nəzəriyyəsi və metodikası”. “Avropa”nəşriyyatı. Bakı-2006
İnsan mədəniyyətinin tarixi qazıntıları, qaayalarda olan yazılar, şəkillər,
məişət əşyaları, əfsanələr sübut edir ki, qədim insanlar yüksək mədəniyyətə mənsub olmuşlar, o, cümlədən fiziki mədəniyyətə.
Alimlər qazıntılardan istifadə edərək sübut etmişlər ki, fiziki tərbiyədə təlimin rolu hələ qədim insanlara məlum imiş.
Fiziki hərəkətlər əmək və hərbiçilik vasitəsi kimi meydana gəlmiş, fiziki
tərbiyə isə ovçunu, əsgəri hazırlamaq tələbatından əmələ gəlmişdir.
Tərbiyə, o, cümlədən, fiziki tərbiyə ictimai əməyin meydana gəlməsi
mərhələsində yaranmışdır. Fiziki tərbiyə sisteminin yaranması üçün kifayət qədər material və mənəvi tərəflərin inkişafı lazımdır. İbtidai icma quruluşu formasiyasına fiziki tərbiyənin bünövrəsi kimi baxmaq olar. Buna baxmayaraq bu dövrdə fiziki hazırlığın rolu çox mühüm olmuş, bu da sərt yaşayış şəraiti ilə sıx əlaqədə idi. Ancaq fiziki tərbiyə sisteminin yaranması üçün material baza çatışmırdı.
Quldarlıq forması özünəməxsus fiziki tərbiyə sistemi yaratmışdı. Bu gün
insanlar fəxr edə bilər, qədim elmlər belə bir sistem yaratmışdır ki, bu sistem harmonik fiziki inkişafı insan tərbiyə etmək inkişafına malik idi. Ancaq bu elə sistem idi ki, öz sinfinə, yəni quldarlara məxsus idi, daha doğrusu quldarlara qulluq edirdi. Gözəl qurğular və stadionlar ancaq onlara malik idi və onlar bu gözəl material bazalarından istifadə edə bilərdilər. Onlara qüvvətli olmaq lazım idi ki, çox saylı qulları öz əsarəti altında saxlaya bilsinlər.
Feodal icma formasiyası öz fiziki tərbiyə sistemini yaratmışdır. Bu sistem
hərbi fiziki tərbiyə sistemi idi ki, burada əsasən cəngavərlər hazırlanırdı. Feodal fiziki tərbiyə sistemi siniflərin ayrılmasına daha da kəskinləşməsi dövrünü əhatə edir.
Kapitalist cəmiyyətində sinfi kəskinləşmələr daha da mürək-kəbləşir. Bu
mürəkkəbləşmələr fiziki tərbiyə sisteminin həm məqsədlərində, həm də metodlarında özünü əks etdirir. Fiziki tərbiyə sistemində ziddiyyətlər ondan ibarətdir ki, varlı təbəqə-lər, fəhlələrin sağlamlığı haqda narahat olmurlar. Ancaq onlara qüvvətli, çevik, bacarıqlı əsgərlər, təsərrüfatda isə yüksək iş qabiliyyətinə malik insanlar lazımdır. Bədən tərbiyəsi və idman onlara öz fikirlərini, yaşayış tərzini təbliğ etmək üçün lazımdır.
Əlbəttə, bu vaxtlardakı fiziki tərbiyə sistemlərinə ancaq pis cəhətdən
baxmaqla böyük səhvə yol vermiş olarıq. Çünki, hələ insan cəmiyyəti təzə bir sistemi əvəz edə bilsin. Düzdür yuxarıda adını çəkdiyimiz sistemlərdən fərqli, daha doğrusu adı ilə fərqli “keçmiş sovet” fiziki tərbiyə sistemi mövcuddur ki, bu sistem o biri sistemlərdən heç də fərqlənmir. Bu sistemin ən pis sahəsi ondan ibarətdir ki, burada yalandan xalqın mənafeyi haqda fikirlər irəli sürülür. Həqiqətdə isə xalq mənafeyi pərdə kimi olaraq qalır. Fiziki tərbiyə sisteminin prinsipləri
Prinsip – hər hansı bir elmin və ya nəzəriyyənin başlanğıc əsasıdır. Fiziki
tərbiyə sisteminin prinsipləri aşağıdakı kimi ifadə edilir:
1 - İnsanın hərtərəfli hormonik inkişafı prinsipi
2 - Fiziki tərbiyənin əmək və hərb ilə sıx əlaqəsi prinsipi
3 - Sağlamlığa yönəlmiş fiziki hərəkətlər prinsipi
Şəxsiyyətin hərtərəfli inkişafı prinsipi
Şəxsiyyətin hərtərəfli inkişafı prinsipi insani tərbiyə prinsipi sisteminin
əsasını təşkil edir. Bu da bütün insanların ümumi inkişafını nəzərdə tutur. Burada insanların həmişəki arzuları olan ideala qovuşaq fikridir.
Təcrübədə bu prinsip belə həyata keçirilir:
1. Fiziki tərbiyə başqa tərbiyəvi əhəmiyyətli prinsiplərlə sıx əlaqədədir
(estetik, mənəvi, şüurlu, əmək)
2. Şəxsiyyətin hərtərəfli fiziki inkişafını nəzərdə tutur (ümumi və xüsusi fiziki
hazırlıq, orqanizmin forma və funksi-yalarını, fiziki keyfiyyətləri, bacarıq və vərdişlərə yiyələnmək)
Fiziki hərəkətlərlə məşğul olarkən mənəvi cəhətdən tərbiyə imkanları yaranır.
Oyunlarda və fəaliyyətdə uşaqların xasiyyət-lərini öyrənmək olur, burada da müəllim, məşqçi, uşağın pis və yaxşı cəhətlərini görüb pis cəhətləri aradan götürə bilər. Yaxşıları isə inkişaf etdirmək lazımdır.
Bədən tərbiyəsi dərsləri estetik imkanlara malikdir və bu imkanlardan istifadə
edərək estetik tərbiyə ilə də məşğul olmaq lazımdır.Bədən tərbiyəsi dərslərində fiziki hərəkətlərin yaxşı yerinə yetirilməsi, gözəl rəftar və s. Hərtərəfli fiziki tərbiyə uşağın və ya insanın fiziki hərəkət ehtiyatının çoxluğundan əmələ gələ bilər. Bu isə insanın çox miqdarda fiziki hərəkət bacarığının olmasından əmələ gəlir. O isə əsasən ümumi fiziki hazırlığından irəli gəlir. Ümumi fiziki hazırlığı olmayan şəxsin xüsusi fiziki hazırlıq barədə fikirləşməyə haqqı yoxdur.