PRAYER LEADERS COPY

NAGTUTUBOD
Leader 1: Ang Santo Rosaryo
Leader 1 & 2: Nagtutubod ako sa Dios Amang Makakamhan, kaglalang kan langit asin
daga. Asin ki Jesu-Cristo, Aking bugtong niya, Kagurangnan ta. Ipinangidam huli kan
Espiritu Santo, namundag ki Virgen Maria, Pinasakitan kan panahon ni Poncio Pilato,
Ipinako sa cruz, nagadan asin ilinobong, huminilig sa mga gadan, kan ikatolong aldaw
nabuhay liwat hale sa mga gadan, Suminakat sa kalangitan, nagtutukaw sa too kan
Dios Amang Makakamhan; hale duman mabalik sa paghukom sa mga buhay asin mga
gadan
Nagtutubod ako sa Espiritu Santo, sa banal na simbahan na Catolico, sa
paropakinabang nin mga Santos, sa pagpatawad nin mga kasalan, sa pagkabuhay-liwat
nin laman, asin sa buhay na daing kasagkoran. Amen.
Leader 1: Ama niamo, na yaon sa langit; pabanalon an ngaran mo, Magdatong an
kahadean mo, mangyari an boot mo sa daga nin siring sa langit.
Leader 2: An samong kakanon sa aroaldaw itao mo samuya ngonian. Asin patawadon
mo kami sa samong mga kasalan, Siring na pinapatawad niamo an mga nagkakasala
samuya; asin hare kami pagdaraha sa sugot kundi agawa kami sa maraot. Amen.
Leader 1: Ave Maria, pano nin grasya, an Kagurangnan yaon saimo. Paladan ka sa
kababaihan, asin paladan an bunga kan saimong poponan, si Jesus.
Leader 2: Santa Maria, ina kan Dios, ipamibi mo kaming mga parakasala, ngonian asin
sa oras kan samuyang kagadanan. Amen. (3x)
Leader 1: Kamurawayan sa Ama, asin sa Aki, asin sa Espiritu Santo.
Leader 2: Siring sa kapinonan asin ngunyan magdanay man, asin sa kapanahonan kan
mga panahon. Amen.
PRAYER LEADERS COPY
ENOT NA MISTERYO
Leader 1: Satuyang paghorop-horopan an limang misteryong magayagaya.
Leader 2: An enot; An pagbareta kan anghel ki Maria.
Leader 1: Ama niamo, na yaon sa langit; pabanalon an ngaran mo, Magdatong an kahadean
mo, mangyari an boot mo sa daga nin siring sa langit.
Leader 2: An samong kakanon sa aroaldaw itao mo samuya ngonian. Asin patawadon mo kami
sa samong mga kasalan, Siring na pinapatawad niamo an mga nagkakasala samuya; asin hare
kami pagdaraha sa sugot kundi agawa kami sa maraot. Amen.
Leader 1: Ave Maria, pano nin grasya, an Kagurangnan yaon saimo. Paladan ka sa
kababaihan, asin paladan an bunga kan saimong poponan, si Jesus.
Leader 2: Santa Maria, ina kan Dios, ipamibi mo kaming mga parakasala, ngonian asin sa oras
kan samuyang kagadanan. Amen. (10x)
Leader 1: Kamurawayan sa Ama, asin sa Aki, asin sa Espiritu Santo.
Leader 2: Siring sa kapinonan asin ngunyan magdanay man, asin sa kapanahonan kan mga
panahon. Amen.

Leader 1 & 2: Jesus na Kagurangnan , patawadon mo kami sa samong mga kasalan,

ligtasan kami sa kalayo kan infierno. Daraha sa langit an gabos na kalag asin orog na
idtong nangangaipong gayo kan saimong paglaherak.

