Professional Documents
Culture Documents
თემა 3
თემა 3
201
2008 წლის შემდეგ ეკონომიკური და ფინანსური კრიზისის გამო მორიგი კითხვები გაჩნდა,
რადგან ფისკალურმა პოლიტიკამ ერთგვარი რეაბილიტაცია განიცადა, როგორც პოლიტიკური
რეაგირების მთავარმა საფუძველმა: რამდენად დიდი უნდა იყოს ფისკალური სტიმულირების
პაკეტები? ისინი უნდა დაეყრდნოს გადასახადების შემცირებას თუ დანახარჯების ზრდას?
რამდენი ხნის განმავლობაში უნდა იყოს შენარჩუნებული? რა არის ჩარევის შემცირების
სტრატეგია? როგორ ავამუშავოთ დროული და საკმაოდ დიდი ფისკალური ექსპანსია და
იმავდროულად შევინარჩუნოთ სახელმწიფო ვალის მდგრადობა? დღეს ეს კითხვები და მათზე
პასუხის გაცემა ფისკალური პოლიტიკის ქვემიზნებს წარმოადგენს.
3.1 საკითხები. 3.1.1 რას შეეხება ეს ყველაფერი?
რა არის ბიუჯეტი?
სახელმწიფო ბიუჯეტი არის დოკუმენტი, რომელიც განსაზღვრავს შემოსავლებისა და დანახარჯების
წარმომავლობასა და მოცულობას დროის კონკრეტული მონაკვეთისათვის (ჩვეულებრივ, ერთი წელი). ბიუჯეტის
გეგმის მომზადება, მისი განხილვა და დამტკიცება შესაბამისი საკანონმდებლო ორგანოს მიერ არის ეკონომიკური
პოლიტიკის გადაწყვეტილების მიღების პროცესის მნიშვნელოვანი ნაწილები. ბიუჯეტის ორგანიზება,
პროცედურები და დროში განაწილება კი ქვეყნებს შორის განსხვავებულია. ტიპური თანმიმდევრობა
ასეთია:საერთო მაკროეკონომიკური სქემის განსაზღვრა, რაც წინ უძღვის მთავრობის სავარაუდო შემოსავლების
პროგნოზს; სექტორების მიხედვით დანახარჯების უმაღლესი დონის დასახვა; სამთავრობო დეპარტამენტების მიერ
თავიანთი საბიუჯეტო გეგმების მომზადება; მინისტრთა კაბინეტის განხილვები და მთლიანი
(კონსოლიდირებული) ბიუჯეტის წარმოდგენა; განხილვები და ხმის მიცემის პროცესი პარლამენტში. მთელ
პროცესს დაახლოებით ექვსი თვე სჭირდება.
დანახარჯის თითოეულ კატეგორიაში ხდება განცალკევება სავალდებულო და ნებაყოფლობითი
დანახარჯებისა.
სავალდებულო დანახარჯი გულისხმობს იმას, რომ მას არ სჭირდება კონგრესის მხრიდან დამტკიცება
(მაგალითად, ეს შეიძლება იყოს წარსულში დამტკიცებული კანონების საფუძველზე მიღებული უფლების შედეგი -
services votés - ფრანგული გამოთქმით საბაზისო სერვისები.)
ნებაყოფლობით დანახარჯებს კი სჭირდება ასიგნების კანონპროექტი.
ბევრ ქვეყანაში ფისკალური პოლიტიკა ტარდება საშუალო ვადიანი გეგმით, რომელიც აკონკრეტებს
დანახარჯების ყოველწლიურ ცვლილებას ან ადგენს ვალისა და დეფიციტის უმაღლეს დონეებს. მაგალითად,
ევროკავშირში ევრო ზონის ყველა წევრმა ქვეყანამ უნდა წარადგინოს სტაბილურობის პროგრამები*, რომლებიც
მოკლედ აღწერს ბიუჯეტის მთავარი კომპონენტების დაგეგმილ დინამიკას სამწლიანი პერიოდისათვის და მათ
შესაძლო ცვლილებებს ზრდის ალტერნატიულ სცენარებთან მიმართებაში.
