ACARA KEBAKTIAN

PESTA PEMBANGUNAN
DOHOT ULANG TAHUN HKBP KARAWANG
RESSORT KARAWANG Ke 44

MINGGU XX DUNG TRINITATIS

29 OKTOBER 2017

TEMA
Persembahkanlah syukur sebagai korban kepada Allah dan
bayarlah nazarmu kepada Yang Mahatinggi! (Mazmur 50 :
14)
 ACARA KEBAKTIAN
PESTA PEMBANGUNAN
DOHOT ULANG TAHUN HKBP KARAWANG
RESSORT KARAWANG Ke 44
 Evangelium: Mateus 22: 34-46  Epistel: Psalmen 1: 1-6

I. PANGARADEON
 Parhalado dohot Panitia marpungu di ruang konsistori
 Boaboa Harentaon (partugas)
 Ende dohot Tangiang (Sintua)

II. ACARA PARMINGGUON

U : Di hamu ruas ni huria HKBP Karawang Ressort Karawang, lumobi angka
tamue na huontang hami marminggu di hurianta sadari on, ‘Selamat Ari
Minggu’ – ‘Horas ma di hita saluhut’. Ia goar ni Minggunta sadari on
‘Minggu pa-duapuluhon dung Trinitatis’, laos patupa Pesta Pembangunan
dohot Pesta Ulang Tahun na pa opat puluh opat taonhon. Tapahohom ma
rohanta umpungka parmingguonta.
H : Ima tutu, nunga rade rohanami mamuji GoarMu, naeng tangihononnami
soaraM, jala pasangaponnami GoarMu.
U : Ale Debata, ro ma Ho manumpahi parmingguon Pesta Pembangunan dohot
ulang tahun’ sipatupaonnami di huriamoN.
H : Nunga dipasupasu Ho angka na niula ni tangannami, naeng pasahatonnami
ma patumonaan ni pasupasuMi gabe peleannami, sai jala ma Tuhan gabe uap
na hushus di joloM.
U : Tapahohom ma rohanta mamongoti Saat Teduh.
----- Saat Teduh ----- (Diiringi BL 683)
01. Ende Huria B.E. 754. : 1-3 Gok Las Ni Roha Do Au
Gok las ni roha do au di ngolungkon di ngolungkon di ngolungkon
Gok las ni roha Do au di ngolungkon tongtong di rohangkon
Mauliate gok las ni roha maringan holongMi Tuhan di au
Mauliate gok las ni roha maringan holongMi Tuhan di au.
Organ
Mardame jala sonang do ngolungkon, dirohangkon, dirohangkon.
Mardame jala sonang do ngolungkon tongtong dirohangkon.
Mauliate ………
02.VOTUM - INTROITUS - TANGIANG  (U : Uluan ; H : Huria)
U : Marhitehite goar ni Debata Ama dohot goar ni AnakNa Tuhan Jesus Kristus
dohot goar ni Tondi Porbadia na tumompa langit dohot tano on.
U+H : Amen.
H : Songon on do didok Tuhan Jahowa: “Ndang be ulahanKu mangaragehon nasa
na mangolu, songon na hubahen i. On pe, saleleng adong tano on, ndang jadi
mansohot saburon dohot gotilon, ari ngali dohot ari las, ari logo dohot rondo ni
ari, arian dohot borngin".
U+H : (Mangendehon BE 10:2 “Hupuji hupasangap” BL 12)
 Saluhut na tinompaMi, naeng sonang di rohaMu
Arian dohot borngin pe, disarihon rohaMu
Nang uhum digomgomanMi, na tigor, na sintong do i
Pinuji ma goarMu
U : Na balga situtu do Ho, ale Jahowa Debatangku, marpahean hasangapon dohot
hamuliaon do Ho. Haleluya!
U+H : (Mangendehon: Haleluya – Haleluya - Haleluya)
U : Martangiang ma hita!
Ale Tuhan Debata Amanami ro di saleleng ni lelengna! Mauliate ma roha
nami, ala diparmudu jala diramoti, jala dipasupasu Ho sude na tinompaMi
marhitehite hataM. Sai suanhon ma tu roha-nami HataM na badia i marhitehite
Jesus Kristus Tuhannami, asa lam tau hami manjalo sude asi ni rohaM na
godang i. Buhai ma mata ni rohanami, asa huida hami sude denggan ni basaM,
na mangalehon di hami parbue ni na niula ni tangan- nami, asa adong di hami
hangoluan siganup ari. Dibahen i, mauliate ma rohanami di Ho, ala naung
hujalo hami sasudena i sian Ho. Sai urupi ma angka dongannami na di
hagogotan, asa unang mate anturaparon nasida. Sai apoi ma sude halak Kristen