IKA DUWANG MISTERYO

Leader 1: An ikaduwang misteryong magayagaya; An pagbisita ni Maria sa sing-aki niyang
si Isabel.
Leader 1: Ama niamo, na yaon sa langit; pabanalon an ngaran mo, Magdatong an kahadean
mo, mangyari an boot mo sa daga nin siring sa langit.
Leader 2: An samong kakanon sa aroaldaw itao mo samuya ngonian. Asin patawadon mo kami
sa samong mga kasalan, Siring na pinapatawad niamo an mga nagkakasala samuya; asin hare
kami pagdaraha sa sugot kundi agawa kami sa maraot. Amen.
Leader 1: Ave Maria, pano nin grasya, an Kagurangnan yaon saimo. Paladan ka sa
kababaihan, asin paladan an bunga kan saimong poponan, si Jesus.
Leader 2: Santa Maria, ina kan Dios, ipamibi mo kaming mga parakasala, ngonian asin sa oras
kan samuyang kagadanan. Amen. (10x)
Leader 1: Kamurawayan sa Ama, asin sa Aki, asin sa Espiritu Santo.
Leader 2: Siring sa kapinonan asin ngunyan magdanay man, asin sa kapanahonan kan mga
panahon. Amen.

Leader 1 & 2: Jesus na Kagurangnan , patawadon mo kami sa samong mga kasalan,

ligtasan kami sa kalayo kan infierno. Daraha sa langit an gabos na kalag asin orog na
idtong nangangaipong gayo kan saimong paglaherak.
IKA-TOLONG MISTERYO
Leader 1: An ika-tolong misteryong magaya-gaya; An pagkamundag ni Jesus.
Leader 1: Ama niamo, na yaon sa langit; pabanalon an ngaran mo, Magdatong an kahadean
mo, mangyari an boot mo sa daga nin siring sa langit.
Leader 2: An samong kakanon sa aroaldaw itao mo samuya ngonian. Asin patawadon mo kami
sa samong mga kasalan, Siring na pinapatawad niamo an mga nagkakasala samuya; asin hare
kami pagdaraha sa sugot kundi agawa kami sa maraot. Amen.

Leader 1: Ave Maria, pano nin grasya, an Kagurangnan yaon saimo. Paladan ka sa
kababaihan, asin paladan an bunga kan saimong poponan, si Jesus.
Leader 2: Santa Maria, ina kan Dios, ipamibi mo kaming mga parakasala, ngonian asin sa oras
kan samuyang kagadanan. Amen. (10x)
Leader 1: Kamurawayan sa Ama, asin sa Aki, asin sa Espiritu Santo.
Leader 2: Siring sa kapinonan asin ngunyan magdanay man, asin sa kapanahonan kan mga
panahon. Amen.

Leader 1 & 2: Jesus na Kagurangnan , patawadon mo kami sa samong mga kasalan,

ligtasan kami sa kalayo kan infierno. Daraha sa langit an gabos na kalag asin orog na
idtong nangangaipong gayo kan saimong pagkaherak.

IKA-APAT NA MISTERYO
Leader 1: An ika-apat na misteryong magaya-gaya; An pagdolot ki Jesus sa templo.
Leader 1: Ama niamo, na yaon sa langit; pabanalon an ngaran mo, Magdatong an kahadean
mo, mangyari an boot mo sa daga nin siring sa langit.
Leader 2: An samong kakanon sa aroaldaw itao mo samuya ngonian. Asin patawadon mo kami
sa samong mga kasalan, Siring na pinapatawad niamo an mga nagkakasala samuya; asin hare
kami pagdaraha sa sugot kundi agawa kami sa maraot. Amen.

Leader 1: Ave Maria, pano nin grasya, an Kagurangnan yaon saimo. Paladan ka sa
kababaihan, asin paladan an bunga kan saimong poponan, si Jesus.
Leader 2: Santa Maria, ina kan Dios, ipamibi mo kaming mga parakasala, ngonian asin sa oras
kan samuyang kagadanan. Amen. (10x)
Leader 1: Kamurawayan sa Ama, asin sa Aki, asin sa Espiritu Santo.
Leader 2: Siring sa kapinonan asin ngunyan magdanay man, asin sa kapanahonan kan mga
panahon. Amen.

