Ангел'скиј собор

Благословен јеси, Господи, научи мја оправданиjем Твоим.

Ангел'скиј собор удивилсја, зрја Тебjе в мертвих вменивцшасја,
смертнују же, Спасе, крјепост' разоривша, и с собоју Адама воздвигша, и от ада всја
свобождша.
Благословен јеси, Господи, научи мја оправданиjем Твоим.
,,Почто мира с милостивними слезами, о ученици, растворјаете”?
Блистајајсја во гробје Ангел мироносицам вјешчаше:
,,Видите ви гроб и уразумјејте:
Спас бо воскресе от гроба”.
Благословен јеси, Господи, научи мја оправданиjем твоjим.
Зјело рано мироносици течаху ко гробу Твоjему ридајушчија,
Но предста к ним Ангел и рече:
,,Риданија времја преста, не плачите, воскресеније же апостолом рците”.
Благословен јеси, Господи, научи мја оправданиjем Твоим.
Мироносици жени, с мири пришедшија ко гробу Твојему, Спасе, ридаху.
Ангел же к ним рече, глагоља:
,,...Что с мертвими живаго помишљаjете?
Јако Бог бо вокресе от гроба”.
Слава Отцу и Сину и свјатому Духу.
Поклонимсја Отцу и Jeго Синови, и Свјатому Духу,
Свјатјеј Троицjе во jедином сушчествjе, с серафими зовушче: свјат, свјат, свјат јеси,
Господи.
И ниње и присно и во вјеки вјеков, амин'.
Жизнодавца рождши, грјеха, Дјево, Адама избавила јеси.
Радост' же Евје в печали место подала јеси;
падшија же от жизни к сеј направи, из Тебе воплотивисја Бог и человјек.
Аллилујиа, аллилујиа, аллилујиа, слава Тебе, Боже.
Аллилујиа, аллилујиа, аллилујиа, слава Тебе, Боже.
Аллилујиа, аллилујиа, аллилујиа, слава Тебе, Боже.

Велико Славословље
Слава Тебје показавшему нам свјет, слава во Вишњи Богу, и на Земљи мир, в
человјецјех благовољеније.
Хвалим Тја, благословим Тја, клањајемтисја, славословим Тја, благодарим Тја,
великија ради слави Твојеја.
Господи Царју Небесниј, Боже Оче Вседржитељу, Господи Сине Јединородниј,
Исусе Христе и Свјатиј Душе.
Господи Боже Агнче Божиј, Сине Отеч, вземљај грјех мира помилуј нас, вземљај
грехи мира, прими молитву нашу.
Сједјај одеснују Оца, помилуј нас, јако Ти јеси Једин Свјат, Ти јеси Једин Господ,
Исус Христос, во славу Бога Оца. Амин.
на всјак ден благословљу Тја и восхваљу Имја Твоје во вјеки и во вјек вјека.
Сподоби Господи в ден сеј без грјеха сохранитисја нам, Благословен јеси Господи
Боже Отец наших.
И хваљно и прослављенo имја Твоје во вјеки амин. Буди Господи милост Твоја на
нас, јакоже уповлахом на Тја.
Благословен јеси Господи, научи мја оправданијем Твојим. (3 пута)
Господи, Прибјежишче бил јеси нам в род и род, аз рјех: Господи помилуј мја,
исцјели душу моју, јако согреших Тебје.
Господи к Тебје прибjегох, научи мја творити вољу Твоју, јако Ти јеси Бог мој, јако
у Тебе источник живота.
Бо свјетје Твојем узрим свјет. Пробави милост Твоју вједушчим Тја.
Свјати Боже, Свјати Крјепки, Свјати Бесмертни, помилуј нас. (3 пута)
Слава Оцу и Сину и Свјатому Духу, и ниње и присно и во вјеки вјеков. Амин.
Свјати Бесмертни, помилуј нас.
Свјати Боже, Свјати Крјепки, Свјати Бесмертни, помилуј нас.

