‫‪OSI Model Bdarija‬‬

‫هاد الموديل كيتعتابر من األساسيات ديال أي واحد كيقرا الريزو‪ .‬وإذا مافهمتيهش ماغاتفهمش‬
‫بزاف دالحوايج متقدمة‪ .‬حيت هو الباز‪.‬‬

‫هاد الـ ‪ OSI‬عالش دار وشنو الهدف منو بعدا ؟‬

‫فبداية ظهور التكنولوجيا كل شركة كانت كتصنع بيسيات ديالها خاصين بها‪ ..‬وكانو‬
‫البيسيات الى ماكانوش من نفس الشركة ماغايتكومينيكاوش‪ ،‬بحال مثال خاصهم يكونو ‪2‬‬
‫بيسيات من شركة ‪ IBM‬عاد يقدرو يتكومينيكاو‪ ..‬إذا كان واحد من ‪ IBM‬والخر من ‪Apple‬‬
‫ماغايقدروش يتكومينيكاو ‪.‬‬

‫ألنهم ماكانوش واحد المعايير محددين لي غايمشيو عليهم‪ ..‬كل وحدة كتقاد الماطيريال‬
‫ديالها بالطريقة لي بغات‪ ..‬ولي سيسطيم ماكيقدروش يتكومينيكاو مع بعضهم ‪..‬‬

‫وهنا جات منظمة الـ ‪ ISO‬لي مختصة فالمعايير ديال أي حاجة كنستعملوها فحياتنا اليومية‪.‬‬
‫وبشراكة مع ‪ IEEE‬خرجو واحد لي نوغم لي غايمشيو عليه كاع الشركات لي فالعالم باش‬
‫هادشي يولي يتكومينيكا مع بعضو‪ ..‬هاد النظام لي مشاو عليه تسمى بالـ ‪OSI Layers‬‬

‫ولي كيمثل سبعة المراحل كدوز منها البيانات من جهاز المرسل لجهاز المستقبل‪ ،‬وكذلك ملي‬
‫كتوصل على عند المستقبل كيعاود يقراها بالعكس‪.‬‬

‫وغانتعرفو عليهم وحدة بوحدة فهاذ الشرح ان شاء اهلل ‪.‬‬

‫نبداو بالطبقة السابعة (على حسب الجهاز لي غايصيفط دبا)‬

‫هاد الطبقة السابعة كتسمى ‪:‬‬

‫‪Application Layer‬‬

‫وهاد المرحلة هي لي كيتعامل فيها المستخدم مع واجهة البرامج بحال المتصفحات والبرامج‬
‫والتطبيقات إلخ ‪..‬‬

‫مثال ‪:‬‬

‫أنا باغي ندخل للفايسبوك‪ ،‬أول حاجة كنفتح شي متصفح بحال ‪ Google Chrome‬مثال‪،‬‬
‫وغانمشي لالبار ديال ‪ url‬وغانكتب ‪ Facebook.com‬ونكليكي على ‪Entrer‬‬
‫هنا تلقائيا غايتحول هاذ الرابط وغادي يتزاد عليه واحد البروتوكول فاألول ديالو وغايولي على‬
‫هاذ الشكل ‪:‬‬

‫‪https://facebook.com‬‬

‫هذا هو بالضبط الدور ديال هاذ الطبقة السابعة‪ ،‬كتحدد لينا البروتوكول لي غايناسب العملية‬
‫لي غانديرو‪ .‬فهاذ الحالة بغينا نتصفحو موقع فراه خدم لينا البروتوكول ديال ‪https‬‬

‫إذا بغينا نطيليشارجيو شي حاجة من األنترنت‪ ،‬فراه غايخدم بروتوكول ‪ftp‬‬

‫إذا بغينا نصيفطو شي إيمايل فراه غايخدم بروتوكول ‪SMTP‬‬

‫وهكذا كيبقى خدام‪ ،‬وهذا هو دور الطبقة السابعة باختصار ‪.‬‬

‫وهاذو بعض البروتوكوالت لي كتخدم فهاد الطبقة هي ‪:‬‬

‫‪Http - ftp - tftp - dns - snmp - smtp - telnet..‬‬

‫وكتجي من بعد الطبقة السادسة لي كتسمى‪:‬‬

‫‪Presentation Layer‬‬

‫هاد المرحلة هي لي كتعامل مع الفورمة ديال المعلومة لي غانصيفطو وال لي غانستقبلو‪..‬‬

