NO Bamwe banga kwihana kubwo kwanga guta icyubahiro
Abantu benshi bajya babaza iby'abo
KWIHANA
KUBABARIRWA
IBYAHA
ahirwa uwababariwe ibicumuro bye, Ibyaha bye
H bigatwikirwa. Hahirwa umuntu Uwiteka atabaraho
gukiranirwa, Umutima we ntubemo uburiganya.
Nakwemereye ibyaha byanjye, Sinatwikiriye
gukiranirwa kwanjye. Naravuze nti “Ndaturira Uwiteka
ibicumuro byanjye”, Nawe unkuraho urubanza rw'ibyaha
byanjye (Zaburi 32:1-2,5).
Isi yaremwe ari nziza itagira icyaha ariko yaje kuzaho
satani. Uwo niwe waje gushuka abakurambere bacu Adamu
na Eva, amateka y’uko icyaha cyaje mu isi turayazi neza.
Kubw’Adamu twabaye abanyabyaha kandi tuvuka turi
abanyabyaha. Kristo rero mu ishusho ya Adamu wa kabiri
yaje kudukiza ibyaha byose twakoze binyuze mu gitambo
yatambye rimwe gusa I Kaluvari ngo hanyuma umwizera
ahabwe ubugingo buhoraho, utamwizera acirweho iteka
(Yohana 3:16-18).
Ingingo yo kwihana ibyaha yagiye ipfukiranwa kenshi. Ibi
byatumye abakristo bakomeza kwizirika ku mihango,
imigenzo no kutagira ibyiringiro byo kuzasanganira Yesu.
Bamwe aho kureka ibyaha bakomeje gusayisha, ibyaha
bikagenda byiyongera umunsi ku wundi hanyuma Ubuntu
bwa Kristo bakabupfusha ubusa.
“Neretswe ko abantu benshi bafite ibitekerezo bijijwe
kubyerekeye guhinduka. Kenshi bagiye bumva amagambo
avugirwa ku ruhimbi ngo, “Mukwiriye kubyarwa ubwa
kabiri.” Cyangwa se ngo, “Mukwiriye kugira umutima
mushya.” Iyo mvugo nshoberamahanga yagiye ibabera
amayobera. Ntibashobora gusobanukirwa n’Inama
y’Agakiza. (Ivugabutumwa, P. 222.2)
Bamwe bashakiye amahoro mu gukora neza, gufasha
abakene, gutanga amafaranga menshi mu nsengero, kuba
muri korali, kubwiriza, n’indi mirimo ariko ijambo
ry’Imana riduhamiriza ko nta mahoro y’umunyabyaha.
Amahoro aboneka gusa muri Kristo Yesu (Yesaya 48:22;
57:21).
cyatugeza kuri Kristo?
cyabo, kwanga guca bugufi no kwanga guhomba iby’isi.
Uwiteka agashyirwa ku ruhande mu mitima kandi
bagakomeza kujya mu nsengero bakora imirimo yose
bigengesereye kandi imbere y’Imana bafite umwenda
w’ibyaha byabo. Bibiliya iduha ishusho nyayo yacu iti:
“Umutwe wose urarwaye, umutima wose urarabye,
uhereye mu bworo bw'ikirenge ukageza mu mutwe nta
hazima, ahubwo ni inguma n'imibyimba n'ibisebe
binuka, bitigeze gukandwa cyangwa gupfukwa, nta
n'ubwo byabobejwe n'amavuta. (Yesaya 1:5b, 6)”. Kuko
bose bakoze ibyaha, ntibashyikira ubwiza bw'Imana
(Abaroma 3:23), kuko ibihembo by'ibyaha ari urupfu,
ariko impano y'Imana ni ubugingo buhoraho muri Yesu
Kristo Umwami wacu (Abaroma 6:23). Niyo mpamvu
buri muntu wese ku isi asabwa kwita kuri iyi ngingo yo
Kwihana no Kubabarirwa ibyaha, kuko ntawe uzajyanwa
mu ijuru atarihanye kandi ngo ababarirwe.
