PRAYER SERVICE FOR THE DEAD

Introduction:
Karun atong daygon ug himaya-on ang Ginoo ug Amahan ni Hesukristo, ug Amahan sa kalooy ug sa tanang
kahupayan. Siya ang maghuhupay kanatung tanan diha sa atung mga kasakitan ug kagul-anan, ug ingon man
nagahatag kanatug katakus usab sa mga kagul-anan niadtung mga anaa sa kasub-anan.
Busa mga igsoon ko diha ni Kristo, ani-a kita karun nagkatigum alang sa paghalad ug mga pag-ampo,
pagpasidungog/pagpasalamat ug pagtahud kang Christian Pat ug pagpanamilit kaniya nga miuna na kanato diha
sa pagpakigtagbo sa atung Langitnong Amahan nga mao ang tinuud nga tag-iya sa atong kinabuhi.
Maghiusa kita diha sa atung pag-awit sa pasiunang awit. Ang Panginoon ang Aking Pastol

Unang Pag-ampo/Opening Prayer

Mag-ampo kita: Amahan, among gisalig nganha kanimo si Christian Pat diha sa imong gugma ug kalooy.
Gihigugma mo siya pag-ayo niining kinabuhia. Karun na nakalingkawas na siya sa tanang mga kakuli-an
niining kinabuhi-a, ihatag kaniya ang walay katapusang kalipay ug kalinaw. Natapos na ang daang kinabuhi,
busa dawata siya diha sa imong Paraiso diin wala nay kagul-anan, paghilak ug kasakit, kon dili lunlon sa
kalipay ug kalinaw kauban ni Hesukristo Imong Anak ug sa Espiritu Santo hangtud sa kahangturan. Amen.
(P): Karun maminaw kita sa PULONG SA GINOO arun masabtan natu ang kahulugan sa kinabuhi ug
kamatayun diha sa atung pagtuo ug sa mga mata sa Ginoo. Atung hinumduman nga ang pulong sa Ginoo may
gahum sap ag-ayu, paghupay pagbag-o ug paghatag ug kahayag. Pagkahuman sa pagbasa, manghilum kita sa
makadyot ug mamalandung sa mga pulong nga atung madungog.

1st reading: Wisdom 3: 1-6

ANG UNANG PAGBASA KINUTLO GIKAN SA BASAHON SA KAALAM NI SOLOMON
Apan ang matarong nga mga tao panalipdan sa Dios ug dili gayod mag antos sa kasakit. Sa mga mata sa buang
buang, daw patay na sila ug ang ilang kamatayon giisip nga usa ka kasakit ug ang ilang pagbiya kanato mao ang
ilang pagkapukan. Apan sa pagkatinuod, ang matarong anaa hinuon sa kalinaw. Daw nag-antos sila sa silot apan
naghupot diay sila sa masaligong paglaum sa pagkawalay kamatayon. Ang ilang mga giantos gamay ra kon
itandi sa mga kabulahanan nga ilang pagadawaton. Ang Dios nagsulay kanila sama sa bulawan diha sa usa ka
mainit nga kalayo ug nakaplagan sila nga angay sa pagpakig-uban kaniya. Gidawat niya sila sa sa iyahang
pagdawat sa mga halad nga sunogon didto sa altar sa mga nagsimba kaniya.
ANG PULONG SA GINOO

(P) PAMALANDONG (Reflection): Mamalandung kita sa makadyut arun pamalandungan ang mga pulong nga
atung nadungog, arun ang Diyos makig-istorya kanatu diha sa atung mga kasingkasing sa tanang mga paagi.
(P) Ug karun manindog kita ug awiton ang “Ang mga Pulong Mo”

Gospel Acclamation: Ang mga Pulong Mo

Gospel Reading: Juan 14: 1-6
ANG PAGBASA SA SANTOS NGA EBANGHELYO SUMALA NI ______
Ug miingon kanila si Jesus, “Ayaw kamog kaguol. Salig kamo sa Dios ug salig usab kanako. Sa balay sa akong
Amahan adunay daghang lawak ug moadto ako aron pag-andam ug dapit alang kaninyo. Kon dili pa kini
tinuod, dili ko unta kamo sultihan niini. Ug kon atua na ako didto ug makaandam nag dapit alang kaninyo,
mobalik ako ug kuhaon ko kamo aron bisag asa ako, atua usab kamo.Nahibalo kamo sa dalan paingon sa dapit
nga akong adtuan.” Apan si Tomas miingon kaniya, “Ginoo, wala kami mahibalo kon asa ka paingon busa
unsaon man namo pagkatultol sa dalan?” Si Jesus mitubag, “Ako ang dalan, ang kamatuoran ug ang kinabuhi,
walay makaadto sa Amahan kon dili moagi kanako.
ANG EBANGHELYO SA GINOO