‫كل معلومة عندها واحد الفورمة خاصة بها مثال التصاور كنلقاوهم بامتداد ‪ png l‬أو ‪ jpg‬مثال‪..‬‬
‫والموسيقى بامتداد ‪ mp3 ..‬وفهاد المرحلة كل حاجة كتاخذ الفورمة ديالها‪ ..‬وكتضغط الى‬
‫كانت غاتصيفط وال كتديكومبريصا الى كانت غاتجي‪ ..‬وأيضا كيتم التشفير ديالها الى كانت‬
‫غاتمشي والعكس أيضا الى كانت غاتجي‪.‬‬

‫وخلينا نفصلو شويا فهاذ الطبقة باش نفهموها أكثر‪ ،‬فرضا أنا صيفطت شي ايمايل لشي‬
‫شخص آخر‪ ،‬فالطبقة السابعة غايكون تحدد البروتوكول لي هو ‪ SMTP‬وهز ديك الـ ‪ Data‬لي‬
‫صيفطت فالمايل وعطاها للطبقة السادسة لي غادية تبدا تشرح دبا فهاذ الـ‪Data.‬‬

‫أوال‪ :‬كتشدها بعدا كتحدد النوع ديالها واش ‪ zip, png, word, pdf‬وكتحتافظ بالفورمة ديالها‬
‫باش توصلها للمستقبل كيف ما هي ‪.‬‬

‫ثانيا‪ :‬كتاخذ ديك الـ ‪ Data‬لي فاألصل كتكون عبارة عن ‪ Human language‬وكتحولها للغة‬
‫ديال الحاسوب ولي هي الـ ‪ Binary.‬هاذ العملية كتسمى بالـ ‪Translation.‬‬

‫ثالثا‪ :‬من بعد ماكتحول الـ ‪ Data‬للـ ‪ Binary,‬كتكومبريصيها مزيان باش يقالل الحجم ديالها‪.‬‬
‫وكتسمى هاذ المرحلة بالـ ‪ Compression.‬وهاذشي لي كنالحظوه فواتساب مثال‪ ،‬ملي‬
 ‫كتصيفط شي تصويرة كتبان لك الكاليطي ديالها نقصات‪ ،‬ألن الطبقة السادسة هي لي‬
‫كومبريصاتها باش تنقص من حجمها‪ .‬والهدف من هاذ الضغط هو إرسال البيانات بسرعة ‪.‬‬

‫رابعا‪ :‬من بعد ما كتضغظ هاذيك المعلومة‪ ،‬كتدوز للمرحلة ديال الـ ‪ Encryption,‬والمقصود‬
‫هو كيتم تشفيرها بخواريزميات معينة‪ .‬باش ملي كتكون غادية فاألنترنت مايقدرش يتعرض‬
‫ليها شي واحد ويعرف شنو المحتوى ديال ديك الـ ‪Data.‬‬

‫إذن هاذ الطبقة الخدمة ديالها هي تحدد نوع المعلومة‪ ،‬تحولها للغة دالحاسوب‪ ،‬تضغطها‪،‬‬
‫وتقوم بتشفيرها ‪.‬‬

‫وبعض البروتوكوالت لي كتخدم فهاد الطبقة هي ‪:‬‬

‫‪JPEG - BMP - TIFF - MPEG - WMV - AVI/ASCII - EBCDIC...‬‬

‫من بعد كنوصلو للطبقة الخامسة ولي كتسمى ‪:‬‬

‫‪Session Layer‬‬

‫هاد المرحلة هي المسؤوولة على تحديد نوع االتصال ولي كنسميوه بالـ ‪Transmission‬‬
‫‪Mode.‬واش غايكون اتصال أحادي ‪ Simplex Mode‬يعني غا إرسال فقط‪ ،‬بحال التلفازة مثال‬
‫هي كترسل لك الصورة ولكن نتا ماكتجاوبهاش‪.‬‬

