PARTORDING NI ACARA

MINGGU PESTA NATAL PARJOLO

HKBP PADANG RESSORT SUMATERA BARAT
Senin, 25 Desember 2023

 Ev: Lukas 2 : 15 - 20  Ep: Psalmen 148 : 1 - 14

TOPIK:
SALUHUT BANGSO PASANGAP HUHUT MAMUJI DEBATA

I. Pangaradeon panghobasion di Konsistori

II. Prosesi
a. Ditingki ro parhobas tu bagas joro, natorop jongjong Diiringi organ
BE. No. 616.”Ulina i Di Borngin Na Badia”
b. Angka parhobas na manghobasi parmingguon bongot tu bagas joro
laos Jongjong ma tu jolo.

III. Joujou Marsaor Dohot Debata (U: Uluan ni Huria H: Huria)

U : Hami Parhalado HKBP Padang dohot Keluarga pasahathon: Selamat Hari
Natal ma tu hita saluhut Ruas ni Huria dohot angka ianakhon ni Huria na ro
marPesta Natal di bagasan sadari on.
H : Selamat Hari Natal ma tutu, margogo ma hamu Parhaladonami
U : “Unang mabiar hamu; ai barita halalas ni roha godang do huboan tu hamuna,
parsaulian ni sandok bangso i.”
H : Nunga tubu Sipalua i, tama do hita mamuji dohot pasangapon Debata.
U : Marsomba ma hamu tu Debata, pasangap jala puji hamu ma Jahowa,
marende ma hita!

1. Marende BE HKBP No. 605 : 1 - 3 “LAS MA ROHAM” BL 605

♫♪♫
Las ma roham Tuhanta ro, gumomgom sasude Ungkap roham jangkon
Rajam. Marende ma sude, marende ma sude, Marende, marende ma sude.
♫♪♫
Tano nang laut, harangan i, nang awangawang I, Hauma i, nang sunge i
Olophon Raja i, olophon Raja i, Olophon, olophon Raja i.
…… Musik …… (Jongjong)
♫♪♫
Bura binaen ni dosa i marujung ma disi. Ai nunga ro Mesias i, mamboan
dame i, mamboan dame i, Mamboan, mamboan dame i.
2. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen.
Nunga patar hangoluan i, jala nunga huida hami jala nunga huhatindanghon
hami dohot hubaritahon hami tu hamu hangoluan na saleleng ni lelengna, na
di lambung ni Ama i hian jala naung patar di hami. Haleluya!
H : ♪♪ Haleluya… Haleluya… Haleluya
U : Martangiang ma hita! Ale Tuhan Debata, Amanami na di banua ginjang!
Marroha Ama do Ho tu hami halak pardosa na dangol on; ala ni i dilehon Ho
do AnakMu na sasada i, Tuhan Jesus Kristus, asa porsea hami jala dapotan
hangoluan marhite sian Ibana. Na mangido ma hami nuaeng tu Ho, suru ma
TondiM na badia i tu rohanami, asa manahan hami sahat ro di ujungna di
bagasan haporseaon na sintong jala asa martua hami marhitehite AnakMu
Tuhan Jesus Kristus, Tuhannami. Amen. (Hundul )

3. Marende BE HKBP No. 48 : 1 – 2 “RIA MA HITA SASUDE” BL 16

♫♪♫
Ria ma hita sasude mamuji Debata
Girgir ma parendeta be
Ai i do na tama, ai i do na tama.
♫♪♫
Diungkap Debatanta i banuaginjang i
Disuru do AnakNa i
Hangoluanta i, hangoluanta i.

4. P A T I K :
U : Tangihon hamu ma Patik ni Debata di Pesta Natal Parjolo sadari on, i ma
na tarsurat di Rom 12 : 1. Na huapoi ma hamu ale angka dongan
marhitehite asi ni roha ni Debata: Pasahat hamu ma dagingmuna bahen
pelean na mangolu, na badia, na hinalomohon ni Debata; i ma hadaulaton
ni na marroha. I ma sahatna. Antong, rap mangido gogo ma hita sian Tuhan
Debata!
U+H : Ale Tuhan Debata, sai pargogoi ma hami mangulahon na hombar tu
PatikMi. Amen

