Pardabuhni jolma hu bani dousa

Narator : Dob ai ipungkah Naibata Jahowa ma sada pohon i Eden, marmasam-

masam hayu hun tanoh in. Sada bah tubuh i Eden laho mangarbahi pohon ai,
itompa Naibata ma langit-langit pakon tanoh, ampa binatang harangan.
Marsahap ma use Naibata, ‘’tompa hita ma use jolma songon rupan-Ta , pakon
songon parlahou-Ta.’’ Jadi itompa Naibata ma jolma in, dalahi pakon naboru,
itompa Naibata Jahowa humbani orbuk ni tanoh on ai ma dalahi.
Dob ai nini Naibata Jahowa ma, ‘’seng dear jolma in punjung, Hubaen ma bani
sada pangurupi, gabe parungguanni.’’
Ijadihon Naibata Jahowa ma sada naboru na humbani rusuk ni Adam.

Masuk Adam dan Hawa…(berjalan-jalan dan melihat sekitar)

Narator : Dob ai ititahkon Naibata Jahowa ma bani Adam pakon Hawa,
‘’manggompati anjaha lambin manggargar ma hanima, goki hanima ma tanoh
on anjaha patunduk ma in’’.
Ititahkon Naibata Jahowa do homa hu bani sidea nadua ‘’bulih do panganonni
hanima buah ni hayu na i pohon on. Tapi anggo pasal buah ni hayu na
iparsitongahan in ulang ma pangan hanima, anjaha ulang jolom, ase ulang
matei hanima.’’
Tapi Adam pakon Hawa malanggar titahni Naibata Jahowa anjaha jolma ai
manabuh humbani dousa.

Adam : Nini Naibata, bulih do panganonta buah ni hayu na i pohon on, tapi
anggo pasal buah ni hayu na iparsitongahon ni pohon on lang boi panganonta
anjaha ulang ijamah hita, ase ulang matei hita.
Hawa : Dearma anggo songonai, lang hu pangan anjaha lang hu jamah buah ni
pohon ai.

Adam pergi keluar meninggalkan Hawa…

Narator : Inonoi naboru ai ma, dear do buahni pohon ai anggo i pangan. Anjaha
I harosuhkonsi.
 Iblis masuk… mencoba mengoda Hawa untuk memakan buah
pengetahuan itu
Iblis : Ai mase lang ipangan nasiam buah ni hayu na i parsitongahan ai? Mattin
tumang do buah ai.
Hawa : Anggo buah na i parsitongahan ai, lang sipaganon nami.
Iblis : Mase songonai? Adong do nanihatahon Naibata, na so bulih panganon
nasiam humbani sagala buah ni hayu na i pohon on?
Hawa : Bulih do sipanganon nami humbani buah ni hayu na i pohon on. Tapi
anggo pasal buah ni hayu na i parsitongahan ni pohon on, i hatahon Naibata
do ase ulang i pangan Hanami anjaha ulang Hanami jamah. Ase ulang matei
Hanami.
Iblis : Seng tongon matei nasiam, tapi I botoh Naibata do, anggo i pangan
nasiam buah ai, hunjai nari gabe buka ma mata nasiam, gabe pistar ma nasiam
songon Naibata. Tuhan lang marosuh hita usih songon Ia. Ai do na mambahen
ase i larang Naibata nasiam mangan buah ai.

Narator membaca sambil Hawa meraba dan mengambil buah

pohon itu, sembari Adam sudah berada disitu
Narator : Jadi ibuat ma buah ai, i pangan ma, i bere ma homa paramangonni na
rap pakonsi ai, gabe i panganma.
Hawa : Panganma, mattin tumang do daini buah on
Adam : Domma i hatahon Naibata ase ulang hita pangan buah on, ase ulang
matei hita.
Hawa : Panganma. Anggo sahali do hita pangan lang mittor matei hita.

***(Adam dan Hawa memakan buah itu dan langsung

tertidur. Jedah 10 detik…)***

Narator : Tarpuhou ma sidea. Gabe buka ma mata ni sidea haduasi, ibotoh ma

na talanjang sidea. Jadi isomot ma bulungni hayu ara bahen bobat ni sidea.
Dob ai ibogei ma sora ni Naibata Jahowa, na mardalan-dalan i pohon ai bani
parrohni. Dilo-dilo Naibata bani sidea nadua.
Allah : Adam, Hawa ija do nasiam? Mase marponop nasiam?
Adam : Ijon do Hanami Tuhan. Hu bogei do sora-Mu i pohon in, tapi mabiar do
au, halani na talanjang do au, ai do ase marponop au.
Allah : Ise patugahkon bam na talanjang ho? Ai adong ipangan ho buah ni na
hularang in panganonmu?
Adam : Naboru na binere-Mu ai gabe hasomanku, ai do na mambere buah ni
hayu ai hubangku, gabe hupanganma.
Allah : Ai aha do nabinahen mu on Hawa?
Hawa : Na ipaoto-oto ulog in do ahu Tuhan, gabe hupangan buah in.

Allah menghukum iblis

Allah : Halani ibahen ho sonai, hona papa ma ho i lobei ni sagala pinahan
pakon binatang harangan, marhitei boltokmu ma ho manjulur, anjaha orbuk
ma panganonmu sadokah manggoluh on.

Allah menghukum Adam

Allah : Anjaha bahenon-Ku ma partinggilanmu pakon naboru on, ginompamu
hu bai ginompani, hona papa ma tanoh on halani ho. Ngalutan ma ho
mansarihon sipanganonmu sadokah manggoluh ho. Patubuhkononni ni tanoh
in ma bam duri pakon suga-suga, anjaha suan-suanan na i tanoh in ma
sipanganonmu. Turak-turak hadogas ma ho mansarihon sipanganonmu, paima
mulak ho gabe tanoh.

Allah menghukum Hawa

Allah : Pabueion-Ku ma sitarononmu sanggah boratan rumah ho, borit ma
ahapkononmu manubuhkon niombahmu! Paramangomu ma hasiholanmu na
manrajai ho.

Narator : Dob ai i usir Naibata ma jolma in hun Taman Eden Hujai nari, jolma
domma matei ibagas dousa, anjaha manggoluh marsirang hun bani Kuasa-Ni
Naibata. Dousa mambahen jolma gabe tarpapa ilobei-Ni Naibata.
Halak na ibagas daging seng tarbahensi pamalas uhur-Ni Naibata.