Characters: Lawrence Romero – Nakakabatang kapatid Carlos Romero – Matandang kapatid Mary “Nana” Plaga – Tiyahin ni Carlos at Lawrence
Scene 1: Inutusan si Carlos ng kanyang Nana na mag kudkud
ng niyog sa kanilang kusina. Habang nag kukudkud, nilapitan siya ni Lawrence, ang kanyang nakababatang kapatid at nagtanong ito habang kumakain ng biscuit. Lawrence: Kuya, ano ginagawa mo? Carlos: Nagkukudkud ng niyog. Lawrence: Ahh, bakit mo ginamit tong de kuryente na kudkuran? Carlos: Para mapabilis ang trabaho ko kasi nagmamadali na si Nana. Lawrence: Ayh ganun? Paano ba napapabilis niyan ang pagkudkud ng niyog? Carlos: Hmmm. (Huminto sandal sa pagkudkud) Ganito kasi yan. May mga maliliit na ngipin itong kudkuran (tinuro ang kudkuran) at dahil sa kuryente pinapagana niya ito para kudkurin ang laman ng niyog at kapag nasa maliliit na piraso na ito, pinipiga para makakuha ng gata na gagamitin sa pagluluto. Dahil dito, napapabilis ang trabaho kesa gumamit ka ng tinidor. Lawrence: Kaya pala masarap luto ni Nana at madali rin siyang matapos magluto. Carlos: Oo, kagaya rin ito habang ikaw ay kumakain. Lawrence: Bakit naman? Carlos: Anong nangyayari sa biscuit na kinakain mo ngayon kapag nasa bibig mo na? Lawrence: Hmmmm. (Nag-iisip habang ngumunguya) kinakagat gamit ngipin ko tapos unti unting nagiging maliit na piraso at binabasa ng laway ko tapos nalulunok ko na. Carlos: Pinapadali ba ng ngipin at laway mo ang iyong pagkain? Lawrence: Opo kuya. Anong meron po ba sa bibig ko para madali kong malunok ang biscuit? Carlos: Magandang tanong yan! Dahil ito sa Enzymes! Lawrence: Enzymes? Ano po yun? Carlos: Ang enzymes ay kagaya nitong de kuryenteng kudkuran ng niyog. Pinapadali niya ang pag proseso ng isang bagay para magamit ito kaagad pero hindi ito naububos o nasisira habang pinapabilis ang reaksyon o ang “Chemical reaction”. Sila ay tinatawag na “biological catalyst” kasi natural silang nakikita at nabubuo sa ating mga katawan. Habang ikaw ay kumakain, ang iyong laway ay may ezymes na tinatawag na “Amylase” sila yung tumutulong para maging maliliit na piraso ang yung pagkain sa iyong bibig para madali mung lunukin at para din mas madaling pagkunan ng enerhiya ng iyong katawan. Meron din tayong mga enzymes na makikita sa ating tiyan, ito ay ang pepsin na tumutulong mapabilis ang pagdurog o di kaya’y e proseso ang pagkain sa ating tiyan. Meron ding mga enzymes na hindi lang padurog ang trabaho kasi, pwede din silang bumu o ng mga molecules katulad ng DNA Polymerase na tumutulong sa pagbuo ng isang replica ng iyong DNA strands na bumubo ng iyong DNA (Deoxyribonucleic Acid) na naglalaman ng genetic information na tinatawag na gene. Lawrence: Ang galing pala ng Enzymes kuya! Para silang mga superheroes! Saan nga ba sila gawa? Carlos: OO! Aksyon agad! Sila ay gawa sa mga protena na binubuo ng mga amino acids. Parang ganito (Pinakita at tinuro ang braso) ngunit ito ay nasa labas kasi ang enzymes ay nasa loob ng iyong katawan. Karamihan sa enzymes ay binubuo ng isang daan hanggang isang libong amino acids na kung kapag pinagdikitdikit ay makakabuo ng mahabang lubid na kung e tutupi natin ito, makakagawa ng kakaibang hugis. (Nagpakita ng sample). Bawat hugis ng enzymes ay magkakaiba sa bawat isa dahil ito sa pagkasunod-sunod at uri ng amino acid sa kanilang struktura kayamagka-iba ang kanilang epekto at tungkulin sa bawat pagpapadali ng kemikal na reaksyon. Lawrence: Ahh, parang tayo kuya, magkaiba trabaho natin sa bahay. Sayo yung mabibigat at sa aking yung magaga-an. Hmmm (napa isip) Carlos: Tama ka dyan! (Sabay hawak sa ulo ng nakakabatang kapatid) Lawrence: E paano naman sila nagtatrabaho o guma-gana kuya?