5. Marende BE HKBP No. 56 : 2 + 4 “SAI RO MA HAMUNA” BL 139

♫♪♫
O Raja na sangap, Tuhan ni saluhut,
Ditaon Ho na porsuk di tano on, ala ni jolma na di hamagoan.
Reff : Tasomba ma Ibana, tasomba ma Ibana.
Tasomba ma Ibana, Rajanta.
2
 ♫♪♫
O Jesus Tuhanhu sai naeng pujionhu (Jongjong)
PambaenMu di ahu pardosa on, ai gabe jolma Ho humophop ahu
Reff : Tasomba ma Ibana

6. TANGIANG MANOPOTI DOSA :

U : Tatopoti ma dosanta, martangiang ma hita: Ale Debatanami, na marasiroha
jala na badia, Amanami marhitehite Tuhan Jesus Kristus! Manang piga hali
hami ro tu joloM, huhilala hami, ringkot do asi ni rohaM di saluhut hami
halak pardosa. Ala ni i do umbahen na hupaserep hami dirinami sadari on
di joloM, jala huparhatopot hami, tung na jotjot do hami manimbil sian
angka dalanMu na badia songon birubiru na lilu. Sai unang pabali hami
sian joloM ala ni dosanami i, ai ndang dihalomohon rohaM hamatean ni
angka pardosa, alai hamubaon ni rohana do lomo ni rohaM, asa mangolu.
Sesa ma saluhut hageduhonnami dohot pangalaosionnami marhitehite
pangolunami na sasada i, AnakMu Tuhan Jesus Kristus. Sai pahot ma asi ni
rohaM di hami marhitehite panindangion dohot hagogoon ni Tondi
Parbadia asa tarapul ditutu rohanami manjou Ho, asa pantun, tigor jala
daulat hami marpangalaho, bahen hasangapon di GoarMu na badia i.
Amen. Tabege ma bagabaga taringot tu hasesaan ni dosa: Songon on
do Hata ni Tuhan Jesus: Ro ma hamu tu Ahu, hamu angka na loja jala na
sorat, hupasonang pe hamu. Buat hamu ma augangKu tu hamu, guruhon
hamu ma sian Ahu, ai na lambok do Ahu jala na serep marroha, asa
dapotan hasonangan tondimuna. Ai lambok do augangHu jala neang do
dohot na hupaporsanhon. Hasangapon ma di Debata na di ginjang!
U+H : Amen (Hundul)

7. Marende BE HKBP No. 51 : 3 – 4 “TOLE PUJI MA TUHANTA” BL 31

♫♪♫
Sai tandai ma denggan basa ni Jahowa Debatanta
Dibasahon do AnakNa baen hangoluanta i.
♫♪♫
I ma holong ni rohaNa, jolma do dibaen donganNa
Dohot tu harajaonNa hita diarahon do.

8. E P I S T E L:
U : Tangihon hamu ma Hata ni Debata turpuk Epistel di Pesta Natal Parjolo sadari
on, ima na tarsurat di Psalmen 148 : 1 - 14, Halleluya! Puji ma Jahowa, hamu
ale angka sian banua ginjang, puji hamu Ibana di angka banua ginjang!
H : Puji Ibana, sude hamu ale angka surusuruanNa, puji Ibana, sude hamu
ale angka paranganNa.
3
U : Puji Ibana, ho ale mata ni ari dohot bulan, puji Ibana, sude hamu ale bintang
angka na marsinondang i!
H : Puji Ibana, hamu ale angka langit ni langitan dohot hamu ale aek angka
na di atas ni langit!
U : Ingkon pujionnasida ma goar ni Jahowa, ai mandokhon Ibana, jadi tartompa
ma nasida.
H : Jala Ibana pahot angka nasida ro di salelenglelengna, dibahen do sada
aturan jala ndang halaosansa.
U : Puji ma Jahowa, hamu ale angka na sian tano on, angka binatang ni laut ro di
sude angka lung!
H : Ho ale api dohot ambolas ro di timus, habahaba, na pasauthon hataNa i.
U : Hamu ale angka dolok dohot sude angka robean, hamu ale hau angka na
marparbue ro di sude hau ares.
H : Ho ale binatang dohot sude pahanpahanan, angka gulomit ro di angka
pidong na marhabong.
U : Hamu ale angka raja ni tano on dohot sude angka bangso hamu ale angka
pangarajai ro di sude angka paguhum ni tano on.
H : Hamu ale angka dolidoli dohot na marbaju pe, hamu ale angka natuatua
rap dohot angka na bajar.
U : Ingkon pujionnasida ma goar ni Jahowa, ai sasada goarNa i do na timbul,
diatasi hamuliaonNa i do tano on dohot angka langit.
H : Jala Ibana patimbul sada tanduk di bangsoNa i, bahen pujipujian di sude
angka na niasianNa di angka anak ni Israel, bangso hasolhotonNa i.
Halelluya!
U : I do sahatna. Martua do angka na tumangihon Hata ni Debata jala na
umpeopsa. Amen.

