Katangiang Pisikal ng Asya (Hilaga, Timog, Silangan, Kanluran)

Sinasabing ang katangiang pisikal ng kontinenteng Asya ang pinakamayaman sa lahat. Maliban

sa pagiging pinakamalaki sa pitong kontinente, sa Asya rin matatagpuan ang pinakamataas na

bahagi ng mundo na Mt. Everest at pinakamalalim na bahagi ng karagatan na Mariana’s Trench.

Marami ding mga nakamamangha na anyong lupa sa Asya katulad ng mga magkakarugtong na

kabundukan, matataas na bundok, aktibo at magandang hugis ng bulkan, at malalawak na

disyerto. Maliban dito, nasa Asya rin ang mga napakagandang atraksiyong tubig at

mayayamang anyong tubig.

Katangiang Pisikal ng Hilagang Asya

Kilala ang Hilagang Asya sa pagkakaroon ng malamig na panahon sa loob ng isang taon.
Sasandali lamang na tatama rito ang tag-init kaya naman walang masyadong kagubatan dito

Ang karaniwang tumutubo sa kanilang mga bundok at burol ay mga damuhan o grassland sa
halip na mga punong-kahoy dahil hindi nabubuhay sa malamig na panahon ang mga ito.

Tatlong uri ng grassland ang makikita sa Hilagang Asya kabilang ang steppe, prairie, at savanna.
Kilala rin ang Hilagang Asya sa pagkakaroon ng Taiga o boreal forest. Ito ay ang mga
mababatong kabundukan. Makikita rin sa Hilagang Asya ang pinakamalalim na lawa sa mundo,
ang Lake Baikal.

Kinaroroonan ng Hilagang Asya

Matatagpuan ang Hilagang Asya (North Asia) sa hilagang bahagi ng Asya at halos kabahagi ng
Russia (60° North at 100° East). Nasa 13,000,000 kilometro kwadrado ang sukat nito.

Halos eksklusibong nasasakop din ng Siberia ang nasabing kontinente. Binubuo ang rehiyon ng
mga bansang Kyrgyzstan, Tajikistan, Uzbekistan, Kazakhstan, Turkmenistan, Georgia, Armenia, at
Siberia.

Sa mga bansang sakop ng Hilagang Asya ay mayroong mas mahabang klima ng taglamig
habang sandali lamang ang tag-init gawa na rin ng lokasyon nito. Dahil dito, hirap
makapagpatubo ng iba’t ibang uri ng punong kahoy sa nasabing rehiyon.

Katangiang Pisikal ng Timog Asya

Mayaman sa kabundukan ang rehiyong ito ng Asya. Isang malaking tangway o peninsula ang
nasabing rehiyon kung saan makikita ang mahabang kabundukan ng Himalayas at Hindu Kusk.
Ang Himalayas ay tanyag sa buong mundo dahil sa haba nitong umaabot sa 1,500 milya. Ang
tuktok ng bundok na ito ay natatakluban ng yelo.

Sa rehiyong ito rin makikita ang pinakamataas na bundok sa buong mundo na Mt. Everest. Nasa
halos 8,850 metro ang taas nito at laging tinatangka ng mga mountaineer na akyatin.
Samantala, marami ding anyong tubig ang makikita sa rehiyon katulad ng Arabian Sea, Indian
Ocean, at Bay of Bengal na pangunahing daan ng mga transportasyong pandagat sa buong
Asya.

Kinaroroonan ng Timog Asya

Makikita naman ang rehiyon ng Timog Asya sa itaas ng Indian Ocean at binubuo ng mga bansa
sa timog ng Himalaya. Tinatawag din ang rehiyon na Indian Subcontinent. Hindi simetriko ang
hugis nito at pa-tatsulok o triangle.
Bagaman nasa isang rehiyon ang Timog Asya, iba-iba naman ang katangian at klima sa rehiyon
dahil sa lokasyon na rin nito. Mayroong mga bahagi na mayroong mga disyerto habang may
ilang bahagi naman na mayroong pag-ulan ng nyebe sa isang taon.

Kabilang sa rehiyon ng Timog Asya ay ang mga bansang Bhutan, India, Afghanistan,
Bangladesh, Maldives, Nepal, Srik Lanka, at Sri Lanka. Ang nakikitang malaking pagkakatulad ng
mga bansang nasa rehiyon ng Timog Asya ay ang pagkakaroon ng relihiyon ng Buddhism,
Sikhism, at Jainism.

