СОБРАНИЕ НА РЕПУБЛИКА СЕВЕРНА МАКЕДОНИЈА

Врз основа на членот 75, ставови 1 и 2 од Уставот на Република Северна Македонија,

претседателот на Република Северна Македонија и претседателот на Собранието на
Република Северна Македонија издаваат

УКАЗ ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ НА ЗАКОНОТ ЗА

СПОРТОТ

Се прогласува Законот за изменување на Законот за спортот,

што Собранието на Република Северна Македонија го донесе на седницата одржана на
20 ноември 2019 година.

Бр. 08-6177/1 Претседател на Република

20 ноември 2019 година Северна Македонија,
Скопје Стево Пендаровски, с.р.

Претседател
на Собранието на Република
Северна Македонија,
м-р Talat Xhaferi, с.р.

ЗАКОН ЗА ИЗМЕНУВАЊЕ НА ЗАКОНОТ ЗА СПОРТОТ

Член 1
Во Законот за спортот („Службен весник на Република Македонија“ брoj 29/2002,
66/2004, 81/2008, 18/11, 51/11, 64/12, 148/13, 187/13, 42/14, 138/14, 177/14, 72/15, 153/15,
6/16, 55/16, 61/16, 106/16 и 190/16 и „Службен весник на Република Северна Македонија”
брoj 98/19), во член 14 – г ставот 9 се менува и гласи:
„Органот на државната управа надлежен за работите од областа на спортот формира
Централна комисија за евалуација на предлог - листата (во натамошниот текст:
Централната комисија), за период од четири години, која се состои од претседател и шест
члена по предлог на Владата на Република Северна Македонија.“.
Во ставот 16 зборовите: „примаат надоместок по одржана седница“ се заменуваат со
зборовите: „не примаат надоместок по одржана седница“.
Ставот 17 се брише.
Ставот 18 станува став 17.
Член 2
Националните спортски федерации во рок од 5 дена од денот на влегувањето во сила на
овој закон ќе достават предлог - листи на спортски клубови и активни спортисти кои ги
исполнуваат критериумите за користење на средствата од даночното ослободување за
2019 година до органот на државната управа надлежен за работите од областа на спортот,
а органот на државната управа надлежен за работите од областа на спортот во рок од 3
работни дена од денот на доставување на предлог – листите, ќе ги објави на својата веб
страница официјалните Листи на Национални спортски федерации, на спортски клубови и
на активни спортисти кои се натпреваруваат во индивидуални спортови и на други правни
лица кои имаат решение за вршење на дејност спорт кои ги исполнуваат критериумите за
користење на средствата од даночното ослободување согласно со овој закон и Законот за
данокот на добивка.

Член 3
Овој закон влегува во сила со денот на објавувањето во „Службен весник на Република
Северна Македонија“.

2 од 2