ნებისმიერი საერთაშორისო ვალდებულებისგან დამოუკიდებლად, ზოგიერთმა ქვეყანამ შეიმუშავა შიდა,
მეტნაკლებად იძულებითი ფისკალური კანონები, 1970-იან წლებში გერმანიის, ხოლო 1990-იან წლებში
გაერთიანებული სამეფოს მიერ მიღებული საჯარო ფინანსების ოქროს წესი*, რომლის მიხედვითაც, ძირითადად,
მხოლოდ საინვესტიციო დანახარჯები შეიძლება დაფინანსდეს ვალის ან ობლიგაციების მეშვეობით. ეს წესი
დაცულია გერმანიის კონსტიტუციაში 2009 წლიდან, რათა მომხდარიყო ფედერალური დეფიციტის შეზღუდვა მშპ-
ს 0,35%-მდე 2016 წლის შემდგომ.
რეალურად, ორივე - მონეტარული და ფისკალური პოლიტიკა დაგვიანებით ახდენს გავლენას ეკონომიკურ
აქტივობაზე, თუმცა ორივე შემთხვევაში ამ შედეგის მიზეზები განსხვავებულია. მონეტარული პოლიტიკა
ეკონომიკაზე გავლენას გარკვეული დროის შემდეგ ახდენს, რადგან საოჯახო მეურნეობებისა და ფირმების
ვალდებულებების საპროცენტო განაკვეთები ჩვეულებრივ ფიქსირებულია, ასევე გრძელვადიანმა საპროცენტო
განაკვეთებმა შესაძლოა მოსალოდნელთან შედარებით, განსხვავებული დინამიკა გვაჩვენოს ან საბანკო სექტორმა
დააგვიანოს რეაგირება. ფისკალურ პოლიტიკას კი, პირიქით, დაუყოვნებელი გავლენა აქვს მოთხოვნაზე
სახელმწიფო მოხმარებისა და ინვესტირების გზით ან საოჯახო მეურნეობების დაბეგრილი შემოსავლების
მეშვეობით, მაგრამ ფისკალური გადაწყვეტილების მიღების პროცესი ბევრად უფრო დიდ დროს მოითხოვს, ვიდრე
მონეტარული, რადგანაც ის მოითხოვს მოლაპარაკებების რამდენიმე ეტაპს მთავრობასა და პარლამენტში.
გაგრძელება...........
1998-2000 წლებში ფინანსური ბალანსის გაუმჯობესება არსებითად ციკლური იყო. 2007 წლიდან
დაწყებული, შეინიშნებოდა ფისკალური ბალანსების ციკლური გაუარესება, რისი მიზეზიც იყო
შემოსავლების კოლაფსი და, უფრო ნაკლები ზომით, დისკრეციული ფისკალური სტიმულაციის
პროგრამების ჩავარდნა.
სახელმწიფო ვალი
კერძო კომპანიების მსგავსად, სახელმწიფო სექტორს არ უწევს ვალის მთლიანად დაფარვა, რადგანაც
მოსალოდნელია, რომ ამგვარი სუბიექტები არსებობას არ შეწყვეტენ. ვალის მთლიანი დაფარვა,
სიცოცხლის მანძილზე ჩვეულებრივ საოჯახო მეურნეობებს უწევთ, რადგან მათი ეკონომიკური აქტივობის
ხანგრძლივობა შეზღუდულია დროში, მათი არსებობის საშუალო დროით. თუმცა, თუკი ვალი იზრდება
სწრაფად, ინვესტორები, რომლებიც ყიდულობენ ფასიან ქაღალდებს, შეიძლება, აღელდნენ მთავრობის
სამომავლო უნარზე - ახალი დაფინანსების მოძიების თვალსაზრისით; შესაბამისად, სახელმწიფო
სექტორის გადახდისუნარიანობა შეიძლება ეჭვქვეშ აღმოჩნდეს.
ერთსა და იმავე ვალის დინამიკას შეიძლება არ ჰქონდეს ერთი და იგივე მნიშვნელობა, ეს
დამოკიდებულია იმაზე, თუ რისთვის გამოიყენება სესხის რესურსები. მაგალითად, ახალი
ინფრასტრუქტურის დაფინანსებამ შეიძლება არ გააუარესოს მთავრობის გრძელვადიანი
ფისკალური მდგომარეობა ორი მიზეზით. პირველი, დამატებითმა ინფრასტრუქტურამ შეიძლება
ხელი შეუწყოს მშპ-ს ზრდას და შესაბამისად გააკონტროლოს სამომავლო ვალის თანაფარდობა.