‫أو اإلرسال واالستقبال ‪ Half-duplex Mode‬يعني نصف إتصال بمعنى كاين اإلتصال لكن‬
‫ماشي فنفس الوقت‪ ،‬بحال الطولكي وولكي ديال البوليس‪ .‬كيهضر االول وكيعطي االشارة‬
‫باش الخور يهضر‪.‬‬

‫أو االرسال واالستقبال ‪ Full-Duplex Mode‬وهذا إتصال كيكون كامل وفنفس الوقت بحال‬
‫الطيلي مثال‪ .‬كتهضر نتا وشخص آخر فنفس الوقت ‪.‬‬

‫أيضا كتتستخدم ما يسمى بالـ ‪ Authentication‬ولي هي التأكد من أنك الشخص المناسب‬

‫لي عندو الحق يفتح هاذ الجلسة‪ ،‬بحال ملي كتبغي تدخل للفايسبوك مثال أول مرة‪ .‬كيطلب‬
‫منك اإليمايل والمودباص كتدخلهم هاذي هي العملية لي كتسمى بالـ ‪Authentication.‬‬

‫وملي كدخل االيمايل والباسوورد‪ ،‬كتدوز لمرحلة أخرى إسمها ‪ Authorization‬لي فيها‬
‫كتمشي المعلومات لي دخلتي للسيرفر ديال فايسبوك‪ ،‬وكيتأكد أنك داخل عندو فالـ ‪Data‬‬
‫‪Base‬إذا لقاك كاين راه كيعطيك الـ ‪ Authorization‬باش دوز‪ .‬إذا ماكنتيش ماغايخليكش‬
‫تدخل وغايطلع ليك بلي االيمايل وال المودباص خاطئين ‪.‬‬
 ‫وكاينة مرحلة أخرى كديرها هاذ الطبقة السادسة ولي كتسمى بالـ ‪Session Management‬‬
‫ولي كيتدارو فيها بزااف ديال الحوايج فالكواليس‪ ،‬منها مثال ملي كتكون داخل للفايسبوك‬
‫وكتخرج وتسد االنترنت‪ ،‬وتعاود تدخل للفايسبوك مرة أخرى ونتا ساد االنترنت‪ ،‬فراك كتلقى‬
‫بلي داكشي لي كنتي داخل ليه قبل ماتسد االنترنت‪ ،‬باقي طالع عندك حيت كيحتافظ بالداتا‬
‫ديالك وكيدير ليها ‪ Restore‬ملي كتعاود ترجع تدخل ‪.‬‬

‫إذن هاذ الطبقة كدير أربعة مراحل ولي هي تحديد نوع اإلتصال‪ ،‬المصادقة‪ ،‬التفويض‪ ،‬واإلدارة‬
‫ديال الجلسات ‪.‬‬

‫وبعض البروتوكوالت لي كتخدم فهاد الطبقة هي ‪:‬‬

‫‪NFS - NETBIOS NAME - SQL - RPC...‬‬

‫هنا غانكونو تعرفنا على ‪ 3‬الطبقات األولى ولي كتدخل فالـ ‪Software Layers‬‬

‫من بعد كتجي المرحلة الرابعة ولي كتسمى ‪:‬‬

‫‪Transport Layer‬‬

‫هاد الطبقة الدور ديالها مهم جدا‪ ،‬هو نقل البيانات‪ ،‬ولكن قبل أجي نشوفو كيفاش كيتم‬
‫هاذشي ‪.‬‬

‫كتاخذ الداتا من عند الطبقة الخامسة وكتحول لينا دوك البيانات لـ ‪ Segments‬كتقطعهم‬
‫طراف طراف‪ .‬وكتسمى هاذ العملية بالـ ‪ Segmentation.‬والهدف هو نقل البيانات بسهولة‬
‫وبدون أخطاء‪ ،‬وهاذشي لي كنالحظوه ملي كنكونو كنطيليشارجيو شي ‪ File‬كبير مثال‪،‬‬
‫وكيتقطع الـ ‪ Telechargement‬فراه غير كنكليو على ‪ Resume‬كيكمل من البالصة لي تقطع‬
‫فيها وماكيعاودش من األول‪ .‬ألن الداتا كتكون مقطعة طراف ‪.‬‬