Leader 1 & 2: Jesus na Kagurangnan , patawadon mo kami sa samong mga kasalan,

ligtasan kami sa kalayo kan infierno. Daraha sa langit an gabos na kalag asin orog na
idtong nangangaipong gayo kan saimong pagkaherak.
IKA-LIMANG MISTERYO
Leader 1: An ika-limang misteryong magaya-gaya; An pagkakua ki Jesus sa templo.
Leader 1: Ama niamo, na yaon sa langit; pabanalon an ngaran mo, Magdatong an
kahadean mo, mangyari an boot mo sa daga nin siring sa langit.
Leader 2: An samong kakanon sa aroaldaw itao mo samuya ngonian. Asin patawadon
mo kami sa samong mga kasalan, Siring na pinapatawad niamo an mga nagkakasala
samuya; asin hare kami pagdaraha sa sugot kundi agawa kami sa maraot. Amen.
Leader 1: Ave Maria, pano nin grasya, an Kagurangnan yaon saimo. Paladan ka sa
kababaihan, asin paladan an bunga kan saimong poponan, si Jesus.
Leader 2: Santa Maria, ina kan Dios, ipamibi mo kaming mga parakasala, ngonian asin
sa oras kan samuyang kagadanan. Amen. (10x)
Leader 1: Kamurawayan sa Ama, asin sa Aki, asin sa Espiritu Santo.
Leader 2: Siring sa kapinonan asin ngunyan magdanay man, asin sa kapanahonan kan
mga panahon. Amen.

Leader 1 & 2: Jesus na Kagurangnan , patawadon mo kami sa samong mga kasalan,

ligtasan kami sa kalayo kan infierno. Daraha sa langit an gabos na kalag asin orog na
idtong nangangaipong gayo kan saimong paglaherak.
Leader 1&2:
Salve Reyna, Ina nin pagkaherak, Salve samuyang buhay, Hamis asin paglaom;
kaming mga sinikwal na aki ni Eva, saimo nangkukurahaw; kaming mga nag-aagrangay
asin nagtatangis digdi sa daga nin mga luha, saimo nag-aagagha; kaya maghidali,
samuyang parasurog, salingoyi kami kan mga mata mong maheherakon; asin si Jesus,
an banal na bunga kan saimong poponan, pahilingan samo pagkatapos kaining
pagsikwal, O maheherakon, O banal, O mahamis na Birhen Maria.

V: Ipamibi mo kami, banal na ina kan Dios,

R: Tanganing magkanigo kaming magkamit kan mga panuga ni Cristo.

PRAYER LEADERS COPY

LITANIYA KI BIRHEN MARIA

Kagurangnan, kaheraki kami, Kagurangnan, kaheraki kami.