manarihon donganna angka na targogot marningot asi ni rohaM. Sai lam
tambai ma asi ni rohaM dohot pasupasuM di hami ala ni Tuhan Jesus Kristus,
Tuhan nami, asa lam ringgas hami pasangaphon dohot mamuji Ho. Amen. --
H u n d u l --
03. MARENDE BE. 512: 1-2 Di dalani Jesus tano dohot laut BL 352
Didalani Jesus tano dohot laut Tahi holong ni rohana dipasaut, Namura luhut
dibaen tondina i, Dung disesa utang ni dosanta i. Hahaanggi, rohamu sude,
taarahon ma donganta be Hahaanggi, dao nang jonok be! Hara tu jolo Na
donganmu sude.
Nunga monang di jabum hataNa i? Hata I dipangke Ho sinjatami? I do
hapistaran na sumurung i, Jumpang do mura sudena baenon nii. Koor:
Hahaanggi,……
04. SINGKAT NI PATIK : 5 Musa 5:12-15
U : Singkat ni Patik di Minggunta sadari on, i ma na tarsurat di 5 Musa 5:12-15,
songonon ma didok: “Ingot hamu ma ari Sabbat i laho pabadiahonsa, songon
na tinonahon ni Jahowa tu ho. Onom ari ma lelengmu mulaulaon, jala
radotanmu nasa sibahenonmu”.
H : Alai anggo ari papituhon i, ari paradianan ni Jahowa do i.
U : Ndang jadi radotanmu di si angka ulaon, manang anak mu pe manang borum
manang naposom lahilahi manang naposom boruboru, ro di pinahanmu, ro di
isi ni huta ni halak pe na mangebati hutam.
H : Ai di na onom ari do ditompa Debata langit dohot tano dohot laut dohot nasa
isina, dung i maradian do Ibana di ari papituhon i. Dibahen i do umbahen na
dipasupasu Debata Jahowa ari paradiananNa i, jala diparbadai.
U : Dia do lapatan ni i? On do: “Ingkon dihabiari rohanta Debata jala ingkon
holong rohanta di Ibana, asa unang tois rohanta di ajar na sian Debata di
rohanta, jala ingkon ringgas rohanta tumangihon dohot mangguruhon hataNa”.
Rap mangido gogo ma hita sian Tuhan ta Debata.
U+H : Ale Tuhan Debata, sai pargogoi ma hami mangulahon na hombar tu PatikMi,
Amen.
05. MARENDE BE 691 : 1-2 Hupasahat ma tu Jesus
Hupasahat ma tu Jesus saluhutna ngolungki, Roha nang pambaenanku
saluhutna tingkingki Hupasahat ma tu Jesus saluhutna diringki, Hupasahat ma
tu Jesus saluhutna ngolungki.
~~~~ Jongjong ~~~~
Pangkeonku ma tanganku, mangula lomoNa I, Langka nang simanjojakku
mangihuthon Tuhanki. Hupasahat ma ………
06.MANOPOTI DOSA
U : Tatopoti ma dosanta na godang i di adopan ni Debata! Martangiang ma
hita! Ale Tuhan Debata, Amanami, Parasiroha na sumurung! Na pungu do
hami di joloM martangiang tu Ho; ndada mangasa-hon hatigorannami, na
mangasahon asi ni rohaM na godang i do. Sai asi ma rohaM mida sandok
bangsonami, sesa ma dosa- nami saluhutna. Sai sungguli ma rohanami, asa
muba roha dohot pangalahonami, ala ni Tuhan Jesus Kristus Tuhannami,
Sipangolu hami. Amen.
Ta begema hata bagabaga taringot tu hasesaan ni dosanta! Ai ndang adong
imbar ni i; ai saluhut do pardosa jala hurangan maradophon hasangapon ni
Debata, alai angka na gabe pintor, binahen ni basabasa marhite asi ni RohaNa,
hinorhon ni panobusion na marhitehite Kristus Jesus i, na pinajongjong ni
Debata bahen habangsa parasian marhitehite haporseaon di mudarNa.
Hasangapon ma di Debata na ginjang!
U+H : Amen
07. MARENDE BE: 169: 1 “Ho, Sipangolu au” BL 224
 Ho Sipangolu au, sai topot ma au on!
Sai unang mandaodao, Ho sian rohangkon!
Ro sipangolu, ro tibu, baen ma au anakMu tutu
Dohot mudarMi buri au, ias songon hapas ma au
Ias tutu, ias tutu, dohot mudarMi
buri au ias songon hapas ma au
08.MANJAHA EPISTEL : PSALMEN 1: 1-6
