mga damdaming
nararamdaman natin kahit hindi natin ito
sinasalita.
2. Proksemika (Proxemics)
Ito ay pag-aaral ng komunikatibong gamit ng
espasyo, isang katawagang binuo ni Edward T.
Hall (1963). Ito ay tumutukoy sa layo ng
kausap sa kinakausap. Sinasabing may
kahulugan ang espasyong namamagitan sa
magkausap.
 Intimate - makikita na ang magkausap
ay may distansyang 0 hanggang 1.5 feet
sa kanilang pagitan
 Personal - makikita na ang mag-kausap
ay may distansyang 1.5 hanggang 4 feet
sa pagitan nila
 Social Distance - kapag ang magkausap
ay may distansya na 4 hanggang 12 feet
ang pagitan
 Public - kapag ang magkausap ay may
distansya na 12 feet, karaniwang
makikita ito sa mga nagtatalumpati.
 Chronemics –
Ito ay pag-aaral na tumutukoy kung paanong
ang oras ay nakaaapekto komunikasyon. Ang
paggamit ng oras ay maaaring kaakibat ng
mensaheng nais iparating. Ang pagdating ng
maaga sa isang job interview ay
nangangahulugang may disiplina ang aplikante
at interesado siya sa ina- aplayan.
Ito rin ay tumutukoy sa oras kung saan
maaaring pormal gaya ng isinasaad ng relo o
impormal ma karaniwang nakadikit sa
terminong "ngayon na", "sa lalong madaling
panahon" at "mamaya na".
3. Pandama o Paghawak (Haptics)
Ito ay pag-aaral sa mga paghawak o pandama
na naghahatid ng mensahe. Itinuturing na isa sa
pinakaunang anyo ng ng komunikasyon. Ang
pagtapik sa balikat, ang paghablot, pagkamay, o
pagpisil, ito ay mga paraan upang mapabatid
ang isang mensahe.
4. Paralanguage
Ito ay ang pag-aaral ng di-lingwistikong tunog
na may kaugnayan sa pagsasalita, tono ng tinig
at kalidad at bilis ng pagsasalita. Kasama rito
ang pagsutsot, buntong- hininga, at iba pang di-
lingwistikong paraan upang maipahatid ang
mensahe.
5. Katahimikan o Kawalang Kibo
Lubhang makahulugan na karaniwang
ginagawa upang mag-isip at paghandaan ang
sasabihin, o dili kaya ay magparating ng tampo
o sama ng loob
6. Kapaligiran
Tumutukoy sa pinagdausan ng pakikipag-usap
at ng kaayusan nito. Mahihinuha ang intensiyon
ng kausap batay sa kung saang lugar niya nais
makipag-usap.
KAKAYAHANG KOMUNIKATIBO NG
MGA PILIPINO-KAKAYAHANG
DISKORSAL
Diskurso - pag-uusap at palitan ng kuro
Kakayahang diskorsal
- tumutukoy sa kakayahang umunawa at
makapagpahayag sa isang tiyak na wika
-tumutukoy sa kakayahang mabigyan ng
wastong interpretasyon ang napakinggang
pangungusap/ pahayag upang makabuo ng
isang makabuluhang kahulugan.
DALAWANG URI NG KAKAYAHANG
DISKORSAL
Kakayahang tekstuwal
tumutukoy sa kahusayan ng isang indibidwal sa
pagbasa at pag-unawa ng ibat-ibang teksto gaya
ng mga akdang pampanitikan, gabay
instruksiyonal atbp...
Kakayahang retorikal
tumutukoy sa kahusayan ng isang indibidwal
makibahagi sa kumbersasyon, kakayahang
unawain ang iba't ibang tagapagsalita at
makapagbigay ng mga pananaw o opinyon.
Dalawang batayang panuntunan sa
Pakikipagtalastasan – Grice
 Pagkilala sa pagpapalitan ng pahayag
 Pakikiisa (na kinapapalooban ng
kantidad, kalidad, relasyon at paraan ng
kumbersasyon)
Sa pagtamo ng mataas na kakayahang diskorsal,
mahalagang sangkap sa paglikha ng mga
pahayag ang kaugnayan, at kaisahan.
