Professional Documents
Culture Documents
Acara Ibadah Minggu 15 Oktober 2023 Model B-3
Acara Ibadah Minggu 15 Oktober 2023 Model B-3
Parmingguon Model B
P : Par Agenda H : Huria
1. Marende B.E No.352 : 1 – 2 Sai hehe ma hamuna (ayat 2 Huria jongjong )
1. Sai hehe ma hamuna, na burju roha i; Pagalak lampumuna, naung songgop
borngin i. Naung borhat sipangoli, ro tu oroan i, na tong manghasiholi
pardomuanna i.
2. Pauli lampumuna, gok miak baen sude, Managam Tuhanmuna, siboan tua i.
Parhal di huta Sion do na manjou hamu; Jonok do hatuaon, jonok do Rajamu!
2. Votum :
P: Dibagasan goar ni Debata Ama, dohot anakNa Tuhan Jesus Kristus, dohot
Tondi Parbadia.
H: Amen
3. Manopoti Dosa
P: Hamu angka dongan nahinaholongan di bagasan goar ni Tuhanta, tapajonok
ma tu Debata dibagasan unduk ni roha. Tatopoti ma dosanta tu Debata
Amantai, jala tapangido ma tu Ibana dibagasan goar ni Tuhanta Jesus Kristus
hasesaan ni dosanta.
Ianggo pangurupion di hita ima di bagasan goar ni Jahowa
H : Sitompa langit dohot tano on
P: Ale Debata Amanami pargogo na so hatudosan, sitompa jala sitobus hami,
huparhatopot hami do halak pardosa hami, naso tama nian jong-jong di
adopanMu. Nunga mardosa hami tu Ho dibagasan pingkiran, di hata rodi
pambaenan nami. Alani I, rodo hami tu jolom mangido hasesaan ni dosanami
marhite AnakMu, Jesus Kristus Tuhan nami.
H : Ale Amang, asi ma roham di au pardosa na lea on. Paimbaru ma rohangku
dibagasan TondiM jala urupi ma ahu asa mulak tu Ho. Tangihon ma tangiangku
di bagasan Jesus Kristus AnakMu, na manaon na porsuk jala mate humophop
ahu. Amen.
P: Ai ndang adong imbar ni i: Tung saluhut do nasida mardosa jala ndang dapot
pujion ni Debata nasida. Gabe dipintori do nasida dalan basabasa binahen ni asi
ni rohana hinorhon ni panobusion na di bagasan Kristus Jesus. Ibana do dipadiri
Debata bahen habangsa parasian marhite sian haporseaon di mudarna i.
Hasangapon ma di Debata na di ginjang ( Huria hundul )
4. Marende B.E No.433 : 1 – 2 Sian hurungan ni dosangki(ayat 2 Huria jongjong )
1. Sian hurungan ni dosangki ro au tu Ho, ro au tu Ho. Tu haluaon di mudarMi
Jesus au ro tu Ho. Nasa rohangku malum, hipas, gabe mamora, nang pe pogos.
Sian jeangku ro au tu Ho, Jesus au ro tu Ho.
2. Sian ilangku, nang ramunhi, Ro au tu Ho, ro au tu Ho. Gabe na ias nang
rohangki, Jesus, au ro tu Ho. Sian holsongku tu sonangMi, sian runduthu tu
dameM i, Sian arsakku tu holongMi, Jesus, au ro tu Ho.