მეორე, სახელმწიფო ინფრასტრუქტურა არის აქტივი, რომლის გაყიდვაც შესაძლებელია
აუცილებლობის შემთხვევაში. ეს მეორე მიზეზი გვაწვდის სახელმწიფო ვალის შეფასების კიდევ
ერთ ხედვას: ის შეიძლება შევადაროთ სახელმწიფო აქტივებს. სახელმწიფო ვალის* გამოთვლებს
(ე.ი. განსხვავება საბაზრო ღირებულებით შეფასებულ მთლიან საჯარო ვალსა* დასაჯარო
აქტივების ღირებულებას შორის) რამდენიმე ქვეყნისათვის. არც არის გასაკვირი, რომ წმინდა
ვალის ფარდობა, ძირითადად, ბევრად ნაკლებია, ვიდრე მთლიანი სახელმწიფო ვალი. ხანდახან
მაჩვენებელი უარყოფითიც კია, რაც ნიშნავს იმას, რომ სახელმწიფო აქტივები აღემატება
სახელმწიფო ვალს. არსებობს რამდენიმე მიზეზი, რის გამოც მთავრობებს არ შეუძლიათ სრული
ფინანსური ანგარიში ჩააბარონ კერძო სექტორს.
პირველი, მთავრობის პირდაპირი ფუნქცია არ არის საქონლისა და მომსახურების გაყიდვა და
მას არ შეუძლია შეწყვიტოს ოპერაციები ღამით. შესაბამისად, გაურკვეველია მათი ბალანსი უნდა
შეფასდეს საბაზრო, თუ ისტორიული ფასების საფუძველზე.
მეორე, მთავრობის ბევრი აქტივი ხელშეუხებელი და რთულად შესაფასებელია. ბოლო და
ყველაზე მთავარი კი არის ის, რომ მთავრობებს შეუძლიათ შეცვალონ კანონები, რაც მთავრობის
„ვალდებულებების“ ცნებას გარკვეულწილად აუფერულებს. მაგალითად, საპენსიო რეფორმა,
რომელიც გადასახადს ხელფასიდან ქვითავს, ხშირად გულისხმობს მანამდე აღებული
ვალდებულებების უარყოფას. ამის გამო, არსებობს ხშირი დებატები იმის თაობაზე, თუ როგორ
უნდა გამოიყურებოდეს მთავრობის ანგარიში, ძირითადად ეს ეხება ბალანსის გარეთ დარჩენილ
ვალდებულებებს*, როგორებიცაა სახელმწიფო მოხელეების საპენსიო უფლებები, ან მთავრობის
მიერ გაცემული გარანტიები კერძო საწარმოებისათვის.
3.1.2 გაკვეთილები ისტორიიდან
ისტორიას ზედაპირულად რომ გადავხედოთ, იკვეთება რამდენიმე მნიშვნელოვანი ფაქტი.
ხუთ მათგანზე გავამახვილებთ ყურადღებას:
2.მან გამოიწვია სახელმწიფო ვალის დონის ზრდა და, ზოგიერთი ქვეყნისათვის სახელმწიფო
ვალის მშპ-სთან თანაფარდობის გაუარესება.
კეინზის ანალიზი
ჯონ მეინარდ კეინზის დასაქმების, პროცენტის და ფულის ზოგადმა თეორიამ (1936) მოგვაწოდა
კონცეპტუალური სქემა ფისკალური პოლიტიკის გამოყენებისათვის, რომლის მეშვეობითაც
შესაძლებელია მოვახდინოთ გავლენა ერთობლივი მოთხოვნის დონეზე.
მაშინ, როდესაც კლასიკური თეორია ძირითადად დაინტერესებული იყო სახელმწიფო ფინანსების
გადახდისუნარიანობით, ანუ ვალის მოცულობით, კეინზის ანალიზი ყურადღებას ამახვილებდა
შემოსავლებისა და დანახარჯების ნაკადის როლზე, რათა მომხდარიყო ერთობლივი
მაკროეკონომიკური წონასწორობის განსაზღვრა.
