MPK Mayo 2023

1
MAYO 2023 Pahina

Mga Nagapasunod Nga Hilikuton sa Misa 3
1. Lunes - San Jose Puti 23
2. Martes - San Anastasio Puti 26
3. Mierkoles - San Felipe kag Santiago Pula 29
4. Huebes - Ika- 4 nga Semana sang Paskwa Puti 32
5. Biernes - Ika- 4 nga Semana sang Paskwa Puti 36
6. Sabado - Ika- 4 nga Semana sang Paskwa Puti 39
7. Ika- 5 nga Domingo sang Paskwa Puti 42
8. Lunes - Ika- 5 nga Semana sang Paskwa Puti 48
9 Martes - Ika- 5 nga Semana sang Paskwa Puti 51
10. Mierkoles - San Juan de Avila Puti 54
11. Huebes - Ika- 5 nga Semana sang Paskwa Puti 57
12. Biernes - San Nereo kag Aquiles, San Pancrasio Pula 60
13 Sabado - Ang Mahal nga Birhen sang Fatima Puti 64
14. Ika- 6 nga Domingo sang Paskwa Puti 67
15. Lunes - San Isidro Labrador Puti 75
16. Martes - Ika- 6 nga Semana sang Paskwa Puti 76
17. Mierkoles - Ika- 6 nga Semana sang Paskwa Puti 79
18. Huebes - San Juan I Pula 82
19. Biernes - Ika- 6 nga Semana sang Paskwa Puti 85
20. Sabado - San Bernardino De Siena Puti 88
(Misa sa Besperas sang Pagkayab sang Ginoo) Puti 91
21. Domingo sang Pagkayab sang Ginoo Puti 93
22. Lunes - Santa Rita De Casia Puti 98
23. Martes - Ika- 7 nga Semana sang Paskwa Puti 101
24. MIerkoles - Ika- 7 nga Semana sang Paskwa Puti 104
25. Huebes - San Beda ang Benerable Puti 107
26. Biernes - San Felipe Neri Puti 111
27. Sabado - San Agustin sg Canterbury Puti 114
(Misa Bihilya sang Domingo sang Pentecostes) Puti 117
28. Domingo sang Pentecostes Puti 120
29. Lunes - Maria, Iloy sang Simbahan Berde 127
30. Martes - Ika- 8 nga Semana sang Tuig Berde 130
31. MIerkoles - Ang Pagduaw sang Mahal
nga Birhen Maria Puti 133
Appendix: San Jose 136

Ang Labing Santos nga Kasingkasing ni Jesus 140
Ang Mahal nga Birhen Maria 142
Mga Pangamuyo sa Pagbendisyon 143
Ang Oracion 145
Mga Pahanumdom 146
2
1. Sa tapos makatipon ang mga tawo, ang pari upod ang iya mga ministro nagapadulong sa
altar, samtang gina-amba ang Kalantahon sa Pagsulod.
Sa pag-abot sa altar, ang pari kag ang mga ministro nagahatag sa altar sang nagakaigo nga
katahuran; iya ini ginahalukan kag kon ginapakamaayo iya gina-insensaryohan ang krus kag
altar. Dayon, ngakadto sia upod sa mga ministro sa ila mga pulongkoan.
Sa tapos sang Kalantahon sa Pagsulod, ang pari kag ang mga tumuluo nagapabilin nga
nagatindog kag nagapanguros samtang ang pari nga naga-atubang sa mga tumoluo,
nagasiling:
Sa ngalan sang  Amay, kag sang Anak

kag sang Espiritu Santo.
Ang mga tumoluo nagasabat:
Amen.
2. Dayon ang pari, samtang ginadupa niya ang iya mga kamot, nagatamyaw sa mga tumoluo
paagi sa sining mga masunod:
A. Ang grasya sang aton Ginoong Jesukristo,

ang gugma sang Dios nga Amay,
kag ang paghiupod sang Espiritu Santo,
yara sa inyo tanan.
B. Ang grasya kag paghidait sang Dios nga Amay
kag sang aton Ginoong Jesukristo yara sa inyo.
C. Ang Ginoo yara sa inyo.
Kag yara man sa imo.
Ang Obispo, sa baylo sang ‘Ang Ginoo yara sa inyo,’ sa sining nahauna nga
panamyaw, nagasiling:
Ang Paghidaet yara sa inyo.

3. Ang pari ukon ang diakono, ukon isa ka ministro sarang makasaysay sa malip-ot nga mga
pulong sang tinotuyo sang Misa sa sina nga adlaw [ukon sarang magamit ang Introduksyon
sa Liturhiya sa sini nga talamdan.]
3
A.
4. Dayon nagasunod ang Bulohaton sa Paghinulsol sa diin ang pari nagaagda sa mga tumoluo
nga nagasiling:
Mga utod, kilalahon naton ang aton mga sala

agod nga mangin takus kita sa pagselebrar sining
balaan nga mga misteryo.
Dayon nagahipos sing makadali. Sa tapos sini ang tanan dulungan nga nagasiling sang
masunod:
Nagakompesar ako sa Dios

nga makagagahom sang tanan kag sa inyo, mga utod,
kay nakasala ako nga tuod sa hunahuna,
sa pulong, sa buhat, kag sa pagpatumbaya.
Diri ginapukpok ang dughan:
Sa akon sala, sa akon sala,

sa akon daku nga tuod nga sala.
Tapos nagapadayon sa pagsiling:
Busa, nagaampo ako kay Santa Maria Birhen gihapon,

sa tanan nga mga Angheles kag mga Santos
kag sa inyo, mga utod,
ig-ampo ninyo ako sa aton Ginoong Dios.
Ang absulosyon ginahatag sang pari:
Kabay nga maluoy sa aton ang Dios

nga makagagahum sang tanan
kag sa napatawad na ang aton mga sala,
tuytoyan kita Niya padulong sa kabuhi
nga wala sing katapusan.
Amen.
B.
5. Ang pari naga-agda sa mga tumoluo sa paghimo sang Bulohaton sa Paghinulsol:
Mga utod, kilalahon naton ang aton mga sala

agod nga mangin takus kita sa pagselebrar
sining balaan nga mga misteryo.
4
Dayon nagahipos sang makadali.
Dayon ang pari ukon ang diakono ukon ang isa ka ministro nagasiling sang masunod ukon
sang iban nga mga pangamuyo upod ang ‘Ginoo, Maluoy ka sa amon.’
Pari:
Ginpadala Ikaw sa pag-ayo
sa mga may tagipusoon nga mahinulsolon:
Ginoo, maluoy Ka sa amon.
Tanan:
Pari:
Nagkari Ikaw sa pagtawag sang mga makasasala:
Kristo, maluoy Ka sa amon.
Tanan:
Kristo, maluoy Ka sa amon.
Pari:
Nagalingkod Ikaw sa tuo sang Amay
sa pagpakiluoy para sa amon:
Tanan:
Pari:
Kabay nga maluoy sa aton ang Dios
nga makagagahum sang tanan
kag sa napatawad na ang aton mga sala,
tuytoyan kita Niya padulong sa kabuhi
nga wala sing katapusan.
Tanan:
Amen.
6. Ginasunod ang ‘Ginoo, maluoy ka sa amon’ kon wala ini ginasiling sa pormula sang
Bulohaton sang Paghinulsol:
P. Ginoo, maluoy Ka sa amon.

T. Ginoo, maluoy Ka sa amon.
P. Kristo, maluoy Ka sa amon.
T. Kristo, maluoy Ka sa amon.
P. Ginoo, maluoy Ka sa amon.
T. Ginoo, maluoy Ka sa amon.
5
HIMNO SANG PAGDAYAW
8. Dayon ginakanta ukon ginapangadi ang Himno sang Pagdayaw kon ini ginasugo:
Himaya sa Dios sa kahitaasan,

kag sa duta paghidait
sa mga tawo nga Iya nahamut-an.
O Ginoong Dios, Hari nga langitnon,
Dios nga Amay nga makagagahom sang tanan.
Nagadayaw kami sa Imo,
nagapanginbulahan kami sa Imo,
nagasimba kami sa Imo,
nagahimaya kami sa Imo,
nagapasalamat kami sa Imo,
bangud sang daku Mo nga himaya.
O Ginoong Jesukristo, Bugtong nga Anak,
Ginoong Dios, Kordero sang Dios, Anak sang Amay
Ikaw nga nagawala sang mga sala sang kalibutan:
maluoy Ka sa amon.
Ikaw nga nagawala sang mga sala sang kalibutan:
batuna ang amon pag-ampo.
Ikaw nga nagalingkod sa tuo sang Amay,
maluoy Ka sa amon.
Tungod kay Ikaw lamang ang Santo,
Ikaw lamang ang Ginoo,
Ikaw lamang ang Labing Mataas,
O Jesukristo, upod sa Espiritu Santo
sa himaya sang Dios nga Amay. Amen.
9. Pagkatapos sang Himno sang Pagdayaw ang pari nagatakop sang iya mga kamot nga
nagasiling:
Mangamuyo kita.
Ang tanan upod sa pari nagahipos sing makadali nga nagapangamuyo.
Dayon ang pari nagauntay sang iya mga kamot kag nagapangadi sang Pangamuyo. Sa
tapos sini, ang mga tumoluo nagasabat:
Amen.
6
[INTRODUKSYON SA BALASAHON]
NAHAUNA NGA BALASAHON
10. Ang lector nagakadto sa ambo sa pagbasa sang ‘Nahauna nga Balasahon.’ Ang tanan
nagalingkod kag nagapamati.:
Pagkatapos sang balasahon, ang lector nagasiling:

Ang Pulong sang Dios.
Ang tanan nagasabat:
Salamat sa Dios.
11. Ang kantor ukon ang salmista nagakanta ukon nagabasa sang Salmo kag ang mga tumoluo
nagasabat.
[INTRODUKSYON SA BALASAHON]
IKADUHA NGA BALASAHON
12. Kon may Ikaduha nga Balasahon, ginabasa ini sang lector subong sang sa Nahauna nga
Balasahon.
Sa tapos ang pagbasa, ang lector nagasiling:

Salamat sa Dios.
[INTRODUKSYON SA EBANGHELYO]
ALELUYA
13. Nagasunod ang Aleluya ukon iban nga kalantahon suno sa ginapanugyan sang panahon
liturhiko.
EBANGHELYO
14. Samtang ginakanta ang Aleluya, ang pari nagabutang sang insenso sa insensaryo kon
gamiton ini. Dayon ang diakono nga magabasa sang Ebanghelyo nagaduko sa atubangan
sang pari kag nagapangayo sang iya bendisyon sa mahinay nga tingog nga nagasiling:
Padre, bendisyoni ako.

Ang pari sa hinay man nga tingog nagasiling:
Kabay nga dumalahan sang Ginoo ang imo kasingkasing
kag ang imo mga bibig, agod nga mangintakus ka
sa pagbantala sang iya Ebanghelyo.
Sa ngalan sang Amay  kag sang Anak,
kag sang Espiritu Santo.
Ang diakono nagapangurus kag nagasabat:
Amen.
7
Kon wala sing diakono, ang pari nagaduko nga nagaatubang sa altar kag nagapangadi sa
mahinay nga tingog:
O gamhanan nga Dios, tinloi ang akon kasingkasing

kag ang akon mga bibig agod mangin takus ako
sa pagbantala sang imo Santos nga Ebanghelyo.
15. Dayon ang diakono ukon ang pari upod sa mga ministro nga nagadala sang insensaryo kag
mga seryales nagakadto sa ambo kag nagasiling:
Ang Ginoo yara sa inyo.
Ang diakon ukon ang pari:
Ang pagbasa sang Santos nga Ebanghelyo suno kay San N.
Dayon iya ginakrusan ang libro, ang iya agtang, bibig kag dughan.
Himaya sa Imo, O Ginoo.
Dayon ang diakono ukon ang pari nagainsenso sang libro kon ginagamit ang insensaryo kag
dayon ginabantala niya ang Ebanghelyo.
16. Sa tapos sang pagbasa sang Ebanghelyo, ang diakono ukon ang pari nagasiling:
Ang Ebanghelyo sang Ginoo.
Dayawon Ka, O Ginoong Jesukristo.
Dayon ang libro ginahalukan, kag sa mahinay nga tingog nagasiling:
Paagi sining Ebanghelyo nga ginbantala
Mapatawad unta ang aton mga sala.
17. Dayon nagasunod ang Homiliya nga dapat ihatag sang pari ukon sang diakono sa tagsa ka
Domingo kag sa mga piesta nga may obligasyon sa pagsimba; ginapanugyan man nga ihatag
ini sa matag-adlaw nga mga Misa.
HOMILIYA
18. Sa tapos ang Homiliya, ginakanta ukon ginapangadi ang Pagpahayag sang Pagtuo.
19. Sa lugar sang Pagpahayag sang Pagtuo Niceno-Constantinopolitano, labi na gid sa panahon
sang Kwaresma kag Pagkabanhaw, sarang man magamit ang Pagpahayag sang Pagtuo
sang Simbahan Romana nga gintawag man nga iya sang mga Apostoles.
8
KREDO NICENO-CONSTANTINOPOLITANO
(Ginagamit sa Ordinaryo nga Panahon)
Nagatuo ako sa isa lamang ka Dios

Amay nga makagagahom sang tanan,
Magbubuhat sang langit kag sang duta,
sang tanan nga makita kag indi makita.
Nagatuo ako sa isa ka Ginoo nga si Jesukristo
Bugtong nga Anak sang Dios nga gin-anak sang Amay
sa wala pa ang kalibutan, Dios gikan sa Dios,
Kasanag gikan sa Kasanag,
Dios nga matuod gikan sa Dios nga matuod,
gin-anak Sia, wala gintuga, isa sing kinaugali sa Amay.
Paagi sa Iya ang tanan gintuga.
Tungod sa aton nga mga tawo
kag tungod sa aton kaluwasan nanaog Sia gikan sa langit,
Ang tanan nagaduko samtang ginasiling ang masunod nga duha ka linya.
kag ginpanamkon Sia ni Maria nga Birhen

sa lalang sang Espiritu Santo kag nahimo nga tawo.
Ginlansang Sia sa krus tungod sa aton
sa sugo ni Poncio Pilato; nag-antus kag ginlubong,
kag nabanhaw Sia sa ikatlo ka adlaw suno sa Kasulatan,
kag nagkayab sa langit, naglingkod sa tuo sang Amay.
Kag magakari Sia liwat nga mahimayaon
sa paghukom sang mga buhi kag sang mga Minatay,
kag ang Iya ginharian wala sing katapusan.
Nagatuo ako sa Espiritu Santo,
ang Ginoo kag Magbubuhi,
nga nagikan sa Amay kag sa Anak.
Upod sa Amay kag sa Anak
ginasimba kag ginahimaya Sia sing tingob.
Naghambal Sia paagi sa mga propeta.
Nagatuo ako sa Simbahan nga Isa, Santa,
Katolika kag Apostolika.
Nagatuo ako sa isa lamang ka Bunyag
sa kapatawaran sang mga sala.
Nagapaabot man ako
sang pagkabanhaw sang mga minatay
kag sang pagkabuhi nga wala sing katapusan. Amen.
9
KREDO SANG MGA APOSTOLES
(Ginagamit sa Panahon sang Kwaresma kag Paskwa sang Pagkabanhaw)
Nagatuo ako sa Dios,

Amay nga makagagahom sang tanan
Magbubuhat sang langit kag sang duta.
Nagatuo ako kay Jesukristo,
Iya Anak nga Bugtong nga aton Ginoo,
Ang tanan nagaduko samtang ginasiling ang masunod nga mga linya.
nga ginpanamkon sa lalang sang Espiritu Santo,

ginbun-ag ni Santa Maria Birhen;
ginsakit sa sugo ni Poncio Pilato
ginlansang sa krus, napatay kag ginlubong.
Nanaog sa mga minatay.
Sa ikatlo ka adlaw nabanhaw Sia
nga naghalin sa mga minatay,
kumayab sa mga langit
kag nagalingkod sa tuo sang Dios
nga Amay makagagahom sang tanan.
Gikan didto magakari pa Sia liwat
sa paghukom sang mga buhi
kag sang mga minatay.
Nagatuo ako sa Espiritu Santo;
sa Santa Iglesia Katolika;
sa ginkakaupdan sang mga Santos;
sa kapatawaran sang mga sala;
sa pagkabanhaw sang mga lawas;
kag sa pagkabuhi nga wala sing katapusan.
Amen.
20. Nagasunod diri ang Pangamuyo sang mga Tumoluo.
PANGAMUYO SANG MGA TUMOLUO
10
21. Pagkatapos ang Liturhiya sang Pulong, ginasugoran ang Kalantahon sa Paghalad.
Ginabutang sang mga ministro sa ibabaw sang altar ang korporal, puripikador, kalis kag ang
sakrementaryo.
22. Nagakabagay nga ang mga tumoluo magpakita sang ila pagpakig-ambit sa paghalad paagi
sa pagdala sang tinapay kag bino sa selebrasyon sang Eukaristiya ukon iban nga mga halad
nga sarang magamit sa mga kinahanglanon sang simbahan kag sang mga imol.
23. Samtang nagatindog ang pari sa altar, iya ginakuha ang patena nga may tinapay kag sa iya
duha ka kamot iya ini ginabayaw sing manubo lang nga nagasilng sa mahinay nga tingog:
Dayawon Ka, O Ginoo

Dios sang tanan nga mga tinuga,
kay amon ginbaton ining tinapay
gikan sa Imo kaalwan.
Amon ginahalad sa Imo
ining patubas sang duta kag kinabudlayan sang tawo
agod nga mahimo nga tinapay
sang kabuhi nga dayon para sa amon.
Dayon ginabutang niya ang patena nga may tinapay sa ibabaw sang korporal.
Kon wala sing kalantahon sa paghalad sarang masiling sang pari ini nga mga tinaga sa
matunog nga tingog.
Sa tapos sini ang mga tumoluo sarang makasabat:

Dayawon ang Dios sa gihapon.
24. Ang diakono ukon ang pari nagabutang sang bino kag diutay nga tubig sa kalis nga nagasiling
sa mahinay nga tingog:
Paagi sa misteryo sining tubig kag bino

kabay nga magpakig-ambit kita
sa pagka-Dios ni Kristo
nga nagpakig-ambit sang aton pagkatawo.
25. Dayon iya ginakuha ang kalis kag sa iya duha ka kamot iya ini ginabayaw sing manubo lang
nga nagasiling sa mahinay nga tingog:
Dayawon Ka, O Ginoo,
Dios sang tanan nga mga tinuga,
kay amon ginbaton ining bino gikan sa Imo kaalwan.
Amon ginahalad sa Imo ining bunga sang ubas
kag kinabudlayan sang tawo
agod mahimo nga ilimnon nga espirituhanon
para sa amon.
Dayon ginabutang niya ang kalis sa ibabaw sang korporal.
Kon wala sing kalantahon sa paghalad sarang masiling sang pari ini nga mga tinaga sa
matunog nga tingog.
11
Sa tapos sini ang mga tumoluo sarang makasabat:
Dayawon ang Dios sa gihapon.
26. Dayon ang pari nagaduko kag nagasiling sa mahinay nga tingog:
O Ginoo nga amon Dios,

batuna ang amon kasingkasing nga mahinulsolon
kag ang amon espiritu nga mapainuboson
agod Imo mahamut-an ang sakripisyo
nga amon ihalad sa Imo.
27. Kon ginagamit ang insensaryo, ginainsensaryohan niya ang mga dulot, ang krus kag ang
altar. Dayon ginainsensaryohan sang diakono ukon sang isa ka ministro ang pari kag ang
mga sumilimba.
28. Dayon ang pari nagakadto sa kilid sang altar kag nagapanghinaw sang iya mga kamot nga
nagasiling sa mahinay nga tingog:
O Ginoo, hugasi ang akon kalautan

kag tinloi ako sa akon mga kasal-anan.
____________________________
29. Tapos, samtang nagatindog sa tunga sang altar, ang pari nga nagaatubang sa mga tumoluo,
naga-untay kag nagatakop sang iya mga kamot kag nagasiling:
Magpangamuyo kamo, mga utod

agod ang akon kag ang inyo sakripisyo
mahamut-an sang Dios,
Amay nga makagagahom sang tanan.
Ang mga tumoluo nagatindog kag nagasabat:
Batunon unta sang Ginoo ang sakripisyo

sa Imo mga kamot sa kadayawan
kag sa kahimayaan sang Iya ngalan,
sa aton man kapuslanan
kag sa bug-os Niya nga Santa Iglesia.
PANGAMUYO SA MGA DULOT
30. Ang pari nagauntay sang iya mga kamot, kag iya ginapangadi ang Pangamuyo sa mga
Dulot; pagkatapos sini ang mga tumoluo nagasabat:
Amen.
12
31. Ang pari nagapamuno sang Pangamuyo Eukaristiko.
Ginauntay niya ang iya mga kamot kag nagasiling:

Ang pari nagauntay sang iya mga kamot kag nagasiling:
Ibayaw ang inyo kasingkasing.
Nabayaw na namon sa Ginoo.
Ang pari, sa nauntay gihapon ang iya mga kamot, nagasiling:

Magpasalamat kita sa Ginoo nga aton Dios.
Takus kag angay gid.
Ang pari, sa nauntay sa gihapon ang iya mga kamot, nagapadayon sa pagpangadi sang
Prepasyo.
PREPASYO
Sa tapos ang Prepasyo, ang pari nagatakop sang iya mga kamot, kag dayon nagakanta ukon
nagpangadi sa maathag nga tingog upod sa mga sumilimba sang katapusan nga bahin sang
Prepasyo.
SANTO
Santo, Santo, Santo
ang Ginoong Dios sang mga ehersito.
Puno ang langit kag ang duta sang Imo himaya.
Hosanna sa kahitaasan.
Dayawon ang nagakari sa ngalan sang Ginoo.
Hosanna sa kahitaasan.
Sa tanan nga mga Misa, ginatugot sa selebrante ang pagkanta sang mga importante nga
bahin sang Pangamuyo Eukaristiko.
13
100. Ang pari nagauntay sang iya mga kamot kag nagasiling:
Santos Ikaw nga tuod, O Ginoo,

kag tuboran sang tanan nga pagkasantos.
101. Ginatakop niya ang iya mga kamot, kag sa nahumlad niya ang mga ini sa ibabaw sang mga
dulot, nagapadayon sa pagsiling:
Gani, ipadala ang Imo Espiritu,

sa pagpasantos sining mga dulot,
Ginatakop niya ang iya mga kamot, kag nagahimo sing makaisa sang timaan sang krus sa
tinapay kag bino nga nagasiling:
agod nga mahimo ini para sa amon

nga Lawas  kag Dugo
sang amon Ginoong Jesukristo.
Ginatakop niya ang iya mga kamot.
102. Sa masunod nga mga pormula, ang mga pulong sang Ginoo dapat isiling sing malagway
kag maathag suno sa ginapatuman sining mga tinaga.
Sa wala pa sia gintugyan sa kamatayon

nga Iya ginbaton sing kinabubut-on.
Ginakuha sang pari ang tinapay, kag sa nabayaw niya ini sing diutay sa ibabaw sang altar;
nagapadayon sia sa pagsiling:
Iya ginkuha kag ginpamihakpihak ang tinapay

nga nagapasalamat sa Imo,
kag Iya ini ginpanagtag sa Iya mga gintuton-an
nga nagasiling:
Nagaduko sia sing diutay.
Magkuha kamo tanan kag magkaon sini;

kay ini amo ang akon Lawas
nga igatugyan para sa inyo.
Ginapakita niya ang nakonsagrahan nga Ostya sa mga tumoluo, ginabutang niya ini sa
patena kag nagaluhod sia sa pagsimba.
14
103. Nagapadayon sia.
Subong man, pagkatapos sang panihapon,

Ginakuha niya ang kalis, ginabayaw ini sing diutay kag nagapadayon sa pagsiling:
Iya ginkuha ang kalis nga nagapasalamat liwat

kag Iya ini ginpalibot sa Iya mga gintuton-an
nga nagasiling:
Nagaduko sia sing diutay.
Magkuha kamo tanan

kag mag-inom sa sining kalis,
kay ini amo ang kalis sang akon Dugo;
ang Dugo sang bag-o
kag walay katapusan nga kasugtanan,
nga iga-ula para sa inyo kag para sa tanan
sa kapatawaran sang mga sala.
Himoa ninyo ini sa akon handumanan.
Ginapakita niya ang kalis sa mga tumoluo, ginabutang ini sa korporal kag nagaluhod sia sa
pagsimba.
104. Dayon nagasiling sia:
Ang misteryo sang pagtuo.

Ang mga sumilimba nagapadayon nga nagasiling:
Ginabantala namon, O Ginoo, ang Imo kamatayon,

kag amon ginapahayag ang Imo pagkabanhaw,
tubtob sa Imo pagbalik.
Ukon:
Sa tagsa namon ka pagkaon sining tinapay

Kag pag-inom sang sining kalis, O Ginoo,
ginabantala namon ang Imo kamatayon
tubtob sa Imo pagbalik!
Ukon:
Tungod sang Imo krus kag pagkabanhaw,

luwason Mo kami, O Maluluwas sang kalibutan!
15
105. Dayon, sa nauntay niya ang iya mga kamot, ang pari nagasiling:
Gani, O Amay, amon ginahalad sa Imo

ining tinapay sang kabuhi
kag ining kalis sang kaluwasan,
sa pagsaulog namon sang handumanan
sang pagkamatay kag pagkabanhaw
sang Imo Anak.
Nagapasalamat man kami sa Imo

kay Imo kami ginkabig nga mga takus
sa pag-atubang kag sa pag-alagad sa Imo
sa sining sakripisyo.
Nagapakiluoy kami nga ang Espiritu Santo
magpahiusa sa amon
nga nagaambit sang Lawas kag Dugo ni Kristo.
O Ginoo, dumdoma ang Imo Simbahan

nga nalapnag sa bug-os nga kalibutan;
himpita sia sa paghigugma,
upod sa amon Santo Papa nga si N.,
sa amon Obispo nga si N.,*
kag sa tanan nga kaparian.
______________________________________
Sa Misa sang Minatay, sarang madugang ang masunod:
Dumdoma ang Imo [mga] anak

nga si N. [si N. kag N.]
nga Imo gintawag [karon] sa sining kinabuhi.
Paagi sa pagbunyag sa iya [ila],
nahiusa sia [sila] sa pagkamatay ni Kristo;
itugot nga mahiusa man sia [sila]
sa Iya pagkabanhaw.
______________________________________
*Kon may Obispo Auxillar, idugang ang masunod: kag ang iya kabulig nga si N., kon
madamo sila: kag ang iya mga kabulig.
16
Dumdoma ang mga sakop
sining amon katilingban
nga nagtaliwan nga may paglaum
nga mabanhaw sila.
Dumdoma man ang tanan
nga nagkalamatay sa Imo pagkaabyan:
batuna sila sa pagtan-aw
sang Imo mahimayaon nga nawong.
Kaluoyi man kami nga yari diri nagatambong,

agod maambit namon
ang kabuhi nga wala sing katapusan,
magdayaw kag maghimaya kami sa Imo,
upod kay Santa Maria Birhen, Iloy sang Dios,
upod kay San Jose, iya bana,
upod sa mga Apostoles, [kay San Sebastian]
[gina-upod diri ang Patron/Patrona sang parokya/kapilyaniya]
kag sa tanan nga mga Santos
nga nagpahamuot sa Imo,
paagi sa Imo Anak nga si Jesukristo.
106. Ginakuha niya ang kalis ang patena nga may Ostyas, kag ginabayaw ini samtang
nagasiling:
Paagi sa Iya,
upod sa Iya, kag dira sa Iya,
ginahatag sa Imo, O Dios,
Amay nga makagagahom,
sa kaisahan sang Espiritu Santo,
ang tanan nga dungog kag himaya
sa tanan nga mga tuig sang mga katuigan.
Amen.
Dayon nagasunod ang Hilikuton sa Pagkalawat.
17
124. Matapos mabutang sang pari ang kalis kag ang patena sa korporal, ginatakop niya ang iya
mga kamot kag nagasiling:
Tungod kay ginsugo sang aton Manluluwas

mangamuyo kita sa daku nga pagsalig
suno sa Iya gintudlo sa aton:
Ginauntay niya ang iya mga kamot kag upod sa mga tumoluo nagapangadi:
Amay namon, nga yara Ka sa mga langit;

pagdayawon ang Imo ngalan;
umabot sa amon ang Imo ginharian;
matuman ang Imo pagbuot diri sa duta
siling sang sa langit.
Hatagan Mo kami nian
sing kan-on namon sa matag-adlaw
kag patawaron Mo kami sang mga sala namon
siling nga ginapatawad namon
ang mga nakasala sa amon;
kag dili Mo kami ipadaog sa mga panulay,
hinonoo luwason Mo kami sa kalaut.
125. Samtang ginauntay niya ang iya mga kamot, ang pari lang nagapadayon sa pagsiling:
Luwason Mo kami, O Ginoo,

sa tanan nga kalautan.
Hatagi kami sing paghidait
sa amon mga inadlaw.
Buligi kami agod maluwas kami gihapon sa sala,
kag palig-ona kami sa tanan nga mga palaligban,
samtang nagapaabot kami
sang bulahan nga adlaw nga amon ginalauman
nga magabalik si Jesukristo
nga amon Manluluwas.
Ang mga tumoluo nagatapos sang pangamuyo dira sa pagsiling:
Kay Imo ang ginharian, ang gahom kag ang himaya

sa mga tuig sang mga katuigan.
18
126. Dayon ang pari, sa nauntay niya ang iya mga kamot nagasiling sa maathag nga tingog:
O Ginoong Jesukristo,
Ikaw nagsiling sa Imo mga Apostoles:
ang paghidait ginabilin Ko sa inyo,
ang Akon paghidait ginahatag Ko sa inyo;
indi pagtamda ang amon mga sala,
kundi ang pagtuo sang Imo Simbahan,
kag, suno sa Imo ginsiling,
hatagi sia sing paghidait kag paghiusa.
Ikaw nga nagakabuhi kag nagahari

Ang mga tumoluo nagasabat.
Amen.
127. Ang pari, nagatulok sa mga tawo kag samtang ginauntay kag ginatakop niya ang iya mga
kamot, nagasiling:
Ang paghidait sang Ginoo yara gihapon sa inyo.

Ang mga tumoluo nagasabat.
128. Dayon ang pari ukon diakono nagasiling:
Maghatagay kamo sing paghidait.

Ang tanan nagahatagay sing tanda sa paghidait suno sa kinabatasan sa tagsa ka lugar.
Ang pari nagahatag sing tanda sang paghidait sa diakono ukon sa iban nga mga ministro.
129. Sa tapos niya mapihak ang Ostya sa ibabaw sang patena nagakuha sia sing diutay nga
tinipik kag ginabutang ini sa kalis upod ang pagsiling sa mahinay nga tingog:
Kabay nga ang pagsimbuganay

sang Lawas kag Dugo
sang aton Ginoong Jesukristo
magdala sa aton nga nagabaton sini
sa kabuhi nga walay katapusan.
19
130. Samtang ginakanta ukon ginasiling
Kordero sang Dios,

nga nagawala Ka sang mga sala sang kalibutan,
maluoy Ka sa amon.
Kordero sang Dios,
maluoy Ka sa amon.
Kordero sang Dios,
hatagan Mo kami sing paghidait.
Ini nga pag-ampo sarang masulit sing makapila kon magdugay ang pagpihak sang Ostya,
pero ang sabat sa katapusan amo mang gihapon: hatagan Mo kami sing paghidait.
131. Dayon ang pari nga natakop ang iya mga kamot, nagapangadi sa mahinay nga tingog:
O Ginoong Jesukristo,
indi pag-itugot nga ang akon pagkalawat
sang Imo Lawas kag Dugo
mangin kabangdanan sang paghukom
kag pagsilot sa akon;
kundi, tungod sang Imo kaluoy,
kabay nga mangin kabakod kag bulong ini
sang akon lawas kag kalag.
132. Ang pari nagaluhod. Sa iya pagtindog, ginakuha niya ang Ostya kag ginabayaw ini sing
diutay sa ibabaw sang patena ukon sa ibabaw sang kalis nga ginapakita sa mga tumoluo,
kag sa maathag nga tingog nagasiling:
Yari ang Kordero sang Dios

nga nagawala sang mga sala sang kalibutan.
Bulahan ang mga ginadapit
sa bangkete sang Kordero.
Kag upod sa mga tumoluo nagasiling sia sing makaisa:
Ginoo, dili ako takus

nga magsulod Ka sa akon puloy-an;
apang imitlang lamang ang isa ka pulong
kag magaayo ang akon kalag.
133. Ang pari nga nagaatubang sa altar, nagasiling sing mahinay:
Kabay nga ang Lawas ni Kristo magdala sa akon

sa kabuhi nga wala sing katapusan.
Dayon, sa daku nga pagtahod, nagakalawat sia sang Lawas ni Kristo.
20
Dayon, ginakuha niya ang kalis nga nagasiling sing mahinay:
Kabay nga ang Dugo ni Kristo magdala sa akon

sa kabuhi nga wala sing katapusan.
Dayon, sa daku nga pagtahod, nagainom sia sang Dugo ni Kristo.:
134. Sa tapos ang pagkalawat, ginatinloan sang pari ukon sang diakono ukon sang akolito ang
patena sa ibabaw sang kalis kag ang kalis mismo. Samtang ginahimo ini ang pari nagasiling
Lawas ni Kristo.
Ang nagakalawat nagasabat:
Amen.
Dayon nagakalwat sia.
Amo mang ang paagi nga gamiton sang diakono kon magpakalawat sia sa mga tumoluo.
135. Kon nahanungod sa pagkalawat sa mga bayhon sang tinapay kag bino, ginasunod ang
seremonya nga ginasambit sa iya kaugalingon nga lugar.
136. Samtang ang pari nagakalawat sang Lawas ni Kristo, ginsugdan ang Kalantahon sa
Pagkalawat.
137. Sa tapos ang pagkalawat, ginatinluan sang pari ukon sang diakono ukon sang akolito ang
patena sa ibabaw sang kalis kag ang kalis mismo. Samtang ginahimo ini ang pari nagasiling
O Ginoo, itugot nga huptan namon sa matinlo nga kalag

ining nabaton sang amon baba,
kag kabay pa nga ining bugay
nga amon nabaton sa sining kabuhi nga dutan-on
mangin mapuslanon para sa amon kabuhi nga dayon.
138. Ang pari nagabalik sa iya pulongkoan. Kon ginapakamaayo, maglingkod ang tanan sa
pagpasalamat sing mahipos sa indi lamang madugay. Sarang man makanta ang isa ka
ambahanon sang pagdayaw ukon ang isa ka Salmo.
139. Dayon ang parin nga nagatindog sa altar, ukon sa lugar sang pulongkuan, nagaatubang sa
mga tumoluo, nagatakop sang iya mga kamot, kag nagasiling:
Mangamuyo kita…
Ang tanan upod sa pari nagahipos sing makadali, kon ini wala pa mahimo. Dayon ang pari
nga nagauntay sang iya mga kamot nagapangadi sang Pangamuyo sa Tapos ang
Pagkalawat. Sa tapos sini, ang mga tumoluo nagasabat:
Amen.
21
140. Kon may ara nga mga pahibalo, ginahimo ini sa sini nga tion.
141. Dayon ginahiwat ang pagtapos. Ang pari nagaatubang sa mga tumoluo, nagauntay sang
iya mga kamot kag nagasiling:


Ang pari nagabendisyon sa tumoluo nga nagasiling:
Bendisyonan kamo sang Dios

nga makagagahom sang tanan,
Amay  Anak kag Espiritu Santo.
Amen.
142. Sa iban nga mga adlaw sarang magamit ang Bendisyon Solemne ukon ang Pangamuyo
para sa mga Tawo.
144. Dayon ang diakono ukon ang pari mismo, nga nagatakop sang iya mga kamot,
nagaatubang sa mga tumoluo kag nagasiling:
Lakat kamo sa paghidait:

tapos na ang Misa.
Ang tanan nga mga tumoluo nagasabat:
Salamat sa Dios.
145. Dayon ang pari nagahalok sa altar pareho sa pagsugod. Tapos nagahatag sing katahuran
paagi sa pagduko sa altar, kag nagagwa upod sa mga ministro.
146. Kon may hilikuton nga liturhiko nga nagasunod sa tapos ang Misa, wala na sing Hilikuton
sa Pagtapos.
22
MAYO 1 - LUNES
Puti
PN Today is an appropriate time to bless tools or even larger implements or equipment that people use in work.
For the order for the Blessing of Tools or Other Equipment for Work, see BB, nos. 919-941 and HB, 306.
Antipona sa Pagsulod
Bulahan ang mga tawo nga nagakahadlok sa Ginoo, nga nagalakat sa Iya mga
dalanon. Magakaon ka sang bunga sang kinabudlayan sang imo mga kamot; mangin
bulahan ka kag kahamut-an, aleluya.
PANGAMUYO
O Dios nga tagtuga sang kalibutan, Imo ginhatag sa tanan nga
mga tawo ang kasugoan sang pagpangabudlay: itugot nga sa
pagsulundan ni San Jose tumanon namon ang mga bulohaton nga Imo
gintugyan sa amon kag buligan kami sang iya pag-apin agod madangat
namon ang balus nga Imo ginsaad sa amon.
Ginapangayo namon ini sa Imo paagi kay Jesukristo, Imo Anak
kag amon Ginoo, nga nagakabuhi kag nagahari upod sa Imo sa
kaisahan sang Espiritu Santo, Dios, sa tanan nga mga tuig sang mga
katuigan.
BALASAHON Bin. 11: 1-18
Ang pagbasa gikan sa mga Binuhatan sang mga Apostoles.