‫حاجة أخرى يقوم بهاذ الـ ‪ Layer‬ولي كتسمى بالـ ‪ Flow Control‬والمقصود بها هو التحكم‬
‫فسرعة نقل البيانات‪ .‬مثال باغي نصيفط داتا من الحاسوب للهاتف‪ ،‬الحاسوب غايكون كيدعم‬
‫‪ M/s 100‬والهاتف غايكون كيدعم ‪ M/s 10‬إذن إذا جيت نصيفط ليه بسرعة ‪ 100‬ماغايقدرش‬
‫يتحمل ديك السرعة‪ ،‬لهذا هاذ المرحلة كتوازن ديما بين الجهاز المرسل والمستقبل على حسب‬
‫القدرة ديال كل واحد فيهم ‪.‬‬

‫والمرحلة الثالثة لي كيدير هاذ الـ ‪ Layer‬كيحدد البروتوكول لي غايتم االستخدام ديالو فهاد‬
‫العملية ديال النقل‪ .‬وكاينين جوج بروتوكوالت لي هما ‪ TCP‬و ‪UDP‬‬
 ‫‪TCP:‬‬

‫ملي كيصيفط كيخاصو يتأكد واش داكشي وصل وال ال‪ .‬غير هو ثقيل فاإلرسال‪.‬‬

‫‪UDP:‬‬

‫غا كيصيفط فيد اهلل داكشي كيف يوصل كيف ماوصلش‪ .‬ولكن خفيف فاإلرسال ‪.‬‬

‫ملي كتوجد ديك الـ ‪Segments‬كتوصل للمرحلة ديال اإلرسال‪ ،‬إذا كان خدام البروتوكول ديال‬
‫‪TCP‬فراه كيبقى يصيفط بالـ ‪ Segment‬ويتسنى الرد بلي راه وصالت فعال‪ ،‬عاد كيعاود‬
‫يصيفط الـ ‪ Segment‬الثانية ويتأكد بلي وصالت‪ ،‬وهكذا حتى كيكملهم كاملين ‪.‬‬

‫أما إذا كان خدام البروتوكول ديال ‪ UDP‬فراه كيجي كيبدا يهز فدوك الـ ‪ Segments‬وحدة مور‬
‫األخرى وغاكيصيفط بالما يتأكد واش وصالت وال ال ‪.‬‬

‫ربما اتشوف هاذشي اتقول عالش غانخدمو هاذ ‪ UDP‬راه ما صالحش لينا !‬

‫الـ ‪ UDP‬عندو الدور ديالو لي كيخدم فيه حتى هو ‪.‬‬

‫مثال ‪:‬‬

‫أنا غانصيفط داك المايل‪ ،‬من بعد ما داز على هاذ المراحل كاملة‪ ،‬فراه غايستعمل دبا بروتوكول‬
‫‪TCP‬مباشرة‪ ،‬والسبب أنه داك المايل خاصو يوصل كيف ما هو وماكتهمناش السرعة لي غا‬
‫يوصل بها‪ ،‬لمهم يوصل بجميع تفاصيلو لي صيفطتها فيه ‪.‬‬

‫أما ال كنت كنهضر مع شي شخص عن طريق أبيل فيديو فراه خاص الصوت يوصلو بأسرع ما‬
‫يمكن‪ ،‬وهنــا فين كيخدم الـ ‪ UDP‬ولكن اذا قلت شي كلمة ووقع فيها شي خطأ وما وصالتش‬
‫لداك الشخص فراه غايقولي ااا عاود شنو قلتي راني ماسمعتكش‪ .‬بمعنى الكلمة لي ضاعت‬
‫وسط اإلرسال ماكتبقاش تعاود تصيفط مرة أخرى‪ .‬عكس الـ ‪ TCP‬اذا ضاعت شي حاجة‬
‫وماوصالتش كيعاود يصيفطها مرة أخرى حتى يتأكد أنها وصالت ‪.‬‬