U : Turpuk Epistel di Minggunta sadari on, i ma na tarsurat di Psalmen 6: 1-6.
Martua ma halak, na so olo mangihuthon tahi ni angka parjahat, jala na
so olo jongjong tu dalan ni angka pardosa, jala na so olo sahundulan
dohot angka pangarehei.
H : Sai patik ni Jahowa do lomo ni rohana, jala sai i do dipingkiri rohana
arian dohot borngin.
U : Songon hau do ibana, na sinuan di topi ni batang aek, na marparbuehon
parbuena di hajujumpang ni tingkina bulungna pe ndang olo malos, jala
sude na niulana manjadi do.
H : Alai ndang songon i anggo pangalaho ni angka parjahat, songon orbuk,
na hinabangkon ni alogo do nasida
U : Dibahen i ndang manahan angka parjahat i maradophon paruhuman, manang
tarbahen angka pardosa jongjong di luhutan ni angka na tigor roha.
H : Ai ditanda Jahowa do dalan ni angka na tigor roha i; alai matua laho
lonong do anggo dalan ni angka parjahat.
U : I ma sahatna . Martua do na tumangihon hata ni Debata, jala na umpeopsa.
U+H : Amen.

09. MARENDE BE 714. : 1-2 Tuhan Na Marmahan Hami

Tuhan na marmahan hami togi hami ruasMon, Lehon dameMi di hami angka
na hinophopMon. Tuhan Jesus Sipalua, parmahani ruasMon, Tuhan Jesus,
Siparmahan, parmahani ruasMon.
~~~~Jongjong~~~~~
Tuhan Parmahan haposan dongan na sumurung I, Sai padao pangunjunan togu
ma na lilu I, Tuhan Jesus Sipalua pasupasu ruasMi, Tuhan Jesus Siparmahan
pasupasu ruasMi.
10. MANGHATINDANGKON HAPORSEAON
 U : Tahatindangkon ma haporseaonta i, songon na hinatindangkon ni donganta
sahaporseaon di sandok portibi on.
Rap ma hita mandok:
U+H : Ahu porsea di Debata Jahowa……dst ----- Hundul -----
11.WARTA JEMAAT
12. KATA SAMBUTAN : PANITIA PESTA
13. TANGIANG PANGONDIANAN
14. MARENDE BE 792: 1-.... Pasupasu hami O Tuhan
~ ~ ~ (Pelean Ia dohot Ib) ~ ~
Pasu-pasu sai usehon dameMi, Sai ampehon tanganMi Tuhan, Lehon tu au
gogoMi di portibion Baen ma au Tuhan habaoran ni las ni roha Tu na
marsak I tu na dangol I gabe pangapuli i.
Organ
Diportibion, baen ma au Tuhan, Monang maralohon dosa dibahen gogoMi,
Talu musu I sibolis pangago i. Pasu-pasu hami O Tuhan ………
Organ
Diportibion, baen ma au Tuhan, Sipatupa hadameon baen ma hataMi, Saor
tu roha ni na masihosoman i. Pasu-pasu hami O Tuhan ………
Organ
Diportibion, baen ma au Tuhan, Siradoti haholongon, Togu-togu ma, hami
on Tuhan, Marparange na denggan. Pasupasu hami O Tuhan ………
Organ
Diportibion baen ma au Tuhan, Sipajongjong hatigoran, Pargogoi ma au,
raphon HuriaM, Patupahon na denggan. Pasu-pasu hami O Tuhan ……
15.PASAHATHON SILUA
U : Songon duhut-duhut do ariari ni jolma na gale i, marbunga ibana songon
bunga di ladang.
H : Nunga dibasabasahon Ho tu ahu hangoluan dohot asi ni roha, jala panatapMu
mangaramoti hosangku.
U : Tung sura naung sun digotil ho sigotilonmu di haumam, hape lupa ho di sada
tibalan tinggal di haumam, ndang jadi ho mulak mangalapsa, ingkon halak
dagang, dakdanak na sopot so marama dohot parompuan na mabalu nama
naumpunasa, asa pasu-pasu on ni Jahowa Debatam ho di saluhut ulaon ni
tanganmu. Antong molo songoni pasahat ma pelean mu dibagasan roha
mauliate dohot las ni roha.
H : On pe, pasahatonku ma dibagasan las ni roha peleanku tu Jahowa. (Ro ma tu
jolo angka na pasahathon silua).
 (Mangendehon BE 848:1-... Dison adong huboan Tuhan )
Dison adong huboan Tuhan, Parbue ni ngolungku na so tardok nian.
Sadia ma argana Tuhan molo sai ni rajuman sude denggan basaM?
Jalo ma Tuhan, sai las ma rohaM.