Ang mga apostoles kag ang mga kautoran sa bug-os nga Judea
nakabati nga ang mga Hentil nakabaton man sang mga pulong sang
Dios. Sang pagkadto ni Pedro sa Jerusalem, ginsaway sia sang mga
tumoluo nga nagapati nga kinahanglan magpasirkumsedar ang mga
Hentil. Nagsiling sila, “Nangin besita ikaw sa balay sang wala
masirkumsedar nga mga Hentil kag nagkaon ka pa gani upod sa ila!”
Gani ginsaysay ni Pedro sa ila ang nahanabo halin sa ginsugoran nga
nagasiling:
“Nagapangamuyo ako didto sa siudad sang Joppe, sang makita
ko ang isa ka palanan-awon. May nakita ako nga daw habol nga
malapad nga nahigtan sa apat ka pamusod nga ginatunton sa tupad
nakon halin sa langit.’ Gin-usisa ko sang maayo ang unod sadto, kag
nakita ko ang mga kasapatan nga may apat ka tiil, kag mapintas nga
mga sapat, kag mga sapat nga nagadahog sa duta’ kag mga pispis sa
talon.
23
Kag nabatian ko ang tingog nga nagsiling sa akon, “Tindog ka
Pedro, mag-ihaw ka kag magkaon!’ Pero nagsiling ako, “Indi ako sina
makahimo, Ginoo! Wala ako nagakaon sang nadagtaan ukon mahigko.’
Ang tingog gikan sa langit nagsiling liwat, ‘Indi pagkabiga nga
mahigko ang bisan ano nga butang nga ginsiling sang Dios nga
matinlo.’ Katatlo suliton ini nga hitabo, kag sang ulihi ginbatak yadto
nga mga butang pa langit. Sa sadto gid nga tion may tatlo ka tawo halin
sa Cesarea nga nag-abot sa balay nga akon ginadayunan. Ini sila
ginpadala sa pagpangita sa akon. Ang Espiritu nagsiling sa akon nga
mag-upod ako sa ila nga indi magpangduhadoha. Ining anom ka mga
utod nga taga-Joppe nag-upod man sa akon sa Cesarea kag nagkadto
kami tanan sa balay ni Cornelio. Nagsugid sia sa amon nga nakakita sia
sing isa ka anghel nga nagatindog sa sulod sang iya balay kag nagsiling
sa iya, ‘Magpadala ka sing tawo sa Joppe sa pagsugat sang isa ka tawo
nga ginahingalanan kay Simon Pedro. Magahambal sia sa imo sang mga
pulong nga magaluwas sa imo kag sa imo bug-os nga panimalay.’ Kag
sang nagsugod ako sa paghambal, nagkunsad sa ila ang Espiritu Santo
subong sang pagkunsad niya sa aton sang una. Kag nadumdoman ko
ang ginsiling sang Ginoo, ‘Si Juan nagbautiso sa tubig, pero
pagabautisohan kamo sa Espiritu Santo.’ Gani ini nagapamatuod nga
ginhatag man sang Dios sa mga Hentil ang iya man ginhatag sa aton
sang nagtuo kita sa Ginoo nga si Jesukristo. Karon sin-o bala ako nga
magsumpong sa Dios?”
Sang pagkabati nila sini, gin-untatan nila ang ila pagsaway kay
Pedro, kag nagdayaw sila sa Dios nga nagasiling, “Kon amo, ginhatag
man sang Dios sa mga Hentil ang kahigayunan sa paghinulsol kag
pagkabuhi.”
S: Salamat sa Dios.
SALMO SA PAGSABAT Sal. 42: 2-3, 43: 3-4
Ginauhaw ako sa Imo, O Dios nga buhi.

1. Subong sang usa nga ginahidlaw sang mabugnaw nga tubig sa sapa,
subong man ang pagkahidlaw ko sa Imo, O Dios. Ginauhaw ako sa
Imo, O Dios nga buhi, san-o bala ako makakadto sa pagsimba sa Imo
atubangan? (S)
2. Ipadala ang Imo kapawa kag kamatuoran, kabay nga magtuytoy ini
sa akon kag dalhon ako pabalik sa Sion, ang Imo balaan nga bukid,
kag sa Imo Templo, sa diin Ikaw nagapuyo! (S)
24
3. Dayon makadto ako sa Imo altar, O Dios, kay Ikaw nagahatag sa
akon sang kalipay kag kasadya, magatukar ako sang akon arpa kag
magaampa sing pagdayaw sa Imo, O Dios nga akon Dios! (S)
ALELUYA
Aleluya! Ako amo ang maayo nga manugbantay, siling sang
Ginoo; kilala Ko ang Akon mga karnero, kag sila nakakilala sa Akon.
Aleluya!
EBANGHELYO Juan 10: 11-18
Ang pagbasa sang Santos nga Ebanghelyo suno kay San Juan.
S: Himaya sa Imo, O Ginoo.
Si Jesus nagsiling, “Ako ang maayo nga manugbantay. Ang

maayo nga manugbantay handa sa paghatag sang iya kabuhi para sa
iya mga karnero. Ang sinuholan nga indi amo ang manugbantay, kag
indi tag-iya sang karnero, nagapalagyo kag nagabiya sang mga karnero
kon makita niya ang lobo nga nagapakari, gani ang lobo nagataban sang
mga karnero kag nagapalaaplaag sa ila. Ang sinuholan nagapalagyo
kay sinuholan man lang sia, kag wala sia nagakabalaka sa mga karnero.
Ako amo ang maayo nga manugbantay. Subong nga ang Amay
nakakilala sa akon kag ako nakakilala sa Amay, sa amo man nga bagay,
nakilala ko ang akon mga karnero, kag sila nakakilala sa akon; kag ako
handa sa paghatag sang akon kabuhi para sa ila. May iban pa ako nga
mga karnero nga wala sa sini nga toril. Kinahanglan nga dalhon ko man
sila. Magapamati sila sang akon tingog kag mangin-isa sila ka panong
nga may isa ka manugbantay.
Ang Amay nagahigugma sa akon, kay handa ako sa paghatag
sang akon kabuhi, agod nga akon man mabaton ini liwat. Wala sing
may makakuha sang akon kabuhi, kundi ginahatag ko ini sang
kinabubot-on. Pagusto ako sa paghatag sini, kag pagusto man ako sa
pagbawi sini. Ini amo ang sugo sang akon Amay sa akon.”
S: Dayawon ka, O Ginoong Jesukristo.

O Dios nga tuboran sang tanan nga kaluoy, batuna ang amon
mga dulot sa piesta ni San Jose, kag kabay nga ining amon halad
magdangat sang Imo grasya para sa tanan nga nagapanawag sa Imo.
Ginapangayo namon ini sa Imo, paagi kay Kristo nga amon Ginoo.
25
PREPASYO (San Jose)
Takus kag angay gid, igo kag mapuslanon sa amon kaluwasan,
nga sa gihapon kag sa tanan nga duog magpasalamat kami sa Imo, O
Ginoo, Santos nga Amay, gamhanan kag walay katapusan nga Dios.
Amon Ikaw ginasaulog, ginadayaw kag ginabansag sa sini nga
piesta ni San Jose: kay sia ang matarong nga tawo nga Imo ginpili nga
mangin-bana sang ulay nga Iloy sang Dios; ang but-anan kag masaligan
nga alagad nga Imo ginpadumala sa Imo Panimalay; kag ang
gintugyanan sa pagtatap subong amay sa Imo Anak ginpanamkon sa
gahom sang Espiritu Santo, si Jesukristo nga amon Ginoo.
Paagi kay Kristo, ang Imo pagkahalangdon ginadayaw sang
mga Angheles kag sang tanan nga mga tinuga nga langitnon. Itugot nga
ibuylog namon ang amon tingog sa ila sa pagdayaw sa Imo sing
mapainobuson nga nagasiling:
Antipona sa Pagkalawat
Ang bisan ano nga himuon ninyo, bisan sa pulong ukon sa buhat, himoa ninyo
ang tanan sa ngalan ni Ginoong Jesus, kag paagi sa Iya magpasalamat kamo sa Dios
nga Amay, aleluya.
PANGAMUYO SA TAPOS ANG PAGKALAWAT

O Ginoo, Imo kami ginsagod sang Lawas kag Dugo sang Imo
Bugtong nga Anak. Suno sa pagsulundan ni San Jose, itugot nga
makapanaksi kami sang gugma nga ginahuptan Mo sa amon
tagipusoon, kag magkabuhi kami sing mahidaiton. Ginapangayo
namon ini sa Imo, paagi kay Kristo nga amon Ginoo.
MAYO 2 - MARTES
Puti
Sa tunga sang katawohan ginbuksan niya ang iya baba kag ang Ginoo
nagpuno sa iya sang espiritu sang kaalam kag ihibalo. Iya sia ginsul-oban sang himaya.
PANGAMUYO
O Ginoo, walay katapusan nga Dios, Imo ginhimo si San
Atanasio, Imo Obispo, nga bantug nga mangangapin sang pagka-Dios
sang Imo bugtong nga Anak; kabay nga paagi sa iya pagtudlo kag pag-
apin magpadayon kami sa pagkilala kag sa paghigugma sa Imo.
26
kag amon Ginoo nga nagakabuhi kag nagahari upod sa Imo sa kaisahan
sang Espiritu Santo, Dios, sa tanan nga mga tuig sang mga katuigan.

Ang mga tumoluo nag-alaplaag tungod sa paghingabot nga
nagsugod sang pagpatay kay Esteban. Ang iban sa ila nakalambot
tubtob sa Fenicia kag Cipre kag Antioquia, kag nagwali sila sang
Maayong Balita sa mga Hudiyo lang. Pero ang iban nga mga tumoluo
nga taga-Cipre kag Cirene nagkadto sa Antioquia kag ini sila nagwali
man sa mga Hentil sang Maayong Balita nahanungod kay Ginoong
Jesus. Ang gahom sang Ginoo yara sa ila, kag madamo nga mga tawo
ang nagtuo kag nagliso sa Ginoo.
Nag-abot ini nga balita sa Iglesia sa Jerusalem, gani ginpadala
nila si Bernabe sa Antioquia. Sang pag-abot niya didto nakita niya kon
daw ano ang pagbendisyon sang Dios sa mga tawo. Nalipay sia sang
iya nakita, kag ginlaygayan niya sila nga magmatutom kag magmalig-
on sa Ginoo sa ila bug-os nga tagipusoon. Si Bernabe maayo nga tawo,
nga napun-an sang Espiritu Santo kag sang pagtuo. Madamo nga mga
tawo ang nadala sa Ginoo.
Dayon nagkadto si Bernabe sa Tarso sa pagpangita kay Saulo.
Sang makita niya si Saulo, gindala niya sia sa Antioquia. Sa sulod sang
isa ka tuig nagpakig-upod sila sa mga katapo sang iglesia kag
nagpanudlo sila sa madamo nga mga tawo. Didto sa Antioquia ang mga
gintuton-an amo ang nahauna nga gintawag nga mga Kristianos.
Ang pulong sang Dios.
S: Salamat sa Dios.
SALMO SA PAGSABAT Sal. 87: 1-3. 4-5. 6-7
Dayawa ang Ginoo, tanan nga mga kapungsoran.

1. Ang Dios nagpatindog sang Iya siudad sa ibabaw sang balaan nga
mga bukid; ginahigugma Niya ang siudad sang Jerusalem labaw sa
tanan nga mga duog sa Israel. Pamatii, O siudad sang Dios, ang
makakulonyag nga mga butang nga ginasiling niya nahanungod sa
Imo. (S)
27
2. Kon ako maglista sang mga kapungsoran nga nagatuman sa akon,
ilakip ko ang Egipto kag Babilonia; kag magasiling ako nahanungod
sa Felistia, Tiro kag Etiopia, nga sila mga sakop man sang Jerusalem.
Nahanungod sa Sion amo ini ang igasiling nga Iya ang tanan nga
mga kapungsoran, kag ang Labing Mataas magapabakod sa Iya. (S)
3. Ang Ginoo magalista sang tanan nga mga katawohan, kag ilakip
Niya sila tanan subong mga pumoluyo sang Jerusalem. Magasaot
sila kag magakanta, “Nagagikan sa Sion ang tanan namon nga mga
pagpakamaayo.” (S)
ALELUYA
Aleluya! Ang Akon karnero nagapamati sa Akon tingog, siling
sang Ginoo, kilala Ko sila kag nagasunod sila sa Akon. Aleluya!
Tigtulognaw sadto, kag ginasaulog sa Jerusalem ang Piesta sang

Paghalad sang Templo. Si Jesus nagalakatlakat sa Portico ni Salomon
didto sa templo. Dayon nagtilipon ang mga Hudiyo sa palibot niya kag
nagsiling sila sa iya, “Tubtob pa bala san-o ang imo pagpahawathawat
sa amon? Sugiri kami sing maathag, ikaw gid bala ang Kristo?”
Si Jesus nagsabat, “Ginsugiran ko na kamo, pero indi kamo
magpati sa akon. Ang mga ginabuhat ko sa ngalan sang akon Amay
nagapanaksi sa akon, pero indi kamo magpati sa akon kay indi kamo
mga karnero nakon. Ang akon mga karnero nagapamati sa akon tingog.
Kilala ko sila kag nagasunod sila sa akon. Ginahatagan ko sila sang
kabuhi nga wala sing katapusan, kag indi gid sila mapatay. Wala sing
may makaagaw sa ila sa akon mga kamot. Ginhatag sila sa akon sang
Amay nga gamhanan sa tanan, kag wala sing may makaagaw sa ila sa
kamot sang Amay. Ako kag ang Amay isa.”

O Ginoo, tamda ang amon mga dulot nga amon ginahalad sa
piesta ni San Atanasio; kabay nga mangin matutom kami sa pagtuo nga
iya ginpahayag kag magpanaksi sang Imo kamatuoran agod madangat
namon ang kaluwasan.
28
PREPASYO (Pastor)
Imo ginalipay ang Imo Simbahan sa sini nga piesta ni San
Atanasio. Paagi sa iya mga pagsulundan Imo kami ginapabakod, paagi
sa iya pagwali Imo kami ginatudloan, kag Imo kami ginaapinan tungod
sang iya mga pag-ampo.
Gani, upod sa mga Angheles kag sa mga Santos, nagaamba kami
sing walay untat sang kalantahon sa Imo himaya nga nagasiling:
Kay wala sing may makapasad sang sadsaran luwas sa napasad na, nga amo
si Jesukristo, aleluya.

O Dios nga makagagahom, upod kay San Atanasio, nagatuo
kami nga ang Imo Anak matuod gid nga Dios, kabay nga pabakuron
kag apinan Niya kami paagi sini nga sakramento. Ginapangayo namon
ini sa Imo, paagi kay Kristo nga amon Ginoo.
MAYO 3 - MIERKOLES
Pula
Philip, +1st c.; from Bethsaida; among the first disciples called by Jesus (Jn 1:43-44); tradition holds that he preached
in Phrygia, dying on a cross at Hierapolis; two apocryphal works attributed to him; with James, venerated as the
patron saint of Uruguay.
James, +62; son of Alphaeus and cousin or “brother of the Lord”; surnamed “the Less” or “the Just” for his
piety; leader of the Jerusalem Church; an epistle is ascribed to him; believed to have been beaten or stoned to
death; patron of the dying; both saints mentioned in the Roman Canon.
Ang Ginoo nagpili sining balaan nga mga tawo tungod sang ila tunay nga
gugma, kag ginhatagan Niya sila sang himaya nga walay katapusan, aleluya.
29
HIMAYA SA DIOS
PANGAMUYO
O Dios nga amon Amay, Imo kami ginalipay sa tuigan nga piesta
ni San Felipe kag Santiago, Imo mga Apostoles; paagi sa ila mga pag-
ampo, ipaambit sa amon ang pagkasakit kag ang pagkabanhaw sang Imo
Anak agod mangin takus kami sa pagtan-aw sing walay katapusan sang
Imo himaya.
Ginapangayo namon ini sa Imo, paagi kay Jesukristo, Imo Anak
kag amon Ginoo, nga nagakabuhi kag nagahari upod sa Imo sa kaisahan
sang Espritu Santo, Dios, sa tanan nga mga tuig sang mga katuigan.
BALASAHON 1 Cor. 15: 1-8
Ang pagbasa gikan sa Nahauna nga Sulat ni San Pablo nga Apostol, sa
mga taga-Corinto.
Karon, mga utod, luyag ko ipahanumdom sa inyo ang Maayong
Balita nga ginwali ko sa inyo, nga inyo ginbaton kag sa sini ang inyo
pagtuo napasad sang malig-on. amo ini ang Maayong Balita nga ginwali
ko sa inyo.
Naluwas kamo paagi sa Maayong Balita kon ginhuptan ninyo ini
sang malig-on, luwas kon nagtuo kamo sing pasapayan. Ginapaalinton
ko sa inyo ang isa ka butang nga labi ka importante nga akon nabaton. Si
Kristo napatay tungod sang aton mga sala, suno sa mga Kasulatan.
Nagpakita sia kay Pedro, kag sang ulihi sa dose ka Apostoles. Sa tapos
sini nagpakita sia sa sobra sa lima ka gatos (500) sang iya mga sumolunod
sing tingob, nga ang kalabanan sa ila buhi pa, kag ang iban patay na. Sang
ulihi nagpakita sia kay Santiago kag dayon sa tanan nga mga apostoles.
Sa katapusan nagpakita man sia sa akon, bisan ako kasubong
sang isa nga natawo sa wala pa ang tion.
Ang pulong sang Dios
S: Salamat sa Dios.
SALMO SA PAGSABAT Sal. 19: 2-3; 4-5
Ang ila tingog nagatugob sa bug-os nga kalibutan.

1. Ang himaya sang Dios ginapahayag sing maathag sang kalangitan!
Ang langit nagapakita sa iya sang iya binuhatan! Ang tagsa ka adlaw
nagasugid sini sa madason nga adlaw. Ang tagsa ka gab-i nagasulit
sini sa madason nga gab-i. (S)
30
2. Wala sing pulong ukon mga tinaga nga ginagamit, wala sing gahod
nga mabatian, pero ang ila tingog nagatugob sa bug-os nga kalibutan,
ang ila pulong nagalambot sa ukbong sang duta. (S)
ALELUYA
Aleluya! Ako amo ang dalan, ang kamatuoran kag ang kabuhi,
siling sang Ginoo; Felipe, ang nakakita sa akon nakakita sa Amay.
Aleluya!
Si Jesus nagsiling kay Tomas, “Ako amo ang dalan, ang

kamatuoran kag ang kabuhi: wala sing may makakadto sa Amay kon
indi paagi sa akon. Karon nga nakilala ninyo ako, inyo man makilala ang
akon Amay, kag sugod karon inyo gid sia nakilala kag nakita.”
Si Felipe nagsiling sa iya, “Ginoo, ipakita sa amon ang Amay, kag
tuman na ina para sa amon.”
Si Jesus nagsabat, “Dugay na ang aton pag-inupdanay, Felipe,
kag wala pa ikaw makakilala sa akon? Ang nakakita sa akon nakakita sa
Amay. Ngaa bala masiling ka, “Ipakita sa amon ang Amay? Felipe wala
ka bala nagatuo nga ako yara sa Amay kag ang Amay yari sa akon? Ang
mga pulong nga ginhambal ko sa inyo, wala nagagikan sa akon. Ang
Amay nga yari sa akon amo gid ang naghimo sang iya mga buhat.
Magtuo kamo nga ako yara sa Amay, kag ang Amay yari sa akon. Kon
indi gani, magtuo kamo tungod sining mga buhat. Nagasiling ako sa inyo
sing matuod: ang nagatuo sa akon magahimo sang mga buhat nga akon
ginahimo kag dalagku pa sini nga mga buhat ang iya himuon, kay
magakadto ako sa Amay. Kag akon himuon ang bisan ano nga inyo
pangayuon sa akon ngalan, agod nga ang himaya sang Amay mapakita
paagi sa Anak. Kon kamo magpangayo sa akon sang bisan ano nga
butang sa akon ngalan, akon ina pagahimuon.”

O Dios nga amon Amay, batuna ining mga dulot nga amon
ginahalad sa Imo sa piesta ni San Felipe kag ni Santiago nga Imo mga
Apostoles, kag hatagan Mo kami sing putli kag wala sing dagta nga
pagtuo. Ginapangayo namon ini sa Imo, paagi kay Kristo nga amon
Ginoo.
31
PREPASYO (Mga Apostoles II)
Ginoo, Santos nga Amay, gamhanan kag walay katapusan nga Dios,
paagi kay Kristo nga amon Ginoo.
Kay Imo ginpasad ang Imo Simbahan sa mga Apostoles agod
magpadayon ini sa gihapon diri sa duta subong tanda sang Imo
pagkasantos, kag mabantala niya ang pagtuluohan nga nagatuytoy sang
mga tawo pakadto sa langit.
Gani, amon Ikaw ginadayaw karon kag sa gihapon upod sa mga
Angheles sing matinuohon nga nagasiling:
Ginoo, ipakita sa amon ang Amay kag tuman na ina para sa amon. Kag si Jesus
nagsabat: Felipe, ang nakakita sa Akon, nakakita man sa Amay, aleluya.

O Dios nga amon Amay, paagi sining sakramento nga amon
nabaton, tinloi ang amon mga kalag agod nga upod kay San Felipe kag
Santiago magtuo kami nga yara Ka sa Imo Anak kag madangat namon
ang kabuhi nga walay katapusan. Ginapangayo namon ini sa Imo, paagi
kay Kristo nga amon Ginoo.
MAYO 4 – HUEBES
Puti
O Dios, sang magpanguna Ka sa pagtuytoy sang Imo katawohan nga nagapas-
an sa amon adlaw-adlaw, ang duta nagtay-og, ang kalangitan nagpaulan sing ubos-
ubos. Aleluya.
PANGAMUYO
O Dios, sang pagtubos Mo sa tawo Imo ginbalik sa kinaugali nga
tawohanon ang dignidad nga labaw pa sang sa pagtuga Mo sa iya.
Dumdoma ining Imo amaynon nga tinotuyo, kag apini ang mga bugay
sang grasya kag sang Imo bendisyon sa tanan nga Imo ginpatawo paagi
sa sakramento sang Bunyag.
katuigan.
32

Halin sa Pafo; nagpanakayon si Pablo kag ang iya kaupdanan
kag nagdungka sila sa Perge sa Panfilia. Didto ginbayaan nila si Juan
Marcos nga nagpauli sa Jerusalem. Halin sa Perge nagpadayon sila
tubtob nakalambot sila sa Antioquia sa Pisidia, kag sang Adlaw nga
Inugpahuway nagkadto sila sa sinagoga kag nagpungko didto. Sa tapos
mabasa ang kasugoan ni Moises kag ang mga sinulatan sang mga
propeta, ang mga opisyales sang sinagoga may ginsugo sa pagsiling sa
ila sang masunod: Mga utod, luyag namon nga maghambal kamo sa
mga tawo kon may yara kamo nga inughambal nga makapabakod sa
ila.” Nagtindog si Pablo, nagsinyas sa ila nga maghipos kag nagsiling:
“Mga kasimanwa ko nga mga Israelinhon kag tanan nga mga
Hentil nga yari diri nga nagasimba sa Dios, pamatii ninyo ako! Ang
Dios sining mga tawo sang Israel nagpili sang aton mga katigulangan
kag nagpadaku sa ila samtang nga didto sila nagapuyo subong nga mga
dumuluong sa Egipto. Ginpagwa sila sang Dios sa Egipto paagi sa iya
daku nga gahom, kag sa sulod sang kwarenta (40) ka tuig ginbatas niya
sila sa desierto. Ginlaglag niya ang pito ka mga pungsod sa Canaan kag
ginhimo niya ang iya mga tawo nga Israel nga tag-iya sang kadutaan sa
sulod sang apat ka gatos kag singkwenta (450) ka tuig.
Sa tapos sini ginhatagan niya sila sang mga hukom tubtob sa
panahon ni Samuel nga propeta. Kag sang nagpangayo sila sang isa ka
hari, ginhatag sang Dios sa ila si Saul nga anak ni Cis, halin sa tribu ni
Benjamin. Nangin hari sia nila sa sulod sang kwarenta (40) ka tuig. Sang
mapahalin sia, ginhimo sang Dios si David nga hari nila. Amo ini ang
ginsiling sang Dios nahanungod sa iya, ‘Si David nga anak ni Jese amo
ang tawo nga akon naluyagan, kay isa sia ka tawo nga nagatuman sang
tanan nga ginasugo ko sa iya.” Si Jesus, isa sang mga kaliwat ni David,
amo ang ginhimo sang Dios nga Manluluwas sang Israel suno sa iya
ginsaad. Sa wala pa makasugod si Jesus sang iya bulohaton, nagwali si
Juan sa tanan nga mga tawo sa Israel nga magbiya sila sa ila mga sala
kag magpabautiso. Kag sang nagahingapos na si Juan sang iya
bulohaton, nagsiling sia sa mga tawo, ‘Sa inyo abi, sin-o bala ako?’ Indi
ako ang ginapaabot ninyo. Pero tandai ninyo! nagakari sia nga ulihi
lang sa akon, pero indi ako takos sa paghubad sang higot sang iya mga
sandalyas.”
S: Salamat sa Dios.
33
SALMO SA PAGSABAT Sal. 89: 2-3, 21-22, 25, 27
O Ginoo, magakanta ako sa gihapon

nahanungod sang Imo mapinadayunon nga gugma.
1. Ginoo, magakanta ako gihapon nahanungod sang Imo
mapinadayunon nga gugma, sa tanan nga tion ibantala ko ang Imo
katutom. Nakahibalo ako nga ang Imo gugma magapadayon sa
walay katapusan nga ang Imo katutom wala sing katapusan subong
sang langit. (S)
2. Ginhimo ko nga hari si David nga Akon alagad paagi sa paghaplas
sa iya sing balaan nga lana. Ang Akon kusog mangin yara sa iya sa
gihapon, ang akon gahom magapabakod sa iya. (S)
3. Pagahigugmaon kag pagaunongan Ko sia sa gihapon, padag-on Ko
sia sa gihapon. Magasiling sia sa Akon, ‘Ikaw ang akon amay kag
akon Dios; Ikaw ang akon Mangangapin kag Manluluwas.’ (S)
ALELUYA
Aleluya! O Jesukristo, ang matutom nga saksi ang panganay nga
Anak nga ginbanhaw, naghigugma kag naghugas Ka sang sala paagi sa
Imo dugo. Aleluya!
Sa tapos mahugasan ni Jesus ang mga tiil sang mga apostoles

nagsiling sia sa ila, “Nagasiling ako sa inyo sang matuod: wala sing
ulipon nga labaw pa sa iya agalon, kag wala sing sinugo nga labaw pa
sa nagsugo sa iya. Karon nahibaluan na ninyo ini nga kamatuoran.
Bulahan kamo kon inyo ini buhaton!
“Wala ako nagahambal nahanungod sa inyo tanan. Kilala ko
ang akon mga ginpili. Pero kinahanglan matuman ang kasulatan nga
nagasiling. ‘Ang tawo nga nagsalo sa akon pagkaon, nagkontra sa
akon.’ Karon ginasugid ko ini sa inyo sa wala pa mahanabo, agod nga
kon mahanabo ini, magatuo kamo nga ‘Ako amo Ako.’ Nagasiling ako
sa inyo sang matuod: ang nagabaton sang bisan sin-o nga akon
ginapadala, nagabaton man sa akon, kag ang nagabaton sa akon,
nagabaton sang nagpadala sa akon.”
34
O Dios nga amon Amay, batuna ang amon mga dulot kag
pangamuyo kag tinloi kami paagi sa Imo grasya agod mangin takus
kami sa pagbaton sining balaan nga sakramento. Ginapangayo namon
PREPASYO (Paskwa III)

nga amon gid Ikaw dayawon, O Ginoo, sa tanan nga tion, pero labi na
gid sa sining panahon sang Paskwa nga ginahalad si Kristo, ang amon
Kordero Paskwal.
Kay sia wala gid naga-untat sa paghalad sang Iya kaugalingon
para sa amon tanan, kag Sia gid ang amon mananabang sa Imo
atubangan. Sia amo ang Kordero nga indi na gid mapatay, kag bisan
ginhalad Sia subong biktima, nagakabuhi pa gid Sia sa gihapon.
Tungod sini, ang bug-os nga kalibutan nagahilinugyaw sa daku
nga pagkinalipay; ang mga Angheles, ang mga Arkangheles kag ang
tanan nga mga tinuga sa langit nagaamba sang kalantahon sa Imo
himaya nga nagasiling:
Dumdoma ninyo, kaupod ninyo Ako sa gihapon, tubtob sa katapusan sang
panahon, aleluya.

O gamhanan kag walay katapusan nga Dios, Imo ginabag-o
liwat sa amon ang kabuhi nga dayon paagi sa pagkabanhaw ni Kristo
nga Imo Anak; itugot nga ining sakramento sang Paskwa magmangin
mapuslanon gid para sa amon, kag ipabatyag sa amon nga mga
tagipusoon ang kusog sining makalulowas nga kalan-on. Ginapangayo
35
MAYO 5 - BIERNES
Puti
Ginpatay Ka kag sa Imo dugo ginbakal Mo para sa Dios ang mga tawo nga
nagikan sa tagsa ka tribo, linggwahe, kaliwat kag pungsod. Ginhimo Mo sila nga isa ka
ginharian kag mga pari sa pag-alagad sa amon Dios, aleluya.
PANGAMUYO
O Dios, Ikaw ang ginagikanan sang amon kahilwayan kag
kaluwasan; pamatii ang pangamuyo sang mga nagapanawag sa Imo;
tungod kay gintubos Mo kami paagi sa pagkamatay sang Imo Anak
himoa nga magkabuhi kami nga nahiusa sa Imo, kag makita namon sa
Imo ang kabulahanan nga dayon.
katuigan.
BALASAHON Bin.13: 26-33

Nag-abot si Pablo sa Antioquia sa Pisidia sa diin naghambal sia
sa mga sinagoga nga nagasiling:
“Mga utod, mga kaliwat ni Abraham, kag tanan kamo nga mga
Hentil nga nagasimba sa Dios: sa aton ginpadala ining balita sang
kaluwasan! Kay ang mga tawo nga nagapuyo sa Jerusalem kag ang ila
mga pangulo wala makahibalo nga si Jesus amo ang Manluluwas, kag
wala man sila makahangop sang mga pulong sang mga propeta nga
ginabasa sa tagsa ka Adlaw nga inugpahuway. Pero sa ila pagkondenar
kay Jesus natuman ang mga gintagna sang mga propeta. Kag bisan nga
wala sila sing may makita nga kabangdanan nga pamatbatan sia sing
kamatayon, ginpangayo nila kay Pilato nga ipapatay sia. Kag sang
nahimo na nila ang tanan nga ginsiling sang Kasulatan nahanungod sa
iya, gintaltal nila sia sa krus kag ginbutang nila sia sa isa ka lulobngan.
Pero ginbanhaw sia sang Dios gikan sa mga minatay, kag sa madamo
nga mga inadlaw nakita sia sang mga nagapanglakaton upod sa iya
halin sa Galilea pakadto sa Jerusalem.
36
Karon mga saksi niya sila sa mga taga-Israel. Kag yari kami
karon sa pagpadala sa inyo sang Maayong Balita nga ginsaad sang Dios
sa aton mga katigulangan nga iya pagahimuon, iya na nahimo sa aton
nga mga kaliwatan nila, paagi sa iya pagbanhaw kay Jesus. Kay nasulat
sa ikaduha nga salmo:
‘Ikaw Anak ko,
Nangin-amay mo ako karon nga adlaw.’
S: Salamat sa Dios.
Ikaw ang Akon Anak;

karon nga adlaw nangin-Amay Mo Ako.
1. Nagasiling Sia, “Sa Sion, ang Akon balaan nga bukid, ginpagahom
Ko ang Akon hari.” Ang hari nagasiling, “Ibantala ko ang
ginpahayag sang Ginoo. Ang Ginoo nagsiling sa akon ‘Ikaw ang
Akon anak, karon nga adlaw nangin-Amay mo Ako!” (S)
2. Pangayo ka, kag ihatag Ko sa imo ang tanan nga mga kapungsoran;
mangin-imo man ang bug-os nga duta. Gamhan mo sila sa kamot
nga salsalon, dugmokon mo sila subong sang kulon.’ “ (S)
3. Gani, magpamati kamo karon, mga hari, mag-andam kamo nga
manugdumala sang duta! Alagara ninyo nga may kahadlok ang
Ginoo; magkurog kag magduko kamo sa Iya. (S)
ALELUYA
Aleluya! Ako amo ang dalan, ang kamatuoran kag ang kabuhi,
siling sang Ginoo; wala sing may makakadto sa Amay kon indi paagi
sa Akon. Aleluya!
Si Jesus nagsiling sa iya mga gintuton-an; “Indi kamo

magpalibog kag magkatublag. Magtuo kamo sa Dios, kag magtuo man
kamo sa akon. Sa balay sang akon Amay may madamo nga mga
kuwarto, kag magalakat ako sa pag-aman sing duog para sa inyo. Indi
ako magsiling sini sa inyo kon indi ini matuod. Sa tapos ako makalakat
kag makaaman sing duog para sa inyo, magabalik ako kag dalhon ko
kamo, agod nga kon diin ako, didto man kamo. Nahibaluan ninyo ang
dalan pakadto sa duog nga akon pagakadtuan.”
37
Si Tomas nagsiling sa iya, “Ginoo, wala kami makahibalo kon
diin ikaw makadto, paano bala ang pagkatultol namon sang dalan
pakadto didto?”
Si Jesus nagsabat sa iya, “Ako amo ang dalan, ang kamatuoran,
kag ang kabuhi; wala sing may makakadto sa Amay kon indi paagi sa
akon.

O Ginoo, batuna sing maluloy-on ang amon mga dulot: apini
kami agod indi madula ang mga bugay nga Imo ginhatag sa amon, kag
madangat namon ang mga kaayuhan nga wala sing katapusan.
PREPASYO (Paskwa II)

Kordero Paskwal.
Paagi sa Iya, ang mga anak sang kapawa natawo sa kabuhi nga
wala sing katapusan, kag ang mga tumoluo makasulod sa ginharian
sang langit. Paagi sa Iya pagkamatay ginluwas kami sa kamatayon, kag
sa Iya pagkabanhaw ginbanhaw kami tanan.
Tungod sini ang bug-os nga kalibutan nagahilinugyaw sa daku
Gintugyan ang Kristo nga aton Ginoo sa kamatayon para sa aton mga sala kag
ginbanhaw Sia agod kita mangin matarong kag balaan, aleluya.

O Ginoo, apini sing mahigugmaon kag waay untat ang tanan
nga mga tawo nga Imo ginluwas agod ang mga gintubos paagi sa
pagkasakit sang Imo Anak magkalipay sa Iya pagkabanhaw, Sia nga
nagakabuhi kag nagahari sa tanan nga mga tuig sang mga katuigan.
38
MAYO 6 – SABADO
Puti
Kamo ang katawohan nga Iya sang Dios; ibantala ninyo ang mga katingalahan
sang nagtawag sa inyo halin sa kadudolman padulong sa Iya makatilingala nga
kapawa. Aleluya.
PANGAMUYO
O Dios, paagi sa pagsaulog sang Paskwa Ikaw nagahatag sang
langitnon nga kaayuhan sa kalibutan; pamatii ang mga pag-ampo sang
Imo simbahan agud nga paagi sa sining umaalagi nga pagsaulog
madangat niya ang kabuhi nga wala sing katapusan.
kag amon Ginoo nga nagakabuhi kag nagahari upod sa Imo, sa
katuigan.

Sang madason nga adlaw nga Inugpahuway halos ang tanan
nga mga pumoluyo sang banwa nagtipon sa pagpamati sang pulong
sang Ginoo. Sang makita sang mga Hudiyo ang kadamuon sang mga
tawo, nahisa gid sila kag naghambal sila batok sa mga ginpanghambal
ni Pablo kag ginpakahuy-an nila sia. Pero nagdugang pa gani ang
kaisog ni Pablo kag ni Bernabe sa paghambal kag nagsiling sila,
“Kinahanglan gid man nga iwali sing una sa inyo ang pulong sang Dios.
Pero tungod kay ginsikway ninyo ini, kag wala ninyo ginakilala nga
takos kamo sa pagbaton sang kabuhi nga wala sing katapusan bayaan
namon kamo kag magkadto sa mga Hentil. Kay amo ini ang sugo nga
ginhatag sang Ginoo sa amon:
‘Ginbutang ko ikaw
Nga mangin kapawa sa mga Hentil,
Nga mangin-alagyan sang kaluwasan
Para sa bug-os nga kalibutan.’ “
Sang pagkabati sang mga Hentil sini nalipay sila kag gindayaw
nila ang mensahi sang Ginoo, kag yadtong mga ginpili para sa kabuhi
nga walay katapusan nangin tumoluo.
39
Naglapnag ang pulong sang Dios sa sadto nga duog. Ugaling
ginsudyot sang mga Hudiyo ang kinilala nga mga tawo sa amo nga
siudad, kag subong man ang mga Hentil nga mga babayi sa mataas nga
mga katipunan nga nagasimba sa Dios. Ginsugdan nila ang
paghingabot kay Pablo kag kay Bernabe, kag gintabog nila sila pagwa
sa ila duta. Gintaktak sang mga Apostoles ang yab-ok sa ila mga tiil
batok sa ila, kag nagpadayon sila sa Iconio. Ang mga gintuton-an sa
Antioqia napun-an sang kalipay kag sang Espiritu Santo.
S: Salamat sa Dios.
SALMO SA PAGSABAT Sal. 98: 1. 2-3. 3-4
Ang tanan nga katawohan bisan diin

nakakita sang pagdaog sang aton Dios!
1. Magkanta sang bag-o nga ambahanon sa Ginoo, kay nakahimo Sia
sang makatilingala nga mga butang! Paagi sa Iya kaugalingon nga
gahom kag balaan nga kusog nagdaog Sia. (S.)
2. Ginbantala sang Ginoo ang Iya pagdaog, ginpakilala Niya sa mga
pungsod ang Iya gahom sa pagluwas. Gintuman Niya ang Iya mga
saad sa mga tawo sa Israel nga may mapinadayunon nga gugma
kag pag-unong sa ila. (S.)
3. Ang tanan nga katawohan bisan diin nakakita sang pagdaog sang
aton Dios! Magkanta kamo sa kalipay sa Ginoo, O bug-os nga duta;
dayawa Sia sa mga ambahanon kag mga paghinugyaw!(S)
ALELUYA
Aleluya! Kon ginatuman ninyo ang Akon mga gintudlo, matuod gid
nga mga gintuton-an Ko kamo, kag makilala ninyo ang kamatuoran,
siling sang Ginoo. Aleluya!
Nagsiling si Jesus sa iya mga gintuton-an: “Karon nga nakilala

ninyo ako, inyo man makilala ang akon Amay, kag sugod karon inyo
gid sia nakilala kag nakita.”
Si Felipe nagsiling sa iya, “Ginoo, ipakita sa amon ang Amay,
kag tuman na ina para sa amon.”
kag wala pa ikaw makakilala sa akon? Ang nakakita sa akon, nakakita
sa Amay.
40
Ngaa bala masiling ka, ‘Ipakita sa amon ang Amay?’ Felipe,
wala ka bala nagatuo nga ako yara sa Amay kag ang Amay yari sa akon?
Ang mga pulong nga ginhambal ko sa inyo, wala nagagikan sa akon.
Ang Amay nga yari sa akon amo gid ang nagahimo sang iya mga buhat.
indi gani, magtuo kamo tungod sining mga buhat. Nagasiling ako sa
inyo sang matuod: ang nagatuo sa akon magahimo sang mga buhat nga
akon ginahimo, kag dalagku pa sini nga mga buhat ang iya himuon, kay
ako magakadto sa Amay. Kag akon himuon ang bisan ano nga inyo
pangayuon sa akon ngalan, agod nga ang himaya sang Amay mapakita
paagi sa Anak. Kon kamo magpangayo sa akon sang bisan ano nga mga
butang sa akon ngalan, akon ina pagahimuon.”