Благослови душе моја Господа

Благослови душе моја Господа, благословен јеси Господи!
Благослови душе моја Господа и всја внутрењаја моја Имја свјатоје Јего.
Благослови душе моја Господа и ње забивај всјех воздајаниј Јего.
Очишчајушчаго всја безаконија твоја, исцељајушчаго всја недуги твоја.
Избављајушчаго от истљенија живот твој, вјенчајушчаготја милостију и
шчедротами.
Исполњајушчаго во благих желаније твоје, обновитсја јако орља јуност твоја.
Творјај милостињи Господ и судбу всјем обидимим.
Сказав пути своја Мојсеови, синовом Израиљевим хотјенија Своја.
Шчедар и милостив Господ, долготерпељив и многомилостив.
Не до конца прогњевајетсја, ниже вовјек враждујет.
Не по безаконијем нашим сотворил јест нам, ниже по грјехом нашим воздал јест
нам.
Јако повисотје небесњеј от земљи утвердил јест Господ милост своју на
бојашчихсја Јего.
Јеликом отстојат востоци од запад удаљил јест од нас безаконија наша.
Јакоже шчедрит отец сини, ушчедрит Господ бојашчихсја Јего.
Јако тој позна созданије наше, помјану јако перст јесми.
Человјек, јако трава дније Јего, јако цвјет селни тако оцвјетет.
Јако дух пројдет њеми не будјет, и не познајет ктому мјеста својего.
Милост же Господња от вјека и до вјека на бојашчихсја Јего.
И правда Јего на сињеј синов,
Храњашчих завјет Јего и помњашчи заповједи Јего творитија.
Господ, на небеси уготова престол свој и царство Јего всеми обладајет.
Благословите Господа вси ангели Јего силни крjепостију творјашчи слово
Јего услишати глас словес Јего.
Благословите Господа всја сили Јего, слуги Јего творјашчи вољу Јего.
Благословите Господа всја дјела Јего, на всјаком мјесте владичества Јего,
Благослови душе моја Господа.
Слава Оцу и Сину и Свјатому Духу, и ниње и присно и во вјеки вјеков. Амин!
Благослови душе моја Господа и всја внутрењаја моја Имја свјатоје Јего.
Благословен јеси Господи!

С нами Бог
С нами Бог! Разумјејте, јазици, и покарјајтесја, јако с нами Бог.
Услишите до посљедњих земљи: јако с нами Бог.
Могушчиј покарјајтесја: јако с нами Бог.
Ашче бо паки возможете, и паки побјеждени будете: јако с нами Бог.
И иже ашче совјет совјешчавајете, разорит Господ: јако с нами Бог.
И слово, јеже ашче возглагољeте, не пребудјет во вас: јако с нами Бог.
Страже вашего не убојимсја, ниже смутимсја: јако с нами Бог.
Господа же Бога нашего Того освјатим, и Тој будјет нам в страх: јако с нами Бог.
И ашче на Њего надјејесја буду, будет мње во освјашченије: јако с нами Бог.
И уповаја буду на Њего, и спасусја Им: јако с нами Бог.
Се аз и дјети, јаже ми даде Бог: јако с нами Бог.
Људије ходјашчиј во тмје, видјеша свјет велиј: јако с нами Бог.
Живушчиј во страње и сјени смертњеј, свјет возсијајет на ви: јако с нами Бог.
Јако Отроча родисја нам, Син, и дадесја нам: јако с нами Бог.
Јегоже начаљство бист на рамје Јего: јако с нами Бог.
И мира Јего њест предјела: јако с нами Бог.
И нарицајетсја имја Јего, велика совјета ангел: јако с нами Бог.
Чуден совјетник: јако с нами Бог.
Бог крјепок, властитељ, начаљник мира: јако с нами Бог.
Отец будушчаго вјека: јако с нами Бог.
С нами Бог! Разумјејте, јазици, и покарјајтесја, јако с нами Бог.
Слава... С нами Бог! Разумјејте, јазици, и покарјајтесја, јако с нами Бог.
И ниње... С нами Бог! Разумјејте, јазици, и покарјајтесја, јако с нами Бог.
С нами Бог! Разумјејте, јазици, и покарјајтесја, јако с нами Бог.

Стихире пасхе
Да воскреснет Бог и расточатсја врази јего, и да бјежат от лица јего ненавидјашчих
јего.
Пасха свjашченаја нам днес показасја. Пасха нова свјатаја, Пасха таинственнаја,
Пасха всечестнаја,
Пасха Христос Избавитељ, Пасха непорочнаја, Пасха великаја, Пасха вјерних,
Пасха двери рајскија нам отверзајушчаја, Пасха всјех освјашчајушчаја вјерних.
Јако ишчезајет дим да ишчезнут, јако тајет восак от лица огња.
Придите от виденија жени благовјестници и Сиону рците
Прими от нас радости благовјешченија Воскресенија Христова
Красујсја, ликуј и радујсја Ијерусалимје,
Царја Христа узрјев из гроба јако жениха происходјашча
Тако да погибнут грјешници от лица Божија, а праведници да возвесељатсја, (да
возрадујутсја пред Богом).
Мироносици жени утру глубоку предсташа ко гробу Жизнодавца,
обрјетоша Ангела на камени сједјашча, и тој провјешча им сице глагољаше:
Что ишчете Живаго с мертвими, что плачете Нетљенаго во тли? Шедше
проповједите учеником Јего.
Сеј ден јегоже сотвори Господ возрадујемсја и возвеселимсја вон.
Пасха краснаја, Пасха Господња, Пасха, Пасха всечестнаја нам возсија!
Пасха радостију друг друга обимем.
О, Пасха избављеније скорби.
И бо из гроба днес јако от чертога возсија Христос, жени радости исполни
глагоља: Проповједите апостолом.
Слава Отцу, и Сину и Свјатому Духу, и нине, и присно, и вовеки веков! Амин!