Scene 2: Kumuha ng mga susi si Carlos at pinakita
kang Lawrence. Sinubukan niyang buksan ang saradong pinto gamit ang mga susi. Carlos: Nakikita mo ba ang mga susing ito? Lawrence: Opo. Carlos: Saang susi kaya dito ang makakapagbukas ng pintong ito? (Binigay kay Lawrence ang mga susi) Lawrence: (Hinawakan at tiningnan ang mga susi) Hmmmmm ang dami naman nito kuya. Carlos: Subukan mong buksan ang pinto gamit ang mga susing yan. Bibigyan kita ng sampung segundo para subukan nag lahat ng susi at mabuksan ang pinto. Lawrence: Ha????! (Nag-alalangan) pero sige. Nagsimulang mag bilang si Carlos at sinubukan naman ni Lawrence ang mga susi para mabuksan ang siradong pinto. Tatlong susi na ang na subukan ni Lawrence ngunit hindi pa rin ito nabubuksan. Hanggang sa ika-apat na susi, nagtagumpay na din syang mabuksan ang pinto. Carlos: wow! Galing naman. Malapit ding matapos ang oras ahh. Lawrence: Huuuu! Nabuksan ko din. Ang hirap pala kapag hindi mo pamilyar ang mga susi kuya. Carlos: Totoo, bakit nataggalan ka sa pag bukas? Lawrence: Kasi, marami kaya tong mga susi mo. At hindi sakto sa pinto pero may iisa lang susi na sakto sa kanya kaya nabuksan ko. Carlos: Tama! Ganyan gumagana ang mga enzymes! Napaka specific nila sa kanilang mga reaksyon na pinapabilis. Diba, sabi ko kanina na magkakaiba ang enzymes sa kanilang mga hugis lalo na sa kanilang tungkulin. Para gumana ang isang enzyme, dapat ang mga molecules ay sakto at hulma sa hugis na kung saan didikit ito sa parte ng enzyme at magsisimula na ang reaksyon. Ang tawag sa molecule na didikit sa enzyme ay “substrate” at sa parte naman na kung saan didikit ang substrate ay “active site”. Kagaya kanina, nabuksan mo lang ang pinto dahil may tiyak itong susi na para lang sa kanyang kandado. Sa enzymes, may reakyon lang na mangyayari kapag sakto ang hugis ng substrate na didikit sa active site, ito ay tinatawag na lock and key model. Ang “Lock” o kandado ay ang enzyme at “Key” o susi ay ang substrate. (Pinakita ang model). Kapag nakita na ni substrate ang kanyang “the one” na si enzyme, magkakaroon ng enzyme-reactant complex na kung saan may magyayari sa reaksyon at si substrate ay magiging produkto ng reaksyon habang si enzyme ay mananatiling enzyme at maghihintay na naman ng ibang substrate para sa isang kemikal reaksyon. Lawrence: Wow kuya! Andami kong natutunan sayo ngayon ah! Carlos: Aba, dapat lang! Sige nga, ano yung mga natutunan mo? Lawrence: Hmmm. Sabing marami nga eh! Carlos: Ano nga? Lawrence: (Nag bisikleta) Katulad nito, magba-bike ako papunta sa tindahan kesa naman maglalakad ako kapag inuutusan mo. Mas mapapadali ang trabaho ko at hindi mo pa ako mapapagalitan kapag natagalan ako, naka save pa ako ng energy. Hindi ba? Ganito ang trabaho ng enzymes? Pinapadali ang trabaho o proseso ng isang kemikal reaksyon. Carlos: WOW! Nagmana ka talaga sa akin. Ang talino mo! Halina ka na, tinatawag na tayo ni Nana. Lawrence: (Papunta sa kanyang Kuya) Kuya, sana makita ko na yung “the one” ko katulad ng pagtatagpo ni Enzyme at substrate, fit sila for each other. Ayeeeeey! Carlos: Naku! (Natatawa) Bata ka! Sa takdang panahon pag handa at Malaki ka na.