TARAOK TI KAWITAN

Adda manok ni tatang,

maysa a kawitan
No iti agsapa,
usarenmi a pagurasan
'Agriingkayon!'
ipukkawto metten ni
namang
Tapno dikami
magabay a mapan
pagadalan

Ti kawitan ni tatang,
Dalusapi ti naganna
Nagkorona iti dakkel
a tapingarna
Dagiti dutdot ti payak
ken ipusna
Natayengteng marisda
a nalabaga

No agtaraok Dalusapi
iti parbangon
Isu ti pakdaar a
masapulmi ti
bumangon
No
mamurmurayannak, ti
kawitan kurkurak
Tapno di mabisinan
ken di kumuttong

Ket idi nagkukurrot

ni Dalusapi
Natay ta di nakalasat
iti ranggas ti posting
Nakaro unay idi
ti ladingitmi
Ta awanen agtaraok a
mangriing kadakami

Gapuna, nagtarakenak
met idin ti kawitan
Tapno adda latta
inkam pagorasan
Katsilien met ti
innak inpanagan
Nagaget nga agtaraok,
agtaraok pay iti
sardam

Ita no makangngeg
taraok iti agsapa
Ipalagipna kaniak ti
panagridam ken
panagsagana Dayta ti
rason nga
agtarakenak latta
Ta ti taraok ti manok
ibilangko a musika