9. Marende BE No. 57:2 - 3 “NUNGA JUMPANG MUSE ARI PESTA I” BL 202

♫♪♫
Beta, ale dongan tu Betlehem i, itasomba ma Dakdanak na disi
Na tinongos ni parasiroha i Debata Ama i
Reff : Hasangapon di Debata, dame,dame ma di jolma.
Las ni roha ni Debata hajolmaon muse
♫♪♫
Sombanami ma di Ho na tubu on, ho siboan dame tu portibi on (Jongjong)
Sai pasaorhon ma tu rohanami on, dameMi o Jesus.
Reff : Hasangapon di Debata..............

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni donganta
4
 sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)

11. Tingting :

12. Papungu Pelean Huhut Marende BE HKBP No. 59 : 1… “O JESUSHI

HUPUJI HO” BL 34 (Pelean Ia, Ib)
♫♪♫
O Jesushi hupuji Ho dibaen naung gabe jolma Ho
di topot Ho do hami on, na dangol di portibi on.
♫♪♫
Peak di panggagatan i do Anak ni Jahowa i
Partohap di sibukta on do na pangolu hita on.
------ Musik ------
♫♪♫
Sigomgom parluhutan i do na peak di bara i
Porsuk paniahapan ni na marmuduhon hita on.
♫♪♫
Ibana na tiur hian, na sangap sian na hinan
Do patiurhon tano on, lao manondang hita on.
------ Musik -------
♫♪♫
DiriNa dirumari do, sangapNa ditinggalhon do
Manogu hajolmaon i tu Debata, AmaNa i.
♫♪♫
Na pogos ma Tuhanta i manaon sude na porsuk i
Mamora hita baenon nii saleleng ni lelengna i.
------ Musik -------
♫♪♫
I ma binaen ni Jesus i pataridahon holong ni
RohaNa na tongtong basa, i pe tapuji Debata.

13. J A M I T A: Lukas 2 : 15 - 20

14. Papungu Pelean Huhut Marende BE. HKBP No. 615 : 1 .... ”TARBEGE
SURUSURUAN MARENDE” BL 615 (Pelean II)
♫♪♫
Tarbege surusuruan, marende mansai uli
Angka dolok dohot rura, gok do saringarna i
Reff : Sangap ma, sangap ma di Tuhan
Sangap ma, sangap ma di Tuhan.
♫♪♫
Las roham ale parmahan, nunga tubu Kristus i
Rap marende ma hamuna pasangaphon Raja i
Reff : Sangap ma, sangap ma di Tuhan
Sangap ma, sangap ma di Tuhan.
----- Musik -----
5
 ♫♪♫
Borhat ma hamu marnida tu huta Betlehem i
Somba Kristus Sipalua na imbaru tubu i.
Reff : Sangap ma, sangap ma di Tuhan
Sangap ma, sangap ma di Tuhan.
♫♪♫
Ida ma di panggagatan Sipalua na ro i
Sigomgomi parluhutan, langit dohot tano i.
Reff : Sangap ma, sangap ma di Tuhan
Sangap ma, sangap ma di Tuhan.

15. Parsuruon (Jongjong)

U : Nunga tahalashon hatutubu ni Tuhan Jesus i dibagasan partondionta, nunga
dohot hita nuaeng marsomba di bara ni pinahan di Betlehem i, di adopanta do
posoposo i, ima Jesus Kristus Tuhanta i. Songon angka parmahan i,
dipasangap jala dipapujipuji do Debata ala ni sasude na binege jala na
niidanasida, songon i ma nang hamu, pelehon ma ngolum tu Ibana marhite
parange na imbaru dohot roha na unduk tu Debata.
H : Mangendehon Ende No. 49 : 7 “SAI RO MA TU BARA“ BL. 47
♫♪♫
Antong rohanami ma peleanMi,
O Jesus hasian sai jalo ma i
Ias jala sonang ma baen angka i,
tongtong gabe domu ma tu rohaMi.

16. Tangiang Penutup: