Maraming karanasan kasama ang aking ina ang hindi ko
malilimutan 'pagkat ang lahat ng ito'y espesyal. Espesyal lagi
kahit anong ganap pa 'yan. Kahit saan. Kahit kailan. Basta't kasama siya. Ngunit syempre, may mga tagpo sa aking buhay na kasama ang aking ina na tumatatak hindi lamang sa aking utak o memorya kundi pati na rin sa aking puso. Isa sa mga ito ang makikita sa larawan na aking ipinakita. Ito ay nung ako ay nagtapos ng kinder. Kung hindi ako nagkakamali, kakauwi lang ni mama galing ibang bansa nung mga panahong ito (siya ay dating ofw) upang madaluhan ang okasyon kong ito. Makikita rin sa litrato na ako ay talagang bata pa kaya siguro ay wala na rin akong masyadong maalala sa mga nangyari nung araw na ito. Subalit alam ng aking puso na isa ito sa mga pinakaespesyal na pangyayari sa aking buhay sapagkat sa dinami-rami ng tagpong hindi ko malilimutan kasama si mama, ito ang napili kong ibahagi.
Karaniwang ipinapayo ng mga magulang ang "mag-aral ng
mabuti", "huwag sumama sa hindi kilala", "huwag sumabat sa usapan ng matatanda" at marami pang iba. Bata pa lamang ay ipinapayo na ito ng ating mga magulang upang mas maaga rin nating matutunan gawin ang mga ito. Kaya't ngayong ako'y nasa sapat na edad na, tila normal na gawain na ito para sa akin at naisasagawa ko sa pang-araw-araw na pangyayari sa aking buhay. Ngunit ang mga payo ni mama na "mag-ingat ka" o "ingatan mo ang sarili mo" ay may kakaiba nang impact para sa'kin ngayon. Lalo na sa panahon ngayon kung saan maraming sakuna ang nangyari sa paligid tulad ng biglaang pagkakaroon ng pandemya, ang sunod-sunod na pagpasok ng bagyo sa ating bansa nitong mga nagdaang taon, at ang naging maingay na usapin noon tungkol sa mga babae o maging sa mga lalaking nakikidnap gamit ang puting van kuno. Ang payo na ito ay tumatak sa aking isip sapagkat natutulungan ako nitong alagaan at mahalin ang aking sarili at napipigilang abusuhin ang sarili sa pamamagitan ng pagpupuyat at pagpapakapagod sa walang makabuluhang bagay. Mama Mama, salamat. Sa lahat. I'll always thank God for letting me have you. I'm not very open but I want you to know that you will always be my favorite person in the world and number one in my heart. Home is wherever you are, Mama. I'm proud to be your daughter. I won't make this long, I just want to thank you for all the love, patience, and understanding you gave me through the years. Love you, Ma. Mwaps ;>.