Ako diay si Merlina V. Abadiez , Nag-edad ug 49 anyos , natawo ko sa Brgy.

Ma-asin,
Hindang Leyte ug nagpuyo ko karon sa Pob.II, Hindang Leyte.Akong bana si Jaime D. Abadiez
nag-edad ug 49 anyos, natawo ug nagpuyo karun sa Pob.II, Hindang Leyte.Ang panginabuhi o
trabaho sa akong bana usa ka ’’Potpot Driver’’ ug ako usab usa ka ‘’housewife’’. Ang kita sa
akung bana igo ra ug usahay kuwang sa pang adlaw-adlaw namong gasto o gikinahanglan mao
nag usahay ako maninda ug sud-an o mga isnack para idungag sa among mga gikinahanglan.
Aduna kami duha ka anak, Usa ka lalaki ug usa ka babae . Ang lalaki nag edad ug 15
anyos ug ang akong babae nag-edad ug 13 anyos. Nag sugod sila ug elementarya sa Hindang
Central School (HCS) ug nag-padayon karun sa ilang High School sa Bontoc National High
School (BNHS).Nahuman nila ang SY.2022-2023 ug sa umaaabot nga school year ang akung
lalaki mo 4th year high school o Grade 10 ug ang babae naku nga anak mo 2nd year high school o
grade 8.Nahuman sa akong mga anak ang SY.2022-2023 nga maayu ang grado ang lalaki
nakakuha ug with high honors ug ang babae nakakuha ug with honors mao nang nalipay kayo ko
sa akong mga anak nga taliwala sa kalisod sila naningkamot para sa ilang kaugmaon.
Ang akong tibuok pamilya nag-puyo karun sa f.Romano st. ,Pob II, Hindang Leyte apan
ang balay nga among gipuy-an karun dili kami ang nanag-iya apan ang igsoon sa ahong bana o
ang akong sister in law gipapuyo kami karun dri apan wala kami kaugalingong balay ug ang
balay nga among gipuy an karun wala usab nagamit mao tong kami ang gipapuyo aniang balaya.
Aduna akoy gihimo nga gamay nga garden para tanoman ug gulay para usab sa pang
adlaw-adlaw nga pagkaon diri ko usahay nagakuha ug gulay para sa among sud-an pananglitan
sa mga gulay kay paliya o bitter gourd , petchay ug upo .Dako ug tabang ang gardening labaw
na sa panahon nga wala .
Mao nang dako gayod nga kalipay nga naapil ang akong pamilya sa 4Ps o Pantawid
Pamilyang Pilipino Program .Dako gayud kinig tabang labaw na sa tabang pinansiyal nga among
madawat ug labaw na nga mamaayo ang panglawas o health sa akong tibuok pamilya ug ang
edukasyon sa akong mga anak.Gusto gayud nakung makahuman ang akong mga anak kay sa usa
ka Inahan o Amahan o Magulang kinsa may dili gusto makahuman ug eskwela ang ilang mga
anak? Wa. Mao nang nag pasalamat gayud ko labaw na sa makagagahom nga naapil na ang
akong pamilya sa sa 4Ps .