Tanganku na metmet da, Tuhan, Na so hea mansari dope au on Tuhan;

Rohangku ma hulehon, Tuhan Na boi pelehononku gabe las ni rohaM,
Jalo ma Tuhan, sai las ma rohaM.

Huingot do hataM da, Tuhan, Ingkon sarihononhon anggim na metmetan;

Ampehon ma tanganMu sangkan, Itak na otik I unang suda nian, Jalo ma
Tuhan, sai las ma rohaM.
16. JAMITA: MATEUS 22: 34- 46
17.MARENDE BE: 466: 1- … “NUNGA RO AU” BL 314
~ ~ ~ (Pelean II Amplop tu Pembangunan) ~ ~ ~
 Nunga ro au o Tuhanku tu hau pinarsilangMi
Hupelehon ma diringku upa halojaonMi. Hatuaon i,las ni
rohangki. Ai hibul do hupelehon nasa diringki.
~~~Organ~~~~
 Ndang adong naeng tioponku, saluhut tu tanganmi
Maradian do tondingku dibagasan lomoMi. Hatuaon do….
~~~Organ~~~~
 Sai sahaphon tu tondingku Tondi Parbadia i
JoroMi ma baen rohangku, sai ingani diringki. Hatuaon i….
~~~Organ~~~~
 Sai gok tondi ma rohangku, mate roha diri i
Angka arta sian tano, ndang tusi be rohangki. Hatuaon i….
~~~Organ~~~~
 Nang gale dope rohangku, marsahala gogoMi
HolongMi mangiringiring ganup langkalangkangki.
Hatuaon i...... ( Jongjong)
18. PARSURUON TU NGOLU SIGANUP ARI
U : Angka na pinasupasu do hamu sian Jahowa, sitompa langit dohot tano on.
Puji hamu ma Ibana di bagasan roha mauliate.
H : Pujion nami ma tutu nuaeng Jahowa, marhitehite ende dohot pelean
hamauliateon. Sai gararongku ma angka bagabagangku tu Jahowa, apala di
adopan ni sude bangsoNa.
U : Antong molo songon i, mulak ma hamu di bagasan dame dohot roha mauliate.
Pangke ma gogom sude, patandahon holong ni roham di Debata, marhitehite
ulaonmu.
H : (Mangendehon BE 127: 6 “Lam gogo” BL. 121)
 Pangke ma, pangke ma gogom sude
Patandahon haholongan ni roham di Jesus i
Na mangoli ho o Sion, mangoloi sude patikNa i
Pangke ma gogomi
19. TANGIANG PELEAN - ALE AMA NAMI - PASUPASU

III. ACARA PESTA

IV. MAKAN BERSAMA