РАДУЈСЈА, НЕВЕСТО НЕНЕВЈЕСТНАЈА!

Агни Парфене - Преподобни
Нектарије Егински
Марије Дјево Чистаја, Пресвјетаја Богородице,
Радуј сја Невесто Неневјестнаја!
Царице Мати Дјево, Руно свјех покривајушчеје,
Радуј сја Невесто Неневјестнаја!
Превисшаја Небесних Сил, Нестварноје Сијаније,
Радуј сја Невесто Неневјестнаја!
Ликов Дјевишчих Радосте и Ангелов Превисшаја,
Радуј сја Невесто Неневјестнаја!
Небес Честнаја Сило и Свјете паче всјех свјетов,
Радуј сја Невесто Неневјестнаја!
Честњејшаја Владичице, всјех Небесних војин,
Радуј сја Невесто Неневјестнаја!
Всјех праоцев Надеждо, Пророков Исполњеније,
Радуј сја Невесто Неневјестнаја!
В подвизјех Ти Помошче, Кивоте Бога Слова,
Радуј сја Невесто Неневјестнаја!
И Дјевам ликованије и матерем Оградо,
Радуј сја Невесто Неневјестнаја!
Цјеломудрија Наставнице,душ наших очишченије,
Радуј сја Невесто Неневјестнаја!
Покрове Ширшиј облака и страждушчих Пристанишче,
Радуј сја Невесто Неневјестнаја!
Немошчних Покрове и Заступнице, Надјеждо ненадјежнијех,
Радуј сја Невесто Неневјестнаја!
Марије, Мати Христа, Истинаго Бога,
Радуј сја Невесто Неневјестнаја!
Аронов Жезле прозјабшиј, Сосуде тихој радости,
Радуј сја Невесто Неневјестнаја!
Всјех сирих и вдов Утјешеније, в бедах и скорбјех Помошче,
Радуј сја Невесто Неневјестнаја!
 Свјашченаја и Непорочнаја Владичице Всјепетаја,
Радуј сја Невесто Неневјестнаја!
Приклони ко мње милосердије, Боженственаго Сина,
Радуј сја Невесто Неневјестнаја!
Ходатајице спасенија,припадаја взивају Ти,
Радуј сја Невесто Неневјестнаја!

Псалам 134
Хвалите имја Господње, хвалите, раби Господа, Алилуија
Стојашчиј во храмје Господњи, во дворјех дому Бога нашего, Алилуија
Хвалите Господа, јако Благ Господ, појте имени Јего, јако добро, Алилуија
Јако Ијакова избра Себје Господ, Израиља в достојаније Себје, Алилуија
Јако аз познах, јако Велиј Господ, и Господ наш над всјеми боги, Алилуија
Всја јелика восхотје Господ сотвори, на небеси и на земљи, в морјах и во всјех
безднах, Алилуија
Возводја облаки от посљедњих земљи, молниј в дожд сотвори, Алилуија
Изводја вјетри от сокровишч Своих, Иже порази первенци Египетскија, от
человјека до скота. Алилуија
Посла знаменија и чудеса посредје Тебе, Египте, на фараона и на всја раби јего,
Алилуија
Иже порази јазики многи и изби царји крјепки, Алилуија
Сиона, царја Аморејска, и Ога, царја Васанска, и всја царствија Хананска, Алилуија
И даде земљу их достојаније, достојаније Израиљу, људем Својим, Алилуија
Господи, имја Твоје в век и памјат Твоја в род и род, Алилуија
Јако судити имат Господ људем Својим, и о рабех Својих умолитсја, Алилуија
Идоли јазик, сребро и злато, дјела рук человјеческих, Алилуија
Уста имут, и не возлагољут, очи имут, и не узрјат, уши имут, и не услишат, ниже бо
јест дух во устех их, Алилуија
Подобни им да будут творјашчији ја, и всји надејушчијисја на ња, Алилуија
Доме Израиљев, благословите Господа, доме Аарон, благословите Господа,
доме Левиин, благословите Господа, Алилуија
Бојашчијисја Господа, благословите Господа, Алилуија
Благословен Господ от Сиона, живиј во Ијерусалиме, Алилуија.