Ang kaugnayan ay tumutukoy sa kung
paanong napagdidikit ang kahulugan ng mga
pangungusap o pahayag sa paraang pasalita o
pasulat.
A: Ang kalat naman dito!
B: Aayusin ko lang ang mga libro.
Tumutukoy ang kaisahan sa kung paano
napagdidikit ang dalawang ideya sa
lingguwistikong paraan. Nakapaloob dito ang
paggamit ng mga panghalip bilang panghalili sa
mga natukoy na sa simula na pahayag at
pagdaragdag ng maari ding pagtambalin ang
mga payak na pangungusap o sugnay.
Pagpapahaba ng Pangungusap
1. Pagpapahaba sa pamamagitan ng kataga
- napahahaba ang pangungusap sa pamamagitan
ng mga katagang gaya ng pa, ba, naman, nga,
pala at iba pa
Halimbawa:
May ulam.
May ulam ba?
May ulam pa.
May ulam pa ba?
May ulam pa nga pala.
May ulam naman pala.
2. Pagpapahaba sa pamamagitan ng
panuring
- napahahaba ang pangungusap sa tulong ng
mga panuring na na at ng.
Halimbawa:
Siya ay anak.
Siya ay anak na babae.
Siya ay anak na bunsong babae.
3. Pagpapahaba sa pamamagitan ng
komplemento
- napahahaba ang pangungusap sa pamamagitan
ng komplemento o ang bahagi ng panaguri na
nagbibigay ng kahulugan sa pandiwa. Ang iba't
ibang uri ng komplemento ng pandiwa ay
tagaganap, tagatanggap, ganapan, dahilan o
sanhi, layon at kagamitan.
a. Komplementong tagaganap - isinasaad ang
gumagawa ng kilos. Pinangungunahan ng
panandang ng, ni at panghalip.
Halimbawa:
Ibinalot ni Jay ang mga tirang pagkain.
Ibinalot niya ang mga tirang pagkain.
Ibinalot ng kaniyang kaibigan ang mga tirang
pagkain.
b. Komplementong tagatanggap - isinasaad
kung sino ang nakikinabang sa kilos.
Pinapangunahan ng mga pang-ukol na para sa,
para kay, at para kina.
Halimbawa:
Naghanda ng regalo si Thea para sa kaniyang
kapatid.
Bumili ng laruan si Bryan para kay Jave.
Nagpaluto ng pansit si Will para kina Eugene
at Eliyah.
c. Komplementong ganapan - isinasaad ang
pinangyarihan ng kilos.
Pinapangunahan ng panandang sa at mga
panghalili nito.
Halimbawa:
Namalagi sila sa evacuation area.
Namalagi sila rito.
Namalagi sila roon.
d. Komplementong sanhi - isinasaad ang
dahilan ng pangyayari o ng kilos.
Pinapangunahan ng panandang dahil sa o kay
at mga panghalili nito.
Halimbawa:
Nabaon sa utang si Delia dahil sa
pagkakakulong sa sugal.
Dahil kay Alvin, naparusahan si Michelle.
e. Komplementong layon - isinasaad ang
bagay na ipinahahayag ng pandiwa.
Pinapangunahan ng panandang ng.
Halimbawa:
Regular na umiinom ng gamot ang aking lola.
Naglalako ng turon si Aling Pising tuwing
hapon.
f. Komplementong kagamitan - isinasaad ang
instrumentong ginamit upang maisakatuparan
ang kilos. Pinangungunahan ng pariralang sa
pamamagitan ng at mga panghalili nito.
Halimbawa:
Sa pamamagitan ng internet, napapabilis ang
pagkuha ng impormasyon.
Magkakasundo lamang sila sa pamamagitan
mo.
4. Pagpapahaba sa pamamagitan ng
pagtatambal
- napagtatambal ang dalawang payak na
pangungusap sa pamamagitan ng mga
pangatnig na at ngunit, datapwat, subalit,
saka, at iba pa. Ang mabubuong pangungusap
ay tinatawag na tambalang pangungusap.
Halimbawa:
Nagtatrabaho sa pabrika ang kanyang tatay at
nagtitinda sa palengke ang kaniyang nanay.
Matagal siyang mag-aral ng aralin subalit tiyak
naming matataas ang kaniyang marka sa mga
pagsusulit.