Shodaqallahul’adziim wa shodaqo rasuluhul habibul karim wa nahnu ‘ala dzalika..
1. Kalayan maksad muji, puji kasanggakeun ka Mantena Allah subhanahu wata’alaa,ُanuُparantos nyiptakeun makhluk papasangan, tina papasangan ieu ngabuahkeun pertikahan, tina pertikahan ieu ngabuahkeun rundayan, media kangge bakti ka Mantena Allah swt. 2. Rahmat sinareng kawilujeungan muga Allah netepkeun sapapaosna ka Jungjunan Agung, Pamingpin urang sadaya, nyatana Kanjeng Nabi Muhammad saw. Anu parantos naratas jalan kahirupan geusan tuturkeuneun urang sadaya nuju ka geusan bagja. 3. Teu hilap ka para kulawargina, para sohabatna, oge urang sadaya anu sami tunduk tumut kana ajaran Mantena. 4. Ku Barokah Pamuji sinareng sholawat, khusus kangge panganten sakalih, umumna kangge urang sadaya anu sami hadir, mugia Allah ngalungsurkeun pituduh, pitulung, rahmat sareng maghfirohna. Mugia urang sadaya diangkeun janten umat kanjeng Nabi tur kenging syafaat ti Mantenana. Aamiin. 5. Para sepuh lelencer turus turunan, para pupuhu payung iye wewengkon, utamina pinisepuh ti pihak panganten pameget, saderek kadang mitra sadaya anu ku pribados dipihurmat. 6. Jisim kuring ngabantun asmana Pun Uwa, kersana Wa Asam kalih istri, langkung tipayun nyanggakeun lemek pangrampes, jagong tuhur meunang ngunun haturan wilujeng sumping ka rombongan calon mempelai panganten pameget ti cikoneng, tutut gunung keong reuma sumangga geura caralik. 7. Bingah amartasuta bingah ka giri giri, bingah anu taya papadana, wireh anu dianti-anti ti kamari, diantos-antos ti bareto, alhamdulillah parantos sumping, bari dina kaayaan wilujeng. 8. Kabingah simkuring sadayana didieu moal tiasa kagambarkeun ku lisan, moal tiasa ka reka ku tulisan, paripaos sepuh Gunung luhurna tanpa tutugan kujangkungna, sagara mayakpak lir tanpa tepi ku legana. Bawi raos, kabingah simkuring sadaya didieu langkung tikitu. 9. Mung rupina bingah teh mung dugikeun ka bingah wae, anapon kedah males budi kana kasaean wargi sadaya, bawi raos moal tiasa, mung nyanggakeun ka pangkuan Allah muga-muga sadayana anu terlibat dina ieu kaayaan kenging imbalan ti Allah kalayan ganjaran anu berlipat ganda. Aamiin. 10. Salajengna neda laksana hapunten tina sugri kakirangan, tata titi tindak tanduk duduga sareng peryoga nu teubih tina kautamian. 11. Oge hapunten dilinggihkeun sanes di rorompok sanes dina gedong anu agreng, sanes maksad simkuring sakulawargi ngamomorekeun mung patali kaayaan kamampuan jisim kuring sakulawargi mung dugi kaleresan dieu, sakali deui mugi luntur galih kersa ngahapunten, jembar manah mukakeun lawang panghampura anu saageung ageungna. 12. Salajengna panginten ngawaler naon rupi hal anu tadi parantos disanggakeun, bade to the poin wae, garis ageungna anu katampi ku simkuring nomer kahiji maksad silaturahmi nepangkeun tali kawargian nyangreudkeun tali kadeudeuh antawis keluarga ti cikoneng sareng keluarga ti Baginda ieu. 13. Hatur sewu nuhun laksaketi kabingahan, muga muga janji Allah tepat keuna ka urang sadaya, urang sadaya dipanjangkeun uswa dina kato’atan bari digampilkeun milik srg rizki urang sadayana. 14. Dupi pamaksadan anu kadua kakupingna seja nyanggakeun tuang putra anu jenenganana kang ………….ُkanggo diakad tikahkeun ka pun lanceuk, nyaeta teh Enung. Ieu ge katampi ku asta kalih kasuhun kalingga murda, teu bade disimpen dihandap-handap disimpen dina mbun mbunan, mung panginten Kang ……ُsakieuُkaayanana. 15. Ayeuna kang ……..ُbade mileleheungkeun ka teh Enung, hatur nuhun, muga muga wae sing juuh ku rahmat tur barokah ti Allah swt. Asmana Pun Uwa sakali deui nampi disanggaan calon panganten pameget kanggo diakad tikahkeun ka teh Enung, muga muga aya dina kalancaran tur kabarokahan mungguh Allah swt. 16. Anu katiluna atuh kakuping senah make janjang jinjing, sagala rupa dicandak, panginten eta mah tos adat kabiasaan, da panginten tipayun ge muhun parantos katampi, ari ayeuna katambih deui ku rebo cacandakan, hatur sewu nuhun tawis kadeudeuh katineung ti Kang …..ُsakulawargiُkanggeُteh Enung didieu, katampi Kang ….,ُmugiaُnaonُrupi hal anu parantos disanggakeun manfaat kangge bekel mayunan rumah tanggi. 17. Daun jengjing jeung sanawa aya hileud dina karanjang saleresna mah sanajan teu jinjing bawa ge teu naon naon nu penting mekel nu buleud tur panjang. 18. Punten buled didieu sing buleud cinta kasihna, buleud kaimnanana, buleud paniatanana 19. Panjang teh, sing panjang lengkahna, panjang pangaharepanana, panjang jeujeuhanana, mudah-mudahan ku eta bekel, hasil naon rupi anu dipimaksad. 20. Terakhir panginten nyangkut sareng ieu pangiring sadaya, alhamdulillah maksad bade nyakseni sareng ngadu’akeun ka dua mempelai di tempat pangakadan, pangharepan urang sadaya tangtos kitu, mudah-mudahan naon rupi anu dipimaksad ku shohibul hajat diijabah ku Alloh swt. 21. Pur layung kasinugrahaan bray siang banjaran bagja, sakitu dialap cekap, hapunten anu kasuhun, wallahu muwaffiq illa aqwamittariiq. Wassalamu’alaikum wr wb.