Mbere yuko Yesu asezera ku bigishwa be, yabahaye
inshingano ikomeye, twese twahawe ati: Maze abungura
ubwenge ngo basobanukirwe n'Ibyanditswe, ati “Ni ko
byanditswe ko Kristo akwiriye kubabazwa no kuzuka ku
munsi wa gatatu, kandi ko kwihana no kubabarirwa
ibyaha bikwiriye kubwirwa amahanga yose mu izina rye,
bahereye kuri Yerusalemu. Ni mwe bagabo b'ibyo (Luka
24:45-48). Kuki iyi nshingano? Kuko twakoze ibyaha
twese!
Nituvuga yuko ari nta cyaha dufite tuba twishutse, ukuri
kuba kutari muri twe. Ariko nitwatura ibyaha byacu, ni
yo yo kwizerwa kandi ikiranukira kutubabarira ibyaha
byacu no kutwezaho gukiranirwa kose. Nituvuga yuko ari
nta cyaha twakoze tuba tuyise umunyabinyoma, kandi
n'ijambo ryayo ntiriba riri muri twe (1Yohana 1:8-10).
Uko byagenda kose amategeko y’Imana uyigereranijeho
ahita agushinja ko uri umunyabyaha. Nyuma yo
guhishurirwa ko uri umunyabyaha, ukwiriye gutera
intambwe usanga Yesu we ubabarira ibyaha by’abari mu Isi
(Matayo 1:21).
KWIHANA NO KWATURA
“Mbese umuntu yatsindishirizwa n'Imana ate?
Umunyabyaha yahinduka umukiranutsi ate? Kristo ni we
gusa ubasha kutwuzuza n’Imana, ngo twere. Ariko se, n'iki
ku munsi wa Pentekote babajije, ubwo bemezwag'ibyaha
byabo, bakarangurura bati: “Tugire dute?” Ijambo rya
mbere Petero yabashubije n'iri ngo: “Nimwihane.”
lbyakozwe 2:38. Bidatinze yongera kubabwir'ati:
“Nimwihane, muhindukire, ibyaha byanyu bihanagurwe.”
(Ibyakozwe n’intumwa 3:19).
Kwihana, rero, n'ukubabazwa n'ibyaha, no kubicikaho.
Ariko nta warek' ibyaha atiyumvisemo ububi bwabyo.
Kubicikaho bya nikize ntibyatuma duhinduka
by’ukuri” (Kugana Yesu P.10).
Uhisha ibicumuro bye ntazagubwa neza, ariko ubyatura
akabireka azababarirwa (Imigani 28:13). Igihe
umunyabyaha amaze kubwira Imana ibyaha yakoze byose
hiyongeraho kwaturira bagenzi be ibyo yabacumuyeho
ndetse agasana ibyo yangije.
Umunyabyaha nagarura ibyo yahawe ho ingwate,
akagarura ibyo yibye, akagendera mu mategeko ahesha
ubugingo ntakore ibibi, kubaho azabaho ntabwo azapfa
(Ezekiel 33:15).
“Abantu benshi ni abatekereza ko kwatura ibyaha
bizabatesha icyubahiro cyabo kandi bikabatesha agaciro
muri bagenzi babo. Ntacyo kwatura ibyaha byawe
bizagabanya ku cyubahiro cyawe. Ikuremo icyo cyubahiro
gipfuye. Gwira Rutare maze umeneke, nibwo Kristo
azaguha icyubahiro cy’ukuri kandi cy’Ijuru…. Ibyaha
byinshi bitaturwa ngo birekwe, bizabera inzitizi
umunyabyaha ku munsi wa nyuma w’urubanza. Byaba
byiza guhangana n’ibyaha byawe uyu munsi, ukabyatura
kandi ukabireka muri iki gihe igitambo gikuraho ibyaha
kikikuvuganira.” (Ubutumwa Bwatoranijwe, Vol 1, P.
257, 258.).
“Ibyaha byanyu mubibwir'lmana: ni yo yonyin'ibasha
kubababarira; kand'ibicumuro mwagiriranye
mubibwirane. Niba waracumuye kuri mugenzi wawe,
cyangwa ku muturanyi, ukwiriye kwemer'igicumuro
cyawe, kandi naw'akwiriye kukubabarira ataziganije.”
(Kugana Yesu, P. 28).