სტანდარტული კეინზისეული მიდგომა იწყება ფასების სიხისტის ან მათი მოკლევადიანი
სიხისტის შეფასებით. ეს გულისხმობს იმას, რომ ფასების რეგულირება ვერ ხერხდება მყისიერად,
მაკროეკონომიკური წონასწორობის მიღწევის მიზნით.
ეკონომიკური პოლიტიკის ფუნდამენტური როლი - იქნება ეს ფისკალური თუ მონეტარული -
არის იმის უზრუნველყოფა, რომ ერთობლივი მოთხოვნის დონე იყოს ისეთი, რომ ეკონომიკა
პასუხობდეს სრული დასაქმების შესაბამის, ან მასთან ახლოს მყოფ დონეს.
მაკროეკონომიკური წონასწორობა არ გამომდინარეობს ფასის ცვალებადობიდან: ნაცვლად
ამისა, წონასწორობა განისაზღვრება ერთობლივი მოთხოვნის დონით. ეგზოგენური ცვლილება
ერთობლივ მოთხოვნაში (მოთხოვნის შოკი) იწვევს პროპორციულ ცვლილებას წარმოების დონეში.
თანაფარდობას წარმოების ცვლილებასა და ერთობლივი მოთხოვნის საწყის ეგზოგენურ ცვლილებას
შორის ეწოდება კეინზის მულტიპლიკატორი*
ერთობლივი მოთხოვნის მრუდი, რომელიც აჯამებს ეკონომიკის მოთხოვნის მხარეს. ის
შეიძლება გამომდინარეობდეს IS-LM მოდელიდან*, რომელიც 1930-იანი წლების ბოლოს
წარმოადგინეს კეინზის ზოგად თეორიაზე დაყრდნობით. IS-LM მოდელი წარმოადგინა
1937 წელს სერ ჯონ ჰიქსმა (Hicks, 1937), მოგვიანებით მოდელი უფრო პოპულარული ალვინ ჰანსენის
შრომის შემდეგ გახდა (Hansen 1953). მოდელის უფრო სრული აღწერისათვის, იხილეთ Blanchard
(2005) ან Menkiw (2007).. ეს მოდელი, შედგება ორი მრუდისგან, რომლებიც აკავშირებს წარმოებას და
საპროცენტო განაკვეთს: IS მრუდი გვიჩვენებს პროდუქტის ბაზრის წონასწორობას და LM მოდელი კი
ფულის ბაზრის წონასწორობას, ორივე განიხილება, როგორც ფასის მოცემული დონისათვის:
გაგრძელება.....
∑ =∑
t+i t +i
თითოეულ პერიოდში სამომხმარებლო ქცევა და მოხმარების
(1 + r ) (1+ r )
i i
0 0
დონე უცვლელი რჩება. ერთადერთი ცვლადი, რომელიც იცვლება,
1+ ρ i არის დანაზოგები, განსხვავება შემოსავალსა და მოხმარებას
u ′( Ct +i ) = λ შორის. პერიოდისთვის t=0 ინდივიდის დანაზოგი იზრდება B
გადახდისუნარიანობა
აქვს თუ არა საზღვარი ქვეყნის ვალის ტევადობას? ამ კითხვის დასმა უტოლდება ქვეყნის
გადახდისუნარიანობის* შეფასებას (ე.ი. ხელმისაწვდომობა რესურსებისა, რომლებიც
აუცილებელია ვალდებულებების შესასრულებლად).
შედარებით მარტივია განსაზღვრო, თუ როდის არის საოჯახო მეურნეობა ან კერძო ფირმა
გადახდისუუნარო, მაგრამ იგივეს ვერ ვიტყვით მთავრობაზე. ერთი შეხედვით, შეიძლება
უსაზღვროდ მოგვეჩვენოს ქვეყნის შესაძლებლობა, რომ უზრუნველყოს ვალის დაფარვა, რადგანაც
მას აქვს გადასახადების გაზრდის ძალაუფლება.