‫الـ ‪ UDP‬كيتستخدم فالمكالمات سواء الصوتية أو المرئية‪ ،‬وكيتستخدم فألعاب الفيديو‬

‫واألفالم ‪.‬‬

‫الـ ‪ TCP‬كيتستخدم فنقل البيانات األخرى ‪.‬‬

‫ولكن واش حنى لي كنحددو باش غانخدمو ؟ طبعا ال‪ ،‬الطبقة الرابعة ديال ‪ Transport‬هي لي‬
‫كتحكم فهاذشي بشكل تلقائي‪ ،‬بال حتى مانكونو عارفين حنى اش واقع ‪.‬‬

‫البروتوكالت لي كتخدم فهاد الطبقة هي ‪:‬‬

‫‪UDP - TCP‬‬
 ‫وكتجي من بعد الطبقة الثالثة ولي كتسمى ‪:‬‬

‫‪Network Layer‬‬

‫هاذ الطبقة كتخدم على ‪ 2‬مراحل ‪.‬‬

‫المرحلة األولى لي كتسمى الـ ‪Logical Addressing :‬‬

‫باش نصيفط داك المايل للشخص اآلخر خاصني نكون عارف العنوان ديالو ولي فهاذ الحالة‬
‫كيكون اسموا عنوان ‪ IP‬وأنا أيضا خاص يكون عندي عنوان ‪ IP‬باش غايقدر يعرفني الشخص‬
‫اآلخر‪ .‬هاد المرحلة كتعطي الـ ‪ IP Adresss‬لدوك البيانات لي باغيين نصيفطوهم‪ ،‬من بعد‬
‫ماكتاخذ ‪ Segments‬من عند طبقة الـ ‪ Transport‬كتزيد عليهم الـ ‪ IP Adress‬ديال المرسل‬
‫والمستقبل ولي فهاذ اللحظة كتحول ديك الـ ‪ Segments‬وكتولي عبارة عن ‪Packet‬‬

‫يعني اآلن الـ ‪ Packet‬مكونة من ‪:‬‬

‫‪Segments + IP Adress Sender + IP Adress Receiver.‬‬

‫المرحلة الثانية كتسمى بالـ ‪Routing:‬‬

‫هاذ المرحلة كتحدد المسار لي غاتمشي منو هاد الـ ‪ Packet‬وهاد العملية كتسمى التوجيه‬
‫بالفرونسي ‪ Routage‬باالنجليزية ‪ Routing ..‬وفهاد الروتينج كتستاعن بالبروتوكول لي غايتم‬
‫استخدامو واش ‪ ospf‬وال ‪ rip‬وال ‪eigrp...‬‬

‫يعني هاذ الطبقة كدير لينا ‪ 2‬حوايج مهمين لي هما تحديد عنوانين ‪ IP‬واختيار المسار‬
‫المناسب عن طريق بروتوكوالت التوجيه ‪.‬‬

‫األجهزة لي كتخدم فهاذ الطبقة هي فقط أجهزة الـ ‪ Routers‬ومايمكنش شي جهاز آخر يخدم‬
‫فهاذ المرحلة ‪.‬‬

‫البروتوكوالت لي كتخدم فهاد الطبقة هي ‪:‬‬

‫‪IP -IPX - RIP - EIGRP - OSPF ...‬‬

 ‫وكتجي من بعد الطبقة الثانية ولي كتسمى ‪:‬‬

‫‪Data Link Layer‬‬

‫فالطبقة لي فاتت عرفنا بلي الـ ‪ Packet‬كتكون من ‪:‬‬

‫‪Segments + IP Adress Sender + IP Adress Receiver.‬‬

‫فهاذ الطبقة ديال الـ ‪ Data Link‬كاين نوع آخر ديال الـ ‪ Adress‬ولي كيتسمى بالـ ‪MAC‬‬
‫‪Adress‬‬

‫ولي هي عبارة عن عنوان ديال ‪ Network Card‬ديال كل جهاز‪ ،‬أي جهاز فالعالم عندو هاذ‬
‫العنوان ديال ‪ MAC‬وماكاينش شي ‪ 2‬أجهزة عندهم نفس العنوان‪ .‬بحال شكل ‪ ADN‬ديال‬
‫اإلنسان ماغاتلقاهش معاود ‪ 2‬مرات‪ .‬كذلك نفس الشيء مع ‪MAC Adress.‬‬