“Kwatura k’ukuri kuraromboreza, kukemera ibyaha nk’uko
biri, ntigukikira. Hari ibyaha byabwirwa Imana gusa;
hariho n’ibindi bikwiriye kubwirwa ababigiriwe. Niba ari
ibyaha byakorewe kumugaragaro, bikwiriye kuvugwa ku
mugaragaro. Nyamara, kwatura ibyaha kose gukwiriye
kwerura, ntigukikire, ikintu cyose kikavugwa nk’uko kiri,
icyaha cyose kikaturwa mu izina.” (Kugana Yesu, P. 29).
Dawidi amaze gukora icyaha kandi amaze kukimenyeshwa
yahise yikubita hasi arihana asaba Imana ati: Mana,
umbabarire ku bw'imbabazi zawe, Ku bw'imbabazi zawe
nyinshi usibanganye ibicumuro byanjye. Hisha amaso
yawe ibyaha byanjye, Usibanganye ibyo nakiraniwe
byose. Mana, undememo umutima wera, Unsubizemo
umutima ukomeye. Ntunte kure yo mu maso yawe,
Ntunkureho Umwuka wawe Wera. Unsubizemo
kunezezwa n'agakiza kawe, (Zaburi 51).
Dawidi ni urugero rwiza rw’uwihana. Nka we, Imana
yifuza ko tuyibwira ibyo twakoze byose tutitaye ku
cyubahiro dufite. Buri muntu wese akeneye kwitekerezaho
ashingiye ku byanditswe byera akareba inzira ze za kera
hanyuma agasaba Imana kumubashisha kwihana by’ukuri.
Mbega uburyo twononwe n’icyaha! Mbese
ntiwakwitegereza uko dukeneye cyane ukwihana? Njya
mbona abantu baturanye umwe abaho atavugisha undi, hari
n’abavuga ko babaroga, bigatuma bangana n’abantu kandi
ari abaturanyi ba bugufi cyane nyamara ugasanga bemeza
neza ko ari abizera bategereje kugaruka kwa Kristo bwa
Kabiri.
Hamwe na hamwe ubusambanyi bw’abakundana
batarashakana bwamaze kuba icyiza gikenewe! Kwica,
ubwibone, kwishyira hejuru n’ibindi byaha bikorwa
n’umutima wawe uzi abandi batamenya, Hari ababasha
kubwira bagenzi babo ngo ntacyo navugana nawe, undi ati:
usibe numero yanjye, Ikibabaje iyi myitwarire mibi
uyisanga mu ngeri zose z’abantu, mu nsengero, mu
bayobozi b’itorero, muri korali, mu bashakanye, mu
bavandimwe, … kugeza aho isano Imana yabahaye
bayitesha agaciro bagasigara barebana ay’ingwe.
Dukeneye kwihana no kwatura ibyaha mu izina rya Yesu.
KRISTO ASHAKA KO TUMUSANGA UKO TURI
“Bamwe bibwira ko bakwiye kubanza kugaragariza
Uwiteka ko bahindutse ngo babone gushyikira
umugisha wayo. Nyamara nta cyabuza kuwaka n’ubu
ngubu. Icyakora bagomba ubuntu bw’Imana
n’Umwuka wa Kristo byo kubatabara mu ntege nke
zabo. Bitabaye ibyo ntibabasha gutsinda ikibi. Yesu
akunda ko tumusanga, uko turi, turi abanyabyaha,
abanyantege nke, ari we dutezeho byose” (Kugana
Yesu, P. 42).
Yesu akunda ko tumusanga uko turi kose, kuko ari bwo
buryo bwonyine buriho twabasha kujya kuri we.
Ntashyiraho umubare ntarengwa w’inshuro
twamusanga zo kwemerwa bundi bushya. Ntadukundira
ko hari icyiza kiba muri twe, ahubwo adukunda kuko turi
abantu be yiremeye. Iyo rero tumaze kumenya ko
adukunda, kandi ko twemerwa na we ni bwo uburwayi
bwacu butangira gukira. Kwemera ko atwemera niho
byose byuzurizwa.
Iyo umunyabyaha yegereye umusaraba akicisha bugufi
imbere yawo, ahinduka icyaremwe gishya muri Kristo. Aba
atunganye. Imana ubwayo itsindishiriza uwizeye.