Katangiang Pisikal ng Silangang Asya

Kahit na maraming bansa sa Silangang Asya ang nangunguna pagdating sa larangan ng
teknolohiya, masasabing mayaman pa rin ito sa magagandang anyong tubig at lupa.

Maraming bahagi sa Silangang Asya ang may bundok at talampas kung saan naninirahan ang
mga lokal. Ginagawa rin itong atraksiyon tulad ng Great Wall of China, Mt. Fuji, at Seoraksan.

Pagdating naman sa anyong tubig, isang mahalagang bahagi ng ating kasaysayan ang mga
anyong tubig mula sa China na Ilog Huang Ho, Yangtze, at Xi Jiang. Makikita rin sa rehiyon ang
Korean Strait.

Kinaroroonan ng Silangang Asya

Ang East Asia naman ay makikita sa ilalim na bahagi ng bansang Russia (38.7946° North,
106.5348° East). Mayroong siyam na bansa ang makikita sa rehiyon na mayroong kabuuang
sakop na 11,800,000 kilometro kwadrado.

Isa ang Silangang Asya sa pinakamalaking sakop dahil makikita rin dito ang bansang China.
Nasa silangan nito ang malaking bahagi ng Pacific Ocean.

Kasama sa Silangang Asya ang mga bansang magkakadikit na Mongolia, China, South Korea,
North Korea, Hong Kong, Macau, habang nakahiwalay naman ang mga bansang Japan at
Taiwan na nasa itaas na bahagi ng Pilipinas na bahagi naman ng Timog Silangang Asya.

Katangiang Pisikal ng Kanlurang Asya

Karaniwang may maliit na populasyon ang ibang bansa sa Kanlurang Asya kahit malaki ang
sakop nilang lupain. Ito ay sa kadahilanang maraming disyerto sa rehiyon na mapanganib
tirahan dahil sa pabago-bagong panahon.

Saklaw din ng rehiyon ang Arabian Peninsula, Fertile Crescent, at Northern Tier. Kabahagi rin ng
Gitnang Silangan ang mga pamosong anyong tubig na Red Sea, Arabian Sea, at Peninsula Gulf.
Marami ding matatabang lupa sa rehiyon dahil sa saganang suplay ng tubig doon.

Kinaroroonan ng Kanlurang Asya

Kilala rin ang rehiyong ito bilang Gitnang Silangan o Southwest Asia. Itong rehiyong ito rin ang
sinasabing hangganan ng Asya sa mga kontinenteng Africa at Europe.

Nasa itaas na bahagi nito ang Hilagang Asya at ilang bahagi ng Russia at Europe, nasa kaliwang
bahagi naman ang kontinente ng Africa, at nasa gawing kanan ang bansang India. 32.8000°
north and 35.6000° east.
Kabilang sa bansang nasa Kanlurang Asya ang Armenia, Azerbaijan, Bahrain, Cyprus, Gaza Strip,
Georgia, Iran, Iraq, Israel, Jordan, Kuwait, Lebanon, Oman, Qatar, Saudi Arabia, Syria, Turkey,
UAE, at Yemen.

Katangiang Pisikal ng Timog Silangang Asya

Napaliligiran ng anyong tubig ang Timog Silangang Asya dahil layo-layo o pulo-pulo ang mga
bansa rito. Nasa gilid ang South China Sea at Pacific Ocean kaya naman maraming sikat na
resort at beach sa rehiyon.

Sa Pilipinas naman makikita ang isa sa Wonders of World at UNESCO Site na Palawan
Subterranean River. Gayunman, maraming aktibong bulkan sa nasabing rehiyon dahil kabilang
ang malaking bahagi nito sa Ring of Fire.

Kinaroroonan ng Timog Silangang Asya

Pinakakalat-kalat naman ang lokasyon ng Timog Silangang Asya. Iilang bansa lamang ang
magkakadikit dito. Nasa ibabang bahagi ng Taiwan ang rehiyong ito habang nasa kanan naman
Pacific Ocean at nasa kaliwa ang Indian Ocean, at nasa ibabang bahagi ang Australia.

Kasama rito ang mga bansang Brunei, Cambodia, Timor Leste, Indonesia, Laos, Malaysia,
Myanmar, Pilipinas, Singapore, Thailand, at Viet Nam.