Cristo, kaheraki kami, Cristo, kaheraki kami.
Kagurangnan, kaheraki kami, Kagurangnan, kaheraki kami.
Cristo, hinanyoga kami, Cristo, hinanyoga kami.
Cristo, pakahinanyoga kami, Cristo, pakahinanyoga kami.
Dios Ama sa langit, Kaheraki kami.
Dios Aki, paratubos kan kinaban, Kaheraki kami.
Dios Espiritu Santo, Kaheraki Kami.
Banal na tolong Persona, sarong Dios, Kaheraki kami.
Santa Maria, Ipamibi mo kami.
Santang ina kan Dios, Ipamibi mo kami.
Santang Virgen nin mga Virgenes, Ipamibi mo kami.
Ina ni Cristo, Ipamibi mo kami.
Ina kan Simbahan, Ipamibi mo kami.
Ina nin Diosnon na biyaya, Ipamibi mo kami.
Inang malinigon, Ipamibi mo kami.
Inang matubison, Ipamibi mo kami.
Inang daing digta, Ipamibi mo kami.
Inang Immaculada, Ipamibi mo kami.
Inang kamomotan, Ipamibi mo kami.
Inang kawiwilihan, Ipamibi mo kami.
Ina nin marahay na hatol, Ipamibi mo kami.
Ina nin satong kaglalang, Ipamibi mo kami.
Ina nin satong kagtubos, Ipamibi mo kami.
Virgen na masoripoton, Ipamibi mo kami.
Virgen ns kagalang-galang, Ipamibi mo kami.
Virgen na ipagbabantog, Ipamibi mo kami.
Virgen na mapangyari, Ipamibi mo kami.
Virgen orog kaimbod, Ipamibi mo kami.
Salming nin katanosan, Ipamibi mo kami.
Tukawan nin kadunongsn, Ipamibi mo kami.
Dahelan nin samong pag-ogma, Ipamibi mo kami.
Vaso sa kalag, Ipamibi mo kami.
Vasong iyong galangan, Ipamibi mo kami.
Vasong palaen nin pagkamoot, Ipamibi mo kami.
Rosa Mystica, Ipamibi mo kami.
Torre ni David, Ipamibi mo kami.
Torre na gading, Ipamibi mo kami.
Harong ns bulawan, Ipamibi mo kami.
Kaban nin katipanan, Ipamibi mo kami.
Tata nin langit, Ipamibi mo kami.
Bitoon na maka-aga, Ipamibi mo kami.
Kaomayan nin mga naghehelang, Ipamibi mo kami.
Pailihan nin mga nagkakasala, Ipamibi mo kami.
Pararanga nin mga nagmomondo, Ipamibi mo kami.
Paalawan nin mga Cristiano, Ipamibi mo kami.
Reina nin mga Angeles, Ipamibi mo kami.
Reina nin mga Patriarkas, Ipamibi mo kami.
Reina nin mga Profetas, Ipamibi mo kami.
Reina nin mga Apostoles, Ipamibi mo kami.
Reina nin mga Martires, Ipamibi mo kami.
Reina nin mga Confesores, Ipamibi mo kami.
Reina nin mga Virgenes, Ipamibi mo kami.
Reina nin gabos na mga Santos, Ipamibi mo kami.
Reinang ipinangidam dai naolakitan nin kasalan na orihinal, Ipamibi mo kami.
Reinang isinakat sa langit, Ipamibi mo kami.
Reina nin kamahal-mahaling Rosario, Ipamibi mo kami.
Reina nin Familia, Ipamibi mo kami.
Reina nin Katoninongan, Ipamibi mo kami.
Leader 1: Cordero kan Dios na nagpapara kan mga kasalan kan kinaban,
Leader 2: Patawara kami Kagurangnan.

Leader 1: Cordero kan Dios na nagpapara kan mga kasalan kan kinaban,
Leader 2: Hinanyoga kami Kagurangnan.

Leader 1: Cordero kan Dios na nagpapara kan mga kasalan kan kinaban,
Leader 2: Kami saimong kaherakan.
MAMIBI KITA
O Dios, huli kan saiyang buhay, kagadanan, asin pagkabuhay liwat, an bugtong
mong Aki nagdara samo kan mga premio nin buhay na daing kasagkoran;
warasan, namimibi kami, na naghohorop-horop kaining mga misterio, kan orog
kabanal na Rosario ni Virgen Maria, makaaarog sa mga nilalaman kaini asin
magkamit kan mga pinauuga kaini, Huli man sana ki Cristo samong
Kagurangnan. Amen.
Enot na Misteryo: An Pagbareta kan Anghel ki Maria

Kan ika-anom nang bulan kan pagbados ni Isabel, an anghel na si

Gabriel sinugo nin Dios sa sarong banwaan nin Galilea, na an ngaran
Nazaret, sa sarong birhen na ikinasal ki Jose na gikan sa kapag-arakian ni
David, asin an ngaran kan Birhen Maria. Nagdolok ki Maria an anghel
dangan nagsabi, “An katoninongan mapasaimo, paladan na babae! An
Kagurangnan yaon saimo!”