Umunyezaburi yakomeje kugaragaza ukwicisha bugufi
yihana agira ati:
Ni nde ubasha kwitegereza kujijwa kwe? Ntumbareho
ibyaha byanyihishe, Kandi ujye urinda umugaragu wawe
gukora ibyaha by'ibyitumano, Bye kuntwara uko ni ko
nzatungana rwose, Urubanza rw'igicumuro gikomeye
ntiruzantsinda. (Zaburi 19:13-14)
Ntiwibuke ibyaha byo mu busore bwanjye cyangwa
ibicumuro byanjye, Nk'uko imbabazi zawe ziri abe ari ko
unyibuka, Ku bwo kugira neza kwawe Uwiteka. Uwiteka
ku bw'izina ryawe, Mbabarira gukiranirwa kwanjye
kurakomeye. Reba umubabaro wanjye n'imiruho,
Unkureho ibyaha byanjye byose. (Zaburi 25:7, 11, 18).
Mbese Umuhanuzi Mika we ntiyagaragaje urugero rwo
kwihana muri iyi mvugo: “Wa mwanzi wanjye we, we
kunyishima hejuru ningwa nzabyuka, ninicara mu mwijima
Uwiteka azambera umucyo. Nzihanganira uburakari
bw'Uwiteka kuko namugomeye, kugeza ubwo azamburana
akantsindira. Azansohora anjyane mu mucyo, mbone
kureba gukiranuka kwe. Maze umwanzi wanjye azabirebe
amwarwe, uwambwiraga ati “Uwiteka Imana yawe iri he?”
Amaso yanjye azamureba, ubu azanyukanyukwa
nk'icyondo cyo mu nzira. Ni iyihe Mana ihwanye nawe
ibabarira gukiranirwa, ikirengagiza igicumuro cy'abasigaye
b'umwandu wayo? Ntihorana uburakari bwayo iteka, kuko
yishimira kugira imbabazi (Mika 7:7-10, 18).
Muvandimwe ncuti, Paulo avuga nawe iby’imbabazi
z’Imana mu 1 Timoteyo 1:12-15. Soma umurongo wose
uratangazwa n’uburyo Imana yacu ari nziza,
inyambabazi ndetse nawe yabikubera.
Bavandimwe dukeneye kwihana tumaramaje! Buri wese
asuzume imibereho ye arebe niba Yesu aje nonaha
yamujyana, imbabazi ziracyariho ariko zigiye kurangira,
zizarangira bitunguranye niyo mpamvu nta mwanya wo
guta twanga gusanga Yesu Kristo aho ari mu buturo bwera
bwo bwo mu ijuru. Ndagirango mbibutse ko Ubwo
imbabazi zizaba zirangiye, kwihana ntibizaba bigishoboka.
Mbese ko ibimenyetso bitwereka ko isi igeze ku musozo
wayo, wishingikirije kuki? Mbese ko ejo cyangwa ejobundi
wapfa, uzapfana iki? uramutse upfuye utihannye waba
wizize. Uyu munsi ntiwinangire umutima. Sanga Yesu uko
uri yiteguye kukwezaho gukiranirwa kwose, yiteguye
kukubabarira ibyaha. Naho byatukura tukutuku arabyeza
(Yesaya 1:18). Naho waba warasayishije agutegeye
ibiganza. Fata ingamba wowe ku giti cyawe wihane maze
wisunge Yesu. Wowe ihererane na Yesu niwe wacumuyeho,
pfukama umusabe imbabazi kandi wizere ko ubabariwe
kuko yarabisezeranye kandi umusabe ubutwari bwo
kwatura no kuri bagenzi bawe.
“Icyo nshaka kimwe ni uko wemera ibyaha byawe, ibyo
wacumuye ku Uwiteka Imana yawe…Ni ko Uwiteka
avuga.” (Yeremiya 3:13).
Mbese wakwemera irarika ry’Imana mbere yuko imbabazi
zirangira?
+250 784031303
+250 789745928
onlineamateraniro@gmail.com
+250 787017349
almosthomerw@gmail.com
www.almosthome.rw