5. Introitus
P : Ai hurajumi angka sitaonon di hasiangan on, hira na so adong do martimbangkon
hasangapon sipapataron tu hita sogot. Haleluya
H : Hasangapon ma di Debata Ama, Anak, dohot Tondi Parbadia, sian mulana,
nuaeng ro di salelengna. Amen
6. Kirye Eleison ( Tuhan, asi ma rohaM di hami)
P: Tuhan, asi ma rohaM di hami
H : Tuhan, asi ma roham di hami
P: Kristus, asi ma rohaM di hami
H : Kristus, asi ma roham di hami
P: Tuhan, asi ma rohaM di hami
H : Tuhan asi ma roham di hami
7. Hasangapon ma di ginjang
P: Hasangapon ma di Debata di ginjang
H : Dame ma di tanoon, di angka jolma halomoan i
8. Tabe & Tangiang
P: Tuhan mandongani ho
H : Dohot mandongani Ho
P: Martangiang ma hita
Ale Tuhan Debata, Sitompa nasa na adong, Pargogo na so hatudosan, lehon
ma tu hami haporseaon na mangolu na marparbuehon parbue na patar marhite
hata nang parulan name. Paimbaru ma hami songon angka na tinompa
naimbaru dibagasan Jesus Kristus, asa saluhut ngolunami gabe pasupasu tu
saluhut na di portibion. Paingot ma hami di parsuruonMu tu hami mangaramoti
angka na tinompa Mi, asa unang raus hami, gabe marlomolomo mansuasaehon
mual ni natau hangoluan name sian jadijadian ni tanganMu di portibion, alaii
asa huradoti hami I sian nasa roha name. Paingot ma hami tongtong
dipanarihon name diangka pinompar nami, asa unang gabe panegai hami
diangka di angka jadijadian ni tanganMu di portibion. Ai nunga ditobus Ho
saluhut isi ni portibi on marhitehite hamamate dohot haheheon ni AnakMu,
Jesus Kristus Tuhan jala Sipalua hami. Amen.
9. Marende B.E No. 241 : 2 – 3 Asal ma ibana
2. Asal ma Ibana, sai tong artangki, Tano on rodi artana, ndang be maol di
rohangki; Burju do rohangku, mangihuthon Jesus i Tuhanku.
3. Asal ma Ibana hangoluanki, gabe suda siluana Songon na hutean i; ro pe
sorimago, Sai hutatap Jesus na di surgo.
10. Epistel : 2 Musa 32 : 1 – 14
Tabegema hata ni Debata patujolo ni jamita di Minggu sadarion ima natarsurat di 2
Musa 32 : 1 – 14
32:1 Alai dung diida bangso i lelengna, asa tuat Musa sian dolok i, marluhut ma
bangso i manopot Aron, ninna ma mandok ibana: Hehe ma ho, bahen ma di
hami Debata, angka na manguluhon hami; ai ndang huboto na marhua hami
manang si Musa on, baoa na manogihon hami ruar sian tano Misir.
32:2 Dung i didok Aron ma mandok nasida: Tanggali hamu ma antinganting sere,
angka na di pinggol ni jolmamuna, anakmuna dohot borumuna, jala pamboan
hamu ma angka i tu ahu.
32:3 Jadi sandok bangso i masitanggal antingantingna sere, angka na di
pinggolnasida be, jala dipamboan do i tu Aron.
32:4 Dung i dijalo ibana ma angka i sian tangannasida, laos disinga ma rupana
dohot panurat, i ma disuman mambahen sada lombu tuangan. Dung i didok
nasida ma: On ma Debatamu, ale Israel! Naung manogihon ho ruar sian tano
Misir.
32:5 Jadi dung diida Aron lombu i laos dipajok ma sada langgatan di adopanna,
jala martingting ma Aron mandok: Marsogot ma ari raya di Jahowa.
32:6 Dung i dipasogot nasida ma manogotna i hehe, laos dipelehon ma angka
pelean situtungon, diboan huhut angka pelean hamauliateon, dung i hundul
be ma bangso i marmanganan dohot marminuman, hehe muse nasida laho
manontori.
32:7 Dung i ro ma hata ni Jahowa tu Musa: Laho ma ho tuat! Ai nunga marroha
mago bangsomi, na tinogihonmu ruar sian tano Misir.
32:8 Tibuna i nasida manimbil sian dalan naung hupatuduhon tu nasida! Nunga
dibahen nasida di nasida sada lombu tuangan, nunga pola marsomba dohot
mamele nasida tusi, jala nunga pola didok: On ma Debatamu, ale Israel!
Angka naung manogihon ho ruar sian tano Misir.
32:9 Dung i ro muse hata ni Jahowa tu Musa: Nunga mananda rohangku di bangso
on, jala ida ma, tung na tangkang do roha ni bangso on.
32:10 Nuaeng pe, loas ma Ahu, asa marsigorgor rimashu mangonai tu nasida jala
huripashon nasida, asa ho hubahen gabe bangso na bolon.