O Dios nga amon Amay, pasantosa ining amon mga dulot kag
batuna ining espirituhanon nga sakripisyo agod himuon Mo man kami
nga walay katapusan nga halad sa Imo. Ginapangayo namon ini sa Imo,

Kordero Paskwal.
Amay, kay ginhatag Mo sila sa Akon, luyag Ko nga sila mangin kaupod Nakon
bisan diin Ako kag makita nila ang Akon himaya nga ginhatag Mo sa akon, Aleluya.
41
O Dios nga amon Amay, amon ginbaton ining pagkalawat nga
ginbilin sang Imo Anak sa amon subong handumanan; kabay nga paagi
sining sakramento magdugang pa gid ang amon paghigugma.
MAYO 7 – DOMINGO
Puti
Hours: Pss I, of the Sun, OR, “Te Deum”, EP II of Sun of Easter, NP of Sun
Mass: Prop, GL, CR, Pf I-V of Easter, Sol Bl 6
Other celebrations are not permitted, not even funeral Masses.
INTRODUKSYON SA LITURHIYA
“Sa diin ka bala nagapadulong sa pagpangabuhi ukon para sa ano ang
ginapangabuhi mo?” Amo ini ang importante nga pamangkot para sa aton
kaugalingon, sa isa kag isa, sa Simbahan, kag sa katawohan. Si Jesus indi lang
naton alagyan kundi Sia amo ang aton kaupod sa dalanon sang kamatuoran
kag kabuhi.
Mag-amba sa Ginoo sang bag-o nga ambahanon, kay naghimo Sia sang
mga katingalahan; Iya ginpahayag ang Iya katarungan sa panan-aw sang
kapungsoran, aleluya.
HIMAYA SA DIOS
PANGAMUYO
O makagagahom kag walay katapusan nga Dios himpita sa
amon ang misteryo paskwal agod ang tanan nga nabag-o liwat sa
sakramento sang Bunyag makaagom sang mga bunga sang Imo pag-
apin kag makadangat sang kalipay sa kabuhi nga wala sing katapusan.
kag amon Ginoo, nga nagakabuhi kag nagahari upod sa Imo, sa
katuigan.
42
INTRODUKSYON SA BALASAHON
Sa pagtubo sang Kristiano nga Katilingban, nagluwas ini sang
madamo nila nga kabudlayan tungod sila nagtukod sang bag-o nga mga
ministeryo sang pag-alagad agod magbulig sa mga apostoles kag mga
katigulangan.

Samtang nagadamo ang mga gintuton-an, ang mga Hudiyo nga
ang ila hambal Griego nagreklamo batok sa tumandok nga mga Hudiyo
kay ang ila mga balo nga babayi wala matatapi sa adlaw-adlaw nga
pagpanagtag sang rasyon. Gani, ginpawatang sang dose ka mga
apostoles ang tanan nga mga gintuton-an kag nagsiling, “Indi bagay sa
amon nga patumbayaan ang pagwali sang pulong sang Dios agod nga
mag-atipan sang mga kagastuhan. Gani, mga utod, magpili kamo sang
pito ka mga tawo nga nahibaluan ninyo nga napun-an sang Espiritu
Santo kag kaalam, kag sila ang aton padumalahon sini nga mga butang.
Kag kami amon magagamit sang bug-os namon nga tion sa
pagpangamuyo kag sa pagwali.”
Naluyagan nila tanan ang ginsiling sang mga apostoles, gani
ginpili nila si Esteban, isa ka tawo nga puno sing pagtuo kag sang
Espiritu Santo, kag sanday Felipe, Procoro, Nicanor, Timon, Parmenas
kag Nicolas nga taga-Antioquia, is aka Hentil nga nakonbertir sa pagka-
Hudiyo. Gindala sila sa atubangan sang mga apostoles nga
nagapangamuyo kag nagtungtong sang ila mga kamot sa ila.
Gani nagpadayon ang paglapnag sang pulong sang Dios. Ang
mga gintuton-an sa Jerusalem nagdamo nga nagdamo kag madamo nga
mga pari ang nagbaton sini nga patuo.
S: Salamat sa Dios.
SALMO SA PAGSABAT Sal. 33: 1-2, 4-5, 18-19
O Ginoo, ipakita sa amon ang imo kaluoy

suno sa amon pagsalig sa imo.
1. Tanan kamo nga mga matarong, magkasadya tungod sang mga
binuhatan sang Ginoo; dayawa ninyo sia, tanan kamo nga
nagatuman sa iya. Magpasalamat kamo sa Ginoo paagi sa pagtukar
sing arpa, magkanta kamo sa iya nga ginaupdan sang mga
instrumento nga may kuwerdas. (S.)
43
2. Ang mga pulong sang Ginoo matuod, kag ang tanan niya nga mga
binuhatan masaligan. Ang Ginoo nagahigugma sang matarong kag
nagakabagay, Ang iya mapinadayunon nga gugma nagapuno sang
duta. (S.)
3. Ang Ginoo nagabantay sa mga nagakahadlok sa iya, sa mga
nagasalig sa iya mapinadayunon nga gugma. Ginaluwas niya sila sa
kamatayon; ginabuhi niya sila sa tion sang tiggulotom. (S.)
Si Kristo ang aton pinakamataas nga pari naghimo sa aton nga balaan
nga katawohan sang mga pari; ang aton katungdanan amo ang pagpadayon
sang misyon ni Kristo nga makilala ang Dios sang mga tawo kag magdayaw
sa Dios sa ngalan sang tanan.
BALASAHON 1 Ped. 2: 4-9
Ang Pagbasa gikan sa Nahauna nga Sulat ni San Pedro.

Mga hinigugma: Kari kamo sa Ginoo, ang buhi nga bato nga
ginsikway sang mga tawo subong nga wala sing pulos, pero ginpili
sang Dios subong nga mapuslanon. Kari kamo subong buhi nga mga
bato, kag ipagamit ang inyo kaugalingon sa pagpatindog sang
espirituhanon nga templo, sa diin magaalagad kamo subong balaan nga
mga pari, sa paghalad sa Dios sang espirituhanon kag nahamutan nga
mga halad paagi kay Jesukristo.
Kay ang kasulatan nagasiling:
“Nagpili ako sang is aka bato nga mapuslanon, nga akon
ginhimo subong pamusod nga bato sa Sion, kag ang nagatuo sa iya indi
gid mapaslawan.”
Para sa inyo nga nagatuo, ini nga bato mahal kaayo. Pero para
sa mga wala nagatuo: “Ang bato nga ginsikway sang mga manunokod
nangin pamakod nga bato.”
Ang isa pa gid bahin sang kasulatan nagasiling:
“Amo ini ang bato nga magapasandad sa mga tawo, ang bato
nga magadasma sa ila.”
Nakasandad sila kay wala sila magtuo sa pulong sang Dios.
Amo ini ang kabubot-on sang Dios para sa ila.
Pero kamo inyo pinili nga rasa, harianon nga mga pari, balaan
nga pungsod, mga tawo nga iya gid sang Dios, pinili sa pagbantala sang
makatilingala nga mga buhat sang Dios, nga nagatawag sa inyo gikan
sa kadudolman pakadto sa iya makatilingala nga kapawa.
S: Salamat sa Dios.
44
INTRODUKSYON SA EBANGHELYO
Ang mga nagatuo kay Kristo makahimo man sang mga nahimo ni
Kristo kag magakadto kon diin man sila dal-on ni Kristo, tungod si Kristo amo
ang dalan, kamatuoran kag kabuhi para sa aton.
ALELUYA
Aleluya! Ako amo ang dalan, ang kamatuoran, kag ang kabuhi,
siling sang Ginoo; wala sing may makakadto sa Amay kon indi paagi
sa akon. Aleluya!
EBANGHELYO Juan. 14: 1-12
Nagsiling si Jesus sa iya mga gintuton-an: “Indi kamo

magpalibog kag magkatublag. Magtuo kamo sa Dios, kag magtuo man
kamo sa akon. Sa balay sang akon Amay may madamo nga mga
kuwarto, kag magalakat ako sa pag-aman sing duog para sa inyo. Indi
ako magsiling sini sa inyo kon indi ini matuod. Sa tapos ako makalakat
kag makaaman sing duog para sa inyo, magabalik ako kag dalhon ko
kamo, agod nga kon diin ako didto man kamo. Nahibaluan ninyo ang
dalan pakadto sa duog nga akon pagakadtuan?”
Si Tomas nagsiling sa iya, “Ginoo, wala kami makahibalo kon
diin ikaw makadto, paano bala ang pagkatultol namon sang dalan
pakadto didto?”
Si Jesus nagsabat sa iya, “Ako amo ang dalan, kamatuoran, kag
ang kabuhi; wala sing may makakadto sa Amay kon indi paagi sa akon.
Karon nga nakilala na ninyo ako, inyo man makilala ang akon Amay,
kag sugod karon inyo gid sia nakilala kag nakita.”
Si Felipe nagsiling sa iya, “Ginoo, ipakita sa amon ang Amay,
kag tuman na ina para sa amon.”
kag wala pa ikaw makakilala sa akon? Ang nakakita sa akon nakakita
sa Amay. Ngaa bala masiling ka, ‘Ipakita sa amon ang Amay?’ Felipe,
wala ka bala nagatuo nga ako yara sa Amay kag ang Amay yari sa akon?
Ang mga pulong nga ginahambal ko sa inyo, wala nagagikan sa akon.
Ang Amay nga yari sa akon amo gid ang nagahimo sang iya buhat.
indi gani, magtuo kamo sining mga buhat.
Nagasiling ako sa inyo sang matuod: ang nagatuo sa akon
magahimo sang mga buhat nga akon ginahimo, kag dalagku pa sini nga
mga buhat ang iya himuon, kay ako magakadto sa Amay.”
45
P: Paagi sa aton Ginoong Jesus, ang aton dalan padulong sa Amay,

aton dal-on sa atubangan sang Dios ang mga kinahanglanon sang
Simbahan kag sang kalibutan, kag kita magsiling:
O Ginoo, padaluma ang pagtuo namon sa Imo.
1. Ginoong Jesus, ginadangop namon sa Imo ang intensyon sang amon
Santo Papa, Obispo kag mga kaparian agod nga sa pagsunod nila sa
Imo halimbawa, ang maluloy-on nga Ginoo, makapanaksi sila
bilang mga propeta nga nagapadulong sa pagpakig-uli, pagkaayo
kag paghidait, mangamuyo kita. (S.)
2. Ginoong Jesus, himoa nga makakita ang Imo katawohan sang dalan
padulong sa kabuhi kag tagipusoon, agod indi kami magpabilin nga
mga dumoluong sa isa kag isa, ilabi na sa amon pagbuligay sa ti-on
sang mga pagtilaw, mangamuyo kita. (S.)
3. Ginoong Jesus, himoa nga makatukod kami sang mga dalanon nga
hilway sa mga katalagman kag magadala sa katawohan nga mangin
malapit kag indi mangin malayo sa isa kag isa, mangamuyo kita.
(S.)
4. Para sa aton mga pinalangga nga nagtaliwan, agod maagom na nila
ang kabuhi kag kalipay nga dayon, mangamuyo kita. (S.)
P: Ginoong Jesus, ginasalig namon ang amon kaugalingon sa Imo,
tungod kami nakahibalo nga Ikaw magatuytoy sa amon padulong
sa puloy-an sang Amay, sa tanan nga mga tuig sang mga katuigan.
Amen.

O Ginoo, pamatii ang amon pangamuyo agod nga ining balaan
nga pagbaylohanay sang mga dulot sa diin kami naluwas magbulig sa
amon sa sini nga kinabuhi kag magdangat sa amon sang kalipay nga
dayon. Ginapangayo namon ini sa Imo, paagi kay Kristo nga amon
Ginoo.
PREPASYO (Paskwa I)
nga among id Ikaw dayawon, O Ginoo, sa tanan nga tion, pero, labi na
gid sa sining balaan nga adlaw nga ginahalad si Kristo, ang amon
Kordero Paskwal.
46
Sia gid amo ang matuod nga Kordero nga nagawala sang mga
sala sang kalibutan; paagi sa Iya pagkamatay, gindaog Niya ang amon
kamatayon, kag paagi sa Iya pagkabanhaw, gin-uli Niya liwat sa amon
ang kabuhi.
nga pagkinalipay; ang mga Angheles, ang mga Arkangheles, kag ang
tanan nga mga tinuga sa langit nagaamba sang kalantahon sang Imo
Ako ang matuod nga puno sang ubas kag kamo ang mga sanga, siling
sang Ginoo. Ang nagapabiln sa Akon kag Ako sa iya, magapamunga sing
madamo, aleluya.

O Ginoo, buylogi sing maluloy-on ang Imo katawohan kag
itugot nga kami nga Imo ginsagod sining langitnon nga sakramento
magbiya gikan sa amon daan nga pagginawi padulong sa bag-o nga
kabuhi. Ginapangayo namon ini sa Imo, paagi kay Kristo nga amon
Ginoo.
BENDISYON SOLEMNE
P. Paagi sa pagkabanhaw sang Iya Anak gintubos kamo sang Dios kag
ginhimo nga Iya mga anak. Kabay nga Iya kamo bendisyonan sing
kalipay. T. Amen.
P. Ginhatagan kamo sang aton Manunubos sang walay katapusan nga
kahilwayan. Kabay nga mapanubli ninyo ang Iya kabuhi nga dayon.
T. Amen.
P. Paagi sa pagtuo nabanhaw kamo upod sa Iya sang pagbunyag sa
inyo. Kabay nga magkabuhi kamo sing balaan agod maghiusa kamo
sa Iya sing walay katubtoban. T. Amen.
47
MAYO 8 – LUNES
Puti
Nabanhaw ang maayo nga manugbantay nga nagtugyan sang Iya kabuhi para
sa Iya mga karnero, kag nagpakamatay para Iya panong, aleluya.
PANGAMUYO
O Ginoo, kabay nga ang Imo tuo nga kamot maglikop sang Imo
panimalay sing may mapinadayunon nga pagtabang, agod nga sa
napangapinan Sia batok sa tanan nga kalautan paagi sa pagkabanhaw
sang Imo bugtong nga Anak, Iya madangat ang langitnon nga mga
bugay.
kag amon Ginoo, nga nagakabuhi kag nagakari upod sa Imo sa
katuigan.

Naghimbon ang mga Hentil kag ang mga Hudiyo upod sa ila
mga pangulo. Ginkaisahan nila nga sakiton kag batuhon ang mga
apostoles. Sang mahibal-an ini sang mga Apostoles nagpalagyo sila sa
Listra kag sa Derbe, mga siudad nga sakop sang Lacaonia, kag sa
palibot nga mga duog. Didto ginwali nila ang Maayong Balita.
May isa ka tawo didto sa Listra nga nagapungko kag indi
makalakat. Lupog sia halin sang iya pagkatawo kag wala gid
makalakat. Samtang nagalingkod sia didto nagapamati sia sang mga
ginhambal ni Pablo. Nakita ni Pablo nga nagtuo sia kag sarang sia
maayo, gani gintulok sia ni Pablo sing waay pulopamisok kag
ginsingganan sa mabaskog nga tingog, “Tindog ka sing tadlong!”
Nagtumbo ang tawo kag naglakatlakat. Sang makita sang mga tawo
ang ginhimo ni Pablo, nagsinggit sila sa ila kaugalingon nga linggwahe
sa Lacaonia nga nagasiling, “Ang mga dios nangin subong sang tawo
kag nagpanaog sila sa aton!”Gintawag nila si Bernabe nga Jupiter, kag
si Pablo gintawag nila nga Mercurio tungod kay sia amo ang ila
manughambal.
48
Ang pari sang templo ni Jupiter nga nahamtang sa gwa sang
banwa, nagdala sang toro nga mga baka kag mga bulak sa puwerta.
Luyag niya kag sang mga tawo nga dulotan ang mga apostoles sang
halad nga sinunog. Sang mahibal-an ni Bernabe kag ni Pablo ang ila
tuyo, gingisi nila ang ila mga bayu kag nagdalagan sila sa tunga sang
mga tawo nga nagasinggit, “Mga abyan, ngaa bala ginahimo ninyo ini?
Tawo man lang kami nga kaangay ninyo! Nagkari kami diri sa pagwali
sang Maayong Balita agod nga magbiya kamo sining walay pulos nga
mga butang kag magbalik sa buhi nga Dios, nga amo ang nagtuga sang
langit, duta, dagat, kag sang tanan nga yara sa ila. Sang-una ginpabay-
an lang nila ang tanan nga mga tawo sa pagsunod sang ila luyag. Pero
wala sia mag-untat sa pagpamatuod sang iya kaugalingon paagi sa
maayo nga mga butang nga iya ginpanghimo. Ginahatagan niya kamo
sang ulan halin sa langit kag mga patubas sa nagakaigo nga tion.
Ginhatagan niya kamo sing pagkaon kag ginapuno niya ang inyo mga
tagipusoon sing kalipay.”
Bisan amo na ini ang ginhambal sang mga apostoles, indi pa nila
mapunggan ang mga tawo sa pagdulot sa ila sing halad nga sinunog.
S: Salamat sa Dios.
Sa Imo lamang O Ginoo, sa Imo lamang,

kag indi sa amon dapat ihatag ang himaya.
1. Sa Imo lamang O Ginoo, sa Imo lamang, kag indi sa amon dapat
ihatag ang himaya, tungod sang Imo mapinadayunon nga gugma
kag katutom. Ngaa ang mga kapungsoran magpamangkot sa amon,
“Diin bala ang inyo Dios?” (S)
2. Ang amon Dios yara sa langit, nga nagahimo sang luyag Niya. Ang
ila mga dios nahimo sa pilak kag bulawan, nga ginhimo sang mga
kamot sang tawo. (S)
3. Kabay nga bendisyunan kamo sang Ginoo, nga nagtuga sang langit
kag duta! Ang langit iya sang Ginoo lamang, pero ginhatag Niya
ang duta sa mga tawo. (S)
ALELUYA
Aleluya! Ang Espiritu Santo magatudlo sa inyo sang tanan nga
mga butang, kag magapahanumdom Sia sa inyo sang tanan nga Akon
ginsiling sa inyo. Aleluya!
49
Nagsiling si Jesus sa iya mga gintuton-an: “Ang nagabaton kag

nagatuman sang akon mga sugo amo ina sia ang nagahigugma sa akon.
Ang akon Amay magahigugma sa iya nga nagahigugma sa akon, kag
ako man magahigugma sa iya kag magapahayag sang akon
kaugalingon sa iya.”
Si Judas (nga indi si Judas Iscariote) nagsiling, “Ginoo, ngaa man
sa amon ka lang magapahayag sang imo kaugalingon kag indi sa
kalibutan?
Si Jesus nagsabat, “Ang nagahigugma sa akon magatuman sang
akon pulong, kag ang akon Amay magahigugma sa iya kag kami
magakadto sa iya kag magakabuhi upod sa iya. Ang wala nagahigugma
sa akon, wala nagatuman sang akon mga pulong. Ang mga pulong nga
inyo nabatian indi akon, kundi nagikan sa Amay nga nagpadala sa
akon. “Ginasugid ko ini samtang yari pa ako upod sa inyo. Ang
Mananabang, ang Espiritu Santo nga ipadala sang Amay sa akon
ngalan, magatudlo sa inyo sang tanan nga mga butang, kag
magapahanumdom sia sa inyo sang tanan nga akon ginsiling sa inyo.”

O Dios nga amon Amay, batuna ang amon mga dulot kag
pangamuyo kag tinloi kami paagi sa Imo grasya agod mangin-takus
kami sa pagbaton sining balaan nga sakramento. Ginapangayo namon
PREPASYO (Paskwa I)
nga among id Ikaw dayawon, O Ginoo, sa tanan nga tion, pero, labi na
gid sa sining balaan nga adlaw nga ginahalad si Kristo, ang amon
Kordero Paskwal.
Sia gid amo ang matuod nga Kordero nga nagawala sang mga
sala sang kalibutan; paagi sa Iya pagkamatay, gindaog Niya ang amon
kamatayon, kag paagi sa Iya pagkabanhaw, gin-uli Niya liwat sa amon
ang kabuhi.
tanan nga mga tinuga sa langit nagaamba sang kalantahon sang Imo
50
Ang paghidait ginabilin Ko sa inyo; ang Akon paghidait ginahatag Ko sa inyo.
Ginahatag Ko ini sa inyo indi subong sang paghatag sang kalibutan, siling sang Ginoo,
aleluya.

O Gamhanan kag walay katapusan nga Dios, Imo ginabag-o
liwat sa amon ang kabuhi nga dayun paagi sa pagkabanhaw ni Kristo
nga Imo Anak; itugot nga ining sakramento sang Paskwa magmangin-
mapuslanon gid para sa amon, kag ipabatyag sa amon mga tagipusoon
ang kusog sining makalulowas nga kalan-on. Ginapangayo namon ini
sa Imo, paagi kay Kristo nga amon Ginoo.
MAYO 9 - MARTES
Puti
Dayawa ninyo ang aton Dios, kamo tanan nga mga alagad Niya kag nagatahod
sa Iya, magagmay man ukon dungganon kay napahayag na ang pagluwas kag ang
gahom sa Dios, kag ang pagdumala sang Iya Mesiyas, aleluya.
PANGAMUYO
O Dios nga amon Amay, paagi sa pagkabanhaw sang Imo Anak
Imo gin-uli liwat sa amon ang kabuhi nga wala sing katapusan; palig-
ona ang amon pagtuo kag pabakura ang amon paglaum, agod nga indi
kami magpangduhadoha sa pag-angkon sang tanan nga Imo ginsaad sa
amon.
katuigan.

May mga Hudiyo nga nag-abot halin sa Antioquia sang Pisidia
kag halin sa Iconio; ginhaylo nila ang mga tawo sa pagbuylog sa ila,
ginbato nila si Pablo, kag ginsagnoy nila sia pakadto sa gwa sang banwa
nga abi nila patay na sia.
51
Pero sang pagtipon sang mga tumoluo sa palibot niya,
nagbangon sia kag nagbalik sa banwa. Sang madason nga adlaw
nagkadto sila ni Bernabe sa Derbe.
Ginwali nga Pablo kag Bernabe ang Maayong Balita sa Derbe
kag madamo ang ila nakonbertir. Sa tapos sini nagbalik sila sa Listra
kag nagpadayon sa Iconio kag dayon nagkadto sila sa Antioquia kag
Pisidia. Ginpabakod nila ang mga tumoluo kag ginpaisog sila sa
pagpadayon sa pagtuo. Sa ila pagpanudlo nagsiling sila, “Madamo nga
mga kabudlayan ang aton dapat pagaagihan sa pagsulod sa Ginharian
sang Dios.” Nagpili sila sa tagsa ka iglesia sing mga katigulangan nga
magdumala sa ila kag paagi sa pagpangamuyo kag puasa gintugyan
nila sila sa Ginoo nga ila gintuohan.
Kag sang nakaagi sila sa mga duog nga sakop sang Pisidia,
nagkadto sila sa Panfilia. Nagwali sila sa Perge kag nagdulhog sila sa
Atalia. Halin didto nagpanakayon sila pabalik sa Antioquia, ang duog
sa diin gintugyan sila sa grasya sang Dios tungod sang bulohaton nga
karon natapos na nila.
Sang pag-abot nila sa Antioquia, gintipon nila ang tanan nga
mga kautoran kag ginsugid nila ang tanan nga ginhimo sang Dios paagi
sa ila, kag kon ano ang pagbukas sang Dios sang kahigayunan agod
magtuo ang mga Hentil. Si Pablo kag si Bernabe nagtiner didto sing
madugay upod sa mga tumoluo.
S: Salamat sa Dios.
SALMO SA PAGSABAT Sal. 145: 10-11. 12-13. 21
O Ginoo, ang tanan nga mga tawo makahibalo

sang Imo gamhanan nga mga buhat.
1. Ang tanan Mo nga tinuga, O Ginoo, magadayaw sa Imo, kag ang
Imo mga tawo magpasalamat sa Imo! Magahambal sila sang himaya
sang Imo ginharian, kag magasugid sila sang Imo gahom. (S)
2. Agod ang tanan nga mga tawo makahibalo sang Imo gamhanan nga
mga buhat, kag sang mahimayaon nga pagkahalangdon sang Imo
ginharian. Ang Imo ginharian wala sing katapusan, kag ikaw hari
sa walay katubtoban. (S)
3. Dayawon ko ang Ginoo sa gihapon, ang tanan nga mga tinuga
magdayaw sang Iya balaan nga ngalan sa walay katubtoban! (S)
ALELUYA
Aleluya! Ang Kristo dapat mag-antos kag pagabanhawon sa
ikatlo nga adlaw kag magaangkon sang Iya himaya. Aleluya!
52
Si Jesus nagsiling sa iya mga gintuton-an: “Ang paghidait

ginabilin ko sa inyo, ang akon paghidait ginahatag ko sa inyo.
Ginahatag ko ini sa inyo indi subong sang paghatag sang kalibutan. Indi
kamo magpalibog kag magkatublag, indi kamo magkahadlok.
Nabatian ninyo nga nagsiling ako sa inyo, ‘Ako magalakat, pero
magabalik man ako sa inyo.’ Kon ginahigugma ninyo ako, magakalipay
kamo nga ako magakadto sa Amay, kay sia gamhanan pa sa akon.
Karon ginasugid ko ini sa inyo sa wala pa mahanabo, agod nga kon
mahanabo ini, magtuo kamo. Indi na ako makapadugay sa paghambal
sa inyo, kay ang nagagahom sining kalibutan nagapakari. Wala sia sing
gahom sa akon, pero kinahanglan makahibalo ang kalibutan nga ako
nagahigugma sa Amay. Gani ginahimo ko ang tanan nga iya ginasugo
sa akon.”

O Ginoo, batuna ang mga dulot sang Imo nagahinugyaw nga
Simbahan; Imo kami ginahatagan sing kalipay paagi sa pagkabanhaw
sang Imo Anak; paambita man kami sang kalipay nga wala sing
katapusan. Ginapangayo namon ini sa Imo, paagi kay Kristo nga amon
Ginoo.
PREPASYO (Paskwa IV)

nga amon gid Ikaw dayawon, O Ginoo, sa tanan nga tion, pero, labi na
gid sa sining panahon sang Paskwa nga ginhalad si Kristo, ang amon
Kordero Paskwal!
Paagi sa Iya bag-o nga panahon nagbutlak, ang dugay na nga
paghari sang sala natapos, ang naguba nga kalibutan nakaayo liwat,
kag gin-uli liwat sa amon ang himpit nga kabuhi.
tanan nga mga tinuga sa langit naga-amba sang kalantahon sa Imo
53
Kon mapatay kita upod kay Kristo, nagatuo kita nga magakabuhi man kita
upod sa iya, aleluya.

O Ginoo, tamda kami nga Imo ginbag-o paagi sa mga
sakramento sang Paskwa, kag itugot nga kami man banhawon nga may
lawas nga mahimayaon. Ginapangayo namon ini sa Imo, paagi kay
Kristo nga amon Ginoo.
MAYO 10 – MIERKOLES
Puti
St. John of Ávila (1569) reformer, one of the greatest preachers of his time, author, and spiritual director whose
religious leadership in 16th – century Spain earned him the title “Apostle of the Andalusia.”
Ini amo ang bulahan nga mga tawo, mga abyan sang Dios kag nabantugan sang
ila pagwali sang Diosnon nga kamatuoran, aleluya.
PANGAMUYO
O labing balaan nga Amay, paagi sa pagwali ni San Juan de Avila,
Imo gintawag ang mga wala nagatuo kay Kristo gikan sa kadulom
padulong sa kapawa sang kamatuoran. Paagi sa iya mga pag-ampo,
palig-ona kami sa pagtuo kag sa paglaum suno sa Maayong Balita nga
iya ginbantala.

May mga tawo halin sa Judea nga nagkadto sa Antioquia kag
nagtudlo sa mga utod nga indi sila maluwas kon indi sila
magpasirkumsedar, suno sa ginatudlo sa Kasugoan ni Moises.
54
Mainit ang pagpakibais ni Pablo kag ni Bernabe batok sa ila
nahanungod sini, gani ginpakamaayo sang mga kautoran nga palakton
si Pablo kag si Bernabe sa Jerusalem nga updan sang iban nga taga-
Antioquia, agod nga mapakigkitaan nila ang mga apostoles kag ang
mga katigulangan sang iglesia nahanungod sini nga butang.
Ginpalakat sila sang mga katapo sang iglesia kag sa ila paagi sa
Fenicia kag Samaria, nagsugid sila kon daw ano ang pagliso sang mga
Hentil sa Dios. Nalipay gid ang mga kautoran tungod sini nga balita. Sa
ila pag-abot sa Jerusalem ginbaton sila sang iglesia kag sang mga
apostoles kag sang mga katigulangan sang iglesia. Ginsugid nila ang
tanan nga ginhimo sang Dios paagi sa ila. Pero may pila ka mga
tumoluo nga sang una mga Fariseo nga nagtindog kag nagsiling,
“Kinahanglan nga magpasirkumsedar sila kag patumanon sa Kasugoan
ni Moises.”
Gani nagsapol ang mga apostoles kag ang mga katigulangan
sang iglesia sa pagpatugsiling sini nga butang.
S: Salamat sa Dios.
Magakadto kita sa balay sang Ginoo nga may kasadya.

1. Nagkasadya ako sang pagsiling nila sa akon, “Dali makadto kita sa
balay sang Ginoo!” Kag karon yari na kita diri, nga nagatindog sa
sulod sang mga puwerta sang Jerusalem! (S)
2. Ang Jerusalem isa ka siudad nga ginpatindog liwat sa diin ang mga
tawo naghiliusa sing tingob! Diri nagakadto ang mga tribo, ang mga
tribo sang Israel, sa pagpasalamat sa Ginoo. (S)
3. Suno sa Iya ginsugo sa ila diri napahamtang ang mga hukmanan, sa
diin ang hari nagahukom sang iya mga tinawo. (S)
ALELUYA
Aleluya! Magapabilin kamo sa Akon, kag Ako magapabilin sa
inyo, siling sang Ginoo; ang nagapabilin sa Akon kag Ako sa iya
magapamunga sang madamo. Aleluya!
55
Si Jesus nagsiling sa iya mga gintuton-an: “Ako amo ang matuod

nga puno sang ubas, kag ang Akon Amay amo ang manugtatap. Ang
tagsa ka sanga nga yara sa akon nga wala nagapamunga, ginautod niya,
kag ang tagsa ka sanga nga nagapamunga, ginatinluan niya agod
magpamunga pa gid sing madamo. Kamo natinluan na paagi sa mga
pulong nga ginhambal ko sa inyo. Magpabilin kamo sa akon, kag ako
magapabilin sa inyo. Kon indi kamo magpabilin sa akon indi kamo
makapamunga, subong nga ang sanga indi makapamunga kon wala
nagaangot sa puno.
“Ako amo ang puno sang ubas, kamo ang mga sanga. Ang
nagapabilin sa akon, kag ako sa iya, magapamunga sing madamo, kay
kon wala ako wala kamo sing may mahimo.
Ang wala nagapabilin sa akon ginahaboy subong sang isa ka
sanga, kag nagakalaya. Ini nga mga sanga ginatipon kag ginahaboy sa
kalayo kag ginasunog. Kon kamo nagapabilin sa akon kag ang akon
mga pulong nagapabilin sa inyo, dayon pangayo kamo sang bisan ano
nga luyag ninyo, kag inyo ini mabaton. Sa inyo pagpamunga sing
madamo, ginapakita ang himaya sang Amay, kag kamo mangin-akon
gintuton-an.”

O Dios nga makagagahom, batuna ang amon mga dulot sa piesta
ni San Juan de Avila; itugot nga ilugon namon sa amon kabuhi ining
misteryo sang pagkasakit sang Imo Anak nga amon ginasaulog.
PREPASYO (Pastor)
Imo ginalipay ang Imo simbahan sa sini nga piesta ni San Juan de
Avila. Paagi sa iya mga pagsulondan Imo kami ginapabakod, paagi sa
Iya pagwali Imo kami ginatudloan, kag Imo kami ginaapinan tungod
sang iya mga pag-ampo.
Gani, upod sa mga Angheles kag mga Santos, naga-amba kami
56
Ako gid ang magabantay sang Akon karnero, siling sang Ginoo, kag pangitaan
ko sila sing duog nga palahuwayan, aleluya.

O Dios nga amon Amay, paagi sa pagkalawat nga amon nabaton,
palig-ona ang Imo banwa sa matuod nga pagtuo agod nga amon ini
ipakilala subong sang ginhimo ni San Juan de Avila, nga
nagpangabudlay kag naghalad sang Iya kabuhi sa pagpalapnag sang
amo man nga pagtuo. Ginapangayo namon ini sa Imo, paagi kay Kristo
nga amon Ginoo.
MAYO 11 - HUEBES
Puti
Magaamba ako sa Ginoo, kay mahimayaon ang Iya pagdaog. Ang Ginoo ang
akon kusog kag gahom, kag Sia ang akon kaluwasan, aleluya.
PANGAMUYO
O Dios, Imo kami ginsaylo gikan sa kamatayon pakadto sa
kabuhi, kag gikan sa kalisod pakadto sa kalipay; indi pag-untati ang
Imo pagbulig sa amon, kag ihatag ang kusog sa pagpadayon nga
matinuohon sa tanan nga Imo ginpakamatarong paagi sa pagtuo.
katuigan.

Sa tapos sang malawig nga pagbinaisay, nagtindog si Pedro kag
nagsiling, “Mga utod, inyo nahibaluan nga madugay na ako ginpili
sang Dios sa pagwali sang Maayong Balita sa mga Hentil, agod nga
makabati sila sini kag magtuo.
57
Kag ang Dios nga nakahibalo sang tagipusoon sang mga tawo
nagpakita sang iya pagbaton sang mga Hentil paagi sa iya paghatag sa
ila sang Espiritu Santo, subong sang iya paghatag man sini sa aton.
Wala sia sing pinilian sa aton kag sa ila, kay gintinluan ang ila mga
tagipusoon tungod kay nagatuo sila. Karon, ngaa bala nga ginatilawan
ninyo ang Dios sa pagpapas-an sa mga tumoluo sang palas-anon nga
indi gani madala sang aton mga katigulangan kag bisan kita indi man
makadala? Indi amo ina! Nagatuo kita nga paagi sa grasya ni Ginoong
Jesus ginluwas kita kag amo man sila.”
Naghipos ang tanan sang mabatian nila ang tanan nga ginsugid
ni Bernabe kag ni Pablo nahanungod sang katingalahan kag mga
milagro nga ginhimo sang Dios sa mga Hentil paagi sa ila. Sang
makatapos sila hambal, si Santiago nagsiling, “Mga utod, pamatii ninyo
ako! Bag-o lang ni Simon ginsaysay ang nahauna nga pagpakita sang
Dios sa iya kabalaka sa mga Hentil paagi sa iya pagkuha sang mga tawo
gikan sa ila mga mangin-iya gid kaugalingon nga mga tawo. Ang mga
ginhambal sang mga propeta nagapamatuod sini. Ang kasulatan
nagasiling:
“Sa tapos sini magabalik ako,
siling sang Ginoo,
kag patindugon ko
ang napukan nga balay ni David,
Kay-uhon ko ang mga narumpag.
Patindugon ko ini liwat.
Gani ang tanan nga mga tawo
magapangita sa Ginoo;
Ang tanan nga mga Hentil
nga akon gintawag nga
mangin-akon kaugalingon.
Amo ini ang ginsiling sang Ginoo
nga madugay na nagpabutyag sini.”
Si Santiago nagpadayon sa pagsiling, “Ang akon panghunahona
amo ini: indi na naton pagpabudlayan ang mga Hentil nga nagabalik sa
Dios. Sa baylo, sulatan naton sila kag singganon nga indi sila magkaon
sang mga pagkaon nga nahalad sa mga diosdios, kay nadagtaan ini:
maglikaw sila sa pagpakighilawas, kag indi magkaon sang mga sapat
nga napatay paagi sa pagkuga ukon sang dugo. Kay madugay na nga
ginabasa ang Kasugoan ni Moises sa mga sinagoga sa tagsa ka Adlaw
nga Inugpahuway kag ang iya mga pulong ginawali sa tagsa ka
banwa.”
S: Salamat sa Dios.
58
Ibantala sa tanan nga mga kapungsoran

ang mga makatilingala nga mga binuhatan sang Ginoo.
1. Magkanta kamo sang bag-o nga ambahanon sa Ginoo, mag-amba
kamo sa Ginoo, O bug-os nga duta! Magkanta kamo sa Ginoo, kag
dayawa ninyo Sia! (S)
2. Isugid adlaw-adlaw ang maayong balita nga Sia nagluwas sa aton!
Ibantala ang Iya himaya sa mga kapungsoran, ang Iya gamhanan
nga mga binuhatan sa tanan nga katawohan. (S)
3. Singgana ang tanan nga mga kapungsoran, “Ang Ginoo amo ang
hari! Ang duta napahamtang sing malig-on kag indi mauyog; Sia
nagahukom sang tanan nga katawohan sa katarungan.” (S)
ALELUYA
Aleluya! Ang Akon karnero nagapamati sa Akon tingog, siling
sang Ginoo, kilala Ko sila kag nagasunod sila sa Akon. Aleluya!
Si Jesus nagsiling sa iya mga gintuton-an, “Ginahigugma ko

kamo subong nga ang Amay nagahigugma sa akon. Pabilin kamo sa
akon gugma. Kon ginatuman ninyo ang akon mga sugo, magapabilin
kamo sa akon gugma, subong nga ginatuman ko ang mga sugo sang
akon Amay, kag nagapabilin sa iya gugma.
Ginasugid ko ini sa inyo agod ang akon kalipay mangin yara sa
inyo, kag ang inyo kalipay mangin bug-os.”

