Professional Documents
Culture Documents
Grame Pou Konprann Kreyol Ayisyen
Grame Pou Konprann Kreyol Ayisyen
- nan apre yon konsòn nazal (m, n). Egzanp : chanm nan, kann nan
- an apre yon vwayèl nazal. (an, en, on). Egzanp : pen an, ban an, pon an
- detèminan posesif yo gen menm fòm ak pwonon pèsonèl yo (mwen, ou, li, nou,
nou yo). Yo Konn genyen pa avan epi fòm detèminan aktil la apre yo tou.
Egzanp : Bib mwen, bib mwen an, bib pa mwen an./ Bondye li, Bondye li a, bondye pa li
a.
• Fòm predika
An kreyòl, se pa toujou vèb ki ranpli fonksyon sa a. Nenpòt mo kapab ranpli fonksyon
predika a nan yon fraz.
N.B. Predika a pa dekline tankou an fransè oubyen panyòl. Li toujou gen menm fòm nan.
Se pwonon ki devan li a ki di ou nan ki fòm li ye.
- Pou prezan an, kapab gen makè 0 devan predika pou montre aksyon an akonpli.
Kapab gen makè ap pou make aksyon an inakonpli.
Egzanp : Mwen li liv Ebre a. / M’ap li liv Ebre a.
- Pou pase, nou sèvi ak makè te pou montre aksyon an akonpli epi makè te ap (t’ap)
pou montre aksyon an pa ko akonpli.
Egzanp : Lè ou te rele m nan mwen te soti. (Mwen pa te la, mwen te gentan soti).
E : Lè ou te rele m nan mwen t’ap soti (Lè telefòn nan sonnen an mwen t’ap kite lakay
mwen men mwen te la toujou.)
- Pou lavni (fiti) nou mete ap, va, pral, ava, a devan predika a.
Egzanp : Mwen pral pale avèk ou talè. M’ap vin wè ou demen. M’ava wè li, m’a konnen
li, lè m’a kanpe bò kote Jezikri.