ATUR PIUNING MANGGALA PREWARTAKA

PEKAN SENI DESA DARMASABA

WARSA 2023
Sedurung titiang matur piuning sajeroning Pekan Seni Desa Darmasaba warsa 2023 puniki, pinih
ajeng ngiring sareng-sareng ngaturang astiti bhakti majeng ring Ida Sang Hyang Widhi Wasa,
duaning wantah asung kerta wara nugraha Ida, Pamungkah Pekan Seni Desa Darmasaba warsa
2023 puniki prasida memargi ring galahe puniki, melarapan antuk pengastungkara : “ OM
SWASTYASTU”
Bapak Perbekel Darmasaba sane singgihin titiang
Bapak Ketua BPD Darmasaba sane wangiang titiang
Bapak Ketua LPM Darmasaba sane wangiang titiang
Bapak Bhabinkantibmas sane wangiang titiang
Bapak Bhabinsa sane wangiang titiang
Perangkat dan staf Desa Darmasaba sane wangiang titiang
Ketua Widyasabha Desa Darmasaba sane wangiang titiang
Bendesa Adat Tegal lan Bendesa Adat Darmasaba sane wangiang titiang
Kelihan Banjar Adat Se-Desa Adat Tegal lan Kelihan Banjar Adat Se-Desa Adat Darmasaba
sane wangiang titiang
Ketua Karang Taruna Paramartha Dharma Desa Darmasaba sane wangiang titiang
Ketua Sekaa Teruna se-Desa Darmasaba sane wangiang titiang
Ketua Panitia PORDES Darmasaba sane wangiang titiang
Penyuluh Bahasa Bali Desa Darmasaba sane wangiang titiang
Penyuluh Agama Hindu desa Darmasaba sane wangiang titiang
Pimpinan ACK Center sane wangiang titiang
Tokoh masyarakat desa Darmasaba sane wangiang titiang
Para Angga Panureksa sane wangiang titiang
Para Pemilet PSD Darmasaba warsa 2023 sane tresna sihin titiang.

Titiang pinaka Manggala prawartaka , ngaturang swasti prapta majeng ring ratu ida dane uleman
sami tur ngaturang suksmaning manah duaning sampun nagingin uleman titiang ring rahina
mangkin puniki. Sane Mangkin titiang jagi ngatur uningayang indik permargin parikrama Pekan
Seni Desa Darmasaba warsa 2023.

I. Swalapatra Sane pinaka dasar kalaksanayang PSD Darmasaba warsa 2023 inggih
punika :
Keputusan Perbekel Darmasaba Nomor : 110 Tahun 2023, Tanggal 8 Maret 2023, Tentang
Pembentukan Panitia Penyelenggaran Pekan Seni Desa Darmasaba

II. Indik Wimbakara utawi Utsawa sane jagi kalaksanayang inggih punika :
a. Wimbakara Masatua Bali ( SD )
b. Utsawa Macepat (SD)
c. Wimbakara Nyurat Aksara Bali ring Lontar ( SMP )
d. Utsawa Dharmawecana (SMA)
e. Utsawa kekawin (Dewasa)
f. Kidung (dewasa)

III. Tetujon kalaksanayang PSD Darmasaba Darmasaba warsa 2023 inggih punika :
Ngalimbakang lan Ngewerdiang Budaya Baline untengnyane Dharmagita lan sastra Bali.

IV. Pamilet PSD Darmasaba warsa 2023 inggih punika :

a. Wimbakara Satua Bali ( SD ) kamiletin antuk 8 diri saking 8 banjar
b. Utsawa Macepat (SD) kamiletin antuk 12 diri saking 6 banjar
c. Wimbakara Nyurat Aksara Bali ring Lontar ( SMP ) kamiletin antuk 10 diri saking 10
banjar
d. Utsawa Dharmawecana (SMA) kamiletin antuk 6 diri saking 6 banjar
 e. Utsawa kekawin (Dewasa) kamiletin antuk 22 diri saking 11 banjar
f. Kidung (dewasa) kamiletin antuk 40 diri saking 8 banjar

V. Galah lan Genah Wimbakara/Utsawa

Pekan Seni Darmasaba Tahun 2023 kalaksanayang ring : Rahina Saniscara Wage Kulantir,
tanggal 17 Juni 2023 inggih punika
a. Wimbakara Satua Bali ( SD ) lan Utsawa Macepat (SD) Magenah ring wantilan Pura
Desa, Desa Adat Darmasaba
b. Wimbakara Nyurat Aksara Bali ring Lontar ( SMP ) magenah ring Kantor Perbekel
Darmasaba
c. Utsawa Dharmawecana (SMA), Utsawa kekawin (Dewasa) lan Utsawa Kidung
(dewasa) magenah ring Wantilan Pura Ntegana

VI. Prabea
Pekan Seni Desa Darmasaba warsa 2023 kasokong antuk prabea saking Rencana
Anggaran Pendapatan Belanja desa Darmasaba Tahun Anggaran 2023.

Inggih asapunika Atur piuning titiang indik Pekan Seni Desa Darmasaba warsa 2023, taler tiang
nunas ring Bapak Perbekel Darmasaba mangda prasida ngaturang sambrama wacana taler
memungkah parikrama pekan Seni Desa Darmasaba Warsa 2023 puniki.
Jukut Kangkung Masambel Sera, Kirang langkung titiang nunas ampura, puputang titiang antuk
Parama santi
Om santih santih santih Om
Darmasaba, 17 Juni 2023
Manggala Prawartaka

I Wayan Eka Saputra