Ginoo.
59
Kordero Paskwal!
Napatay Sia para sa tanan agod ang mga nagakabuhi indi na magkabuhi para
sa ila kaugalingon kundi magkabuhi para sa Iya nga napatay kag nabanhaw para sa ila,
aleluya.

Ginoo.
MAYO 12 - BIERNES
Pula
Amo ini ang mga Santos nga nagdaog paagi sa dugo sang Kordero; kag wala
sila magkapyot sa kabuhi bisan pa sa atubangan sang kamatayon, gani nagahari sila
upod kay Kristo sa walay katapusan, aleluya.
PANGAMUYO
(Para kay San Nereo kag San Aquiles)
O Dios nga makagagahom, ipabatyag sa amon ang pag-apin ni
San Nereo kag ni San Aquiles, Imo mga Martires, nga amon
ginapadunggan tungod sang ila kaisog sa pagpanaksi sang ila pagtuo.
60
(Para kay San Pancrasio)
O Dios nga amon Amay, nagakalipay kag nagasalig kami sa
pag-apin ni San Pancrasio; itugot nga paagi sa iya pag-ampo mangin
matutom kami sa Imo kag magmalig-on kami sa pag-alagad sa Imo.

Ang mga apostoles kag ang mga katigulangan sang iglesia kag
ang bug-os nga iglesia, naghisugot sang pagpili sang pila sa ila nga
ipadala sa Antioquia upod kay Pablo kag kay Bernabe. Ginpili nila si
Judas nga ginahingalanan si Barsabas kag si Silas. Ini sila nga duha
ginataha gid sang mga kautoran. Amo ini ang sulat nga ginpadala paagi
sa ila.
“Kami nga mga apostoles kag ang mga katigulangan sang
iglesia, nga inyo mga utod, nagapadala sang ila pag-abiabi sa tanan nga
mga kautoran nga mga Hentil nga nagapuyo sa Antioquia, Siria kag
Cilicia. Nakabati kami nga may mga tawo gikan sa amon nga nagkadto
sa inyo nga naggamo kag nagtublag sa inyo tungod sang ila mga
ginpanghambal. Wala kami magsugo sa ila sa paghimo sini. Gani
nagsinapol kami kag naghisugot sa pagpili sang mga tawo nga ipadala
sa inyo. Maupod sila sa aton pinalangga nga mga abyan nga si Bernabe
kag si Pablo nga nagtaya sang ila kabuhi sa pag-alagad sa aton Ginoo
Jesukristo. Gani, amon ginapadala sa inyo si Judas kag si Silas nga
magasugid sa inyo sang amo man nga mga butang nga natugon sa sini
nga sulat. Kay ginpakamaayo sang Espiritu Santo kag ginpakamaayo
man namon nga indi pagdugangan ang inyo ginapas-an luwas sa sining
kinahanglanon nga mga pagsulondan. Indi kamo magkaon sang
pagkaon nga nahalad sa mga dios-dios. Indi kamo magkaon sa dugo.
Indi kamo magkaon sang mga sapat nga napatay paagi sa kuga. Indi
kamo magpakighilawas. Maayo gid sa inyo kon maglikaw kamo sa
paghimo sini nga mga butang. Paalam sa inyo.”
Ini nga mga mensahero ginpalakat kag nagkadto sila sa
Antioquia, sa diin gintipon nila ang tanan nga mga tumoluo kag
ginhatag sa ila ang sulat. Sang mabasahan sang mga tawo ang sulat,
nalipay gid sila tungod sang mensahi nga nagpabakod gid sa ila.
S: Salamat sa Dios.
61
SALMO SA PAGSABAT Sal. 57: 8-9. 10. 12
Dayawon ko Ikaw sa tunga sang mga katawohan!

1. Handa ako, O Dios; handa na gid ako! Magakanta ako kag
magadayaw sa Imo! Magbugtaw ka, O kalag ko! Magbugtaw kamo,
O arpa kag lira ko! Pukawon ko ang adlaw! (S)
2. Magapasalamat ako sa Imo, O Ginoo sa tunga sang mga
kapungsoran! Dayawon ko Ikaw sa tunga sang mga katawohan.
Ang Imo mapinadayunon nga gugma nagalambot sa kalangitan,
ang Imo katutom sa kahawaan. Ipakita sa langit ang Imo
pagkagamhanan, O Dios, kag ang Imo himaya sa bug-os nga duta!
(S)
ALELUYA
Aleluya! Gintawag Ko kamo nga mga abyan, siling sang Ginoo
kay ginasugid Ko sa inyo ang tanan nga Akon nabatian gikan sa Akon
Amay. Aleluya!
Nagsiling si Jesus sa Iya mga gintuton-an: “Ini amo ang akon

sugo: maghigugmaanay kamo subong nga ako nagahigugma sa inyo.
Ang labing daku nga gugma nga mapakita sang isa ka tawo sa iya mga
abyan amo ang paghalad sang iya kabuhi para sa ila. Mga abyan ko
kamo, kon ginatuman ninyo ang akon mga sugo. Wala ko na kamo
ginatawag nga mga ulipon, kay ang ulipon wala makahibalo kon ano
ang ginahimo sang iya agalon. Sa baylo, ginatawag ko kamo nga mga
abyan, kay ginsugid ko sa inyo ang tanan nga akon nabatian gikan sa
akon Amay. Indi kamo ang nagpili sa akon, kundi ako ang nagpili sa
inyo, kag nagsugo sa inyo sa paglakat kag sa pagpamunga sing
madamo, ang sahi sang bunga nga nagapadayon. Dayon ang Amay
magahatag sa inyo sang bisan ano nga inyo pangayuon sa akon ngalan.
Gani, amo ini ang akon ginasugo sa inyo: maghigugmaanay kamo.”
62
O Ginoo nga amon Dios, tamda sing mahinuklogon kag
bendisyoni paagi sa Espiritu Santo ang amon halad, agod magpatubo
ini sa amon tagipusoon sang himpit nga paghigugma nga nagpalig-on
sang mga Martires sa pagdaog sang tanan nga mga pag-antus sang
lawas. Ginapangayo namon ini sa Imo, paagi kay Kristo nga amon
Ginoo.
PREPASYO (Martir)
Tungod kay ang dugo nga gin-ula ni San Nereo kag San Aquiles,
(San Pancracio) sa pagbantala sang Imo ngalan kag sa pag-ilog kay
Kristo nagapakita sang Imo diosnon nga gahom. Paagi sa Imo
ginhatagan sing kusog ang mga maluya kag Imo gintagaan sing kaisog
ang mga matalaw sa pagpanaksi nahanungod sa Imo, paagi kay Kristo
nga amon Ginoo.
Gani, upod sa mga tinuga nga langitnon, ginadayaw namon ang
Imo pagkahalangdon sing walay untat diri sa duta nga nagasiling:
Kon mapatay kita upod sa Iya, magakabuhi man kita upod sa Iya; kon
magbatas kita, magagahom man kita upod sa Iya, aleluya.

O Ginoo nga amon Dios, Imo kami ginbusog sa isa gid lang ka
tinapay sa piesta sang Imo mga Martires nga si San Nereo kag si San
Aquiles, (San Pancracio). Buligi kami agod magpadayon sa paghigugma
sa Imo kag magkabuhi kami pirme sang bag-o nga kabuhi nga Imo
ginhatag sa amon. Ginapangayo namon ini sa Imo, paagi kay Kristo nga
amon Ginoo.
63
MAYO 13 – SABADO
Puti
The Blessed Virgin Mary is venerated under this title following the apparitions to thress shepherd children in
Portugal in 1917. The message of Fatima includes a call to conversion of heart, repentance from sin, and dedication
to the Blessed Virgin Mary, especially through praying the Rosary.
Ang mga labing manggaranon sang mga pungsod magapangabay sang Imo
pagkamaayo. Tuman katahom sang iya panapton samtang ginadul-ong sia sa hari; sa
tunga sang paghinugyaw kag kinalipay.
PANGAMUYO
O Dios, Imo ginhimo ang Iloy sang Imo Anak nga mangin amon
man Iloy. Itugot nga paagi sa pagpenitensya kag pagpangamuyo kag sa
kakugi para sa kaluwasan sang kalibutan amon mapatigayon ang
pagpalapnag sang ginharian ni Kristo.

Nagpadayon si Pablo sa iya paglakat tubtob nga nakaabot sia sa
Derbe kag sa Listra. May isa ka tumoluo nga Hudiyo, pero ang iya amay
isa ka Griego. Maayo gid ang pagkabig sang mga kautoran sa Listra kag
sa Iconio kay Timoteo. Luyag ni Pablo nga dalhon si Timoteo upod sa
iya, gani ginsirkumsedar niya sia. Ginhimo niya ini tungod kay ang
tanan nga mga Hudiyo nga nagapuyo sa amo nga duog nakahibalo nga
Griego ang amay ni Timoteo. Kag sa ila pagpanghapithapit sa mga
kabanwahanan, ginpaalinton nila sa mga tumoluo ang mga
pagsulondan nga ginkaisahan sang mga apostoles kag sang mga
katigulangan sang Iglesia sa Jerusalem, kag ginsingganan sila nga
tumanon nila ini nga mga pagsulondan. Gani nagbakod ang mga iglesia
sa pagtuo kag nagdugang ang ila kadamuon adlaw-adlaw.
64
Nagpanglakaton sila sa mga kadutaan sang Frigia kag Galacia.
Ang Espiritu Santo nagdumili sa ila sa pagwali sang mensahi sa
probinsya sang Asia. Sang nakalambot sila sa dulonan sang Misia,
nagtinguha sila sa pagkadto sa probinsiya sang Bitinia pero wala sila
pagtugoti sang Espritu ni Jesus. Gani nagpadayon sila sa paglakat nga
nag-agi sa Misia kag nagdulhog pakadto sa Troas. Sadto nga gab-i may
palanan-awon si Pablo sa diin nakita niya ang isa ka tawo nga taga-
Macedonia nga nagatindog kag nagapakitluoy sa iya nga nagasiling,
“Tabok ka diri sa Macedonia kag tabangi kami!” Sa gilayon, sa tapos
sining palanan-awon ni Pablo, naghimos kami sa pagkadto sa
Macedonia, kay nagbatyag kami nga ang Dios nagtawag sa amon sa
pagwali sang Maayong Balita sa mga pumoluyo didto.
S: Salamat sa Dios.
SALMO SA PAGSABAT Sal. 100: 1-2. 3. 5
Magkanta nga may kalipay sa Ginoo, O bug-os nga kalibutan!

1. O bug-os nga kalibutan, magsimba sa Ginoo sing masinadyahon;
magpalapit sa iya atubangan nga may malipayon nga mga
ambahanon! (S)
2. Indi pagkalimti nga ang Ginoong Dios! Ginhimo niya kita kag Iya
kita; Iya kita mga tawo kag Iya mga karnero. (S)
3. Ang Ginoo maayo; ang Iya gugma wala sing katapusan, kag ang iya
katutom nagapadayon, sa tanan nga panahon. (S)
ALELUYA
Aleluya! Ginbanhaw kamo kaupod ni Kristo. Gani pangitaa
ninyo ang butang nga yara sa langit, sa diin nagalingkod si Kristo sa Iya
trono sa tuo sang Dios. Aleluya!

Nagsiling si Jesus sa iya mga gintuton-an: “Kon ginadumtan

kamo sang kalibutan, dapat ninyo dumdomon nga ako ang una nga
gindumtan sini. Kon iya kamo sang kalibutan, ang kalibutan
magahigugma sa inyo subong nga iya sang kalibutan. Pero ginpili ko
kamo gikan sa sining kalibutan kag indi na kamo iya sining kalibutan.
Gani, ang kalibutan nagadumot sa inyo.
65
Dumdoma ang akon ginhambal sa inyo: ‘Wala sing ulipon nga
labaw pa sa iya agalon.’ Kon ginahingabot nila ako, hingabuton man
nila kamo. Kon ginatuman nila ang akon pulong, ila man tumanon ang
inyo mga pulong. Pero ini tanan ila himuon sa inyo tungod kay akon
kamo, kag wala sila makakilala sang nagpadala sa akon.”

O Ginoo, batuna ang mga dulot nga amon ginahalad sa Imo kag
pasanaga sa amon ang kapawa sa Espiritu Santo agod nga paagi sa
pagsunod sa Mahal nga Birhen Maria, pangitaon namon ang tanan nga
Imo, kag huptan namon ini sa amon tagipusoon. Ginapangayo namon ini
PREPASYO (Santa Maria I)

Amon ikaw ginasaulog, ginadayaw kag ginabansag sa sini nga
handumanan ni Santa Maria, Birhen sa gihapon. Sa lalang sang Espiritu
Santo kag sa nagapabilin ang iya pagkaulay, nangin Iloy sia sang Imo
Anak kag kapawa sang kalibutan, si Jesukristo nga amon Ginoo.
Paagi kay Kristo, ang Imo pagkahalangdon ginadayaw sang mga
Angheles kag sang tanan nga mga tinuga nga langitnon. Itugot nga
mapainuboson nga nagasiling:
Dayawa ang Ginoo nga aton Dios tungod kay Maria nga Iya alagad Iya
gintuman ang Iya kaluoy nga Iya ginsaad sa kaliwat ni Israel.
PANGAMUYO SA TAPOS PANGALAWAT

O Ginoo, amon nabaton ang sakramento sang kaluwasan kag
pagtuo. Nagapangayo kami sing mapainuboson nga kami nga
nagasaulog sang handumanan sang Mahal nga Birhen Maria mangin
takus sa pagpakig-ambit upod sa iya sa langitnon nga bangkete.
66
MAYO 14 - DOMINGO
Puti
Hours: Pss II, Of the Sun, OR, “Te Deum”, EP II of Sun of Easter, NP of Sun
Mass: Prop, GL, CR, Pf I-V of Easter, Sol Bl 6
PN Today is Mothers’ Day. This secular observance should not diminish the primary focus of this Sunday as
the celebration of the Paschal Mystery. However, in order to provide recognition of this day, model
intercession and a Prayer Over the People may be used.
(May yara diri sang “Pangamuyo sang Pagbendisyon sang mga Iloy” antes sang Bendisyon Solemne)
Sa aton kabuhi sa masami madamo ang mga pagtilaw kag katalagman
nga aton ginaatubang. Ang Ginoo sa sini nga Domingo nagapahanumdum sa
aton nga ang Amay magapadala sang Espiritu Santo sa pagbulig sa aton kag
sa Simbahan agud aton makita ang aton dapat buhaton sa kapawa sang aton
nga pagtuo. Aton pangayuon kay Jesus ang ini nga Espiritu nga mag-ubay kag
magpabakod sa aton.
Lawaga ini upod sa mga singgit sang kalipay, ipahibalo ini tubtob sa mga
dulonan sang kalibutan. Ipahayag: Ang Ginoo nagluwas sang Iya alagad nga si Jacob,
aleluya.
HIMAYA SA DIOS
PANGAMUYO
Dios nga makagagahom, himoa nga saulogon namon sing
mainampuon ini nga mga inadlaw sang pagkinalipay sa kadungganan
ni Kristo nga nabanhaw; kabay nga ang mga misteryo nga amon
gindumdom sa sini nga panahon magkambio sang amon daan nga
pagkabuhi kag mapakita namon ini sa maayo nga mga buhat.
sang Espiritu Santo, Dios , sa tanan nga mga tuig sang mga katuigan.
67
Sang ang katilingban sang mga Kristiano nga indi mga Hudiyo
gintukod sa Samaria, ang Espiritu Santo nagpamatuod sining importante nga
tikang sa kabuhi sang Simbahan sa kalibutan, tungod Sia nagkunsad man sa
mga taga-Samaria.
NAHAUNA NGA BALASAHON Bin. 8: 5-8. 14-17

Nagkadto si Felipe sa siyudad sang Samaria kag didto nagwali
sia sa mga tawo nahanungod kay Kristo. Ginpamatian sing maayo sang
mga tawo ang ginhambal ni Felipe. Nagpamati sila sa iya kag nakita
nila ang mga milagro nga ginhimo niya. Nagasinggit sing mabaskog
ang malaut nga mga espiritu sa ila paggawa sa madamo nga mga tawo.
Madamo man nga mga paralitiko kag mga piang ang nag-alayo. Gani
may daku nga pagkinalipay sa Samaria.
Sang pagkabati sang mga apostoles sa Jerusalem nga ang mga
taga-Samaria nagbaton sang pulong sang Dios, ginpadala nila si Pedro
kag si Juan sa ila. Sang pag-abot nila nagpangamuyo sila para sa mga
tumuluo agod mabaton nila ang Espiritu Santo. Kay bisan nabautisohan
na sila sa ngalan ni Jesus nga Ginoo, wala pa magkunsad ang Espiritu
Santo sa bisan isa sa ila. Gani gintungtongan sila ni Pedro kag ni Juan
sang ila mga kamot, kag nabaton nila ang Espiritu Santo.
S: Salamat sa Dios.
SALMO SA PAGSABAT Sal. 66: 1-3. 4-5. 6-7. 16-20
Maghinugyaw ka sa Ginoo, O bug-os nga duta.

1. Dayawa ninyo ang Dios nga may paghinugyaw sa kalipay, tanan
kamo nga mga katawohan! Amba kamo sa paghigugma sang iya
ngalan, ihalad sa iya ang mahimayaon nga pagdayaw! Isiling sa
Dios, “Daw ano ka makatilingala ang mga butang nga imo
ginahimo! (S)
2. Ang tanan sa duta nagasimba sa imo, nagakanta sila sing mga
pagdayaw sa imo, nagakanta sila sing mga pagdayaw sa imo
ngalan.” Dali kamo kag tan-awa ninyo ang ginhimo sang Dios, sa
tunga sang mga tawo. (S)
68
3. Ang dagat ginhimo niya nga mamala nga duta, gintabok sang aton
mga katigulangan ang suba nga nagalakat lang, Didto
naghinugyaw kita tungod sa iya gahom. Nagagahom sia sa walay
katapusan paagi sa iya kusog kag ginabantayan niya sing maid-id
ang mga kapungsoran. (S)
4. Kari kag magpamati, tanan kamo nga nagatahod sa Dios, kag
sugiran ko kamo kon ano ang iya ginhimo sa akon. Ginadayaw ko
ang Dios kay wala niya ginsikway ang akon pangamuyo, ukon
ginkuha ang iya mapinadayunon nga gugma sa akon. (S)
Si San Pedro nagpabakod sa mga Kristiano nga naga-antos sang mga
pagpamigos kag wala paghangpanay. Siling niya sa ila: "Magpanaksi kamo
sang inyo pagtuo kag batasa ang mga pag-antos suno sa panghunahuna ni
Kristo. Kag dayon kamo mangin madinalag-on.’’
IKADUHA NGA BALASAHON 1 Pet. 3: 15-18
Ang pagbasa gikan sa Nahauna nga Sulat ni San Pedro nga Apostol
Mga hinigugma: Padunggi ninyo si Kristo sa inyo mga
tagipusoon subong inyo Ginoo. Maghanda kamo sa tanan nga tion sa
pagsabat sa nagapangayo sa inyo sing paathag nahanungod sang
paglaom nga yara sa inyo. Pero himoa ninyo ini nga may kalulo kag
pagtahod. Tipigi ang inyo mga konsyensya nga magmatinlo, agod nga
kon insultohan kamo, ang nagapakamalaut sang inyo maayo nga
pagginawi subong mga sumolunod ni Kristo, magabatyag sing kahuya
sa ila ginasiling. Kay maayo pa nga mag-antos kamo tungod sang inyo
paghimo sing maayo, kon amo gid man ini nga kabubot-on sang Dios,
sang sa naghimo kamo sang malain. Kay si Kristo mismo
nagpanginmatay tungod sa inyo. Nagpakamatay sia sing makaisa gid
lang tungod sang mga sala, isa ka matarong nga tawo para sa mga di-
matarong, agod nga madala niya kamo sa Dios. Ginpatay sia sa lawas,
pero ginbuhi sia sa Espiritu.
S: Salamat sa Dios.
Si Kristo nagsaad sang Iya Espiritu Santo sa pagbulig sa aton sa
pagpati kag pagpangabuhi sang aton pagtuo kag agod magakabuhi kita sa
gugma sang Amay kag sang Anak.
69
ALELUYA
Aleluya! Ang nagahigugma sa akon magatuman sang akon
pulong, siling sang Ginoo; kag ang akon amay magahigugma sa iya kag
kami magakadto sa iya. Aleluya!
Nagsiling si Jesus sa iya mga gintuton-an: “Kon ginahigugma

ninyo ako, tumanon ninyo ang akon mga sugo. Pangayuon ko sa Amay
kag hatagan niya kamo sang isa ka Mananabang, ang Espiritu sang
kamatuoran, nga magapabilin upod sa inyo sa walay katapusan. Ang
kalibutan indi makabaton sa iya, kay ang kalibutan indi makakita ukon
makakilala sa iya. Pero kilala ninyo sia, kay sia nagapabilin upod sa
inyo kag nagakabuhi sa inyo.
Indi ko kamo pagbayaan nga mga ilo, kay magabalik ako sa
inyo. Sa indi na lang madugay ang kalibutan indi na makakita sa akon,
pero kamo makakita sa akon; kag tungod kay ako nagakabuhi, kamo
man magakabuhi. Sa sina nga adlaw, inyo mahibaluan nga yara sa akon
ang Amay kag kamo yari sa akon, kag ako yara sa inyo.
Ang nagabaton kag nagatuman sang akon mga sugo amo ina sia
ang nagahigugma sa akon. Ang akon Amay magahigugma sa iya nga
nagahigugma sa akon, kag ako man magahigugma sa iya kag
magapahayag sang akon kaugalingon sa iya.”
P: Tampad sa sugo sang Ginoo nga nagatawag sa aton sa paghigugma

sang tanan nga katawohan, maghiusa kita sa pangamuyo upod kay
Jesus nga nagasiling:
O Ginoo, himoa kami nga mangin
matinumanon sa Imo mga sugo
1. Agod ang Espiritu sang kabakod maghatag sa tanan nga
magapanaksi sang aton buhi nga paglaum ilabi na sa aton Santo
Papa nga si Francisco, sa aton Obispo nga si Patricio kag sa tanan
nga kaparian, mangamuyo kita. (S)
70
2. Agod ang Espiritu sang kapawa maghatag sa mga lideres sang
tanan nga pungsod sang nagakaigo nga kaalam agod mahatagan
nila kasulbaran ang ang mga pangihanglanon sang katawohan,
mangamuyo kita. (S)
3. Agod ang Espiritu sang kaisog kag paglaum maghatag sa mga naga-
antus ilabi sa mga biktima sang kalalat-an kag biyolensya,
mangamuyo kita. (S)
4. Ginoong Jesus, bendisyoni ang mga iloy nga amon ginapasalamatan
kag ginapadunggan sa sini nga adlaw sang Mothers’ Day, kabay
nga padayon sila makabaton sang nagakaigo nga pagtahod kag
pag-ulikid sa mga katapo sang ila panimalay kag mga abyan kag
sila man magapabilin nga malipayon kag dalayawon sa ila pag-
alagad sa ila mga pinalangga sa kabuhi, mangamuyo kita. (S.)
P: Ginoong Jesus, ibubo sing may kaalwan ang Imo Espiritu Santo sa
kalibutan kag sa Simbahan agod mangin matinumanon kami sa Imo
kag sa Imo mga sugo sa amon sa tanan nga mga tuig sang mga
katuigan. Amen.

O Dios nga amon Amay batuna ang amon mga dulot kag
pangamuyo kag tinloi kami paagi sa Imo grasya agod mangin takus kami
sa pagbaton sining balaan nga sakramento. Ginapangayo namon ini sa
Imo, paagi kay Kristo nga amon Ginoo.

Kordero Paskwal!
paghari sang sala natapos, ang naguba nga kalibutan nakaayo liwat, kag
gin-uli liwat sa amon ang himpit nga kabuhi.
Kon ginahigugma ninyo Ako, tumanon ninyo ang Akon mga sugo, siling sang
Ginoo. Pangayuon Ko sa Amay kag hatagan Niya kamo sang isa pa ka Mananabang nga
maga-upod sa inyo sa walay katubtoban, aleluya.
71
O gamhanan kag walay katapusan nga Dios Imo ginabag-o liwat
sa amon ang kabuhi nga dayon paagi sa pagkabanhaw ni Kristo nga Imo
Anak; itugot nga ining sakramento sang Paskwa magmangin
mapuslanon gid para sa amon, kag ipabatyag sa amon mga tagipusoon
ang kusog sining makaluluwas nga kalan-on. Ginpangayo namon ini sa
Imo, paagi kay Kristo nga amon Ginoo.
___________________________
PAGBENDISYON SANG MGA ILOY SA

‘ADLAW SANG MGA ILOY’
(MOTHERS’ DAY)
PANGAMUYO SANG PAGBENDISYON
Mahigugmaon nga Dios,
Subong nga ang iloy nagahatag sang kabuhi
kag nagasagod sang iya mga anak,
Imo man nga ginabantayan ang Imo Simbahan.
Bendisyoni ining Imo mga alagad,
agod nga sila mapabakod subong Kristiano nga mga iloy.
Kabay nga magsilak ang ila halimbawa
sang pagtuo kag paghigugma.
Itugot nga kami nga ila mga anak,
magpadungog sa ila sa gihapon
nga may espiritu sang madalum nga pagtahod.
Ginapangayo namon ini paagi kay Kristo nga amon Ginoo.
T. Amen.
___________________________
BENDISYON SOLEMNE (Paskwa)
P. Paagi sa pagkabanhaw sang Iya Anak gintubos kamo sang Dios kag
ginhimo nga Iya mga anak. Kabay nga Iya kamo bendisyonan sing
kalipay. T. Amen.
P. Ginhatagan kamo sang aton Manunobos sang walay katapusan nga
kahilwayan. Kabay nga mapanubli ninyo ang Iya kabuhi nga dayon.
T. Amen.
P. Paagi sa pagtuo nabanhaw kamo upod sa Iya sang pagbunyag sa
inyo. Kabay nga magkabuhi kamo sing balaan agod maghiusa kamo
sa Iya sing walay katubtoban. T. Amen.
72
MAYO 15 – LUNES
Puti
Ang mangunguma nagahulat nga may pasensya sang patubas sang iya duta:
nagahulat siya sing mapinasensyahon sang nahauna kag ulihi nga ulan.
PANGAMUYO
O Dios, Tagtuga kag Taghatag, Imo gintugyan sa amon ang pag-
atipan sang duta agod nga ang mga binhi nga amon ginasab-og
magtubo kag maglambo. Kabay nga ang sulundan ni San Isidro
magtulod sa amon sa pag-atipan sing may kaalam sang bugana nga
manggad sang duta kag sa paggamit sing matinatapon sang bunga sang
amon kinabudlayan para sa kaayuhan sang tanan nga naga-
kinahanglan.
kag amon Ginoo, nga nagakabuhi kag nagakari upod sa Imo sa
katuigan.

Nagsakay kami sa sakayan halin sa Troas kag nagpadulong
kami sa Samotracia, kag sang madason nga adlaw nagdungka kami sa
Neapolis. Gikan didto nagkadto kami sa Filipos, ang labing daku nga
siudad sang Macedonia nga ginagamhan sang mga taga-Roma.
Nagtiner kami sing pila ka adlaw sa amo nga siudad. Sang adlaw nga
Inugpahuway naggwa kami sa siudad kag nagkadto sa pangpang sang
suba kay naghunahona kami nga may duog didto nga ginatipunan sang
mga Hudiyo sa pagpangamuyo. Naglingkod kami kag nagsugilanon sa
mga babayi nga nagtipon didto. Ang isa nga nagpamati sa amon amo si
Lidia nga taga Tiatira, isa ka manugbaligya sang tela nga granate nga
malahalon. Isa sia ka babayi nga nagasimba sa Dios kag ginbuksan sang
Ginoo ang iya painuino sa pagbaton sang mga ginhambal ni Pablo.
73
Ginbautisohan sia kag ang tanan nga sakop sang iya panimalay.
Kag gin-agda niya kami nga nagasiling, “Didto kamo dayon sa balay
kon nagapati kamo nga isa na ako ka matuod nga tumoluo sang Ginoo.”
Napilitan niya kami sa pag-upod sa iya.
S: Salamat sa Dios.
SALMO SA PAGSABAT Sal. 149: 1-2. 3-4. 5-6. 9
Ang Ginoo nagakalipay sa Iya mga tawo.

1. Magkanta sing bag-o nga ambahanon sa Ginoo, dayawa ninyo Sia
sa pagtilipon sang Iya matutom nga mga tawo! Magkasadya ka, O
Israel, tungod sang Imo manunoga, maghinugyaw kamo, O mga
pumoluyo sang Sion, tungod sang inyo hari! (S)
2. Dayawa ninyo nga may pagsinaut ang Iya ngalan, magtukar kamo
sing mga bumbo kag mga arpa sa pagdayaw sa iya, ang Ginoo
nagakalipay sa Iya mga tawo, ginapadunggan Niya ang mga
mapainuboson sing pagdaog. (S)
3. Maghinugyaw ang mga tawo sang Dios sa ila pagdaog, kag mag-
amba sing masinadyahon sa ila mga piesta. Magsinggit sila sing
mabaskog sa ila pagdayaw sa Dios, amo ini ang pagdayaw sang
mga tawo sang Dios. (S)
ALELUYA
Aleluya! Ang Espiritu Santo magasaksi nahanungod sa Akon;
kag kamo man magapanaksi sa Akon, siling sang Ginoo. Aleluya!
EBANGHELYO Juan 15: 26. 16: 4
Si Jesus nagsiling sa iya mga gintuton-an; “Kon mag-abot ang

Mananabang, ang Espiritu sang kamatuoran nga ipadala ko gikan sa
Amay, sia magasaksi nahanungod sa akon. Kag kamo man
magapanaksi para sa akon kay kamo kaupod ko halin sa ginsugoran.
Ginsugid ko ini sa inyo agod indi malingkang ang inyo pagtuo.
Tabugon nila kamo sa mga sinagoga; kag magaabot ang tion nga ang
makapatay sa inyo magahunahona nga nagaalagad sia sa Dios sa iya
paghimo sini. Himuon nila ini sa inyo, kay wala sila makakilala sa
Amay ukon sa akon. Pero ginasugid ko ini sa inyo, agod nga kon mag-
abot ang tion nga himuon nila ini sa inyo, madumdoman ninyo nga
ginsugiran ko na kamo sini.”
74
O Ginoo, sa sining handumanan ni San Isidro kahamut-i ini nga
sakripisyo nga amon ginahalad sa Imo kahimayaan kag itugot nga ini
mangin tuna-an sang amon kaluwasan. Ginapangayo namon ini sa Imo,
PREPASYO (Mga Santos kag mga Santas I)

Imo ginapakita ang Imo himaya sa katilingban sang mga Santos,
kag samtang nagapadya Ikaw sang ila mga buhat, ginahimpit Mo ang
mga bugay nga gindulot Mo sa ila.
Imo ginhatag sa amon ang pagsulundan sang ila balaan nga
pagkabuhi, ang pagbulig sang ila mga pangamuyo kag ang pagpakig-
ambit sa ila padya. Ining madamo nga mga saksi nagpaisog sa amon sa
pagdalagan, agod madangat namon ang korona sang himaya upod sa ila
Gani, upod sa mga Angheles, mga Arkangheles, kag sa
katilingban sang mga santos, nagaamba kami sing walay untat sang
kalantahon sang Imo himaya nga nagasiling:
Nagpangamuyo sia kag ang langit nag-ulan, kag ang duta nagpatubas sing
madamo.

Ginoong Dios, kabay nga ang Eukaristiya nga amon nabaton sa
sining handumanan ni San Isidro magpasantos sang amon hunahuna kag
tagipusoon agod nga kami makaambit sang Imo pagka-dios.
75
MAYO 16 - MARTES
Puti
Magkalipay kita kag magsinadya, kag magdayaw kita sa Iya. Nagahari na ang
Ginoo nga aton Dios nga Makagagahom sang tanan, aleluya!
PANGAMUYO
O makagagahom kag maluloy-on nga Dios, itugot nga mag-ambit
kami sing minatuod sa pagkabanhaw ni Kristo nga Imo Anak, nga
nagakabuhi kag nagahari upod sa Imo sa kaisahan sang Espiritu Santo,
Dios sa tanan nga mga tuig sang mga katuigan.

Ginpanggisi sang mga opisyales ang mga bayu ni Pablo kag ni
Silas kag ginpahanot sila. Sa tapos nga mahanot sila sing madamo,
ginbilanggo sila kag ang bantay sang bilangguan ginmanduan nga
sirahan gid sang maayo ang bilangguan. Sang mabaton sang bantay ini
nga mando, ginbutang niya sila didto sa sulod gid nga selda kag
ginkadenahan ang ila mga tiil.
Sang mga tungang gab-i, nagpangamuyo si Pablo kag si Silas kag
nagkanta sa pagdayaw sa Dios, kag ang iban nga mga binilanggo
nagpamati sa ila. Sa hinali naglinog sing mabaskog kag nagtay-og ang
bilangguan tubtob sa iya sadsaran. Sa gilayon nag-abri ang tanan nga
mga puwertahan sang bilangguan kag nagkalahukas ang mga kadena sa
tanan nga mga binilanggo. Nagbungkaras ang bantay kag sang makita
niya nga nabuksan na ang mga puwertahan sang bilangguan,
naghunahona sia nga nakapalagyo na ang tanan nga mga binilanggo.
Gani gingabot niya ang iya espada sa tuyo nga manginmatay sia. Pero
nagsinggit si Pablo sing mabaskog. “Indi kag magpanginmatay! Yari
kami tanan!”
Nagpangayo ang bantay sang suga kag dalidali sia nga nagsulod
kag nagluhod nga nagapalangurog sa atubangan ni Pablo kag ni Silas.
Gani iya sila gindala paggwa kag ginpamangkot, “Ano bala ang himuon
ko, mga Ginoo nga maluwas ako?”
76
Nagsabat sila, “Magtuo ka kay Ginoong Jesus kag maluwas ka,
ikaw kag ang imo panimalay.” Kag ginwali nila ang pulong sang Dios sa
iya kag sa tanan nga yara sa ila balay. Sa sadto gid nga tion sang kagab-
ihon gindala sila sang bantay kag ginhugasan ang ila mga pilas kag sa
gilayon ang bantay kag ang bug-os niya nga panimalay ginbautisohan.
Ginpasaka niya si Pablo kag si Silas sa iya balay kag ginpakaon sila. Sia
kag ang iya bug-os nga panimalay napuno sang kalipay kay karon
nagatuo na sia sa Dios.
S: Salamat sa Dios.
Gintan-ay Mo ang Imo kamot kag ginluwas Mo ako, O Ginoo.

1. Nagapasalamat ako sa Imo, O Ginoo sa bug-os ko nga tagipusoon,
nagakanta ako sing pagdayaw sa Imo atubangan sang mga dios.
Nagasimba ako sa Imo sa atubangan sang Imo balaan nga Templo.
(S)
2. Nagadayaw ako sang Imo ngalan, tungod sang Imo mapinadayunon
nga gugma kag katutom, kay nagpahayag ka nga Ikaw kag ang Imo
mga sugo labaw sa tanan. Ginsabat Mo ako sang nagpanawag ako sa
Imo; ginpabakod Mo ako sang Imo kusog. (S)
3. Ginsumpong Mo ang akon akig nga mga kaaway kag ginaluwas Mo
ako paagi sa Imo gahom. Tumanon Mo ang tanan nga Imo ginsaad
sa akon, O Ginoo, ang Imo gugma nagapadayon sa walay katapusan.
Tapusa ang hilikuton nga Imo ginsugoran. (S)
ALELUYA
Aleluya! Ipadala ko sa inyo ang Espiritu sang kamatuoran, siling
sang Ginoo; Sia magatuytoy sa inyo sa bug-os nga kamatuoran. Aleluya!