Natikbahan si Maria kan mga tataramon na ini asin pinag-isip-isip

niya kun ano an kahulogan kaiyan. Kaya sinabihan siya kan anghel, “Dai
ka matakot, Maria, huli ta nawiwilihan ka nin Dios. Mangingidam ka
asin mangangaki nin lalaki; Jesus an ingangaran mo saiya. Magigin
dakula siya saka aapodon na Aki kan Kahorohalangkaweng Dios.
Itatao saiya nin Kagurangnan na Dios an trono ni David na saiyang
ginikanan. Maghahade siya sa kapagarakian ni Jacob sagkod lamang;
an saiyang kahadean mayo nin kataposan!”

“Paanong mangyari ini ta ako sarong birhen?” an hapot ni Maria.

Nagsimbag an anghel, “Mahilig saimo an Espiritu Santo asin
lilindongan ka kan kapangyarihan kan Kahorohalangkaweng Dios.
Kaya banal an ipapangaki mo na aapodon Aki nin Dios. Natatandaan
mo an pinsan mong si Isabel? Pinagsasabi na dai siya mangangaki,
alagad nangidam siya maski ngani gurang na nin marahay. Ngunyan
anom na bulan na siyang bados, huli ta mayo nin imposible sa Dios.’’

Nagsabi si Maria, “Oripon ako nin Kagurangnan; mangyari logod

sako sosog sa saimong tataramon.” Dangan binayaan siya kan anghel.
Ika-duwang Misteryo: An pagbisita ni Maria sa sing-aki niyang si
Isabel.

Pakalihis nin pagkapirang aldaw, nag-andam si Maria asin hidaling

nagduman sa sarong banwaan sa kabubuldan nin Juda. Pagdagos niya sa
harong ni Zacarias, nagtaong galang siya ki Isabel. Pagkadangog ni Isabel
kan pagtaong galang ni Maria, huminiro an aki sa tulak niya. Napano kan
Espiritu Santo si Isabel, asin nagtaram nin makosog, “Paladan ka sa gabos
na babae asin paladan an aki na dinadara mo sa saimong tulak! Siisay ako
na pagsongkoon kan ina nin sakong Kagurangnan? Huli ta pakadangog ko
kan saimong pagtaong galang, huminiro sa kaogmahan an aki sa
sakuyang tulak. Paladan ka ta nagtubod kang maootob an sinabi saimo nin
Kagurangnan!”

Nagsabi si Maria, “An sakong puso nag-oomaw sa Kagurangnan; an

sakong kalag nag-oogma sa Dios na sakong Paraligtas; huli ta nahiling
niya an kapakumbabaan nin saiyang oripon! Poon ngunyan aapodon
akong paladan kan gabos na kapagarakian, huli ta an Makakamhan
guminibo para sako nin dakulang mga bagay; asin banal an saiyang
ngaran. An saiyang pagkaherak yaon sa may pagkatakot saiya, sa gabos
na henerasyon. Nagpahiling siya nin kosog nin saiyang kamot, winarak
niya an mga mapaabaw-abaw sagkod an gabos nindang kaisipan.
Pinababa niya sa mga trono an mga mapangyari, asin ilinangkaw an mga
mapakumbaba. Binasog niya nin mga marahay na bagay an mga
nagugutom, isinubol niya sa kadaihan an mga mayaman. Tinabangan niya
an Israel na saiyang banwaan, sa paggiromdom kan saiyang pagkaherak,
siring sa itinaram niya sa satong mga ginikanan, ki Abraham asin sag abos
niyang kapagarakian sagkod pa man.” Nag-eerok si Maria sa kaibahan ni
Isabel sa laog nin mga tolong bulan, dangan nagpuli na siya.
Ika-tolong Misteryo: An pagkamundag ni Jesus.