Достојно јест
Достојно јест јако воистину блажити тја Богородицу, присно блаженују и
пренепорочнују и матер Бога нашего. Честњејшују херувим и славњејшују без
сравњенија серафим, без истљенија Бога Слова рождшују, сушчују Богородицу тја
величајем.

Богородице Дјево
Богородице Дјево, радујсја благодатнаја Марије, Господ с Тобоју.
Благословена Ти в женах и благословен плод чрева твојего,
јако Спаса родила јеси душ нашим.

Возбраној Војеводје
Возбраној Војеводје побједитељнаја, јако избавлшесја от злих благодарственаја,
восписујем Ти раби Твоји Богородице, но јако имушчаја державу непобједимују, от
всјаких нас бјед свободи да зовем Ти: Радујсја невјесто неневјестнаја.

Гаврилу вјешчавшу
Гаврилу вјешчавшу Тебје, Дјево, радујсја, со гласом воплошчашесја всјех Владика
в Тебје, свјатjем кивотjе, јакоже рече праведниј Давид, јавиласја јеси ширшаја
Небес, поносивши Зиждитеља Својего: слава Всељшемусја в Тја; слава
Прошедшему из Тебе; слава Свободившему нас рождеством Твоим.

Воскресеније Христово видјевше

Воскресеније Христово видјевше, поклонимсја Свјатому Господу Исусу, јединому
безгрешному. Кресту Твојему поклоњамсја, Христе, и Свјатоје воскресеније Твоје
појем и славим. Ти бо јеси Бог наш, разве Тебе иного не знајем, имја Твоје
именујем, приидите всји вернији, поклонимсја Свјатому Христову воскресенију. Се
бо прииде Крестом радост всему миру, всегда благословјашче Господа, појем
воскресеније Јего; распјатије бо претерпјев, смертију смерт разруши.

Воскресеније твоје
Воскресеније Твоје, Христе Спасе, всју просвјети всељенују, и призвал јеси Твоје
созданије, Всесилене Господи, слава Тебје.

Преблагословена јеси
Преблагословена јеси, Богородице Дјево: Воплошчим бо сја из Тебе ад пљенисја,
Адам возвасја, кљатва потребисја, Ева свободисја, смерт умертвисја и ми ожихом.
Тјем воспјевајучше вопијем: благословен Христос Бог, благоволивиј тако, слава
Тебје.

Днес спасеније
Днес спасеније миру бист, појем Воскресшему из гроба, и Начаљнику жизни
нашеја; разрушив бо смертију смерт, побједу даде нам и велију милост.
 Да весељатсја
Да весељатсја небеснаја да радујутсја земнаја, јако сотвори державу мишцеју
својеју Господ, попра смертију смерт первенец мертвих бист, из чрева адова
избави нас, и подаде мирови велију милост.

Вјерују
Вјерују, во Јединаго Бога Оца, Вседержитеља, Творца Небу и Земљи,
видимим же всјем и невидимим.
И во Јединаго Господа Исуса Христа, Сина Божија, Јединороднога,
иже от Оца рожденаго прежде всјех вјек:
Свјета от Свјета, Бога Истинита от Бога Истинита, рождена, не сотворена,
Јединосушчна Отцу, Имже всја биша.
Нас ради человјек, и нашего ради спасенија сшедшаго с Небес, и воплотившагосја
от Духа Свјата, и Марији Дјеви и вочеловјечшасја.
Распјатаго же за ни при Понтијстјем Пилатје, и страдавша и погребена.
И воскрешаго в третиј ден, по писанијем.
И возшедшаго на Небеса, и сједјашча одеснују Оца.
И паки грјадушчаго со славоју судити живим и мертвим, Јегоже Царствију не
будет конца.
И в Духа Свјатаго, Господа Животворјашчаго, Иже от Оца исходјашчаго,
Иже со Оцем и Сином споклањајема и славима, глаголавшаго пророки.
Во једину свјатују соборнују и апостолскују Церков.
Исповједују једино крешчаније, во остављеније грјехов.
Чају воскресенија мертвих.
И жизни будушчаго Вјека. Амин.

Спаси Христе Боже и помилуј

Спаси Христе Боже и помилуј, свјатјејшаго патријарха нашего (име) или:
високопреосвјашчењејшаго митрополита нашего (име), или: преосвјашчењејшаго
архијереја нашего (име), христољубивоје војинство, ктитори и
приложники свјатаго храма сего (у манастиру: свјатија обитељи сеја) и всја
православнија христијани, и сохрани их на многаја љета.