Si Jesus nagsiling sa iya mga gintuton-an: “Karon makadto na ako

sa nagpadala sa akon, kag wala gid sing may nagapamangkot sa inyo kon
diin ako makadto. Anay nga nasugiran ko na kamo, nagakasubo gid
kamo. Pero nagasiling ako sa inyo sang matuod: mas maayo para sa inyo
nga maglakat ako, kay kon indi ako maglakat, ang Mananabang indi
magkari sa inyo. Pero kon makalakat ako, ipadala ko sia sa inyo. Kag kon
mag-abot sia ipakilala niya sa mga tawo sang kalibutan nga nagsayop sila
nahanungod sang sala, sang katarungan, kag sang paghukom sang Dios.
77
Nagsayop sila nahanungod sang sala, kay wala sila magtuo sa
akon; sang katarungan kay ako magakadto sa Amay kag indi na kamo
makakita sa akon; sang paghukom sang Dios, kay ang nagagahom sini
nga kalibutan nahukman na.”

O Ginoo, nagapasalamat kami sa Imo paagi sining Eukaristiya
nga amon ginasaulog bilang handumanan sang misteryo paskwal; kag
nagapakiluoy man kami nga ining padayon nga sakripisyo sang
pagpahauli mangin tuboran sang kalipay nga dayon para sa amon.

Kordero Paskwal!
paghari sang sala natapos, ang naguba nga kalibutan nakaayo liwat, kag
gin-uli liwat sa amon ang himpit nga kabuhi.
Kinahanglan mag-antus ang Mesiyas kag mabanhaw sa minatay, kag dayon Sia
magsulod sa Iya himaya, aleluya!

dayon. Ginapangayo namon ini sa Imo, paagi kay Kristo nga amon Ginoo.
78
MAYO 17 - MIERKOLES
Puti
Padunggan ko Ikaw, O Ginoo, sa kapungsoran kag akon ipahayag ang Imo
ngalan sa akon kautoran, aleluya.
PANGAMUYO
O Dios nga amon Amay, pamatii ang pangamuyo sang Imo
katawohan nga nagahiwat nga may pagtuo sang pagkabanhaw sang
Imo Anak, agod magkalipay kami upod sa mga Santos kon magbalik
Sia liwat.
katuigan.
BALASAHON Bin. 17: 15. 22-18: 1

Ang mga nagdul-ong kay Pablo nag-upod sa iya tubtob sa
Atenas. Dayon nagbalik sila sa Berea nga dala ang tugon ni Pablo kay
Silas kag kay Timoteo nga mag-apas sila sa iya sa gilayon. Nagtindog si
Pablo sa atubangan sang mga tawo nga nagatilipon sa Aeropago kag
nagsiling. “Mga taga-Atenas! Nakita ko nga tama gid kamo ka relihiyoso.
Kay sa akon paglibot sa inyo siudad kag sa pagtan-aw ko sa mga duog
nga inyo ginasimbahan, may nakita man ako nga altar nga nasulatan ‘Sa
Wala Makilal-i nga Dios.’ Ang inyo ginasimba nga wala ninyo makilala,
amo ang akon ginawali sa inyo. Ang Dios nga naghimo sang kalibutan
kag sang tanan nga yara sa kalibutan, amo ang Ginoo sang langit kag
sang duta. Ini sia wala nagapuyo sa mga templo nga ginhimo sang mga
tawo. Wala man sia nagakinahanglan sang bulig nga mahatag sang tawo
paagi sa ila pagpangabudlay para sa iya, kay sia gid ang nagahatag sang
kabuhi kag ginhawa kag sang iban pa nga mga butang sa tanan nga mga
tawo. Gikan sa isa ka tawo gintuga niya ang tanan nga mga rasa sang
mga tawo kag ginpapuyo sila sa bug-os nga kalibutan. Napat-od na niya
nga daan ang tanan nga panahon kag ang dulonan sang mga duog nga
pagapuy-an nila.
79
Ginhimo niya ini agod nga pangitaon nila sia kag basi pa lang nga
mabatyagan nila sia sa ila pagpangita sa iya. Pero ang matuod nga ang
Dios indi malayo sa tagsa sa aton, kay suno sa ginsiling.
‘Sa iya kita nagakabuhi,
Nagagiho kag nangin-amo karon.’
Subong man ginasiling sang inyo
manugbinalaybay, ‘Kita man mga anak niya.’
Tungod kay mga anak kita niya, indi kita magdumdom nga ang
kinaugali sang Dios subong sang larawan nga nahimo sa bulawan, pilak
ukon bato nga ginsilsil sang sampaton nga tawo. Wala na pag-isipa sang
Diyos yadtong mga panahon sang wala pa makakilala ang mga tawo sa
iya, pero karon iya ginsugo ang tanan nga mga tawo bisan diin sa
pagbiya sang ila malaut nga pagginawi. Kay may pat-od na sia nga adlaw
nga pagahukman niya sing matarong ang bug-os nga kalibutan paagi sa
isa ka tawo nga iya ginpili. Ginpamatud-an niya ini sa tanan paagi sa iya
pagbanhaw sang amo nga tawo!”
Sang pagkabati nila kay Pablo nga nagahambal nahanungod sang
pagkabanhaw sa mga minatay, ang iban sa ila nagyaguta sa iya, pero ang
iban nagsiling sa iya, “Luyag pa kami mamati sa imo nahanungod sini
nga butang.” Gani naghalin si Pablo sa sadto nga pagtililipon. May mga
tawo nga nag-upod sa iya kag nagtuo; ang isa sa ila amo si Dionisio nga
katapo sang Areopago kag ang isa ka babayi nga si Damaris, kag iban pa.
Sa tapos sini naghalin si Pablo sa Atenas kag nagkadto sa Corinto.
S: Salamat sa Dios.
SALMO SA PAGSABAT Sal. 148: 1-2. 11-12. 13.14
Puno ang langit kag ang duta sang Imo himaya.

1. Dayawa ninyo ang Ginoo kamo nga yara sa langit, kamo nga
nagpuyo sa kahitaasan! Dayawa ninyo Sia tanan kamo nga Iya mga
anghel, tanan kamo nga Iya mga hangaway nga langitnon! (S)
2. Dayawa ninyo Sia, mga hari kag tanan nga mga katawohan, mga
prinsipe kag tanan nga mga pangulo, mga soltero kag mga dalaga,
mga tigulang kag mga bata man! (S)
3. Magdayaw sila tanan sa ngalan sang Ginoo. Ang Iya ngalan
gamhanan sa tanan nga mga ngalan, ang Iya himaya yara sa ibabaw
sang duta kag sang langit! (S)
4. Ginpabakod Niya ang Iya pungsod, gani ang tanan Niya nga mga
tawo nagadayaw sa Iya, ang mga tawo sang Israel, mahal gid sa Iya!
(S)
80
ALELUYA
Aleluya! Pangayuon ko sa Amay kag maghatag Sia sa inyo sang
isa ka Mananabang, ang Espiritu sang kamatuoran, nga magapabilin
upod sa inyo sa walay katapusan. Aleluya!
Si Jesus nagsiling sa iya mga gintuton-an: “May madamo pa ako

nga inugsugid sa inyo, ugaling indi pa kamo sarang makahangop sini
karon. Pero kon mag-abot ang Espiritu sang kamatuoran, sia magatuytoy
sa inyo sa bug-os nga kamatuoran. Ang iya ihambal indi iya, kundi
magasugid sia sa inyo sang iya nabatian, kag magapahayag sia sang mga
butang nga palaabuton. Magahimaya sia sa akon, kay sia magabaton
sang akon inugsiling kag iya ini ipahayag sa akon. Ang tanan nga iya
sang amay akon, gani nagsiling ako nga ang Espiritu magabaton sang
akon inugsiling kag iya ini ipahayag sa inyo.”

Ginoo.

Kordero Paskwal.
81
Ang Ginoo nagasiling: Ako ang nagpili sa inyo gikan sa kalibutan kag nagsugo
sa inyo sa paglakat kag sa pagpamunga, ang sahi sang bunga nga nagapadayon,
aleluya.

Ginoo.
MAYO 18 - HUEBES
Pula
John I, pope (523-526). A native of Tuscany, he was a deacon at the time of his election to succeed Pope Hormisdas.
He was the first ponfitt to visit Constantinople and made one of the objectives of his reign the restoration of
ecclesiastical peace with the Eastern Churches after the divisive Acacian Schism (482-519).
Ang Ginoo naghimo sa iya nga madinalag-on, agod matun-an niya nga wala
sing labi nga makusog pa sang sa Kaalam.
PANGAMUYO
O Dios nga manugpadya sang matarong, Imo ginpakabalaan ini
nga adlaw tungod sang pagkamartir ni San Juan I, Santo Papa; pamatii
ang amon mga pangamuyo, kag itugot nga ang mga nagatahod sang iya
mga pahanungdan mag-ilog man sang iya kalig-on sa pagtuo.
sang Espritu Santo, Dios, sa tanan nga mga tuig sang mga katuigan.

Naghalin si Pablo sa Atenas kag nagkadto sa Corinto. Nagkitaay
sila didto sang isa ka Hudiyo nga si Aquila. Ini sia natawo sa Ponto kag
bag-o lang sia mag-abot halin sa Italia kaupod sang iya asawa nga si
Priscila, kay sa sadto nga tion gintabog sang Emperador nga si Claudio
ang tanan nga mga Hudiyo sa Roma.
82
Nagpakigkita si Pablo sa ila, kag didto sia nagdayon kag nagbulig
sa ila kay pareho ang ila palangitan-an nga amo ang paghimo sang mga
tolda. Sa tagsa ka adlaw nga Inugpahuway nagpakigbais sia sa mga
Hudiyo kag mga Griego sa sinagoga sa tuyo nga madala niya sila.
Sang pag-abot ni Silas kag ni Timoteo halin sa Macedonia,
gingamit ni Pablo ang iya bug-os nga tion sa pagwali sang mensahi kag
sa pagpamatuod sa mga Hudiyo nga si Jesus amo ang Kristo. Sang
ginpamatukan nila sia, kag ginpasipalahan, gintap-ok niya ang yab-ok sa
iya bayu nga nagapaandam sa ila, "Kon indi kamo maluwas, kamo ang
balasulon kag wala na ako sing salabton. Sugod karon makadto ako sa
mga Hentil."
Gani ginbayaan niya sila kag didto sia nagdayon sa balay ni Tito
Justo nga isa ka Hentil. Ini sia nagasimba sa Dios, kag ang iya balay sa
tupad sang sinagoga. Si Crispo nga pangulo sang sinagoga nagtuo sa
Ginoo, sia kag iya bug-os nga panimalay kag subong man may madamo
nga mga taga-Corinto nga nakabati kag nagtuo kag nagpabautiso.
S: Salamat sa Dios.
SALMO SA PAGSABAT Sal. 98: 1. 2-3. 3-4

Ang Ginoo nagpakilala sa mga pungsod sang Iya gahom sa pagluwas.
1. Magakanta sing bag-o nga ambahanon sa Ginoo kay nakahimo Sia
sang mga makatilingala nga mga butang! Paagi sa Iya kaugalingon
nga gahom kag balaan nga kusog, nagdaog Sia. (S)
2. Ginbantala sang Ginoo ang Iya pagdaog, ginpakilala Niya sa mga
pungsod ang Iya gahom sa pagluwas. Gintuman Niya ang Iya saad
sa mga tawo sang Israel. (S)
3. Ang tanan nga kataawohan bisan diin nakakita sang pagdaog sang
aton Dios! Magkanta kamo sa kalipay sa Ginoo, O bug-os nga duta!
Dayawa Sia sa mga ambahanon kag mga paghinugyaw! (S)
ALELUYA
Aleluya! Indi Ko kamo pagbayaan nga mga ilo, siling sang Ginoo;
magabalik Ako sa inyo, kag magakalipay ang inyo tagipusoon. Aleluya!
EBANGHELYO Juan. 16: 16-20
Nagsiling si Jesus sa iya mga gintuton-an, "Sa indi na lang

madugay indi na ninyo ako makita, pero sa indi madugay makita naman
ninyo ako."
83
Ang iban sang iya mga gintuton-an nagsinilingay, "Ano ang buot
niya silingon sini? Nagsiling sia sa aton, ' Sa indi na lang madugay indi
na ninyo ako makita, pero sa indi madugay makita naman ninyo ako.'
kag nagsiling man sia, 'Ini tungod kay ako makadto sa Amay.'"
Gani, nagpamangkot sila, "Ano bala ang kahulogan sang 'Sa indi
madugay?' Indi kita makahangop sang buot niya silingon!"
Si Jesus nakahibalo nga luyag sila magpamangkot sa iya, gani
nagsiling sia sa ila, "Nagsiling ako, 'Sa indi na lang madugay indi na
ninyo ako makita, pero sa indi madugay makita naman ninyo ako.' Amo
bala ini ang ginapamangkot ninyo? Nagasiling ako sa inyo sang matuod:
magahibi kamo kag magapanangis, pero ang kalibutan magakalipay.
Magakasubo kamo, pero ang inyo kasubo pagabayluhan sang kalipay."

O Dios nga amon Amay, pasantosa ining mga dulot nga amon
ginahalad sa Imo kag ipaambit sa amon ang gugma nga nagpa-isog sa
Imo martir nga si San Juan I, sa pagdaog sang tanan niya nga mga pag-
antus. Ginapangayo namon ini sa Imo, paagi kay Kristo nga amon Ginoo.
PREPASYO (Martir)
Tungod kay ang dugo nga gin-ula ni San Juan I sa pagbantala
sang Imo ngalan kag sa pag-ilog kay Kristo nagapakita sang Imo diosnon
nga gahom. Paagi sa Imo ginhatagan sang kusog ang mga maluya kag
Imo gintagaan sing kaisog ang mga matalaw sa pagpanaksi nahanungod
Gani, upod sa mga tinuga nga langitnon, ginadayaw namon ang
Imo pagkahalangdon sing walay untat diri sa duta nga nagasiling:
Ang mawad-an sang iya kabuhi tungod sa Akon makakita sini sa walay
katapusan, siling sang Ginoo.

O Dios nga amon Amay, kabay nga ang pagkalawat nga amon
nabaton maghatag sa amon sing pagkalig-on subong kay San Juan I nga
Imo Martir, nga nangin matutom sa iya pag-alagad sa Imo kag nagdaog
sang iya mga pag-antus. Ginapangayo namon ini sa Imo, paagi kay Kristo
nga amon Ginoo.
84
MAYO 19 – BIERNES
Puti
Ginpatay Ka kag sa Imo dugo ginbakal Mo para sa Dios ang mga tawo nga
nagikan sa tagsa ka tribo, linggwahe, kaliwat kag pungsod. Ginhimo Mo sila nga isa ka
ginharian kag mga pari sa pag-alagad sa amon Dios, aleluya.
PANGAMUYO
O Dios sang kamatuoran, kabay nga ang kaluwasan nga ginsaad
sang Imo balaan nga Pulong mabantala sa bug-os nga kalibutan kag ang
kapupon-an sang amon pagka-anak nga inayupan nga ginpanaksihan
ni Kristo, mahimpit sa tagsa a tagipusoon sang tawo.
katuigan.
Ang pagbasa gikan sa Libro sa mga Binuhatan sang mga Apostoles.

Isa sadto ka gab-i si Pablo nakakita sing isa ka palanan-awon sa
diin ang Ginoo nagsiling sa iya, “Indi ka magkahadlok, kundi
magpadayon ikaw sa pagwali. Indi ka mag-untat, kay ako magaupod
sa imo. Wala sing may makaano sa imo, kay madamo ang akon mga
tawo sa sini nga siudad. Gani nga sa sulod sang isa ka tuig kag tunga,
nagtiner si Pablo didto sa pagtudlo sa mga tawo sang pulong sang Dios.
Sang si Galion amo ang gobernador nga Romanhon sang Grecia,
nagtipon ang mga Hudiyo kag ila gindakop si Pablo kag gindala sia sa
hukmanan. Nagsiling sila, “Ini nga tawo nagapanghaylo sa mga tawo
sa pagsimba sa Dios sa paagi nga batok sa aton kasugoan!”
Sang buot na si Pablo maghambal, nagsiling si Galion sa mga
Hudiyo, “Kon nahanungod ini sa kalainan ukon kasal-anan nga nahimo
indi ako makapamalibad sa paghusay sa inyo nga mga Hudiyo. Pero
tungod kay ang inyo ginasuayan mga pulong kag mga ngalan kag ang
inyo kaugalingon nga kasugoan, indi ako mangin hukom sa amo nga
mga butang. Gani kamo na lang ang maghusay sina!”
85
Kag gintabog niya sila paggwa sa hukmanan. Ila gindakop si
Sostenes nga pangulo sang sinagoga kag ginbunal sia sa atubangan
sang hukmanan, pero wala ini pagsapaka ni Galion.
Nagtiner si Pablo sang madamo nga mga inadlaw sa Corinto
upod sang mga kautoran kag ugaling magpanakayon pakadto sa Siria
kaupod kanday Priscila kag Aquila. Sa wala pa sila makapanakayon
nagpabulog sia sa Cencreas kay may panaad sia.
S: Salamat sa Dios.
Ang Dios amo ang Hari sa bug-os nga duta.

1. Magpamalakpak kamo tungod sa kalipay, tanan nga mga
katawohan. Dayawa ninyo ang Dios sa mabaskog nga mga
ambahanon. Ang Ginoo, ang Labing Mataas, dapat kahadlukan,
gamhanan sia nga hari, nga nagagahom sa bug-os nga kalibutan. (S)
2. Ginpadaog Niya kita batok sa mga katawohan, ginapagahom Niya
kita sa mga kapungsoran. Ginpili Niya ang duta nga aton ginapuy-
an, ang mapabugal nga pagkabutang sang Iya mga tawo nga Iya
ginahigugma. (S)
3. Ang Dios nagapasaka sa Iya trono! May mga sininggit sang kalipay
kag tunog sang mga trumpeta samtang nagasaka ang Ginoo!
Magkanta kamo sing mga pagdayaw sa Dios, mag-amba sing
pagdayaw sa aton hari! (S)
ALELUYA
Aleluya! Ang Kristo dapat mag-antos kag pagabanhawon sa
ikatlo nga adlaw; sa sini nga paagi magasulod Sia sa Iya himaya.
Aleluya!
Si Jesus nagsiling sa iya mga gintuton-an: “Nagasiling ako sa

inyo sang matuod: Magahibi kamo kag magapanangis, pero ang
kalibutan magakalipay. Magakasubo kamo, pero ang inyo kasubo
pagabayluhan sang kalipay. Kon ang isa ka babayi manugbata na
nagakasubo sia, kay ang tion sang iya pagpasakit nag-abot; pero kon
ang bata matawo na, malimtan niya ang iya mga kasakit kay
nagakalipay sia nga ang isa ka lapsag natawo sa sining kalibutan.
86
Amo man ini sa inyo. Karon nagakasubo kamo, pero
magapakita pa ako sa inyo kag ang inyo tagipusoon mapuno sang
kalipay, ang sahi sang kalipay nga wala sing makakuha sa inyo.
Kon mag-abot ina nga adlaw, indi kamo magpangayo sa akon
sang bisan ano nga butang. Nagasiling ako sa inyo sang matuod: ang
Amay magahatag sa inyo sang bisan ano nga inyo pangayuon sa akon
ngalan.”

O Ginoo, batuna sing maluloy-on ang amon mga dulot: apini
kami agod indi madula ang mga bugay nga Imo ginhatag sa amon, kag
madangat namon ang mga kaayuhan nga wala sing katapusan.

Kordero Paskwal.
Gintugyan ang Kristo nga aton Ginoo sa kamatayon para sa aton mga sala kag
ginbanhaw Sia agod kita mangin matarong kag balaan, aleluya.

O Ginoo, apini sing mahigugmaon kag waay untat ang tanan
nga mga tawo nga Imo ginluwas agod ang mga gintubos paagi sa
pagkasakit sang Imo Anak magakalipay sa Iya pagkabanhaw, Sia nga
nagakabuhi kag nagahari sa tanan nga mga tuig sang mga tuig sang
mga katuigan.
87
MAYO 20 – SABADO
Puti
Bernardine, + 1444; O.F.M; famous reformer and eleqouent preacher who travelled throughout Italy; encouraged
devotion to the Holy Name of Jesus; Known for his use of the Latin monogram, HIS (lesus Hominum Salvator);
patron of adviser and advertising; invoked against hoarseness.
Ini amo ang bulahan nga mga tawo, mga abyan sang Dios kag nabantugan sang
ila pagwali sang Diosnon nga kamatuoran, aleluya.
PANGAMUYO
O Dios nga amon Amay, Imo ginpuno ang tagipusoon ni San
Bernardino de Siena sang pinasahi nga gugma sa ngalan ni Jesus: paagi
sa iya mga pahanungdan kag mga pag-ampo padabdaba pirme sa amon
ang espiritu sang Imo gugma.
BALASAHON Bin 18: 23-28

Sang pag-abot ni Pablo sa Cesarea, ginduaw niya ang iglesia sa
Jerusalem kag ugaling nagkadto sa Antioquia. Sang makatiner na sia
didto sing pila ka adlaw, naglakat sia. Nag-agi sia sa mga sakop sang
Galacia kag Frigia nga nagapabakod sang mga tumoluo.
May isa ka Hudiyo nga natawo sa Alejandria nga nag-abot sa
Efeso. Ini sia ginhingalanan kay Apolos. Isa sia ka maayo nga
manughambal kag may tuman sia nga kaalam sa mga Kasulatan.
Gintudloan sia nahanungod sang Dalan sang Ginoo kag nagwali sia nga
may kapisan kag husto ang iya pagpanudlo sang mga butang nahanugod
kay Jesus, pero ang bautiso ni Juan amo lamang ang iya nahibaluan.
Naghambal sia sa mga tawo sa sinagoga nga may kaisog. Sang mabatian
sia ni Priscila kag ni Aquila, ila sia gin-agda sa ila balay sa diin ginsaysay
nila sa iya sing matul-id ang dalan sang Dios. Ginpakamaayo ni Apolos
nga magkadto sa Grecia, gani ginbuligan sia sang mga tumoluo sa Efeso
paagi sa pagpadala sing sulat sa mga kautoran sa Grecia, nga batunon
gid nila sia didto. Sang didto na sia daku gid ang nabulig niya sa ila nga
sa kaluoy sang Dios mangin tumoluo.
88
Tungod sang iya mapag-on nga mga rason, iya gindaog ang mga
Hudiyo sa ila pagbaisay sa atubang sang mga tawo kag ginpamatud-an
niya sa mga Kasulatan nga si Jesus amo ang Kristo.
S: Salamat sa Dios.
Ang Dios hari sa bug-os nga duta.

katawohan, Dayawa ninyo ang Dios sa mabaskog nga mga
gamhanan Sia nga hari, nga nagagahom sa bug-os nga kalibutan. (S)
2. Ang Dios hari sa bug-os nga duta, dayawa ninyo sia sa mga
ambahanon. Ang Dios nagalingkod sa Iya balaan nga trono,
nagagahom Sia sa mga kapungsoran. (S)
3. Ang mga pangulo sang mga pungsod nagatipon upod sa mga tawo
sang Dios ni Abraham. Ang mga taming sang tanan nga mga
hangaway iya sang Dios; nagagahom Sia sa tanan! (S)
ALELUYA
Aleluya! Nagikan gid Ako sa Amay kag nagkari sa kalibutan; kag
karon magabiya Ako sang kalibutan kag magakadto sa Amay. Aleluya!
Si Jesus nagsiling sa iya mga gintuton-an: “Nagasiling ako sa inyo

sang matuod: ang Amay magahatag sa inyo sang bisan ano nga inyo
pangayuon sa akon ngalan. Tubtob karon wala pa kamo makapangayo
sang bisan ano sa akon ngalan; pangayo kamo kag kamo magabaton,
agod nga ang inyo kalipay mangin bug-os.”
“Ginsugid ko ini nga mga butang sa inyo paagi sa mga
palaangiran. Pero magaabot ang tion nga indi ako magagamit sang mga
palaangiran, kundi magahambal sa inyo sing maathag nahanungod sa
Amay. Kon mag-abot ina nga adlaw, magapangayo kamo sa Iya sa akon
ngalan, kag wala ako nagasiling nga kinahanglan pa nga makapangayo
ako sa Amay para sa inyo kay ang Amay mismo nagahigugma sa inyo.
Ginahigugma niya kamo kay kamo nagahigugma sa akon kag nagatuo
nga ako nagikan sa Dios. Nagikan gid ako sa Amay kag nagkari sa
kalibutan; kag karon magabiya ako sang kalibutan kag magakadto sa
Amay.”
89
O Dios nga makagagahom, batuna ang amon mga dulot sa piesta
ni San Bernardino de Siena; itugot nga ilugon namon sa amon kabuhi
ining misteryo sang pagkasakit sang Imo Anak nga amon ginasaulog.
PREPASYO (Pastor)
Imo ginalipay ang Imo simbahan sa sini nga piesta ni San
Bernardino de Siena. Paagi sa iya mga pagsulondan Imo kami
ginapabakod, paagi sa Iya pagwali Imo kami ginatudloan, kag Imo kami
ginaapinan tungod sang iya mga pag-ampo.
Gani, upod sa mga Angheles kag mga Santos, naga-amba kami
Ako gid ang magabantay sang Akon karnero, siling sang Ginoo, kag pangitaan
ko sila sing duog nga palahuwayan, aleluya.

O Dios nga amon Amay, paagi sa pagkalawat nga amon nabaton,
palig-ona ang Imo banwa sa matuod nga pagtuo agod nga amon ini
ipakilala subong sang ginhimo ni San Bernardino de Siena, nga
nagpangabudlay kag naghalad sang Iya kabuhi sa pagpalapnag sang
amo man nga pagtuo. Ginapangayo namon ini sa Imo, paagi kay Kristo
nga amon Ginoo.
90
MAYO 20 - SABADO
Puti
Mass: Prop (Vigil), GL, CR, Pf I-II of Ascension of the Lord, Roman Canon inserts, Sol Bl 7
Mag-amba sa Dios, O mga ginharian sang kalibutan; mag-amba sang mga
pagdayaw sa Ginoo, sa Iya nga nagapanakayon labaw sa kalangitan, ang Iya
pakahalangdon kag ang Iya gahom yara sa langit, aleluya.
HIMAYA SA DIOS
PANGAMUYO
O Dios, karon nga adlaw ang Imo Anak nagkayab sa langit
samtang nagatan-aw ang Iya mga Apostoles; kabay nga suno sa Iya
ginsaad mag-upod Sia sa amon permi diri sa duta kag mangin takus kami
sa pagkabuhi upod sa Iya sa ginharian sa langit, Sia nga nagakabuhi kag
nagahari upod sa Imo, sa kaisahan sang Espiritu Santo, Dios,sa tanan nga
mga tuig sang mga katuigan.
(Makita sa pahina 93-96)
PANGAMUYO SANG MGA TUMOLUO (Makita sa pahina 96-97)

O Dios, ang Imo bugtong nga Anak, ang amon pinakamataas nga
Pari, padayon nga nagakabuhi kag nagalingkod sa Imo tuo sa
pagpangamuyo para sa amon; kabay nga kami magpalapit sing
masinaligon sa trono sang Imo grasya kag makaagom sang Imo kaluoy.
91
PREPASYO (Pagkayab I)
Karon si Ginoong Jesus, hari sang himaya, mandadaog sang sala
kag sang kamatayon, nagkayab sa langit, samtang nagadayaw ang mga
Angheles. Sia amo ang manugpatunga sang Dios kag sang mga tawo, ang
hukom sang kalibutan kag Ginoo sang tanan.
Bisan nadula Sia sa amon palanan-awan, indi Niya kami
pagbayaan, kundi nga nag-una lang Sia sa amon sa langit, agod nga
maghandum kami nga may kalangkag sa pagsunod sa Iya padulong sa
Iya ginharian.
Sa makaisa lang, si Kristo nagdulot sang halad sa mga sala kag naglingkod sa
tuo sang Dios sa walay katubtoban, aleluya.

O Ginoo, amon na nabaton ang mga dulot gikan sa Imo altar.
Kabay nga ini magpadabdab sa amon mga tagipusoon sa paghandom
sang langitnon nga puloy-an kag paagi sa pagsunod sang Iya mga tikang
magtinugha kami sa pagdangat sang duog sa diin ang amon Manluluwas
nag-una sa amon, Sia nga nagakabuhi kag nagahari sa tanan nga mga
tuig sang mga katuigan.
BENDISYON SOLEMNE (Makita sa pahina 98)
92
MAYO 21 - DOMINGO
Puti
Hours: of the Solemn, OR “Te Deum”, MP: prop antt, DP: prop ant and compl pss,
EP II of Solemn of Ascension of the Lord
Mass: Prop, (Day), GL, CR, Pf I-II of Ascension of the Lord, Roman Canon inserts, Sol Bl 7
Other celebration are not permitted, not even funeral Masses.
Si Jesus nagkayab na sa langit sa himaya nga wala sing katapusan.
Apang nagapabilin Sia sa aton paagi sa Iya Espiritu sang kabakod, kaalam kag
paghigugma kag gani, Sia ang aton takus nga kaupod sa kabuhi.
Mga taga-Galilea, ngaa bala nagatindog kamo dira kag nagatangla sa langit?
Ining Jesus nga ginkuha sa inyo kag gindala pa- langit magabalik liwat sa amo man nga
paagi nga nakita ninyo Sia nga nagpa-langit, aleluya.
HIMAYA SA DIOS
PANGAMUYO
O Dios nga makagagahom, nagakalipay kag nagapasalamat kami
sa Imo samtang ginasaulog namon ining sakripisyo sang pagdayaw,
tungod kay ang pagkayab ni Kristo amo man ang amon pagdaog, kag
bilang Ulo sang Imo Simbahan nag-una Sia sa amon nga mga katapo sang
Iya lawas sa pag-angkon sang himaya nga wala sing katapusan upod sa
Imo, sa kaisahan sang Espiritu Santo, Dios,sa tanan nga mga tuig sang
mga katuigan.
Sa wala pa Sia nagkayab, ginbilin na ni Jesus sa mga apostoles ang ila
buluhaton. Ang Espiritu Santo magahatag sa ila sang kabakod sa pagpanaksi
kay Kristo nga Ginoo sa bug-os nga kalibutan.
93
NAHAUNA NGA BALASAHON Bin. 1: 1-11

Sa una nga libro nga akon ginsulat, ginsaysay ko ang tanan nga
mga butang nga ginhimo kag gintudlo ni Jesus, halin sang pagsugod niya
sang iya mga bulohaton tubtob sang adlaw nga gindala sia pa langit. Sa
wala pa sia madala pa ibabaw may ginbilin sia nga mga tulomanon,
paagi sa gahom sang Espiritu Santo, sa iya ginpili nga mga apostoles. Sa
sulod sang kwarenta (40) ka adlaw sa tapos sang iya pagkamatay,
nagpakita sia sa ila sa madamo nga beses, sa indi mapanghiwala nga mga
pagpamatuod nga buhi sia. Nakita nila sia kag naghambal sia sa ila
nahanungod sang Ginharian sang Dios. Sang pagtipon nila, ginmanduan
sila ni Jesus, “Indi kamo maghalin sa Jerusalem, kundi hulaton ninyo ang
ginsaad sang akon Amay sa inyo nga ginsiling ko na sa inyo. Si Juan
nagpangbautiso sa tubig, pero sa pila ka adlaw pagabautisohan kamo sa
Espiritu Santo.”
Sang pagtipon sang mga apostoles kaupod ni Jesus nag-
pamangkot sila sa iya, “Ginoo, amo na bala ini ang tion nga patindugon
mo liwat ang Ginharian sang Israel?”
Nagsabat si Jesus sa ila, “Indi para sa inyo ang paghibalo kon san-
o ini mahanabo, kay ang akon Amay amo lamang ang may gahom sa
pagtalana sang mga panahon kag sang mga magakahanabo. Pero sa pag-
abot sang Espiritu Santo sa inyo magabaton kamo sing gahom kag
mangin saksi ko kamo sa Jerusalem, sa bug-os nga Judea kag Samaria,
kag sa bug-os nga kalibutan.” Sa tapos niya mahambal ini gindala sia pa
langit samtang nagatan-aw sila sa iya, kag ginlikupan sia sang panganod.
Sang nagatangla pa sila sa langit, samtang nagapaibabaw sia, sa
hinali may nagtindog sa luyo nila nga duha ka tawo nga nagabayu sing
puti kag nagsiling sa ila, “Mga taga-Galilea, ngaa bala nagatindog kamo
dira kag nagatangla sa langit? Ining Jesus nga ginkuha sa inyo kag
gindala pa langit, magabalik liwat sa amo man nga paagi nga nakita
ninyo sia nga nagpalangit.”
S: Salamat sa Dios.
Ang Dios nagsaka sa Iya trono nga may sininggit sang kalipay
kag tunog sang mga trumpeta.
katawohan, dayawa ninyo ang Dios sa mabaskog nga mga
gamhanan Sia nga hari, nga nagagahom sa bug-os nga kalibutan. (S)
94
2. Ang Dios nagsaka sa Iya trono! May mga sininggit sang kalipay kag
tunog sang mga trumpeta, samtang nagasaka ang Ginoo! Magkanta
kamo sing mga pagdayaw sa Dios, mag-amba sing pagdayaw sa aton
hari! (S)
3. Ang Dios hari sa bug-os nga duta, dayawa ninyo Sia sa mga
ambahanon! Ang Dios nagalingkod sa Iya balaan nga trono,
nagagahom Sia sa mga kapungsoran. (S)
Sa sining sulat ni San Pablo sa mga taga-Efeso, ang apostol nagatudlo sa
mga tumoluo nga labaw sa tanan ang dapat kilalahon amo ang Nabanhaw nga
Ginoo nga karon nagalingkod sa tuo sang Amay bilang Ginoo kag kapupun-an
sang tanan.
IKADUHA NGA BALASAHON Efe. 1: 17-23
Ang pagbasa gikan sa sulat ni San Pablo nga Apostol, sa mga taga- Efeso.
Mga utod: Nagapangayo ako sa Dios sang aton Ginoong
Jesukristo, ang mahimayaon nga Amay, nga iya ihatag sa inyo ang
Espiritu, nga amo ang magahatag sa inyo sing kaalam kag magapahayag
sa inyo sang Dios, agod nga makilala ninyo sia. Nagapangayo ako nga
ang inyo mga hunahona, mabuksan kag makita ninyo ang iya kapawa,
agod inyo mahibaluan kon ano ang paglaum sang iya pagtawag sa inyo,
kon daw ano ka bugana ang makatilingala nga mga panublion nga iya
ginasaad sa iya mga tumoluo, kag kon daw ano ka daku ang gahom nga
nagapanghikot sa aton nga nagatuo sa iya. Ini nga gahom nga yari sa aton
amo man ang daku nga gahom nga iya gingamit sang pagbanhaw niya
kay Kristo gikan sa minatay, kag ginpapungko sia sa iya tuo sa langitnon
nga ginharian. Didto si Kristo nagagahom sa tanan nga langitnon nga
mga punoan, mga gumalahom, mga gahom kag mga Ginoo. Sia labaw
pa gid sa tanan nga mga ngalan nga gamhanan sa sini nga panahon kag
bisan pa sa palaabuton. Ginbutang sang Dios ang tanan sa idalom sang
mga tiil ni Kristo, kag ginhatag sia sa iglesia subong Pangulo sa tanan nga
mga butang. Ang iglesia amo ang lawas ni Kristo, ang kabug-osan niya
nga sia mismo ang nagahimpit sang tanan nga mga butang sa bisan diin.
S: Salamat sa Dios.
Ang mga apostoles, kag ang bug-os nga Simbahan, ginpadala sa bilog
nga kalibutan sa pagwali sang Maayong Balita ni Kristo nga napatay para sa aton
kag nabanhaw gikan sa mga minatay.
95
ALELUYA
Aleluya! Gani, kadtoi ninyo ang tanan nga mga tawo sa bug-os
nga kalibutan siling sang Ginoo, kag tudloi ninyo sila sa pagtuman sang
tanan nga ginsugo Ko sa inyo. Magaupod Ako sa inyo sa gihapon
tubtob sa katapusan sang panahon. Aleluya!
EBANGHELYO Mat. 28: 16-20
Ang pagbasa sang Santos nga Ebanghelyo suno kay San Mateo.
Ang onse ka mga gintuton-an nagkadto sa isa ka bakulod sa

Galilea, sa diin si Jesus nagsiling nga magkadto sila. Sang makita nila
sia, nagsimba sila sa iya, bisan pa ang iban sa ila nagpangduhadoha.
Nagpalapit si Jesus sa ila kag nagsiling, “Ang bug-os nga awtoridad sa
langit kag sa duta ginhatag sa akon. Gani, kadtoi ninyo ang tanan nga
mga tawo sa bug-os nga kalibutan kag himoa sila nga mga gintuton-an
ko. Bautisohi ninyo sila sa ngalan sang Amay kag sang Anak kag sang
Espiritu Santo, kag tudloi ninyo sila sa pagtuman sang tanan nga
ginsugo ko sa inyo, kag dumdoma gid ninyo ini! Magaupod ako sa inyo
sa gihapon tubtob sa katapusan sang panahon.”
P. Ang aton Ginoong Jesus yara na sa luyo kag upod sa himaya sang
Amay kag Sia nakahibalo sang mga kinahanglanon sang mga
katawohan. Gani mangamuyo kita nga nagasiling:
Himoa kami nga Imo mga saksi, O Ginoo
1. Agod ang Simbahan, sa pagpanguna sang aton Santo Papa nga si
Francisco, sang aton Obispo nga si Patricio kag sang tanan nga
kaparian, mangin-mainandamon sa paggamit sang mga bag-o nga
pamaagi sa komunikasyon sa pagdala sang Maayong Balita sa
bug-os nga katawohan, mangamuyo kita. (S.)
2. Agod ang mga nagatrabaho sa Mass Media kag ang mga Kristiano
Katoliko nga may kaalam sa paggamit sang “multi-media,” magkuha
sini nga kahigayunan sa pagbantala sang kabuhi sang Nabanhaw nga
Kristo, ilabi na gid sa mga wala nakabati kag nakakilala pa sa Iya, sa
aton pagsaulog karon nga adlaw sang Catholic Communications’
Sunday, mangamuyo kita. (S.)
96
3. Agod ang mga tawo nga nagatangla sa langit kag nagalaum sa bulig
sang Dios, masabat ang ila mga pangamuyo kag madamo ang
magabulig sa ila, mangamuyo kita. (S.)
4. Agod kita tanan nga nagatipon karon, mapun-an sang nagakaigu nga
kusog kag kalaam sa pagpanaksi sang aton pagtuo sa bug-os nga
kalibutan, mangamuyo kita. (S.)
5. Agod ang aton mga pinalangga nga nagtaliwan, makaagom na sang
paghidait nga walay katapusan, mangamuyo kita. (S.)
P. Pamatii kami, O Ginoo namon nga nagkayab na sa langit, agod kami
mangin Imo buhi nga presensya sa kalibutan subong nga Ikaw amon
buhi nga Ginoo, karon kag sa mga tuig sang mga katuigan. Amen.