Kan panahon na idto, nagboot si Cesar Augusto na magsenso kan

gabos na tawong sakop kan imperyo kan Roma. An enot na pagsensong
ini ginibo kan si Cirenio an gobernador sa Siria. Kaya nagpuruli an mga
tawo sa sadiri nindang banwaan nganing magpasenso.
Hale sa banwaan nin Nazaret sa Galilea, nagpuli si Jose sa banwaan
nin Betlehem sa Judea, banwaan na namundagan ni Hadeng David. Sa
betlehem siya mapasenso huli ta gikan siya sa kapagarakian ni David.
Kaiba niya sa pagpasenso si Maria na ikakasal saiya. Bados si Maria, asin
mantang yaon sinda duman, uminabot an panahon kan pag-aki ni Maria.
Nangaki siya kan saiyang panganay na lalaki. Pinatos niya nin lampin an
omboy saka hinulid sa sarong bahugan, huli ta mayo na nin lugar para
sainda sa harong na sakatan.
Harani sa lugar na idto, igwa nin mga pastor sa kaomahan na
nagpapaaga sa pagbantay kan saindang mga karnero. Bigla sanang may
nagpahiling saindang anghel nin Kagurangnan na nakapaliwanag nin
marhay kan lugar na idto. Natakot sinda nin makuri. Alagad sinabihan sinda
kan anghel, “Dai kamo matakot! May dara akong marahay na bareta
para saindo na magtatao nin dakulang kaogmahan sa gabos na tawo.
Namundag ngunyan sa banwa nin David an saindong Paraligtas
– an Mesias nin Kagurangnan! Ini an tanda para saindo: makukua
nindo an sarong omboy na napapatos nin lampin asin nakahulid sa
sarong bahugan.”
Bigla sanang nagpahiling sa kataed kan anghel an kadakul pang mga
anghel hale sa langit, na nag-oomaw sa Dios,
“Pag-omawon an Dios sa kaitaasan asin sa daga katoninongan
sa mga tawo na saiyang nawiwilihan!”
Pagkahale kan mga anghel pabalik sa langit, nagsabi an mga pastor,
“Magduman man kita sa Betlehem! Hilingon ta an nangyaring ini na
ibinareta sato nin Kagurangnan.”
Kaya hidali sindang nagduman. Nakua ninda si Maria, si Jose saka
an omboy na nahuhulid sa bahugan. Kan mahilling kan mga pastor an
omboy ibinareta ninda an sinabi sainda kan anghel dapit saiya. An gabos
na nakadangog kan ibinareta kan mga pastor nagngaralas. Naghale an
mga pastor, nag-oomaw sa Dios huli kan gabos nindang nadangog saka
nahiling siring nanggad sa ibinareta sainda kan anghel.
Ika-apat na Misteryo: An pagdulot ki Jesus sa Templo.

