BAHAN SERMON MINGGU HKBP RESORT PANEI TONGAH

EV. NEHEMIA 5 : 1 – 3 (MINGGU XVIII DUNG TRINITAS)

TOPIK : DISARIHON DEBATA DO GANUP NA MARUNGKU

I. PATUJOLO
Ditingki ulaon panjongjonghon dinding huta Jerusalem dipatupa, lam tangkas tarida godang halak Jahudi na
mangolu di bagasan hapogosan laho manggohi angka na ringkot taringot tu sipanganon nang sinumon, nasida
ingkon manggadehon angka tano dohot manggadis angka ianakkon nasida laho gabe hatoban. Angka na masa I,
pahehe rohana manghilala sian si Negemia, songon sahalak na tinongos ni Debata ibana to bangso Israel jala
songon hasintongan di tongatonga ni masa tu bangsa Israel. Dibalashon si Nehemia do parsuru ni Raja
Artahsasta laho mangoluhon bangsa Israel mulak sian tano Babel, lumobi mangoluhon bangso Israel paulihon
parik ni Jerusalem. Hape marsak roha ni si Nehemia umbege barita na so mardalan pambangunan i, sian angka
partogi, sian Samaria di hamumulak ni halak Juda i tu Jerusalem. Dung marhuta nasida di Jerusalem sai tong
dope nasida mangadopi boban na mansai borat paulihon bagas joro dohot parik ni Jerusalem. Mardapotdapot i
dibolus nasida sian halak Samaria dohot angka humallang, halak Jahudi nang sian halak Jahudi
sandiri(hahaannginasida). Alai nang pe songon i diboto Debata do anggukangguk nasida i. mansahon huaso ni
Debata do si Nehemia barani si Nehemia gabe mariaria nasida mamuji Debata.
II. HATORANG TEKS
Adong ma dua poin na ringkot sian hatorangan turpuk on, ima
Mangangguk badar dompak hahangginasida. Ndang diharinggotkon mangalului ngolu siapari, asa hatop
sidung pambangunan bagas joro i. Ala so adong sipanganon dohot haroroan ni siapari lam marpogos ma halak
Israel i. Mangida hapogosan na torop I, diela angka partogi dohot angka na mora bangso i marsali eme, ase
mangan jala mangolu nasida. Deba sian pasalihpn i. Na deba mangido tano ni na marsali i gabe jaminan ni eme,
hepeng na sinali i. adong sian na parsalihon eme, hepeng i mambahen bunga na torbang. Lam hansit ma sitaon
angka na torop, ai angkup ni ma manarihon sipanganon, pikiranna dope manggarar pajak, na torbang tu
harajaon ni Persia. Jala dumokdok sian i, deba sian nasida manggadis sisolhotna sandiri. Ido Alana umbahen na
didok di ayat 1 on pola mangangguk badar ma situan na torop i ro di jolma nasida dompak hahaangginasida
halak Jahudi. Sada gambaran tarringot tu habot ni roha situtu. Boasa didok dompak hahaangina, ai sasitongna
sama nasida do na ingkon mardos ni roha alai baliksa sesama nasida do na mansegani donganna. Rade do
panurirang ni si Nehemia hombar tu anggukangguk ni bangso i.
Rima ni si Nehemia tu angka na sangap dohot angka induk. Pola muruk, tarrimas situtu si Nehemia umbege
barita i (ay.6) gabe laho ma ibana tu angka na sangap dohot angka induk (ay.7) gabe ungkap ma rohana
mangodihon sidea, ai nunga tung posi pamabahenan ni angka halak na sangap dohot angka induk i. Parjolo
nunga manjalo bunga ni hepeng hamu hape ganup sian haanggita,hape na marhahanggi do nasida, gabe dietong
nasida halak dagang hahanggina i. Paduahon, nunga pola hita manobus hahaanggita halak Jahudi tu halak
parbegu, dohot hamu naeng manggadis hahaanggimuna i, laos manggadis tu hita tahe? (ay.8) hape nuaeng
ndang dietong nasida halak Juda i hahanggina. Patoluhon, ndang denggan pambahenanmuna i , ndang ingkon
marhabiaran tu Debata. Hita nian tama marparange ala ni panginsahion ni halak parbegi musunta I (ay.9) diajak
si Nehemia na sangap dohot angka induk I marhamubaon ni roha. Gariada tahe dipaboa si Nehemia paboa ibana
dohot “hahaanggina” nang naposona pasallihon nasida perak dohot eme. Ujungna disadari angka halak na
sangap dohot angka induk i do naung maralo do na binahen nasida i tu halak Jahudi hahanggina i, gabe dipaulak
nasida tano dohot bagas, songon i nang bunga ni hepeng maung jinalo nasida hian. Tung dialusi Debata do
tangiang ni si Nehemia hombar tu anggukangguk ni bangso i.

III. PANIMPULI
Dipaluhut si Nehemia bangso Israel, lumobi angka partogi na pasalihon hepeng i, laho pangihothon nasida
asa diulahon lomo ni roha tu Debata. Lomo ni roha nio Debata asa marsiurupan, nunga tibu dipodahon tu
bangso Israel marhita sipaingot ni si Nehemia i, gabe tauli pangurupion na torop, na pogos, na marsitaonon i.
Pangoppohon ni si Nehemia tu angla na nirupa gabe sada tiruar do i tu hita, manungguli hita angka siihuthon
Debata ingkon taparrohahon do angka na masa tu halak na di humaliangta jala ingkin barani di hita
manuarahon hasintongan dohot hatigoran. Songon na binahen ni Jesus di bagasan panghobasionNa na tontong
pataridahon pangurupihon dohot panghophopoona tu angka na gale songon i nang tung anka na so margogo
tarida do i marhita na rade Jesus mannghophop hita jolma marhite hosanna sian n