O Ginoo, amon ginahalad sa Imo ining sakripisyo sa
kadungganan sang Pagkayab sang Imo Anak; kag paagi sa mahal nga
sakramento nga amon pagabatunon sa baylo sang amon mga dulot,
pabakura ang amon kaluya, agod mahandom pa gid namon ang
kaayuhan nga langitnon. Ginapangayo namon ini sa Imo, paagi kay
PREPASYO (Pagkayab I)
nga sa gihapon kag sa tanan nga duog magpasalamat kami sa Imo,
O Ginoo, Santos nga Amay, gamhanan kag walay katapusan nga Dios.
Karon si Ginoong Jesus, hari sang himaya, mandadaog sang sala
kag sang kamatayon, nagkayab sa langit, samtang nagadayaw ang mga
Angheles. Sia amo ang manugpatunga sang Dios kag sang mga tawo, ang
hukom sang kalibutan kag Ginoo sang tanan.
Bisan nadula Sia sa amon palanan-awan, indi Niya kami
pagbayaan, kundi nga nag-una lang Sia sa amon sa langit, agod nga
maghandum kami nga may kalangkag sa pagsunod sa Iya padulong sa
Iya ginharian.
Dumdoma ninyo, kaupod ninyo Ako sa gihapon, tubtob sa katapusan sang
panahon, aleluya.
97
O gamhanan kag walay katapusan nga Dios, samtang
nagakabuhi pa kami sa duta Imo kami ginpaambit sang mga butang nga
langitnon; itugot nga handumon namon sing may kalangkag ang
langitnon nga kabuhi upod kay Kristo nga sa Iya naangot ang amon
kinaugali nga tawohanon sa pag-ambit sa Imo gid nga himaya.
BENDISYON SOLEMNE (Pagkayab)
P. Sa sini nga adlaw ang bugtong nga Anak sang Dios nagkayab sa
langit sa pag-aman sing duog para sa inyo. Kabay nga ang
makagagahom nga Dios magabendisyon sa inyo. T. Amen.
P. Sa tapos mabanhaw si Kristo nakita Sia sang Iya mga gintuton-an.
Kon magpahayag Sia liwat bilang Hukom, kabay nga Iya kamo
mahamut-an sing walay katapusan. T. Amen.
P. Nagatuo kamo nga si Kristo nagalingkod na sa tuo sang Dios nga
Amay. Kabay nga mabatyagan man ninyo sing malipayon nga Sia
naga-upod sa inyo. T. Amen.
MAYO 22 - LUNES
Puti
Rita was born in 1381 in the town of Roccaporena in Umbria. She lived with a brutal husband and had two
sons. After the violent murder of her husband, she urged forgiveness in contrast to the customary vendetta of
her day. Becoming an Augustinian nun, she spent some forty years in prayer, contemplation, and service to
the sick and poor. Toward the end of her life, she received a wound from a thorn from the crown of thorns.
She died in 1457. She is the patron saint of desperate situations
O Ginoo nga akon palanublion kag kupa, ginatipigan Mo ang akon
alangkunon, aleluya.
PANGAMUYO
O Ginoo, ihatag sa amon ang kaalam sang krus kag ang kabakod
nga Imo ginhiyas kay Santa Rita agod nga paagi sa amon pagbatas upod
kay Kristo sa tion sang mga kabudlayan, makapakigbahin kami sing
labi sa Iya misteryo paskwal, Sia nga nagakabuhi kag nagahari upod sa
Imo, sa kaisahan sang Espiritu Santo Dios, sa tanan nga mga tuig sang
mga katuigan.
98

Samtang didto si Apolos sa Corinto, si Pablo nagpangadtukadto
sa interyor sang probinsya tubtob nga nakaabot sia sa Efeso. May nakita
sia didto nga mga gintuton-an. Ginpamangkot niya sila, “Nabaton bala
niyo ang Espiritu Santo sang magtuo kamo?”
Nagsabat sila, “Wala gani kami makabati nga may ginatawag nga
Espiritu Santo.”
Ginpamangkot sila ni Pablo, “Ano ang sahi sang bautiso ang
nabaton ninyo?”
Nagsabat sila, “Ang bautiso ni Juan.”
Nagsiling si Pablo sa ila, “Ang bautiso ni Juan para sa mga
nagbiya sang ila mga sala. Nagsiling si Juan sa mga taga-Israel nga
magtuo sila sa isa nga magakari nga ulihi lang sa iya kag ini amo si Jesus”
Sang mabatian nila ini, ginbautisohan sila sa ngalan ni Ginoong
Jesus. Gintungtong ni Pablo ang iya mga kamot sa ila kag ginkunsaran
sila sang Espiritu Santo. Naghambal sila sa linggwahe nga indi
maintyendihan kag nagwali man sila sang pulong sang Dios. Mga dose
sila tanan.
Sa sulod sang tatlo ka bulan nagpadayon si Pablo sa pagkadto sa
sinagoga, kag sa wala sing kahadlok naghambal sia sa mga tawo kag
nagpakigbais sa ila, agod makonbensir niya sila nahanungod sa
Ginharian sang Dios.
S: Salamat sa Dios.
Magkanta kamo sa Dios, mga ginharian sang kalibutan.

1. Kabay nga magbangon ang Dios kag magpaalaplaag sang Iya mga
kaaway! Kabay nga magpalayo ang tanan nga nagadumot sa Iya.
Subong sang pagpalid sang aso, subong man pagatabugon niya sila,
subong nga ang kandila nagakatunaw sa kalayo, subong man ang
mga malauton nagakawala sa atubangan sang Dios. (S)
2. Pero ang mga matarong magakasadya, kag magahinugyaw sa
atubangan sang Dios, magakalipay sila. Mag-amba kamo sa Dios.
Mag-amba sing mga pagdayaw sa Iya ngalan; ang Iya ngalan amo
ang Ginoo magkalipay kamo sa Iya atubangan! (S)
99
3. Ang Dios, nga nagapuyo sa Iya balaan nga Templo, nagaatipan sang
mga ilo kag nagatatap sang mga balo nga babayi. Naghatag Sia sang
puloy-an sa nagaisahanon, kag ginahilway Niya kag ginapauswag
ang mga binilanggo. (S)
ALELUYA
Aleluya! Kon ginbanhaw kamo upod ni Kristo, pangitaa ninyo
ang mga butang nga yara sa langit sa diin nagalingkod si Kristo sa trono
sa tuo sang Dios sa paggahom. Aleluya!
Dayon ang iya mga gintuton-an nagsiling kay Jesus, “Karon,

nagahambal ikaw sing maathag nga wala nagagamit sang mga
palaangiran. Karon nahibaluan namon nga ikaw nakahibalo sang tanan
kag indi na kinahanglan nga pamangkuton pa. Tungod sini nagatuo
kami nga ikaw naggikan sa Dios.”
Si Jesus nagsabat, “Nagatuo na bala kamo karon?” Ang tion
magaabot kag kon sa bagay nag-abot na, nga tanan kamo magaalaplaag
kag magapalauli kag ako magaisahanon na lang. Pero indi gid ako mag-
isahanon, kay ang Amay kaupod nakon. Ginsugiran ko kamo sini, agod
may paghidait kamo paagi sa akon. Ang kalibutan magapaantos sa inyo,
pero magpakaisog kamo! Gindaog ko ang kalibutan!”

O Dios nga labing maluloy-on, Imo ginguba ang daan nga ugali
ni Santa Rita, kag Imo ini gin-ilisan suno sa Imo larawan; Bag-oha man
kami subong sa iya agod mangin takus kami sa paghalad sang
sakripisyo nga Imo nahamut-an. Ginapangayo namon ini sa Imo, paagi
kay Kristo nga amon Ginoo.
PREPASYO (Mga Relihiyosa)

100
Sa amon pagpadungog sa mga Santos nga nagtugyan sang ila
kabuhi kay Kristo tungod lamang sang ginharian sang langit, amon
ginadayaw ang Imo daku nga paghigugma nga nagabalik sa
tawohanon nga kinaugali sang pagkasantos nga Iya ginbaton sa
ginsugoran; kag Imo kami ginaagda sa pagtilaw na sa duta sang mga
bugay nga Imo gin-aman sa mga pinili para sa palaabuton nga kabuhi
sa langit.
Gani, upod sa mga Angheles, sa mga Arkangheles, kag sa tanan
nga nagadayaw sa Imo sa langit, nagaamba kami sing walay untat sang
kalantahon sa Imo himaya nga nagasiling:
Nagasiling ako sa inyo: ang mga nagbiya sang tanan nga butang kag nagsunod
sa Akon magabaton sing ginatos ka pilo kag magapanubli sang kabuhi nga walay
katapusan. aleluya.

O gamhanan nga Dios, paagi sa gahom nga nagagikan sa sini
nga sakramento kag sa mga pagsulundan ni Santa Rita, himpita kami
tubtob sa adlaw nga mag-abot si Kristo tungod sang maayo nga mga
buhat nga Imo ginsugoran sa amon. Ginapangayo namon ini sa Imo,
paagi kay Kristo nga Ginoo.
MAYO 23 - MARTES
Puti
Ako ang Nahauna kag ang Katapusan. Ako ang nagakabuhi. Napatay ako kag
karon buhi ako sa walay katubtoban, aleluya.
PANGAMUYO
O gamhanan kag maluloy-on nga Dios, ipadala sa amon ang Imo
Espiritu Santo agod nga kon Sia magpuyo sa amon, mahimo kami nga
mga templo sang Iya himaya.
katuigan.
101

Sang didto si Pablo sa Mileto nagpangabay sia sa mga
katigulangan sang iglesia sang Efeso nga pakigkitaan sia. Sang pag-abot
nila nagsiling sia sa ila, “Nahibaluan ninyo kon ano ang akon ginhimo
sang kaupod pa ninyo ako, sumogod sang pag-abot ko sa probinsya
sang Asia. Nag-alagad ako sa Ginoo sa tuman nga pagpaubos kag sa
madamo nga mga luha, bisan pa nga binudlayan ako tungod sang mga
paghingabot sang mga Hudiyo. Nakahibalo kamo nga wala sing
hawidhawid ang pagbulig ko sa inyo sa akon pagwali kag pagtudlo sa
inyo, sa inyo pagtipon sing tingob kag sa inyo mga puloy-an.
Ginpaandaman ko sing alangay ang mga Hudiyo kag mga Hentil nga
kinahanglan bayaan nila ang ila mga sala kag magliso sa Dios kag
magtuo sa aton Ginoong Jesus. Kag karon makadto ako sa Jerusalem sa
pagtuman sang sugo sang Espiritu Santo kag wala ako makahibalo kon
ano ang matabo sa akon didto. Ang akon lang nahibaluan amo ang
Espiritu Santo nagapaandam sa akon nga sa tagsa ka siudad ang
bilangguan kag kagamo nagahulat sa akon. Pero wala ko ginpakamahal
ang akon kabuhi agod nga matapos ko ang tulomanon kag bulohaton
nga ginhatag sa akon ni Ginoong Jesus nga amo ang pagwali sang
Maayong Balita nahanungod sang grasya sang Dios.
“Nalibot ko na kamo tanan sa akon pagwali sang Ginharian
sang Dios. Kag karon nahibaluan ko nga indi na kita magkitaay liwat.
Gani ginasiling ko sa inyo sa sini nga adlaw nga kon may yara sa inyo
nga indi maluwas, wala na ako sing salabton. Kay wala ako sing may
gintago sa inyo nahanungod sang bug-os nga katuyoan sang Dios.
S: Salamat sa Dios.
SALMO SA PAGSABAT Sal. 68: 10-11.20-21

1. Nagpadala Ikaw sang bugana nga ulan, kag ginhimo Mo nga
mapatubason ang lamgod nga duta. Didto naghimo sing puloy-an
ang Imo mga tawo, sa Imo kaayo ginhatagan Mo ang mga imol sang
ila kinahanglanon. (S)
2. Dayawon ang Ginoo, nga nagapas-an sang aton kabug-atan adlaw-
adlaw, Sia amo ang Dios nga nagaluwas sa aton. Ang aton Dios amo
ang Dios nga nagaluwas, Sia amo ang Ginoo, ang aton Ginoo, nga
nagluwas sa aton sa kamatayon. (S)
102
ALELUYA
Aleluya! Pangayuon ko sa Amay kag hatagan Niya kamo sang
isa ka Mananabang, ang Espiritu sang kamatuoran, nga magapabilin
upod sa inyo sa walay katapusan. Aleluya!
Nagtangla si Jesus sa langit kag nagsiling, “O Amay, ang tion

nag-abot na. Himayaa ang imo Anak, agod himayaon ka man sang
Anak. Kay ginhatagan mo sia sing awtoridad sa paggahom sang tanan
nga mga tawo, agod nga mahatagan niya sing kabuhi nga wala sing
katapusan ang tanan nga ginhatag mo sa iya. Kag amo ini ang kabuhi
nga wala sing katapusan: nga ang mga tawo magkilala sa imo, nga ikaw
lamang ang matuod nga Dios, kag kay Jesukristo nga imo ginpadala.
Ginhimaya ko ikaw sa duta, kag natapos ko na ang bulohaton nga imo
ginhatag sa akon. Karon, O Amay, sa imo atubangan ihatag sa akon ang
himaya, ang amo nga himaya nga akon man anay upod sa imo sa wala
pa matuga ang kalibutan.
“Ginpakilala ko ikaw sa mga tawo nga ginpili mo gikan sa
kalibutan para sa akon. Imo sila, kag ginhatag mo sila sa akon, kag
gintuman nila ang imo pulong. Karon nakahibalo sila nga ang tanan nga
ginhatag mo sa akon nagikan sa imo. Kay ginhatag ko sa ila ang
mensahe nga imo ginhatag sa akon, kag ginbaton nila ini. Nahibaloan
nila nga matuod gid nga ako nagikan sa imo, kag nagatuo sila nga ikaw
nagpadala sa akon.
“Ako nagapangamuyo para sa ila. Wala ako nagapangamuyo
para sa kalibutan, kundi para sa mga tawo nga ginhatag mo sa akon,
kay imo sila. Ang tanan nga akon imo, ang tanan nga imo akon, kag ang
akon himaya ginapakita paagi sa ila. Kag karon magakadto ako sa imo;
ako wala na sa kalibutan, pero sila yara pa sa kalibutan.”

O Dios nga amon Amay, batuna ang amon mga pangamuyo kag
subong man ang amon mga dulot, agod nga paagi sa sining sakripisyo
nga tanda sang amon pagsimba sa Imo, makalambot kami sa himaya
nga dayon. Ginapangayo namon ini sa Imo, paagi kay Kristo nga amon
Ginoo.
103
Kordero Paskwal.
Ang Mananabang ang Espiritu Santo nga igapadala sang Amay sa Akon
ngalan, magatudlo sa inyo sang tanan nga butang kag magapahanumdom sa inyo
sang tanan nga ginsiling Ko sa inyo, aleluya.

O Dios nga amon Amay, amon ginbaton ining pagkalawat nga
ginbilin sang Imo Anak sa amon subong handumanan; kabay nga paagi
sining sakramento magdugang pa gid ang amon paghigugma.
MAYO 24 – MIERKOLES
Puti
Magpamalakpak kamo tanan nga katawohan; padunggi ang Dios sa
pagsilinggit sang kalipay, aleluya.
PANGAMUYO
O Dios nga maluloy-on, kabay nga ang Imo Santa Iglesya nga
natingob paagi sa Espiritu Santo, mag-alagad sa Imo sing matutom; kag
magkabuhi nga nahiusa sa himpit nga paghigugma.
104
katuigan.

Nagsiling si Pablo sa mga tigulang sang iglesia sa Efeso, “Bantayi
sing maayo ang inyo kaugalingon kag subong man bantayi ang panong
nga gintugyan sa inyo sang Espiritu Santo. Tatapa ninyo ang iglesia sang
Dios nga iya ginbakal paagi sa iya kaugalingon nga dugo. Kay
nahibaluan ko nga kon makahalin na ako, madamo nga mga lobo nga
mapintas ang magasulod sa inyo panong kag magahalit sini nga wala
sing luoyluoy. Kag magaabot ang tion nga bisan sa inyo grupo may mga
tawo nga magasugid sing mga binutig sa pagpatalang sang mga tumoluo
agod magsunod sa ila. Gani, magbantay kamo, kag indi ninyo
pagkalimtan nga madamo nga mga luha ang akon ginpatulo sa adlaw
kag sa gab-i sa akon pagtudlo sa tagsa sa inyo sa sulod sang tatlo ka tuig.
“Kag karon ginatugyan ko kamo sa pagtatap sang Dios kag sa iya
bilidhon nga pulong. Sia sarang makapabakod kag makahatag sa inyo
sing mga palanublion nga ginatigana niya para sa tanan niya nga mga
tawo. Wala ako magkaibog sang inyo pilak, bulawan ukon bayu. Kamo
gid nakahibalo nga nag-obra man ako agod nga masakdag ko ang akon
kaugalingon kag ang akon mga kaupdanan. Ginpakita ko sa inyo sa
tanan nga bagay, nga paagi sa tudo nga pagpangabudlay dapat kita
magbulig sa mga maluya kag aton dumdomon ang ginsiling sang aton
Ginoong Jesus, ‘May labi nga kalipay ang paghatag sang sa pagbaton.’ ”
Sa tapos makahambal si Pablo, nagluhod sia kaupod nila kag
nagpangamuyo. Naghinibi sila tanan sang paghakos nila sa iya kag sang
ila paghalok kag pagpaalam sa iya. Nasuboan gid sila sa iya pagsiling
nga indi na gid sila magkitaay liwat. Kag gindul-ong nila sia sa sakayan.
S: Salamat sa Dios.

1. Ipakita O Dios, ang Imo gahom, ang gahom nga Imo gingamit
tungod sa amon. Gikan sa Templo sa Jerusalem, sa diin ang mga
hari nagdala sa Imo sing mga dulot. (S)
105
2. Magkanta kamo sa Dios, mga ginharian sang kalibutan, magkanta
kamo sing pagdayaw sa Ginoo, sa Iya nga nagapanakayon sa
kalangitan, ang dumaan nga kalangitan! Pamati kamo sa Iya singgit
nga nagadaguhob! Ibantala ang gahom sang Dios. (S)
3. Ang Iya pagkahalangdon yara sa bug-os nga Israel, ang Iya gahom
yara sa kalangitan. Daw ano ka halangdon ang Dios sa Iya balaan
nga puloy-an, ang Dios sang Israel! Nagahatag Sia sang kusog kag
gahom sa Iya mga tawo. (S)
ALELUYA
Aleluya! Ang Imo pulong O Ginoo, kamatuoran; pakabalaana
sila paagi sa kamatuoran. Aleluya!

Nagtangla si Jesus sa langit kag nagpangamuyo, “O balaan nga

Amay! Paagi sa gahom sang imo ngalan bantayi sila nga ginhatag mo
sa akon, agod mangin-isa sila subong nga ikaw kag ako isa. Sang ako
kaupod pa nila, ginbantayan ko sila paagi sa gahom sang imo ngalan
nga ginhatag mo sa akon. Ginbantayan ko sila kag wala sing isa sa ila
nga nadula, luwas sa tawo nga madula gid man agod matuman ang
kasulatan. Karon magakadto ako sa imo kag ginasiling ko ini nga mga
butang sa kalibutan, agod maangkon nila sing bug-os ang akon kalipay.
Ginpaalinton ko sa ila ang imo mensahe, kag gindumtan sila sang
kalibutan, kay indi sila iya sang kalibutan, subong nga ako man indi iya
sang kalibutan. Wala ako nagapangayo nga kuhaon mo sila sa
kalibutan, kundi nga apinan mo sila batok sa malaut. Subong nga ako
indi iya sang kalibutan, sila man indi iya sang kalibutan. Pakabalaana
sila paagi sa kamatuoran; ang imo pulong kamatuoran. Ginpadala ko
sila sa kalibutan subong nga ginpadala mo ako sa kalibutan. Tungod sa
ila ginhalad ko ang akon kaugalingon sa imo, agod mangin-imo sila
paagi sa kamatuoran.”

O Ginoo, batuna ining mga dulot nga amon ginahalad sa Imo
kag paagi sini, buksi para sa amon ang tuboran sang Imo bendisyon.
106
Kordero Paskwal!
Kon mag-abot ang Mananabang, ang Espiritu sang kamatuoran nga magakari
gikan sa Amay, magapanaksi Sia nahanungod sa Akon. Kag magapanaksi man kamo,
kay kaupod Ko kamo halin sa ginsugoran, siling sang Ginoo, aleluya.

O Dios nga amon Amay, itugot nga ang amon pagpakigbahin sa
sining mahal nga sakramento magdugang sang amon pagkasantos; kag
sa napatawad na ang amon mga sala, magbaton kami sing walay untat
sang Imo mga bugay. Ginapangayo namon ini sa Imo, paagi kay Kristo
nga amon Ginoo.
MAYO 25 - HUEBES
Puti
Bede, +735; O.S.B born in Northumbria; called “Venerable” while still living; authored the Ecclesiastical History
of the English People and wrote Scriptural expositions, commentaries and homilies; known as the “Father of
English History.”
Ang baba sang maayo nga tawo nagasugid sang kaalam kag ang iya dila
nagahambal sing matarong; ang kasugoan sang Dios yara sa iya tagipusoon.
107
PANGAMUYO
O Ginoo, Imo ginpasanagan ang Imo Santa Iglesia paagi sa
kaalam ni San Beda, ang Benarable; ihatag sa amon ang Imo grasya agod
matudloan kami sa gihapon sang iya mga pagtulon-an kag mabuligan
kami sang iya mga pahanungdan.
kag amon Ginoo, nga nagakabuhi kag nagahari upod sa Imo, sa kaisahan
BALASAHON Bin. 22: 30; 23: 6-11

Luyag mahibaluan sang komandante kon ano gid ang
ginasumbong sang mga Hudiyo batok kay Pablo. Gani sang madason
nga adlaw ginpahubaran niya si Pablo sang iya kadena kag nagpatawag
siya sang sinapol sang pangulo nga mga pari kag sang bug-os nga
konsilyo. Dayon gindala niya si Pablo kag ginpaatubang sa ila.
Sang makita ni Pablo nga may mga Saduceo kag mga Fariseo nga
nagtambong didto, nagsinggit sia sa mga katapo sang Konsilyo, “Mga
utod! Isa ako ka Fariseo. Yari ako karon nga ginahukman kay nagalaom
ako nga may pagkabanhaw!”
Sang mahambal niya ini nagkinagamo ang mga Fariseo kag ang
mga Saduceo, kag may pagbinahinbahin sa ila. (Kay ang mga Saduceo
nagsiling nga wala sing pagkabanhaw, kag wala sing mga anghel kag
mga espiritu, pero ang mga Fariseo nagapati sini tanan.) Gani nag-amat-
amat baskog ang pagsinggit. May mga Fariseo nga mga manunodlo sang
Kasugoan nga nagtindog kag nagpamatok gid nga nagasiling. “Wala
kami sing may nakita nga sala sa sini nga tawo! Ayhan may
nagpakighambal sa iya nga isa ka espiritu ukon isa ka anghel!”
Nag-init pa gid ang pagbinaisay sa bagay nga hinadlukan ang
komandante nga basi hulogniton nila si Pablo. Gani iya ginmanduan ang
iya nga soldado sa pagpatunga sa ila kag kuhaon si Pablo kag dalhon sa
kuwartel.
Sang madason nga gab-i nagtindog ang Ginoo sa luyo ni Pablo
kag nagsiling, “Magpakaisog ka! Magpanaksi ka sa akon diri sa
Jerusalem, kag amo man ini ang himuon mo sa Roma.”
Ang pulong sang Dios
S: Salamat sa Dios.
108
SALMO SA PAGSABAT Sal. 16: 1-2. 5. 7-8. 9-10. 11
Apini ako, O Dios, kay nagadangop ako sa imo.

1. Apini ako, O Dios, kay nagadangop ako sa imo agod indi maano.
Nagasiling ako sa Ginoo, “Ikaw ang akon Ginoo, Ikaw, O Ginoo, ang
tanan para sa akon, kag imo ako ginahatagan sang tanan ko nga mga
kinahanglanon, yara sa imo mga kamot ang akon kabuhi. (S)
2. Nagadayaw ako sa Ginoo kay ginatuytoyan niya ako, kag sa kagab-
ihon ang akon konsensya nagapaandam sa akon. Malapit ang Ginoo
sa akon sa tanan nga tion, malapit sia, kag wala sing may makatublag
sa akon. (S)
3. Gani puno ako sang kalipay kag kasadya, kag pat-od gid nga indi ako
maano sa tanan nga tion, kay indi mo ako pagpakadtuan sa kalibutan
sang mga patay, indi mo pag-itugyan ang imo ginahigugma sa
kadadalman. (S)
4. Ipakita sa akon ang dalan sang kabuhi, kon yara ka sa luyo ko puno
ako sing kalipay. Kag ang imo bulig nagadala sa akon sang kasadya
nga wala sing katapusan. (S)
ALELUYA
Aleluya! O Amay, kabay nga mangin-isa sila, subong nga ikaw
kag ako isa agod nga ang kalibutan magtuo nga ikaw nagpadala sa akon,
siling sang Ginoo. Aleluya!
Nagtangla si Jesus sa langit kag nagpangamuyo nga nagasiling,

“Ako nagapangmuyo indi lamang para sa ila kundi para man sa mga
nagatuo sa akon paagi sa ila mga pulong. Nagapangamuyo ako nga sila
tanan mangin-isa. O Amay, kabay nga sila mangin-yara sa akon, subong
nga ikaw yari sa akon kag ako yara sa imo. Kabay nga mangin-isa sila,
agod ang kalibutan magtuo nga ikaw nagpadala sa akon. Ginhatag ko sa
ila ang himaya nga ginhatag mo sa akon, agod sila mangin isa, subong
nga ako kag ikaw isa. Ako yara sa ila kag ikaw yari sa akon, agod nga
mangin isa sila sing bug-os kag ang kalibutan makakilala nga ikaw ang
nagpadala sa akon kag nagahigugma sa ila subong sang imo
paghigugma sa akon.
“O Amay, ginhatag mo sila sa akon, kag luyag ko sila mangin
kaupod nakon bisan diin ako, agod makita nila ang akon himaya, ang
himaya nga ginhatag mo sa akon. Kay ikaw nagahigugma sa akon sa
wala pa matuga ang kalibutan.
109
O matarong nga Amay, ang kalibutan wala makakilala sa imo,
pero ako nakakilala sa imo, kag ini sila nakahibalo nga ikaw ang
nagpadala sa akon. Ginpakilala ko ikaw sa ila kag magapadayon ako sa
paghimo sini, agod nga ang imo paghigugma sa akon mangin yara sa ila,
kag ako man mangin yara sa ila.

O Dios nga amon Amay, kahamut-i ining mga dulot nga amon
ginahalad sa piesta ni San Beda, tampad sa iya mga ginatudlo,
nagadayaw kag nagahalad man kami sang amon kaugalingon sa Imo.
PREPASYO (Pastor)
Imo ginalipay ang Imo Simbahan sa sini nga piesta ni San Beda
ang Benerable. Paagi sa iya mga pagsulondan Imo kami ginapabakod,
paagi sa iya pagwali Imo kami ginatudloan, kag imo kami ginaapinan
tungod sang Iya mga pag-ampo.
Gani upod sa mga Angheles kag sa mga Santos, nagaamba kami
Ang nagapamalandong sa kasugoan sang Ginoo sa adlaw kag sa gab-i,
magapamunga sa nagakaigo nga panahon.

O Dios nga amon Amay, Imo kami ginasagod paagi kay Kristo,
ang buhi nga tinapay. Tudloi man kami paagi kay Kristo nga amon
Manunudlo agod nga sa piesta ni San Beda, magtuon kami sang Imo
kamatuoran kag magpahayag kami sini sa mga buhat sang paghigugma.
110
MAYO 26 - BIERNES
Puti
Philip Neri, +1595; founded the Congregation of Priest of the Oratory to promote holiness of Priestly life and foster
effective preaching; noter for his joyful and simple spirit.
Ang nagalaum indi mapaslawan kay ginhatag na sa aton ang Espiritu Santo nga
amo ang nagapuno sang paghigugma sang Dios sa aton mga tagipusoon. aleluya!
PANGAMUYO
O Dios nga amon Amay, Imo ginahimaya sing walay untat ang
Imo matutom nga mga alagad; itugot nga ang Espiritu Santo
magpadabdab sa amon mga tagipusoon sang kalayo sang paghigugma
nga nagpanalupsop sa kasingkasing ni San Felipe Neri.

Nagkadto ang hari nga si Agripa kag si Bernice sa Cesarea sa
pagduaw kag sa pag-abi-abi kay Festo. Sang makatiner sila didto sing
pila ka adlaw ginsaysay ni Festo sa hari ang kaso ni Pablo nga nagasiling,
“May isa diri ka binilanggo nga ginbilin ni Felix kag sang pagkadto ko sa
Jerusalem, ginpasakaan sia sang panumbungon sang pangulo nga mga
pari kag sang mga katigulangan sang mga Hudiyo. Ila ginpangayo sa
akon nga kondenahan sia pero nagsiling ako sa ila nga indi batasan sang
mga Romanhon ang pagkondenar sang bisan sin-o nga ginasumbong
nga wala pa niya maatubang ang mga nagsumbong sa iya, kag
mahatagan sia sang kahigayunan sa pag-apin sang iya kaugalingon
batok sa mga panumbongon sa iya. Sang pagkari nila diri wala na ako
mag-usik sang tion, kundi sang madason gid nga adlaw naglingkod ako
sa hukmanan kag ginpatawag ko ini nga tawo. Ang iya mga kasumpong
nagtindog sa paghambal, pero wala man sila sing may ginsumbong nga
malain batok sa iya nga amo ang akon ginpaabot. Nagbinaisay man lang
sila nahanungod sang ila kaugalingon nga pagtuluohan kag nahanungod
sang isa ka tawo nga ginahingalanan kay Jesus nga napatay, pero suno
kay Pablo, buhi sia.
111
Indi ako makahibalo kon ano ang akon himuon sa sini nga kaso
gani ginpamangkot ko si Pablo kon luyag niya nga magkadto sa
Jerusalem kag didto bistahon ini nga kaso. Pero si Pablo nagpangayo nga
bantayan sia kag hulaton ang pamatbat sang Emperador. Gani
nagmando ako nga bantayan sia tubtob nga mapadala ko sia sa
Emperador.
S: Salamat sa Dios.
Ang Ginoo nagpahamtang sang Iya trono sa langit.

1. Dayawa ang Ginoo, O kalag ko! Dayawa ang Iya balaan nga ngalan,
O bug-os ko nga tagipusoon! Dayawa ang Ginoo, O kalag ko! Kag
indi pagkalimti kon daw ano ang iya kaayo. (S)
2. Subong sang kataas sang langit sa ibabaw sang duta, amo man
kadaku ang Iya paghiguma sa mga nagatahod sa Iya, subong sang
kalayo sang sidlangan sa nakatundan, amo man ang iya pagpahilayo
sang aton mga sala sa aton. (S)
3. Ang Ginoo nagpahamtang sang iya trono sa langit, hari sia sa tanan.
Dayawa ninyo ang Ginoo, kamo nga makusog kag gamhanan nga
mga anghel, nga nagatuman sa iya mga sugo. (S)
ALELUYA
Aleluya! Ang Mananabang, ang Espiritu Santo nga ipadala sang
Amay sa akon ngalan, magatudlo sa inyo sang tanan nga mga butang,
kag magahanumdom sia sa inyo sang tanan nga akon ginsiling sa inyo.
Aleluya!
Si Jesus nagsiling kay Simon Pedro, “Simon anak ni Juan,

ginahigugma mo bala ako sing labi pa sini sa ila?”
Nagsabat sia, “Huo, Ginoo, nakahibalo gid ikaw nga ako
nagahiguma gid sa imo.”
Si Jesus nagsiling sa iya, “Tatapa ang akon mga kordero.” Sa
ikaduha nga tion si Jesus nagsiling sa iya, “Simon anak ni Juan,
ginahigugma mo bala ako?” Nagsabat sia, “Huo, Ginoo, nakahibalo gid
ikaw nga ako nagahiguma gid sa imo.”
112
Si Jesus nagsiling sa iya, “Tatapa ang akon mga karnero.” Sa
ikatlo ka bes nagsiling si Jesus, “Simon anak ni Juan, ginahigugma mo
bala ako?” Si Pedro nagkasubo kay katatlo na sia pamangkuton ni Jesus,
“Ginahigugma mo bala ako?” kag nagsiling si Pedro sa iya, “Ginoo, ikaw
nakahibalo sang tanan, kag ikaw nakahibalo gid nga ako nagahigugma
sa imo!”
Si Jesus nagsiling sa iya, “Tatapa ang akon mga karnero.”
Nagasiling ako sa imo sang matuod: sang ikaw bataon pa, nagawagkos
ka sang imo kaugalingon kag nagakadto sa bisan diin nga luyag mo; pero
kon tigulang ka na, untayon mo ang imo mga kamot, kag iban na ang
magawagkos sa imo kag magadala sa imo sa diin indi ka luyag
magkadto.” (Ginsiling ini ni Jesus sa pagpahayag kon sa ano nga paagi
mapatay si Pedro kag magahimaya sa Dios.) Dayon nagsiling si Jesus sa
iya, “Sunod ka sa akon!”

O Dios nga amon Amay, sa amon paghalad sining sakripisyo
nagapakiluoy kami sa Imo agod nga subong kay San Felipe Neri,
magpadayon kami pirme sing malipayon sa pagpangabudlay para sa
Imo kahimayaan kag sa pag-alagad sa amon mga isigkatawo.
PREPASYO (Pastor)
Imo ginalipay ang Imo Simbahan sa sini nga piesta ni San Felipe
Neri. Paagi sa iya mga pagsulondan Imo kami ginapabakod, paagi sa iya
pagwali Imo kami ginatudloan, kag imo kami ginaapinan tungod sang
Iya mga pag-ampo.
Subong nga ginahigugma Ako sang Amay, nagahigugma man Ako sa inyo;
magpabilin kamo sa Akon paghigugma. aleluya!
113
O Ginoo, Imo kami ginasagod sang tinapay nga nagagikan sa
langit; itugot nga subong kay San Felipe Neri, maghandom kami sa
gihapon sang kalan-on nga nagahatag sa amon sang matuod nga kabuhi.
MAYO 27 – SABADO
Puti
Augustine, +May 26, 604 (5?); O.S.B. monk of Mt. Coelius in Rome; sent with 40 other monks by Pope Gregory I
to England; baptized Ethelbert, king of Kent; ordained bishop 597; established the Sees of Cantebury, London
and Rochester; in 601, received the pallium as primate of England.
Ako mismo ang magatatap sa Akon mga karnero kag magabayaw Ako sang isa
ka manugbantay nga magapahalab sa ila: Ako ang Ginoo ang mangin-ila Dios. aleluya.
PANGAMUYO
O labing balaan nga Amay, Imo ginpalapnag ang Maayong Balita
sa mga tumandok sang Ingglatera paagi sa pagwali sang Imo Obispo nga
Si San Agustin de Canterbury; himoa nga ang iya ginpangabudlayan
magpadayon sing walay untat sa pagpamunga sa Imo Simbahan.
BALASAHON Bin. 28: 16-20. 30-31

Sang pag-abot namon sa Roma, gintugotan si Pablo sa pagpuyo
kon diin ang luyag niya nga may isa ka soldado lang nga nagabantay sa
iya.
Sang makaligad ang tatlo ka adlaw, ginpatawag ni Pablo ang mga
pangulo sang mga Hudiyo sa Roma. Sang pagtipon nila, nagsiling sia sa
ila, “Mga utod ko! Bisan nga wala ako sing may mahimo batok sa aton
banwa kag batok sa mga kinabatasan nga ginpaalinton sang aton mga
katigulangan, ginbilanggo ako sa Jerusalem kag gintugyan sa mga
Romanhon.
114
Gin-usisa nila ako kag sang mahibaluan nila nga wala ako sing
may mahimo nga malain agod takos pamatbatan sang kamatayon buy-
an kuntani nila ako. Pero sang ginpamalabagan ini sang mga Hudiyo,
napilitan ako sa pagdangop sa Emperador, bisan pa nga wala sang
panumbongon batok sa akon kaugalingon nga banwa. Amo ini ang
kabangdanan nga ginpatawag ko kamo agod makahambal ako sa inyo,
kay nakadenahan ako tungod sa iya nga amo ang paglaom sang mga
tawo sa Israel.
Sa sulod sang duha ka tuig, nag-alkila si Pablo sing balay kag
ginbaton niya sing malipayon ang tanan nga nagduaw sa iya. Nagwali
sia nahanungod sang Ginharian sang Dios kag nagtudlo sia nga may
kaisog nahanungod kay Ginoong Jesukristo, kag wala sing may nag-
upang sa iya.
S: Salamat sa Dios.
SALMO SA PAGSABAT Sal. 11: 4. 5. 7
Ang mga matarong makakita sang Imo nawong, O Ginoo.