‫وفهاد المرحلة ملي كتوصلنا الـ ‪Packet‬‬

‫كيتزاد عليها الـ ‪ MAC Adress‬ديال المرسل والمستقبل وكتولي على هاذ الشكل ‪:‬‬

‫‪MAC Adress Sender + MAC Adress Receiver + IP Adress Sender + IP Adress Receiver +‬‬
‫‪Segments + Trailer‬‬

‫وهنا كتولي سميتها الـ ‪ Frame‬ولي كتولي مكونة من الـ ‪ Header‬لي كيكون مجموع فيه‬

‫‪MAC Adress SendeR+ MAC Adress Receiver + IP Adress Sender + IP Adress Receiver‬‬

‫والـ ‪ Trailer‬لي زدنا فاألخير هو واحد القسم ديال تصحيح األخطاء ‪.‬‬

‫فاللحظة لي كيكون كيتم فيها نقل البيانات يقدرو يتعرضو لشي خطأ فالنقل بسبب شي‬
‫عوامل خارجية أخرى‪ .‬هاذ الـ ‪ Trailer‬الدور ديالو هو يصحح األخطاء وأي مشكلة وقعات‬
‫كيحلها ويعاود يصيفط البيانات حتى يوصلو‪ .‬وهاذ المرحلة كااملة لي دوزنا كتسمى بالـ‬
‫‪Encapsulation‬‬

‫معلومة مهمة جدا‪ :‬األجهزة المسؤولة لي كتخدم فهاذ الطبقة هي أجهزة الـ ‪Switch‬‬

‫مالحظة مهمة جدا‪ :‬كاين أجهزة الـ ‪ Router‬لي كيكون مدمج فيها‪ ، Switch‬بحال الراوترات لي‬
‫عندنا فديورنا ‪.‬‬
‫الخدمة ديال هاذ الطبقة مزال ما ساالتش فهي كتخلي الطبقة لي قبل منها ولي هي طبقة‬
‫الـ ‪ Network‬أنها تعرف نوع الـ ‪ Media‬لي غايتم فيها نقل البيانات‪ ،‬الـ ‪ Media‬مقصود بها هنا‬
‫الـ ‪ Transmission Media,‬بمعنى الطريقة لي غايتم بها النقل واش عن طريق موجات‬
‫الوايفاي وال الكايبل ‪Ethernet‬‬

‫مثال للتوضيح أكثر ‪:‬‬

‫تخيل عندنا 🖥 ‪ Desktop computer‬فواحد الشبكة خاصة بيه‪ ،‬ومربوط مع ‪ Router 1‬بكابل‬
‫‪Ethernet‬‬

‫وعندنا فالجهة األخرى 💻 ‪ Laptop‬لي حتى هو فشبكة خاصة بيه وبعيد على اآلخر‪ ،‬وحتى‬
‫هو مربوط مع ‪ Router 2‬ولكن عن طريق الـ ‪WI-FI‬‬

‫وهاذ ‪ Router1‬و ‪ Router2‬بيناتهم اتصال من نوع ‪Wireless.‬‬

‫ركز معايا شنو غايوقع دبا ملي الـ 🖥 ‪ Desktop computer‬غايبغي يرسل واحد الـ ‪ Data‬للـ‬
‫💻 ‪Laptop‬‬

‫من بعد ماغايدوز من جميع المراحل طبعا غايوصل للـ ‪ Data Link‬وهنا غايكريي دوك لي‬
‫زادريس كاملين ديال المرسل والمستقبل وهنا فآخر حاجة غايدير ملي غايسالي توجاد الـ‬
‫‪Frame‬غايكون الشكل النهائي ديالها هو ‪ Ethernet Frame‬عالش ؟‬