Pag-abot kan ikawalong aldaw, sinerkomsisyon an aki asin

nginaranan siyang Jesus, an ngaran na itinao kan anghel bago siya
ipangidam.
Kan mag-abot an aldaw nin paglinig para ki Jose asin Maria sosog sa
Katogonan nin Moises, dinara ninda si Jesus sa Jerusalem nganing idolot
sa Kagurangnan, huli ta nasusurat sa Katogonan: “An lambang panganay
na lalaki sadiri nin Kagurangnan.” Nagdolot man sinda nin atang sosog sa
hinahagad kan Katogonan nin Kagurangnan: “mag agom na salampati o
duwang ogbon na agbaan.”
Sa Jerusalem may sarong tawo kaidto na an ngaran Simeon. Siya
matanos asin maimbod sa Dios; naghahalat siya kan kaligtasan nin Israel.
Nasa saiya an Espiritu Santo, n aiyo an nagpahayag saiya na dai siya
magagadan sagkod na dai niya nahihiling an Paraligtas na ipinanuga nin
Kagurangnan. Sa pagsabong kan Espiritu Santo, naglaog si Simeon sa
Templo. Kan an omboy na si Jesus darahon duman kan saiyang mga
magurang sa pag-otob kan hinahagad kan Katogonan, kinua siya ni
Simeon asin itinaas, dangan nagpasalamat sa Dios na an sabi:
“Kagurangnan, tugote nang magadan sa katoninongan an
saimong sorogoon sosog sa saimong panuga, huli ta nahiling ko na
an saimong kaligtasan, na inandam mo para sa gabos na tawo:
sarong ilaw na nagliliwanag sa mga pagano, asin magtatao nin
kamurawayan sa Israel na saimong banwaan.”
Nagngalas si Jose asin si Maria sa sinabi ni Simeon dapit sa aki.
Benendisyonan sinda ni Simeon, asin sinabihan si Maria na saiyang ina,
“Uya an aking ini itinalaga para sa pagkapadungkal asin pagbangon
nin dakul sa Israel; saro siyang tanda hale sa Dios na isisikwal nin
dakul na tawo, kaya mahahayag an saindang iniisip. Dangan an
kamondoan, siring sa sarong matarom na espada, malagbas sa
saimong puso.”
Igwa man nin sarong propetang babae na an ngaran Ana, na aki ni
Fanuel na gikan sa tribu ni Aser. Gurang na siyang marahay. Pitong taon
pa sana siyang kasal kan mabalo siya, asin ngonyan otsenta y kwatrong
taon na siya. Parati siyang nasa Templo; aldaw-banggi siyang nagsasamba
sa Dios, nag-aayuno asin namimibi. Kan oras man sanang iyan, nag-abot
siya, nagpasalamat sa Dios asin nagtaram dapit sa aki sa gabos na
naghahalat kan pagtubos nin Dios sa Israel.
 Kan magibo na ni Jose asin ni Maria an gabos na ipinagboboot kan
Katogonan nin Kagurangnan, nagbalik sinda sa Galilea, sa Nazaret na
sadiri nindang banwaan.

Ikalimang Misteryo: An pagkakua ki Jesus sa Templo

Taon-taon, minaduman sa Jerusalem an mga magurang ni Jesus

para sa pyesta nin Paskwa. Kan doseng taon na si Jesus, nagduman sinda
siring sa dating ginigibo ninda. Pakatapos kan pyesta, nagbaklay sinda
papule, alagad nagpawalat si Jesus sa Jerusalem na dai aram kan
saiyang mga magurang. Sa paghona na kaiba si Jesus kan grupo,
nagpadagos sinda sa pagbaklay sa bilog na aldaw. Dangan hinahanap
ninda siya duman sa saindang mga kadugo asin mga kamidbid. Kan dai
ninda siya nakua, nagbalik sinda sa Jerusalem sa paghanap saiya. Kan
ikatolong aldaw, nakua ninda siya sa laog kan templo, nagtutukaw kaiba
kan mga paratukdo. Naghihinanyog siya saka naghahapot sainda. An
gabos na nakadangog saiya nagngalas kan saiyang pakasabot asin mga
simbag. Nagngalas man an saiyang mga magurang kan mahiling siya,
kaya tinaraman siya kan saiyang ina, “Aki tadaw ta siring an ginibo samo?
Hadit na ako asin an saimong ama sa pagparahanap saimo.”
Sinabihan niya sinda, “Tadaw ta hinahanap nindo ako? Dai nindo
aram na kaipuhan nasa harong ako kan sakong Ama?” Alagad dai ninda
nasabotan an sinabi niya sainda.
Uminiba sainda si Jesus sa Nazaret asin nagin makinuyog-kuyog
siya sainda. An gabos na ini rinimpos kan saiyang ina sa puso niya.
Nagtalubo si Jesus asin nagdagdag an kadonongan. Nawilihan siya nin
Dios asin kan mga tawo.