1. Ang Ginoo yara sa Iya balaan nga Templo, didto sa langit ang Iya
trono, ginabantayan Niya ang mga tawo, kag nahibal-an Niya ang Iya
ginahimo. (S)
2. Ginausisa Niya ang malain kag ang maayo, kag ginadumtan Niya
sang Iya bug-os nga tagipusoon ang malinapason. Ginapaulan Niya
sa mga malaut ang nagadabdab nga mga baga kag asupre, Iya sila
ginasilutan sing nagaharahara nga kalayo. Ang Ginoo matarong, kag
nagahigugma sang maayo nga mga buhat, ang mga nagatuman sa
Iya magakabuhi sa Iya atubangan. (S)
ALELUYA
Aleluya! Ipadala ko sa inyo ang Espiritu sang kamatuoran, siling
sang Ginoo; kag Sia magatuytoy sa inyo sa bug-os nga kamatuoran.
Aleluya!
Nagbalikid si Pedro kag iya nakita nga nagasunod ang hinigugma

nga gintuton-an ni Jesus, sia nga nagsandiay gid kay Jesus sa panihapon
kag nagpamangkot, “Ginoo, sin-o bala ang magaluib sa imo?” Sang
pagkakita ni Pedro sa iya, nagsiling sia kay Jesus, “Ginoo, ano bala ang
madangtan sini nga tawo?”
115
Si Jesus nagsabat sa iya, “Kon luyag ko nga magkabuhi sia tubtob
sa akon pagkari, ano bala ina sa imo? Sunod ka sa akon!”
Gani naglapnag ang balita sa mga sumolunod ni Jesus nga
yadtong gintuton-an indi mapatay. Pero si Jesus wala magsiling nga indi
sia mapatay, kundi nagsiling sia, “Kon luyag ko nga magkabuhi sia
tubtob sa akon pagkari, ano bala ina sa imo?”
Ini sia amo ang gintuton-an nga nagpamatuod kag nagsulat sini
nga mga butang, kag aton nahibaluan nga ang iya ginasiling matuod.
Karon, may madamo pa nga mga butang nga ginhimo si Jesus.
Kon isaisahon sila sulat, ginabanta ko nga indi mag-igo sa bug-os
nga kalibutan ang tanan nga libro nga pagasulaton.


O Dios nga amon Amay, tamda sing mahinuklogon ang amon
mga dulot sa piesta ni San Agustin de Canterbury, kabay nga ining halad
magdala sa amon sing patawad kag maghimaya man sang Imo ngalan.
PREPASYO (Pastor)
Imo ginalipay ang Imo Simbahan sa sini nga piesta ni San Agustin
de Canterbury. Paagi sa iya mga pagsulondan Imo kami ginapabakod,
paagi sa iya pagwali Imo kami ginatudloan, kag imo kami ginaapinan
tungod sang Iya mga pag-ampo.
Bulahan yadtong mga ulipon nga sa pag-abot sang agalon, maabtan niya nga
nagabantay. aleluya.

O Dios nga amon Amay, paagi sa sulondan ni San Agustin de
Canterbury, kabay nga magpanaksi kami sa pagtuo nga iya ginkabuhi,
kag ibutang namon sa buhat ang tanan niya nga pagtulon-an.
116
MAYO 27 – SABADO
Pula
N.B. Ang Misa Bihilya ginagamit sa gab-i sang adlaw antes sang Piesta Solemne. Sarang ini maselebrar antes
ukon tapus sang Nahauna nga Besperas (Evening Prayer I) sang Piesta Solemne sang Domingo sang Pentecostes.
Mass: Prop (Vigil) see PN below, GL, CR, prop Pf, Roman Canon inserts,
Sol Bl 8, Dismissal: Alleluia, alleluia.
Ang paghigugma sang Dios nagpuno sa aton mga tagipusoon upod sa Espiritu
Santo nga nagapuyo sa aton, aleluya.
HIMAYA SA DIOS
PANGAMUYO
O Gamhanan kag walay katapusan nga Dios, Imo ginbuot nga
ang pagsaulog sang Paskwa magpadayon sa sulod sang kalim-an ka
adlaw, kag matapos ini sa adlaw sang Pentecostes; itugot nga ang tanan
nga mga tawo nga nalapnag sa bug-os nga kalibutan kag nabahinbahin
tungod sa nagkalain-lain nga mga linggwahe maghiusa paagi sa Imo
Espiritu Santo kag magdayaw sang Imo Santos nga Ngalan.
NAHAUNA NGA BALASAHON Gen. 11: 1-9
Ang pagbasa gikan sa Libro sang Genesis.

Sang una, ang mga tawo sa bug-os nga kalibutan may isa lang ka
linggwahe kag pareho nga mga pulong ang ila ginagamit. Samtang
nagapakadto sila sa sidlangan, nakalambot sila sa patag sang duta
sang Babilonia kag didto nagpuyo sila. Dayon nagsiling sila sa isa kag isa,
“Dali kamo, mahimo kita sing mga tisa kag aton ini pagbahon.” Gani may
tisa sila nga inugpatindog, kag ang aspalto sa pagpatapik sang mga tisa.
Dayon nagsiling sila, “Mahimo kita sing isa ka siyudad nga may tore nga
lambot sa langit, agod mangin bantog kita kag indi kita maglapta sa bug-
os nga duta.”
117
Karon ang Ginoo nagpanaog sa pagtan-aw sang siyudad kag
sang tore nga ginpatindog sadto nga mga tawo. Kag nagsiling sia,
“Karon, ini nga mga tawo may pag-isa kag isa lang ang ila linggwahe.
Pamuno pa lang ini sang ila pagahimuon. Sa indi madugay magahimo
sila sang bisan ano nga luyag nila. Dali, manaog kita didto kag tublagon
ta ang ila panghambal agod nga indi sila mag-intiyendihanay.” Gani
ginpaalaplaag sila sang Ginoo sa bug-os nga duta, kag nauntat ang ila
paghimo sang siyudad. Ang siyudad gintawag Babilonia kay didto
gingumon sang Ginoo ang lingwahe sang mga tawo kag gikan didto
ginpalapta niya sila sa bug-os nga kalibutan.
S: Salamat sa Dios.
SALMO SA PAGSABAT Sal. 104: 1-2. 24. 35. 27-28. 29. 30
Ipadala ang Imo Espiritu, O Ginoo,

kag bag-oha ang dagway sang kalibutan.
1. Dayawa ang Ginoo, O kalag ko! O Ginoo nga akon Dios, daw ano ka
gamhanan sa Imo! Napanaptan Ikaw sang pagkahalangdon kag
himaya; ginabayuan Mo ang Imo kaugalingon sang kapawa. (S)
2. Madamo nga mga butang ang Imo ginhimo, O Ginoo! Daw ano
kaalam sang Imo paghimo sa ila tanan! Ang duta napuno sang imo
mga tinuga. Kabay nga malaglag ang mga makasasala sa duta; kabay
nga ang malaut nawala na! (S)
3. Tanan sila nagasalig sa Imo sa paghatag sa ila sang kalan-on kon
ginakinahanglan nila ini. Ginahatag Mo ini sa ila, kag sila nagakaon;
ginahatagan Mo sila sing kalan-on, kag nagakalabusog sila. (S)
4. Kon punggan mo ang Imo pagginhawa nagakamatay sila, kag
nagabalik sila sa duta nga ila ginhalinan. Pero kon hatagan Mo sila
sing ginhawa, nagakabuhi sila; ginahatagan Mo sang bag-o nga
kabuhi ang duta. (S)
IKADUHA NGA BALASAHON Roma 8: 22-27
Ang pagbasa gikan sa Sulat ni San Pablo nga Apostol, sa mga

taga-Roma.
Mga utod: Nakahibalo kita nga tubtob karon, ang tanan nga mga
tinuga nagaugayong sa kasakit, subong sang pagpasakit sang manugbata.
Pero indi lamang ang mga tinuga, kundi kita man tanan nga ginhatagan
sing una sang Dios sang Iya Espiritu, nagaugayong sa kasakit, samtang
nagapaabot kita sa Dios nga nagahimo sa aton nga iya mga anak, kag
magahilway sa aton sing bug-os. Kay sa sini nga paglaum naluwas kita.
118
Pero kon makita naton ang aton ginalauman, indi na ina paglaom.
Kay sin-o bala ang nagalaum sa iya nakita? Pero kon nagalaum kita sa
wala pa naton makita, ginahulat naton ini nga may pagpailob.
Sa amo man nga bagay, kita nga mga maluya ginabuligan sang
Espiritu. Kay indi kita makahibalo kon paano magpangamuyo, kundi ang
Espiritu amo ang nagapakiluoy sa Dios para sa aton sa mga pag-ugayong
nga indi masaysay sa mga tinaga. Kag ang Dios nga nagausisa sang
tagipusoon sang mga tawo nakahibalo man sang panghunahona sang
Espiritu. Kay ang Espiritu nagapakiluoy sa Dios para sa Iya mga tumuluo
kag suno sa Iya kabubot-on.
S: Salamat sa Dios.
ALELUYA
Aleluya! Kari ka, O Espiritu Santo; pun-a ang tagipusoon sang Imo
mga tumoluo kag padabdaba sa ila ang kalayo sang Imo gugma. Aleluya!
Ang katapusan nga adlaw sang piesta amo ang labing importante
nga adlaw. Sa sadto nga adlaw nagtindog si Jesus kag naghambal sa
mabaskog nga tingog, “Ang bisan sin-o nga ginauhaw magkari sa akon
kag mag-inom. Subong sang ginasiling sang kasulatan, ‘Ang bisan sin-o
nga nagatuo sa Akon, magailig gikan sa iya tagipusoon ang mga suba
sang tubig nga buhi’.” (Ginhambal ini ni Jesus nahanungod sang Espiritu
nga madali na lang pagabatunon sadtong mga nagatuo sa Iya. Sadto nga
ti-on wala pa mahatag ang Espiritu, kay si Jesus wala pa mahimaya.)
PANGAMUYO SANG MGA TUMOLUO (page 125)

O Ginoo, bendisyoni sing bugana paagi sa Imo Espiritu ining mga
dulot nga amon ginahalad sa Imo agod nga ang Imo Simbahan mapun-
an sang Imo gugma kag mapakita bilang maathag nga timaan sang
kaluwasan sa bug-os nga kalibutan. Ginapangayo namon ini sa Imo
119
PREPASYO (Pentekostes)
Kay sa paghimpit sang Misteryo Paskwal, Imo ginpadala karon
nga adlaw ang Espiritu Santo sa mga tawo nga bangod sang ila
paghiliusa kay Kristo, Imo gin-ayop bilang mga anak.
Amo ini ang Espiritu nga sa ginsugoran sang Simbahan
nagpakilala sang Imo pagka-Dios sa tanan nga mga kapungsoran, kag
nagpahiusa paagi sa isa lamang ka pagtuo sadtong ginpalapta sang sala
paagi sa nagakalainlain nga mga linggwahe.
Sang katapusan kag pinakadaku nga adlaw sang piesta, si Jesus nagtindog kag
nagwali, “Kon sin-o ang gina-uhaw, pakadtoa sia sa Akon,” aleluya.

O Ginoo, kabay nga ang pagkalawat nga amon nabaton
magpadabdab sa amon sa gihapon sang amo man nga Espiritu Santo nga
Imo ginpadala sing makatilingala sa Imo mga Apostoles. Ginapangayo
MAYO 28 - DOMINGO
Pula
Hours: of the Solemn, OR “Te Deum”, EP: dismissal: Alleluia, alleluia

Mass: Prop (Day), GL, Seq, CR, Prop Pf, Roman Canon inserts, Sol Bl 8,
Dissmissal: Alleluia, alleluia
Masses in private oratories are not allowed.
120
Aton karon ginasaulog ang Domingo sang Pentecostes: ang pagkunsad
sang Espiritu Santo sa mga Apostoles nga nagdala sing kalig-unan kag pagbag-
o sa Iya mga pinili. Kabay nga ang amo nga Espiritu magdala man sa aton nga
nagatipon karun sang bag-o nga kusog kag kabakod sa pagpadayon sang mga
buhat nga Iya ginsugodan.
Ang Espiritu sang Dios matuod nga nagapuno sang bug-os nga kalibutan. Sia
ang nagahugpong sang tanan nga mga butang kag nahibaloan Niya ang tanan nga
ginamitlang, aleluya.
HIMAYA SA DIOS
PANGAMUYO
O Dios nga amon Amay, Imo ginpasantos ang Imo Santa Iglesia
nga nalapnag sa bug-os nga kalibutan paagi sa misteryo nga amon
ginasaulog sa karon nga adlaw, ibubo ang mga bugay sang Imo Espiritu
Santo sa tanan nga mga tawo sa bug-os nga duta kag himoa sa mga
tagipusoon sang mga tumoluo ang Imo sadto anay ginhimo sa
ginsugoran sang pagwali sang Maayong Balita.
Matunog nga gahod, mabaskog nga unos, mga dila nga kalayo kag
nagakalainlain nga lenggwahe: simbolo sa pagpaathag sang una nga
Pentekostes. Ang gahum sang Dios nagkari sa paghiusa sang
nagabinahinbahinay nga katawohan nga mangin isa ka katilingban nga may
lugar kag bahin para sa tanan.
NAHAUNA NGA BALASAHON Bin. 2: 1-11

Sang pag-abot sang adlaw sang Pentecostes, ang tanan nga mga
tumoluo nagatipon sa isa ka duog. Sa hinali may naghagunos halin sa
langit nga daw huyop sang mabaskog nga hangin. Nagtugob ini sa balay
nga ila ginatipunan. Dayon nakita nila ang daw mga dila nga kalayo nga
naglapta kag nagtungtong sa kada isa sa ila. Napun-an sila sang Espiritu
Santo kag nagsugod sila sa paghambal sa iban nga mga linggwahe suno
sa ginhatag sa ila sang Espiritu nga ihambal.
121
Sadto nga tion may mainampuon nga mga Hudiyo nga nagapuyo
sa Jerusalem nga nagikan sa tanan nga mga pungsod sang kalibutan.
Sang pagkabati sang mga tawo sini nga ginahod nagdulogok sila.
Natingala gid sila sang mabatian sang tagsatagsa sa ila nga ang mga
tumoluo nagahambal sa iya kaugalingon nga linggwahe. Sa ila
kahangawa kag katingala nagsiling sila, “Indi bala taga-Galilea ining
mga nagahambal? Ngaa nga karon mabatian ta sila nga nagahambal sa
aton mga linggwahe? Kita mga taga-Parto, Medo, Elam, Mesapotamia,
Judea, Capadocia, Ponto, Asia, Frigia, Panfilia, Egipto, kag sa sakop
sang Libya nga malapit sa Cirene. Ang iban sa aton halin sa Roma, mga
Hudiyo kag mga Gentil nga nakonbertir sa pagtuluohan sang mga
Hudio. Ang iban sa aton halin sa Creta kag Arabia. Pero mabatian naton
sila nga nagahambal sa aton mga linggwahe nahanungod sang dalagku
nga mga binuhatan sang Dios!”
S: Salamat sa Dios.
SALMO SA PAGSABAT Sal. 104: 1. 24. 29-30. 31. 34
Ipadala ang Imo Espiritu, O Ginoo,

kag bag-oha ang dagway sang kalibutan.
1. Dayawa ang Ginoo, O kalag ko! O Ginoo nga akon Dios, daw ano ka
gamhanan sa Imo! Napanaptan Ikaw sang pagkahalangdon kag
himaya. (S)
2. Madamo nga mga butang ang Imo ginhimo, O Ginoo! Daw ano
kaalam sang Imo paghimo sa ila tanan! Ang duta napuno sang Imo
mga tinuga. (S)
3. Kon magpalagyo Ka, nagakahadlok sila, kon punggan Mo ang Imo
pagginhawa nagakamatay sila, kag nagabalik sila sa duta nga ila
ginhalinan. Pero kon hatagan Mo sila sing ginhawa, nagakabuhi sila;
ginahatagan Mo sang bag-o nga kabuhi ang duta. (S)
4. Kabay nga magpadayon ang himaya sang Ginoo sa walay katapusan!
Kabay nga magkalipay ang Ginoo sa Iya mga binuhatan! (S)
5. Kabay nga nahamut-an Niya ang akon ambahanon, kay ginahatagan
Niya ako sing kalipay. (S)
Wala sapayan sang aton pagkinatuhay sa mga talento kag buluhaton,
tungod ini naggikan sa isa ka Espiritu kita man nagahiusa sa lawas ni Kristo
bilang isa ka katilingban sang pagtuo, paglaum kag paghigugma.
122
IKADUHA NGA BALASAHON 1 Cor. 12: 3-7. 12-13
Ang pagbasa gikan sa Nahauna nga Sulat ni San Pablo nga Apostol, sa
mga taga-Corinto.
Mga utod: “Wala man sing tawo nga makasiling, “Si Jesus Ginoo,
kon wala sia ginatuytoyi sang Espiritu Santo.
May nanarisari nga mga bugay nga espirituhanon, pero amo man
ang Espiritu ang nagahatag sini tanan. May manuhaytohay nga paagi
sang pag-alagad, pero amo man nga Ginoo ang ginaalagad. May
nanuhaytohay nga ikasarang sa pag-alagad pero, amo man nga Dios ang
nagahatag sa tagsa-tagsa sang manuhaytohay nga ikasarang sa pag-
alagad. Ang tagsatagsa ginahatagan sang pagpamatuod sang presensya
sang Espiritu para sa kaayuhan sang tanan.
Kay si Kristo kasubong sang isa ka lawas nga may madamo nga
mga bahin. Bisan may madamo ini nga mga bahin, pero isa lang ini ka
lawas. Sa amo man nga bagay, kita tanan Hudiyo, ukon Hentil, ulipon
ukon hilway, ginbautisohan sang amo nga Espiritu, agod mangin-isa kita
ka lawas, kag kita tanan ginpainom sa amo man nga Espiritu.
S: Salamat sa Dios.
Nagatindog ang tanan tubtob sa Ebanghelyo samtang ang Lektor nagapadayon sa pagbasa sang Sekwensya
SEKWENSYA
Kari ka, O Espiritu Santo, kag gikan sa langit,

Imo ipadala, ang silak sang Imo kapawa.
O Amay sang mga imol, kari ka!
Kari ka, sang mga bugay Tagtuga.
O Iwag sang amon kasingkasing, kari ka!
Ikaw ang labing maayo nga manuglipay,
ang matam-is nga dinapit sang kalag namon,
Taghatag sang kabugnaw nga masulhay,
ang palahuwayan sa pagpangabudlay,
ang dupoydupoy sa tingadlaw,
sang nagahibi, ikaw ang kalipay.
O Labing Santos nga Iwag, imo pun-on,
tubtob sa kaalibutoran sang tagipusoon,
kami nga sa imo nagmatinuohon.
Kon wala ang imo pagbulig,
wala sing mahimo ang tawo,
wala sing butang nga maayo.
123
Hugasi ang mga nadagtaan,
bunyagi ang mga mamala,
ang mga masakit ayuha.
Buyoka ang nagapakatig-a,
ang mga matugnaw pa-inita,
ang mga nagtalang, tuytoyi sila.
Ihatag sa imo mga tumoluo,
kami tanan nga nagasalig sa imo,
ang pito ka mga bugay nga sagrado.
Hatagi sila sing balos sang ila birtudes,
hatagi sila sing dungkaan sang kaluwasan,
hatagi sila sing kalipay nga walay katapusan.
Ang Ginoong Jesukristo nagapasalig sa Iya mga gintuton-an nga Sia
magapadala sang isa ka Mananabang nga magaupod kag magatudlo sa ila sang
ila pagahimuon agud ila matuman ang Iya sugo sang gugma. Kutob sa
magatuman sini sia mangin puloy-an sang Amay kag Anak.
ALELUYA
Aleluya! Kari ka, O Espiritu Santo; pun-a ang tagipusoon sang
Imo mga tumoluo kag padabdaba sa ila ang kalayo sang Imo gugma.
Aleluya!
Sang sirom na sadto nga adlaw nga amo ang nahauna nga adlaw
sang semana, nagtipon sa isa ka balay ang mga gintuton-an kag
nagpanarangka sila, kay nahadlok sila sa mga pangulo sang mga
Hudiyo. Dayon si Jesus nag-abot kag nagtindog sa tunga nila. Nagsiling
sia, “Paghidait sa inyo.” Sang makasiling sia sini, ginpakita niya sa ila ang
iya mga kamot kag ang iya kilid. Daku gid ang kalipay sang mga
gintuton-an sang makita nila ang Ginoo. Dayon si Jesus nagsiling liwat
sa ila, “Paghidait sa inyo. Subong nga ang Amay nagpadala sa akon, ako
man nagapadala sa inyo.” Ginsiling niya ini, kag ginhuypan niya sila kag
ginsingganan, “Batuna ninyo ang Espiritu Santo. Kon ginapatawad
ninyo ang mga sala sang bisan sin-o, ginapatawad sila; kon wala ninyo
ginapatawad sila, wala man sila ginapatawad.”
124
P: Mangamuyo kita sa aton Ginoo, kay ang Amay sang kaluoy padayon
nga nagapamati sang sinsero kag tampad nga tagipusoon. Gani,
magsiling kita:
Ipadala sa amon ang Imo Espiritu, O Ginoo
1. Nga ang Imo Espiritu, maghimo sang Simbahan nga isa ka tuburan
sang kabuhi sa kalibutan nga ginaluntaran sang kagamo kag
madamo nga mga pagpatalang, nagapangalaba kami. (S.)
2. Nga ang Imo Espiritu maghimo sang tanan nga lideres sang amon
pungsod kag banwa, nga mangin maalam kag diosnon sa
pagpatikang sang mga programa nga makapasanyog sang kabuhi,
paghidait kag katarungan, nagapangalaba kami. (S.)
3. Nga ang Imo Espiritu magdala sang tanan nga mga nagtalalang sa
dalanon sang pagkabalaan, sang bag-o nga paglaum kag bag-o nga
kabuhi, nagapangalaba kami. (S.)
4. Nga ang Imo Espiritu magdala sang madalom nga pagtuo sa mga
nagamasakit kag naga-antus agod padayon sila sa paglaum sa Imo sa
pihak sang mabudlay nga kahimtangan sa kabuhi, mangamuyo kita.
5. Nga ang Imo Espiritu magdala sa amon mga pinalangga nga
nagtaliwan, sa pag-ambit sang Imo walay katapusan nga paghidaet
kag kabulahanan dira sa langit, nagapangalaba kami. (S.)
P: Ipadala sa amon ang Imo Espiritu, O Ginoo agod nga ang mga buhat
nga ang Imo ginsugodan diri sa duta, mapadayon namon sa adlaw
nga tanan, kay Ikaw ang amon Ginoo sa tanan nga mga tuig sang mga
katuigan. Amen.

O Dios, kabay nga suno sa ginsaad sang Imo Anak, ang Espiritu
Santo makapahangop pa gid sa amon sang misteryo sining sakripisyo,
kag magtudlo sa amon sang bug-os nga kamatuoran. Ginapangayo
namon ini sa Imo paagi kay Kristo nga amon Ginoo.
125
PREPASYO (Pentekostes)
Kay sa paghimpit sang Misteryo Paskwal, Imo ginpadala karon
nga adlaw ang Espiritu Santo sa mga tawo nga bangod sang ila
paghiliusa kay Kristo, Imo gin-ayop bilang mga anak.
Amo ini ang Espiritu nga sa ginsugoran sang Simbahan
nagpakilala sang Imo pagka-Dios sa tanan nga mga kapungsoran, kag
nagpahiusa paagi sa isa lamang ka pagtuo sadtong ginpalapta sang sala
paagi sa nagakalainlain nga mga linggwahe.
Napuno sila tanan sang Espiritu Santo kag nagsugod sila sa paghambal kag
nagapahayag sang maayo nga mga hinimuan sang Dios sa aton tagsa-tagsa nga
linggwahe, aleluya.

O Dios, Imo ginhatag sa Imo Simbahan ang mga bugay nga
langitnon; bantayi ang Imo ginhatag sa iya, agod nga ang Espiritu Santo
magpabakod sang amon tagipusoon kag ang pagkalawat nga amon
ginbaton magpatigayon para sa amon sang kaluwasan. Ginapangayo
BENDISYON SOLEMNE (Pentecostes)
P. Karon nga adlaw ang Amay sang kapawa nag-iwag sa mga

panghunahuna sang mga gintuton-an paagi sa Iya pagpadala sang
Espiritu Santo. Kabay nga Iya kamo bendisyonan kag Iya ihatag sa
inyo ang mga bugay sang Espiritu Santo sa walay katapusan.
T. Amen.
P. Kabay nga ina nga kalayo nga nagtungtong sa ulo sang mga
gintuton-an nga daw dabdab nga mga dila, magsunog sang tanan
nga mga kalautan sa inyo tagipusoon kag magpabanaag sa inyo
bilang tunay nga kapawa. T. Amen.
P. Ang Dios nagpahambal sa mga gintuton-an sang nagakalain-lain nga
linggwahe sa pagbantala sang isa lamang ka pagtuo. Kabay nga Iya
palig-unon ang inyo pagtuo kag hatagan katumanan ang inyo
paglaum nga makita gid ninyo Sia sing tampad. T. Amen.
126
MAYO 29 – LUNES
Puti
The decree articulates the theology of Saint Augustine and Pope Saint Leo the Great reflecting on the Virgin
Mary as Mother of Christ and Mother of the Church. “In fact the former, (St. Augustine) says that Mary is the
mother of the members of Christ, because with charity she cooperated in the rebirth of the faithful into the
Church, while the latter (St. Leo the Great) says the birth of the Head is also the birth of the body, thus indicating
that Mary is at once Mother of Christ, the Son of God, and mother of the members of his Mystical Body, Which
is the Church. These considerations derive from the divine motherhood of Mary and from her intimate union in
the work of the Redeemer, which is culminated at the hour of the cross.”
Nakig-isa sila tanan sa panghunahona kag nagpadayon sa pagpangamuyo,
upod kay Maria nga Iloy ni Jesus.
PANGAMUYO
O Dios kag Amay nga maluloy-on, samtang nalansang sa krus
ang Imo Anak, ginhimo Niya ang Iya Iloy nga Iloy man namon. paagi sa
iya nga iloynon nga paghigugma, ipamu-ad sa Imo Simbahan ang mga
anak nga magkalipay sa iya tungod sang ila pagkasantos, kag tipunon
niya sila sing tingob gikan sa mga kapungsoran.
NAHAUNA NGA BALASAHON Gen. 3: 9-15. 20

Sa tapos makakaon si Adan sang bunga sang kahoy, gintawag
sang Ginoong Dios ang lalaki: ‘’Diin ka?” Ang lalaki nagsabat, ‘’Nabatian
ko ikaw sa katamnan. Nahadlok ako kag nagpanago ako sa Imo kay hubo
ako.’’Ang Dios nagpamangkot, ‘’Sin-o ang nagsiling sa imo nga hubo ka?
Nagkaon ka bala sang bunga sang kahoy nga ginasiling ko sa inyo nga
indi ninyo pagkaunon?’’
Ang lalaki nagsabat, ‘’Ang babayi nga ginhimo mo para sa akon
amo ang naghatag sa akon sang bunga sang kahoy kag nagkaon ako.”
Ginpamangkot sang Ginoong Dios ang babayi, “Ngaa bala ginhimo mo
ini?’’ Nagsabat sia, ‘’Ang man-og nagganyat sa akon sa pagkaon sadto.’’
Karon ang Ginoong Dios nagsiling sa man-og, ‘’Pagasilutan ka tungod
sini. Ikaw lamang sa tanan nga mga sapat ang magaantos sini nga silot.
127
Sugod karon magasaog ka sa imo tiyan, kag yab-ok ang imo
pagakaunon samtang nagakabuhi ka. Ikaw kag ang babayi
magadumtanay sa wala sing katubtoban. Sia ang magadugmok sang imo
ulo, kag magabuntog ka sang ila mga buol.’’
Ginhingalanan ni Adan ang iya asawa kay Eva, kay sia ang iloy sang
bug-os nga katawohan.
S: Salamat sa Dios.
SALMO SA PAGSABAT Sal. 87:1-2, 3, 5, 6-7
Maayo nga mga butang ang iya ginahambal

parte sa sining iya siyudad.
1. Gintukod sang Dios ang siyudad sang Zion sa balaan nga mga bukid.
Ginahigugma niya ini nga siyudad labaw sa tanan nga lugar sa Israel.
(S)
2. Matuod nga isiling ini parte sa Zion, nga madamo nga mga katawhan
ang kabigon nga iya mga tumandok. Kag ang Labing Mataas nga
Dios mismo amo ang magalig-on sang sini nga siyudad. (S)
3. Listahon sang Ginoo ang iya mga katawhan kag ilakip niya ang mga
katawhan nga kabigon niya nga mga tumandok sang Zion. Sila tanan
magasaot kag magakanta sang, “Nagahalin sa Zion ang tanan ta nga
pagpakamaayo!” (S)
ALELUYA
Aleluya! Maghimaya ka Maria, napuno ka sing grasya. Ang Ginoo
yara sa imo; ginadayaw ka labi sang mga babayi nga tanan. Aleluya!
EBANGHELYO Luc. 1: 26-38
Ang pagbasa sang Santos nga Ebanghelyo suno kay San Lucas.
Sa ikan-om nga bulan sang pagbusong ni Elisabet ginpadala sang

Dios si Gabriel nga anghel didto sa banwa sang Galilea nga ginatawag
Nazaret. Ang anghel may dala nga mensahi para sa isa ka ulay nga dalaga
nga kalasalon sa isa ka tawo nga ginahingalanan kay Jose nga kaliwat ni
Haring David. Ang ngalan sang dalaga amo si Maria. Ang Anghel
nagpakita sa iya kag nagsiling, ‘’Magkalipay ka! Ikaw nga labing
nahamut-an, ang Ginoo yara sa imo!
Sang pagkabati ni Maria sang ginsiling sang anghel natublag gid
sia, kag nagpalibog kon ano ang kahulogan sang ginhambal sang anghel.
Nagsiling ang anghel sa iya, ‘’Indi ka magkahadlok, Maria, kay nahamut-
an ka sang Dios.
128
Yari karon, magabusong ka kag magaanak sang isa ka bata nga
lalaki, kag pagahingalanan mo sia kay Jesus. Mangindaku sia kag
pagatawgon nga Anak sang Labing Mataas nga Dios. Ang Ginoong Dios
magahimo sa iya nga hari subong sang iya amay nga si David, kag mangin
hari sia sing dayon sa mga kaliwat ni Jacob kag ang iya ginharian wala
sing katapusan.”
Si Maria nagsabat sa anghel, ‘’Paano ang pagkahimo sini, kay
birhen pa ako?’’
Ang anghel nagsabat, ‘’Ang Espiritu Santo magakunsad sa imo,
kag ang gahom sang Dios nga Labing Mataas magalikop sa imo. Tungod
sini ang balaan nga bata nga matawo pagatawgon nga Anak sang Dios.
Dumdoma bala ang imo paryente nga si Elisabet. Bisan tigulang na sia kag
baw-as, nagabusong na sing anom ka bulan sang isa ka bata nga lalaki.
Kay sa Dios wala sing bisan ano nga indi mahimo.’’
Si Maria nagsiling, ‘’Alagad ako sang Ginoo. Kabay nga matuman
ini sa akon suno sa imo ginsiling,’’ Kag ang anghel nagbiya sa iya.

O Ginoo, batuna ang amon mga dulot kag baylohi ini sa
makalulowas nga sakramento. Paagi sa gahom sini kag sa paghigugma
sang Birhen Maria nga Iloy sang Simbahan ipadabdab sa amon ang
pagka-ukod nga matigayon upod sa iya ang pagtubos sang kalibutan.
PREPASYO (Santa Maria Birhen I)

Handumanan ni Santa Maria, Birhen sa gihapon. Sa lalang sang Espiritu
Santo kag sa nagapabilin ang iya pagka-ulay, nangin Iloy sia sang Imo
Anak kag kapawa sang kalibutan, si Jesukristo nga amon Ginoo.
mapainuboson nga nagasiling:
Bulahan ang tiyan sang Birhen Maria, nga nagdala sang Anak sang walay
katapusan nga Amay.
129
O Ginoo, amon nabaton nga may kalipay ang Lawas kag Dugo
sang Imo Anak sa kadungganan ni Santa Maria, Birhen gihapon; itugot
nga subong sa iya, magmaukod man kami para sa kaluwasan sang tanan
nga katawohan. Ginapangayo namon ini sa Imo, paagi kay Kristo nga
amon Ginoo.
MAYO 30 – MARTES
Berde
Ang Ginoo amo ang akon kabakod; ginlikaw Niya ako sa katalagman,
ginluwas Niya ako kay Iya ako nahamut-an.
PANGAMUYO
O Ginoo, tuytoyi ang lakat sang kalibutan kag ihatag sa Imo
Simbahan ang kalipay kag paghidait sa pag-alagad sa Imo sing hilway.
katuigan.
BALASAHON Sir. 35: 1-12
Ang pagbasa gikan sa Libro ni Sirac.

Ang pagtuman sang kasugoan kaangay sang madamo nga mga
dulot. Ang pagtuman sang mga sugo amo ang paghalad sa paghidait.
Ang pagbalos sang kaayo amo ang isa ka dulot nga kalan-on, kag ang
paghatag sing limos amo ang isa ka dulot nga kalan-on, kag ang
paghatag sing limos amo ang isa ka dulot sang pagdayaw. Sikwaya ang
kalautan kag malipay ang Ginoo. Sikwaya ang pagkadi-matarong kag
patawaron ka. Indi ka mag-atubang sa Ginoo nga wala sing sala;
tumana ini nga mga halad, kay amo ini ang sugo. Kon ang matarong
nga tawo magdala sang iya dulot nga sapat sa altar, ang hamot sini
nagatub-ok sa atubangan sang Labing Mataas.
130
Ang halad sang matarong nga tawo ginabaton; ang
handumanan sini indi gid malimtan. Magmaalwan ka sa imo pagsimba
sa Ginoo kag idulot ang mga nahauna nga mga bunga sang imo mga
pinangabudlayan nga wala sing hawidhawid. Ihatag sing malipayon
ang tanan mo nga mga dulot kag magkasadya ka sa paghalad sang imo
ikanapulo. Maghatag ka sa Labing Mataas subong sang iya paghatag sa
imo, kag subong kaalwan suno sa imo masarangan. Kay ang Ginoo
nagabalos sing maayo kag pagabalusan ka sing pito ka pilo.
S: Salamat sa Dios.
SALMO SA PAGSABAT Sal. 50: 5-6. 7-8. 14. 23
Luwason Ko gid ang tanan nga nagatuman sa Akon.

1. Nagsiling sia, “Tipuna sa akon ang matutom ko nga mga tawo, ang
mga naghimo sang kasugtanan sa akon paagi sa isa ka halad.”
Ginapahayag sang kalangitan nga ang Dios matarong, nga sia gid
amo ang hukom! (S)
2. Pamati kamo, mga tawo ko, kag magahambal ako, magasaksi ako
batok sa imo, O Israel. Ako ang Dios, ang imo Dios. Wala ako
nagasikway sa imo tungod sang mga halad kag sang mga halad nga
sinunog nga imo pirme ginhalad sa Akon. (S)
3. Ihalad sa Dios ang mga pagpasalamat, kag ihatag sa Makagagahom
ang tanan nga mga dulot nga inyo ginsaad. Ang mga
nagapasalamat amo ang halad nga nagapadungog sa Akon, kag
luwason Ko gid ang tanan nga nagtuman sa Akon. (S)
ALELUYA
Aleluya! O Amay, Ginoo sang langit kag duta! Nagapasalamat
ako sa Imo tungod kay ginpahayag mo sa di-maalam, ang mga misteryo
sang Ginharian. Aleluya!
EBANGHELYO Mar. 10: 28-31
Ang pagbasa sang Santos nga Ebanghelyo suno kay San Marcos.
Si Pedro nagsiling, "Tan-awa bala, ginbayaan namon ang tanan

kag nagsunod kami sa Imo."
Si Jesus nagsiling sa ila, "Huo matuod, kag tungod sini ginasiling
ko sa inyo nga ang bisan sin-o nga nagabiya sang iya balay ukon mga
utod nga lalaki ukon babayi, ukon iloy, ukon amay, ukon mga kabataan,
ukon mga kadutaan tungod sa akon kag sa Maayong Balita, magabaton
sia sa sini nga panahon sing ginatos ka pilo: mga balay, mga utod nga
lalaki ukon babayi, mga iloy, mga kabataan kag mga kadutaan, kag mga
panghingabot man.
131
Kag sa palaabuton nga panahon magabaton sia sang kabuhi nga
dayon. Pero madamo nga mga nahauna karon nga nangin-ulihi, kag
mga naulihi karon nga nangin-nahauna."