32:11 Alai marhuraja ma anggo Musa di adopan ni Jahowa, Debatana, ninna ma:
Boasa ma tung marsigorgor rimasmu, ale Jahowa mida bangsom naung
tinogihonmu ruar sian tano Misir marhite sian hagogoon godang dohot
marhite sian tangan na marhuaso?
32:12 Boasa ma tung dohonon ni halak Misir songon on: Mambahen nasida
marhinamago, umbahen ditogihon nasida ruar, asa bunuonna nasida di dolok,
jala ripashononna nasida sian atas tano on? Marpangulahi ma roham sian
parpiarpiar ni rimasmu, sai marpamuati ma roham taringot tu jea na naeng
pasonggoponmu tu bangsom.
32:13 Sai marningot ma roham di Abraham, di Isak dohot di Jakkob, angka
naposomi, nunga pola maruari Ho tu dirim marbagahon tu nasida: Ahu
patorophon sogot pinomparmuna, songon bintang angka na di langit, jala
sandok tano on naung huparbagabaga i, ingkon lehononku do i tu
pinomparmuna, bahen partalianna ro di salelenglelengna.
32:14 Jadi marpamuati ma roha ni Jahowa taringot tu hinamago naung
nilumbahonna naeng bahenonna tu bangsona.
P : Martua ma angka na umbege hata ni Debata jala na umpeopsa
H : Amen
P + H : Mangendehon : Haleluya..haleluya…..haleluya..
11. KOOR LANSIA
12. Marende B.E No. 229 : 1 – 2 Sai martua do sudena Ayat 2 ruas jongjong )
1. Sai martua do sudena, na sosauduran I Dohot halak na sumurut sian na porsea
I Na so olo mangihuthon tahi ni na jahat i, na so olo sahundulan dohot
panginsahi i.
2. Sai tongtong lomo rohana, mida pangajaran i, Na nilehon ni Jahowa, gabe
sioloan i. I do songon hau na denggan na di lambung aek hape. Sai ramos
tongtong Ibana na so olo malos be.
13. Manghatindangkon Haporseaon
P : Tahatindangkon ma haporseaontai, songon na hinatindanghon ni donganta
sahaporseaon di portibion , sian mula ni huria I sahat rodi tingki on, rap mang
hatindanghon ma hita. Ahu porsea di Debata Jahowa ……………….
14. Marende B.E No.361 : 7 – 8 Na denggan situtu do
7. Martumbur do partigor tudoshon bagot i, Martunas do nasida songon hau ares i.
Nasida, na sinuan di bagasjoro, I Do na marbungabunga di alamanna i.
8. Sai tubu pinomparna di na ubanon i, Margogo do nasida di na matua i. Girgir
dibaritahon na tigor Tuhan i; Na so marhageduhon pambaenNa sasude.
15. Tingting
16. Marende B.E No. 129 : 1 – 2 Huhalashon huringkoti
1. Huhalashon, huringkoti haroroM tu tano on; Jesus, Sipalua hami, jolma na
mardangol on. Ai marhite mudarMi dihophopi Ho do i; HuriaM asa badia Jala
dohot marmulia.
2. Sai na di joloM do jongjong, huriaM na lea i, Ai ringkot dihalungunhon naeng tu
Ho, Rajana i. Dipaimaima Ho jala tung marhobas do, Mangihuthon Ho,
Parmonang, toguonMu tu na sonang.
17. Evangelium : Mateus 22 : 1 – 14
18. Marende No. 174 : 5 Torop dope na siat i
5. Antong, beha roham disi? Sai rap ma hita bongot Tu hasampuran rea i, tu
hasonangan sogot. Tapuji ma Tuhantai dibaen asi rohaNa i, Tongtong,
tongtong, asi rohaNa i.
19. Ayat Pelean : 1 Petrus 2 : 5
20. Tangiang Pelean
21. Ende Pelean B.E No. 497 : 3 Dina humolso rohangki
3. Ai gari angka pidong i, sai diparmudu Tuhan i; Marabit bungabunga i, na
denggan, na uli. Ai disarihon Debata nasida na satongkin da! Lam hita na
porsea i, tagamon tading i?
22. Tangiang Panutup
23. Doxologi
24. Pasu-pasu.
25. Amen..Amen..Amen..