TI PANAGGARDEN

"Ubbing, inton bigat

Agitugot kayo
Iti pala, buneng ken
gabion ta
aggardentayo
Adu ti bukbukel
nga imulatayo
Pangalaan libre a sida
no dagitoy ti
mataripato

Sukayen ti daga,, ikkan

ti pataba
Daan a takki ti nuang, ,
kabalio wenno baka
Sibugan a nasayaat no
daga ti agmaga
Tapno narukbosda a
mangted adu a bunga

Maisuro kadakayo no
kasano ti agpatubo
Tapno saan a
madadael dagiti bin-
itayo
Ta ti natnateng, naimas
nga agpayso
Nasustansia ken libre,
ay, makaay-ayo
Naimas ti dinengdeng,
no ti nateng ket presko
Kasta met ti pinakbet a
paborito ti ilokano
Gapu iti panaggarden
umadu ti taraontayo
Makatulong iti salun-
at, pangpaatiddog
panagbiagtayo

Ti maysa a bukel
nga itukittayo
No maaywanan,
agsupapak iti adu
Mabalinpay nga
ipadawat, mabalin nga
ilako
Maysa a panguartaan
kas nayon ti balonyo.