Recalling Memories:
(P): Niining bahina, maminaw kita ug mga mopadayag sa iyang mga maanindot nga handumanan kang Sir
Christian Pat sa dinhi pa siya sa kalibutan, ug ingon man pagpasalamat usab kaniya.

Sharing/Pasalamat
Intercessory Prayers:
(P) O Diyos ug makagagahum ga Amahan, imong gibanhaw gikan sa kamatayon ang imong anak nga si Hesus.
Sa dakong pagsalig nasayod kami nga Imo usab nga banhawon ang tanang nagamatay. Sa matag pangamuyo
kita moingon: Ginoo dungga ang imong katawhan
I: Diha sa bunyag, ang among igsuon nga si Christian Pat namatay diha sa sala ug natawo pag-usab diha sa bag-
ong kinabuhi nga walay katapusan diha sa nabanhaw nga Kristo. Hinaut nga ang imong walay kinutubang
gugma maghatag kaniya ug kahiusahan diha sa imong mga Santos sa langit. Mag-ampo kita sa Ginoo….
II: Diha sa Eukaristiya, nadawat ni Christian Pat ang lawas ug dugo ni Kristo ug nahiusa siya kang Kristo.
Madawat unta niya ang gisaad nga kaluwasan ug hingpit nga kahiusahan diha ni Kristo karon nga mitaliwan na
siya gikan niining kinabuhia. Mag-ampo kita sa Ginoo….
III: Ginoo nasayod kami nga imo na siyang gipasaylo sa tanan niyang mga kasaypanan. Hinaut unta nga
pasudlon nimo siya diha sa imong gitagana nga gingharian. Mag-ampo kita sa Ginoo….
IV: Nag-ampo usab kami alang sa tanang nangamatay, ug nagalaum kami nga silang tanan mabanhaw ug
makabaton sa kinabuhing dayon. Mag-ampo kita sa Ginoo….
V: Langitnong Amahan, nangamuyo kami alang sa tanang mga miyembro sa pamilya ni Christian Pat ug sa
iyang mga paryente, ihatag kanila ang dugang kalig-on sa ilang pagtuo ug kahupayan sa ilang kagul-anan, ug
madawat nila nga ang ilang mahal sa kinabuhi karun nakatagamtam na sa kalipayong dayun kauban ang Ginoo.
Mag-ampo kita sa Ginoo….

(P) Ginoong Hesukristo, among manluluwas, imong gidawat nga kinasingkasing ang kamatayon arun
pinaagi sa imong kamatayon, ang anang katawhan maluwas sa sala ug makabaton sa kinabuhing walay
katapusan. Paminawa ang among mga pag-ampo ug sud-unga kami nga puno sa gugma, nga nanagsubo ug
naghalad ug mga pag-ampo alang kang Christian Pat.
Alang kanamo nga nagtuo kanimo, ang kamatayon dili mao ang katapusan, kondili, sinugdanan lamang sa bag-
ong kinabuhi.
Malipayon kami diha sa pagtuo nga siya karun malipayon na usab kaayo uban kanimo diha sa himaya sa Imong
Amahan, kauban ang Espiritu Santo hangtud sa kahangturan. Amen.

(P) Ug karun atung awiton ang pag -ampo nga Amahan Namo…..
Ug atu usab pangayuon ang pangama sa atung Mahal nga Birhen Maria……
Maghimaya ka Maria napuno ka sa grasya. Ang Ginoong Diyos maanaa kanimo, bulahan ikaw sa mga
babaeng tanan ug bulahan usab ang bunga sa tiyan mo nga si Hesus.
Santa Maria inahan ka sa Diyos ig-ampo mo kaming mga makasasala karun ug sa oras sa among kamatayon.
Amen.
Himaya sa Amahan, sa Anak ug sa Espirtu Santo maingon sa sinugdan karun ug sa gihapon ug sa mga
katuigan nga tanan . Amen

Katapusang Awit:
(P) Ug karun atung awiton nag katapusang awit: Tanging Yaman