O Dios nga amon Amay, Ikaw ang nagahatag sa amon sang mga
butang nga amon inughalad, kag nagabaton sang amon mga dulot
subong timaan sang amon pag-alagad sa Imo; itugot nga ining balaan
nga sakripisyo nga Imo ginhimo nga tuboran sang amon merito mangin
lalang man para sa amon pagdangat sang padya nga walay katapusan.
PREPASYO (Matag-Adlaw III)

Kay tungod sang Imo kaalwan, Imo gintuga ang mga
katawohan, kag Imo sila ginbag-o liwat paagi kay Kristo nga amon
Ginoo.
Tungod sini, ang tanan nga mga tinuga nagaalagad sa Imo, ang
mga gintubos nagadayaw man sa Imo, kag ang mga Santos nagahimaya
sa Imo sing tingob. Kami man upod sa tanan nga mga Angheles,
nagahilinugyaw kag nagadayaw sa Imo sing malipayon nga nagasiling:
Magaamba ako sa Ginoo kay sa gihapon maayo Sia sa akon; dayawon ko ang
ngalan sang Ginoo nga Labing Mataas.

O Dios nga maluloy-on, ipaambit sa amon ang kabuhi nga wala
sing katapusan paagi sining makaluluwas nga sakramento nga
nagasagod sa amon sa sining umalagi nga kinabuhi. Ginapangayo
132
MAYO 31 - MIERKOLES
Puti
Kari kag magpamati, tanan kamo nga nagatahod sa Dios, kag sugiran ko kamo
kon ano ang Iya ginhimo sa akon.
HIMAYA SA DIOS
PANGAMUYO
O gamhanan kag walay katapusan nga Dios, Imo gintuytoyan
ang Mahal nga Birhen Maria nga nagadala sang Imo Bugtong nga Anak
sa pagduaw kay Santa Isabel: tuytoyi kami paagi sa Espiritu Santo, agod
ibantala namon upod sa kay Maria ang Imo mga katingalahan sa tanan
nga mga adlaw sang amon kabuhi.
BALASAHON Rom. 12: 9-16
Ang pagbasa gikan sa Sulat ni San Pablo nga Apostol, sa mga taga-
Roma.
Mga utod: Kinahanglan ninyo ang paghigugma indi salimpapaw.
Dumti ang malaut, kag himoa ang maayo. Maghigugmaanay kamo sing
mahirop subong mag-ululotod kay Kristo, kag magtinahuray kamo.
Magmapisan kamo kag indi magtinamad. Alagara ninyo ang Ginoo sa
bug-os ninyo nga tagipusoon. Kabay pa nga ang inyo paglaum maglipay
sa inyo, batasa ninyo ang kabudlayan, kag magpangamuyo kamo sa
tanan nga tion. Magbulig kamo sa mga kinahanglanon sang inyo mga
utod kag batuna sa inyo mga balay ang mga dumoluong.
Pangayoa sa Dios nga iya bendisyunan ang mga nagahingabot sa
inyo. Huo, pangayoa ang iya pagbendisyon kag indi ang iya
pagkamalaut. Magkalipay kamo upod sa mga nagakalipay, kag maghibi
upod sa mga nagahibi. Trataha ninyo sang alalangay ang isa kag isa. Indi
kamo magpabugal, kundi batuna ninyo ang kubos nga mga hilikuton.
Indi kamo maghunahona nga kamo inyo mga maalam.
S: Salamat sa Dios.
133
KALANTAHON SA PAGSABAT Isa. 12: 2-3. 4. 5-6
Daku sa tunga ninyo ang Balaan sang Israel.

1. Ang Dios ang akon manluluwas; Magasalig ako sa Iya, kag indi
magkahadlok; Ang Ginoo nagahatag sa akon sing gahom kag kusog;
Sia ang akon manluluwas. Subong nga ang mabugnaw nga tubig
nagahatag kalipay sa ginauhaw, Gani ang mga tawo sang Dios
nagakalipay kon luwason Niya sila. (S)
2. Magpasalamat kamo sa Ginoo! Panawag kamo sa Iya sa
pagpangayo sing bulig! Isugid sa tanan nga mga kapungsoran ang
Iya ginhimo! Sugiri sila kon daw ano Sia ka gamhanan! (S)
3. Mag-amba sa Ginoo tungod sang dalagku nga mga butang nga Iya
ginhimo, Iwaragwag ang balita sa bug-os nga kalibutan. Ang
tagsatagsa nga nagapuyo sa Dios magsinggit kag magkanta! Ang
balaan nga Dios sang Israel gamhanan, Kag nagapuyo Sia sa tunga
sang Iya mga tawo. (S)
ALELUYA
Aleluya! Bulahan ikaw, O Birhen Maria, nga nagtuo nga
matuman sa imo ang ginsiling sang Ginoo. Aleluya!
EBANGHELYO Luc. 1: 39-56
Si Maria nanghimos kag nagdalidali sa pagkadto sa isa ka banwa

sa kabakuloran sang Judea. Nagkadto sia sa balay ni Zacarias kag iya gin-
abiabi si Elisabet. Sang pagkabati ni Elisabet sang pag-abiabi ni Maria,
nagkibo ang bata sa iya tiyan. Napun-an si Elisabet sang Espiritu Santo,
kag sa mabaskog nga tingog naghambal, “Bulahan ikaw sa tanan nga
mga babayi! Bulahan ang bata nga imo ginadala! Ngaa matabo ining
daku nga butang sa akon, nga ang iloy sang akon Ginoo magduaw sa
akon? Kay sang pagkabati ko gid sang imo pag-abiabi, ang bata sa akon
tiyan nagkibo sa kalipay. Bulahan ikaw nga nagtuo nga matuman sa imo
ang ginsiling sang Ginoo.”
Si Maria nagsiling: Ang akon tagipusoon nagadayaw sa Ginoo,
kag nagakalipay ang akon espiritu tungod sa Dios nga akon Manlulowas.
Kay gintamod niya ako, ang iya kubos nga alagad! Sugod karon ang
tanan nga mga tawo magatawag sa akon nga bulahan, tungod sang
dalagku nga mga butang nga nahimo sa akon sang Gamhanan nga Dios.
Ang iya ngalan balaan. Nagakaluoy sia sa tanan nga nagakahadlok sa
iya, sa mga kaliwatan kag mga kaliwatan. Nagpakita sia sang iya gahom,
ginguba niya ang mga plano sang mga bugalon. Ginpukan niya ang
gamhanan nga mga hari sa ila trono, kag ginbayaw niya ang mga kubos.
134
Ginbusog niya sang maayo nga mga butang ang mga ginagutom,
ginpalakat Niya nga wala sing dala ang mga manggaranon. Gintuman
niya ang iya saad sa aton mga katigulangan; ginbuligan niya si Israel nga
iya alagad, kag wala sia magkalipat sa pagkaluoy sa kay Abraham kag sa
tanan niya nga mga kaliwat sa walay katubtoban!”
Si Maria nagtiner kanday Elisabet sa sulod sang tatlo ka bulan,
kag ugaling nagpauli.

O Dios nga amon Amay, kahamut-i ining sakripisyo nga amon
ginhalad sa Imo subong nga Imo ginkahamut-an ang paghigugma sang
Iloy sang Imo bugtong nga anak, si Kristo, nga nagakabuhi kag nagahari
PREPASYO (Santa Maria Birhen II)

nga magpasalamat kami sa Imo, O Ginoo, Santos nga Amay, sa
pagbantala sa mga katingalahan nga Imo ginhimo sa Imo mga Santos
ilabi na gid sa sini nga piesta sang Mahal nga Birhen Maria sa pagpalanog
liwat sang iya pagdayaw sa Imo mahigugmaon nga kaalwan.
Matuod gid nga dalagko ang mga buhat nga Imo ginhimo sa
kaayuhan sang tanan nga mga pungsod sang duta, kag ang Imo
pagkamaluloy-on nakalambot sa mga kaliwatan kag sa mga kaliwatan;
kay sang pagtamod Mo sa Imo kubos nga ulipon nga si Maria, Imo
ginhatagan ang tanan nga mga katawohan sang tuboran sang kaluwasan,
si Jesukristo, Imo Anak kag amon Ginoo.
Paagi kay Kristo, ang Imo pagkahalangdon ginasimba sang mga
Angheles, nga nagahilinugyaw sing walay untat sa Imo atubangan.
Itugot nga ibuylog namon ang amon tingog sa ila, nga nagasiling:
Ang tanan nga kaliwatan magatawag sa akon nga bulahan. Daku gid ang
ginhimo sang Makagagahom sa akon, balaan ang Iya ngalan.

O labing Santos nga Amay, kabay nga dayawon Ikaw sang Imo
Simbahan, tungod sang mga katingalahan nga Imo ginhimo sa Imo mga
tumoluo; itugot nga mabatyagan namon si Kristo nga buhi sa sining
Eukaristiya, subong nga si Juan nagkibo sing malipayon sang
mabatyagan niya Sia sa tiyan sang Mahal nga Birhen Maria.
135
APPENDIX
MAYO 1
Puti
Bulahan ang mga tawo nga nagakahadlok sa Ginoo, nga nagalakat sa Iya mga
dalanon. Magakaon ka sang bunga sang kinabudlayan sang imo mga kamot; mangin
bulahan ka kag kahamut-an, aleluya.
HIMAYA SA DIOS
PANGAMUYO
O Dios nga tagtuga sang kalibutan, Imo ginhatag sa tanan nga
mga tawo ang kasugoan sang pagpangabudlay: itugot nga sa
pagsulundan ni San Jose tumanon namon ang mga bulohaton nga Imo
gintugyan sa amon, kag buligan kami sang iya pag-apin agod madangat
namon ang balus nga Imo ginsaad sa amon.
NAHAUNA NGA BALASAHON Gen. 1: 26-2: 3

Dayon ang Dios nagsiling, “Kag karon himuon ta ang tawo.
Manginkasubong sila sa aton kag mangin kaangay naton. Magagahom
sila sa mga isda, mga kapispisan, anta nga mga sapat, kag sa tanan nga
dalagku kag magamay nga talunon nga mga sapat.” Gani gintuga sang
Dios ang tawo nga kaangay sa iya. Gintuga niya sila nga lalaki kag
babayi, kag ginbendisyunan niya sila nga nagasiling, “Magpamata kamo
sing madamo, agod ang inyo mga kaliwat magalapta kag magagahom sa
bug-os nga duta. Ginatugyan ko sa inyo ang mga kaisdaan, mga
kapispisan, kag ang tanan nga mga kasapatan nga talunon. Ginahatag ko
sa inyo ang tanan nga sahi sang uyas kag ang tanan nga sahi sang bunga
sang kahoy nga inyo pagakaunon.
136
Pero sa tanan nga mga sapat nga talunon, kag sa tanan nga mga
kapispisan, ginahatag ko ang malagtom nga mga hilamon nga ila
pagakaunon.” Kag nahimo ini. Gintan-aw sang Dios ang tanan nga iya
ginhimo, kag nanamian gid sia. Nagligad ang gab-i, kag nag-aga – amo
yadto ang ikan-om nga adlaw.
Gani ang duta, ang langit, kag ang tanan nga yara sa ila nahuman.
Sa ikapito nga adlaw natapos sang Dios ang iya bulohaton, kag nag-untat
sia sa pag-obra. Ginbendisyunan niya ang ikapito nga adlaw kag ginpain
niya ini subong nga isa ka pinasahi nga adlaw, kay sa sini nga adlaw
gintapos niya ang iya mga bulohaton, kag nag-untat sia sa pag-obra.
S: Salamat sa Dios.
SALMO SA PAGSABAT Sal. 90: 2. 3-4. 12-13. 16
O Ginoo, hatagi kami sing kauswagan sa tanan nga amon ginahimo.

1. Sa wala pa matuga ang mga bukid, sa wala pa Nimo mahimo ang
kalibutan, Ikaw Dios sa gihapon nga wala sing ginsugoran kag wala
sing katapusan. (S)
2. Ginamanduan Mo ang mga tawo sa pagbalik sa ila ginhalinan,
ginahimo Mo sila liwat nga duta. Ang isa ka libo ka tuig para sa Imo
subong lang sang isa ka adlaw; kaangay lang sila sang kahapon nga
nagligad na, subong sang isa ka malip-ot nga takna sa kagab-ihon. (S)
3. Tudloi kami kon daw ano kalip-ot sang amon kabuhi, agod nga
mangin mainandamon kami. O Ginoo, tubtob pa bala san-o Ikaw
malugpayan? Kaluoyi man ang Imo mga alagad! (S)
4. Pun-a kami sang tagsa ka aga sang Imo mapinadayunon nga gugma,
agod magkanta kag magkalipay kami sa bug-os namon nga kabuhi.
Ipakita sa amon ang Imo mga alagad, ang Imo gamhanan nga mga
buhat, sa amon mga kaliwat ipakita ang Imo mahimayaon nga
gahom. (S)
IKADUHA NGA BALASAHON Col. 3: 14-24
Ang pagbasa gikan sa sulat ni San Pablo nga Apostol, sa mga Taga-
Colosas.
Mga utod: Kag sa sini tanan idugang ang gugma nga
nagahugpong sang tanan sa himpit nga paghiusa. Kag ang paghidait nga
ginhatag ni Kristo magahari sa inyo mga tagipusoon, kay sa sini nga
paghidait gintawag kamo sang Dios sing tingob, agod mangin-isa ka
lawas. Kag magmapinasalamaton kamo. Ang pulong ni Kristo sa iya
kabuganaan dapat magpuyo sa inyo mga tagipusoon. Magtudloanay kag
maglinaygayay kamo sa bug-os nga kaalam. Magkanta kamo sang mga
salmo, mga ambahanon kag balaan nga mga kalantahon.
137
Magkanta kamo sa Dios nga may pagpasalamat sa inyo mga
tagipusoon. Gani, ang tanan nga inyo ginahimo kag ginahambal, himoa
ninyo sa ngalan ni Ginoong Jesus kag magpasalamat kamo sa Dios nga
Amay paagi sa iya.
Mga asawa tumana ang inyo mga bana, kay amo ini ang dapat
ninyo nga pagahimuon subong nga mga Kristohanon.
Mga bana, higugmaa ang inyo mga asawa kag indi ninyo sila
pagpintasan.
Mga anak, tumana gid ang inyo mga ginikanan sa tanan nga
butang. Kay amo ini ang inyo Kristohanon nga katungdanan kag
nahamut-an ini sang Dios.
Mga ginikanan, indi pagpaakiga ang inyo mga kabatan, kay basi
madulaan sila sing paglaum.
Mga ulipon, tumana gid ang inyo dutan-on nga mga agalon sa
tanan nga mga butang, kag indi lang kon nagatan-aw sila agod dayawon
nila kamo, kundi tumana ninyo sila sing hugot sa tagipusoon tungod
sang inyo pagtahod sa Ginoo. Bisan ano ang inyo ginahimo, himoa ninyo
sa bug-os ninyo nga tagipusoon subong nga nagaalagad kamo sa Ginoo
kag indi sa mga tawo. Dumdoma ninyo nga ang Ginoo magabalos gid sa
inyo. Magabaton kamo sang gintiganana sang Ginoo sa iya mga tawo.
Kay si Kristo amo ang matuod nga Agalon nga inyo ginaalagad.
S: Salamat sa Dios.
ALELUYA
Aleluya! Dayawon ang Ginoo nga nagapas-an sang aton mga
kabug-atan adlaw-adlaw, Sia amo ang Dios nga nagluwas sa aton.
Aleluya!
EBANGHELYO Mat. 13: 54-58
Ang pagbasa sang Santos nga Ebanghelyo suno kay San Mateo.
Nagpauli si Jesus sa iya kaugalingon nga banwa. Nagpanudlo Sia

sa Iya sinagoga, kag ang mga nakabati sa iya natingala. Nagpamangkot
sila, “Diin bala ini sia nagkuha sining pinasahi nga kaalam kag ngaa
makahimo sia sining mga milagro?” Indi bala sia ang anak sang panday?
Indi bala si Maria ang iya iloy, kag ang iya mga utod amo sanday
Santiago, Jose, Simon kag Judas?” Indi bala ang iya mga utod nga babayi
nagapuyo diri? Diin bala niya ginkuha ini tanan?” Gani indi sila magpati
sa iya.
138
Si Jesus nagsiling sa ila, “Ang propeta ginatahod kag ginapati
bisan diin, luwas lamang sa iya kaugalingon nga banwa kag sa iya
panimalay.” Wala sia maghimo didto sing madamo nga mga milagro
tungod sang ila pagkadi-matinuohon.

O Dios nga tuboran sang tanan nga kaluoy, batuna ang amon mga
dulot sa piesta ni San Jose, kag kabay nga ining amon halad magdangat
sang Imo grasya para sa tanan nga nagapanawag sa Imo. Ginapangayo
PREPASYO (San Jose)

piesta ni San Jose: kay sia ang matarong nga tawo nga Imo ginpili nga
mangin-bana sang ulay nga Iloy sang Dios; ang but-anan kag masaligan
nga alagad nga Imo ginpadumala sa Imo Panimalay; kag ang
gintugyanan sa pagtatap subong amay sa Imo Anak ginpanamkon sa
gahom sang Espiritu Santo, si Jesukristo nga amon Ginoo.
Ang bisan ano nga himuon ninyo, bisan sa pulong ukon sa buhat, himoa ninyo
ang tanan sa ngalan ni Ginoong Jesus, kag paagi sa Iya magpasalamat kamo sa Dios nga
Amay, aleluya.

O Ginoo, Imo kami ginsagod sang Lawas kag Dugo sang Imo
Bugtong nga Anak. Suno sa pagsulundan ni San Jose, itugot nga
makapanaksi kami sang gugma nga ginahuptan Mo sa amon tagipusoon,
kag magkabuhi kami sing mahidaiton. Ginapangayo namon ini sa Imo,
139
Puti
(Sarang magamit para sa Nahauna nga Biernes sang Bulan)
Ang plano sang Iya tagipusoon nagapadayon sa walay katapusan, sa
pagluwas sa ila sa kamatayon kag pagbuhi sa ila sa tion sang tiggulotom.
PANGAMUYO
O makagagahom nga Dios, sa pagsaulog namon sang piesta sang
kasingkasing sang Imo Anak, ginadumdom namon ang mga kaayuhan
sang Imo paghigugma sa amon; itugot nga mabaton gid namon gikan sa
sining diosnon nga tuboran ang Imo bugana kag walay untat nga grasya.
(Kuhaon sa Matag-adlaw nga mga balasahon)

P: Mangamuyo kita sa Amay sang kaluoy kag Dios sang tanan. Iya
ginbuksan ang kasingkasing ni Jesus, agod nga maaguman naton
ang walay katapusan nga bahandi sang paghiguma. Sa tagsa ka
pag-ampo, ang aton sabat:
Sa Imo gugma pamatii kami, O Ginoo.
1. Para sa bug-os nga Santa Iglesia, agod ang Dios maghatag sa iya sing
indi malingkang nga pagtuo nga napahayag sa mga buhat sang
paghiguma kag paghiliusa. Mangamuyo kita. (S.)
2. Para sa Santo Papa, mga Obispo kag mga kaparian, agod nga mangin
himpit sila nga mga tulogyanan sang mga bulahaton sang ginharian
sang Dios diri sa duta. Mangmuyo kita. (S.)
3. Para sa aton tagsa ka panimalay, agod nga mangabuhi kita sa matuod
nga paghinangpanay kag paghigugma. Mangamuyo kita. (S.)
4. Para sa aton parokya/kapilyaniya, agod ini mangin puloy-an sang
pagbinuligay kag pagkabalaka sa isa kag isa sa diin tingob kita nga
nagapanglakaton padulong sa dalan sang pagkabalaan. Mangamuyo
kita. (S.)
140
5. Para sa aton mga pinalangga nga nagtaliwan agod maagum nila ang
kabuhi kag paghidaet nga dayon. Mangamuyo kita. (S.)
P: O Dios nga makagagahom, ihatag sa amon ang Imo kaluoy,
patawara ang amon mga sala, kag ibugay ang Imo bugana nga
grasya nga amon. Ginapangayo namon ini paagi kay Kristo nga
amon Ginoo. Amen.

O Dios nga amon Amay, tamda ang indi masaysay nga
paghigugma sang kasingkasing sang Imo mahal nga Anak; kahamut-i
ining sakripisyo nga amon ginahalad sa Imo, kag kabiga ini subong
bayad sang amon mga sala. Ginapangayo namon ini sa Imo, paagi kay
PREPASYO (Ang Hamili nga Kasing-kasing ni Jesus)

Tungod sang iya makatilingala nga paghigugma, sang
pagbayaw sa Iya krus ginhalad Niya ang iya kaugalingon para sa amon.
Nag-agay ang dugo kag tubig sang ginbuno ang Iya kilid, nga amo
ang gingikanan sang balaan nga mga sakramento sang Simbahan, agod
nga ang tanan nga mga tawo mabuyok sa nabuksan nga kasingkasing
sang amon Manluluwas kag magsag-ub nga may kalipay sa tuboran
sang kaluwasan.
Gani, upod sa mga Angheles kag sa mga Santos, nagaamba kami
Ang Ginoo nagasiling: Ang bisan sin-o nga gina-uhaw magkari sa Akon kag
mag-inom; ang bisan sin-o nga nagatuo sa Akon, magapailig gikan sa iya tagipusoon
ang mga suba sang tubig nga buhi.

O Ginoo, kabay nga ining sakripisyo magpuno sa amon sang
paghigugma, agod mabuyok kami pakadto sa Imo Anak, kag
mabuligan kami nga kilalahon Sia sa amon mga kautoran. Ginapangayo
141
Puti
(Para sa Sabado sa Ordinaryo nga Panahon)
Maghimaya ka, O Santos nga Iloy sang Hari nga nagadumala sang langit kag sang
duta tubtob sa katubtoban.
PANGAMUYO
O Dios nga amon Amay, hatagi kami nga Imo mga alagad sang
himpit nga ikaayo sang lawas kag kalag; paagi sa pag-ampo ni Santa Maria
Birhen, luwasa kami sa mga kasubo sining duta nga luhaan kag ipaagom
sa amon ang kalipay nga dayon.
(Kuhaon sa Matag-adlaw nga mga Balasahon)

O Ginoo, batuna ang pangamuyo sang Imo katawohan upod ang
mga dulot nga amon ginahalad agod nga paagi sa pag-ampo sang Mahal
nga Birhen Maria, Iloy sang Imo Anak, wala sing pangamuyo nga indi
masabat kag pangabay nga indi mahatag. Ginapangayo namon ini sa Imo,
PREPASYO (Santa Maria II)

Takus kag angay gid, igo kag mapuslanon sa amon kaluwasan, nga sa
gihapon kag sa tanan nga duog magpasalamat kami sa Imo, O Ginoo, Santos
nga Amay, kag magbantala kami sang mga katingalahan nga Imo ginahimo
sa Imo mga Santos.
Ilabi na gid nga bansagon namon ang Imo kaalwan paagi sa
ambahanon sang pagpasalamat sang Mahal nga Birhen Maria, karon nga
amon ginasaulog ang iya handumanan.
Matuod gid nga dalagko ang mga buhat nga Imo ginhimo sa
kaayohan sang tanan nga mga pungsod sang duta, kag ang Imo
pagkamaluloy-on nakalambot sa mga kaliwatan kag sa mga kaliwatan; kay
sang pagtamod mo sa Imo kubos nga ulipon nga si Maria, paagi sa iya
ginhatagan mo ang tanan nga mga katawohan sang tuboran sang kaluwasan,
nga si Jesukristo, Imo Anak kag amon Ginoo.
142
Paagi kay Kristo, ang Imo pagkahalangdon ginasimba sang mga
Angheles, nga nagahinugyaw sing walay untat sa Imo atubangan. Itugot nga
ibuylog namon ang amon tingog sa ila, sa pagdayaw sa Imo sing
Bulahan ang tiyan sang Birhen Maria, nga nagdala sang Anak sang walay
katapusan nga Amay.

O Ginoo, amon nabaton nga may kalipay ang Lawas kag Dugo
sang Imo Anak sa kadungganan ni Santa Maria, Birhen gihapon; itugot
nga subong sa iya, magmaukod man kami para kaluwasan sang tanan
nga katawohan. Ginapangayo namon ini sa Imo, paagi kay Kristo nga
amon Ginoo.
__________________________________
PAGBENDISYON SANG MGA GAMIT SA DEBOSYON

PAGBASA SANG PULONG SANG DIOS (Luke 18: 1-8)
Si Jesus nagsugid sa iya mga gintuton-an sining palaanggiran, sa pagtudlo sa
ila nga dapat sila magpangamuyo pirme kag indi magpakaluya. “Sa isa ka banwa, may
isa ka hukom nga wala nagakahadlok sa Dios ukon nagatahod sa mga tawo. Kag may
babayi nga balo sa sadto man nga banwa nga wala patay ang kadto sa iya nga
nagasiling, ‘Buligi ako batok sa akon kasumpong.’ Sa malawig nga tinion indi gid
magbulig ang hukom, pero sang ulihi, nagsiling sia sa iya kaugalingon, ‘Bisan nga wala
ako nagakahadlok sa Dios kag wala man nagatahod sa tawo, pero sa iya kasabad
tinguhaan ko nga mabuligan sia, basi kon matak-an na ako sa iya pagbalik-balik diri .”
Kag ang Ginoo nagpadayon sa pagsiling, “Pamatii ninyo ang ginasiling sang
hukom nga di-matarong. Karon, indi bala nga ang Dios magaapin sa iya kaugalingon
nga tawo nga nagapangayo sa iya sang bulig adlaw kag gab-i? Magapabuyan-buyan
bala sia sa pagbulig sa iya? Nagasiling ako sa inyo, magaapin sia sa ila sa gilayon. Pero
kon magkari ang Anak sang Tawo, makakita bala sia sang pagtuo diri sa duta?”
PANGAMUYO SA PAGBENDISYON
Dayawon ang Imo ngalan, O Ginoo,
Ikaw ang tuburan kag ang gingikanan sang tagsa ka bendisyon,
kay Ikaw nagatamod sing may kalipay
sa mainampuon nga pagkabuhi sang Imo mga tumoluo.
Nagapangamuyo kami, magpalapit Ka sa sini nga Imo mga alagad
kag, sa ila paggamit sini nga mga tanda
sang ila pagtuo kag debosyon,
143
itugot nga magtinguha sila sa pagbag-o sang ila kabuhi
kaangay kay Kristo, nga Imo Anak,
nga nagakabuhi kag nagahari upod sa Imo
sa tanan nga mga tuig sang mga katuigan. R. Amen.
____________________________
PAGBENDISYON SANG MGA SALAKYAN

PAGBASA SANG PULONG SANG DIOS John 14: 6-7
Si Jesus nagsiling kay Tomas, “Ako amo ang dalan, ang kamatuoran, kag ang
kabuhi, wala sing may makakadto sa Amay kon indi paagi sa akon.” Nagsiling sia sa ila,
“Karon nga nakilala ninyo ako, inyo man makilala ang akon Amay, kag sugod karon inyo
gid sia nakilala kag nakita.”
PANGAMUYO SA PAGBENDISYON
Labing makagagahum nga Dios, tagtuga sang langit kag sang duta,
sa kasangkaron sang Imo kaalam Imo kami ginhatagan
sang ikasarang sa paghimo sang dalagku kag matahom nga mga buhat.
Nagapangamuyo kami,
itugot nga ang tanan nga magagamit sang sini nga salakyan,
magpanakayon nga malayo sa tanan nga katalagman
nga may pagkabalaka para sa kaayuhan sang iban.
Sa ila pagkadto sa ila negosyo ukon kalingawan,

kabay nga ila sa gihapon makita si Kristo
nga ila kaupod sa pagpanglakaton, nga nagakabuhi kag nagahari
sa tanan nga mga tuig sang mga katuigan. R. Amen.
____________________________
PAGBENDISYON SANG BAG-O NGA BALAY

PAGBASA SANG PULONG SANG DIOS (Luke 10: 5-9)
Kon magsulod kamo sa isa ka balay, magsiling kamo anay, ‘Ang paghidait
manginyari sa sini nga balay.’ Kon ang nagaestar dira tawo nga mahidaiton, ibilin sa iya
ang inyo panamyaw sang paghidait. Pero kon indi sia mahidaiton, bawia ninyo ang inyo
panamyaw sang paghidait. Magdayon kamo sa sina nga balay, magkaon kag mag-inom
sang bisan ano nga ginahanda nila sa inyo, kay ang manugpangabudlay dapat hatagan
sang iya suhol. Indi kamo magsagad saylu-saylo sing dalayunan. Kon magakadto kamo
sa isa ka banwa kag ginabaton kamo, kauna ninyo ang ginahanda sa inyo, ayuha ninyo
ang mga nagamasakit sa sadto nga banwa, kag magsiling kamo sa mga tawo didto,
‘Ang paghari sang Dios malapit na sa inyo.’

Ginoo, magpabilin ka sa Imo mga alagad
nga magapuyo (subong nga adlaw) sa sini nga balay
kag nagapangayo sang Imo bendisyon.
Ikaw mangin ila pasilungan
sa ila nga pagpauli sa sini nga puloy-an
mangin ila kaupod sa ila pagpanglakaton
kag maga-abiabi sa ila kon sila magbalik.
Kag sa katapusan magabaton sa ila
sa puloy-an nga Imo gin aman para sa ila sa balay sang Imo Amay
nga nagakabuhi sa tanan nga mga tuig sang mga katuigan. R. Amen.
____________________________
144
PAGBENDISYON SANG ISA KA BALALIGYAAN/TIANGGE
PAGBASA SANG PULONG SANG DIOS (Mark 6:1-3)
Ang pagbasa sang Santos nga Ebanghelyo suno kay San Marcos.
Naghalin si Jesus sa sadto nga lugar upod sa iya mga gintuton-an kag
nagkadto sa iya ginaestaran nga banwa. Sang Adlaw nga Inugpahuway nagpanudlo sia
sa sinagoga. May madamo nga mga tawo didto, kag sang pagkabati nila sa iya natingala
gid sila kag nagpamangkot, “Diin bala niya kinuha ini tanan? Ano bala ini nga kaalam
ang ginhatag sa iya? Paano ang paghimo niya sining mga milagro? Indi bala ini sia ang
panday nga anak ni Maria kag utod nanday Santiago, Jose, Judas kag Simon? Indi
bala nga ang iya mga utod nga babayi taga-diri?” Gani indi sila magpati sa iya.

O Dios, Amay nga tagbugay sang tanan,
Imo nga gintugyan ang kalibutan
kag ang iya sini nga mga bunga sa amon pagtatap,
agod nga paagi sa pagpangabudlay
nga amon pagahimuon sa pagpasiguro nga ang tanan
makaambit sang mga kaayuhan sang Imo tinuga.
Bendisyoni ang tanan nga magagamit sa sini nga balaligyaan / tiangge
bilang mga manugbakal ukon mga manugbaligya,
agod nga sa pagkamatarong kag pagkamahigugmaon
ila makita ang ila kaugalingon nga nagapangabudlay para sa kaayohan sang tanan
kag makakita sang kalipay sang pagpaambit
sang kauswagan sang dutan-on nga siyudad.
Ginapangayo namon ini sa Imo paagi kay Kristo nga amon Ginoo.
____________________________
ANG ORACION
Ginapangamuyo sa 6:00 sa aga, 12:00 sa ugto kag ilabi na gid sa 6:00 sa gab-i agod madumduman naton ang ginbuhat ni Kristo
para sa aton sa oras nga tanan. Ginapangamuyo ini nga tal-os sang Oracion sa sulod sang Panahon sang Pagkabanhaw.
P. Ang anghel sang Ginoo nagtunda kay Maria,

S. kag nanamkon sia sa gahom sang Espiritu Santo. (Maghimaya ka Maria…)
P. Yari ang ulipon sang Ginoo,
S. Matuman sa akon siling sang imo pulong. (Maghimaya ka Maria…)
P. Kag ang Pulong nahimo nga tawo,
S. Kag nagpuyo diri upod sa aton. (Maghimaya ka Maria…)
P. Iloy nga santos sang Dios, ig-ampo mo kami.
S. Agod mangin takus kami sang mga pinakga ni Kristo nga amon Ginoo.
P. Mangamuyo kita: Ipaambit, O Ginoo, ang Imo grasya sa amon mga kalag agod nga sa
tapus na kami makakilala, dira sa pagtunda sang anghel, sang pagkahimo nga tawo
sang Imo Anak nga si Kristo, bangud sang Iya kasakit kag kamatayon, mangin takus
kami nga dalhon sa pagkabanhaw nga mahimayaon, tungod sa amo man nga Kristo nga
amon Ginoo. Amen.
Himaya sa Amay…
145
MAYO
1 (1979) - Fr. Segundo E. Chua III

3 (1956) - Fr. Fred B. Guadalupe
6 (1984) - Fr. Samuel John Tañoso
7 (1989) - Fr. Mark Anthony M. Ison
8 (1951) - Fr. Miguel J. Carreon
9 (1940) - Fr. Dimitri A. Gatia
10 (1932) - Fr. Angel V. Fidel
(1983) - Fr. Ritchel B. Labiana
11 (1972) - Fr. Hubert M. Javellana
16 (1968) - Fr. Christopher C. Entrata
19 (1965) - Fr. Virgilio S. Mahinay
22 (1964) - Fr. Gregorio J. Neri
24 (1976) - Fr. Deogracias Aurelio V. Camon
2 (1983) - Fr. Terence G. Nueva

3 (1982) - Fr. Armando B. Onion
7 (2007) - Fr. Jerryvel A. Celestial
12 (2015) - Fr. Ricky Boy Z. Atillaga
- Fr. Julius D. Habana
19 (2003) - Fr. Regner C. Dequeña
- Fr. Diosdado B. Latoza
- Fr. Jude M. Serfino
- Fr. Jonas Y. Sumagaysay
20 (2014) - Fr. Henry T. Donasco
- Fr. Samuel John M. Tañoso
- Fr. Garry C. Escalera
25 (2010) - Fr. Deogracias Aurelio V. Camon
9 (1990) - Fr. Angel Zamudio

12 (2010) - Fr. Antonio E. Garin
22 (2010) - Fr. Danilo N. Sitchon
21 (2018) - Most. Rev. Camilo D. Gregorio, D.D.
26 (2019) - Msgr. Victorino A. Rivas
146
1 - St. Joseph the Worker Parish
(Doña Juliana, E.B. Magalona,
Paglaum Village, VICMICO)
5 - Our Lady of Peace and Good Voyage Parish
(Antipolo)
8 - St. Michael the Archangel Parish
(Pontevedra)
13 - Our Lady of Fatima Parish
(Sta. Ana-San Sebastian)
15 - St. Isidore Labrador Parish (Tangub)

15 - St. Isidore the Farmer Quasi-Parish Guimbalaon)
16 - St. John Nepomuceno Parish (Sum-ag)
24 - Mary Help of Christians Quasi-Parish (Aranda)
31 - Queen of Peace Parish (Huaming)
1st Saturday of May - Our Lady of Peace and Good Voyage

(Airport Subdivision)
1st Saturday of May - San Isidro Labrador Quasi-Parish
(Cansilayan)
147
148

MPK Mayo 2023

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

MPK Mayo 2023

Uploaded by

Copyright:

Available Formats

1

MAYO 2023 Pahina

Appendix: San Jose 136

Sa ngalan sang  Amay, kag sang Anak

A. Ang grasya sang aton Ginoong Jesukristo,

Kag yara man sa imo.

Ang Paghidaet yara sa inyo.

Mga utod, kilalahon naton ang aton mga sala

Nagakompesar ako sa Dios

Sa akon sala, sa akon sala,

Busa, nagaampo ako kay Santa Maria Birhen gihapon,

Kabay nga maluoy sa aton ang Dios

Mga utod, kilalahon naton ang aton mga sala

P. Ginoo, maluoy Ka sa amon.

Himaya sa Dios sa kahitaasan,

Pagkatapos sang balasahon, ang lector nagasiling:

Sa tapos ang pagbasa, ang lector nagasiling:

Padre, bendisyoni ako.

O gamhanan nga Dios, tinloi ang akon kasingkasing

Nagatuo ako sa isa lamang ka Dios

kag ginpanamkon Sia ni Maria nga Birhen

Nagatuo ako sa Dios,

nga ginpanamkon sa lalang sang Espiritu Santo,

20. Nagasunod diri ang Pangamuyo sang mga Tumoluo.

PANGAMUYO SANG MGA TUMOLUO

Dayawon Ka, O Ginoo

Sa tapos sini ang mga tumoluo sarang makasabat:

Paagi sa misteryo sining tubig kag bino

O Ginoo nga amon Dios,

O Ginoo, hugasi ang akon kalautan

Magpangamuyo kamo, mga utod

Batunon unta sang Ginoo ang sakripisyo

PANGAMUYO SA MGA DULOT

Ginauntay niya ang iya mga kamot kag nagasiling:

Ang pari, sa nauntay gihapon ang iya mga kamot, nagasiling:

Santos Ikaw nga tuod, O Ginoo,

Gani, ipadala ang Imo Espiritu,

agod nga mahimo ini para sa amon

Sa wala pa sia gintugyan sa kamatayon

Iya ginkuha kag ginpamihakpihak ang tinapay

Magkuha kamo tanan kag magkaon sini;

Subong man, pagkatapos sang panihapon,

Iya ginkuha ang kalis nga nagapasalamat liwat

Magkuha kamo tanan

104. Dayon nagasiling sia:

Ang misteryo sang pagtuo.

Ginabantala namon, O Ginoo, ang Imo kamatayon,

Sa tagsa namon ka pagkaon sining tinapay

Tungod sang Imo krus kag pagkabanhaw,

Gani, O Amay, amon ginahalad sa Imo

Nagapasalamat man kami sa Imo

O Ginoo, dumdoma ang Imo Simbahan

Sa Misa sang Minatay, sarang madugang ang masunod:

Dumdoma ang Imo [mga] anak

Kaluoyi man kami nga yari diri nagatambong,

Tungod kay ginsugo sang aton Manluluwas

Amay namon, nga yara Ka sa mga langit;

Luwason Mo kami, O Ginoo,

Ang mga tumoluo nagatapos sang pangamuyo dira sa pagsiling:

Kay Imo ang ginharian, ang gahom kag ang himaya

Ikaw nga nagakabuhi kag nagahari

Ang paghidait sang Ginoo yara gihapon sa inyo.

Kag yara man sa imo.