კიდევ ერთი სხვაობა ქვეყანასა და კერძო მსესხებელს შორის არის ის, რომ არ არსებობს
სუვერენული ვალის გარანტია. თუკი ქვეყანა უარს ამბობს ვალდებულებების შესრულებაზე, ვერც
ადგილობრივი და ვერც უცხოელი კრედიტორები ვერ შეძლებენ მათი აქტივების ხელყოფას (თუკი
ეს უკანასკნელნი არ დაიპყრობენ ქვეყანას). ვალის მქონე ქვეყნის დამოკიდებულება
კრედიტორების მიმართ დამოკიდებულია მის მიერ ვალზე უარის თქმის სარგებელსა და
დანახარჯზე. სარგებელი შეიძლება იყოს ვალისა და მასთან დაკავშირებული პროცენტის ჩამოწერა,
დანახარჯი კი, როგორც წესი, რეპუტაციას ეხება: ქვეყანა შეიძლება გამოეთიშოს ფინანსურ ბაზრებს,
ან, სულ მცირე, მომავალში დაეკისროს უფრო მაღალი რისკის პრემია. თუმცა, ისტორია გვიჩვენებს,
რომ ხშირია ვალზე უარის თქმის შემთხვევები და, განსაკუთრებით ამ ბოლო დროს, ქვეყნები
შედარებით სწრაფად აღადგენენ წვდომას ფინანსურ ბაზრებზე (Reinhart and Rogoff, 2008).
არსებობს იმის რისკი, რომ მთავრობამ უარი თქვას გადახდაზე იმ შემთხვევაშიც კი, თუ ის
გადახდისუნარიანია: ეს არის ლიკვიდურობის კრიზისი.
გადახდისუნარიანობიდან მდგრადობამდე
გადახდისუნარიანობა არის სახელმწიფო ფინანსების მდგომარეობა მოცემული
მომენტისათვის, ყოველთვის მნიშვნელოვანია იმის უნარი, რომ წინასწარ მოხდეს დროის
ნებისმიერ სამომავლო პერიოდისათვის შესაძლო გადახდისუუნარობის განჭვრეტა. სწორედ
ამას შეეხება მდგრადობის* კონცეფცია.
სახელმწიფო ფინანსების მდგრადობა განსაკუთრებით მნიშვნე-ლოვანია მონეტარულ
კავშირში, სადაც ცენტრალური ბანკი დამოუ-კიდებელია, როგორც ეს მაგალითად ევრო
ზონაშია. ჩავთვალოთ, რომ წევრ ქვეყანას არ შეუძლია ვალის უზრუნველყოფა (პროცენტი
და ძირითადი თანხა). გამომდინარე იქედან, რომ ის ვერ განახორციელებს მონეტიზაციას
ცენტრალური ბანკის მიერ, არსებობს სამი ვარიანტი:
(1) მასიური რეგულირება, რომელიც მოიცავს ძირითადი დანახარჯების შემცირებას და
გადასახადების ზრდას;
(2) დროებითი დახმარება სხვა წევრების და საერთაშორისო სავალუტო ფონდის მხრიდან;
(3) ნაწილობრივი დეფოლტი, როდესაც მთავრობა კრედიტორებთან ერთად განიხილავს
ვალის შემცირებას. მეორე ვარიანტი მიეკუთვნება მოკლევადიან გადახდისუნარიანობის
პრობლემას, მაგრამ არა მდგრადობას, რადგანაც კრიტიკულ შემთხვევებში გაწეული
დახმარება დროებითია და მისი ანაზღაურება აუცილებელი იქნება. რაც შეეხება
უკანასკნელს, ბანკის აქტივების გაუფასურებით (რაც მოიცავს მთავრობის ფასიან
ქაღალდებსაც) მოხდება საბანკო კრიზისის დაწყება. საბოლოო შედეგი შეიძლება იყოს
უცხოური ბანკების მიერ კრიზისში მყოფი ბანკების გამოსყიდვა, ან უარეს შემთხვევაში,
ფაქტის დადგომის შემდეგ ცენტრალური ბანკის მიერ მონეტიზაციის გადაწყვეტილების
მიღება. ხშირად დახმარება, რეგულირება და ხელახალი დაგეგმარება არ არის ეფექტიანი
გზა მდგრადობის აღსადგენად, მაშინ განიხილება ვალის შემცირება მის სახელმწიფო და
კერძო კრედიტორებთან. ეს მოლაპარაკებები ტარდება პარიზის კლუბში (ოფიციალური
კრედიტორებისთვის), ლონდონის კლუბში (ბანკებისთვის) ან სპეციალურ ფორუმებზე
(არასაბანკო კერძო კრედიტორებისთვის).
ვალის მდგრადობის შეფასება