+Sermon
+Call to Offering (Liturgist)
+Offertory Song
+Doxology
+Offertory Prayer (Unison)
Darayawon ka O Dios, ha panalangin nimo han amon mga kinabuhi.
Malipayon kami nga nagsasaurog, kay ha kahuraan nakakuha han
mga abot an imo katawhan. Salamat gud, O Dios, han abot han amon
mga tanom nga naghatag ha amon hin pagkaon nga kinahanglanon ha
kada adlaw. Gindara liwat namon an imo bahin basi mamay-ada
pagkaon han imo singbahn. Aanhi an amon mga halad tikang ha
kaumhan, tikang ha kadagatan, tikang ha pangalayonan. Imo unta ini
magamit ha padayon nga paghimo ngan pagmando mo han
kamurayaw, pakigdugtungay ngan kalipay han kaluwasan. Ha ngaran
ni Jesu-Cristo nga amon Manluluwas. Amen
+Hymn of Dedication “Kon Kita Maglakat”
Kon maglakat kita upod han Ginoo; mahimayaon an dalan ta;
mapabilin pa gud, maupod ha aton, kon lumaom, tumahod han Dios.
-koro- Lauman ta ngan tahoron an Dios, waray lain mahimo kon diri
pagtuman.
Kasingkasing tungob hin dampog ngan lambong, hiya dayon an
makapara; waray ta kahadlok, waray kasakitan, kon kita sumarig kan
Jesus.
Kasubo waray ta bisan an kasamok, kay pinangangako ni Jesus;
kasubo waray ta, waray ta kasamok, kon kita sumarig kan Jesus.
Kay kita sangkay man, lungon kita niya; ngan ha paglalaktan upod ta,
ha waray kahadlok kadto bisan ngain, kon kita magsarig, magtuman.
+Closing Prayer and Benediction
+Three fold Amen
Postlude Organ
To GOD Be The Glory!!!
UNITED CHURCH OF CHRIST IN THE PHILIPPINES
Samar Island District Conference
Highland Parish Churches
January 28, 2023
OPENING SERVICE
WORSHIP LEADERS
Minister: Rev. Ruth C. Donasco
Liturgist:
+Prelude Instrumental
+Processional
+Opening the Bible & Lit the Christ Candle
+Call to Worship
Pangulo: Paglipay katawhan han Dios! Sauroga an kinabuhi nga anhi
ha aton, ngan an presensya ni Cristo ha aton butnga!
Katawhan: Mapupukrat an aton mga mata, an yana nga panahon
magkakaada bag-o nga kahulogan, ngan an buwas magkakaada hin
malamrag nga paglaom.
Pangulo: Paglipay, katawhan han Dios! Iduko an iyo mga ulo ha
atubangan han Dios kan kanay natikang an aton kinaadman ngan
kusog.
Tanan: Aton ibutang an aton kalugaringon ha atubangan han Dios
basi hikapon ngan linisan kita han Baraan nga Espiritu.
+Hymn of Praise “Hi Jesus An Nagtatawag”
Hi Jesus an nagtatawag, Tikang han kasamok ta,
Adlaw adlaw siring Niya; “Cristohanon ak’ sunda.”
Pagsingba han kalibutan, Gindidid-an hi kita,
Ginsisiring kita Niya; Hi Ako higugma-a.
Ha kalipay kagol-anan, Ha pahuway buhat man,
Nagtatawag H’ya gihapon; “Iyo ak’ higugma-on.”
O Jesus, ha Im’ kalooy, Kami ha Im’ padungga,
Kasingkasing pagpasugta, Ha Im’ la kam’ pasunda.
+Invocation (Unison)
O Dios, Maghirimo han kinabuhi ngan kahayag, tutdoi kami ha
pagsingba ha imo yana; nga an amon mga im-immagdayaw ha imo,
amon mga talinga maabri ha pagpamati han imo mga pulong, amon
mga kasing-kasing makarawat ha imo, ngan an amon mga kinabuhi
mapanalanginan han imo himaya. Panalangini ini nga takna ha amon
pasingba ngan dayuday magpadayon an imo pag-upod ha amon.
Amo ini an amon kinasing-kasing nga pag-ampo ha imo, ha ngaran ni
Jesu-Cristo. Amen
+Responsive Reading Salmo 23
Pangulo: An Ginoo an magmarangno ha akon, dida ha iya waray ko
iiliwon. Gindara ako ngadto hin kabanwaan, ngadto hin pahuwayan
ngan kapatagan. Gindara ako niya ngadto han linaw, tubig nga
bulong hin kapaso ngan kauhaw.
Kawhan: Hin bag-o nga kusog hi ako tinagan, ha matadong nga dalan
ako gin-unhan; pagtuman niya han iya ginsaaran.
Pangulo: Bisan kon magtarap ako hin kasisidman, Ginoo waray ko
sadang kahadlokan; imo tungkod ngan tabog an akon gabayan.
Katawhan: Hin sasaro para ha akon ikaw naghikay, ha atubangan han
akon mga kaaway, ginkarawat ako ngan imo ginpasidunggan,
ginpalapwas nimo an akon irinman.
Tanan: Magpapabilin an imo paghigugma, samtang nga aanhi pa ako
ha tuna. Ngan an imo balay akon urokyan, nga buhi pa ako ha mga
katuigan.
+Gloria Patri
+Call to Confession II Kro. 7:14
Kon an akon katawohan, nga tinatawag ha akon ngaran, magpaubos
ha ira ngahaw, ngan mag-ampo, ngan mamiling han akon nawong,
ngan bumaya han ira maghugaw nga mga dalan; diha hito ako
namamati tikang ha langit, ngan magpasaylo han ira sala, ngan
magtatambal han ira tuna.
Oras han Paghilum Para han Pangamuyo
+Prayer of Confession (Unison)
Pangulo: Dios nga mahigugmaon ngan mapinasayloon, luwasa kami
han imo gahom nga malumo, tikang han ngatanan nga magraot nga
binuhatan, tikang han tanan gios ha pagkasala tikang ha amon
pagkakimas, tikang ha amon kamalimbong tikang ha kada pulong nga
masakit.
Tanan: Luwasa kami ha imo pagkamalumo, Dios ha gugma ngan
pagpasaylo.
Song Response: “Hinin Baraan’ng Panahon”
Hinin Baraan’ng panahon pag-ampo tawag ha akon an pagharani ha
Amay kinahanglan ko kanunay. Kalag ko may darangpanan, ha
panulay luwas ako, kon an pag-ampo’n buhat ko.
+Assurance of Pardon (Minister)
An Dios han gugma nagsiring; ha panahon nga maayon pinamatian ko
kamo, ngan ha adlaw ha kaluwasan ginbuligan ko kamo: Kitaa, amo
na yana an panahon nga makaruruyag: Kitaa, amo na yana an adlaw
han kaluwasan. An Dios maada ha iyo ha oras ngatanan. Amen
+Church Concern and Greetings
+Pastoral Prayer
Response: “Hinin Baraan’ng Panahon”
Ha takna ha pangamuyo, ako mamagmalipayon upod ha ak’ mga
bugto pamulat nga im’ balikon; bayhon Mo ak’ ginbibiling, ngan
magsiring, am’ an siring pagbantay Mo ak’ natapod, ha ak’ pag-ampo
ka upod.
+Scripture Reading
+Anthem