‫ألن البيسي مكونيكطي بكابل ‪ Ethernet‬مع الـ ‪Router1.‬‬

‫غادية تمشي ديك الـ ‪ Frame‬عند الـ ‪ Router1‬وغايشدها ويقراها غايدير ليها ‪Decapsulation‬‬
‫باش يقرا غير الـ ‪ Packet‬حيت كيف قلنا قبل‪ ،‬الـ ‪ Packet‬جهاز واحد فقط لي كيكون مسؤول‬
‫عليها هو الراوتر‪ .‬وخاصو دبا يصيفطها للراوتر لي مكونيطكي معاه لي هو ‪ Router2‬هنا‬
‫غايعاود يشد ديك الـ ‪ Packet‬ويغلفها مرة أخرى ويعطيها ‪ Frame‬جديدة لي غاتكون‬
‫كتسيبورطي نوع اإلتصال لي بينو وبين الـ ‪Router2.‬‬

‫اذن غاتولي الـ ‪ Frame‬عبارة عن ‪ Wireless Frame‬عالش؟‬

‫ألن نوع اإلتصال بين الـ ‪ Router1‬و ‪ Router2‬هو نوع ‪Wireless‬‬

‫من بعد ماغاتوصل الـ ‪ Packet‬عند الـ ‪ Router2‬غايدير ليها ‪ Decapsulation‬عوتاني وغايعاود‬
‫يغلفها بنوع اإلتصال لي بينو وبين الـ 💻 ‪ Laptop‬ولي هو من نوع ‪ WI-FI‬وغاتولي عوتاني‬
‫عبارة عن ‪Wireless Frame‬‬
‫وديك الساعة راه الـ 💻 ‪ Laptop‬غادي يبقى يقرا جميع الطبقات بالعكس حتى يوصل للطبقة‬
‫السابعة لي هي ‪ Application‬وغادي يلقى داكشي لي تصيفط ليه من طرف الـ ‪Desktop‬‬
‫🖥 ‪computer‬‬

‫من هاذشي كامل نستنتج أنه الطبقة ديال الـ ‪ Data Link‬كتقدر تصاوب ما يسمى بالـ‬
‫‪Framing‬لي من خاللو كتقدر تزيد الـ ‪ Header‬لي كيكون مكون من‪:‬‬

‫‪MAC Adress Sender + MAC Adress Receiver + IP Adress Sender + IP Adress Receiver‬‬

‫وكتزيد أيضاً الـ ‪ Trailer‬لي كيكون مسؤول على نوع الـ ‪ Transmission Media‬ولي من خاللها‬
‫نيت يقدر يعطي ‪ Access‬للطبقة لي قبل منو ولي هي ‪ Network‬باش تاهي تعرف نوع الـ‬
‫‪Transmission Media‬المستعمل في النقل ‪.‬‬

‫حاجة أخرى مهمة جدا كديرها طبقة ‪ Data Link‬ولي هي ‪Error Detection and Correction‬‬

‫بمعنى كتكتاشف األخطاء وكتصححهم ‪.‬‬

‫كيف قلنا قبل البيانات خالل نقلها تقدر تتعرض لعوامل خارجية تأثر عليها‪ ..‬بحال مثال شي‬
‫مجال مغناطيسي يكون قريب من األسالك لي كتنقل فيهم الداتا‪ .‬فراه غا يأثر عليهم‬
‫وماغاتنقلش بشكل كامل ‪.‬‬

‫وهذا هو الدور ديال هاذ المرحلة ديال اكتشاف وتصحيح األخطاء‪ .‬لي كيتستخدم فيهم بعض‬
‫التقنيات من أجل اكتشاف األخطاء‪ .‬وهاذ التقنيات هما ‪:‬‬

‫‪Partity Checking.‬‬

‫‪CheckSum.‬‬

‫‪CRC‬‬

‫هاذو خاصهم شرح خاص باش نقدرو نفهووهم أكثر‪ .‬حتى لمن بعد وندير شرح عليهم ‪.‬‬

‫آخر حاجة ممكن نقولو على ‪ Data Link‬هي أنه كيستخدم بروتوكول إسمو ‪ CSMA‬هاذ‬
‫البروتوكول الدور ديالو هو كيراقب حركة مرور البيانات فاألسالك ديال ‪ Ethernet‬والموجات‬
‫ديال ‪Wi-Fi‬‬
 ‫‪CSMA / CA :‬‬

‫كتخدم مع الـ ‪Wi-Fi‬‬

‫‪CSMA / CD :‬‬

‫كتخدم مع ‪Ethernet‬‬

‫مثال للتوضيح ‪:‬‬

‫عندنا راوتر مربوطين معاه ‪ 3‬ديال أجهزة الحواسيب‪ .‬كلهم غا يصيفطو بيانات للراوتر دقة‬
‫وحدة‪ .‬إذا غايوقع لينا تصادم فالبيانات أو ما يسمى بالـ ‪ Collision‬هنا كيجي الدور ديال‬
‫‪CSMA‬كيبقى يتصنت على شنو هي القناة لي خاوية ومافيها حتى إرسال عاد كيصيفط‬
‫فيها‪ .‬طبعا الحواسيب غايصيفطو دقة وحدة ولكن داكشي كيتقسم لمدة زمنية معينة لكل‬
‫واحد‪ .‬لذلك غايصيفط األول حتى تخوا الـ ‪ Media‬ويعاود يصيفط الثاني حتى تخوا‪ .‬ويعاود‬
‫يصيفط الثالث‪ .‬وهاذشي كامل كيتحكم فيه البروتوكول ديال ‪CSMA‬‬

‫وهاكا غانكونو سالينا مع الوظائف ديال هاذ الطبقة العجيبة والغربية ‪.‬‬

‫بعض البروتوكوالت لي كتخدم فهاذ الطبقة ‪:‬‬

‫‪LAN: llc - Ethernet - token ring - wireless‬‬

‫‪WAN: ppp - frame relay - ATM - ISDN - hdlc‬‬

‫وأخيرا كتوصل الطبقة األخيرة ولي كتسمى ‪:‬‬

‫‪Physical Layer‬‬

‫وهاد المرحلة كيتم فيها تحويل ديك الـ ‪ Frame‬إلى ‪ Bits‬لي هي الـ ‪ 1‬و ‪ 0‬لغة الحاسوب ‪.‬‬

‫من بعد هاذ الطبقة ديال الـ ‪ Physical‬كتشد دوك البيتات وكتحولهم على شكل ‪ Signals‬باش‬
‫يقدرو يتقراو فالـ ‪ Media‬لي غاتكون مسؤولة على النقل ديال البيانات‪ .‬حيت نورمال ماكاينش‬
‫شي كابل غايعرف شنو هي ‪ 1‬و ‪ 0‬الكابالت كيعرفو فقط اإلشارات ‪..‬‬

‫يا إما غاتكون إشارات كهربائية في حالة كان عندنا كابل ديال النحاس )‪ (Adsl‬أو إلشارات ضوئية‬
‫في حالة كان عندنا كابل ديال ‪ Fibre Optic‬أو غا تحول إلشارات ‪ Radio‬في حالة كان عندنا‬
‫النقل عن طريق الـ ‪Wireless‬‬
 ‫بعض البروتوكوالت لي كتخدم فهاد الطبقة هي ‪:‬‬

‫‪Fiber - COAX‬‬

‫إلى هنا غانكونو سالينا الشرح ديال هاذ الدرس الممتع‪.‬‬

‫***************************************************************************‬

‫طبعا إذا كنتي أول مرة غاتشوف هاذشي وتتكاشفوا‪ ،‬فراه خاصك تعاود تقراه مرات أخرى‬
‫بتأني باش تقدر تستوعب كمية المعلومات لي فيه وتترسخ في دماغك‪.‬‬

‫وآخر حاجة ممكن نقولوها‪ ،‬سبحان اهلل‪ ،‬والحمدهلل على نعمة العلم‪ .‬وهذه صدقة جارية‬
‫خالصة لوجه اهلل ال أريد منها أي مقابل‪ .‬نسأل اهلل أن يتقبلها مني ويجعلها في ميزان حسناتي‬
‫أنا وكل من قام بمشاركتها مع إخواننا الذين يدرسون مجال الشبكات لإلستفادة منها ونشر‬
‫وتيسيير العلم‪.‬‬

‫وال تنسوا أخوكم من الدعاء‪ .‬وشكرا لكم على حسن القراءة‪.‬‬